أكمل النص التالي

[هماليل]

أعزائي شعراء رواسي نجد الكرام
هنا سنكون على موعد مع الدويتو الشعري
" القصيدة المشتركة "
حيث سيقوم الشاعر بطرح أبيات
لم تصل لمسمى القصيدة " أربعة أبيات مثلاً "
ويذيلها باسم الشاعر الذي يود أن يكملها
إلى أن يتم الوصول لقصيدة كاملة متكاملة
وزناً ومضموناً مشتركة بجهد شاعرين
وبعد ذلك سيتم طرحها بشكل مستقل في
"تاج القصيد" باسم الشاعرين
نتمنى التفاعل من الجميع


#
نلفت النظر إلى أن هذا الموضوع ليس محاورة شعرية بل عملية تشارك
لإكمال نص وإظهاره بصورة متكاملة جميلة

هماليل...

[محمد الغنامي]

هماليل
طرح جميل وراقي كرقي حضورك شاعرتنا
ان شاء الله نشوف تفاعل من جميع الشعراء
ونشوف تائج مبهره
سجلي اعجابي وتقديري
مع التثبيت

[ملكة الرواسي]

يعطيك الف عافية غلاي
موضوع راقي ومتميز
بالتوفيق للجميع

[مهرة يام]

يعطيك الف عافيه
موضوع اكثر من رائع ومميز
ان شاء الله نشوف ابداع شعرائنا
تقديري لك

[عوض الرويلي]

يعطيك العافية هماليل موضوع متميز سجلي اعجابي

[هماليل]

محمد الغنامي
الملكة
المهرة
عوض الرويلي
شاكرة لكم المرور الجميل

[هماليل]

ليت السّحاب اللي تهامى نـــوّه
يروي صميل ديارهـــا بمـــروّه
الدّيرة اللــي زينهــــا متبــــــادي
عندا بها الحسن العتيق يتـــوّه
مرقابها لا من تحــدر سيلـــــه
سوّابها من شوق قلبه هــــــوّه
يلقى بها التّايـــه شفا مقصـوده
في كفّها من مكرمين الخـــــوّه

محمد الغنامي أكمل ....

[رحيل]

يعطيك ِالعافيه طرح اكثر رائع
وانتي دائما رائعه في طرحكِ ياغاليه ..

نتمنى تفاعل شعرائنا الكرام ..

[محمد الغنامي]

ليت السّحاب اللي تهامى نوّه=يروي صميل ديارها بمروّه
الدّيرة اللي زينها متبادي=عندا بها الحسن العتيق يتـوّه
مرقابها لا من تحدر سيله=سوّابها من شوق قلبه هـوّه
يلقى بها التّايه شفا مقصـوده=في كفّها من مكرمين الخوّه
بربوع دار متيهين الفاطر=بفعولهم يوم انها بالقوه
وبيوتهم بطرافها مبنيه=وكلٍ مولع للطراقي ضوه
وقفاتهم مافيه احد منكرها=اهل كرم واهل صخى ومروه
احبها من شانهم واغليها=هذا ماجيت ابا اذكره وانوه


يشرفني ان اكمل مثل هذا النص الفخم للشاعره هماليل
يعلم الله انها شاعره جزله ومبدعه

[هماليل]

يعطيك ِالعافيه طرح اكثر رائع
وانتي دائما رائعه في طرحكِ ياغاليه ..

نتمنى تفاعل شعرائنا الكرام ..

الله يعافيك مصممتنا الانيقة رحيل
وشكراً لمرورك الجميل يالغالية

[هماليل]

ليت السّحاب اللي تهامى نوّه=يروي صميل ديارها بمروّه
الدّيرة اللي زينها متبادي=عندا بها الحسن العتيق يتـوّه
مرقابها لا من تحدر سيله=سوّابها من شوق قلبه هـوّه
يلقى بها التّايه شفا مقصـوده=في كفّها من مكرمين الخوّه
بربوع دار متيهين الفاطر=بفعولهم يوم انها بالقوه
وبيوتهم بطرافها مبنيه=وكلٍ مولع للطراقي ضوه
وقفاتهم مافيه احد منكرها=اهل كرم واهل صخى ومره
احبها من شانهم واغليها=هذا ماجيت ابا اذكره وانوه


يشرفني ان اكمل مثل هذا النص الفخم للشاعره هماليل
يعلم الله انها شاعره جزله ومبدعه

صح لسانك شاعرنا المبدع زدت النص جمالاً
وكلماتك شهادة أعتز فيها
تحياتي لسموّك وتقديري

[محمد الـفراج]

الله الله الله
ابداااع ابداااع
صحت السنتكم
مليووووووووون ولا يكفووووووووون

[هماليل]

الله الله الله
ابداااع ابداااع
صحت السنتكم
مليووووووووون ولا يكفووووووووون

صح لسانك شاعرنا الجميل محمد
يكتمل الإبداع بتواجدك

بانتظار مشاركتك وتفاعلك

[النجلاء]

شاعرتنا الراقيه المبدعه
اهنيك ع الموضوع الرائع وان شاء الله نشوف تفاعل شعراء رواسي ومشاركاتهم
وصح الله لسانك وصح الله لسان مديرنا محمد الغنامي
بدايه وتكمله في قمة الروعه
تقديري لكم
النجلاء

[نايف خويتم]

ليت السّحاب اللي تهامى نوّه=يروي صميل ديارها بمروّه
الدّيرة اللي زينها متبادي=عندا بها الحسن العتيق يتـوّه
مرقابها لا من تحدر سيله=سوّابها من شوق قلبه هـوّه
يلقى بها التّايه شفا مقصـوده=في كفّها من مكرمين الخوّه
بربوع دار متيهين الفاطر=بفعولهم يوم انها بالقوه
وبيوتهم بطرافها مبنيه=وكلٍ مولع للطراقي ضوه
وقفاتهم مافيه احد منكرها=اهل كرم واهل صخى ومره
احبها من شانهم واغليها=هذا ماجيت ابا اذكره وانوه


يشرفني ان اكمل مثل هذا النص الفخم للشاعره هماليل
يعلم الله انها شاعره جزله ومبدعه



صحت الالسن فكره جميلة يلتقي فيها المبدعييييييين
نص ابدااااع وامتاااااع

[هماليل]

شاعرتنا الراقيه المبدعه
اهنيك ع الموضوع الرائع وان شاء الله نشوف تفاعل شعراء رواسي ومشاركاتهم
وصح الله لسانك وصح الله لسان مديرنا محمد الغنامي
بدايه وتكمله في قمة الروعه
تقديري لكم
النجلاء

غاليتنا النجلا هلا فيك وشكراً لدعمك المتواصل
وصح بدنك ..يكتمل الإبداع بتواجك الأنيق
تحياتي ومودتي لك

[هماليل]

صحت الالسن فكره جميلة يلتقي فيها المبدعييييييين
نص ابدااااع وامتاااااع


صح بدنك شاعرنا الجميل نايف
ممتنة جداً لمتابعتك الرائعة
ودّي وتقديري لك

[محمد الـفراج]

سعد عين اللي على المنفذ طرقها
لـكـززن لـون الـبرد فـيـهـا غماقي
يـم دارٍ بـالــحـــيـــاء ربي فـرقـــهــا
ما عـدل فلاحـهـا درب الـسـواقي
دام سهم الموت روحي ما زرقـها
ناصـل اللي حبها فالــقـلـب بــــاقي
ودي اخفف على روحي حـرقـهـا
جمرة الاشـواق يـطـفـيـهـا التلاقي

سجين رواسي اكمل

[محمد الغنامي]

الله عليك يابو فيصل
صح لسانك وننتظر سجين الرواسي

[سجين الرواسي]

سعد عين اللي على المنفذ طرقها
لـكـززن لـون الـبرد فـيـهـا غماقي
يـم دارٍ بـالــحـــيـــاء ربي فـرقـــهــا
ما عـدل فلاحـهـا درب الـسـواقي
دام سهم الموت روحي ما زرقـها
ناصـل اللي حبها فالــقـلـب بــــاقي
ودي اخفف على روحي حـرقـهـا
جمرة الاشـواق يـطـفـيـهـا التلاقي

سجين رواسي اكمل

صح لسانك يا ابو فيصل واعذرنا على القصور

من يلوم العين لو طول ارقها
دام ما صار التلاقي و االعناقي
المراكب كان ما جتني غرقها
شبه مضمونن وللموج اصطفاقي
لوحت وعيون قلبي تدرقها
وغرست رمح الهجر والافتراقي
ليت روحي نور عيني ما سرقها
كان يمكن فادني نفثات راقي

[محمد الـفراج]

الله الله
صح لسانكـ يا سجين
مليووووون ولا يكفووووووون

[محمد الغنامي]

صح لسانك يابو فيصل
وصح لسانك ياسجين
نص جميل جداً
ياليت احد ينقلها لتاج القصيد

[هماليل]

صح لسان محمد بن فراج
وسجين الرواسي
مبدعين نص متكامل وجميل
سيتم النقل كقصيدة مستقلة

[محمد الـفراج]

صح بدنكـ يابو بــنـــدر
وصح بدنتس يا هـــمـالـيـل

[محمد العواد]

‏
فكرة رائعة شاعرتنا هماليل
وانتي وجودك بحد ذاته روعه

صح لسانك ولسان محمد الغنامي
وصح لسان محمد الفراج وسجين الرواسي

صراحة ابدعتو

-وسيتم نقل القصيدتين بشكل مستقل لتاج القصيد-


تحياتي

‏

[بوح شاعر]

صح لسانك هماليل
صح لسانك ابو بندر
صح لسانك ابو فيصل
صح لسانك سجين
ابدعتو

[محمد العواد]

شكراً جزيلاً شاعرتنا ( هماليل ) =موضوع فعلاً يستحق الإشاده
هذا وانا بالذات مع داجي الليل=يا هبّ نسناس الشمال وبراده
اسهر على المعنى وبدع التماثيل=يعني مثل ما قالوا الناس عاده
ودامي بقطاع الحب في مهنة الويل=معاشي بـ بنك النكاده نكاده

.
.
.
كملي يا نجد

[شيخـــة الغــيــد]

/

الله الله
روااائع وبدااائع

محمد فراج وَ سجين الرواسي

صحت ألسنتكما ودام إبداعكما جزلين وو افيين

[هماليل]

غشام
وشيخة الغيد شكرأ لمروركم الجميل
أنرتم المكان
تحياتي لكم

[هماليل]

شكراً جزيلاً شاعرتنا ( هماليل ) =موضوع فعلاً يستحق الإشاده
هذا وانا بالذات مع داجي الليل=يا هبّ نسناس الشمال وبراده
اسهر على المعنى وبدع التماثيل=يعني مثل ما قالوا الناس عاده
ودامي بقطاع الحب في مهنة الويل=معاشي بـ بنك النكاده نكاده

.
.
.
كملي يا نجد

صح لسانك ملايين شاعرنا العواد
والعفو يالطيب أنا من يشكرك
على تفاعلك الجميل وتلبية الدعوة


بانتظار الشاعرة الجميلة شاعرة نجد

[شموخ الوايليه]

الله الله الله
ع هذه الروائع والابداعات
صراحه استمتعنا بهذا التواجد
المشرف ل شعراء وشاعرات رواسي
ونطمع بالمزيد والمزيد
تحيتي وتقديري
ل صاحبة الفكره الفاتنه والرائعه الشاعره هماليل
ربي يسعدكم ويوفقكم يالغوالي
كونو دوما بالقرب

[سجين الرواسي]

صحت ابدانكم جميعا
وصح لسان ابو فيصل وتشرفت ان تضاف ابياتي لابياته
وصح لسان نديم القوافي محمد العواد
ومشاركتي


قبل القلم يزداد في اسهابه

حيثه يطيش ان صرتي المقصوده

ولو يتكلم ساق لك إعجابه

صوت تصفق له جبال السوده

ومدام صرتي للقصيد أسبابه

انا وحرفي مدفع وباروده

ولاجلك ابدخل في ظلام الغابه

ولا همني بذيابته وأسوده




واتمنى يكملها بدون قصور في الجميع
الشاعر غشام

[هماليل]

صحت ابدانكم جميعا
وصح لسان ابو فيصل وتشرفت ان تضاف ابياتي لابياته
وصح لسان نديم القوافي محمد العواد
ومشاركتي


قبل القلم يزداد في اسهابه

حيثه يطيش ان صرتي المقصوده

ولو يتكلم ساق لك إعجابه

صوت تصفق له جبال السوده

ومدام صرتي للقصيد أسبابه

انا وحرفي مدفع وباروده

ولاجلك ابدخل في ظلام الغابه

ولا همني بذيابته وأسوده




واتمنى يكملها بدون قصور في الجميع
الشاعر غشام


صح لسانك يالجزل
بانتظار الشاعر غشام

[عبده حكمي]

موضوع راقي ومتميّز من تميّزك شاعرتنا المبدعة هماليل
أبدعتم جميعاً
أتمنى لك وللجميع التوفيق
دمت بهذا التميّز والعطاء

[هماليل]

موضوع راقي ومتميّز من تميّزك شاعرتنا المبدعة هماليل
أبدعتم جميعاً
أتمنى لك وللجميع التوفيق
دمت بهذا التميّز والعطاء



شكراً لمرورك المتميز
شاعرنا القدير عبده حكمي
ودّي وتقديري لسموّك

[شاعرة نجد]

شكراً جزيلاً شاعرتنا ( هماليل ) =موضوع فعلاً يستحق الإشاده
هذا وانا بالذات مع داجي الليل=يا هبّ نسناس الشمال وبراده
اسهر على المعنى وبدع التماثيل=يعني مثل ما قالوا الناس عاده
ودامي بقطاع الحب في مهنة الويل=معاشي بـ بنك النكاده نكاده


.


.


.


كملي يا نجد

أبشر شاعرنا
وصح لسانك على هـ الابدااع
وشكرا جزيلا لـ اختياري لـ اكمال ابياتك,تشرفت طال عمرك

وتسلمين هماليل
لاعدمنا حضورك ومواضيعك المميزه شاعرتنا العذبه
واعتذر عـ التأخير تو انتبهت للموضوع

تقديري,’’

[شاعرة نجد]

شكراً جزيلاً شاعرتنا ( هماليل ) =موضوع فعلاً يستحق الإشاده
هذا وانا بالذات مع داجي الليل=يا هبّ نسناس الشمال وبراده
اسهر على المعنى وبدع التماثيل=يعني مثل ما قالوا الناس عاده
ودامي بقطاع الحب في مهنة الويل=معاشي بـ بنك النكاده نكاده

مكسور خاطر ماحصللّي محاصيل=من حبي المجهول غير القراده
وغنيت من شعري,جديد المواويل=مع النسيم العذب دون استفاده
حتى ولو يروي ضمَى الشوق ويزيل=همي,مواويله,تزيده زياده
دفنت حبٍّ كفّنَتْه الغرابيل=وحطيت لي من ذكرياته وُساده
موضوع هيضني وانا جيت بالحيل=شاعر وطلعتي خفايا فواده

[بوح شاعر]

صحت ابدانكم جميعا
وصح لسان ابو فيصل وتشرفت ان تضاف ابياتي لابياته
وصح لسان نديم القوافي محمد العواد
ومشاركتي


قبل القلم يزداد في اسهابه

حيثه يطيش ان صرتي المقصوده

ولو يتكلم ساق لك إعجابه

صوت تصفق له جبال السوده

ومدام صرتي للقصيد أسبابه

انا وحرفي مدفع وباروده

ولاجلك ابدخل في ظلام الغابه

ولا همني بذيابته وأسوده




واتمنى يكملها بدون قصور في الجميع
الشاعر غشام

صح لسانك ودام ابداعك سجين الرواسي ولي الشرف طال عمرك

مدام سيفي ف اليمين نصابه
ماافكر بقّل الكلام وزوده
القلب يدفعه الوله لاحبابه
لاذعذع الغربي عليه بـ نوده
اللي ليا منه شبح بـ اهدابه
كم واحد ً روح ضحية سوده
بــ اوصفه لاكنّ كيف ابدابه
بطلته ابنظرته بخدوده
الزين حدك بس وانت اولابه
واللي تنافس طلتك مقروده
غيرك يجي ويروح مايدرابه
كلن لياشافك لزم لحدوده
عشقت له واموت به واحيابه
بس الطرق قدامنا مسدوده
متى يحن ويفتح لي ابوابه
واصافحه وأشم ريحة عوده

[هماليل]

شاعرة نجد الجميلة
صح لسانك يالمبدعة
متالقة كالعادة

سيتم نقل النص بشكل
مستقل في تاج القصيد

[هماليل]

صح لسانك غشام
نص جميل وكايف


سيتم نقل النص كاملاً بشكل مستقل

[ملكة الرواسي]

يعطيكم العافية ولا هنتم

[بوح شاعر]

صح لسانك شاعرة نجد

صح بدنك هماليل
ربي يسلمك عالية المقام

[شيخـــة الغــيــد]

/

ماشاء الله

إبـــــــــــــــــداع الله يحفظكم

صحت ألسنتكم وسلم بنانكم ولاهنتم ع جميـــل بوحكم

[محمد العواد]

شكراً جزيلاً شاعرتنا ( هماليل ) =موضوع فعلاً يستحق الإشاده
هذا وانا بالذات مع داجي الليل=يا هبّ نسناس الشمال وبراده
اسهر على المعنى وبدع التماثيل=يعني مثل ما قالوا الناس عاده
ودامي بقطاع الحب في مهنة الويل=معاشي بـ بنك النكاده نكاده

مكسور خاطر ماحصللّي محاصيل=من حبي المجهول غير القراده
وغنيت من شعري,جديد المواويل=مع النسيم العذب دون استفاده
حتى ولو يروي ضمَى الشوق ويزيل=همي,مواويله,تزيده زياده
دفنت حبٍّ كفّنَتْه الغرابيل=وحطيت لي من ذكرياته وُساده
موضوع هيضني وانا جيت بالحيل=شاعر وطلعتي خفايا فواده





‏
لله درّك يا نجد ............






‏

[ريوف]

السلام عليكم ورحمة الله وبركاته..
آل الرواسي
وشكرا لك من الاعماق شاعرتنا المبدعه هماليل
على هذا الموضوع الاكثر من رائع
مشاركات جميله من شعراء جزلين
صحت السنتكم جميعا...
ولا هنتم

ابداع يعانق ابداااع


تحياتي للجميع
؛
ريوف القوافي

[ريوف]

يـاللي مـلكت الـقلب بـاسلوبك الـذوق
اســألـك ويــنـك ؟!والـحـزن مـمـتليني

لا تـقـول مـتـكدّر ولــك قـلـب مـحروق
جـمـر الـمـشاعر منـخمد مـن سـنيني

مـاهـزّك إحـسـاسك ولا حركك شـوق!
تـكـسر جـدار الـصمت بـينك وبـيني!

أشهق وصوتي من عنا البعد مخنوق
وآشــوف طـيفك مـنطبع وسـط عـيني
؛
؛

هماليل............أكملي......

[هماليل]

صح لسانك شاعرتنا الجميلة ريوف
ممتنة جداً لتواجدك الجميل وتفاعلك
مع الموضوع
ويشرفني اكمال نصّك العذب
تقديري وودي لسموّك غاليتنا

[هماليل]

يـاللي مـلكت الـقلب بـاسلوبك الـذوق
اســألـك ويــنـك ؟!والـحـزن مـمـتليني

لا تـقـول مـتـكدّر ولــك قـلـب مـحروق
جـمـر الـمـشاعر منـخمد مـن سـنيني

مـاهـزّك إحـسـاسك ولا حركك شـوق!
تـكـسر جـدار الـصمت بـينك وبـيني!

أشهق وصوتي من عنا البعد مخنوق
وآشــوف طـيفك مـنطبع وسـط عـيني
؛
؛

هماليل............أكملي......





كنّـــه ســرابٍ لوّحت يمّه عــذوق
قالت: علامك بالجفـــا تحتوينـي؟!

مثل الحماد الّلي من القيظ مفهوق
كنّـــي وهمّــــال المـــزن ما يبيني

آنشهد إن البعد محقوق محقـــوق
فـــي ذمّتــه علّـــق بقايــــا حنيني

أدورك يا متلف الـــرّوح واتـــوق
والقاك من حــسّ البطـــا معتريني

[سجين الرواسي]

مساء الخير

وصحت السنتكم جميعا وصح حضوركم

ابتدا نظم القوافي على اللحن الحزين
وابتدت ذكرى الليال الخوال الماضيات

ودنا نلقى سبب نلتقيكم كل حـــــين
مير حطوا حاجز أكبر من جبال السراة

أن بغيتك من يسار أو بغيتك من يمين
يا عذاب دون موت او عذاب مع ممات


ما بقى لي بعد هذا سوى صفق اليدين
قالها اللي ما لقا درب مع كل الجهات


بدون قصور بشعرءنا الأفاضل التكمله من الشاعر القدير ناصر الهواوي

[النجلاء]

صح الله لسانك ياسجين وفي انتضار تكملة شاعرنا ابو عبيد

[محمد الغنامي]

الله الله
سجين الرواسي صح لسانك واعتلا شانك
نص جميل وعذب وفي انتظار ابو عبيد لاكمال النص
سجل اعجابي وتقديري المستمر

[محمد الـفراج]

ســــجــيــن رواســي
صح لسانكـ
مليوووون ولا يكفوووون
وننتضر ابو عبيد

[ناصر الهواوي]

بصراحه توي دريت ان فيه موضوع معد من هماليل وهي سباقه لكل علم جميل المفروض نبهتونا لذلك انا تراي ما انتبه بالحيل لكل شي
يعني
لازم اطلع من اول صفحه الى اخر صفحه ان شاء الله


ــــــــــــــــــــــــــــــــــــــــــــــــــ ــــــــــــــــــــــــــــــــــ
ابتدا نضم القوافي على اللحن الحزين =وابتدت ذكرى الليال الخوال الماضيات
ودنا نلقى سبب نلتقيكم كل حين=مير حكو حاجز اكبر من جبال السراة
من بغيتك من يسار وبغيتك من يمين=ياعذلب دون موت وعذاب مع ممات
ما بقى لي غير هذا سوى صفق اليدين=قالها اللي ما لقى درب مع كل الجهات


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ


ابتدا نضم القوافي وفال القرم زين=كل ضيقه تنفرج بالليال المقبلات
وكل قلب يجيه للي مضى دايم حنين=والهموم جموع تاتيه واحيانا شتات
ودام تقدر تدرج حول وضاح الجبين=الفرص ماهيب دايم تجيلك دوك هات
والصبر محمود والله على مابك يعين=وكل ذيبٍ مسه الجوع ماوالله يبات
قبل خافية السوالف لمفهومي تبين=جا لدقات المعني تدابك وخفقات
وانتسلت الاجرب اللي معلق له سنين=وقلت قبل الصبح والخيل عندي مسرجات
لكن الفتنه كفاها الولي المومنين=والسموحه كان عبرودها صار بحصات(ة)

[سجين الرواسي]

بصراحه توي دريت ان فيه موضوع معد من هماليل وهي سباقه لكل علم جميل المفروض نبهتونا لذلك انا تراي ما انتبه بالحيل لكل شي
يعني
لازم اطلع من اول صفحه الى اخر صفحه ان شاء الله


ــــــــــــــــــــــــــــــــــــــــــــــــــ ــــــــــــــــــــــــــــــــــ
ابتدا نضم القوافي على اللحن الحزين =وابتدت ذكرى الليال الخوال الماضيات
ودنا نلقى سبب نلتقيكم كل حين=مير حكو حاجز اكبر من جبال السراة
من بغيتك من يسار وبغيتك من يمين=ياعذلب دون موت وعذاب مع ممات
ما بقى لي غير هذا سوى صفق اليدين=قالها اللي ما لقى درب مع كل الجهات


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ


ابتدا نضم القوافي وفال القرم زين=كل ضيقه تنفرج بالليال المقبلات
وكل قلب يجيه للي مضى دايم حنين=والهموم جموع تاتيه واحيانا شتات
ودام تقدر تدرج حول وضاح الجبين=الفرص ماهيب دايم تجيلك دوك هات
والصبر محمود والله على مابك يعين=وكل ذيبٍ مسه الجوع ماوالله يبات
قبل خافية السوالف لمفهومي تبين=جا لدقات المعني تدابك وخفقات
وانتسلت الاجرب اللي معلق له سنين=وقلت قبل الصبح والخيل عندي مسرجات
لكن الفتنه كفاها الولي المومنين=والسموحه كان عبرودها صار بحصات(ة)


الله عليك يا ابو عبيد صح لسانك مليون لا هنت وشرفتني باكمال الابيات

[هماليل]

الله عليكم
سجين الرواسي والهواوي
مبدعين ورائعين
صحت السنتكم

[شموخ الوايليه]

الله الله الله
صحت السنتكم
الهواوي وسجين الرواسي
ابدعتم رائعين
تقديري لكما واحترامي

[رحيل]

الله الله
ابداع في ابداع
صحت الالسن لله دركما ،،

[الجووهره]

صحت الالسن جميعاااااااا

وصح لسآنك سجين الروآسي

وصح لسآنك الهوآآوي

أبدعتوووو

يعطيكم العآآآفيه

[حمد الحربي]

صحت الالسن ودام ابداعكم شعرائنا وشاعرتنا ،، ولاهنتم

[ناصر الهواوي]

صحت السنتكم واحياكم الله
اولا ارحب بالشاعر حمد الحربي وارجو منه اكمال هالبويتات بما يراه مناسبا وهذا من فرحتنا بتواجده
مساك من وبل الروايح غشيني=ياسجن ياللي كل من فيك سامين
حتى لو ان حضورهم لك دويني=مهما حصل يالحبس يبقون غالين
عدو غفوات الجفن منتويني=ما ادري علامه يحرم الغفوه العين
لكن ابا اقدم جوابي لسيني=قبل تصير السين يالسجن سينين
جفوة سنه عقب التواصل سنيني=عرفت منها ويش يعنون بالبين
اثر البعد قتال والهجر شيني=عزي لقلبٍ واقعٍ بين الاثنين

[ناصر الهواوي]

ارحب ياجراح تراحيب المطر واكمل هالثلاثه لاهنت
ليا ناض براقه طرت لي طواري=وان جا برد ذكرت لي مبسمٍ زين
عليه اجاوب نايحات القماري=واعاوي العاوي بروس الضلاعين
واكبر مصيبه كان ماهو بداري=انه هو اللي بالفراق اسهر العين

[غنجَ]

موضوع يطل من الافق
راقي جدا وممتع وبه من الفتن
مايسرق نور المقل .. يحضره الجمال
ولا يغيب عنه الابداع والالهام ..
لله دركِ ي ناصية التميز ⚘❤


تقيييمي واتمنى الا يخذلني ⚘

[ملكة الرواسي]

الله عليكم مبدعييييييييييييين

[جراح]

اسري على فرقاه مسرى الضواري ـ ـ ـ ولحدن درى عني وعن حضي الشين
وش لي بسوق الحب بايع وشاري ـ ـ ـ خسارتي من يوم حبيت ثلثين
هذا ونا فالحب كاتب وقاري ـ ـ ـ وعمري تجاوز فوق تسعه وعشرين

اخوي الغالي الهواوي صح لسانك يالجزل وتشرفت بمجاراتك

[حمد الحربي]

صحت السنتكم واحياكم الله
اولا ارحب بالشاعر حمد الحربي وارجو منه اكمال هالبويتات بما يراه مناسبا وهذا من فرحتنا بتواجده


مساك من وبل الروايح غشيني=ياسجن ياللي كل من فيك سامين
حتى لو ان حضورهم لك دويني=مهما حصل يالحبس يبقون غالين
عدو غفوات الجفن منتويني=ما ادري علامه يحرم الغفوه العين
لكن ابا اقدم جوابي لسيني=قبل تصير السين يالسجن سينين
جفوة سنه عقب التواصل سنيني=عرفت منها ويش يعنون بالبين
اثر البعد قتال والهجر شيني=عزي لقلبٍ واقعٍ بين الاثنين





لامــرته ذكــرا غــدالـــه ونـيـنـي=كنــه عويقٍ فاقدٍ شــوف والــين
يومه يشوف النار حوله تبيني =والجسم لا يسعف ولافيه تمكين
الصحب راحوا ماتركوا له عويني=ياكود نوحٍ من صميم الشرايين
محــدٍ فطن له لو عذابه يبينـي=لو نظــرة عيونه تسوق البراهين
لو صرخته باحت وبان الكنيني=لو ينشطر قلبه لو يصير قسمين
ليت السجن باسباب طلبه وديني=ماهـو بسبــة صدةٍ للمصـدين
اللي باثرها لاعبٍ بي حنيني =ماغير اجر الصوت واكتب دواوين
اثر الهوا غلاب طبعه يهينــي=ويهــد هامات الرجــال الــشـواهين
منه البشر مارقدَّوا مهتنينــي=كــلٍ من اسبــابـه غدابــه براكـين









لاهنت يالامير وصح الله لسانك وبيض الله وجهك على هالجزاله ويسعدني ويشرفني تواجدي بينكم اولا وتكملتي لهالجزله ثانيا واعتذر عن التاخير

[محمد الغنامي]

الله الله
الهواوي صح لسانك واعتلا شانك
جراح تكمله جميله صح لسانك

[محمد الغنامي]

ابو عبيد صح لسانك مليون نص عذب وجميل
حمد الحربي صح لسانك يالجزل نص مكتمل بالجمال
الله لايهينكم شعرائنا الجزلين

[ناصر الهواوي]

اهلا ياغنج بالله من اي كوكب نزلتي فاقدينك مبطي لاهنتي ودمتي وسلمتي
الاخ الشاعر جراح صح لسانك على الابداع وروعته دائما اتمنى اللي مثل ومثل غشام وكثير من اخواننا المبدعين ان يكتبون باسماء صريحه
مجرد راي
حمد الحربي الشاعر المتمكن صح الله لسان ك حتى ترضى بصراح ماخاب ظني لاني لم اقرا لك وقد مر علي اسم جراح لكن اسمك ما اعتقد اني رائيته
هنا لاهنتوا وبيض الله وجيهكم يالغالين
ابو بندر حياك وصح بدنك وفكرك

[ناصر الهواوي]

وين المعزب ابا اساله عن علومه بعد هالغياب=اليوم حنا يابو فيصل ضيوفك وانت راع المحل
البارحه ياولد فراج لين اتلى المقابيس غاب=النوم بعيون اخوك العود مما فيه عيا يحل
ليا انقفل باب طاري ينفتح يمه ثلاثين باب=وانا مع اسياب هالبيبان احل بدورها وارتحل
الجو يصفي وينشي غيم ويلابس شموسه ضباب=وجيان قلبي على كثر المطر والسيل دايم محل

[حمد الحربي]

الله لايهينكم جميع وصح لسان الشاعر جراح للمجاراه الطيبه واشهد انه جزل جاراله جزل بيض الله وجيهكم
،ناصر هذا من طيبك يالامير ومن جزالتك و ابشر راح اغثكم بالمواضيع والله يعينكم علي هههههه

[شموخ الوايليه]

مساءكم سعاده ياشعراء الرواسي
ابدعتم وعلى راسكم الشاعر القدير
ناصر الهواوي
الذي زاد من جمال هذا الموضوع
الملئ بالنوادر والروائع
ننتظر جديدك شاعرنا حمد الحربي
وفعلا ليت الاسماء المستعاره
توثق قصايدها باسماءها الحقيقيه
لانه الشعراء الرجال لاضير من اسمه الحقيقي
بالعكس هالشي سيكون له ولقصائده
ك حفظ حقوق رسمي لكتاباته
وجهة نظر لا اكثر وانا مع اخونا الهواوي
بهالكلام
تقديري لكم ول صاحبة الموضوع ذات الفكر النير
الغاليه الشاعره هماليل
يسعدكم ربي دووم

[رحيل]

الهواوي ؛صح لسانك شاعرنا لين ترضى .
جراح ؛ صح لسانك الى مالا نهاية .
ابداع غير مستغرب منكم ..

[رحيل]

الهواوي ، حمد الحربي
الله الله
اكتملت صورة الابداع ..
لله دركما .

[محمد الـفراج]

وين المعزب ابا اساله عن علومه بعد هالغياب=اليوم حنا يابو فيصل ضيوفك وانت راع المحل
البارحه ياولد فراج لين اتلى المقابيس غاب=النوم بعيون اخوك العود مما فيه عيا يحل
ليا انقفل باب طاري ينفتح يمه ثلاثين باب=وانا مع اسياب هالبيبان احل بدورها وارتحل
الجو يصفي وينشي غيم ويلابس شموسه ضباب=وجيان قلبي على كثر المطر والسيل دايم محل


يا مرحباء يابو عبيد
صح لسانكـ
مليوووووووون ولا يكفوووووووون

سمعت صوت المنادي يوم نادى جيت ارد الجواب
ويا مرحبا من هجوس الشاعر اللي هاجسه ما بحل

سلامتكـ من صواديف الزمن يالعود سمح الجناب
لا تـسـهر الـعـين ونته لـحـتما الميـقـاف تبقى فـحـل

دورة رحـاة الــزمن يبيد يـابـو عبيد مـنها الشباب
وحلاوة الـوقت فـالوقـت الشقي عياء عليها النحل

ون طعت شوري لاعاد اتخيل براق الحياء والسحاب
ومالكـ ومال النجوم اللي مابين الارض وكوكب زحل

[رحيل]

ابو عبيد , ابو فيصل
صحت الالسن .
ابداع منقطع النظير ,

[محمد الـفراج]

صحت السنتكم جميعٍ

وصح بدنكـ يا رحيل لا عدمت هالحضور

[ناصر الهواوي]

اهلا يابو فيصل والله اني عارف انك ما تبحل بشي
وصح لسانك وبدنك بس حبيت اتاكد ان موجود لان لها عندي مدلول ههههههههههههههههههههه
اهلا يارحيل وصح بدنك وسلمتي ع الحضور الفاخر
تبارك الله وماشالله لعله ما يجيك اكتيئاب=اللي مع اسفلت ينقد مشية اللي طابعٍ بالوحل
وشلون اغمض عيوني عن بروقٍ مثل بيض الثياب=وش بك تحرم على صاحبك شيٍ لك بعرفك يحل
مطاع شورك وتطبيقه متى ماشاب راس الغراب=او قررن العذارا لا يحطن بالعيون الكحل
وش عاد اسوي بقلبٍ كل ما اكبر سن عوَّد شباب=وعينن سحل رمشها ضوح البروق اللي تخايل سحل
والله ما ادري هي مضبوطه والا مع حويد الانضياط ؟؟هههههههههههههههههههههههههه

[محمد الـفراج]

هههههههههههههههههههههههههههه

صح لسانكـ يابو عبيد
مليووون ولا يكفوووون
ونت ما تجيب الا المضبوط لا عدمتكـ

[شيخـــة الغــيــد]

/


الشعراء الأفاضل


صحت الألسن جميعا وبيض الله وجوهكم على هذه الجزاله والروائِـــــــــــــع

/
هماليل
صفحتك رائعة ومميزة وممتعة .. سلمتِ يانقاء




حفظكم الرحمن

[ناصر الهواوي]

ارحب يابو فراج والمضبوط تواجدك وان شح
اهلا ياشيخة الغيد وكما قلت صفحه ثريه لو هناك من يثريها وكل صفحات منتدانا رائعه بس وين الروائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
من اراد اكمالها يفعل ماودنا نحدد
ممنوع الاحراج والرزق على الله هههههههههههه



الجو صافي وشامس بالنخل لجة عصافير=وفي مثل هالوقت صمت الورق به ماكان عاده
لاذعذعت من جنوب الهاديه يعزالي اطير=لي في جناب الغلا يامن تحب ترد راده
شغل لي اللي تشوقك لاتحرك خنة السير=ياعبيد انا ابوك راسي لاطروا عاف الوساده
عليه اباصل وليفي لو وقف دونه طوابير= اجل لويش انتخي من روق باصحاب السعاده

[محمد الغنامي]

ارحب يابو فراج والمضبوط تواجدك وان شح
اهلا ياشيخة الغيد وكما قلت صفحه ثريه لو هناك من يثريها وكل صفحات منتدانا رائعه بس وين الروائع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
من اراد اكمالها يفعل ماودنا نحدد
ممنوع الاحراج والرزق على الله هههههههههههه



الجو صافي وشامس بالنخل لجة عصافير=وفي مثل هالوقت صمت الورق به ماكان عاده
لاذعذعت من جنوب الهاديه يعزالي اطير=لي في جناب الغلا يامن تحب ترد راده
شغل لي اللي تشوقك لاتحرك خنة السير=ياعبيد انا ابوك راسي لاطروا عاف الوساده
عليه اباصل وليفي لو وقف دونه طوابير= اجل لويش انتخي من روق باصحاب السعاده



لن عاش راسي وكافاه الولي سو المقادير=ابيد من حال مابيني وبين الزين اباده
ولا نويت استمع لو يجتمع عذال ومشير=فاللي بقلبي لهم حق الولايه والسياده
من شانهم ماحسبنا للكلافه والمخاسير=لو تسهر العين من زود الوله ولا نكاده
ماينزع حبهم لو ينزع شوكان والنير=مشيدٍ حبهم بين الضلوع العوج اشاده


يشرفني اكمال هذا النص الفخم
اعذرني على القصور يابو عبيد

[محمد الـفراج]

الله الله
صح لسانكـ يابو عبيد
وصح لسانكـ يابو بندر
ابداع
الله لا يضركم

[شيخـــة الغــيــد]

/

ي سلام

الهواوي وَ ابو بندر

صحت السنتكما ودام ابداعكما واحساسكما الممتع

بورك في حروفٍ أنتما اصحابهـــــــــا

/
لقلبيكما السَّعَـــد

[شموخ الوايليه]

صحت السنتكم
شعراءنا
ربي يسعدكم ويوفقكم
مبدعين ورائعين

[ناصر الهواوي]

صح لسانك يابو بندر ولاتكفي صح لسانك ولاهان راسك وبيض الله وجهك يالغالي
ابو فيصل صح بدنك وبيض الله وجهك
شيخة الغيد صح بدنك انتي شيخة الغيد اليوم وا لا ابو الاسود الدؤلي ههههههههههههههههههههه
الوايليه هلا فيك وصح بدنك اخاف استمر وتطفشون مني مثل ما طفشتكم بالسجن ههههههههههههههههههههههههههههههههههههههه

[شموخ الوايليه]

صح لسانك يابو بندر ولاتكفي صح لسانك ولاهان راسك وبيض الله وجهك يالغالي
ابو فيصل صح بدنك وبيض الله وجهك
شيخة الغيد صح بدنك انتي شيخة الغيد اليوم وا لا ابو الاسود الدؤلي ههههههههههههههههههههه
الوايليه هلا فيك وصح بدنك اخاف استمر وتطفشون مني مثل ما طفشتكم بالسجن ههههههههههههههههههههههههههههههههههههههه

الهواوي
خذها مني وانا اختك
وربي ماطفشتنا وربي انك تاج روسنا
والي خلق الخلق
انك مزين السجن والمكان كله
يشهد على ربي اني مااجاملك ولا زليت عليك بحرف
بس انه السجن اشوفه ماهو مثل الاول
ومحد يلتزم مع حزبه
الوحيدين الملتزمين هو حزبك وحزب المدمر وبس
وهالشي هو الي ضايقني صراحه
ودي بالزين لكن مامشت الامور على كيف اختك
ماني قد اني امشي مع عالم طريقهم غير وانا طريقي غير
انا ابي ناس تتحرك وتهتم للشي الي هم فيه
لكن تجري الرياح بما لاتشتهي السفن
والقصيده الي نزلتها اخر شي
واخذت على خاطرك منها وانا اختك
تراها ذائقه وبس وربي مامنها اي قصد ابد ابد
لاتزعل ياابو عبيد تراك غالي عند اختك كثير
عسى ربي مايحرمنا من تواجدك وطيبة قلبك ونقاوة روحك

[ناصر الهواوي]

والله ما اخذت بخاطري يابنت الرجال لاولله بس انا ليا اشتغلت بموقع فيه اخذ وعطا الظاهر ان اجي كلي وفيه من يتضايق وانا ما دريت
والكلام ليس موجه لك بس جاء في سياق ردي عليك
انتي اخت وزميله حرف وغاليه على الجميع ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

[شموخ الوايليه]

الله يسعدك ويحفظك يارب
غالي والله ياابو عبيد
لاخلا ولاعدم
تقديري لك دوووم

[ناصر الهواوي]

اكمل بيوت اللي مدخدخ من النوم=ولاوده احد يكمله غير غشام
قبل امس وامس وليلته تقل منجوم=اغط ساعه واربع سياع ما انام
ياطير ياللي بالسما تدرج الحوم=لو تسمح احلق معك مابه الزام
انا بشوفة ناقش الكف ملزوم=وحبيت انا استفزع بحضرتك مادام
يناسب لرفة جناحينك اليوم=صافي سوى ناعم ذعاذيع الانسام

[شيخـــة الغــيــد]

اكمل بيوت اللي مدخدخ من النوم=ولاوده احد يكمله غير غشام







/

صح اللسان وسلم البنان يابو عبيد ..ولاهان منطوقك

ننتظر شاعرنا غشـــام ليكمل الإبداع بـ إبداع

/

[رحيل]

ابو عبيد ، ابو بندر
صحت الالسن
انتم اصل الابداع ولا يستغرب الابداع من اهله .

[ناصر الهواوي]

اهلا ياشيخه وصح بدنك
اهلا يارحيل وصح بدنك
والله محييكن وسلمتن ودمتن

[محمد الـفراج]

الله الله
صحت السنتكم جميعٍ

[ناصر الهواوي]

قالو من امس انشوف عندك هواجيس=ووجهك عبوس اليوم وين البشاشه؟
استهد باللي يرزقك وادحر بليس=وان كان ما ماشاك هالوقت ماشه
مامن ورا ذكر السنين المراميس=الا التوترللفكر واندهاشه
هموم وآهات وونين وعواميس=وسكر وضغط وبالمفاصل هشاشه
وتحل من بعد اليقين الوساويس=ويصبح خيالك للكوابيس شاشه
قلت اسكتوا ماعاد بالعلم تدليس=قلب الرجابه مخلب الياس ناشه

[حمد الحربي]

قالو من امس انشوف عندك هواجيس=ووجهك عبوس اليوم وين البشاشه؟
استهد باللي يرزقك وادحر بليس=وان كان ما ماشاك هالوقت ماشه
مامن ورا ذكر السنين المراميس=الا التوترللفكر واندهاشه
هموم وآهات وونين وعواميس=وسكر وضغط وبالمفاصل هشاشه
وتحل من بعد اليقين الوساويس=ويصبح خيالك للكوابيس شاشه
قلت اسكتوا ماعاد بالعلم تدليس=قلب الرجابه مخلب الياس ناشه

‏
‏

ثم نكس امال اللقــا فيه تنكــيس=والموت شافه قبل موته وعاشه
انشهد انه جاد نوم الكوابـــيس=وانشهد ان الحال بان ارتباشه
وانشهد اني منه فلسْت تفليس=والصدر جادت ضيقته وانكماشه
ياللي تواسيني خفتْك الكواليس=اللي ورا هاجوس فكري وجاشه
مير ابتعد عني همومي كواديس=ويني ووين اهل الفرح والبشاشه

‏

‏


‏
صح لسانك يالامير واشهد ان الابيات جزله من شاعر جزل تبارك الرحمن ولهذا السبب حاولت تكملتها والمعذره لو كان بالتكمله قصور

تقبل تحياتي وتقديري

‏

[ناصر الهواوي]

اهلا بكل من مر من هنا وصحت ابدانكم وعقولكم وبارك الله فيكم وبيض وجيهكم
صح الله لسانك يالحربي حتى ترضى لاهنت وبيض الله وجهك

يامرحبا باهل الفخر والنواميس= بريح المعتق لانطف من غراشه
بحمد ولد من تتعب الخيل والعيس= من طاشه الشرقي لغربي طاشه
في هالتتمه حمس الهجس تحميس=وفي حرها زادت على حر جاشه
نعم وغير اللي تنبيت به ليس=به شيٍ آخر خذ من الصدق كاشه

[ناصر الهواوي]

عن ويش يالورقا تسالين عن ويش=لغاك هذا ترجميه إل/ لغانا
صحيح انا وياك ياحلوة الريش=بالمزرعه وانتي من اغلى قصرانا
تصرفك ذا له كذا يوم به طيش=وانا كذلك ما اعرف وش بلانا
انتي يجوز لغيبة اللي تناغيش=اللي على عذب القصيد اتحدانا
وانا بجوي من كذا يوم تشويش=الله على زين المسار يهدانا
لكثر الطواري وسط راسي نغاميش=تحوس فكري بين آنن وآانا
باسبابها تضحك عليِّ الدراويش=اللي على شين الحكا ما توانا

[حمد الحربي]

اهلا بكل من مر من هنا وصحت ابدانكم وعقولكم وبارك الله فيكم وبيض وجيهكم
صح الله لسانك يالحربي حتى ترضى لاهنت وبيض الله وجهك

يامرحبا باهل الفخر والنواميس= بريح المعتق لانطف من غراشه
بحمد ولد من تتعب الخيل والعيس= من طاشه الشرقي لغربي طاشه
في هالتتمه حمس الهجس تحميس=وفي حرها زادت على حر جاشه
نعم وغير اللي تنبيت به ليس=به شيٍ آخر خذ من الصدق كاشه


صح بدنك يالهواوي وبيض الله وجهك وماعليك زود
واسمح لي بالرد على هالكرم بالمدح ولاهنت يالامير




‏

بك البقا يافارقٍ بالمقاييس=ياللي سبق بالطيب والجود حاشه
يانسل بيضان الفعول الفواعيس=اللابه اللي كل ابوها بشاشه
امنفسين الكرب والضيق تنفيس=مثل انبلاج النور بعد الغباشه
في نهجهم مافيه غشٍ وتدسيس=نياتهم بيضا بياض القماشه
ونستنا يانسلهم حق تونيس=بابيات جن جزلات ماهن قشاشه
‏

[ناصر الهواوي]

تسلم ياحمد والله ما ودي اطولها لان جزالتها انتهت لكن الظاهر انا نبا نستاذن معدت هالمتصفح واخليه لي ولك للمساجلات الربع كلهم اتركوها ما اعرف السبب هههههههههههههههههههههههههههه
مبدع ياحمد ومتمكن الله لا يضرك وبيض الله وجهك


ــــــــــــــــــــــــــــــــــــــــــــــــــ ـــــــــــــــــــــــــــــــــ


ما ادري وش الفرق مابين التوحوح واهة الضيق=وكثر التنهت وجرات الونين وتك الاخلاق
حتى تحملت من ذات الرزانه فوق ما اطيق=اللي عليِّ احكمت سجن مؤبد مع عمل شاق
ونه قبل تسرق الرمد النعاس وعندما افيق= واقساهن اللي تجي وقت المسا ماهيب تنطاق
اطيافها بالمنام وذكرها هو فكة الريق=ينوب عن ما يصير مقبلات او نوع ترياق
مسامحه لو هي اتلفق لي الاعذار تلفيق=بكره وتفرج اراه اخير لي من طاري فراق

[محمد الغنامي]

ارحب ياجراح تراحيب المطر واكمل هالثلاثه لاهنت
ليا ناض براقه طرت لي طواري=وان جا برد ذكرت لي مبسمٍ زين
عليه اجاوب نايحات القماري=واعاوي العاوي بروس الضلاعين
واكبر مصيبه كان ماهو بداري=انه هو اللي بالفراق اسهر العين

عن ويش يالورقا تسالين عن ويش=لغاك هذا ترجميه إل/ لغانا
صحيح انا وياك ياحلوة الريش=بالمزرعه وانتي من اغلى قصرانا
تصرفك ذا له كذا يوم به طيش=وانا كذلك ما اعرف وش بلانا
انتي يجوز لغيبة اللي تناغيش=اللي على عذب القصيد اتحدانا
وانا بجوي من كذا يوم تشويش=الله على زين المسار يهدانا
لكثر الطواري وسط راسي نغاميش=تحوس فكري بين آنن وآانا
باسبابها تضحك عليِّ الدراويش=اللي على شين الحكا ما توانا


الله الله
ابو عبيد صح لسانك يالجزل
هذي مفروض انها في تاج القصيد ماهي هنا
ياليت تنقلها يابو عبيد هناك
ولك جزيل الشكر

[شيخـــة الغــيــد]

/

الله الله
الهواوي و الحربي


صحت ألسنتكمـــا ودام إبداعكمـــا

مجاراة رائعـــة إمتاع وخالقي


/

[محمد الغنامي]

السلام عليكم ورحمة الله وبركاته
اولا. صحت الالسن جميع شعرائنا المبدعين
يشرفنا حضوركم وتواجدكم الرائع

ثانياً هذا الموضوع اسمه موضوع اكمل النص التالي
يعني انا انزل 4 ابيات فقط واطلب من شاعر معين اكمالها بنفس التسلسل ونفس المعنى
ويبتدي من حيث انتهيت انا وفي 4 ابيات فقط ليكون النص بعدد 8 ابيات

ثالثا. هناك قسم كامل لمجاريات شعراء رواسي نجد
وهذا القسم الغرض منه المجاريات بالقصايد الطويله واللتي فيها
الشاعر موجها لشاعر اخر من رواسي
انا بنزل لكم رابط القسم واتمنى اشوف المجاريات هناك
هذا الرابط
http://www.r111n.com/f146.html

واعتذر على الاطاله والملاحظات
فكل القصد هو اسعادكم وتوفير الراحه لكم
رواسي نجد الادبيه منكم واليكم

[حمد الحربي]

تسلم ياحمد والله ما ودي اطولها لان جزالتها انتهت لكن الظاهر انا نبا نستاذن معدت هالمتصفح واخليه لي ولك للمساجلات الربع كلهم اتركوها ما اعرف السبب هههههههههههههههههههههههههههه
مبدع ياحمد ومتمكن الله لا يضرك وبيض الله وجهك


ــــــــــــــــــــــــــــــــــــــــــــــــــ ـــــــــــــــــــــــــــــــــ


ما ادري وش الفرق مابين التوحوح واهة الضيق=وكثر التنهت وجرات الونين وتك الاخلاق
حتى تحملت من ذات الرزانه فوق ما اطيق=اللي عليِّ احكمت سجن مؤبد مع عمل شاق
ونه قبل تسرق الرمد النعاس وعندما افيق= واقساهن اللي تجي وقت المسا ماهيب تنطاق
اطيافها بالمنام وذكرها هو فكة الريق=ينوب عن ما يصير مقبلات او نوع ترياق
مسامحه لو هي اتلفق لي الاعذار تلفيق=بكره وتفرج اراه اخير لي من طاري فراق



تسلم يابو عبيد ووجهك ابيض ولاهنت

الربع فيهم خير وبركه لكن العتب على النظر ماكل من يمر يلاحظ الموضوع
اما عن الابيات تبارك الخلاق مبدع كعادتك ماشاء الله تبارك الرحمن

تحيتي وتقديري

[حمد الحربي]

السلام عليكم ورحمة الله وبركاته
اولا. صحت الالسن جميع شعرائنا المبدعين
يشرفنا حضوركم وتواجدكم الرائع

ثانياً هذا الموضوع اسمه موضوع اكمل النص التالي
يعني انا انزل 4 ابيات فقط واطلب من شاعر معين اكمالها بنفس التسلسل ونفس المعنى
ويبتدي من حيث انتهيت انا وفي 4 ابيات فقط ليكون النص بعدد 8 ابيات

ثالثا. هناك قسم كامل لمجاريات شعراء رواسي نجد
وهذا القسم الغرض منه المجاريات بالقصايد الطويله واللتي فيها
الشاعر موجها لشاعر اخر من رواسي
انا بنزل لكم رابط القسم واتمنى اشوف المجاريات هناك
هذا الرابط
http://www.r111n.com/f146.html

واعتذر على الاطاله والملاحظات
فكل القصد هو اسعادكم وتوفير الراحه لكم
رواسي نجد الادبيه منكم واليكم
صح بدنك يالامير
وابشر ياطويل العمر والمعذره منك ومن صاحبة الموضوع ولاهنت على التذكير

[ناصر الهواوي]

هو حنا لقينا احد هنا والا هناك؟؟؟؟؟؟؟؟؟؟ههههههههههههههههههههههههههههههههههه
ابشر ياريس
لاهنت ياحمد

[ناصر الهواوي]

موضوعنا اكمل ما كتبنا سرى الليل=باربع بيوت اتصير في كل الاحوال
اللي فتح بابه وجابه هماليل=واللي يتابع قاطع السير رجال
ياشيخ ياكثر العنا والغرابيل=بيتٍ يزود يغرم الكاتب ريال
امر وصدر ماعاد للامر تعديل=الله يعاونا على طولة البال

[هماليل]

صح لسان الجميع
شاعرنا المبدع الهواوي
والشاعر القدير حمد الحربي

اعذروني عن الانقطاع
وشكراً لتفاعلكم الجميل

[ناصر الهواوي]

اهلا ياهماليل فتحتي الباب واعطيتي المفاتيح عبد الله هههههههههههههههههههههههه
تنتاب فكري يا(.......)هواجيس=ماعاد اميز مرسها من جديدها
وجوي عقب ماصار ماعاده انيس=افل ماضي ذكرياتي واعيدها
حبل الوصل باقدام شين الجفا ديس=مريت باوضاعٍ ولاكنت اريدها
من حين صدقتي علوم الاباليس=واللي بقالي من حظوظي قريدها
اللي غدومثل الابر والدبابيس= الله يجمد دمها في وريدها

[ناصر الهواوي]

يامعدة الموضوع لو دونه عملتي لي حجب=كان استمر ولا تعطل والندا لاقى مجيب
قد قلت في صفحه مضت هذا هو اللازم يجب=علمي نتاج التجربه مفروض كلٍ يستجيب
نعم هو امرٍ فيه للواعي تماثيل وعجب=وان قلتي المعني غريب اقول اجل وايضا عجيب

[ناصر الهواوي]

لااحد يتمه بكره ارجع واتمه= ماقد بديته كان باقي بقيه
البارحه من ضيقتي رحت يمه=وحصيلي المشوار روحه وجيه
ثوب التواصل نافضٍ منه كمه=ونفسي تحمل نفس نفسي زريه

[حمد الحربي]

^ ابشر ياطويل العمر هههههههههه
صح لسانك وبيض الله وجهك ودمت مبدع يابوعبيد

[حمد الحربي]

ابو عبيد نبي التتمه الله لايهينك

[مهرة يام]

صح السنتكم ياشعرائنا
مبدعين وجزلين
لاهنتوا على الحضور والابداع
تقديري لك

[ناصر الهواوي]

حاضر يالخال لكن البطاريه خلصت والكهربه عندنا طافيه من المغرب لي عوده

[حمد الحربي]

حاضر يالخال لكن البطاريه خلصت والكهربه عندنا طافيه من المغرب لي عوده

تسلم يالبناخي وبيض الله وجهك وصح لسانك مقدما
وكان الله بعونكم بانتظار ابداعك

كل التحيه والتقدير

[ناصر الهواوي]

اهلا ياحمد قد تركتها لعدم وجود احد وتميتها لطلبك يالغالي وصح بدنك
اهلا يالمهره والابداع تواجدك وصح بدنك
لااحد يتمه بكره ارجع واتمه= ماقد بديته كان باقي بقيه
البارحه من ضيقتي رحت يمه=وحصيلي المشوار روحه وجيه
ثوب التواصل نافضٍ منه كمه=ونفسي تحمل نفس نفسي زريه
هو ياحمد للقلب خاله وعمه=وهو غايته من كل ميته وحيه
وهو ياحمد بين المزايين قمه=وهو جنة غناء ونارٍ وريه
وهو ياحمد بلسم فوادي وسمه=بليةٍ ياويها من بليه
جب يانسيم النود رياه اشمه=افزع بريحه لاتطول عليه
هذا ياشاعر حرب بعض التتمه=لو ما تهيت معي ميه بميه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


قاف الغزل مالله اممسيك بالخير=منك انت قل لي ويش حصل خويك
منك انت وخوانك غدينا هوامير=لو ارصدتنا اصفار لا رحم حيك
ازبنك لارفرف بصدري لهم طير=وتخلف نويي يخلف الله نويك

[حمد الحربي]

اهلا ياحمد قد تركتها لعدم وجود احد وتميتها لطلبك يالغالي وصح بدنك
اهلا يالمهره والابداع تواجدك وصح بدنك
لااحد يتمه بكره ارجع واتمه= ماقد بديته كان باقي بقيه
البارحه من ضيقتي رحت يمه=وحصيلي المشوار روحه وجيه
ثوب التواصل نافضٍ منه كمه=ونفسي تحمل نفس نفسي زريه
هو ياحمد للقلب خاله وعمه=وهو غايته من كل ميته وحيه
وهو ياحمد بين المزايين قمه=وهو جنة غناء ونارٍ وريه
وهو ياحمد بلسم فوادي وسمه=بليةٍ ياويها من بليه
جب يانسيم النود رياه اشمه=افزع بريحه لاتطول عليه
هذا ياشاعر حرب بعض التتمه=لو ما تهيت معي ميه بميه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


قاف الغزل مالله اممسيك بالخير=منك انت قل لي ويش حصل خويك
منك انت وخوانك غدينا هوامير=لو ارصدتنا اصفار لا رحم حيك
ازبنك لارفرف بصدري لهم طير=وتخلف نويي يخلف الله نويك


هههههه بيض الله وجهك يالامير وصح لسانك مبدع مبدع وعز الله ان التتمه محد بيضبطها كثرك خاصه بهالابيات ولاقصور بالشعراء

ماشاء الله تبارك الرحمن ولا عليك زود يابو عبيد وسجلني من احد محبين قيفانك

لا عدمناك ولا عدمنا هالابداع يابوعبيد

[حمد الحربي]

قاف الغزل مالله اممسيك بالخير=منك انت قل لي ويش حصل خويك
منك انت وخوانك غدينا هوامير=لو ارصدتنا اصفار لا رحم حيك
ازبنك لارفرف بصدري لهم طير=وتخلف نويي يخلف الله نويك

‏
اخفيك عنهم حاسبٍ للمخاسير=وانته تفلاتك عليهم غذيك
كنت احسبنَّا بالبلاوي مخاشير=واثرك بصف الزين مافيه زيك
ماغير جدت بجهدنا والمشاوير=وعن واجد النكبات وفى شويك
ماعاد فيها ياصحيبي معاذير =نورك طفى ياهيه من بعد ضيك
خونت بالخوه بلا اياة تقدير=وش ترتجي بانن خفيات غيك
‏

[ملكة الرواسي]

لا هنتم والله يعطيكم العافية

[هماليل]

صح لسان المبدعين
ناصر الهواوي
حمد الحربي
لا عدمنا الحضور الأجمل

[هماليل]

قــم توقّــى العوسجيـــة لا تقـــدّ المفـــردات
شوكها الظّامي يخزّ من الجفا طرف الهجير

مــن تلــولس في هدبهـــا يتلفنه الشّربكــات
إن نتع معنــاه مــدمي وإن تعقّب يستجــير

جرهديّ الدّرب يضــمر بالحنايـــا همهمــات
مــا تخطراها حـــرير ولا تثنّاهـــا حصيـــر

من يذيّر بالحروف العاصفـة صمت الفــلاة
ما درى يالحرف بانك من سمـا المعنى مطير

يستكنّ بجيــد فكــرك مــن خيال المترفـــات
عسّجديّاتٍ شفقهـــا يطفــي الحـــرف المثيـــر



أتركها لمن يكملها ..........

[ناصر الهواوي]

الله ياحمد صح الله لسانك مليون ولا يسدون ولاهان راسك وبيض الله وجهك يالقرم
طبعا اقول الخال نعم خوال ابوي الحنانيه ويشرفني اصير لكم بناخي
هماليل والله اني ابا اكمل ابياتك حتى لو اجيب 4من10 الليله انشاء الله
وانا والله مشتهي واحد بس شكيت بظروفه هالايام ههههههههههههه
ولي عوده ان شاء الله
ابو بندر
الملكه
اللذين واللواتي مرو من هنا حياكم الله والله متصفح ولا اروح بس يحتاج تفعيل لو بالاسبوع
الله يخلي لنا هماليل بس ان ذكاي ما يرقى لفهم معاني ابياتها هههههههههههههه

[ناصر الهواوي]

مجاراه وليست تكمله بمعناها الصحيح وعلى شان ماتحكمون علي بالغبى ما ودي اقول مافهمتها بالحيل ههههههههههه


ياهماليل الحروف الكايفات المبهمات=لو نزلتي دور من مبنى التعنت وش يصير
إي نعم كلٍ له بنهجه ومفهومه سمات=ناس موردهم بحر واقوام يردون الغدير
ومن تمادا في صعود الشامخات النايفات=تنحسب له /بس مجلاسه بقمتها خطير
لو تثبت كذبة اللي قال لي مافات مات=لفرش حياض النخل للي يقررها حرير
مره لساني من الضيقات ينشب باللهات=ونوب احس اني من الضيقه لقيت لسان غير

[ملكة الرواسي]

الله يعطيكم العافية ولا هنتم

[هماليل]

صح لسانك ملايين
شاعرنا الجميل الهواوي
مبدع وجزل من يومك

[ناصر الهواوي]

اكملي ياهماليل كان ودك ههههههه

ـــــــــــــــــــــــــــــــــــــــــــــــــ


يابحر موجك هجده موج الاشواق=اعتا من امواجك صخب موج شوقي
يابحر بالي له كذا شهر ما راق=وخذت رغم اني عتيبي وروقي
الهجر واللي صخرك صعب ينطاق=والبعد لسباب المواصيل عوقي
من حين تغرق في بحراها للاشراق=احيان ما يلتذ بالنوم موقي


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

وين شاعرة نجد تكملها اذا ارادت هههههههههه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


اسكن هبوب اتقر خضر الجرايد=يمكن عليها تزعج الصوت ورقا
وتشجي هجوسٍ للتماثيل رايد=يبرد بها اعصابٍ من الوجد حرقا
ليا عن له ماضيه جاب الفرايد=بهيفا شناح اسهيفت الخد طرقا
عن وصلها حالت حظوظٍ قرايد=ومن فقدها دايم والاحداق غرقا

[محمد الغنامي]

الله الله
صح لسانك يابو عبيد
مبدع مبدع الله اليظرك
ننتظر هماليل
وشاعرة نجد

[حمد الحربي]

السلام عليكم ورحمة الله صحت الالسن جميعا
ننتظر تتمات الاخوات والابداع المؤكد




‏


مايهد الضلع وقعك ياهبوب السافي =ولايضر البال غيبه ماهي بمحسوبه
ولا يجدد جرح قلبي كود هجر الجافي =ذاك منهو من نساني واتقى بدروبه
يوم روح ماذكرني والسنين عجافي =واتقيت اجر رجلي عنوةٍ مغصوبه
ليت خافي ذالنوايا يابشر ينشافي=كان ماكثرت الخطاوي يوم اوجه صوبه


‏

دون تحديد

[ناصر الهواوي]

صح الله لسانك ياحمد وحياك مولاك
اهلا بمن مر من هنا



وليت جرح الحب يلقى له طبيب ورافي=وله تناضخ عكسي مفلتر يحلي شوبه
وللجفا لمبة نيون اتقول مهلاً كافي=المغربل لو تزيد شوي جاله نوبه
كم عدا مع سوقهم لابس ومره حافي=وكم تمنى لو يتوب ولا تهيا توبه
وسهله الدعوى ابتسامه في مقام اسعافي=من كريم المستحق وحلوه ومرغوبه

[حمد الحربي]

صح الله لسانك ياحمد وحياك مولاك
اهلا بمن مر من هنا



وليت جرح الحب يلقى له طبيب ورافي=وله تناضخ عكسي مفلتر يحلي شوبه
وللجفا لمبة نيون اتقول مهلاً كافي=المغربل لو تزيد شوي جاله نوبه
كم عدا مع سوقهم لابس ومره حافي=وكم تمنى لو يتوب ولا تهيا توبه
وسهله الدعوى ابتسامه في مقام اسعافي=من كريم المستحق وحلوه ومرغوبه



صح بدنك يالامير وبيض الله وجهك على هالتتمه الطيبه وصح لسانك ملايين

[ناصر الهواوي]

الله يحفظك ياحمد وصح بدنك
ــــــــــــــــــــــــــــــــــــــــــــــــــ ـــــــــــــــ


البارحه بالصدر مايشبه الضيق=واصبحت ما يطلق عليه اسم ضيقه
وهالحين من قوه بدا ينشف الريق=الا ان بي كل المشاعر امفيقه
واخشى المسا منه احتمل فوق ما اطيق=رفرف غراب البين واسمع نعيقه
نبعٍ روي لكن تفجر ولا حيق=رغم ان للاصلاح100طريقه

[شاعرة نجد]

اكملي ياهماليل كان ودك ههههههه

ـــــــــــــــــــــــــــــــــــــــــــــــــ


يابحر موجك هجده موج الاشواق=اعتا من امواجك صخب موج شوقي
يابحر بالي له كذا شهر ما راق=وخذت رغم اني عتيبي وروقي
الهجر واللي صخرك صعب ينطاق=والبعد لسباب المواصيل عوقي
من حين تغرق في بحراها للاشراق=احيان ما يلتذ بالنوم موقي


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

وين شاعرة نجد تكملها اذا ارادت هههههههههه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


اسكن هبوب اتقر خضر الجرايد=يمكن عليها تزعج الصوت ورقا
وتشجي هجوسٍ للتماثيل رايد=يبرد بها اعصابٍ من الوجد حرقا
ليا عن له ماضيه جاب الفرايد=بهيفا شناح اسهيفت الخد طرقا
عن وصلها حالت حظوظٍ قرايد=ومن فقدها دايم والاحداق غرقا


صح لسانك يـ الهواوي
واعتذر عن التأخير ماشفت هـ الابيات الا الليله
تقبل التكمله وان لم تكن على المستوى,شعر الغزل من الشاعر اروع بكثير من الشاعره


اسكن هبوب اتقر خضر الجرايد=يمكن عليها تزعج الصوت ورقا
وتشجي هجوسٍ للتماثيل رايد=يبرد بها اعصابٍ من الوجد حرقا
ليا عن له ماضيه جاب الفرايد=بهيفا شناح اسهيفت الخد طرقا
عن وصلها حالت حظوظٍ قرايد=ومن فقدها دايم والاحداق غرقا

ياما كتبت لْها جديد القصايد=والحال يسرق من ضنى الهجر سرقا
والشوق والوجدان والود زايد=مغرم ويطرقني الهوى العذب طرقا
للذكريات اللي مضت لي عوايد=تنزل على شاشة عيوني وترقا
وتضيق بي وانا وسيع البنايد=بـ .اسباب مَن مِيسَمْه فـ .القلب عرقا
يالورق لاحيتك بليا فوايد=والموج هايج والسماا فوق زرقا

[ناصر الهواوي]

اي شاعر ياشاعرة نجد يغوص لهالوالي غيرك
الا التكمله هي صلب الموضوع صح الله لسانك وبيض الله وجهك ودمتي وسلمتي ولاهنتي

[ناصر الهواوي]

لله درك شاعرة نجد
الا والله هذا هو بيت اولب القصيد صح الله لسانك وبيض الله وجهك ولاهنتي ودمتي وسلمتي
الاوله معها ابيات رايت فيها صعوبه شوي والغيتها
ونزلت هذا الرد بداللها ولقيت المشاركتين بدون الابيات وزود الخير خير هههههههههههههههه

[ناصر الهواوي]

عاد وين الناس انا ماشفت احد=ومن بدت مشروع حلو وخلته
ياهجوسي معك انا احب اتحد=بذكر من ساح الفواد احتلته
الوليف اللي لماضينا جحد=غادةٍ حال المشقى سلته
لوفاها ماهقيت يكون حد=لنها قلبي بيدها تلته

[شاعرة نجد]

صح بدنك يـ الهواوي
وصح لسانك على هـ العذبه
وصحت السنة الجميع ودام الحضور
والابدااع,’’

[ناصر الهواوي]

مديرنا كان طالب بتفعيل المشاركات بكل الاقسام لكن الحاصل العكس الا اهل العاصفه ههههههههههههههههه
اهلا بشاعرتنا وصح بدنك ولاهنتي

[رحيل]

شاعرنا ناصر الهواوي ،
شعرتنا شاعرة نجد ،
صحت الالسن ادبى منقطع النضير ..

[ناصر الهواوي]

اكمل يالهاوي ما كتب الهواوي
ــــــــــــــــــــــــــــــــــــــــــــــــــ ـــــــــــــــ


احيان الذكا نكبه ونوب الذكا مطلوب=وفن التغابي بس من يقدر ايجيده
مامثل السلامه رح لاغالب ولا مغلوب=ليا افلت من فخ الهوى بالك اتعيده
وقلت اللقا عقب البطا عنه طب قلوب =وفعلا زياره جابت بخافقي عيده
كان اسمي مدون قبل في قايمة مرغوب=ولقيته مدون تحت(ذاشخص) شخص ما اريده


معلومه ان صحت
(اكمل)هالوجه الجميل الذي تفضلت به هماليل
اعتقد انه بالادب العربي كان باقي بالذاكره بقيه هو الايجاز
وهو ان يطرح بيت وياتي من يجيزه بمعنى يشرح معانيه ويبين خوافيه بابيات على نفس القافيه والروي
واذكر مثل هالنوع مساجلات بين امروء القيس وعبيد ابن الابرص وهما جاهليان

[شيخـــة الغــيــد]

/

صحت الألســــن وصحت قلوبكم

إبداع وإمتاع

متابعين لكم

[ناصر الهواوي]

كأن لم يكن بين الحجون الى الصفا= انيسُ ولم يسمر بمكة سامر
يقال انه سمع صوت جني يقول
نعم نحن كنا اهلها فابادنا= صروف الليالي والجدود العواثر
والجدود الحظوظ

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


ياهيه لامنك تعيدت اكمل البيت الجديد=بعيد الفطر والا بالاضحى لو تيسر كمله
الناس ضاعت في خضمات الاجازه شي اكيد=وهي من قبل ويكندها من هالوضع متململه
الا الهجوس اللي دبل كبدي ومن طبعه عنيد=عكر مزاجي ما اعرف وش فيه لاضقت اعمله

[رحيل]

صح لسانك شاعرنا (:

[ناصر الهواوي]

صح بدنك يارحيل

[قرناس الحرار]

صحت السنكم جميع
بحور شعر ومن يبي يغوص فيكم غرق
الله يطول ب اعماركم جميع
ويحفظكم يارب
تقبلو مروري

[شيخـــة الغــيــد]

/

صح لسانك يابو عبيد مليووووون

واسأل الله أن يبارك لك في صحتك وجهدك ووقتك

[حمد الحربي]

مسيتم بالعافيه وكل عام وانتم على ماتحبون


،





البارحه يوم عهدٍ للفرح ولى
والحزن فيها غدا اوضح مواريها

جيت اكتب القاف ابتوسع و بتسلى
لكن عين الشقا هلت عباريها

على غريرٍ نهش روحي وماخلا
ماغير شلفا وسقمٍ من مواطيها



لمن اراد التتمه المجال مفتوح

[شيخـــة الغــيــد]

/

الله يمسيك بالخير والرضا يا حمد وكل عام وأنت على خير ماتحب

وصح لسانك شاعرنا ع هذه الرائعه يالجزل
لاهنت ولا هان منطوقك

[حمد الحربي]

/

الله يمسيك بالخير والرضا يا حمد وكل عام وأنت على خير ماتحب

وصح لسانك شاعرنا ع هذه الرائعه يالجزل
لاهنت ولا هان منطوقك


صح الله بدنك ولاهنتي ولاهان وجودك الطيب


،

[قرناس الحرار]

مسيتم بالعافيه وكل عام وانتم على ماتحبون


،





البارحه يوم عهدٍ للفرح ولى
والحزن فيها غدا اوضح مواريها

جيت اكتب القاف ابتوسع و بتسلى
لكن عين الشقا هلت عباريها

على غريرٍ نهش روحي وماخلا
ماغير شلفا وسقمٍ من مواطيها



لمن اراد التتمه المجال مفتوح

جاهدت نفسي عسى نلقابها حلا
لكن الاقدار عيت قمت اجاريها
أشد حبل الرسن وتلني تلا
وقمت اتنهت واسوق الرجل اباريها
لو لوحولي وكلن رحب وهلا
ماكني اشوف غير الي اداريها

محاوله بسيطه

[حمد الحربي]

البارحه يوم عهدٍ للفرح ولى
والحزن فيها غدا اوضح مواريها

جيت اكتب القاف ابتوسع و بتسلى
لكن عين الشقا هلت عباريها

على غريرٍ نهش روحي وماخلا
ماغير شلفا وسقمٍ من مجاريها







جاهدت نفسي عسى نلقابها حلا
لكن الاقدار عيت قمت اجاريها

أشد حبل الرسن وتلني تلا
وقمت اتنهت واسوق الرجل اباريها

لو لوحولي وكلن رحب وهلا
ماكني اشوف غير الي اداريها

محاوله بسيطه



ابدعت يالامير صح لسانك ولا هنت

اعتذر عن التقصير بالقافيه لم اتنبه الا مؤخرا تم التعديل

كل الود والتقدير للجميع

[قرناس الحرار]

صح بدنك ياحمد والإبداع انت منبعه طال عمرك
ولا جاء منك قصور يالذيب ابيض وجه

[رحيل]

حمد الحربي & قرناس الحرار
صحت الالسن ابدعتو لله دركما ..

[قرناس الحرار]

حمد الحربي & قرناس الحرار
صحت الالسن ابدعتو لله دركما ..

صح بدنك رحيل والله يعطيك العافيه
والإبداع انتي منبعه

[حمد الحربي]

كأن لم يكن بين الحجون الى الصفا= انيسُ ولم يسمر بمكة سامر
يقال انه سمع صوت جني يقول
نعم نحن كنا اهلها فابادنا= صروف الليالي والجدود العواثر
والجدود الحظوظ

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


ياهيه لامنك تعيدت اكمل البيت الجديد=بعيد الفطر والا بالاضحى لو تيسر كمله
الناس ضاعت في خضمات الاجازه شي اكيد=وهي من قبل ويكندها من هالوضع متململه
الا الهجوس اللي دبل كبدي ومن طبعه عنيد=عكر مزاجي ما اعرف وش فيه لاضقت اعمله




الهاجس اللي ماجلبلي في حياتي مايفيد =الله ُ اكبر ياعرب وشلون انا بهمله
وهو الذي دايم معي وازريت القى له ضديد=شيءٍ يوسع خاطري ويزمني وازم له
وشلون ابسلا ياعرب وشلون ابلقى مايبيد=شيءٍ توطن بالحشا وازريت لا أتحمله
يابو عبيد الله وكيلك كل مايبرى يعيد=مثل الهموم اللي بكبدي بالغثا متجمله
سنه وسنه ورا سنه للهم بالخافق بريد=متزاحمه فيه الرسايل والهموم مصمله
هذي التتمه يابعد راسي وعذرا لامزيد=الضيم خيم فوق كبدي والسعد م اهتم له

[ناصر الهواوي]

حمد الحربي الله يرحم اللي عقبوك يالغالي مبدع الله لايضرك انا ما ادخل في رمضان واعتذر عن التاخير
قرناس الحرار صح الله لسانك
شيخه حييتي
مرحبا يارحيل
مادخلت الا الان هنا فالمعذره من الجميع

ــــــــــــــــــــــــــــــــــــــــــــــــــ ــــــــــــــــــ



ارسلت لي صورة البدر وافهم وش عنت=ياحمد ياشيب قلبي ورمشي وشنبي
لو فهمته كان تشهد عليها انها جنت=جرم في حقي ولا اظنها كانت تبي
ساعة الصفر لمدى الصبر عندي دندنت=كل ما اقدر قوله اسب شيطان الضبي
ارحبي ياطلة الغاليه ياللي بدت=من يشبه في محياك ما ارسلتي غبي

[حمد الحربي]

حمد الحربي الله يرحم اللي عقبوك يالغالي مبدع الله لايضرك انا ما ادخل في رمضان واعتذر عن التاخير
قرناس الحرار صح الله لسانك
شيخه حييتي
مرحبا يارحيل
مادخلت الا الان هنا فالمعذره من الجميع

ــــــــــــــــــــــــــــــــــــــــــــــــــ ــــــــــــــــــ



ارسلت لي صورة البدر وافهم وش عنت=ياحمد ياشيب قلبي ورمشي وشنبي
لو فهمته كان تشهد عليها انها جنت=جرم في حقي ولا اظنها كانت تبي
ساعة الصفر لمدى الصبر عندي دندنت=كل ما اقدر قوله اسب شيطان الضبي
ارحبي ياطلة الغاليه ثم ارحبي=من يشبه في محياك ما ارسلتي غبي


تسلم ي بعد راسي يالامير وبيض الله وجهك ولا عليك زود
انت معذور ي بعدي وعسى الله يتقبل منا ومنك صالح الاعمال والنيات والله يثبت لك الاجر يابو عبيد

وصح لسانك على الطيبه ولا هي غريبه عليك هالابداع يابو عبيد

[قرناس الحرار]

ناصر الهواوي
حمد الحربي
ابدعتو ي الأمراء وصحت ألسنتكم
من يجاريكم ي المحيط الهادي والهندي
بحور شعر ماشاء الله تبارك الرحمن عليكم
دمتم بخير وتقبلو مروري وقسايمي

[رحيل]

ناصر الهواوي & حمد الحربي
صحت الالسن ودام هالابداع والتميز

[ناصر الهواوي]

عانوني عدلت الغلطه يوم ماعدلتوها بالشطر الاول من البيت الاخير ههههههههههههههههه
لاهنتم يابعدي

[ناصر الهواوي]

بعبد الله الصقري وقرناس الحرار=وباللي حضر يامرحبا ماهل ديم
وماطير وقع عقب مارفرف وطار=وماجظ قلب وما اكتوى في ود ريم
حاولت اقلد صمتكم عدة مرار=ويصير لي بعيونكم صورة حكيم
واثقل واجي مثل الشواعير الكبار=قافه تقول ايتل من صدره بسيم
ومحاولاتي كلها طارت غبار=وخط العقل والهجس عيا يستقيم

[شيخـــة الغــيــد]

/


ابدااع و إمتااع

صحت الالسن ودامت أنفاسكم عاطرة

لاهنتم جميعـــــــــا

[حمد الحربي]

[size=5][color=lemonchiffon]

ارسلت لي صورة البدر وافهم وش عنت=ياحمد ياشيب قلبي ورمشي وشنبي
لو فهمته كان تشهد عليها انها جنت=جرم في حقي ولا اظنها كانت تبي
ساعة الصفر لمدى الصبر عندي دندنت=كل ما اقدر قوله اسب شيطان الضبي
ارحبي ياطلة الغاليه ياللي بدت=من يشبه في محياك ما ارسلتي غبي




الوصوف محال منها وصوفٍ قد دنت=والحلايا تسبي العقل والخاطر سَبي
الجمال اليعربي عاش وعيونه هنت =ولا بعد شوفك جمالٍ يقارن بعربي
انتي الميزان للزين لو غيرك عنت =ولو تموت بغيضها الفين مره بتهبي
ياحمد ياوجد روحي عليها لاقنت =من خفوقي شيء قد صار عندي اجنبي

[حمد الحربي]

اهلا ياشيخة الغيد وكل الشكر على تواجدك العطر ،



البارحه ياعبيد ماني على الكيف =حالي صعيب وكل وضعي صعيبي
ماغير اسج شوي واقول ياحيف =ياحيف يادنيا وياقر جيبي
ماهو على فرقى وشوق وتحاسيف =ولا هو على صدٍ وجفو الحبيبي
لكن على مانتف الروح تنتيف =البلوه اللي بالزمان العجيبي


المجال لمن اراد التتمه دون تحديد

[ناصر الهواوي]

اهلا ياشيخه مرورك شرف
لله درك يالخال حمد اشهد انك بحر لاهنت على التتمه التي هي بيت القصيد

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
شطحه
ماتبي تتمه ههههههههههههههههههههه

يابعد من لي تسمَّع واعتبرني مخطي=وما حصلي نفترض اني معك سويته
صر معي خصم وحكم تاخذ حججك وتعطي=واعتبر نفسك مغرر فيه انا دهويته
وعِدْ بذاكرتك لعصرٍ فات ماهو مبطي=يوم كنت تناغمه في قول عله ليته
ومن رايته مخطيٍ منا يشد بمقطي=ومن ثبت له حق من حقه يزار اب/بيته

[حمد الحربي]

اهلا ياشيخه مرورك شرف
لله درك يالخال حمد اشهد انك بحر لاهنت على التتمه التي هي بيت القصيد

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
شطحه
ماتبي تتمه ههههههههههههههههههههه

يابعد من لي تسمَّع واعتبرني مخطي=وما حصلي نفترض اني معك سويته
صر معي خصم وحكم تاخذ حججك وتعطي=واعتبر نفسك مغرر فيه انا دهويته
وعِدْ بذاكرتك لعصرٍ فات ماهو مبطي=يوم كنت تناغمه في قول عله ليته
ومن رايته مخطيٍ منا يشد بمقطي=ومن ثبت له حق من حقه يزار اب/بيته


تسلم ي بعدي يالامير والله انك فخر ي بعدي
والشهاده طيبه من رجالٍ طيب اعتز بها لو اني دونها لكن ما اقول الا بيض الله وجهك

وصح لسانك على الشطحه وابشر ماني متلقف عليها ههههههههههههههه

[ناصر الهواوي]

ياحدب الجريد اليوم ما اوحي لورقك صوت=الا ذا الطوير اللي تسلي تغاريده
استوطن بعد جاكن لقى في نماكن قوت=يقول الكلا والما وذا كل ما اريده
اطرب له وانا اللي عقبهم خاطري مبهوت=اجاوب صدى صوت العصيفير واعيده
ليا ارعف مداد الباركر في بياض النوت=وعليه الهجوس املا من الهم تغريده
بحلق الرجا روحه تغرغر ولا يموت=وتخنقه يدين الياس بالحيل واتزيده
كان الصدر ميل وصار من طول هجره فوت=رحاباته الغاه بكاذب مواعيده

[ناصر الهواوي]

اهلا ياحمد واقسم بالله ماقصدي انك ترد والا لا بس انا احيانا احس اني اجيب قافيه ماهي حلوه او شحيحه واخشى ان افهم خطا والا انت تمون يالغالي

[حمد الحربي]

اهلا ياحمد واقسم بالله ماقصدي انك ترد والا لا بس انا احيانا احس اني اجيب قافيه ماهي حلوه او شحيحه واخشى ان افهم خطا والا انت تمون يالغالي




ياهلا فيك ي بعد راسي انت مبدع وبحر ماشاء الله عليك وشرف لنا تواجدك ي بعدي وشرف لنا المشاركه معك في تتمة بعض القصائد

اما عن القافيه الشحيحه فهي تعكس تمرسك ومدى كثافة مفرداتك ماشاء الله وان شاء الله محد يفهمك غلط

وانا والله مافهمت الا ان المقصد بالابيات ليست مشاركه بالموضوع لا اقل ولا اكثر





ابو عبيد الله لايهينك ويبيض وجهك

[ناصر الهواوي]

افا ياحمد والله ماكان ذا قصدي=وارى انك على بناخيك في كل حال اتمون
انا آخذ من اللي حاشرٍ خاطري وادي=توارد همومه فيه من كل شكل ولون
برجم الرواسي كلما ضقت ابا اعدي=وابا اصيح لك لااحتجت لك وانت ماتهون

[حمد الحربي]

افا ياحمد والله ماكان ذا قصدي=وارى انك على بناخيك في كل حال اتمون
انا آخذ من اللي حاشرٍ خاطري وادي=توارد همومه فيه من كل شكل ولون
برجم الرواسي كلما ضقت ابا اعدي=وابا اصيح لك لااحتجت لك وانت ماتهون



صح لسانك يالامير ولاهنت على الابيات ي بعد راسي ،

الله يرحم من عقبك يابو عبيد ذكرتني ب ابيات عبد الكريم الجباري اللي يقول فيها

الكلمه اللي حدها حد الشطير
لا قال شخصٍ تحسب حسابه افا

ياكبرها كبراه في عين الكبير
وياصغرها للي بمرجلته هفا
.
.
.
.
.
.
باقولك كلمه وانا اعرفك كبير
ماهي تجيني منك يالغالي افا




،
وانا موضح لك اللي فهمته ي بعدي قبل تنزل الابيات واعتذر منك اذا كان فهمي لا يزال خطأ
على العموم تبقى مدرسه ي بعد راسي


تقبل مني كل التحيه والتقدير

[ناصر الهواوي]

بالله ياعبد الملك وش يبكيك=وفر دموعك بالبكا عنك جدك
قطعة شوكلاته لك اتجاب ترضيك=والا فريت ان كان جاوزت حدك
ولو انت تفهم ماخفى كان ابا انبيك=مصايبٍ ياورع ماهيب قدك
لو تدرك الموضوع شابت علابيك=وصفقت من ماشفت يدك بيدك

[ناصر الهواوي]

لك الحق لو رفرفت ياطير بالجنحان=لكن لاتلوم اللي منك صابته غيره
ليا ادرجت حومك في سما داعج الاعيان= انا معك ادير الجيب في داخل الديره
تحجب النظر عن شوفته شهق الجدران=واستنكَر ولامن شوفتك حولهم ذيره

[ناصر الهواوي]

ياشمع كان النسيم اطفاك في هبه=لك في خفوقي ذرا ما ينطفي نورك
ارى بشعلتك جذوة نار من حبه=ماينتهي حرها لو ينتهي دورك

[ناصر الهواوي]

بغيت ازورك وخفت اتصير هذي مثل مافات=ارجع بلا فود وايصير الفلس دايم حصيلي
بعد الطرب والامل اعود في لوعه وونات=واخاف في خاطري تكبر ومنك انفض شليلي
ماهيب مره تحملت الفشيله منك مرات=زود التغلي وكثر الغطرسه توه دليلي
وليا عذلت المعنى قال لي هيهات هيهلت=اجوز عن كل طرقا الا(........)مايجيلي

[ناصر الهواوي]

اهلا يارحيل والنجلاء مروركن شرف
ــــــــــــــــــــــــــــــــــــــــــــــــــ ــــــــــــ
ليا زهمتش يالغلا لاطنش=يكفيني انش لاتكلمت موجود
بش خاب ظني خيب الله ظنش=واقول ماوالله اكلمش واعود

[قرناس الحرار]

اهلا يارحيل والنجلاء مروركن شرف
ــــــــــــــــــــــــــــــــــــــــــــــــــ ــــــــــــ
ليا زهمتش يالغلا لاطنش=يكفيني انش لاتكلمت موجود
بش خاب ظني خيب الله ظنش=واقول ماوالله اكلمش واعود
القلب قرقاعه يابو عبيد
صح لسانك واعتلا شانك

[ناصر الهواوي]

ههههههههههههههههههههههههه
اجل توك دريت؟؟؟؟
القلب يا قرناس مبطي يقرقع=ولك حق لو شبهته بقرقعانه
لكن توقع لا تسبه توقع=واقول ذا من قرقع القلب عانه
غروٍ جماله فوق مالا توقع=لو عرضت غنيت ياليل دانه

[ناصر الهواوي]

جل شانه ياعسى الامر ذا ماهو غضب=كل بيت اطق بابه يشدون اهله
والله اني محتشم ماعرفت لذا سبب=والنوازل هالليالي كبار ومذهله
يا غلاتي لو سمحتي كفايتنا عتب=لاتحدين القوافل لدربٍ تجهله
الحكيمه والحكيم الذي يفتل شنب=ياخذ اقصر درب لاج يسافر واسهله

[النجلاء]

الله الله عليكم شعرائنا المبدعين
بيض الله وجيهكم حضور مميز وابداع وجزاله غير مستغربه من شعراء الرواسي
تقديري لكم
النجلاء

[ناصر الهواوي]

انا والذي ملزمك بالصمت يالفراج=كنت ارث البشوت الفارهه لجل لابسها
وبعد العودي اللي شمسته في قصبها إلعاج=وهالسبحه اللي في يمينه يملسها
وصدور القرار اللي مخبيه بالادراج=جابي همتةٍ وازريت لا اردع تحمسها
لكن خابرك تسرج سباق المهار اسراج=وتشري لها من فاخر الجوخ تلبسها
وهقيت يحصل من عقب دبك الخيول أفرَاج=خمني فيك ما ادري حدسةٍ فيك حادسها
قلت انفي الرخامه بالتجري بابن فراج=يمكن بين هالاثنين تاجد تونسها
وطفت همتي من بعدها والمسار انعاج=وصفت في طواريق الغزل يوم احوسها

[قرناس الحرار]

ههههههههههههههههههههههههه
اجل توك دريت؟؟؟؟
القلب يا قرناس مبطي يقرقع=ولك حق لو شبهته بقرقعانه
لكن توقع لا تسبه توقع=واقول ذا من قرقع القلب عانه
غروٍ جماله فوق مالا توقع=لو عرضت غنيت ياليل دانه

ماني ب اسبه مير قلبي تقرقع
لامن طرى له من يزود المعانه

[ناصر الهواوي]

اهلا ياحمد وحييت وصح بدنك
ارحب ياقرناس وصح بدنك ولسانك
ــــــــــــــــــــــــــــــــــــــــــــــــــ ـــــــــــــــــــــــ




يالله مسا الخير وين الربع مالحدٍ هنا جس=واللي معه كلمةٍ يمر عجلان ورماها
من اول اسمع قبل ما ادخل لهم بالمنتدا حس=وهالحين شهر القصيده ماتهيا من قراها

[ناصر الهواوي]

تدري اكمل يالمشتهي
ــــــــــــــــــــــــــــــــــــــــــــــــــ


عن ضيقة الصدر تكفي كسرة الخاطر=وش جاك مني عليِّ اليوم تجمعها
ما تدري انك بهن في خلك امخاطر=احرقت نفسٍ عليك الوجد لاطعها
احيا بشوفك مثل ما يحيي الماطر=نامي فياض حما المرزم امصدعها
شفني لجابتك بعد ارسلتها ناطر=اكتب وبالزرف زرفها وودعها

[ناصر الهواوي]

اكمل انا ههههههههههههههههه




يالعود قبل اشهرين وجوكم عاطر=ورسم ابتساماتك بخطك امسطعها
ان كان ودك تبين بصورة الشاطر=وتحب تستعرض وحنا نتابعها
حنا نطنشك وانت لردنا ناطر=يومين وارجع لسالفتك وسنعها

[ريم الفلا]

الموضوع جميل لاهنتي هماليل

‏حنّا عذاب اللّي على الشر ملزوم
‏و حدودنا ف المرجله مالها سقف !
‏
‏و جدّاننا من روس طمّاعة القوم
‏حطّوا لهم للذيب و اللي معه وقف

[ريم الفلا]

اللي حاب يكمل أتشرف

..

[محمد الـفراج]

الموضوع جميل لاهنتي هماليل

‏حنّا عذاب اللّي على الشر ملزوم
‏و حدودنا ف المرجله مالها سقف !
‏
‏و جدّاننا من روس طمّاعة القوم
‏حطّوا لهم للذيب و اللي معه وقف


يالله لا تعسرنا ههههههههه
صح لسانك يا ريم مبدعه ولابداع قليل في حقكـ

تكمله على الطاير


وعلى سلوم اجدودنا دربنا اليوم
دون الدخيل ودون طلابته نقف

والطيبه من قسمنا دايم الدوم
اما تجينا طيب ولا تجي لقف

[ريم الفلا]

يالله لا تعسرنا ههههههههه
صح لسانك يا ريم مبدعه ولابداع قليل في حقكـ

تكمله على الطاير


وعلى سلوم اجدودنا دربنا اليوم
دون الدخيل ودون طلابته نقف

والطيبه من قسمنا دايم الدوم
اما تجينا طيب ولا تجي لقف


ماقصرت يالفراج بس الابيات اللي كتبتها غير ذي
وسويت لصق على اخر شي من الحافظه ذي بالغلط

بس ماعليه الابيات تستاهل على انها ذائقه
ان شاء الله برجع انزلهاا وأتشرف في تكملة النص منك ربي يسعدك

[ريم الفلا]

ملامح البعد بانت بعد طول الغياب
الغالي اللي تحبه لا تبعد عنه

العمر فاني و لا كل الليالي شباب
اليوم ما فيه شي بامكاننا نضمنه



كمل ....

[محمد الغنامي]

ملامح البعد بانت بعد طول الغياب
الغالي اللي تحبه لا تبعد عنه

العمر فاني و لا كل الليالي شباب
اليوم ما فيه شي بامكاننا نضمنه



كمل ....
ريم الفلا صح لسانك مليون شاعرتنا
واعتذر على التدخل ولاكن ابو فيصل قانص اليوم
ووصاني ارد عنه بالنيابه


العشق خمرٍ تذوبه الشفايا العذاب
داخل شرايين من في سكرته مدمنه

الشوق مايذبحه ياكود كثر العتاب
والشك والله لتدفع لاغزاك ثمنه

[ريم الفلا]

ريم الفلا صح لسانك مليون شاعرتنا
واعتذر على التدخل ولاكن ابو فيصل قانص اليوم
ووصاني ارد عنه بالنيابه


العشق خمرٍ تذوبه الشفايا العذاب
داخل شرايين من في سكرته مدمنه

الشوق مايذبحه ياكود كثر العتاب
والشك والله لتدفع لاغزاك ثمنه


صح بدنك وصح لسانك ولاهنت ي محمد
كلكم واحد لاعدمتكم وشكرا على الأضافه الجميله
تقديري "

[ريم الفلا]

ملامح البعد بانت بعد طول الغياب
الغالي اللي تحبه لا تبعد عنه

العمر فاني و لا كل الليالي شباب
اليوم ما فيه شي بامكاننا نضمنه

العشق خمرٍ تذوبه الشفايا العذاب
داخل شرايين من في سكرته مدمنه

الشوق مايذبحه ياكود كثر العتاب
والشك والله لتدفع لاغزاك ثمنه



فيه مجال احد يكمل ولا اكمل ؟ ..

[النجلاء]

الله على الابداع والجزاله
صح الله لسانك ياريم الفلا
وصح الله لسانك يابو بندر
وصح لسان أبو فيصل

[ناصر الهواوي]

الفراج ابو بندر ريم صحت السنتكم
انا كنت متوقع ان المكان هذا تم هجره كتبت لين قال الكيبورد حل عني الله يعافيك ولاعلم ولا خبر

الله واكبر على حماسكم وين غاب=يوم اشحذ الهجس والسير ان تلكا ادهنه
ماشاب قافي هو اللي شاب ريش الغراب=على الطشوت المكفى للمطر دندنه
دع ذا وشف ويش سوت فيك ذات النقاب=ياقلب خِلك وماسواه ذا ديدنه
لاتقرض ابهام سبابتك في راس ناب=ان جاك قل مرحبا وان راح ذك ابدنه

[ناصر الهواوي]

مطلع قصيده او بداية معاناة=او سم هالابيات قل انشراحي
ياهجس ابا اعطيك المبرر ولي هات=دام العطا والاخذ شيٍ متاحي
منهم لفاني علم ما به مراواة=من كفي الفنجال بالغصب طاحي
امحق عذر ضمن عزا قلب ووصاة=وامحق غلا جل العمر فيه راحي

[محمد العواد]

‏
يا صاحبي غبت واثر فيني غيابك=وانا بليا غيابك حالتي حاله
كل شي منّك فهو منّك وبـ اسبابك=يا همّ قلبي ولوعاته وغرباله
الشوق ليته مثل ما جابني جابك=قلبي بـ حبّك يعيش الواقع لحاله
أموت بك عشق مثل الورد واحيابك=ومزنك تشفّق صحاري الشوق همّاله
‏




أكملي ياهماليل

[هماليل]

صح لسانك شاعرنا محمد العوّاد

" تكملة النّص "



ياصاحـبي غـبـت واثـر فيـني غيـابك

وانــا بـلـيــا غـيــابــك حـالـتـي حالـه

كـل شـي منّـك فهـو منّـك وبـاسبابـك

يـــا هـــمّ قـلـبــي ولـوعـاتــه وغـربـالــه

الشـوق ليتـه مـثـل مــا جابـنـي جـابـك

قلـبـي بـحـبّـك يعـيـش الـواقـع لـحـالـه

أموت بـك عشـق مثـل الـورد واحيابـك

ومزنك تشفّق صحاري الشوق همّاله

يـــاكود عقب البطا والصّد واضرابك

تلفـــــي على صاحبك مثل الفرح هاله

ديــــــمٍ تبل الخفوق ويطرب احبابــــك

ديــــــمٍ يبش الهجيـــر بلحظـــة وصاله

واعـــاتبك واتلــذذ حيـــل بعتـــابـــــك

واشــــره على البعد والّلي طاح بغلاله

وتعيشنــــي قصـــــةٍ وأعيــــش بكتابك

قصّــــة أسيــــرٍ رمـاه الشوق في جاله

[محمد العواد]

"واعاتبك واتلذذ حيل بعتابك"

يا سلام يا سلام
صح لسانك
هماليل أبدعتي وشرفتي

[ابن عبيان المرواني]

صح الله السان كل شاعر وشاعره ابدعتم وامتعتم دام الشعر لكم هامه ولهامة الشعر دمتم استفز ابداعكم هاجسي وادلا بدلوه لعله يلقاء من يكمله من جميله الا أجمله...

تعبت من الوله وينك شقيت ولا دريتيبي
زرعت احلا ورود الحب على كفي وناديتك

تعالي ضجت اوجاعي وجرحك زاد تعذيبي
تري لولا الغلا والشووق وربي ماترجيتك

انا ادري ماطغت قسوتك الا من كثر طيبي
كئني من كثر طيبي على قسوتك حديتك

على كل حال يا قلبي عرفتك ونكشف عيبي
ولا به عذر يشفعلي سوى اني بس حبيتك

[عبدالله الصقري]

صح الله السان كل شاعر وشاعره ابدعتم وامتعتم دام الشعر لكم هامه ولهامة الشعر دمتم استفز ابداعكم هاجسي وادلا بدلوه لعله يلقاء من يكمله من جميله الا أجمله...

تعبت من الوله وينك شقيت ولا دريتيبي
زرعت احلا ورود الحب على كفي وناديتك

تعالي ضجت اوجاعي وجرحك زاد تعذيبي
تري لولا الغلا والشووق وربي ماترجيتك

انا ادري ماطغت قسوتك الا من كثر طيبي
كئني من كثر طيبي على قسوتك حديتك

على كل حال يا قلبي عرفتك ونكشف عيبي
ولا به عذر يشفعلي سوى اني بس حبيتك


صح اللسان و سلم البنان
وجميل مرورك هنا كالغيم تحيا به الأرض اللي يبّسها الغياب و خصوصا هالقسم الجميل
احييك على تواجدك الرائع
ولي عوده باذن الله