قال عيد بجاد في هندابه

[عيد بن بجاد بن شده]

قال عيد بجاد في هندابه
والقصايد كلها مسموعةٍ مقريه

الغزل والحب ما يشقابه
والنفوس العايشه عاريه

الهنوف الجادل الجذابه
الطموح العايف العذريه

التليع التلعه الغيهابه
العزوف الطامح الحوريه

صانها الله من سباع الغابه
ومن عيون العام المبليه

عندلٍ تصعب على الخطابه
والخطيب يجمع الجاهيه

الخطيب اللي يجر اسلابه
ويتحرى جية الخوطيه

حبها في ضامره ينتابه
مثل قيس وقصة النجديه

والدجيما حبه خله صابه
صابته عسلوجةٍ روقيه

الهوى والموت كل اسبابه
البنات الخود بالبريه

عيد بجاد ابن شده

[النجلاء]

الله الله
ياسلام عليك وصح الله لسانك يابن شده
كايفه ونايفه وجزله كما تعودنا من سموك الابداع والامتاع وفخامة الحضور
دمت ودام مداد قلمك ورقي حرفك
تقديري وتقييمي لسموك
النجلاء

[محمد الغنامي]

الله الله
عيد بن شده
صح لسانك واعتلا شانك
نص جميل ورائع شاعرنا القدير
سجل اعجابي وتقديري
ولك اجمل تحيه

[عيد بن بجاد بن شده]

اسعدالله جميع اوقاتكم بكل خير
وصحت ابدانكم

[ملكة الرواسي]

الله عليك
لا هنت وعساك على القوة

[رحيل]

الله الله
صح لسانك ملايين شاعرنا
ولاهنت

[عيد بن بجاد بن شده]

صحت ابدانكم من كل شر

[مهرة يام]

صح لسانك ملايين
قصيده جزله وفخمه
يعطيك العافيه
تقديري لك

[مناهل]

صح لسانك وسلم منطوقك
نص جزل شاعرنا
يعطيك العافيه

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[عيد بن بجاد بن شده]

لاهنتوا وصحت ابدانكم

[الجوريه]

صح لسانك شاعرنا
نص جزل ورائع
تحياتي

[عيد بن بجاد بن شده]

لاهنتوا وصحت ابدانكم