مصيرها تبرى الجروح العميقه

[يوسف عبدالله الغنامي]

الله من همٍ معي وين ماروح= ماغير أكنّه عن عيون الخليقه
أضحك وأنا مهموم والقلب مجروح= وأدوّر المخراج بأية طريقه
مثلي مثل طيرغدا اليوم مطروح= حطو مسابيقٍ عن الجو تعيقه
وليا كفخ مع غفلة الناس مسموح= حد الحبال اللي برجله عليقه
من عقب ماياتي مع الجو ويروح= مع الفضا الواسع تفاجا بضيقه
البارحه غنيت والصوت مبحوح= جرحي وتر ودموع عيني مسيقه
ياللي نهارالسبت بيدينك تلوح= خليتني بين الوهم والحقيقه
ألين شفت الدمع من عينك سفوح= وخطاك تقصرها ورجلك طليقه
حاولت أقاوم لحظة البعد وأروح = ولايمشي الضميان لاجف ريقه
وقفت قدم الخلق واضح ومفضوح= وأهداب عيني في دموعي غريقه
مقدر أكن جروح قلبي ولابوح= والصدر فيه من اللواهب حريقه
ليت الوداع المر ماكان مشفوح= ووادعه مثل الصديق لصديقه
لكن على الله يازمن كل مانوح= مصيرها تبرى الجروح العميقه

[محمد القسامي]

لكن على الله يازمن كـل مانـوح = مصيرها تبرى الجروح العميقـه


ياسلااااام

يوسف

قد لايفي الوصف هذه الشامخه

وقد لاتفي الكلمات روعة ماأوجدته هنا

فالروعة سكبة

والشموخ دون

هنا

صح قلبك وكلك يايوسف

ودام بوحك بكل خير ومعزه

[الشقـــــاوي]

يوسف الغنامي صح لسانك

وصح شعرك وصح عمرك

والله مدري وش اقول

لاكن قصيده جزله من شاعر جزل

تقبل مروري

[إبراهيم صبحي العضيله]

صـــــــــــــــح لسانك اخوي يوسف على الابداع

الله يعطيك العافيه على هذه الرائعه

تقبل تحياتي

[الراسيه]

الله الله

ابيات اكثر من رائعه

صح لسانك

دمت مبدعا كما انت

[خالد الغنامي]

يوسف

صح لسانك مدد بلا عدد

شقول وش اخلي لله درك ومافيك حيله

تقبل مروري المتواضع......

[عمر العتيبي]

يوسف عبدالله الغنامي
مثلي مثل طيرغدا اليوم مطروح= حطو مسابيقٍ عن الجو تعيقه
وليا كفخ مع غفلة الناس مسموح= حد الحبال اللي برجله عليقه



الله
الله

تشبيه أكثر من رائع





يوسف عبدالله الغنامي
البارحه غنيت والصوت مبحوح= جرحي وتر ودموع عيني مسيقه



صدر البيت وصف حالة بطريقة جميلة جدا
وفي عجز البيت تشبيه في غاية الجمال !







يوسف عبدالله الغنامي

ليت الوداع المر ماكان مشفوح= ووادعه مثل الصديق لصديقه
لكن على الله يازمن كل مانوح= مصيرها تبرى الجروح العميقه




الله يبرئ كل الجروح العميقة يا يوسف



الشاعر العذب
يوسف عبدالله الغنامي



صح لسانك
وقصيدة نستطيع تسميتها
قصيدة : ((( المعاناة )))




ننتظر جديدك بشغف



لك
ود و ورد




صادق الإحساس

[محمد البلوي]

حاولت أقاوم لحظة البعـد وأروح
ولايمشي الضميان لاجـف ريقـه
وقفت قدم الخلق واضح ومفضوح
وأهداب عيني في دموعي غريقـه
مقدر أكن جروح قلبـي ولابـوح
والصدر فيه من اللواهب حريقـه





الشاعر يوسف الغنامي





استمتعت بقراءة نصك الجميل



فوجدت التمكن والجزاله والابداع



صح لسانك وقلبك





تحياتي وتقديري

[محمد الروقي]

صح لسااااااااااانك يابو عبد الله


مروري وتقديري وعذري عن التاخير

[نواف زايد الشلاحي]

صح السا نك يا بو عبد الله ولله يزيل الهم قصيده في قمت المعنا
اخوك/ نواف الشلاحي

[محمد الايداء المورقي]

يوسف الغنامي

بدون مجامله البداع ينادي عليك ويقول لك انته من فقدته


بدع وتلاعب ومفرده فائقه


تقبل مروري

[الحرالأشقر]

الله من همٍ معي وين ماروح= ماغير أكنّه عن عيون الخليقه
أضحك وأنا مهموم والقلب مجروح= وأدوّر المخراج بأية طريقه
مثلي مثل طيرغدا اليوم مطروح= حطو مسابيقٍ عن الجو تعيقه
وليا كفخ مع غفلة الناس مسموح= حد الحبال اللي برجله عليقه
من عقب ماياتي مع الجو ويروح= مع الفضا الواسع تفاجا بضيقه
البارحه غنيت والصوت مبحوح= جرحي وتر ودموع عيني مسيقه
ياللي نهارالسبت بيدينك تلوح= خليتني بين الوهم والحقيقه
ألين شفت الدمع من عينك سفوح= وخطاك تقصرها ورجلك طليقه
حاولت أقاوم لحظة البعد وأروح = ولايمشي الضميان لاجف ريقه
وقفت قدم الخلق واضح ومفضوح= وأهداب عيني في دموعي غريقه
مقدر أكن جروح قلبي ولابوح= والصدر فيه من اللواهب حريقه
ليت الوداع المر ماكان مشفوح= ووادعه مثل الصديق لصديقه
لكن على الله يازمن كل مانوح= مصيرها تبرى الجروح العميقه



الراائع : يوسف الغـنامي

نص طاغي بالجمال ..

... للأمانه رااااق لي هذا النزف الرااقي ..

هناك مفردة ( جروح وماأستشف منها كانت مؤظفه بكثره )

لأقـــول إلاّ غير ألف صح لسانك ولاهـان رأسك


أحترامي

[السيــ عمهوج ـف]

صح للسان وعتلا شأنك
جزله من رأس جزل

[يوسف عبدالله الغنامي]

كل الشكر لكل من مر من هنا

[خالد ابن هجيره]

صح لسانك سلمت يداك



وبيض الله وجهك على هاذه الجزاله
تحياتي لك
خالد ابن هجيره

[حسين السبيعي]

أحسنت أخي العزيز/يوسف الغنامي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز