قصيدة حب

[عبدالله الدّنّيش]

‏السلام عليكم وأسعد الله أوقاتكم بما يسر ولا يضر
العالم هذه الأيام يتبادلون التحايا بمناسبتهم
ويقولون ( مِري كرسماس أند هبي نيو يير )
ونقول الله يهنيهم بما يعتقدون في سلم وسلام
وأقول لكم : كل ساعة وأنتم في خير وسعادة وسلام

^^
تواصلا مع تاج القصيد .. تعبير بسيط بهذه الأبيات
وعلى ذكرى المرحوم الفنان طلال مداح تذكرت مواله
المشهور : ما سكرنا من المدام ولكن ، خمر شفتيك أسكرت فسكرنا !!

^^
( قصيدة حب )


على جرته جريت لحني على المنكوس = وهاضت فياض الصدر من جرة الحانه
يلاحي هجوسٍ كنها الطرق بالناقوس = توَلوِل أيا ويلاااه من روح شفقانه
على حافر القيفان تاطأ القدم وتدوس = وقافٍ يهزّ الكفّ لو صك بيبانه
على سكّته ماشين والحظ بالمعكوس = ألا يا قطار الحظ ساير على شأنه
الأبراج منزال القمر والسماء محروس = وبرج العرب زايد بقوسه وميزانه
على شرفته يشرق ويغرب قمر وشموس= وتضوي نجوم الليل في ظفّ جنحانه
وتحلى حكايات النواسي وهزّ الروس= ورشفة نبيذ الشعر والروح سكرانه
وتلثم ثريا الصيف وتضمها وتبوس = ويسرح خيال الشوق للبدر وأوجانه
وتبرز قوافي العجز والصدر بالمحسوس= وينشي قريح الهجس بيته وقيفانه
وتكمل قصيدة حب في ليلها المعسوس = على لحنها المنكوس بالقاف نشوانه
‏
^^
وسلامتكم

[صالح العازمي]

صح لسانك ياعبدالله على الأبيات الجزله
وعساك على القوة ولاهنت

[الجووهره]

مبدع عبد الله الدنيش
صح لسآنك مليوون ولا يكفوون
ويعطيك العآفيه على هالرآئعه

[هزاع محمدالعاصمي]

صح السانك شاعرنا
ابيات بحق جميلة ورائعة بناء ومعنى
بلا شك تطربني شاعريتك فكن بالجوار وفي الانتظار
دائماً لما هو جديد منك بالتوفيق وصح السانك مرة
اخرى

[محمد الغنامي]

الله الله
عبدالله الدنيش
صح لسانك واعتلا شانك
مبدع وجزل شاعرنا كالعاده
سجل اعجابي وتقديري
ولك اجمل تحيه

[ملكة الرواسي]

الله عليك شاعرنا
صح لسانك ولا هنت

[شاعرة نجد]

صح لسانك شاعرنا
رائعه من روائعك العذبه

تقديري,’’

[سعود العتيبي]

وتبرز قوافي العجز والصدر بالمحسوس= وينشي قريح الهجس بيته وقيفانه
وتكمل قصيدة حب في ليلها المعسوس = على لحنها المنكوس بالقاف نشوانه

بيتين عن قصيدة
صح لسانك مليوون يا جززل
ابدعت ياشاعر

[الناقد/عبدالله الروقي]

صح لسانك يابو عامر على الأبيات الفاخرة
أتمنى أن يدوم هذا الحضور الجميل يارائع
وتقبل فائق الاحترام والتقدير،،،،

[عبدالله الدّنّيش]

صح لسانك ياعبدالله على الأبيات الجزله
وعساك على القوة ولاهنت
^^
مرحبا مليون شاعرنا العازمي صالح وصح بدنك

وشكرا لكرم حضورك وكريم إطرائك وما عليك زود ،،

لك كل التحايا والتقدير ،،

[عبدالله الدّنّيش]

مبدع عبد الله الدنيش
صح لسآنك مليوون ولا يكفوون
ويعطيك العآفيه على هالرآئعه
^^
صح بدنك يالجوهرة .. وشكرا لحضورك الرائع
سلمت ودمت .. مع أجمل التحايا والتقدير ،،

[عبدالله الدّنّيش]

صح السانك شاعرنا
ابيات بحق جميلة ورائعة بناء ومعنى
بلا شك تطربني شاعريتك فكن بالجوار وفي الانتظار
دائماً لما هو جديد منك بالتوفيق وصح السانك مرة
اخرى
^^
يا هلا وغلا شاعرنا هزاع وصح بدنك يالحبيب
وشكرا لحضورك الكريم وإشادتك المعهوده والمحفزة
وصح كلك وما عليك زود .. ولك كل التحايا وأطيبها ،،

[جراح]

صح لسانك واعتلا شانك
ابداع في ابداع يالقرم
قواك الله,,,,

[مهرة يام]

صح لسانك ملايين
مبدع وجزل
يعطيك العافيه على الرائعه
اعجابي وتقديري

[رحيل]

وعليكم السلام ورحمة الله وبركاته

صح لسانك حتى ترضى ودام ابداعك

وشكراً على هالتواصل الجميل
عساه دايم تواصلكم مع التاج (:

[ريم الفلا]

مبدع واكثر شاعرنا
صح لسانك مدد ولاهنت

[عاشق]

صح لسانك ويعطيك العافيه
نص جزل شاعرنا الرائع
تحياتي

[عبدالله الدّنّيش]

الأعزاء //
محمد الغنامي

ملكة الرواسي

شاعرة نجد

سعود العتيبي

الناقد / عبدالله الروقي

جراح

مهرة يام

رحيل

ريم الفلا

عاشق

كل الشكر لمروركم الكريم وصحت أبدانكم
تشرفت بحضوركم وإطرائكم وعساكم سالمين
لكم أطيب التحايا وأثمن التقدير ،،

[عبدالله الصقري]

صح اللسان و سلم البنان

و بيض الله وجهك يالسمي

دمت بكل خير و محبَّه

و لك كل الود و التقدير و الاحترام