امضيت عمري اجزي الطيب بالطيب

[نايف خويتم]

امضيت عمري اجزي الطيب بالطيب
ما يوم جازيت الردى .. بالردية


ودمح الخطا شيمه ولا هو من العيب
ترك الكثير .. من الامور الدنية


طبع الردى .. ماهو لمثلي مكاسيب
ولا ضاع حقً عند رب البرية


وفعل به المعروف .. يرقى المراقيب
ورد الخطية .. بالخطا جاهلية


خلك مع المعروف .. تجني منه طيب
يبقى وتبقى بذرته سرمدية


وخلك جبل .. ما حركته الهباهيب
والعز والناموس عندك هوية


واحذرك ثنتين فيهن عذاريب
فعل الخنا .. تنبذه نفسً سوية


ونقل الحكي .. ما فيه شكٍ ولا ريب
سمن تجرعته .. مرار ابيدية


كلما تذكر صاحبٍ لي ورى الغيب
جريت صوتي بالحروف العذية


عامين انا وياه حبٍ بــ تهذيب
واليوم تبكيله حروف ابجدية


وين انت ياللي حاميات اللواهيب
عقبك كوت قلبي ثمانين كية



والقلب من بعد الهنا والتراحيب
عقبك غدى رثٍ خرابٍ نسية


والحال عقبك وصف من دون ترتيب
يومي سراب وليلتي جرهدية


ياخاطري مالك عذر في المواجيب
دام الجروح مقدمه لك هدية


ليت الهوى .. في دنيتي ماله نصيب
ولا له بقلبي عروقن .. ندية


شوقي نثرت هم فوق المكاتيب
وبطى الجواب وجمرة الشوق حية


مدري عن آمالي ليا داهم الشيب
تبقى معى .. ولا تموت بروية

[عوض الرويلي]

نايف خويتم
صح لسانك على هذه الرائعة ولا هو غريب عليك الحرف الجزل تقبل احترامي ومودتي.

[محمد العواد]

الشاعر نايف خويتم
رائع بحق صح لسانك
توقعت اني ما اجد اجمل
من البيت الاول الا اني وجدت
جميع ابيات القصيده
على مستوى من الروعه والجمال

[ملكة الرواسي]

نص راقي وجميل
يعطيك العافية ولا هنت شاعرنا

[محمد الغنامي]

نايف بن خويتم
صح لسانك واعتلا شانك
نص جميل وعذب لا ابعد الحدود
سجل اعجابي وتقديري
ولك اجمل تحيه

[شيخـــة الغــيــد]

/

الله عليك ياناايف
قصيدة متميزة ومنفردة في معناها ..دُرر وحكم وخالقي

صح لسانك مدد بلا عــدد ولاهان منطوقك يَ الجزل
أبدعت وأوجزت فـ أمتعت

لقلبكَ الــ ودّ

[نايف الناجي]

ودمح الخطا شيمه ولا هو من العيب
ترك الكثير .. من الامور الدنية

طبع الردى .. ماهو لمثلي مكاسيب
ولا ضاع حقً عند رب البرية

الشاعر الجزل نايف خويتم
كفو كفو صح الله لسانك على هالنص الجزل ياجزل
تحيتي وتقديري

[شموخ الوايليه]

الشاعر القدير
نايف خويتم

صح السانك واعتلا شانك
ع هذه الجزله الرائعه النايفه
باحاسيسها وروعة وجمال مفرداتها
لله درك مااجمل حروفك
تقديري لك وتقييمي

[سحاب]

روعة الحرف تعانق سمو المعنى
لتستلهم من جمال الكلمه قصة ابداع
صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

[النجلاء]

نايف خويتم
صح الله لسانك مدد بلا عدد شاعرنا
ابدعت وامتعت كما تعودنا من سموك الابداع والامتاع والحضور المميز
دمت ودام مداد قلمك ورقي حرفك الشامخ
تقديري لسموك
النجلاء

[الجوريه]

صحٍ لسانكـٍ
سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن ابداعك
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ،
تقبل مروري المتواضع
كل الاحترام والود

[علي القرني]

امضيت عمري اجزي الطيب بالطيب
ما يوم جازيت الردى .. بالردية


ودمح الخطا شيمه ولا هو من العيب
ترك الكثير .. من الامور الدنية


طبع الردى .. ماهو لمثلي مكاسيب
ولا ضاع حقً عند رب البرية


وفعل به المعروف .. يرقى المراقيب
ورد الخطية .. بالخطا جاهلية


خلك مع المعروف .. تجني منه طيب
يبقى وتبقى بذرته سرمدية


وخلك جبل .. ما حركته الهباهيب
والعز والناموس عندك هوية


واحذرك ثنتين فيهن عذاريب
فعل الخنا .. تنبذه نفسً سوية


ونقل الحكي .. ما فيه شكٍ ولا ريب
سمن تجرعته .. مرار ابيدية


كلما تذكر صاحبٍ لي ورى الغيب
جريت صوتي بالحروف العذية


عامين انا وياه حبٍ بــ تهذيب
واليوم تبكيله حروف ابجدية


وين انت ياللي حاميات اللواهيب
عقبك كوت قلبي ثمانين كية



والقلب من بعد الهنا والتراحيب
عقبك غدى رثٍ خرابٍ نسية


والحال عقبك وصف من دون ترتيب
يومي سراب وليلتي جرهدية


ياخاطري مالك عذر في المواجيب
دام الجروح مقدمه لك هدية


ليت الهوى .. في دنيتي ماله نصيب
ولا له بقلبي عروقن .. ندية


شوقي نثرت هم فوق المكاتيب
وبطى الجواب وجمرة الشوق حية


مدري عن آمالي ليا داهم الشيب
تبقى معى .. ولا تموت بروية


الله الله شعر وجزالة وسمو خلق

وافيه من كفو ووافي

لاعدمناك يا نايف

احترامي

[مهرة يام]

صح لسانك يالجزل
ابيات كلها جمال وابداع
موغريب عليك الابداع والجزاله
تقبل مروري وتقديري لك
المهره