يعجبني اللي فيه عرف وفهامه

[محمد العواد]

يعجبني اللي فيه عرف وفهامه = رجـلٍ نزيه ومن هل الخيـر خيّـر
والمحترم يفرض عليك احترامه = يا جاك نـيّـر وجـه والفـكـر نيّـر
كلــن مـواصـيـلـه تقيّـم مـقـامـه = بين المنيفه والطمان يتخيّر
يلقى كرامه من يدوّر كرامه = يا هاب ميدان الاصايل خضيّر
حي أبلجن يا جاك مثل الغمامه = في خايعٍ سالت عليه وتغيّر
حلو النبا يعجبْك منطق كلامه = ودّك اليا شبّيت دايم يسيّر
لا يا بعد مسيار راع الملامه = ما اردى منْه و بكل طيّب معيّر
اللي اليا هانه عدوّه وضامه = طويلٍ لسانه ذراعه قصيّر
وعيوب خلق الله مصب اهتمامه = شفاويٍ في كل علم متحيّر
تجرف سيوله كل جرف وعدامه = ما يفهم ومنْه الفهيم متذيّر
عند العرب مكروه حتى سلامه = بَيَّن كبر سنّه وعقله صغيّر

نديم القوافي
محمد العواد

[محمد العواد]

أتمنى من الادارة تنسيق الأبيات

شاكر ومقدّر

[النجلاء]

صح الله لسانك يالعواد
ابدعت وامتعت كما تعودنا من سموك الابداع والامتاع والحضور الملكي
دمت ودام مداد قلمك ورقي حرفك الشامخ
تقديري لسموك
النجلاء

تم التنسيق بواسطة النجلاء

[محمد العواد]

صح الله لسانك يالعواد
ابدعت وامتعت كما تعودنا من سموك الابداع والامتاع والحضور الملكي
دمت ودام مداد قلمك ورقي حرفك الشامخ
تقديري لسموك
النجلاء

تم التنسيق بواسطة النجلاء



صح بدنك يالاميره

انتي منبع الأبداع وأساسه

فلولاك لما كان له وجود


لاهنتي على التنسيق أختي

الف الف شكر

[مهرة يام]

صح لسانك يالعواد
ابيات جزله وفخمه
لاهنت يالجزل
تقبل مروري واعجابي
المهره

[مساعد الجليدي]

صح السانك ملايين يامحمد العواد
جزل ومبدع دمت كما تحب

[ملكة الرواسي]

صح لسانك محمد وبيض الله وجهك
كلمات وقلم متميز
يعطيك العافية



تقيمي

[سحاب]

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

[الجوريه]

صحٍ لسانكـٍ
سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن ابداعك
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ،
تقبل مروري المتواضع
كل الاحترام والود

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

[عايض العتيبي]

الله الله
ياسلام عليك يامبدع
صح لسانك مليون يالعواد على هالقصيده الاكثر من رائعه لاهنت
تقبل مروري وتحياتي + اعجابي + التقييم

[محمد الغنامي]

محمد العواد
صح لسانك مليون
مبدع كما عهدناك اخي الكريم
مروري وتقديري
لاهنت

[عازف الشوق]

قصيده جزله من شاعر جزل
صح لسانك ي محمد
تحياااتي الك

[ماجد بن رتيق]

الله الله الله
نص نخبوي مميز
صح لسانك و علا شأنك
حماك الله
ورعاك
و أبقاك










تقديري و أزك التحايا يا بحر

[ذايع الصيت]

صح لسانك يالجزل
مبدع مبدع شاعرنا
لاهنت