براااق النحر

[كاسب الروقي]

السلام عليكم واشكر من دعاني وبيض وجيه جميع اخواني اعضاء رواسي نجد


يامكرمين الضيف انا عندي خبر=
ابيات شعرن تحتوي شين كثير
لي فالعرب واهل البلد وجهة نظر=
وانا صليب الراي والدنيا بخير
اكره حسن واحب شخصية عمر=
وانطح ميليشا الصدر وافزع للزبير
واخاوي اهل الطيب من بدو وحظر=
ولا الردي نكويه بالضلع القصير
اخذ من الكبوه مفاهيم وعبر=
واخذ من النعمه شكر رب كبير
لي راي حر ولا اعرف الخط لحمر=
ارخي حبال الفكر وآرد كل بير
ولا القصايد تنتشر ؟ماتنتشر؟؟=
اهم شي تترجم احساس الضمير
تدرين وش معناة براق النحر؟=
ياللي عليك يقودني سلك الحرير
راضي نعيش العمر كله في قصر=
ولا فبيت رقعته خيشة شعير
انا بقول انتاج لوعات الهجر=
وابي تقول يصير ولا مايصير؟
اني على ردتك ناذرلي نذر=
اللي يبشرني بها اذبحله بعير
وانته تفنن فالعذاب وفالقهر=
بيني وبين ارضاك حرب تستدير
تعال؟؟ ماوضحت براق النحر=
هذا نحرك اليا نطح شمس العصير

[خالد العتيبي]

كاسب

صح لسانك يالمدبع


وبيض الله وجهك


تقبل مروري البسيط


أخوك خالد العتيبي

[عناوين الشموخ]

كساب الروقي
صح لسانك وعلا شانك
قصيده رائعه يعطيك العافيه
تحياتي

[محمد القسامي]

ياسلاااااام ياسلاااااام

كاسب الروقي

والله مدري وش أقول في هالشامخه

لكن يشهد الله مصافحه تطلق الوجه ياأبيض الوجه


تـعـال؟؟ ماوضـحـت بــراق النـحـر = هذا نحرك اليا نطـح شمـس العصيـر


صح صح صح كلك وجعل السعد مايملك

ودام هالشموخ بكل خير وموده

[عبدالرحمن الميموني]

كاسب الروووقي


عز الله انك مكسب للمنتدى يالقرم

صح لسانك مليون ولا يكفون

والله يعطيك الف عافيه

لك على هالحضور الرااائع

تقديري لك اخوك


النداوي

[سيف الجهيم]

كاسب الروقي حياك الله وصح لساانك وعلا شاانك



مروري وأحتراماتي ينتظرون قبولك

[سامي الرقيب]

كاسب الروقي
ما اقول غير صح لسانك يالذيب
وبيض الله وجهك على هذه الرائعه
ومهما تكلمة ما راح يوفي الكلام مقدارك ومقدار حرفك
وحياك الله وبيض لله وجه من دعاك
تقبل تحياتي
ودمت بكل ود ومحبه

[أميرة رواسي]

لاهنت على الابيات الرائعه والجميله


ودائماً في قمة الابدااع والتميز وتقبل مروري

[عبدالله العجمي]

كساب

صح لسانك ولاهنت


تقبل مروري

[كاسب الروقي]

اخوي خالد العتيبي
مرور تاج راس
وطيب ساس

والله لا يهينك

اخوكم/ كاسب الروقي

[كاسب الروقي]

عناوين الشموخ
ادام الله وقارج
واعز مقدارج

اخوكم/ كاسب الروقي

[كاسب الروقي]

محمد القسامي
ثق ثـقة تامه ان كلامك هذاا يسوى عندي الشي الكثير
واضعه وساام على صدري والله يبيض وجهك

اخوكم/ كاسب الروقي

[كاسب الروقي]

اخوي الميموني مادام اللي شرواك يشيد في شعري
فابشر والله بالجديد اللي يطلق الوجهه يابناخي

اخوكم/ كاسب الروقي

[كاسب الروقي]

اخوي سيف
مرورك على راسي
والله والنبي يحييك
شهاده اعتز فيهاا

اخوكم / كاسب الروقي

[كاسب الروقي]

اخوي سامي

اثلجت صدري باطرائك
والله لا يهينك وعساك ذخر

اخوكم / كاسب الروقي

[كاسب الروقي]

اختي اميرة رواسي
اشكرج على هذه الكلمات
واشاده اعتز فيهاا
من اخت اتشرف فيها
وادام الله وقارج
وعز مقدارج

اخوكم / كاسب الروقي

[كاسب الروقي]

اخوي عبدالله العجمي

يامرحبااا بك نور الموضوع بنورك

الله لا يهينك ويكفيني انه مجااز من اللي مثل شرواك

شهاده اعتز فيهاا

اخوكم / كاسب الروقي

[حسين السبيعي]

اكره حسـن واحـب شخصيـة عمـر

وانطح ميليشا الصدر وافـزع للزبيـر



شكرا لك أخي العزيز/كاسب الروقي على هذه الجميلة

ولكن أرجو إعادة النظر في البيت الموضح أعلاه لأن من

يقرأه يذهب تـفكيره مباشرة إلى أن المقصود هو الحسن

ابن علي رضي الله عنهما ، وهذا لا يجوز أبدا ، فالحسن

سبط الرسول عليه الصلاة والسلام وهو سيد شباب أهل

الجنة هو والحسين كما ورد في الحديث النبوي الشريف

دمت بسلام وسعادة وحب وألق أيها الأخ والزميل العزيز

[خالد ابن هجيره]

كاسب الروقي

صح لسانك وبيض الله وجهك

فعلن قصيده جميله جدا جدا

والله يبشرك بردة براق النحر
تحياتي لك
خيك
خالد ابن هجيره

[كاسب الروقي]

اخوي خالد
مرورك يشرفني واناا اخوك

واشاده اعتز فيهاا

الله لايهينك وبيض الله وجهك

اخوكم / كاسب الروقي

[شجن]

....مبدع يا كاسب...أشهد إنك للمنتدى مكسب (ولا يهونون أخواني الشعراء)

...
انــي عـلـى ردتـــك نـاذرلــي نـــذر

الـلـي يبشـرنـي بـهـا اذبحـلـه بـعـيـر


....والله يا كاسب اموت وأشوف براق النحر هذي!!

...وازهلها ....البعير علي !!!

<<< والله شكلي بارتكب جريمة و البعارين بيصيرون ميةلاهلها مو واحد !!!!!...

...كاسب أصفق لك وحدك على هذه الرائعه والا براق النحر صفق لها انت!!!

<<<مهره روحها رياضية وقلبها ابيض!

[كاسب الروقي]

LOoOoOoOoOoOoOL
الله يضحك سنج دايم مثل ماضحكتيني اللحين
ومن يوم قلتي صفقلها انت بروحك واناا داري ان روحج رياضيه واضح جدا؟؟
ادام الله وقارج وعز مقدارج
واشاده اعتز فيها
من اخت اتشرف فيها

اخوكم / كاسب الروقي