اربع حروف

[خيال مطير]

يآبنت وجه الخير بيّن و معروف
لو مآتكلم شآفت النآس خيره
و الوجه الأقشر ماهو بحآجة وصوف
يبآن حتى للعيون الضريره
من عآش يتبع خطوة المآل ملهوف
رزقٍ كتبه الله ما فيه غيره
الخوف لو ينفع نفع صآحب الخوف
اللي على حقه يدينه قصيره
الضعف مآغيّر قدر نآسٍ ضعوف
عآشت صغيره و يوم مآتت صغيره
كلمة أحبك بس من [ أربع حروف ]
و تحكي أحآسيس و مشآعر كثيره
الحب أكبر من سهر ليل وطيوف
مآتفهمه حتى القلوب الكسيره
تدرين أصدق حب يطلع من الجوف !
حب الفقير إليآ عشق له فقيره .. !

أحلآمهم تكبر من ملآمس كفوف
و تكبر من أشوآق العشير لعشيره
كنه معآها لو على ضلع مكشوف
دآخل قصر يجمع أمير و أميره
إحسآسهم صآدق بلآ كذب و زيوف
كلٍ يقول اللي يريّح ضميره
إحسآس طفله عندهآ العيد نفنوف
تظن من تلبسه صآرت كبيره
وأنآ لحآلي مجآبه صفوف وصفوف
و إليآ خسرت أقول فدوه وخيره
أطيح و أوقف و أبعد الشوف و أطوف
آخذ قليل الزآد و أرحل لديره
أترك كثير الزآد و أكسب معروف
ترك الكثير يجملك في مصيره
يمكن يجيه إنسآن هآلك من صدوف
يلقى من اللي تآركه مآيجيره
شآيف من الدنيآ و عآيف بشر عوف
اجنآب ولا من رجآل العشيره
مرت علي ظروف و ظروف و ظروف
مآ ريحت حتى العيون السهيره
و للحين رآسي رآس و كتوفي كتوف
مآغيّرت مني ليآلٍ عسيره
مدآم فيني حيل و عيوني تشوف
و الله معيّشني بحآله ستيره
والله لآ أستقبل على بآبي ضيوف
لو مآ أملك إلآ دلتين وحصيره !



للشآعر : ثآمر شبيب الدقبآسي




راقةة

[الجووهره]

رووووعه

صح لسان شاعرها ثامر شبيب

ويعطيك العافيه خيال

على اختيارها ونقلها

[ملكة الرواسي]

رووووووووعه
صح لسان شاعرها ولا هنت خيال على جلبك الراقي
يعطيك العافية

[خيال مطير]

الله يعافيكم

ومشكورين ع المرور ~

[روابي]

رائع رائع
يسلمو خيال على النقل الجميل
شكراً لك

[محمد الغنامي]

خيال مطير
صح لسانك ولسان شاعرها
لاهنت على الانتقاء الذوق
دمت بخير

[رحيل]

صح لسان شاعرها
وصح ذوقك ونقلك خيال مطير ..

[مهرة يام]

انتقاء مميز وجميل
يعطيك العافيه
تقديري لك

[خيال مطير]

الله يعافيكم

ومشكورين ع المرور ~

[خيال مطير]

يعطيكم العافيه مشكورين ع المرور

[شيخـــة الغــيــد]

/

صح ذوقــك و نقلـك ولاهنت

[خيال مطير]

الذوق منبعك

شيختنا

شكراً ع المرور