ياهل رواسي لاتقولون مرحوم ؟؟؟

[غازي العتيبي]

بسم الله الرحمن الرحيم

ان مت لالالا تقولون مرحوم = مرحوم مبغاها من الناس ياناس
مرحوم ابغاها ممن دام ويدوم = اللي يزيل الهم والغم والباس
يارب لاتبخل علينا بمقسوم = في جنتك نبغى مقاييس قياس
ابليس ماهو عن عبيدك بمحشوم = اللي طلبك وقلتله روح لاباس
طلبك طول العمر ونشوفه ايحوم = بين الخلايق شغلته دوم وسواس
وانا على طاعتك بشري وابا سوم = واسعى للتمجيدك على صحوة الراس
ولاني من الاخطاء والكّسل معصوم = مادامك الرحمن ماني بمحتاس
يالله حققلي مطاليبي اليوم = وارتاح فالدنيا بتكييف من هاس
والاخره مالاحقن شك وهموم = من تحت ضلك ماحدن صار منداس
صلات ربي عد من صام ويصوم = على النبي اللي لعن كل خناس

[محمد الروقي]

صح لسااانك

الى رضااك ياغازي تقبل مروري وتقديري

[إبراهيم صبحي العضيله]

صـــــــــــــــــح لسااااااااااااانك اخي غازي


الله يعطيك العافيه

تقبل مروري

تحياتي

[نايف العصيمي]

صح لساانك وعلاا شاانك ولافض فوك على قولتهم


مبدع يابوتركي مبدع


تحياتي ,,................................... .

[محمد القسامي]

غازي العتيبي

صح كلك

وأرجو تقبل هذه الملاحضه بصدر رحب


مرحـوم ابغاهـا ممـن دام ويـدوم = اللي يزيـل الهـم والغـم والبـاس

هنا في هذا البيت في الصدر

أبغاها ممن تسببت في وقوف اللحن

وكسر هذا البيت بين أبغاها وممن

وكان الأفضل أن يكون هذا الصدر متساويآ في لحنه

مع بقية القصيده

إحترامي وتقديري ياغازي

[خالد ابن هجيره]

صح لسانك وبيض الله وجهك

تحياتي لك
خيك
خالد ابن هجيره

[سيف الجهيم]

غازي العتيبي صح لساانك وعلا شاانك والله يجعلك من أهل الجنة ويبعد عنك كل وسواس قل آمين


لك ودي وأحتراماتي

[غازي العتيبي]

الجميع صحت السنتكم ولاهنتم بيض الله وجيهكم على هذا الاطراء
وحياك الله يالقسااامي وملاحظتك صائبه نوعن ما لاكن فيه فرق بين الكسر والجبر
وانا ادري ان هذا البيت متغير نسبين لاكن يجي مع الجبر والكسر لايجبر ومستحيل يركب
يعطيك العااافيه ولاهنت استاذ وناقد وانا اتقبل النقد ولافيه احراج
بيض الله وجهك يالذيب
تحياتي للجميع ...

[عناوين الشموخ]

غازي العتيبي
صح لسانك وعلا شانك
ويارب يبعدك عن الوسواس
في انتظار جديدك احترامي وتقديري

[عبدالرحمن الميموني]

صح لسانك اخوي

ويعافيك

[غازي العتيبي]

عناوين الشموخ
صح ابدانك اختي
ولاهنتي منوره المتصفح
تحياتي