المساعد الشخصي الرقمي

مشاهدة النسخة كاملة : راس الغول ضيفنا في فوافينا الشعريه

مهرة يام
21-09-2018, 02:33 AM
عضو في ضيافة قوافيَناالشعريه )





.. مسـآء الشعر..

وَ أعذب القصيد ..


احاسيس دافئـه
تجبرنا على الاصغاء
تزخر بكثير من عذوبه
لتحاكي مشاعرنا
ولنعيش طقوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!
من هنا
وفي كل مرهـ
سنكون في ضيافـة عضو
سنبحر معه لننتشي عذب المشاعر وأروعــهآ
ونستمتع بعذب ذائقته الشعريـة
ليقوم بدورهـ وبعد انتهائه
باختيار عضو اخر يكمل رحلتنا تلك
و يمتعنا بروعـة اجاباته على الاسئلـة التاليه..




1- متى كانت بدايتك الشعريه ؟!!

2- ماهي علاقتك بالشعر ؟!!


3- من هو شاعرك المفضل ؟!!


4 _ ماذا يعني لك شعر الغزل ؟!!


5- قصيده تهديها لشخص معين ؟ !!


6 - هل لديك اجواء معينه لكتابة القصيده ؟ !!

7 - هل قصائدك من الواقع أم من وحي الخيال ؟ !!

8 - هل شاعريتك وراثه آم انها موهبه ؟ !!
9- اعضاء في رواسي نجد تثق في ذائقتهم الشعرية ؟!!


10- بيت شعر يحضرك دائما ؟!!

11- قصيده تعدها من اروع القصائـد بالنسبه لك ؟!!

12- قصيده تتمنى لو كنت اللي كاتبها ؟!!


13- قصيده اثرت عليك في مضمونها ومنهو شاعرها ؟!!

14 - امتعنا بقصيدة على ذوقك ؟!!

- لك مساحه بلآ حدود وحرية بلا قيود



وَ أخيراً .. من تريد أن يكون ضيفاً في قوآفينا ؟


اتمنى ان ينال اعجابكم
مهره يام
رحيل
21-09-2018, 02:51 AM
لاهنتي مهرة
وفي انتظار ضيفك الكريم
ريم الفلا
21-09-2018, 02:55 AM
الله يعطيك العافيه مهرة ولاهنتي
وفي انتظار ضيفك الكريم
ملكة الرواسي
21-09-2018, 10:22 AM
تسلمين مهورتي يعطيك العافية
بــ انتظار ضيفك الكريم
الجووهره
21-09-2018, 03:26 PM
يعطيك العافيه مهووره

وبانتظآر ضيفك القدير
رآس الغول
راس الغول
21-09-2018, 06:48 PM
اسعد الله مساكم بالخير والمسرات

اشكرك يالمهره على الاستظافه وتشرفت
ولي عوده اليوم ان شاءالله
مهرة يام
21-09-2018, 07:25 PM
تسلمون علي المرور
ريومه ورحيل والجوهره. وملوكه
ياهلا وغلا راس الغول تنورنا وبانتظارك اخوي
نهر
21-09-2018, 09:06 PM
جايب قهوته ومتكي بالصفحة انتظر المقابلة تبدأ ��
محمد الغنامي
21-09-2018, 09:09 PM
المهره الاصيله
سلمتي ولاهنتي مراقبتنا
استضافه جميل لشاعر علم
ننتظر شاعرنا راس الغول
راس الغول
21-09-2018, 10:11 PM
1- متى كانت بدايتك الشعريه ؟!!

في عام 2006
وكانت اول قصيده مطلعها

عزي لقلبً لابغى يوم يرتاح
زادت همومه واشغلنه هبايب



2- ماهي علاقتك بالشعر ؟!!

علاقة الزير ف كليب


3- من هو شاعرك المفضل ؟!!

سعد بن جدلان الله يرحمه
في الوقت الحالي من الموجودين كثير
مدغم ابوشيبه - محمد مريبد - محمد ابن الذيب - محمد ابن فطيس


4 _ ماذا يعني لك شعر الغزل ؟!!

اجمل واسلس اغراض الشعر للكاتب والمتلقي


5- قصيده تهديها لشخص معين ؟ !!

لشخص بالمنتدى يعني !! مافيه قصيده معينه


6 - هل لديك اجواء معينه لكتابة القصيده ؟ !!

حين تتنزل الشياطين وتشغل فوانيسها فوق رأس الغول🤣


7 - هل قصائدك من الواقع أم من وحي الخيال ؟ !!

من الواقع الخيالي


8 - هل شاعريتك وراثه آم انها موهبه ؟ !!

ليست وراثيه
ولا اقدر اقول موهبه انا شخص جدا بسيط


9- اعضاء في رواسي نجد تثق في ذائقتهم الشعرية ؟!!

ونعم فيهم كلهم لكن ماعرف احد عشان اعرف ذائقته


10- بيت شعر يحضرك دائما ؟!!

اثرني لو اني اعلم بما تخفي الصدور
كان يمديني كرهت الاوادم كلها



11- قصيده تعدها من اروع القصائـد بالنسبه لك ؟!!

اذا لغيري كثير من القصائد صراحه

وبالنسبه لي قصيده كان مطلعها


جار الزمن وقفت مواعيد الاحباب
اقفت كما يقفي عن الشر ملحوق

راحت وانا همي مثل روس الانياب
تنهش ضلوعي جور والصدر مفتوق

هذا زمان الهم والهم ماغاب
دام الفراق اقرب من العين للموق

مشتاق وابكي والجفا نكًس ارقاب
وش حيلة الرجال في دمعه الشوق

الى اخرها



12- قصيده تتمنى لو كنت اللي كاتبها ؟!!

هبي على الصدر يالنود الشماليه
جينا نبي قسمنا لكن مامدانا

الظلم كفه حديد وكيته كيه
يقوله اللي من اصدوف الزمن عانا

والوقت ياكل كبود احلامنا نيه
مر يتغدا بنا ومر يتعشانا

الضيق بقلوبنا والدمع ماريه
والحزن لحجاجنا والضحك لعدانا

نركض ورا الحظ خياله ورجليه
ونضيع دروبنا ونضيع خطانا

من طيبه اقلوبنا نمشي على النيه
واثر النوايا تعشمنا وتنسانا

تغير الوقت ميلاده وهجريه
وقامت مناديبنا وتكرم لحانا

من عقب م انزبن الروس الجلاويه
وكانت كبار الرجال ادور ارضانا

صرنا نطيع الامر سر وعلانيه
ولا انتحدا الذي يبغى يتحدانا

من قوة الطعه اللي لا اراديه
حتى الاشارات تامرنا وتنهانا

وصرنا عبيد الظروف الاجتماعيه
فلان جانا لكن فلان ماجانا

الى اخرها


13- قصيده اثرت عليك في مضمونها ومنهو شاعرها ؟!!

قصيده الشاعر الكبير راجح العجمي

https://youtu.be/vu1qYWCX0AQ


14 - امتعنا بقصيدة على ذوقك ؟!!

لاتشرع في قوانين المحبه
لاتحرفها وانا اللي بختصرها

انت مثل البحر كلً فيه غبه
واليدين القاصره من ينتصرها


كنت اشوفه في منار الحب قبه
واعتبر ف اشياءه اللي يعتبرها

البلا في واحدً ماخاف ربه
مالي ب حاجاته اللي يختبرها

جيت اشوفه لكن الظاهر مشبه
ورحت منه روحه اللي ماعتبرها



- لك مساحه بلآ حدود وحرية بلا قيود


جينا رواسي نجد عنوان الثقافه والادب
يالله عسى من هو يفيد ويستقيد يدومها

ترا رواسي هي عيون الشعر والاعضاء هدب
ودام الادب مبدا فلا تفلح عليه ارخومها


كنت ابحث عن منتدى اسمه ..... نجد لجل بعض الذكريات وخلال البحث بقوقل ظهر رواسي نجد ك ثاني او ثالث خيار ودخلت ولقيته عاد باقي حي مع المنتديات القليله جدا ولتولعي بالمنتديات وذكريات المنتديات سجلت في هذا المكان الشامخ
ولعلي افيد واستفيد مع وجيه الخير


وَ أخيراً .. من تريد أن يكون ضيفاً في قوآفينا ؟


اللي تشوفونه مناسب
شاعرة نجد
21-09-2018, 10:56 PM
لاهنت يـ الشاعر على هـ الاجابات الفاخره
وصح لسانك ودام حضورك

تسلمين مراقبتنا على هـ الموضوع الممتع
تقديري,’’
نهر
21-09-2018, 10:59 PM
وش هالغول وش هالغول هذا والله الغول بعينه وعلمه
انت مو راس الغول
انت بسميك غول الشعر

يارجل ماخليت لنا لا قصيد ولا رصيد
صح لسانك كثيراً وكبيراً كبر راسك هههههههههه
صح لسانك مدد بلا عدد
الليله انت قندت خوا راسي
لاعدمناك
مهرة يام
21-09-2018, 11:50 PM
اجابات رائعه وحوار ممتع
من جد استمتعت باجوبتك وشعرك
يعطيك الف عافيه يالغول
راس الغول
21-09-2018, 11:59 PM
رحيل
وريم الفلا
ملكه الرواسي
الجوهره

مرورك يسعدني ويشرفني
راس الغول
22-09-2018, 12:01 AM
ارحب يالغنامي
شهاده اعتز فيها
بالغت في مدحي انا مجرد شخص بسيط
ويسعدني ويشرفني مرورك

ارحب يانهر
اشكرك ع الاطراء ويشرفني مرورك
اسرفت في مدحي
الجووهره
22-09-2018, 01:29 AM
ماشاء الله
الشاعر راس الغول
اجابات رائعه ولقاء ممتع جدا
يعطيك العافيه
ومشكوره مهوره ع الاستضافه الجميله
وبانتظار ضيفك القادم
سحاب
23-09-2018, 01:41 PM
يسلمو شاعرنا الراقي
اجابات رائعه جدآ
يعطيك العافيه مراقبتنا على الاستضافه
رحيل
23-09-2018, 02:38 PM
اجابات وافية ولقاء رائع لاهنت راس الغول
شيخـــة الغــيــد
23-09-2018, 03:22 PM
||

ماشاء الله استمتعت بإجاباتك الوآفية
عساك ع القوة شاعرنـــــــــــــــــا
ماقصرت ربي يسعدك
لقيت روحي
23-09-2018, 06:11 PM
كما توقعتك

مبدع بقوه يا سيد غول

انت مكسب كبير للمنتدى

ربي يوفقك يا بطل ويسعدك

تقبل مروري وسروري بما قرات
الرويلي
لقيت روحي
راس الغول
25-09-2018, 09:30 PM
ماشاء الله
الشاعر راس الغول
اجابات رائعه ولقاء ممتع جدا
يعطيك العافيه
ومشكوره مهوره ع الاستضافه الجميله
وبانتظار ضيفك القادم


الرائع مرورك يامهره وصح بدنك
ريم الفلا
26-09-2018, 01:34 PM
ماشاء الله اجابات رائعه يالغول
أحسنت ولاهنت
راس الغول
27-09-2018, 02:06 PM
يسلمو شاعرنا الراقي
اجابات رائعه جدآ
يعطيك العافيه مراقبتنا على الاستضافه

الله يسلمك واسعدني مرورك
نهر
28-09-2018, 12:02 AM
طيب ابي اسأل انا بعد
نهر
28-09-2018, 12:09 AM
في رواسي مين الشعراء والشاعرات اللي يعجبك شعرهم


مين من رواسي اللي ودك
تتقهوى معه
تسافر معه


ولي عوده إن شاء الله لتكملت الاسئلة
راس الغول
03-10-2018, 04:40 AM
اجابات وافية ولقاء رائع لاهنت راس الغول

ولانتي يارحيل اسعدني مرورك
راس الغول
03-10-2018, 04:40 AM
||

ماشاء الله استمتعت بإجاباتك الوآفية
عساك ع القوة شاعرنـــــــــــــــــا
ماقصرت ربي يسعدك

ويسعدك
اسعدني مرورك
راس الغول
03-10-2018, 04:41 AM
كما توقعتك

مبدع بقوه يا سيد غول

انت مكسب كبير للمنتدى

ربي يوفقك يا بطل ويسعدك

تقبل مروري وسروري بما قرات
الرويلي
لقيت روحي


اشكرك يالقيت ويسعدني سرورك ولاهنت على مرورك
راس الغول
03-10-2018, 04:42 AM
ماشاء الله اجابات رائعه يالغول
أحسنت ولاهنت

الرائع مرورك ياريم الفلا
راس الغول
03-10-2018, 04:46 AM
في رواسي مين الشعراء والشاعرات اللي يعجبك شعرهم


مين من رواسي اللي ودك
تتقهوى معه
تسافر معه


ولي عوده إن شاء الله لتكملت الاسئلة




في رواسي مين الشعراء والشاعرات اللي يعجبك شعرهم

( كثير الشعراء فيهم الخير والبركه )

مين من رواسي اللي ودك
تتقهوى معه ( ناصر الهواوي )
تسافر معه ( كل اللي اعرف هنا ودي اجمعهم في باص ونسافر هههه )
ناصر الهواوي
04-10-2018, 10:29 PM
بصراحه انا اشاطر نهر ما قال فيك فانت شاعر بل هامور ابداع
اجابات واقعيه وراقيه ورايعه
الله يحفظك ويحفظ معدة الموضوع اللي اسعدتني بسواليفك القيمه
راس الغول ع شان تقهوى معي اعزمك والزم عليك في مزرعة الشعر في ضريه واكيد انك تعرفها
او نرسل لك الموقع ونجمع من استطعنا من الرواسي
حدد الموعد متى بغيت والله محييك تلفوني عند ابو بندر اكيد لك معه اتصالات
ودي بجمعتكم وصامل بالحيل نبي نتعلم الكرم مع الكرام
راس الغول
05-10-2018, 12:54 AM
بصراحه انا اشاطر نهر ما قال فيك فانت شاعر بل هامور ابداع
اجابات واقعيه وراقيه ورايعه
الله يحفظك ويحفظ معدة الموضوع اللي اسعدتني بسواليفك القيمه
راس الغول ع شان تقهوى معي اعزمك والزم عليك في مزرعة الشعر في ضريه واكيد انك تعرفها
او نرسل لك الموقع ونجمع من استطعنا من الرواسي
حدد الموعد متى بغيت والله محييك تلفوني عند ابو بندر اكيد لك معه اتصالات
ودي بجمعتكم وصامل بالحيل نبي نتعلم الكرم مع الكرام


ارحب ياناصر الهواوي
شهادتك اعتز فيه وشرف طال عمرك
ولاهنت على العزيمه وافي ولايلحقني شك بالوافين وهذا والله يزيدنا شرف وجعل المحل عامرً بهله وان حصلت الفرصه بنجيك طال عمرك