في هالزمان نشوف بعض الصبايا

[بشير العتيبي]

يـالله يــا عـالـم جـمـيــع الخفايا
يا واحـــدن كــل الملا تحت ظله

في الضيق تلجا لك جميع البرايا
احدن لجا مـن هجر وافـراق خله

واحدن لجا من فـقـر واللي معايا
يـرجـاك مـن هـذا الـزمـن لا يذله

في هالزمان نشوف بعض الصبايا
اطلق من شيوخ العرب يشهد الله

يـوم الـشـيـوخ مـهـمـلـيـن الرعايا
بـعـض النسا تـزهـا الثقيل وتشله

واسـواد الأوجـه والـفـعـل والنوايا
عقب الـتـغـربـل بالــردى والمذله

تـامـر عـلــى رؤس القـروم الشوايا
والكـفـؤ مــحــدن فــي زمنا يجله

فـي هالزمـان اللــي كثير الخطايا
لــه مـنـزلاً فـوق الـجـبــال المطله

والـقـرم فــيــه الـوقـت سـوا سوايا
وفــي خـافـقـه بالحزن مليون عله

الـوقـت لــه يرمـي بـسـهـم المنايا
والـحـزن يــوجـد وســط قلبه محله

الله يــا وقــت الــفــخــر والـحـمـايا
لـيـت الــزمــان يـعـود للـخـلـف كله

ويبعث لنا اللي فـي المقابـر ضحايا
حـقـد وخـيــانـة واحـدن فـي سجله

هــزل الـفـعـايـل مـن جـمـيع النحايا
مــا عــنــده ســلــوم وشـهـامــه ومله

يـشـري حـشــوده بـالـذهـب والهدايا
وسيـفـه على أصـحـاب الفضيله يسله

وأرواحــنــا صـــــارت بــكــفــه سـبـايا
وفـي أيـديـه صـــــار حـال دقــه وجله

الشاعر بشير العتيبي

[هزاع محمدالعاصمي]

صح السانك شاعرنا قصيدة بها من الجمال مايروي الذائقه
معنى وبناء والدنيا يومان يوم لك ويوم عليك ولعلى القادم يكون جميلاً
اسعدني المرور من خلال متصفحك الجميل لا عدمناك وكل الشكر

[النجلاء]

صح الله لسانك مدد بلا عدد
ابدعت وامتعت كما تعودنا من شاعرنا الابداع والامتاع وفخامة الحضور
دمت ودام مداد قلمك ورقي حرفك الفاخر
تقديري لسموك
النجلاء

[ملكة الرواسي]

صح لسانك شاعرنا
نص راقي يعطيك العافية ولا هنت

[محمد الغنامي]

الله الله

بشير العتيبي

صح لسانك واعتلا شانك
مبدع وجزل شاعرنا كما عهدناك
سجل اعجابي وتقديري

ولك اجمل تحيه

[خيال مطير]

صح لسانك

شاعرنا ,

وبيض الله وجهك .. يالأمير

[رحيل]

الله الله على هالابداع شاعرنا
صح لساانك مليووووون
ولاهنت

[الجووهره]

قصيده جزله وأبيآت رآئعه
صح لسآنك بشير العتيبي
ويعطيك العافيه على هالرآئعه

[ناصر الهواوي]

صح لسانك يالعتيبي وبيض الله وجهك

[عاشق]

صح لسانك ويعطيك العافيه
نص جزل شاعرنا الرائع
تحياتي

[ريم الفلا]

بشير صح لسانك ولاهنت

[مهرة يام]

صح لسانك ملايين
نص فخم وجميل
يعطيك العافيه

[سعود العتيبي]

الله يستر من هالزمن واهله

وصح مليوون ياشاعر

[الجوريه]

صح لسانك شاعرنا
نص جزل ورائع
تحياتي

[جراح]

صح لسانك واعتلا شانك
ابداع في ابداع يالقرم
قواك الله,,,,

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[ابوفارس]

صح لسانك يالشاعر
ابدعت وامتعت بحضورك الطاغي بالمتعه والفخامه والجزاله
دمت بود وتقدير