الحياه دروس والدنيا تجارب

[مساعد الجليدي]

الحــياة دروس والـدنيا تـجـارب
والبشر طلاب داخل مــدرستـها

والليالي ماصفت فيها المشارب
كيف تصفى والهمــوم مكـدرتها

والبشر هذا الزمن مثل العقارب
لو يدينك في مـخابــيك إلـدغـتها

والحسد دايم يجيك مـن الاقـارب
كم بيــوت مــن حسـدها دمـرتها

ومثل مــاقال المثل سدد وقـارب
لا تــقاطــعها ولا تــآمن جــهتها

وإجعل الأذكار لك مرسى وقارب
تحفظك من مــوجها وملاطـمتها

وكــم وجيهٍ خلفــها حـقد ومآرب
والكلام الزين في روس ألسنتها

وكم وجيه تعجبك والمخ ضارب
لــو تســـرحــها بشــاةٍ ضـيـعـتها

وكـم رجــالٍ تمتلك لـحيه وشارب
عاشت وماتت وهي ما كـرمتها

جعل ما بين المشارق والمغارب
بيني وبين الـرخــوم ومـعـرفتها

واغتنم خوة عطيبين المضارب
الــرجال اللي رفـيعـه مـنزلتها

للحمول الـكايدة ظـهـرً وغـارب
لا وطاك الــوقت بانــت منـفعتها

واعرف الناجح ترى دايم محارب
لا تـحطـمك الـرخــوم وبـربـرتها

ولو تشوف اللي تشوفه لاتَغَارب
روســنا ســود الليــالي شــيبتـها

الشاعرالكبير/ أحمد حمد البلادي

[خيال مطير]

صح لسانك اخوي مساعَـد وصح لسان شاعرها ~
لاهنت يالامير , تحياتي لك ~

[محمد الغنامي]

الله الله
صح لسانك يابو ماجد
وصح لسان شاعرها البلادي
نص فخم وجميل لا ابعد الحدود
تسلم على الذائقه الجميله
مروري واعجابي
يسبقه ختم
التميز

[النجلاء]

صح الله لسان شاعرها
وتسلم يمينك وذوقك ع نقلها لنا
انتقاء فاخر يستحق التقييم
تقديري لسموك
النجلاء

[ملكة الرواسي]

صح لسانك ابيات جميله بجمال حضورك
يعطيك العافية

[مهرة يام]

صح لسانك ولسان شاعرها
انتقاء مميز وجميل
لاهنت على الطرح
يعطيك العافيه
تقديري لك