الشاعر عبد الله بن عون بن أرطبان المزني

[خيال مطير]

يابوخلف مات الهوى عقب ما كان
حيا ً يغذنه ليال المرابيع
إلى مال عربان ٍ على أطراف عربان
وباطرافهم جاء للطوارف تناشيع
وليا حصل عقب المرابيع مقطان
وتقاطروا فوق الركايا المفاريع
ليا قطبت عد ٍ من الريف طربان
سمر البيوت اللي تسد الترابيع
الجانب الشرقي خوالد و مطران
والجانب الغربي على حرب وسبيع
ويرده من المظما دواسر و عتبان
و من كل بد ٍ للوسايم تناويع
بدايد ٍ معها شقا كل ولهان
خمص المثاني لابسات الدراريع
بنات بدو ٍ حوزهن حوز غزلان
نهب القلوب مخيبات الطماميع
ومن كان في قلبه للأشواق ميدان
يلقا مجال ٍ يشتري فيه ويبيع
ليا عرضت شقر ٍ كما مطرق البان
تلفح جدايلها هبوب الذعاذيع
مادونها حاجز حوامي و جدران
هيبات أهلها عن حماها موانيع
والحب تأثيره على القلب سلطان
جاير ولا راعيه للعذل بمطيع
وأول مداخيله على قلب الأنسان
تجاذب النظرات بين المواليع
سراير ٍ يعرف لغاها بالأعيان
تفتح مشاريع ٍ و تلغي مشاريع
بين الثنين اللي لهم بالهوى شان
ماهم بخالين العقول القراقيع
وليا لقا بقلوب الأثنين مسكان
وثقله توزع بين الأثنين توزيع
سيطر و كبرت قيمته عند الأثنان
مادام سره ما عبث به و لا ذيع
وأول غرابيله إلى من الأضعان
راحت قسوم وكل ناس ٍ عطت ريع
وتفاختو من عقب ماهم بجيران
ليا شيف للنجم الجنوبي تلاميع
ونياتهم راحت من العد شتان
وكل ٍ على فاله يذب المخاويع
ومن كان مشطون ٍ مع البدو بشطان
أمسى على قلبه حدادالمراقيع
وأصبح يعدي في نبا كل مزبان
جسمه معافا و الضمائرمواجيع
دور ٍ لحقتوه أنت و يادبيّان
ومن عذبه الصافي خذيتو قراطيع
يوم إن لونه ماتغير ولاشان
ولا خربوه مخربين المواضيع
عشق ٍ على وضح النقا ماله أثمان
مطامع ٍ عليا وعفه وترفيع

https://www.youtube.com/watch?v=nUXSf_2LjI0

[ملكة الرواسي]

صح لسان شاعرها
ولاهنت خيال ع نقلك المتميز
،
،

[محمد الغنامي]

خيال مطير
صح لسانك ولسان بن عون
ابداع في ابداع
لاهنت

[النجلاء]

خيال
صح ذوقك الراقي وصح لسان بن عون
انتقاء جميل ومميز كما عهدناك
شاكره لك وجودك ومجهودك
تقديري لك
النجلاء

[غنجَ]

ذائقه مترفه وجميله
ك عادتك اخي لاتاتي
الا بماهو راقي ورائع
سلمت ودمت .."

[الجوريه]

يسلمو على الذائقه الراقيه
وصح لسان الشاعر المبدع
تقبل مروري وتقديري

[محمد الـفراج]

صح لسان ابن عون
وتسلم يمينكـ يا خيال مطير

[الجووهره]

صح لسآن الشآعر ابن عون

ويعطيك العافيه خيال على اختيارها

وتسلم يمينك على نقلهااا

[مهرة يام]

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~

[انفاس الحنين]

صح لسان قائلها وسلم بنان ناقلها
الله يعطيك العافيه على الانتقاء المميز
بانتظار جديدك بشوق
وودي وباقات وردي