الدهر

[محمدالعتيبي]

ياللي تلوم الدهر مافالدهر عله=من خلّقة ادم وهذا الوقت وصروفه
كل البلى في نفوس(ن)تكنز الغله=حساد فساد درب الشر ماتعوفه
ياللي تدور صحيب(ن)يوفي العمله=في هالزمن يندر الطيب ولاتشوفه
وقت الشدايد تراه يمحص الشله=ريح(ن)تهز النخل وتطير حشوفه
مشخال يصفى به اللي ينعرف دله=هذاك حطه على يمناك لاتطوفه
وراع البخل مايفيدك موكي(ن)خثله=ياخذ ولا يعطي الا قيس مصروفه
وراع الهروج اتركه مايضلك بضله=وقت اللوازم يقفي تومي كتوفه
لاتخاوي الا عريب(ن)ينعرف فعله=غيم(ن)يضلك وفوقك تمطر قنوفه
لحتدك الوقت يوم العسر تزبنله=مدهال وقت الشدايد تكثر ضيوفه
لو يشكي الفقر تلقى مدته جزله=منهاجه الطيب متربي على صنوفه

محمد سعد العتيبي

[الشامخه]

ما أعذبَ حرفك حينما تغـــــرِّدُ بكلمات الصفاء
وما أبهاكَ عندما تعزفُ لحنَ المودة بكل النقاء
لك مني
خالص تقديري للطفك وفائق إحترامي لسموك الراقي
أمنياتي لك
بسعادة مكللة براحة البال لا يطالها الزوال.

[محمد الغنامي]

الله الله
محمد العتيبي
صح لسانك مليون ولا يسدون
نص فخم وجزل للغايه
ولاهو غريب على شاعرنا الابداع والجزاله
سجل اعجابي وتقديري
لاهنت

[النجلاء]

ياللي تلوم الدهر مافالدهر عله=من خلّقة ادم وهذا الوقت وصروفه
كل البلى في نفوس(ن)تكنز الغله=حساد فساد درب الشر ماتعوفه
ياللي تدور صحيب(ن)يوفي العمله=في هالزمن يندر الطيب ولاتشوفه
وقت الشدايد تراه يمحص الشله=ريح(ن)تهز النخل وتطير حشوفه
مشخال يصفى به اللي ينعرف دله=هذاك حطه على يمناك لاتطوفه
وراع البخل مايفيدك موكي(ن)خثله=ياخذ ولا يعطي الا قيس مصروفه
وراع الهروج اتركه مايضلك بضله=وقت اللوازم يقفي تومي كتوفه
لاتخاوي الا عريب(ن)ينعرف فعله=غيم(ن)يضلك وفوقك تمطر قنوفه
لحتدك الوقت يوم العسر تزبنله=مدهال وقت الشدايد تكثر ضيوفه
لو يشكي الفقر تلقى مدته جزله=منهاجه الطيب متربي على صنوفه

محمد سعد العتيبي

صح الله لسانك يامحمد العتيبي
ابدعت وامتعت بهذه الدره الفاخره
دمت ودام مداد قلمك ورقي حرفك الشامخ
تقديري لسموك
النجلاء

[غزلان]

صح لسانك واعتلا شانك ~
ابيات في قمة الروعه والجزاله ~
ودي وتقديري لك ولبوحك العذب ~

[محمدالعتيبي]

اشكر مرورك يالشامخه

[محمدالعتيبي]

صح بدنك يامحمد واسعدني مرورك جداً

[محمدالعتيبي]

النجلا
غزلان
نورتوا صفحتي بمروركم

[عايض العتيبي]

ياسلام راااااااائعه
صح لسانك يامحمد وبيض الله وجهك
على هالفصيده الكايفه لاهنت
تقبل مروري وتحياتي

[الجووهره]

رائعه جدا

صح لسانك محمد العتيبي

ويعطيك العافيه

[سحاب]

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

[ابوفارس]

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

[ملكة الرواسي]

قلم متميز وحروف راقيه
لا هنت شاعرنا الكريم
يعطيك الف عافية
لا تحرمنا من فيض ابداعك

[خالد العبيريد]

ياسلام ،،

صح الله لسانك وقلبك يامحمد ،،

نص رائع يامبدع ،،

تحياتي وتقديري .