حمد بن سايمه
25-01-2016, 01:50 AM
مساجله بيني وبي الشاعر الكبير//فايز بن محمد السوده السبيعي
يابو محمد جاك مرسول لأشعار=نوادرن من قاف شعري ثمينه
ملبوسها غالي من الزين فخار=متسلسله فيها المعاني الحسينه
ترسل عليكم عبر موجات لأقمار=في شاشة الجوال تسمع رنينه
سلام لك يثني ثمانين مليار=اعداد من زار الحرم والمدينه
ياللي لك بقلبي معزه ومقدار=يا نسل من جمع العدو كاعمينه
سبيع غلبا يوم عج الرمك ثار=كم شيخ قومن ذاق منها الغبينه
ترد المنايا كن بها جن وسكاار=في ساعتن من شافها شيب عينه
حماية البل دونها جلب لاعماار=في ظلكم ترعي الحيا في محينه
وتبوج وسع القاعفي كل لاقطار=وانتوا لها مثل الدروع الحصينه
من بعدها نطلعك في بعض لاخبار=اشكي عليك الحال زينه وشينه
كنه يدق بداخل القلب مسماار=اضحك ونفسي من قهرها حزينه
كن الحشا يشتب به صالي النار=ومن شاف حالي قال لي ياعوينه
كنها تحز عروق قلبي بمنشار=من وقتي اللي كثروا مجاملينه
ناسن بدي لي علمهم سر وجهار=بصدورها شب الردي والضغينه
لي جات كن بوجيهها كثحة غباار=دايم وهي غضبه ودايم لعينه
ناسن بها العاقل من الفكر يحتار=عينه بصيره بس قصرت يدينه
هذا زمانن شيخ البوم والفار=وفيه الاسد ما عاد فارق عرينه
وهذا رد فايز.....
يا مرحبا واعداد ما رفرف وطار=طير القنص لي لوحوا قانصينه
بالنادر اللي يكرم الضيف والجار=فزعة خويه لي تردت سنينه
نسل الرجال متعبة قب لامهار=يوم ان كلن نجدته من يمينه
سقم المعادي يام وافيين لاشبار=هل بيرقن كل العرب خابريينه
حليفهم يقلط علي بن وبهار=ودخيلهم بدري علي احدن يهينه
ياشاعرن تطرق جزيلات لافكار=طرقن قليلن ذا الزمن طارقينه
لا شك شان الوقت والوقت دوار=مثل الرحا واليوم شفنا طحينه
اللي تعلي عار والعالي انهار=حتي البحر ما عاد شال السفينه
صار الغبيري فيه مخلب ومنقار=والحر لاشقر برقعه فوق عينه
يسمع حمام الدار في بورة الدار=كنه يردد بين نفسه وبينه
جار الزمن لكن مهما الزمن جار=حمل الجمل يصعب علي حاملينه
تبقي اليمين يمين ماصارت يسار=ما دام كلن له جبله وطينه
وسلامتكم جميع
يابو محمد جاك مرسول لأشعار=نوادرن من قاف شعري ثمينه
ملبوسها غالي من الزين فخار=متسلسله فيها المعاني الحسينه
ترسل عليكم عبر موجات لأقمار=في شاشة الجوال تسمع رنينه
سلام لك يثني ثمانين مليار=اعداد من زار الحرم والمدينه
ياللي لك بقلبي معزه ومقدار=يا نسل من جمع العدو كاعمينه
سبيع غلبا يوم عج الرمك ثار=كم شيخ قومن ذاق منها الغبينه
ترد المنايا كن بها جن وسكاار=في ساعتن من شافها شيب عينه
حماية البل دونها جلب لاعماار=في ظلكم ترعي الحيا في محينه
وتبوج وسع القاعفي كل لاقطار=وانتوا لها مثل الدروع الحصينه
من بعدها نطلعك في بعض لاخبار=اشكي عليك الحال زينه وشينه
كنه يدق بداخل القلب مسماار=اضحك ونفسي من قهرها حزينه
كن الحشا يشتب به صالي النار=ومن شاف حالي قال لي ياعوينه
كنها تحز عروق قلبي بمنشار=من وقتي اللي كثروا مجاملينه
ناسن بدي لي علمهم سر وجهار=بصدورها شب الردي والضغينه
لي جات كن بوجيهها كثحة غباار=دايم وهي غضبه ودايم لعينه
ناسن بها العاقل من الفكر يحتار=عينه بصيره بس قصرت يدينه
هذا زمانن شيخ البوم والفار=وفيه الاسد ما عاد فارق عرينه
وهذا رد فايز.....
يا مرحبا واعداد ما رفرف وطار=طير القنص لي لوحوا قانصينه
بالنادر اللي يكرم الضيف والجار=فزعة خويه لي تردت سنينه
نسل الرجال متعبة قب لامهار=يوم ان كلن نجدته من يمينه
سقم المعادي يام وافيين لاشبار=هل بيرقن كل العرب خابريينه
حليفهم يقلط علي بن وبهار=ودخيلهم بدري علي احدن يهينه
ياشاعرن تطرق جزيلات لافكار=طرقن قليلن ذا الزمن طارقينه
لا شك شان الوقت والوقت دوار=مثل الرحا واليوم شفنا طحينه
اللي تعلي عار والعالي انهار=حتي البحر ما عاد شال السفينه
صار الغبيري فيه مخلب ومنقار=والحر لاشقر برقعه فوق عينه
يسمع حمام الدار في بورة الدار=كنه يردد بين نفسه وبينه
جار الزمن لكن مهما الزمن جار=حمل الجمل يصعب علي حاملينه
تبقي اليمين يمين ماصارت يسار=ما دام كلن له جبله وطينه
وسلامتكم جميع