المساعد الشخصي الرقمي

مشاهدة النسخة كاملة : الليل ياغازي وانتهى وقت المجاملات

عقاب العتيبي
14-03-2009, 07:45 PM
الليل شد الحيل ياغازي واخذ علم" يقين=الليل هذاه وبعد ماعاد فيه إمجامله
إما تعلقها السما والا تفضّل خذ يمين=مدام محجوز" لك المقعد بوسط الحافله
غازي العتيبي
14-03-2009, 08:01 PM
انا على الوقفه مع الوافين مع طول السنين = محسب حساب المهمهه وحسب حساب الصامله
واللحيه اللي ماتجمل تحلق بموسن متين = ماني براعي رعيتن فوق البسيطه هامله
عقاب العتيبي
14-03-2009, 08:15 PM
ان كان حمّلتك خطاب الشكر أمانه يافطين=وش رايك إتوصل خطاب الشكر دامك حامله؟؟؟
والنعم بك ضلع" على الشدّه يبوتركي متين=لكن فالادراج ياغازي نسيت إمعامله
غازي العتيبي
14-03-2009, 08:41 PM
الفزعه اللي في يدي للطيبين الغانمين = والكلمه اللي مالها مدلول طبعن فاشله
وانته وانا واحد بسوق الطيب دايم شاريين = قدامك المشوار مشوار السعد لك نامله
عقاب العتيبي
14-03-2009, 09:06 PM
سلّم على صاحبك ثم قلّه ترانا عارفين=وان غرّته بعض السلوم إيجيه منا إمداخله
وإليا بلشت إبها ياغازي رح ودوّر لك عوين=تراك ضمن القافله منته بقايد قافله
غازي العتيبي
14-03-2009, 09:22 PM
الله يعين المسلمين اللي على تقوا ودين = والجابه اللي ماتجمل جات ماهي كامله
خلك على وضح النقا والناس ماهم عاجزين = وانا كفيل القافله والتاجر ايضن كافله
عقاب العتيبي
14-03-2009, 09:40 PM
ياصاحبي ماشوف فوق العد اهل ذود وقطين=غير الشواوي والشواوي مانعرف إنعامله
ياللي موكّل فالليال إترد كيد المعتدين=انا ترى ماحط وسمي فوق خد الهامله
الأصيلة بنت أبوها
14-03-2009, 10:11 PM
عقاب العتيبى ،، وغازى العتيبى
صحت السنتكم ،،
سجلونى من المتابعين
واتمنى لكم التوفيق
غازي العتيبي
14-03-2009, 10:34 PM
اعرفك ياتاجر تبيع وتشتري في كل حين = لاكن لاتحكم على التجار وهيه غافله
منت بوكيل اّدم على ذريته والوضع زين = ادخل مداخيلك مع التجار بيع مناوله
غازي العتيبي
14-03-2009, 10:39 PM
عقاب
بيض الله وجهك على اتاحت الفرصه لي بمجاراتك
ياعلم وصح الساااااانك
اضن القاف شاب
لاهنت وبيض الله وجهك
بنتظااااااااااااار ابداعك انت والقسامي
فالمحااااوره المباشره
الى اللقاء
غازي العتيبي
14-03-2009, 10:41 PM
الاصيله حياكي الله
ومتابعتك زادت نور المتصفح
لاهنتي
مشكوووووووووووووووووووره
عقاب العتيبي
14-03-2009, 11:34 PM
صح لسانك يبوتركي ونظرتي ماتغيّر فيك
والاستفاده لي طال عمرك....
أشكرك وأشكر جميع الاخوان اللي اسعدونا
بمرورهم وتعليقاتهم...
تقبلوا تحيتي وتصبحون على خير
إبراهيم صبحي العضيله
15-03-2009, 07:07 AM
صــــــــــــــــــح السنتكم

الله يعطيكم العافيه



مبدعين

تقبلو تحياتي
عبدالمحسن الحارثي
15-03-2009, 10:26 AM
صحت السنتكم ولاهنت
مدعين
غازي العتيبي
15-03-2009, 08:21 PM
ابراهيم والحااارثي
صحت ابدنتكم
ولاهنتم على المرور