مرحبا مرحبا بالحجيري ؟؟؟

[غازي العتيبي]

السلام عليكم ورحمة الله وبركاته
بعد ماجاب الله الحجيري الاخ والشاعر العزيز
ودنا نلعب معه طاروق حييت يالذيب واستلم


مرحبا مرحبا بالغايب اللي تمادا = في غيابه وانا باحاسبه في غيابه
كل نارن ليا شبت تعود رمادا = مار ذيب الوغي يذبح ليا عض نابه

[عبدالاله الحجيري]

الله يبقيك ويبارك فيك واعتذر لكم على التقصير واستلم



البقا والغنايم جات من بعد عادا=وانت خابرك تسمر فوق صوت الربابه
حكمتك صح مير الوقت صبر وجلادا=والذيابه سلايلها تراها ذيابه

[غازي العتيبي]

ليت علمك ليا قلته يعود وكادا = ولانا مع رجال العرف جابه بجابه
حكمتي واقعه فالوقت ولها شهادا = فرق بين الهوينه فرق بين الصلابه

[عبدالاله الحجيري]

لا تحط الفتيله حيد راس الزنادا=ثم تحرقك ما تنفعك عزوه ولابه
ياسفير تنّقل من بلاد لبلادا=انت مثل اللذي فالليل قلّب ثيابه

[غازي العتيبي]

لو تحارب مريكا خبت يأحمد نجادا = وانتبه فالجزيره من فوارس عتابه
ابك انا صقر ولي ابك دارن هدادا = ياوعل لاتمشى وانت في وسط غابه

[عبدالاله الحجيري]

يالعتيبي ترانا شعب والامن سادا=انتبه للغشيم ان كان نثّر زهابه
انت نظرتك يمّ الخرج ولاّ الشدادا= تضفر ايّات منها قبل يثني ركابه

[إبراهيم صبحي العضيله]

الله الله الله

الله يعطيكم العافيه

مبــــــــــــدعين

صحت السنتكم

تحياتي

[غازي العتيبي]

كل زرعن ياولد اسليم يلقى حصادا = مار من يزرع الصبخى حصاده عذابه
مدتك نصها تنشب لكم فالايادا = لاتمشى بواد الداب يقرصك دابه

[غازي العتيبي]

ابن صبحي
صح ابدااانك ومرورك شرف يالذيب
لاهنت

[هجاج الهاجري]

صحت السنتكم

تحياتي

[سراج الجعيد]

الله اكبر
صح اللسنتكم جميع

[شجن]

...ماشاالله

..صحت ألسنتكم ياذيابه.. ..

[محمد الروقي]

اشهد بالله انها رايعه

ياولد ياولد اليوم غازي غير اثر معك جنيه يالجني

والحجيري خابرين جنون سليم وخاصه فالمحاوره من قديم

صحة السنتكم وفاتني نص عمري

[غازي العتيبي]

الهاجري - الجعيد
المهره العصيه
صحت ابدااانكم ولاهنتم
مروركم اسعدني
تحياتي للجميع

[غازي العتيبي]

اشهد بالله انها رايعه

ياولد ياولد اليوم غازي غير اثر معك جنيه يالجني

والحجيري خابرين جنون سليم وخاصه فالمحاوره من قديم

صحة السنتكم وفاتني نص عمري
هههههه
الرايع مرورك يالذيب لاهنت
وشهادتك وسام على صدري يابن روق
وصح ابدانك
تقديري واحترامي