.... قالو تغزّل ....

[بدر بن الحميدي]

بسم الله الرحمن الرحيم

السلام عليكم ورحمة الله وبركاته

صباح / مساء الخير للجميع




قالو تغزّل قلت ماللغزل دور=في دنيتي ماله مكان ومجالي

شعر التغزّل فالغنادير محضور=لاهوب هملي ولاهوب فالي

أنا على الوقفات للذيب مخّبور=ما نضّم القيفان لجل الغزالي

وراع الهوى لا حب ماهوب مجبور=بالشعر ياصف زين بنت الحلالي

ياصف مفاتنهى على الناس بشعور=ويوزع الصوره برسم الخيالي

ويقول أغار ولا حصل مني قصور=ويغتابها بالهرج لا جا مجالي

وتروّح الغيره مع الهرج وتبور=وينقض كلامً قال بول وتالي

يامن بلاك الحب عندي لك الشور=أستر على حبك وخله مثالي

الحب بين أثنين لا صار مستور=هذا الهوى ماهوب حب الهبالي

وأنا على الهزلات مانيب مامور=أبعد عن الهزله ورود المعالي

مالي ومال الصم والبكم والعور=ياالله أتجنبني دروب الضلالي

وختامها ياجعلنا من هل الحور=في جنّة الفردوس ننزل بعالي


بدر بن الحميدي

[محمد الروقي]

مرحبا وياهلا

لو كان شعر الغزل عيبا اوذما لكان اول المذمومين قيس

والدجيماا الثعلي ... والشمري,, وبطحي الغنامي ,, ومحسن االهزاني

وياكثرهم ,, وفيه من يذكر الشعر بوصف الغزل من الخيال ولا يوجد معشوقه لديه

ولكن شاعر ويجاري مايتذوقه المستمع لك تقديري وحترامي وصح كلك لين ترضااااء

[بدر بن الحميدي]

أخوي محمد الروقي يا هلابك ويا مرحبابك

يبدو انك قريت النص بعجله وبدون تمعن

انا ما تكلمت عن الغزل عموماً

تكلمت عن من يوصف الشكل والمفاتن

اما الغزل العفيف بالعكس انا من اشد المعجبين فيه

تحياتي لك

[محمد القسامي]

بدر الحميدي

اللي مايقول عنها كايفه

واللي مايقول عنها رائعه

واللي مايقول عنها وافيه

ومن العيار الثقيل

ماعرف حق شاعريتك

صح كلك وجعل الشعر مايملك

ودام هالبوح بكل خير وموده

مروري وفائق تقديري وإعجابي

[مشاري]

صح اللسانك اخوي بدر وننتظر جديدك
تقبل مروري

[بدر بن الحميدي]

محمد القسامي

الكيف والروعه والوفى والجمال والجزاله

تكتمل بمرورك وتشريفك

حتى لو كان النص غير جميل قرائتك له تجمله

اشكرك وأقدر لك ذائقتك الراقيه والنضيفه

تحياتي لك

[أميرة رواسي]

صح لسااااانكـ

كلمات اعجبتني

اهنئك لتميز ماكتبت ويستحق تميزه بجداره

فلا تحرمنا من كلماتك الذهبيه

[بدر بن الحميدي]

يا مرحبابك يا مشاري

وصح بدنك يا الغالي

اشكر لك تشريفك اللي اسعدني

تحياتي لك

[بدر بن الحميدي]

اميرة رواسي مرحبابك اختي العزيزه

وصح بدنك

وهنيئاً لي بكم جميعاً

والتميز هو اعجابكم بما اكتب وهذا ما اطمح له

ومما يسعدني ان النص اعجبك

شكري وتحياتي وتقديري لك

[خالد ابن هجيره]

بدر الحميدى
صح لسانك وتسلم يداك وبيض الله وجهك




تقبل مرورى
وسجل اعجابي

اخوك
خالد ابن هجيره

[بدر بن الحميدي]

خالد بن هجيره

يا مرحبابك يا خالد والله يسلمك

وجهك ابيض وانا خوك

اشكر لك حضورك

واعجابك شرف لي ياالغالي

تحياتي وتقديري لك

[سعود العضياني]

صح لساااااااااااااااانك وبيض الله وجهك

قصيده جزله ماعليها كلام

تقبل مروري

[بدر بن الحميدي]

كلي مشاعر

صح بدنك

ووجهك ابيض

والجزاله ساسك

اشكر لك حضورك..تحياتي وتقديري

[حسين السبيعي]

أحسنت أخي العزيز/بدر بن الحميدي أحسن الله إليك

شكرا لك سيدي الكريم على إتحافنا بهذه القصيدة

ووجهة نظرك أحترمها ، ولكني أخالفك الرأي فيما قلت

فأنت تـقول أنك تعيب من يصف المفاتن ويحددها

وهذا كعب بن زهير بن أبي سلمى أمام النبي صلى

الله عليه وسلم يقول في قصيدته المشهورة وهو في

المسجد النبوي الشريف:

بانت سعاد فقلبي اليوم متبول @@ متيم إثرها لم يفد مكبول
وما سعاد غداة البين إذ رحلت @@ إلا أغن غضيض الطرف مكحول
هيفاء مقبلة عجزاء مدبرة @@ لا يشتكى قصر منها ولا طول

هذا ما يحضرني الآن من القصيدة رغم أن الوصف فيها

كثير ، وما معنى هيفاء وعجزاء ؟ هل هو وصف أم ماذا ؟

ثم إن الشعراء منذ امريء القيس وإلى الآن مسلمهم

وكافرهم وصحابيهم وتابعهم تجدهم يصفون محبوباتهم

بكل الأوصاف الحسنة والمرغوبة ، ولم ينكر ذلك عليهم

أحد لا النبي عليه الصلاة والسلام ولا الصحابة رضوان

الله عليهم ولا الخلفاء ولا رؤوس العرب على مر العصور.

هذا ما أردت أن أوضحه لك أخي الكريم ولكلٍ وجهة نظره

دمت بسلام وسعادة وحب وألق أيها الأخ والزميل العزيز

[بدر بن الحميدي]

هلابك يا حسين حياك ربي

كلاً له وجهة نضر وانا ضد وصف المفاتن

لأنه من يوصف خد وشفه ورقبه وصدر وخصر وارداف

وغيرها من جسد انسانه هذا ما يحب حبه نوع آخر

وبعدين اذا كنت انا ضد الحاجه هذي ولا احبها

مهوب معناها اني اسكت الناس لا يوصفون

لا ياخي كلاً على كيفه وصف المفاتن زي ما تبغى وابدع

لاكن ما ني مجبور اسمعلك ولا انهج نهجك

تحياتي لك