الوقت علمني دروس

[بشير العتيبي]

السلام عليكم ورحمة الله وبركاته اخواني واخواتي الاكارم
عيدكم مبارك وكل عام وانتم بخير ومن العايدين والفايزين برضا الله وخلقه
اعتذر عن غيابي لحيث اني كنت مريض ورحت للعلاج خارج الوطن
هذي القصيدة فوريه ورايكم يهمني
الـعـمـر يـمـشــي للـكــبـر كـل ساعه
تمضي حشا ترجع لو اني بالانعاش

الـثـانـيـه تـســوى الـحـجـاز وقـلاعـه
ماني مضـيـعها مثل طـاش ما طاش

اســجــد بـهـا لله بـ ســمـعـاً وطـاعـه
ارجـى ثـمـنـهـا يــوم نسـتـقـبله كاش

حنا بزمـن يخـشى الاسد من ضباعه
يـعـيـش فـيــه الـنـذل والكفو ما عاش

اطـلـق شـنـب يـاخــــذ رفـيـقـه وبـاعه
في سوق مـن يدخله بالخوف ينحاش

صـــــار الـردي بالمـال يــشـري رعاعه
يامر ويـنـهـى اللــي للاخصال حواش

بالمـال يــــصـــنــع لـه رفــاق وجـمـاعه
يا لـيـت ربــــي مـاخـلـق هـافـي ولاش

وانا احـمـد الله مـا شــكـيـت المـجـاعه
ولا احـتمـيت بـ دار كسـرى والاحباش

فـي ديــرتــي عــايــش بـعـز وشـجـاعه
في دار حاكم كـل مـن يـذكــــره شاش

لـيـثٍ وحـنـا فــــي الـشــدايــد سـبـاعه
عـيــنٍ لـه الــحــافٍ وعــيــنٍ لـه افـراش

والـنـفـس عـــنــــدي حـاظــيــه بالقناعه
اشري الكـفو والا الـــــردي بعته ابلاش

افخـر بـرفـقـة مـــن تــنـومـــس اطباعه
وابعد عــن اللــي للـمــخــالـيق غشاش

واصـبـر عـلـى ضيـق الفـضـا واتساعه
واسـلـي الـخـاطـر مع الـفـكـر لا جاش

الــوقــت عــلــمــــنــي دروس الـقـطـاعه
والـخـايـن اللـي بـ الـخـيـانــات معتاش

عـلــمــنــي أن الــطــيــب يــزرع زراعـه
وأن الـــــوفـــا مــا يـعـرفـه كـل خـفـاش

راعـي الـوفـا فـــوق الـســحـاب ارتفاعه
ولـنـعـم بـ افــعــالــه قـبـل منسبه حـاش

والا الـــــردي طـيــب الـــنــوايـا قــنــاعه
وبـ الـسـر لــعــراض المـخــالـيـق نـهـاش

الشاعر بشير العتيبي

[النجلاء]

الشاعر القدير
بشير العتيبي
خطاك الشر والحمد لله على السلامه لاباس عليك طهور ان شاء الله
وكل عام وانت بخير وعساك من عواده
صح الله لسانك مدد بلا عدد
كايفه ونايفه وجزله وشهادتي فيك مجروحه شاعرنا
دمت ودام مداد قلمك ورقي حرفك الشامخ
تقديري وتقييمي لسموك
النجلاء

[الجووهره]

وعليكم السلام

وهلا بك اخوي بشير

نورت بعد الغيبه والحمد لله على السلامه

ما تشوف شر وآخر الغيبآت ان شاء الله

وصح لسآنك مليووون

ويعطيك العآفيه على هالرآئعه

وكل عآم وانت بخير وصحه وسلامه

[محمد الغنامي]

بشير العتيبي
الحمد لله على سلامتك وماتشوف شر ان شاء الله
صح لسانك مبدع وعذب كما عهدناك
سجل اعجابي وتقديري
ولك اجمل تحيه

[ملكة الرواسي]

وكل عام وانت بالف خير
صح لسانك ولا هنت شاعرنا
نص جميل يعطيك العافية
،

[رحيل]

الشاعر بشير العتيبي
وعليكم السلام ورحمة الله وبركاته
وانت بخير وصحة وسلامة وعيدك مبارك
خطاك السوء ماتشوف شر
طهور إن شاء الله و اخر الغيبات
لا هنت صح لسانك لين ترضى

[خيال مطير]

علينا وعليك تبارك , ولكل عــــــــــــــــا’’’مم وانت بصـــــــــحةة وسلامـ÷

وصح لساننك وبيض الله وجهك

لاهنت شَـــــــــــــاعرناآآ ~

[سحاب]

روعة الحرف تعانق سمو المعنى
لتستلهم من جمال الكلمه قصة ابداع
صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

[عبده حكمي]

وعليكم السلام ورحمة الله وبركاته
عيدك مبارك شاعرنا المبدع بشير العتيبي وعوداً حميدا
والحمدلله على سلامتك طهور بإذن الله
كتب الله لك الأجر والعافية وياعساها آخر الوعكات
صح الله لسانك وعلا شانك على هذا الإبداع الغير مستغرب
دمت بهذا التميّز والجمال

[مهرة يام]

صح لسانك ملايين
ابيات رائعه وجزله
لاهنت يعطيك العافيه
تقديري لك واحترامي

[أحمد السليمان]

وانت بخير وصحه وسلامه


والحمدلله على سلامتك وطهور ان شالله


شاعر وجزل لاعدمتك

صح لسانك لين ترضى

تقبل مروري وتقديري

[محمد الـفراج]

حمدلله على السلامه ولا ترى باس
وصح لسانك
قصيده جزله ولاهي غريبه عليك