يظهر من اقصى الناس رجلً يواسيك

[حبيس المشااعر]

السلام عليكم ورحمة الله وبركاته

تفضلو هذي الطازه وهي تعبر عن نفسها


يظهر من اقصى الناس رجلً يواسيك
ياقف معك فالكايده والمصيبه

ويطلع من اقرب ناس شخصً يعاديك
كنك من اقصى الناس منته قريبه

وياكثر منهو في زمنا يخاويك
وتكشف لك الايام شينه وطيبه

تهقابه الهقوه وخيب هقاويك
وتقفي وفي جوفك ثمانين خيبه

وانا طلع لي يافهد محزم وشيك
شيكه. رصيد المرجله وتهقيبه

على نواميس المراجل يضريك
يفداه رجلً ماينومس صحيبه

رجلً ليا شان الدهر مايجافيك
النعم دايم يافهد من نصيبه

هذاك جبر اللي ليا حتجت يشفيك
لو مطلبك فوق الثرياء يجيبه

امن المزاريع قومً ماتخليك
اهل الكرم وهل السيوف المهيبه

ياجبر انا لو امدحك مايوفيك
والمدح في شرواك ماهي غريبه

اسمً على مسما وربي مسميك
تجبر قلوب اهل القلوب العطيبه

[غنجَ]

الله الله
أبيآتَ تخطَ علىَ البيآرقَ
ونعمَ الرجآل والله ونعم الصحبهَ
بمثلَ مآ وصفتهمَ ..
يستآهل المديحَ وانشهد أن كلاً
يصنع لنفسهَ .. مثلَ هذولآ
نوآدر ومكسبَ الله لا يخليك
منهمَ ويكثرَ منَ أمثآلهم حوآليكَ



شهآدتيَ بجزالتك مجروحه
قافيتك متزنه وصح بووووحك
ي قائد القصيد ... تقييمي اكيد

[ملكة الرواسي]

ابيات جميله صح لسانك ولا هنت
الله يعطيك العافية

[صـدووودٓ]

اخي حبيس
صح لسااانك
قصيدة ف غاايةة الروعةة
ف قلمك كماا تعودناا عليه
ينثر جماالـ وذووق كلامااتك العذبةة
ف لاتحرمناا جديد قصيدك
لـ روحك ورد الجوري

[محمد الغنامي]

الله الله
حبيس المشاعر
صح لسانك واعتلا شانك
نص جميل وابداع غير مستغرب
يستاهل الممدوح وبيض الله وجه المادح
سجل اعجابي وتقديري
ولك اجمل تحيه

[خيال مطير]

صح لسانك

[هماليل]

تهقابه الهقوه وخيب هقاويك
وتقفي وفي جوفك ثمانين خيبه

صح لسانك حبيس المشاعر
عودة جميلة دمت متألقاً

[حبيس المشااعر]

ياهلابك

مليوون ولا يسدون ياغنوجه وشكرك على الكلام الجميل
كاروحك الجميله

شرفتي القصيده ونورتيها

[حبيس المشااعر]

ملكة الرواسي

صح روحك بل صح كلك

دائمن تحتجزين المقاعد الاماميه

نورتي القصيده بطلتك

[شيخـــة الغــيــد]

/


حبيــس المشاعر

لله درك على هذه القصيدة الكايفة
أبيآت جزلة و كلها حكمة وجمآل
وبوركت هذه الصحبة والاخوة الرائعه


تفردت فيما كتبت فأبدعت حتى التألق
سلم احساسك وصح الله لسانك مدد بلا عدد
دمت ودآم عطآؤك سلسبيلآ لا ينضب

إجلآل عميق

[محمد الـفراج]

الله الله الله

صح لسانكـ
مليوووون ولا يكفوووووون

مبدع يا حبيس
ولا هو غريب عليكـ الابداع

[قرناس الحرار]

يظهر من أقصى الناس شخص رجل يواسيك
ياقف معك فالكايده والمصيبه
صح لسانك حبيس مليون ولا يسدون
كايفه ماتطلع إلا من كايف

[حبيس المشااعر]

ياهلا بختي صدود

وصح روحك وصح كلك يالاميره

وشكرك من كل قلبي على الاطراء الجميل والغير مستغرب من عسل مثلك

لكي ودي وتقديري

[النجلاء]

صح الله لسانك مدد بلا عدد شاعرنا
ابدعت وامتعت يستاهل المادح والممدوح
دمت ودام مداد قلمك ورقي حرفك الشامخ
تقديري لسموك
النجلاء