سلمى
20-02-2019, 07:58 AM
ما بين طعنة صديق وبين ضحكة عذول
أطراف الأعذار في التبرير متراميه
ودموعي موقفه من ناظري في ذهول
والكبد نار التغاضي فوقها حاميه
ود المشاريه في قلبي تصول وتجول
لكن دونه ضلوع الصدر متحاميه
وايضا قياس الحراره في طلوع ونزول
والهم يرقى بروحي للسماء الساميه
على بحور القصيد العذب عرضٍ وطول
آرد وأنا ظاميه وأصدر وانا ظاميه
نفسي عيوفه ولا ترضى نصاف الحلول
والطيبه جذورها في داخلي ناميه
ولا تقولون صح لسانك ألفين حول
يا مبدعه يا جزيلة حرف يا ساميه
مافي لساني بلا ومن أفصح الناس قول
قولوا عساها تصح جروحي الداميه
#سلمى
أطراف الأعذار في التبرير متراميه
ودموعي موقفه من ناظري في ذهول
والكبد نار التغاضي فوقها حاميه
ود المشاريه في قلبي تصول وتجول
لكن دونه ضلوع الصدر متحاميه
وايضا قياس الحراره في طلوع ونزول
والهم يرقى بروحي للسماء الساميه
على بحور القصيد العذب عرضٍ وطول
آرد وأنا ظاميه وأصدر وانا ظاميه
نفسي عيوفه ولا ترضى نصاف الحلول
والطيبه جذورها في داخلي ناميه
ولا تقولون صح لسانك ألفين حول
يا مبدعه يا جزيلة حرف يا ساميه
مافي لساني بلا ومن أفصح الناس قول
قولوا عساها تصح جروحي الداميه
#سلمى