لايجي للحب يالأشعار طاري

[شموخ المشاعر]

لايجي للحب يالأشعار طاري
إدحري شيطاننا والا رجمته

والدموع اللي بها طفيت ناري
ليتها مأستعجلت باللي كتمته

الحزن قبل الهوى فالدم جاري
ماحرمني من وفاه ولا حرمته

وش بأقول ووش بأخلي وش بأداري؟
حلم عمري .. راح عمري .. ماحلمته!

من فقد ظلما .. لقاها في نهاري!
والوجود أمسى يواسيني ب صمته

ويوم جيت اخذ من الفرقى ب ثاري
جابت الأشواق طيفك .. لا عدمته

عقلك اللي شال من راسي وقاري
طبعك اللي لو فهمته .. ما فهمته

عطرك اللي كان بأنفاسي يماري..
.. كل بيت في قصيدي بك نظمته

كل صورة عذبت جدران داري
كل جرح حز فيني .. وابتسمته

يمكن ايكون الشعر بايع و شاري
بس ابفهم حبنا وشلون سمته ؟

لو وفاي الحين عندك صار عاري؟؟
بأفتخر في عاري اللي لك وصمته

طيبتي ما تشفع لرد اعتباري
والخفوق ابيض ولكنك ظلمته

من تحبك .. ما تذمك وانت داري
ما خبرنا لي عدو قد شتمته

إسترح .. ما جبت للأشعار طاري
ولو يخيب الحب .. بأبقى محترمته

وسلامتكم ..

[شموخ الوايليه]

الله ياشموخه
روووعه
ياراقية الذائقة
محبتي لك ومودتي
وصباحك نور يالغلاتي

[شموخ المشاعر]

صباحك ورد يا قلبي نورتي حبيبتي

[عزاام]

أبيات عذبه وممتعه

.. شموخ صح الذوق `

[ملكة الرواسي]

الله عليك ابداااااااااااااع
لا هنتِ

[محمد الغنامي]

شموخ المشاعر
صح لسانك ولسان شاعرها
طرح جميل وانتقاء اجمل
مروري وتقديري
لاهنتي

[الجووهره]

روووعه كروووعتك شموووخه

يعطيك العافيه سلمتي

ودمتي مبدعه

[شموخ المشاعر]

حياكم ربي منورين ي الغوالي

[خيال مطير]

لاهنتِ أميرهه

[شموخ المشاعر]

نورت خيال

[النجلاء]

يسلم ذوقك الراقي ياذوق
انتقاء جميل ومميز
شاكره لك وجودك ومجهودك
تقديري لك
النجلاء

[شموخ المشاعر]

تسلمين النجلاء
نورتـي عزيزتي ..