طاروق للي وده يلعب

[حسين العنزي]

اللعب توه يا عرب بادي ولا فيه معذور
وين الرجال اللي لها بالشعر باع ومعرفه

ترى الليالي لو وصفت تبي على العالم تدور
لكنها مهما تدور اللي كبحها تنصفه

[مهرة يام]

صح لسانك ياحسين
بانتظار شعراء رواسي
بالتوفيق

[رحيل]

صح لسانك

[محمد الغنامي]

اللعب توه مبتدي ياحسين جب كرت العبور
الشعر ماهو عد هجاني ومن جاه غرفه

لاتامن الدنيا تراء الدنيا نهايتها القبور
حتى لو انك جالسٍ وتويق من راس شرفه

[سجين الرواسي]

الله الله
صح لسانك


انا معك موجود واسبح لو تبي غب البحور
شاعر ليا غنى يشرف فالمحافل موقفه

تمشي بنا الايام واللي ما يحبون الظهور
على صدي الشهره تبي دنياه غصبا تحرفه

[مهرة يام]

صح لسانك يامحمد مبدع
صح لسانك يا سعود يالجزل
انا بصفك ياحسين ههههه
بانتظار الشعراء

[رحيل]

صحت السنتكم

[شموخ الوايليه]

صح السانك يالعنزي الراقي
وصح السانك مديرنا الراقي
وصح السانك سجين الراقي

متابعه لكم

[جراح]

متابع
صح لسانك ياسعود ولسان محمد
وصح لسانك سجين

[وافي الحرف]

الشعر فن ولا تامن عوم البحور
مده وجزره يفك الهاجس نصفه
ترى بعد الخيال فيه دوم منصور
يمديك ترد العاذر بيمنى كفه
الوافي

[محمد الغنامي]

انا انسحبت ووكلت سجين الرواسي مكاني

وانت ياسعود صح لسانك واطلع براء الحلبه هههههههههههههههههههههههههههه


المحاوره بين حسين وسجين

[وافي الحرف]

هههههههههههههههههههههه
ابشر طلعنا وبس ابي اشوف لو تسمح لي
ههههههههه

[جراح]

بنتضار
الشاعر حسين
والشاعر سجين
وعلى القوه

[حسين العنزي]

صح لسانك يا محمد وصح لسانك يا سجين

يا مرحبابك عد ما يدخل على المؤمن سرور
وعداد ما رد المعنا عن مرامه ارصفه
شاعر ولكني بعض الاوقات ياتيني غرور
مادري اقول انه غرور او اني ماعرف اوصفه

[مهرة يام]

ياسلام ياحسين
صح لسانك ملايين
بانتظار سجين

[حسين العنزي]

صحت ابدانكم جميع

[سجين الرواسي]

بك البقا يا حسين والمقدار في وسط الصدور
والذيب مثلك ما حدن عما يوده يصرفه

انت كفو تسبح بحر واخذت مركب للعبور
مير انتبه موج البحر كم واحد قبل نسفه

[شموخ الوايليه]

صحت السنتكم
العنزي
سجين

يالعنزي
انا متاكده انك شاعر
اسمك ماهو غريب يطولنا بعمرك شاعرنا
شكلك مار علي بحدا المنتديات
ياجريح الليل والا النايفات
ان صدق حدسي
على العموم
ابدعتم ربي يسعدكم

[محمد الـفراج]

الله الله
صحة الاسنتكم يا حسين العنزي وسجين الرواسي

وصح لسان ابو بندر والوافي

[هماليل]

صح لسان الضيف العنزي
صح لسانك سجين

متابعة

[النجلاء]

الله الله عليكم شعرائنا المبدعين
صح الله لسانك ياحسين
وصح لسانك يابو بندر
وصح الله لسانك ياسجين
وصح لسانك يالوافي
ماشاء الله حماس من البدايه بالتوفيق للجميع

[صـدووودٓ]

ماشاء الله مبدعين
صح لسانكم جميعاً
متااابعه

[ملكة الرواسي]

صح لسانك ولا هنت
أبيات راقيه
يعطيك العافيه

[رحيل]

صحت السنتكم جميع .
ابدعتوا ..