ما توقعتك صراحه تصدميني !!!

[محمد العواد]

‏
ليه يا شمس الغلا بيّن كسوفك=ما توقعتك صراحه تصدميني
يا عذابي ضيّقت صدري حروفك=انصدمت وحارت العبره بـ عيني
يا كثر ما اسرَف قصيدي في وصوفك=متعبٍ في صفحة احلامي يميني
انتظرتك لين عيّت بك ظروفك=وامنعتْك ووقّفت بينك وبيني
كان حلمي وامنية عمري اشوفك=واقضى عندك يالغلا باقي سنيني
ادري اني مع مجاري دم جوفك=انتهينا قدّر الله واعذريني
ما حصل لـ كفوفي تعانق كفوفك=الوداع ابـ اتركك وانتي اتركيني
‏

نديم القوافي
#محمدالعواد
‏

[خيال مطير]

صح لسانك , ثم صح لسانك ابيات . جزله من جزل , وبيض الله وجهك . وكل عام وانت بخير , تحياتي لسموك ~

[ناصر الهواوي]

صح الله لسانك يابو سيف حتى ترضى فاخره ورايعه وجزله
لاهنت وبيض الله وجهك

[النجلاء]

الله الله
صح الله لسانك ملايين شاعرنا المبدع
جزله وكايفه ونايفه كما تعودنا من سموك
دمت ودام مداد قلمك ورقي حرفك
تقديري وتقييمي لسموك
النجلاء

[الجووهره]

مبدع شاعرنا القدير العواد

صح لسآنك مليوون ولا يكفوون

ويعطيك العآفيه على هالرآئعه

دمت ودآم ابداعك

[مهرة يام]

صح لسانك يالعواد
نص فخم وجزل
يعطيك العافيه اخوي
تقديري لك

[محمد العواد]

صح لسانك , ثم صح لسانك ابيات . جزله من جزل , وبيض الله وجهك . وكل عام وانت بخير , تحياتي لسموك ~


وانت بخير وصحه وسلامه ياخيال
صح بدنك وجهك ابيض لاهنت
تقديري لك وامتناني

[محمد الغنامي]

الله الله
محمد العواد
صح لسانك لين ترضى
مبدع وجزل كالعاده
مروري واعجابي
لاهنت

[ملكة الرواسي]

الله عليك شاعرنا
صح لسانك ملاييييييييييين
نص راقي برقيك يعطيك العافية

[محمد العواد]

صح الله لسانك يابو سيف حتى ترضى فاخره ورايعه وجزله
لاهنت وبيض الله وجهك


وجهك ابيض يابو عبيد صح بدنك ولاهنت

[رحيل]

الله الله صح لسااااااااااانك
لين ترضى على هالدرة الفريدة

[شاعرة نجد]

صح لسانك يـ العواد
نص عذب للغايه وابدااع غيير

تقديري لك,’’

[هزاع محمدالعاصمي]

صح السانك شاعرنا
ابيات جميلة اعجبتني بمعانيها وبنائها
لها مذاق خاص اسعدني المرور من خلالها طبت وطاب عطاءك اخي الكريم
اجمل تحية

[محمد العواد]

الله الله
صح الله لسانك ملايين شاعرنا المبدع
جزله وكايفه ونايفه كما تعودنا من سموك
دمت ودام مداد قلمك ورقي حرفك
تقديري وتقييمي لسموك
النجلاء


صح بدنك يالاميره
لاعدمناك

[الجوريه]

صحٍ لسانكـٍ
سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن ابداعك
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ،
تقبل مروري المتواضع
كل الاحترام والود

[محمد العواد]

مبدع شاعرنا القدير العواد

صح لسآنك مليوون ولا يكفوون

ويعطيك العآفيه على هالرآئعه

دمت ودآم ابداعك



صح بدنك
تقديري لك

[محمد الـفراج]

الله الله يالعواد
صح لسانكـ
مليووووون ولا يكفووووون
مبدع مبدع
ولاهو غريب عليكـ الابداع

[نايف الناجي]

محمد العواد
صح الله لسانك على هالنص الجزل ياجزل
تحيتي وتقديري