المساعد الشخصي الرقمي

مشاهدة النسخة كاملة : بندر سرور اشعل من التتن معمار

عيد بن بجاد بن شده
02-10-2018, 11:17 AM
بندر سرور اشعل من التتن معمار
واسرج من الزلبات جملة مهارا

شاعر وله في منهج الشعر مضمار
وينحت على صم الصخر والحجارا

يشمت زمانٍ عايشن فيه طرار
ويبكي متيهت الضعن والعشارا

لكن جاه الموت قصاف الاعمار
يالله عساه من البلاوي مجارا

واليوم جانا عالمٍ تنكر الكار
اللي لهم رث المثايل شعارا

ناس تراقب غرة الضيف والجار
عفنين نذلينٍ. ضعوفٍ ثبارا

مالي بهم مصلوح عساهم النار
عسى عليهم يرملن الاعذارا

الشوب ما يشبه عذيات الانهار
والنظو مايشبه عيال الشهارا

وانا مشيت البر مع كل صقار
وتفاق نجالن يحفظ العيارا

والنفس فيها من غثا البال قنطار
ينتابها همٍ سوات القمارا

والعين تسهر والمخاليق خدار
كن النويفج داخل الجف سارا

ازعجني اللي بالسواليف بيطار
وعند اللوازم مثل فرخ الحبارا

ذيب العلوم اللي مع الناس ثرثار
حطاب ليل وناش دقنه غبارا

#__عيد بجاد ابن شده
سعود العتيبي
02-10-2018, 11:31 AM
يشمت زمانٍ عايشن فيه طرار
ويبكي متيهت الضعن والعشارا

#__عيد بجاد ابن شده



بندر بن سرور ما عاش طرار

يا بو بجاد
رحيل
02-10-2018, 11:43 AM
صح لسااانك شاعرنا
ودام ابداعك لاهنت
هزاع محمدالعاصمي
02-10-2018, 11:50 AM
صح السانك شاعرنا
ابيات جميلة بحق بناء ومعنى وتسلسل لها وقع جميل في من يقرأها بحق انت شاعر مميز اسعدني المرور من هنا طبت وطاب
الشعر بوجودك اجمل تحية
محمد الغنامي
02-10-2018, 12:28 PM
الله الله
عيد بن شده
صح لسانك واعتلا شانك
مبدع وجزل شاعرنا
دمت بخير
ولاهنت
محمد الغنامي
02-10-2018, 01:02 PM
بندر بن سرور ما عاش طرار

يا بو بجاد

الاخ سعود
اتوقع ان معنى البيت ان الوقت اللي عاش فيه بندر بن سرور الله يرحمه
وقت مايعيش فيه غير الطرار واللي عنده عزت نفس يصعب عليه العيش ويموت جوع
هذا حسب فهمي للبيت
والشاعر اكيد له وجهة نظر
شيخـــة الغــيــد
02-10-2018, 01:08 PM
||

صح لسانك شاعرنا مدد بلا عدد ولاهان منطوقك ع هذه الرائعة
والمعنى واضح من بيت القصيد :
ان ابن سرور يرفض ويشمت ب الزمن اللي يعيش فيه طرار

لاهنت شاعرنا

تقييمي + الختم
ريم الفلا
02-10-2018, 01:23 PM
الله يرحم بندر سرور ويغفر له

وصح لسانك شاعرنا ولاهنت

يشمت زمانٍ عايشن فيه (.......)
ويبكي متيهت الضعن والعشارا

لو قلت يا بندر بن سرور ما عشت طرار
ممكن

مجرد وجهة نظر شاعرنا
ريم الفلا
02-10-2018, 01:39 PM
||

صح لسانك شاعرنا مدد بلا عدد ولاهان منطوقك ع هذه الرائعة
والمعنى واضح من بيت القصيد :
ان ابن سرور يرفض ويشمت ب الزمن اللي يعيش فيه طرار

لاهنت شاعرنا

تقييمي + الختم

ياسلام عليك
فعلا اتوقع يقصد ان الوقت ذاك عايش فيه طرار
عيد بن بجاد بن شده
02-10-2018, 04:18 PM
صحت ابدانكم جميعاً



اشكرك يا محمد الغنامي

على التوضيح

شاعر وتفهم المعنى

تحياتي
سحاب
02-10-2018, 05:13 PM
صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي
راس الغول
02-10-2018, 06:21 PM
صح لسانك ياعيد
شاعر مميز وحضورك رائع
عيد بن بجاد بن شده
02-10-2018, 06:25 PM
اسعدالله اوقاتكم بكل خير
وصحت ابدانكم
الناقد/عبدالله الروقي
02-10-2018, 06:51 PM
صح لسانك يابو فهد ولاهنت على الأبيات الجزلة
وعادتك الإبداع يالعود
تقديري لك،،
عيد بن بجاد بن شده
02-10-2018, 07:16 PM
لاهنت وصح بدنك يا اخوي الصغير
طارق الروسان
02-10-2018, 07:22 PM
السلام عليكم ورحمة الله وبركاته ....

صحت يمينك وبيض الله وجهك قصيده جزله متماسكه قوية الحرف , ماشاء الله وتباراك الله , رحم الله الأمير بندر ورحم الله مشعل الكثيري ورحم الله جميع من مات من شعرائنا وجميع أمواتنا وأموات المسلمين .

تقبل مروري المتواضع ولك مني ملايين من باقات الاحترام والتقدير
النجلاء
03-10-2018, 01:50 AM
مبدع وجزل وشهادتي فيك مجروحه يابن شده
دمت ودام مداد قلمك ورقي حرفك الشامخ
تقديري لسموك
النجلاء
عيد بن بجاد بن شده
03-10-2018, 04:03 PM
صح الله بدنك من كل شر
مهرة يام
03-10-2018, 07:57 PM
صح لسانك ملايين
قصيده جميله وجزله
من شاعر جزل ومبدع
يعطيك العافيه شاعرنا

تقديري لك
مهرة يام
عيد بن بجاد بن شده
04-10-2018, 04:33 AM
مهرة يام لاهنتي وصح بدنك
الجوريه
04-10-2018, 07:21 PM
صح لسانك شاعرنا
نص جزل ورائع
تحياتي
عيد بن بجاد بن شده
05-10-2018, 05:36 AM
لاهنتي اتجوري وصح بدنك