يا بنت ياللي بحالنا تشمتينا

[نايف خويتم]

يـــا بــنــت يـالـلــي بـحـالـنـا تشمـتـيـنـا
جرح القلوب اقسى من جروح الابدان

يــا بـنــت قـسـمـي بالـمـراجـل سمـيـنـا
خافي من الله قبـل .. ضمـات الاكفـان

يـابـنـت عـــن درب الـوطــى شايمـيـنـا
وعن شينت الفعله وعن سقطت السان

والـهــرج مــيــزان الـعـقــل .. تعلـمـيـنـا
يكشف خفايـا النفـس والكلمـة حصـان

حــنــا لـبـسـنــا الـمـرجـلــة واهـتـديـنــا
لا غــرك الـريـش المـصـفـف .. بـشـبـان

حـثـيـت .. خـطـواتـي مـــع الغانـمـيـنـا
ولا ثـــرى الـعـوجـا فـيـحـرم ولا كــــان

لا تــغـــرك الـدنــيــا تـريــهــا .. كـمـيـنــا
خــذي مــن دمــوع الكسيـريـن بـرهـان

خــــذي مـــــن حـكـايـاتـهـا والـسـنـيـنـا
عـبـرة ويـاكـم .. ردت الـربـح خـسـران

والــمــوت وعــــظ لـغـفـلــة الغـافـلـيـنـا
والرابـح الـلـي فــي رضــا الله سـهـران

وللـوقـت وجــه .. يـصـحـي النايمـيـنـا
فـي ساعـة تلـطـم حصيفـيـن الاذهــان

[خيال مطير]

صح لسانك وبيض الله وجهك يابن خويتم

لاهمت يالامير ~

[النجلاء]

نايف
صح الله لسانك ملايين شاعرنا المبدع
نص كايف ونايف وجزل من شاعر مبدع
دمت ودام مداد قلنم ورقي حرفك الفاخر
تقديري وتقييمي لسموك
النجلاء

[شموخ الوايليه]

الله الله الله
ياابن خويتم
رائعة من روائعك
مكثت هنا واشعلت قناديل الرقي
حروف باذخة لاسطر جزلة
ابدعت واجدت
لاخلا ولاعدم
تقديري واعجابي وتقييمي

[مهرة يام]

نايف بن خويتم
صح لسانك على هالرائعه
مبدع وجزل لاهنت
تقديري لك

[محمد الغنامي]

الله الله
نايف بن خويتم
صح لسانك مليون يالجزل
ابداع في ابداع منقطع النظير
لافظ فوك ولا اللجم لسانك
مروري وتقديري
لاهنت

[ملكة الرواسي]

صح لسانك ملاييييين
نص راقي برقيك
يعطيك الف عافية

[الجوريه]

صحٍ لسانكـٍ
سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن ابداعك
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ،
تقبل مروري المتواضع
كل الاحترام والود

[ابوفارس]

صح لسانك يالشاعر
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

[سحاب]

روعة الحرف تعانق سمو المعنى
لتستلهم من جمال الكلمه قصة ابداع
صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

[عاشق]

صح لسانك يالقرم
قصيده جزله ورايعه
تحياتي

[عبده حكمي]

صح الله لسانك يالجزل
أبدعت وأمتعت شاعرنا المتميّز نايف خويتم
حفظك الله وزادك من فضله لا عدمناك

[ذايع الصيت]

صح لسانك شاعرنا المبدع

يعطيك العافيه

وننتظر جديدك بكل شوق