الفــآتــنــه

[الجووهره]

معذور أجي في بعض الأحيان مغرور =في حب من ذاب الحلا في غزلها
أخت الضحى عطر المسا فتنة الحور =الزين كلّه ينتهي لا وصلها
جتني بشاير نورها تفضح النور =وعيني بها عن غاية الزين تلهى
فتنة ولو يشقى بها الورد معذور =ومعذور لو ينبت على باب أهلها
بعيونها سحر ودفا حب وفتور =ولو سيف رمش العين يقتل قتلها
لولا مراياها بلا قلب وشعور =لا قابلتها ماقوت تحتملها
من قدّها في قدّها اللين مبهور =ولو مرّها نسناس فجر يهدلها
وفيها حلاها عن حلا الغيد مسحور =والشهد نقطة من شواطي عسلها
ينبت ورى خطواتها ورد وزهور =والدرب يجفل لو يمرّه بدلها
والفجر لو ما صحّته فز مذعور =والنوم يكره ما يسبب زعلها
كتبتها شمّيت في كفّي عطور =غنيتها فيها شقى من جهلها
سمّيتها غنّى بها كل عصفور =وصارت لها عذبات الألحان ولهى
شبهتها ضجّت حضارات وعصور =كن الجمال بزين أهلها خذلها
أظن ولولا زينها كان مستور =كلٍ زهد في عشقته ما قبلها
وأظن لو تطلع مع الصبح بسفور =الشمس غطّت وجهها من خجلها
مع غيرها معذور لو جيت مغرور =ومعذور لو ذاب القصيد بغزلها

رآآآآقت لي
للشآعر / علي المفضي

[ملكة الرواسي]

مارق لك راق لي
صح لسان شاعرها
ولا هنتِ غلاي على نقلك

[عايض العتيبي]

رااااااااااااااااااااائعه جداً
صح لساااااااااان شاعرها
وتسلم يمينك مشرفتنا المبدعه
على النقل الرائع والمميز لاهنتي
تقبلي مروري وتحياتي

[غزلان]

الله الله ي الجوهره صح لسان شاعرها روووعه ~
ودي وتقديري لانتقائك العذب ي الغلا ~

[محمد الغنامي]

الله الله
الجووووهره
صح لسانك ولسان شاعرها
انتقاء جميل ورائع
دمتي بخير

[النجلاء]

الجوهره
يسلم ذوقك الراقي ياراقيه
انتقاء جميل ومميز
تقديري لك
النجلاء

[الجووهره]

تسلموون جميعا

ومشكورين ومنورين

يا الغاليييين