يا ملا هذا الفعل فعل السعودي

[عوض الرويلي]

عاد عيدك يا وطن مجدك يزودي
من اله الكون معبود العبادي
الفخر كل الفخر بكل الجنودي
مرخصين الروح من اجل المبادي
يشهد التاريخ في ارض الحدودي
يلطمون الضد ويفنون المعادي
يا ملا هذا الفعل فعل السعودي
وراية التوحيد فيها النور هادي
من يروم المجد في فعله يسودي
يكسب الامجاد وينول المرادي
اخوان نورة فعلهم فعل الاسودي
معتلين المجد ساسٍ باعتمادي
فعلهم مشهود من دور الجدودي
شبه الجزيرة مجدها بالعز شادي
الشاع: عوض الرويلي

[ملكة الرواسي]

شاعرنا راقي كعادتك
صح لسانك ملااااااايين
يعطيك العافية على روعة قلمك وجمال حروفك

[رحيل]

يستاهل الوطن
صح لسانك لين ترضى
على هالدرة الجميلة والا هنت

[مهرة يام]

صح لسانك ملايين
قصيده جزله واكثر من رائعه
من مبدع وجزل
يعطيك العافيه
تقديري لك

[الجووهره]

قصيده رآئعه وشآمخه

كشموخ الوطن

صح لسآنك مليوون ولا يكفوون

ويعطيك العآفيه على هالرآآآئعه

[النجلاء]

الله الله
ياسلام عليك وصح الله لسانك مدد بلا عدد على هالوطنيه الرائعه
نص فخ وجزل كما تعودنا من سموك الابداع والامتاع وفخامة الحضور
دمت ودام مداد قلمك ورقي حرفك
تقديري وتقييمي لسموك
النجلاء

[محمد الغنامي]

عوض الرويلي
صح لسانك واعتلا شانك
جزل ومبدع شاعرنا
سجل اعجابي
وتقديري