رأس مال الخاطر

[سلمى]

من بعيداات الهقاوي وخيبات الظنون
والشعور اللي من سنين ماكنت أحسبه

انفجر دمعي وغطى محاجير العيون
وسال لين أصبح لخدي مواري بسببه

الطواري جددت لي جروحي والطعون
قمت اغني واذرف الدمع والحظ اندبه

ناح ورق الحب فيني ومالت به غصون
الوله والشوق والفقد شي آمنت به

هيه يا شفي ويامن على إحساسي تمون
لا كتبت البيت فيك أتراجع وأشطبه

ثم اعيد صياغته واتفنن باللحون
لين اجيب الجزل لو كان عالي مرقبه

أنت شانك شان والشعر شأنه ما يهون
مير قاف ما يوفي مقامك ما أكتبه

أنت روحي نبض قلبي ولأحزاني زبون
رأس مال الخاطر اللي يبيك ومكسبه

خالقك ربي ولله في خلقه شؤون
وحط لك في مهجة القلب قدر ومرتبه

أحمد الله واشكره عد ما كان ويكون
وكثر ماهي في حلاياك عيني مُعجبه

#سلمى

[جراح]

صح لسانك واعتلا شانك
ابداع في ابداع
قواك الله,,,,

[ريم الفلا]

أنت شانك شان والشعر شأنه ما يهون*
مير قاف ما يوفي مقامك ما أكتبه*

رائعة ياسلمى صح لسانتس مدد
ولاهنتِ.

[النجلاء]

الله الله
ياسلام عليك وصح الله لسانك ملايين
ابدعتي وامتعتي شاعرتنا الرائعه
تقديري وتقييمي وختم التميز لسموك
النجلاء

[مهرة يام]

صح لسانك شاعرتنا
ابيات فخمه وجميله
يعطيك العافيه

[سعود العتيبي]

خالقك ربي ولله في خلقه شؤون
وحط لك في مهجة القلب قدر ومرتبه

أحمد الله واشكره عد ما كان ويكون
وكثر ماهي في حلاياك عيني مُعجبه

لو ماقلتي الا هالبيتين تكفي ياسلمى
صح لسانك وحرفك وابداعك
مافيك حيلة ابد
وصح لسانك مدد

[عبدالله الدّنّيش]

هيه يا شفي ويامن على إحساسي تمون
لا كتبت البيت فيك أتراجع وأشطبه

ثم اعيد صياغته واتفنن باللحون
لين اجيب الجزل لو كان عالي مرقبه

^^^
الله الله على الجزالة يا جزلة
صح لسانك شاعرتنا سلمى
قصيدة في غاية الحبك والسبك
وليس غريب عليك هذا الإبداع
&
أنت شانك شان والشعر شأنه ما يهون
مير قاف ما يوفي مقامك ما أكتبه
^
كتبتِ فأبدعتِ هذه الدرة الماسية
شكرا لقلمك الذي أروى صفحات الذائقة ،،
ودام إبداعك مع أطيب التحايا والمنى ،،

[نايف الناجي]

سلمى الشموخ
صح الله لسانك حتى الرضا
تحيتي وتقديري

[الناقد/عبدالله الروقي]

مبدعة يالجزلة تستاهلين وسام التميز!
ناح ورق الحب فيني ومالت به غصون
الوله والشوق والفقد شي آمنت به
ياسلام!
ثم اعيد صياغته واتفنن باللحون
لين اجيب الجزل لو كان عالي مرقبه
الله عليك أبدعتي يالقرمة،،

[الجووهره]

أبدعتي وأمتعتي سلمى

قصيده جزله وأبيآت رآئعه
احترت بالاقتباس كلها رائعه وجميله
صح لسآنك مليوون ولا يكفوون
ويعطيك العآفيه على هالرآئعه
يا رآآآئعه

[ملكة الرواسي]

الله عليك ابدعت يالغلا
صح لسانك مليووووووون

[رحيل]

الله الله
سلمى
صح لسانك مليوووون
هالدرة الرائعة
لاهنتي

[محمد الغنامي]

الله الله

شاعرتنا سلمى

صح لسانك مليون يالجزله

ابداع لحد الامتاع الله لايظرك
سجلي اعجابي وتقديري

ولك اجمل تحيه

[عاشق]

صح لسانك ويعطيك العافيه
نص جزل شاعرتنا الرائعه
تحياتي

[الناقد/عبدالله الروقي]

ترفع للقارئ الكريم
,,,,