همسة وفاء ياعيـــــون الشوق مرسوله

[نايف الناجي]

اقرا بخاطـــــــــــرك كل اللي تبي قــوله
مــــن دون لاتقولـــي وش وده الخاطــر

رمش الدلــــــــــع لايغط العــين بنزوله
يطغى علـــــى حمرة الاوجــان ويخاطر

قدام تغمض عيونك وصـــــل مفعــوله
وانا ليا ادرجت رمش العيــن مخـــاطر!

الله يااهـــــل الرياض الـــــوقت ياطوله
شوق المشاعر على حد السماء ساطر

همسة وفاء ياعيـــون الشوق مرسوله
واجبتا لســؤال الـــــــــــيا متــــــى ناطـر

يكفي مــــــــن الغيث قطره لقبل نزوله
مير البـلاء كان راح الغــــيث و المــاطر

نص الكـــــــــلام انتهى يلي تبي قوله
والخط مكتــــــــوب بالطبــشور يالشاطر

[ملكة الرواسي]

صح لسانك ولا هنت شاعرنا
نص راقي برقيك

[جراح]

صح لسانك نايف الناجي قصيده جزله

[محمد الغنامي]

نايف الناجي
صح لسانك مليون
نص فخم وعذب كفخامة حضورك
سجل اعجابي وتقديري
لك اجمل تحيه

[هماليل]

صح لسانك
نص جميل

[مهرة يام]

صح لسانك يالجزل
قصيده فخمه واكثر من رائعه
يعطيك العافيه
تقديري لك

[شاعرة نجد]

صح لسانك يـ الشاعر
وتسلم على هـ العذبه والابدااع

تقديري,’’

[شيخـــة الغــيــد]

/

صح الله لسانك مدد بلا عدد شاعرنا
قصيدة جزلة وكايفة بيض الله وجهك
ابدعت وامتعت ولاهنت شاعرنا الجزل

/

ودي يسبق ردي

[سحاب]

روعة الحرف تعانق سمو المعنى
لتستلهم من جمال الكلمه قصة ابداع
صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم