شفت الوداع ✋🏻

[بشير العتيبي]

شفـت الـوداع المصور في ملامحك
شـ اللي جـــرى يا فـضـا حبي وقاعه

حنـا اتـفـقـنـا تـصـارحني واصارحك
ولاعــاد لك في مـصــارحتي شجاعه

ارجوك قل وش جرى وانا باصالحك
لا يـخـدعـك كــــل غـــدار بـ قـنـاعه

وإن كــان تبغا الـفـراق الله يسامحك
ودعـتـك الله ومــــعـــك قلبي وداعه

ماني لك مــخـاصــم ولاني بجارحك
دام الغلا يـجــلـي اجـروحك شعاعه

من وين ما الــد انـا بـ العـين لامحك
فـي صـحـوتـي في منامي كل ساعه

أن جـيـت مـاني على الفرقا بناصحك
غـيـر الـوصـل والله أن مـالـي طماعه

ابا أبـتسـم لك وأهلي بـك واصافحك
وافـتـح لك الـقـلـب قــدر الاستطاعه

وإن رحت مـاني مـن الهجران ذابحك
والقلب مـا أســدل على الفرقا شراعه

يا بـحـر مـوجــك ما يثني عزم سابحك
أصــارع أمــواجــــك بــعــزم وقـنـاعه

سـاعـه بـسـاعــه تـطـارحني واطارحك
وأفـوز واخــســر وقـلـبي الـشـوق لاعه

ونـزعـل وتـرجــع تـسـامـحـني واسامحك
وشـان الــقــدر والـزمــن شـانـت طباعه

يا زيـن وقـتـن تـمــازحـنــي وامـازحك
ويا شـيـن وقــــت الـتـجـافي والقطاعه

الشاعر بشير العتيبي

[مهرة يام]

ياسلام صح لسانك يالجزل
ابيات كلها فخامه وجزاله
لاهنت شاعرنا
تقبل مروري واحترامي لك

[ملكة الرواسي]

كعادتك شاعرنا مبدع
صح لسانك مليون

[الجووهره]

بشير العتيبي
قصيده جزله وأبيآت رآئعه
صح لسآنك مليوون ولا يكفوون
ويعطيك العآآفيه على هالرآآئعه

[الناقد/عبدالله الروقي]

صح لسانك يابشير على الأبيات الرائعة
حياك الله وبياك ولاهنت على حضورك وتشريفك
والتقدير لك,,,

[النجلاء]

بشير
صح الله لسانك مدد شاعرنا
مبدع وجزل وشهادتي فيك مجروحه
دمت ودام مداد قلمك ورقي حرفك
تقديري لك
النجلاء

[رحيل]

الله الله
صح لسانك لين ترضى على هالرائعة
ولاهنت

[محمد الغنامي]

الله الله
بشير العتيبي
صح لسانك واعتلا شانك
نص عذب وحميل كما عهدناك
سجل اعجابي وتقديري
ولك اجمل تحيه