ماقدرت انساك

[سمو الحرف]

http://smiles.al-wed.com/smiles/65/585.gif


تدري إني ما قدرت أنساك بالمره مع أني
كل يوم أحاول أشغل نفسي بحاجه جديده

لكن النسيان شي أكبر من عزومي ومني
يا شريط بذاكرة راسي وراسي يستعيده

ويش أقول ووش تقول ليا اسألوا عنك وعني
ما بقى لي لأجل أجاوبهم ولا جمله مفيده

أتمنى رجعتك ولا معاي إلا التمني
والتمني للفقير اللي جلس على الحديده

أبتسم لا مر طاريك على بالي وأغني
إبتسامة طفل جنب أمه يصلي صبح عيده

أنت ياللي منك دموعي ومنك ضحك سني
ما قدرت أذوق بعدك طعم الأيام السعيده

في وجودك يختلف وياي حتى طعم بني
في يديك الملح والسكر تنقصه وتزيده

يوم حاولت أمسكك بيدي فشلت وخاب ظني
آدمي والآدمي ما هو بماخذ شي بيده

كل هذا ما هو بمعناه مابيك امتهني
دايم أدعي لك لو يديني عن يدينك بعيده

حبي أكبر من طمع نفسي بدنيا في تدني
الطمع ما زود ابنادم ولا نقص رصيده

والا أنا ساكن بريدك بعد ما حبك سكني
كل يوم أخط صفحة يا رسالة يا قصيده

ما بقى لي من حبيبي شي يرضيني لكني
بتشرف وأعتبر نفسي رساله في بريده

وأنت حاول ما تواخذني على إزعاجي لأني
كل ما قفلت موضوعك بدا قلبي يعيده

إعرف إني مت فيك ليا دفني من دفني
والحقيقة يفعل الله ما يشاء وما يريده


https://www.youtube.com/watch?v=W6YLHuACXwc

[محمد الغنامي]

الله الله
سمو الحرف
صح لسانك وصح لسان شاعرها بدر المحيني
انتقاء ذوق ياذوق
سلمت يمينك




تنقل لقناديل ذائقه
مع تعديل الاسم
ماقدرت انساك

[ملكة الرواسي]

الله عليك سمو
دوم كلماتك تلامس القلب
ابدعت في انتقاءك
يعطيك العافية
.

[الجووهره]

أبتسم لا مر طاريك على بالي وأغني
إبتسامة طفل جنب أمه يصلي صبح عيده

تشبيه رااائع جداا

وقصيده قمة الروعه والجمال

ابدعت وامتعت سمو الحرف والابداع

وسلمت وسلمت اناملك

على الاختيار الجميل

والنقل المميز

وتستاهل ختم التميز

[مهرة يام]

صح لسانك ولسان شاعرها
ابيات في قمه الجمال والفخامه
يعطيك العافيه
تقبل مروري واحترامي