جرح ٍ وفي

[عبدالله الصقري]

بانتظارك .. لكن اشلون التقيك
أحضنك و الا بـشـوفـك أكتفي

آآآه لو عآنقت للّي مــا نسيـك
تحتـرق باشـوآقـــه وما تنطفي

قلت اجيك وما سمح ظرفي أجيك
لين صآر البعـد يحرج موقفي

مـا أبيك تهين قلب يموت فيـك
مهتني بـتعـذيـب حب ٍ مختفي

قلت اصـدّ و لو تكون اغلى شريك
للفـؤاد اللي بـ جرحـك محتفي

خفت لو حسّيت بي إنِّي أبيك
من دلالك من غرورك تقـتفي

لــيـــت حــب ٍ مبتليني مبتليك
كان تلـويـع المشـاعـر مكتفي

كان ما صار الهوى عبد و مليك
يـوم كل ٍ من شفـا خلّـه شفي

لا تظن بـ طول بعدك بـ انتهيك
لا ولا قلبي لـغـيـرك مصطفي

ياحياتي . ومن هنا لين التقيك
باعتبر إحسآسنـا جرح ٍ وفي

[مهرة يام]

صح لسانك يالصقري
نص فخم وجزل
يعطيك العافيه شاعرنا

[ملكة الرواسي]

الله عليك شاعرنا
نص رااااااااااقي يعطيك العافية ولا هنت
يسلم قلمك المتميز

[النجلاء]

الصقري
صح الله لسانك مدد
ابدعت وامتعت شاعرنا الجزل
دمت ودام مداد قلمك ورقي حرفك
تقديري لسموك
النجلاء

[خيال مطير]

صح لسانك
لاهنت يالامير

[محمد الغنامي]

الله الله

عبد الله الصقري
صح لسانك واعتلا شانك
نص جميل ورائع شاعرنا
سجل اعجابي وتقديري
ولك اجمل تحيه

[رحيل]

صح لساااااااانك ودام ابداعك
ولاهنت

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[عبدالله الصقري]

صح بدنكم و سلمكم ربي

و صبَّحكم الله بالف خير و نور

دمتم بكل خير و محبَّه

و لكم كل الود و التقدير و الآحترام