بعض البشر

[خيال مطير]

بعض البشر لامن حشمته طمع فيك

وبعض البشر لامن جفيته يودك


وبعض البشر يتعب على شان يرضيك

وأغلى من اخوانه بقلبه يعــــدك



ويا صاحبي هالحين بانت خوافيـــك

علقـــتني مابين مزحـــــــك وجدك



وش جاك مني ياعشيري وانا اخيك

قبل امس انا صاحبك واليوم ندك


لاضاق صدري من عنا وقتنا اجيك

واشوف دمعات الغلا فوق خـــدك


والحين تظلمني وانا منك وفيــك

بكل إحترام اقول يا خوي حــــــدك



ثمن كلامك يا عسى الله يهديك

لاصار ماي الوجه يعجز يـــــــردك



ثوب الردى ياصاحبي مايقديك

الثوب لا ثوبك ولا القــــــــد قــــدك



انا اول انسان اذا ضقت بجيك

حتى ولا اذكر يوم وقــفت ضــــدك



ماتذكر اني بالوفا كنت اجازيك

وانته تجازيني بظلمك وصــــــــدك



لكن خلاص اليوم والله مابيك
النفس طابت ســــو ماهــــو بــودك



الطعنه اللي من ورى الظهرتنهيك

وشلون لاجاتــك من اللي يـــــودك



لا واهني يوم انا اموت بيديك

ذابح وتبكــــــــــي من ذبحته بيــدك

رااقةة

[صـدووودٓ]

خيال
يسلم ذوقك
راق لي متصفحك
لك تقديري وتقيمي لسموك

[محمد الغنامي]

خيال مطير
صح ذوقك ياذووق
انتقاء جميل كجمال حضورك
دمت بخير وسعاده
لاهنت

[غنجَ]

واااااااااااااااااااو ابياااااات في الصميم
رووووعه اخوووووي ولاهنت على هذه الذآئقه
المترفه .. دمت يانعَ في حدآئق الجمال .."

[ناصر الهواوي]

خيال مطير سلم ذوقك انتقاي ينم عن ذائقه شعريه فاخره
لله درك وصح لسان قايلها
تحياتي وتقديري لك

[الجووهره]

قصيده اكثر من رائعه

صح لسان شاعرها

ويعطيك العافيه خيال على اختيارها

وتسلم يمينك على نقلها

[خيال مطير]

الله يسلمكمم جميع
مشكورين ع المرور ,

[ملكة الرواسي]

انا اول انسان اذا ضقت بجيك

حتى ولا اذكر يوم وقــفت ضــــدك
الله عليك خيال
كعادتك ابداع وتميز
يعطيك الف عافية

[خيال مطير]

يعافيكِ ربي أختي
احترامي
لشخصك

[مهرة يام]

ابيات روعه
وانتقاء مميز وجميل
يعطيك العافيه
تقديري لك

[البندري]

يعطيكـ الف عااافيه
طرح في قممة الروووعه والتمييز
دمت وداامت رووعــة مواااضيعكـ