دليل المحبه

[خيال مطير]

دليل المحبه شوف عيني عليك تغار
ولاودي الحاسد عيونك يطالعها
مع إنك رحلت بعيد لكن بقى التذكار
لياشافته عيني تسابق مدامعها
دفنت الغرام بخافقي والقلوب أسرار
مشاعرهقيت إن الليالي تضيعها
فرحت برجوعك ماطلبت لخطاك اعذار
ونفسي نست ماجرى من تواضعها
تهادت مشاعرخاطري لك بلا معيار
تجاهلتها لوكنت خابر دوافعها
يقولون جنّب درب مالك معه معبار
يلومون نفسٍ بعد لاحباب موجعها
يقولونها قبلي يخون البحر بحّار
والآمواج لاهاجت خذت ماتبي معها
تكاثرت منك الصد وأثرالعلوم كبار
لقيتك على نفسي تقلّب مواجعها
اقوله وأنا اللي شفت ذاك الغلا ينهار
يشوف الندم رجّال نفسه يطاوعها
مثل ماضرب جّوٍ خلا غاي محتار
يدّوج ورجله مادرى وين موقعها
تعرض سموم القيض والدار مامن دار
هليك وشعربالموت روحه ينازعها
جحدت الغلا لين امتلا بالخفوق وثار
قصايد عساها اليوم تطرق مسامعها
غرامك مثل نارٍ حطبها الغلا النار
تموت وغلاك اللي بقلبي يولعها
غلاك بضميري واضحٍ ماعليه غبار
تشيل الغلا نفسي وأنا عاجز امنعها
يقولون ماودعّك:قلت الفراق وصار
والإنسان روحه تنسلب مايودعها
هذيك الليالي وين أثرالزمن دوار
خذاها ولاظني زماني يرجّعها
طوتها السنين ولابقالي سوى التذكار
لياشافته عيني تسابق مدامعها





مما راق ليـــــــ
خيال

[غنجَ]

قصييييده راااائعه بمعنى الكلمه
ذوووووق مترف من الوزن الثقيل
لك في الجمال وطن دمت ملكاً على عرشه .."

[صـدووودٓ]

،/
سلمُ لنا رائعْ...الإِختيآر.
بَآنْتِظَآرِ جَدِيْدِكـَ آلمُمَيَّزْ
بّآقَآتُ آلشّكر وِالتُقَدُيّر إقَدُمهـآلكــ
،/

[ملكة الرواسي]

ماراق لك استوقفني
الله يعطيك العافية

[خيال مطير]

الله يعطيكم العافيه
مشكورين
وكل عام وانتم بخير

[محمد الغنامي]

خيال مطير
صح لسانك ولسان شاعرها
انتقاء ذوق ياذوق
لاهنت

[مهرة يام]

ابيات جميله
انتقاء مميز وجميل
تقبل مروري واحترامي لك

[النجلاء]

خيال
يسلم ذوقك الراقي ياذوق
انتقاء جميل ومميز كما عهدناك
دمت ودام عطائك وءوجودك الفاخر
تقديري لسموك
النجلا

[خيال مطير]

يعطيكم العافيهـ مشكورين