يالشتاء جوك ليا هب نسناسه خطير

[سلمى]

‏
يا الشتاء جوك ليا هب نسناسه خطــــير=لك مكانه غير عن باقي فصـــــول السنه

النسيم العذب والغيـــم والمزن الغزيـــــر=هي سماتك دايــــم عْلى مرور الازمـــــنه

لو طـــــول ليلك وزاد وغدا يومك قصير=وبردك القاســـــي بليا لحايف ما آمنـــــه

والله إن قلبي ليا جيت كن وده يطــــير=من السعاده والفرح ف الفضاء ما امكنه

إبتهاجٍ في قدومك من إحساس وضمير=لك قبول وجـــــاذبيه وحــكم وهيمـــــنه

تحتوي كل المشاعر بجـــــو مستطيـــــر=شبة النـــــار بلياليـــــك شـــــيٍ ندمنـــــه

والبراد وطلعة البـــــر في تالي عصيــــر=مع كريم سبـــــال طيب وأصيلٍ معدنـــه

ما تمــــل ومالها عنــد مغلينك خشيـــــر=فيك يسلى ضايــــق الصدر عما يـــحزنه

الثرى ممطور والزهر مـــن حول الغديــر=والسماء غايم والامــــزان ما غابت عنـــه

ياالله انـــــك لا تغيـــر علينـــــا يا قديـــر=غير بالأفضل ومن ســـو حالٍ لأحسنـــــه

‏
#سلمى

[خيال مطير]

لو طـــــول ليلك وزاد وغدا يومك قصير
وبردك القاســـــي بليا لحايف ما آمنـــــه

صح لسانك شاعر,تنا ,
تقيييمي لشخصك

[الجووهره]

شاعرتنا المبدعه سلمى
قصيده رآئعه كروعة الشتاء وليآليه
احترت بالاقتباس كل بيت أحلى من الثآني
صح لسآنك مليوون ولا يكفوون
ويعطيك العآفيه على هالرآئعه

[لقيت روحي]

يسعدك ربي يا سلمى

صح لسانك ملاييين

انتي زيي تماما انا اعشق فصل الشتاء

ولكني اختلف عنك في حب طلعه البر وقت العصير

وقت العصير بالشتاء وبالبر احسها كئيبه مره

ما يزين جو البر بالشتاء الا الصباح لصلاة الضهر بعد صلاة الظهر كئب الجو الي صلاة العشا

لا صلينا العشا وشبينا النار يصبح الجو والبر غايه في الجمال

حتى البدو يقولون العواصف الغربيه بعد صلاة العشا تعشى

يعني تتوقف

يعني في الغالب تهب من بعد الظهر وما تتوقف الا بعد صلاة العشا

على كلن

انا شخصيا اكره اجواء البر بالشتاء من صلاة الظهر الي صلاة العشا

ولا اعلم هل كل الناس زيي والا بس انا

وفي الختام

نقول صح لسانك ملايين شاعرتنا ابيات جميله قراتها اكثر من مره تحمل في طياتها شعر عذب ونقي وجميل

تقديري لك

[عبدالله الدّنّيش]

الثرى ممطور والزهر مـــن حول الغديــر
والسماء غايم والامــــزان ما غابت عنـــه

ياالله انـــــك لا تغيـــر علينـــــا يا قديـــر
غير بالأفضل ومن ســـو حالٍ لأحسنـــــه

#سلمى
^_^
اللهم أميييين وصح لسانك سلمى
وصف جميل كجمال الأجواء الماطرة
وهذه الأجواء ستكون مقدمة لربيع
أخضر جميل بمشيئة الله ،،

[النجلاء]

صح الله لسانك ملايين
ابدعتي وامتعتي شاعرتنا الرائعه والمتألقه
دمتي ودام مداد قلمك ورقي حرفك الشامخ
تقديري لسموك
النجلاء

[رحيل]

سلمى
ياسلااااام عليكِ
صح لسانك يامبدعة

[ملكة الرواسي]

الله عليك يالغلا
ابدااااااع شاعرتنا صح لسانك ولا هنتِ

[مهرة يام]

ياسلام ياشاعرتنا
ابداع وجزاله
نص جميل وفخم
يعطيك الف عافيه

[محمد الغنامي]

الله الله
شاعرتنا سلمى

صح لسانك واعتلا شانك
مبدعه وجزله شاعرتنا كما عهدناك
سجلي اعجابي وتقديري
ولك اجمل تحيه

[ريم الفلا]

صح لسانك سلمى نص رائع لاهنتي

[عاشق]

صح لسانك ويعطيك العافيه
نص جزل شاعرتنا الرائعه
تحياتي

[الناقد/عبدالله الروقي]

الثـرى ممطـور والزهـر مــن حــول الغـديـر
والسمـاء غايـم والامــزان مــا غـابـت عـنـه

صح لسانك ياسلمى على الأبيات الفاخرة
اللهجة طاغية في بدايات القصيدة,تحيتي لحضورك الجميل
وننتظر تواجدك العذب بنص جديد
ولاهنتي,,,

[خالد العبيريد]

صح الله السانك
مبدعه سلى

[جراح]

صح لسانك واعتلا شانك
ابداع في ابداع
قواك الله,,,,