جيت المكان

[محمدالعتيبي]

جيت المكان اللي جمعنا ورى العام =اطلال ماضينا وذكرى هوانا
ازهاره العطره غدت كانها حطام=الدهر واطيها مثل ماوطانا
وقمت اتفكر كيف دار(ن)الايام=ياقدرت الله كيف تاهت اخطانا
اول لقى كان الهوى حولنا حزام=ونهر الموده نارده ماروانا
من وفرة الاشواق بقلوبنا زحام=ومطوعين الود يمشي ورانا
كنا على درب الامل نبني احلام=وعلى ضفاف الشوق يخفق لوانا
صدق المشاعر ماهو بزيف الاوهام=مانختلف كن الزعل قد نسانا
قلوبنا متوالفه مابها خصام=وتضحك لنا الايام كل مالتقانا
واليوم طير البين من فوقنا حام=وسحب المطر ماعاد تمطر علانا
صار اللقاء مابينا صدام بصدام=ونفوسنا ماعاد تغفر خطانا
لا والله اللى حظنا طاح ماقام=وعيت مشاعرنا تجاوب ندانا
وارخصت دمع العين ماني بملام=ابكي قهر من حالنا وش بلانا
هذى نهايتنا مثل بعض الافلام=مات الامل والحزن حل ب سمانا


محمدسعدالعتيبي

[غزلان]

الله الله ي محمد صح الله لسانك ملايين ~
وحياك في منتدى رواسي بين اخوتك واخواتك ~
ودي وتقديري لبوحك العذب وحضورك الفاخر ~

[محمد الغنامي]

مرحبا مليون
الاخ محمد العتيبي
صح لسانك مليون ولا يسدون
نص فخم وعذب لابد الحدود
ولاهي غريبه على شاعرنا الجزاله والابداع
سجل مروري وتقديري الابدي
اللي يسبقه تقييمي
وختم التميز

[النجلاء]

الله الله
ياسلام عليك وصح الله لسانك يامحمد
ابدعت وامتعت ولاهنت على هالدره الفاخره
دمت ودام مداد قلمك ورقي حرفك الشامخ
تقديري لسموك
النجلاء

[محمدالعتيبي]

صحت ابدانكم جميعاً واشكر لكم مروركم وكلماتكم المشجعه

[مهرة يام]

محمد العتيبي
صح لسانك ملايين
نص شاعري جميل وكله فخامه
من شاعر مبدع وجزل
يعطيك العافيه
تقديري لسموك

[عايض العتيبي]

رااااااائعه
صح لسااانك واعتلى شانك يامحمد
على هالقصيده الطيبه والجزله لاهنت
تقبل مروري وتحياتي

[الجوريه]

نص أكثر من رائع
وافي ومجمل جزاله وقمة الجزاله
صح لسانك على هذا الطرح الرائع

دمت سالماً

[محمدالعتيبي]

صحت ابدانكم جميعا
وعساني عند حسن الظن دايماً

[ابوفارس]

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[محمدالعتيبي]

صح بدنك يابوفارس

[الجووهره]

قصيده جزله وأبيات رائعه



صح لسانك واعتلا شانك

وبانتظار جديدك

[محمدالعتيبي]

صح حالك يالمها

[سحاب]

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه