غريبة النور

[سعد المختاري]

غريبة النور

ثقافة النرد مابين البشر تستريح
وأنا هضيم القصيد اللي خرفني بلح
.
جنبتها جنتيها على هقوة كسيح
متناثر الوجد منها والمعاني تلح
.
أبني ورا قصورها مرمى وملعب فسيح
وأجتاز نهر الحروف اللي عليها نزح
.
أمليتها من وفا قلبي بيان صريح
فيه الخبر يبتدي والمبتدا ينسلح
.
ماجامل ببسمتي والدمع عندي فصيح
يكتبني أجمل حكاية منتهاها فرح
.
شفني أرتب كلامي والمعاني تصيح
استنكرت رمز غامض في قصيد شرح
.
معنى ارتكاب الإشارة، وانكسار الجريح
بعيونها شفت باقيها وحلمي شطح
.
جمهورها المنتشي في وصفها ما يشيح
يمتاح منها الربيع ، وتمتمات المرح
.
غريبة النور ما يمدي سناها يسيح
إلا وتغريدها بين الحنايا قدح
.
حاولتها بالحروف اللي بسببها تبيح
حظر التوجد على طرف بعدها سبح
.
لكنها ترتمي بي رغمها .. والصحيح
إني ارتميت بسناها دمعتين وترح
.
سعد المختاري

[النجلاء]

المختاري
صح الله لسانك ملايين
ابدعت وامتعت ولاهنت
دمت ودام مداد قلمك ورقي حرفك الفاخر
تقديري لسموك
النجلاء

[خيال مطير]

ماجامل ببسمتي والدمع عندي فصيح
يكتبني أجمل حكاية منتهاها فرح
.


صح لسانك شاعرنا وبيض الله وجهك ~

[محمد الغنامي]

سعد المختاري
صح لسانك واعتلا شانك
قصيده جميله جدا من النهج الحديث
جزله وممتعه من شاعر ليس غريب عليه
الابداع والجزاله والحضور الراقي
سجل اجابي وتقديري
وختم التميز

[عايض العتيبي]

صح لساانك ياسعد لاهنت

[ابوفارس]

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي