قصيدة رواسي نجد

[ريم الفلا]

السلام عليكم ورحمة الله وبركاتة

أسعد الله جميع أوقاتكم بالخير والرضاء والسعادة

انتهت قصيدتنا.. التي جمعت شعراء وشاعرات
منتدى رواسي نجد.

كل الشكر والتقدير،، لكل من وضع بصمتة وحسه الشعري~

وفي نهاية هذا الموضوع، لا أستطيع القول بأننى قد وفيت الموضوع حق، ولكنني بذلت جهدي ومجهود أخواني الشعراء في التنسيق والمتابعة
وأسال الله أن أكون قد أحسنت وأصبت.


https://www.r111n.com/t39838.html

‏
رواسي نجد هذا الصرح شامخ ما اختلف مبناه=وحنا اللي بنينا صرحنا طوبه على طوبه


رواسي نجد صرحٍ لو نعيف اصروح ماعفناه=عليه اركاب شعري درهمت نوبه ورى نوبة


رواسي نجد نادينا على أسمه والمثل يعناه=على مرساه نوَخنا ونار الشعر مشبوبه



جمعنا قلوبنا قدام بدع القاف ومغناه=ونبذنا اللي يعكر صفونا بغناه واسلوبه



على حب ومحبه في بياض قلوب شيدناه=وعلينا واجبٍ للمنتدى نعطيه ماجوبه



نسجل ماتبوح بْهْ المشاعر كل ماجيناهـ=نصوص مْن الذهب واللول والمرجان مكتوبه



سكبنا من الأدب شي جديدٍ ما سبق قلناه=أحاسيس تقل عطرٍ على الأوراق مسكوبه



بكل احساس نضويله على كف الوفاء شلناه=بمعنى الشوق ناجيته على كيفه ومطلوبه


سعينا له وقمنا به ويم السحب عليناه=وخلينا شموخه بالجزايل يدفن عيوبه



شموخٍ يرسم علوه قصيدٍ ارتبط معناه=يشيّد في تفاصيله بحورٍ بالوفا تجوبه



تجمعنا على طيب ونقاء والقاف طوعناه=ورايات الجزاله في سماء الإبداع منصوبه



سبحنا بالبحر عرضه وطوله لين عديناه=سبحنا بالبحور السبع والطالات منجوبه



محيط الشعر نبحر به بكل أفكارنا خضناه=سبحنا به وغنينا هلاليه ومسحوبه



ليامنه تلاطم موجه الهايج نعَرف غناه=وجديد القاف عن نقد المتابع نلبسه ثوبه



شموخٍ بالقصيد وبالأدب والعلم طورناه=وبالإبداع سوَّى للمتابع ثامن اعجوبه



طويل المنفتل يلحق ليا زانت ودليناه=تجي منا لها قيمه ومحبوبه ومرغوبه



ألا ياحيِّ صرحٍ بالوفا رحّب وحيـّيناه=وحي أهله وعمَّاره وكل اللي تواصوا به


عسى اللي شيّده يبقى سعيدٍ دايم بدنياه=.. ويعيش بعزه الدايم ويحقق كل مطلوبه
‏

وسلامتكم

[ريم الفلا]

اذا ممكن تنسيق القصيدة

[خيال مطير]

صح لسانك يالريم
وصح لسان كل من ساهم معك
من شعراء وشاعرات
في هذا الموضوع الجميل
لهذا الصرح العملاق
مجهود تشكرين عليه
وتقديري واعتزازي
لسموك
وختم التميز
خيال ~

[رحيل]

وعليكم السلام ورحمة الله وبركاته

شاعرتنا ريم
كفيتي ووفيتي ياغالية

صحت السنتكم جميعاً
تعودنا دائماً منكم الإبداع
وﻻيستغرب انتم اهل للتميز

[محمد الغنامي]

السلام عليكم ورحمة الله وبركاته
شاعرتنا ريم الفلا

صح لسانك ودام حضورك

فكره جميله جداً وتشكرين عليها

والشكر الجزيل لكل شعراء وشاعرات هذا الصرح اللذي يفتخر بتواجدكم الكريم

هذا الصرح اللذي بتكاتفكم وجهودكم بعد الله بقى صامداً في وجه الرياح اللذي اجتث مواقع كان لها صداها

بأخوتكم الصادقه وقلوبكم الطاهره وقفتو جميعاً ويداً واحده بالرقي والنهوظ بهذا الصرح الشامخ
فلكم مني شخصياومن الطاقم الاداري كافه جزيل الشكر والعرفان على ماقدمتوه وماتقدمونه
سائلا الله عز وجل اللذي جمعنا في هذا الصرح ان يجمعنا وياكم في جناتِ

عرض السموات والارض وان يجعلنا نتقابل على حوضِ من حياظ الجنه
وبهذه المناسبه احب ان اقدم هديه وهي عباره عن
1000 مشاركه لكل من شارك في القصيده
و1000 تقييم للجميع

ودمتو بخير

[النجلاء]

شاعرتنا الرائعه ريم الفلا
صح الله لسانك وصح الله لسان جميع الشعراء المشاركين في هذه القصيده
العملاقه
شكرآ لكم شعرائنا المبدعين على جهودكم ووجودكم ودام ابداعكم
تقديري لكم
النجلاء

[الجووهره]

وعليكم السلام ورحمة الله وبركآته
شاعرتنا المبدعه ريم الفلا
قصيده جزله وأبيآت رآئعه
أبدعتي في الفكره الجميله وصح لسآنك كفيتي ووفيتي
صحت الالسن شعراء وشاعرآت روآسي المبدعين
ويستآهل منتدآنا الغآلي روآسي نجد
من ادآره رآئعه
وشعرآء وشآعرآت مبدعين
وأعضآء مميزين
ويعطيكم العآفيه جميعااا

[النجلاء]

السلام عليكم ورحمة الله وبركاته
شاعرتنا ريم الفلا

صح لسانك ودام حضورك

فكره جميله جداً وتشكرين عليها

والشكر الجزيل لكل شعراء وشاعرات هذا الصرح اللذي يفتخر بتواجدكم الكريم

هذا الصرح اللذي بتكاتفكم وجهودكم بعد الله بقى صامداً في وجه الرياح اللذي اجتث مواقع كان لها صداها

بأخوتكم الصادقه وقلوبكم الطاهره وقفتو جميعاً ويداً واحده بالرقي والنهوظ بهذا الصرح الشامخ
فلكم مني شخصياومن الطاقم الاداري كافه جزيل الشكر والعرفان على ماقدمتوه وماتقدمونه
سائلا الله عز وجل اللذي جمعنا في هذا الصرح ان يجمعنا وياكم في جناتِ

عرض السموات والارض وان يجعلنا نتقابل على حوضِ من حياظ الجنه
وبهذه المناسبه احب ان اقدم هديه وهي عباره عن
1000 مشاركه لكل من شارك في القصيده
و1000 تقييم للجميع

ودمتو بخير

يستاهلون شعراء رواسي الاهداء
ابو بندر
يعطيك العافيه على الهديه وهذه اقل شي يقدم لشعرائنا
الف مبروك لهم
تقديري لسموك
النجلاء

[محمد الـفراج]

قصيده اكتملت من جميع النواحي ولاهي غريبه على شعار رواسي نجد

صحت السنتكم جميعاً

شاعرتنا ريم الف شكر لكـ على جهودكـ
ويعطيكـ الف عافيه

[شاعرة نجد]

صحت السنتكم شعراؤنا وشاعراتنا
ولاهنتوا على هـ المعلقه الفااخرهـ والحضور السامي
ويستاهل صرحنا الشامخ

وتسلمين ريم على هـ الفكره والجهد الكريم لاعدمنا تواجدك
وشكرا جزيلا شاعرنا محمد الغنامي عـ الهديه
وسلمتم ودمتم,’’

[ملكة الرواسي]

رووعه ماشاء الله
لا هنتم يالمبدعين

[هزاع محمدالعاصمي]

عمل جميل ورائع اختنا وشاعرتنا ريم الفلا تشكرين عليه
بحق مهما قلنا فلن نوفيك حقك عمل رائد وغير مسبوق كما اشكر جميع شعراء وشاعرات هذى الصرح
على تفاعلهم مع الموضوع الله يديم الأخوة والمحبة
بين الجميع وبالتوفيفق

[ريم الفلا]

رحيل تسلمين على التنسيق
تسلم يدينك غاليتي

محمد الغنامي ماقصرت ربي يسعدك ويستاهلون شعرائنا وشاعراتنا انت كريم وهم يستاهلون

[ريم الفلا]

رحيل .. خيال مطير..
محمد الغنامي .. النجلاء .. شاعرة نجد.. ملكه
محمد الفراج ..الجوهرة .. هزاع

شاكره مروركم احبتي ولاعدمتكم

[نايف الناجي]

وعليكم السلام ورحمة الله بركاته

وحـنـا الـلـي بنيـنـا صرحـنـا طـوبـه عـلـى طـوبــه

ان اختلفت الاسماء تبقى المشاعر واحده
في بناء هذه القصيده
صح الله السنة الشعراء والشاعرات على هالجزاله والابداع
كل الشكر والتقدير لصاحبة الفكره ريم الفلا
تحيتي وتقديري

[سعود العتيبي]

صح لسانك يالريم
وصح لسان كل من ساهم وابدع
من شعراء وشاعرات

تنسيق رائع في تسلسل المعنى
ومشكوور ابو بندر على الاهداء الجزل

[جراح]

صح لسان كل الشعراء المشاركين
ابدع غير مستغرب من اهل الابداع والجزاله
تقبلو مروري

[الناقد/عبدالله الروقي]

عليكم السلام ورحمة الله وبركاته
ماشاء الله ومبارك عليك ياريم نجاح هذا المشروع الرائد من اطروحاتك الجميلة
شكرًا للجميع ورواسي نجد يستحق أكثر وأكثر ، أنا أعتبره ليس موقعا للشعر وإنما مدرسة للشعر الجزل.
صح لسان كل من شارك ولايستغرب الوفاء من أهل الوفاء
وشكر خاص للأخ أبو بندر على الإهداء والمتابعة والله لايهينك ويعينك على المسؤولية
وشكر خاص لريم الله يعطيك العافية شاعرتنا وأنتِ عملة نادرة في سوق رواسي ومجهودك في السمو بالمنتدى مشاهد وملحوظ
والله يحفظ الجمع من كل مكروه ويديم عليكم الإخاء والمودة.

[ريم الفلا]

نايف الناجي .. سعود العتيبي
جراح ..
شاكره لكم مروركم ومشاركتكم
في قصيدتكم

[ريم الفلا]

عليكم السلام ورحمة الله وبركاته
ماشاء الله ومبارك عليك ياريم نجاح هذا المشروع الرائد من اطروحاتك الجميلة
شكرًا للجميع ورواسي نجد يستحق أكثر وأكثر ، أنا أعتبره ليس موقعا للشعر وإنما مدرسة للشعر الجزل.
صح لسان كل من شارك ولايستغرب الوفاء من أهل الوفاء
وشكر خاص للأخ أبو بندر على الإهداء والمتابعة والله لايهينك ويعينك على المسؤولية
وشكر خاص لريم الله يعطيك العافية شاعرتنا وأنتِ عملة نادرة في سوق رواسي ومجهودك في السمو بالمنتدى مشاهد وملحوظ
والله يحفظ الجمع من كل مكروه ويديم عليكم الإخاء والمودة.


منور شاعرنا والله يعافيك
وشكر خاص لك. متابعتك وتنسيقك يذكر
الله يعطيك العافيه ولاهنت

[عبدالله الدّنّيش]

صحت السنتكم جميعا شعراء الرواسي
والشكر لشاعرتنا ريم في تنفيذ هذه الفكرة
والشكر يمتد للأستاذ الناقد عبدالله الروقي
مهندس التصميم والإشراف على البناء ،،

والشكر والتحية للجميع ,,

[مهرة يام]

صح لسان شعرائنا وشاعراتنا
مبدعين الله يعطيكم الف عافيه
وتستاهلون الهديه وابو بندر موغريبه عليه
يعطيك العافيه يالريم على المجهود الجبار وماتقدمينه للرواسي

[ريم الفلا]

الدنيش .. مهرة
منورين

وحياكم الله جميع

[جراح]

صح لسان جميع الشعراء المشاركين
وبيض الله وجهك شاعرتنا على الفكره الرائعه
دمتي بخير

[الناقد/عبدالله الروقي]

منور شاعرنا والله يعافيك
وشكر خاص لك. متابعتك وتنسيقك يذكر
الله يعطيك العافيه ولاهنت

النور نورك الله يعافيك
وتسلمين ياريم،،

[عديم]

.. تناسق عجيب ولحمه مثيره `
صح الإبداع وبروح تجسيد العطاء الرمزي `

[الناقد/عبدالله الروقي]

ترفع قصيدة رواسي تستحق الرفع
______________