ناصر الهواوي
29-08-2015, 10:48 AM
هدية / محمد العواد لمنتدى رواسي نجد
قلب الشمالي يدفعه دافع الشوق=لاهل الوفا وأهل القلوب الوفيّه
ما جيتكم عاشق ولا جيت معشوق=ياكود تقدير الخويّ لخويّه
لاهل الشعر عندي مواجيب وحقوق=ومنّي لضبّاط القوافي تحيّه
طاروق جزل الطرق عن كل طاروق=تشدّني فيه البيوت القويه
ومن كان له بالقاف والقافيه ذوق=يلقاه في شِـعِّار نجد العذيّه
على النبا يرقون في شعرهم فوق=مرقاب راس طويق ولاّ طميّه
واليا اختفنّ القور عن ناظر الموق=شامخ رواسي نجد ماهي خفيّه
نيابة عن الجماعه اذا امضوها
باسم الذي فضله على كل مخلوق=نستفتح ونبدا مرد الهديه
بانوب عن نجلاء وابا اخدم ابن روق=من عيلمٍ هداج عذبه رويه
ارحب يابن عواد والنور مشعوق=صاحب سمو وقدمك النار حيه
ترحيبةٍ تغنيك عن كل منطوق=بصدق المشاعر والمحبه حريه
يامرحبابك عد ما حنت النوق=سم/إخذ لك فنجال من شاذليه
ويامرحبابك كثر من داج بالسوق=ريم المدن في ليل عيد الضحيه
وما حن راعدها وما لاحت بروق=واستبشرت فيها العبال السنيه
من شاعرٍ لو بس يرتاح وايروق=بهجسه تضيق الاحرف الابجديه
قلب الشمالي يدفعه دافع الشوق=لاهل الوفا وأهل القلوب الوفيّه
ما جيتكم عاشق ولا جيت معشوق=ياكود تقدير الخويّ لخويّه
لاهل الشعر عندي مواجيب وحقوق=ومنّي لضبّاط القوافي تحيّه
طاروق جزل الطرق عن كل طاروق=تشدّني فيه البيوت القويه
ومن كان له بالقاف والقافيه ذوق=يلقاه في شِـعِّار نجد العذيّه
على النبا يرقون في شعرهم فوق=مرقاب راس طويق ولاّ طميّه
واليا اختفنّ القور عن ناظر الموق=شامخ رواسي نجد ماهي خفيّه
نيابة عن الجماعه اذا امضوها
باسم الذي فضله على كل مخلوق=نستفتح ونبدا مرد الهديه
بانوب عن نجلاء وابا اخدم ابن روق=من عيلمٍ هداج عذبه رويه
ارحب يابن عواد والنور مشعوق=صاحب سمو وقدمك النار حيه
ترحيبةٍ تغنيك عن كل منطوق=بصدق المشاعر والمحبه حريه
يامرحبابك عد ما حنت النوق=سم/إخذ لك فنجال من شاذليه
ويامرحبابك كثر من داج بالسوق=ريم المدن في ليل عيد الضحيه
وما حن راعدها وما لاحت بروق=واستبشرت فيها العبال السنيه
من شاعرٍ لو بس يرتاح وايروق=بهجسه تضيق الاحرف الابجديه