جرة المنكوس

[سلمى]

والله إن بعض التغاريد ف تويتر بلا
لا اعرضت للعين عبراتها متتاليه

يا قصيدٍ مر ف البال بك قلة هلا
حولت بي مفرداتك من أعلى عاليه

يوم قلبي من جروح الزمن سج وخلا
استثار الموقف جروحي المتشاليه

وقمت اهوجس واندب الحظ وأغني على
جرة المنكوس وعباد ربي ساليه

ونتي ونة غريبٍ عن دياره جلا
نازلٍ في ديرة القوم وأيده خاليه

ما رحل بسلاح وأموال وأيضا ما سلا
عن ديارٍ عاش فيها حياةٍ حاليه

ذاق طعم المر من عقب ماذاق الحلا
تالي أيامه يهل الدموع الغاليه

باح صبري والرجاء فيك يارب الملا
فرّق همومٍ لكثر الحنين مواليه

رد لي شيٍ عليه الزمن شرب وكلا
يامميت الحي محيي العظام الباليه

#سلمى

[ملكة الرواسي]

نص راقي برقيك
يعطيك العافية ولا هنتِ غلاي

[رحيل]

الله عليك سلمى
ابدعتي الى مالا نهاية
صح لسآنك
ودام هالتميز والحضور الراقي

[محمد الغنامي]

الله الله
شاعرتنا سلمى
صح لسانك واعتلاشانك
مبدعه وجزله شاعرتنا الرائعه
سجلي مروري وتقديري
ولك اجمل تحيه

[ريم الفلا]

رائعة ياسلمى
صح لسانتس مدد ولاهنتي

[الجووهره]

مبدعه شاعرتنا سلمى
صح لسآنك مليوون ولا يكفوون
ويعطيك العآفيه على هالرآئعه

[هزاع محمدالعاصمي]

صح السانك شاعرتنا ابيات جميلة رغم حزنها
ابدعتي في بنائها يعطيك العافية وبالتوفيق

[عبدالله الصقري]

صح اللسان و سلم البنان
و دام مدآد قلمك
دمتي بكل خير و محبَّه
ولك ودي و تقديري و احترامي

[النجلاء]

صح الله لسانك ملايين شاعرتنا الراقيه
مبدعه وجزله وشهادتي فيك مجروحه
دمتي ودام مداد قلمك ورقي حرفك
تقديري لسموك
النجلاء

[مهرة يام]

صح لسانك شاعرتنا
ابيات جزله وفخمه
من شاعره جزله ومبدعه