هنا .. سجن القوافي !!

[الناقد/عبدالله الروقي]

العازمي راعدي والعاصفيه سجين=فك السجينه وحط القيد بالراعدي
حظ الرعد يمكن بسجنه يقوم و يزين=يقعد له المنجضع ويوقف القاعدي
الريس اقفى ونا قدهم يقول ابعدين=ولمنفشات الكشش مايوجد مساعدي
ريم وجواهر يديننه وحنا ندين=غمام بغيابها واللي هنا محايدي
وواحد وواحد جمعت ولا يساون ثنين=ثلاثه اطرح ثنين وناتجه واحدي
قالو غبي قلت لاوالله مخي ذهين=ودليلي العيد له شهرين واعايدي
ياراعي الذود بكرتنا غدت منك وين=لاتكون عقلتها باقصى الخلا النايدي
عفرا اجماليةٍ تسوى وجسمٍ بدين=انا اشهد اني لها ياصاحبي رايدي




ههههه
عز الله إنك أحسنت الاختيار يابو عبيد وصح لسانك مدد!
أبو جوري أنت منور المنتدى كله ماهو السجن وأبشر بالتسالي يالحصان!
صح لسانك ياريم على البيتين اللي تحرك المشاعر لتلك المشاعر، ربي يحقق مُناك!
الجوهورة منورة يالراعدية والمهرة وجودها أكثر من رائع!
رحيل يالله حيها ، منورة السجن مصممتنا وآسف على التأخير ، مواعيدي أنا مواعيد عرقوب لكن تحمليني ، وفقك ربي.
أبو فيصل لاتقطعنا يالقرم مانستغني عن إطلالتك البهية.

[سعود العتيبي]

السلام عليكم/ممسيكم قبل شوي تكفي
ــــــــــــــــــــــــــــ
العازمي الله يرفع قدرك بالغالي ولاهنت
ارحب يالذيابي
الجوهره هالتسليمه لك والا منقول؟وهلابك
رحيل حييتي ودمتي وسلمتي
ــــــــــــــــــــــــــــــــــــــــــــــــــ ــ
تسلايه
شطحة نعسان


ياحامل الورد من وردك نبي باقه=النوع نادر ورايحته اتفوقنا
بمقاومة روعته ما عاد لي طاقه=لونه مع الرمش لاسلهم ايشوقنا
للون الاحمر عيون الناس عشاقه=شافو وراحوا وحنا اللي توهقنا
عليه لاجا لرمش الخدَّر اطراقه=ورد وبرد وابتسامه والخشيم اقنا
لاتبخل بما ترا حنا بنا فاقه=لو كلمةٍ رايقه فيها تروقنا



مداعبة لبو عبيد ..

ياناصر الورد يليق بناس عشاقه = مالك ومال الهوى ياخوي روقنا
الورد لو تاخذه تعشي به الناقة = وامسيت رايق وحنا بك تعلقنا

[شاعرة نجد]

تسليه من ارشيفي..

على الفاضي وصلتي لـ الثريـا يامشاعرنـا
سهرنا وانتظرنا واستبحتينا علـى الفاضـي

تمـنـيـنـا وغـنـيـنـا مــــن اسـبــابــك وسـافــرنــا
على متن السحاب اللي يثيرك كل ماناضي

بـراكـيـنــك تـفــجّــر فـ الـمـعـالـيـق وتـصـبّــرنــا
تصولين وتجولين وطغيتي,ليت لـك قاضـي

تحـديـنـا قـســاوة بـطـشـك الـغـاشــم وكـابـرنــا
لـو ان الخافـق المجبـور لا طايـع ولاراضـي

[مهرة يام]

اسعد الله مساكم بالخير والسرور
هلابكم منورين
صح لسانك ياابوعبيد
صح لسان العازمي ومنور السجن وابشر بالتسالي والعلوم الزينه ههههههههههه
صح لسانك يالذيابي يالجزل
صح لسانك نجد مبدعه يالغلا
هلا بالناقد منور ولاتغيب علينا هههههههه
هلا بجوجو ورحوله صحت اذواقكم

[مهرة يام]

تفضل يالعازمي الفروه تدفيك من برد السجن وحياك لشاي الكرك والشابوره ههههههههههههههههههه

http://www.alriyadh.com/media/article/2012/03/19/img/751921776037.jpg (http://www.google.com.sa/url?sa=i&rct=j&q=&esrc=s&source=images&cd=&ved=2ahUKEwidzM3r1azfAhULy4UKHRjACw0QjRx6BAgBEAU&url=http%3A%2F%2Fwww.alriyadh.com%2F719776&psig=AOvVaw0KCnEi23wXW8rom0fqK1pm&ust=1545335473537881)

http://www.6ab5a.com/wp-content/uploads/1111.jpg (http://www.google.com.sa/url?sa=i&rct=j&q=&esrc=s&source=images&cd=&cad=rja&uact=8&ved=2ahUKEwiWyLuY1KzfAhVFURoKHViCCcoQjRx6BAgBEAU&url=http%3A%2F%2Fwww.6ab5a.com%2Frecipe%2F%25D8%25 B7%25D8%25B1%25D9%258A%25D9%2582%25D8%25A9-%25D8%25B9%25D9%2585%25D9%2584-%25D8%25B4%25D8%25A7%25D9%258A-%25D8%25A7%25D9%2584%25D9%2583%25D8%25B1%25D9%2583-%25D8%25A8%25D8%25A7%25D9%2584%25D8%25B5%25D9%2588 %25D8%25B1%2F&psig=AOvVaw3rKBy5eQF9gNrWILrlYAY2&ust=1545334898312631)
https://img-global.cpcdn.com/009_recipes/7cc0268fc17618d9/751x532cq70/photo.jpg (https://www.google.com.sa/url?sa=i&rct=j&q=&esrc=s&source=images&cd=&cad=rja&uact=8&ved=2ahUKEwiaj_C31KzfAhUIxoUKHZC4ByYQjRx6BAgBEAU&url=https%3A%2F%2Fcookpad.com%2Fjo%2F%25D9%2588%25 D8%25B5%25D9%2581%25D8%25A7%25D8%25AA%2F882337-%25D8%25B4%25D8%25A7%25D8%25A8%25D9%2588%25D8%25B1 %25D9%2587-%25D8%25B1%25D9%2588%25D8%25AF%25D9%258A&psig=AOvVaw1Z5L5Y4usid7vSRzKCoKWT&ust=1545335217754965)

[صالح العازمي]

منور السجن العازمي
بنت ابوها مبروك الحرية
انسجنتي غيابي وطلعتي غيابي لله درك ههههههههههههههه




والله ما تصغر الشرهه ولا تكبر
الا على قِيمة الإنسان في عِينك

؛؛

ما يفيد العذر دام السهم صاب
حتى ولو بنسى يبقى الأثر باقي

؛؛


الى متى ؟ اكثر سؤال اسألوني
مدري ! ترا هو الجواب الموفّر

اصحابي الغالين ليه خذلوني
هذا السؤال اللي جوابه مشفّر

تسالي للسجين
(:

النور نورك الله يسعدك

[صالح العازمي]

ههههه
عز الله إنك أحسنت الاختيار يابو عبيد وصح لسانك مدد!
أبو جوري أنت منور المنتدى كله ماهو السجن وأبشر بالتسالي يالحصان!
صح لسانك ياريم على البيتين اللي تحرك المشاعر لتلك المشاعر، ربي يحقق مُناك!
الجوهورة منورة يالراعدية والمهرة وجودها أكثر من رائع!
رحيل يالله حيها ، منورة السجن مصممتنا وآسف على التأخير ، مواعيدي أنا مواعيد عرقوب لكن تحمليني ، وفقك ربي.
أبو فيصل لاتقطعنا يالقرم مانستغني عن إطلالتك البهية.


النورك يا بو محمد والجميع منورينا
ومبشر بالجنة يالأمير

[صالح العازمي]

تسليه من ارشيفي..


على الفاضي وصلتي لـ الثريـا يامشاعرنـا
سهرنا وانتظرنا واستبحتينا علـى الفاضـي

تمـنـيـنـا وغـنـيـنـا مــــن اسـبــابــك وسـافــرنــا
على متن السحاب اللي يثيرك كل ماناضي

بـراكـيـنــك تـفــجّــر فـ الـمـعـالـيـق وتـصـبّــرنــا
تصولين وتجولين وطغيتي,ليت لـك قاضـي

تحـديـنـا قـســاوة بـطـشـك الـغـاشــم وكـابـرنــا
لـو ان الخافـق المجبـور لا طايـع ولاراضـي


شكراً على التسلية وصح لسانك يا شاعرتنا

[الجووهره]

هلا بالجميييع
منووووورين
ويعطيكم العآفيه

شاعرنا الهوآوي
الأبيآت من الدآئقه منقوله طآل عمرك

تسليه لشاعرنا الرآعدي والجميييع


خذيت فـ الماضي بـ الافكار جوله
ورجعت للحاضر وعندي قناعات ~

اجمل سنين العمر .. سن الطفوله
واجمل سنين الحب وقت البدايات

،،،،


الناس ما شافت سوى الابتسامه
ما تقدر تشوف النوايا والاحساس
لو كل واحد .. في عيونه .. كلامه
دنّق حيا .. لا تلمح عيونه .. الناس

،،،،،،


‏الحسن ماهــو ف الملامح والـــدلال
الحسن حسن القلب لا منـة صفـــا
.
مايغلي اسعارالصــور غير الجــمال
ومايعلي اقدار البشر غير الوفـــــا

,,,,,,,


‏لا تبوح ان كان خلك ما يبوح
‏خل بوحك وسط صدرك واكتمه
‏.
‏ان كان شفته للمشاعر به شحوح
‏ادفن الاحساس بالصدور المعتمه
‏.
‏ما يفيدك كثر هرجك والمزوح
‏ ما كل احاسيسك يترجمها فمه
‏.
‏وان بغيت الصدق من قلبن نصوح
‏ان شفته تجاهل..بالتجاهل اكرمه

[صالح العازمي]

اسمحيلي كان منتي فلانيه=مستحيل أعطيك قلبي وشرياني
ما أقلل من بنات السعودية=قلتها ماني بالأول ولا الثاني
الك وسط القلب ديرة ومحمية=مرتعك ما بين عنبر وريحاني
العبي فيها صباح(ن)وعصرية=واسجعي فيها بعذبات الالحاني
عيشي أيامك والأجواء الخيالية=خدها غيمة والأمزان هتاني
واقف(ن)لك كم حارس ودورية=من يحاول ياصلك يعتبر جاني
طالب(ن) ربي ورافعله ايديه=يحفظك من كل أنسي وشيطاني

[ناصر الهواوي]

سلام وتحيه للجميع وللديره الحيه هههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــ

ياسعود وشبك توايق من ورا الطاقه=بمسيرنا ياطويل العمر رافقنا
خشن الكلام اتركه/عطنا من رقاقه=الورد في نجد قبل اعوام ما يقنا
ونبع الحضاره مياهه جات دفاقه=لو ما درسنا السباحه كان تغرقنا
نشم ورده ونعط الناقه اوراقه=وقبل تعرفه وجوريه يطوقنا
احيان ياسعود يزكمنا من عناقه=يخمنا ويتلوى في مرافقنا
واحيان نشتاق له ولشوف من ساقه=ومن جلة اغصانه نسوي مطارقنا

[سعود العتيبي]

سلام وتحيه للجميع وللديره الحيه هههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــ

ياسعود وشبك توايق من ورا الطاقه=بمسيرنا ياطويل العمر رافقنا
خشن الكلام اتركه/عطنا من رقاقه=الورد في نجد قبل اعوام ما يقنا
ونبع الحضاره مياهه جات دفاقه=لو ما درسنا السباحه كان تغرقنا
نشم ورده ونعط الناقه اوراقه=وقبل تعرفه وجوريه يطوقنا
احيان ياسعود يزكمنا من عناقه=يخمنا ويتلوى في مرافقنا
واحيان نشتاق له ولشوف من ساقه=ومن جلة اغصانه نسوي مطارقنا



صح لسانك وفكرك ابو عبيد ..


مسيركم يرضي اللي شينه اخلاقه = كم مرة من طواريقه تذوقنا
يمشي به كبار شعارٍ وذواقه = وحنا نوايق ليا منا تضايقنا
درب المعرفة وابوعبيد ماعاقه = راع الجزيلة من ابداعه يشوقنا
من دار اهلها على الضيفان تواقه = حاضر وماضي وفيها كم تعمقنا
والوقت لو يسعف اللي ضيع اوراقه = يمديه يسبق دقايقها ويسبقنا
احيان يقلب علي ويسبب خناقه = وقلب العنا يشتكي حاله ومقلقنا

[ناصر الهواوي]

ارحب ياسعود وصح لسانك على المجاراة الفاخره لاهنت وبيض الله وجهك

يالعازمي جالك فطور وتقهويت؟=والا على ريقك ومقوي ومضرم
مريتك الجهمه ولا ادري وش اوحيت=هي نمنمه اوهمس او لكنة اطرم
شوك شعر راسي وصديت واقفيت=وعقب التفت ايلاه بسٍ يحضرم
ومن بعد هالشكه على نفسي اوليت=اني ما اعود اظن طنٍ محرم
دع هالكلام وهات يالهجس كم بيت=لحضرة الغرو اللطيف المكرم
قل له تراك بصدتك يالغلا اخطيت=ماهيب لك عاده بوصله تبَرّْم
ياليت يرجع بعض مافات ياليت=قبل صرايب هالليالي تصرم

[رحيل]

اسعد الله عصريتكم و عشيتكم بكل خير (:
صحت السنتكم جميعاً (:
معذور ناقدنا

.....



مايردّ الدمع شخصٍ فاقدينه
ارحم عيونك ولاتسرف بماها

ولا جلست تعدّ أشياك الثمينة
عد قلبي .. يابعد قلبي معاها

.....

وان شحت الايام ما شح صبري
انا اتغانم فرصتي ما . . احتريها

شفني كبرت من التجاريب بدري
ونصايح اهل المعرفه ما اشتريها

ولو انكسر ما بان للناس كسري
انا كسوري للشموخ . . امتطيها

[ناصر الهواوي]

مساء الخيرات والمسرات ع الجميع
اعتقد ان تسمية الاجازه الاسبوعيه بلـ (ويكند) خطا فادح لانه كاني افهم ويك اسبوع وإند نهايه يعني نهاية الاسبوع(مجرد وجهة نظر) ههههه
ــــــــــــــــــــــــــــــــــــــــــــــــــ ـــــــــ

تساوى اول الاسبوع ونهاية الاسبوع=منشغلين باوله الجماعه وتاليه
سعادة نزيل السجن كل الربوع هجوع=حزيبك لهم يومين لاذي ولا ذيه
جواهرحشاها بس للريم نوب وقوع=وغمام اقلعت ويا الثنين الحراميه
زعيم العصابه ماهقيته نوى برجوع=ويذر الرماده نايبه باحترافيه

[ناصر الهواوي]

على صهوة حصان الخيال العشي سجيت=ارخي له عنانه وان جرا حيله اشده
من العصر يجري بالخيالات لين امسيت=وان حاول عن الماضي يرجعني ارده
مابه ذكريات الا على اطلالها مريت=من غرب الخليج ايلين شرقي بحر جده
مرور الكرام امرها الا بقايا بيت=بعد شوفته لولا الحيا جيبي اقده
عرفتني وحاكتني رسومه وانا حاكيت=زوايا الغرف من جاير الوقت منهده
ابكتني خشيباته وانا من بكاي ابكيت=جذوع النخل في ساحة الحوش ممتده
منزل من يفديني من اول بحي وميت= وانا افداه حتى اليوم بالروح واعده
وزينٍ لها وانا بعد غيبته ما اطريت=سواه ولا ارى بالبيض من تعتبر قده

[الجووهره]

صبآح الخيرآت والمسرآت
شعرآء وشآعرآت ومتذوقين
ودآم حضوركم وابدآآآعكم

سعود العتيبي
هلا بك ومنور السجن وصح لسآنك
ع المجآريآت الرآئعه ودآم حضورك وابدآعك

[الجووهره]

تسلية آخر الليل
للسجين والجميييع
شيلة مآت الغرآم
روووووعه

https://www.youtube.com/watch?v=OYJeaTWq0JY

[مهرة يام]

صباح الخير والسرور
صح لسانك ياابوعبيد
على الحضور والدرر الكايفه لاهنت يالجزل
صح لسانك يالعازمي
صح لسانك ياسعود على المجاره الرائعه
هلا جوجو صح ذووقك يالغلا

[خيال مطير]

https://pbs.twimg.com/profile_images/2315481929/image.jpg
عزاه ياقلب(ن) تولع ولا هان
والناس تبحربه وتنكر شهدها
ياناس للعاشق معاذير هيمان
وإلا الملامه ماعرفنا عددها
مجنون ليلى ماتعذب على شان
تحكيبه العالم وترفع عمدها
عاش الوصل بعيان والبعد عميان
وأهل الحسد مايلتفت في حسدها
جاهد عناها والمجاهد بالأيمان
وأسفر قصيدة لين شاخ أبعهدها
واللي غلاها بين دمعه ووجدان
كلن سمع بذكارها ماجحدها
إلا يعيش الحب راضي وقنعان
وإلا تمره ليلته مارقدها
وانا ببوح السر مافيه كتمان
وهذي حروفي وأسمعو مابعدها
عشقتلي سمرة ودكتورة أسنان
ومن دون لذكر وش معالم جسدها
ماهي غزالن للعشاشيق فتان
إلى تتلك يوم تومي أبيدها
من زينها ماكن من حولها أنسان
ياشيب عيني يوم تمشي وحدها
الله عطاها الزين من كل الألوان
حتى أرثعتبي في ملدها ومددها
بنتن لها قيمه وهيبه وسلطان
أجمل بلدها والحنايا بلدها
فعلن جميلة وجه والرمش كسلان
واللي بقى من زينها أمر وأدها
أليا حكت مالله عطا غيرها ألسان
وأليا أسكتت كن القلوب أتعبدها
حتى السلام أن قالته طارت أذهان
واللي يدور ردها ماوجدها
معاد أبلغى مثلها أبكل الأوطان
من شفتها ماشفت فتنه بعدها
هذي ثلاث أسنين عاشق وولهان
أطرد وراها لو ماغيري طردها
عايش ولاكن باخر الموج غرقان
غرق الغلا اللي بالفواد أعتمدها
ومن لامني في حبها أنسان غلطان
مذاق من حر الليال ونكدها
ولا ذاق منها سلهمت حور الأعيان
دكتورتن حطيت قلبي بيدها

[ريم الفلا]

هلا بالجميع وصح السنتكم


الا يالهواوي ما لحقنا الضما و الجوع
بخير و بامان و راية العز محميه

واذا صارت الدعوى قصايد ماهو ممنوع
و نكتب لك الابيات ماهي بسريه

امورك دبور و حزبك يعاني و مفجوع
و لا عاد عنده قوة اثنين فالمية

و حتيش لو ان شاعره صوتها مسموع
ليا من حضرنا ماش رحمه و ماوية

[ناصر الهواوي]

انا ارتاع منهن لاتحدد نظرهن فيِّ=عني غضهن وارجوك ما قلت لي عيده
كان انه عتب واني قليل الادب فاعفي=عن المذنب اللي لك بصم معترف بيده
ليش اجلس بشمس الهجر دام الوصل له فَي=وليش اعطا بسجن اصبر وتنحل تابيده
اجل صبر عام ونصف يالترف ما يكفي؟=على شان يقصفني تغليك واتزيده

[ناصر الهواوي]

ريم
الا يالهواوي ما لحقنا الضما و الجوع=بخير و بامان و راية العز محميه
واذا صارت الدعوى قصايد ماهو ممنوع=و نكتب لك الابيات ماهي بسريه
امورك دبور و حزبك يعاني و مفجوع=و لا عاد عنده قوة اثنين فالمية
و حتيش لو ان شاعره صوتها مسموع=ليا من حضرنا ماش رحمه و ماوية

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اني
هلابك ياريمه مابدا للنجوم طلوع=وما ناحت على روس النعانيع قمريه
من شفت البيوت وفوقها اسمك بغيت افوع=تأكدت من حزب الرعد وحده حيه
ماظني به احد يوافقك والخطا مرجوع=ماتظلم بختها بالاكاذيب نشميه
خويك عشاه من الكعك والعتب مرفوع=وفروه تكبعها ولاهيب طفليه
عليكم تفوق حزبنا(كيف/كم/ ونوع)=وعطونا هل الانصاف ميه على ميه

[مهرة يام]

صح ذووقك ياخيال
الهواوي
الريم
صح السنتكم على المجاره الرائعه لاهنتوا

[مهرة يام]

تسالي للعازمي
ذاك بس اللي يامن جيته يلخبط كياني

اللي بنظره ينشف دم قلبي في وريده


قبل أشوفه أجمع له أحلى القصايد والمعاني

وإن لقيته ما عرفت أقول لي جملة مفيده .

[مهرة يام]

أنا جيت أعشقك نبض ومشاعر ما عشقك تمثال

أنا جيت أسكنك وحياك وبقى فيك وبقالك

أنا جيت بضمّة عاشق تعب يطرد صراب بلال

أنا جيت أستفزّ رضاك من فرقاك والجالك

أنا ما هنت بك عاقل أنا كنت أعشقك بخبال

أنا ما كنت أحبك حي أنا كنت أعشقك هالك

تخيّل من كثر ما خاف تلقى لزعل مدخال

أخاف أخطي على طيفك وأدوس برجلي ضلالك.

[رحيل]

مسا الخيرات والبركات (:


صحت السنتكم
واختياراتكم (:


لله حكمه في تصاريف الاقدار
ومالك على رد المقاديرحيله

ماصار صار وعد ماصارتذكار
وكلن يدور راحته والوسيله

لايضيق صدرك ثم تصبح على نار
أنشد مجربين الحمول الثقيله

خلك علي صكات الأيام صبار
واللي بوسط القلب قلبك يشيله
..

[ريم الفلا]

https://b.top4top.net/p_1085ts3f30.jpg (https://up.top4top.net/)

[الناقد/عبدالله الروقي]

مساء البرد القارس الليلة جاية من أقصاها
صح لسانك يابو مرزوق والله يعينك على البرد في سجنك مالك حس الظاهر إنك ميتٍ في سجنك من البرد!
صح لسانك ياسعود ودام حضورك الرائع
وصح لسانك يابو عبيد الله يبيض وجهك ترسل لي رسالة تقول بكرة وآخرتها تقول فاتت ياونيان !
ريم صح لسانك يامبدعة والله يبيض وجهك يالقرمة
الجوهرة ورحيل والمهرة الله يبيض وجوهكن على الحضور الفاخر يستحق الإشادة حقيقة!
خفير السجن خيال مارس صلاحياتك في السجن ليه السجين صامت.
الليلة برد وغيبة شاهد كان أسعفتني القريحة أو غدا لناظره قريب!

[ريم الفلا]

ريم
الا يالهواوي ما لحقنا الضما و الجوع=بخير و بامان و راية العز محميه
واذا صارت الدعوى قصايد ماهو ممنوع=و نكتب لك الابيات ماهي بسريه
امورك دبور و حزبك يعاني و مفجوع=و لا عاد عنده قوة اثنين فالمية
و حتيش لو ان شاعره صوتها مسموع=ليا من حضرنا ماش رحمه و ماوية

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اني
هلابك ياريمه مابدا للنجوم طلوع=وما ناحت على روس النعانيع قمريه
من شفت البيوت وفوقها اسمك بغيت افوع=تأكدت من حزب الرعد وحده حيه
ماظني به احد يوافقك والخطا مرجوع=ماتظلم بختها بالاكاذيب نشميه
خويك عشاه من الكعك والعتب مرفوع=وفروه تكبعها ولاهيب طفليه
عليكم تفوق حزبنا(كيف/كم/ ونوع)=وعطونا هل الانصاف ميه على ميه



هههههه وش يعني افوع
صح لسانك كثر ماقلت انا وكثر ماقلت انت
ولاهنت شاعرنا

[الناقد/عبدالله الروقي]

https://b.top4top.net/p_1085ts3f30.jpg (https://up.top4top.net/)

وأنتِ سالمة يالقرمة بس تقريبا هؤلاء أكثر رواد السجن لكن أعضاء المنتدى أكثر خاصة في تاج القصيد!
الله يعطيك العافية ،.حاولت أقرأ اسم المادة لكن مازبطت معي هههه

[شاعرة نجد]

السلام عليكم ورحمة الله

وصحت السنتكم ودام ابدااع المبدعين
حضور فااخر,’’

[الجووهره]

يسعد مسآكم وكل أوقآتكم
وصحت الالسن والاذوآق
ودآم الحضور الجميل

شاعرتنا الراعديه المبدعه ريووم
صح لسآنك ودآم حضورك وابدآعك
وجميل خطك ما شاء الله
اسمي عندي حلو. وصآر أحلى بخطك الجميل
تسلم يمينك ياجمييله

[الناقد/عبدالله الروقي]

هههههه وش يعني افوع
صح لسانك كثر ماقلت انا وكثر ماقلت انت
ولاهنت شاعرنا

أفوع يعني أقوم أو أنطلِق!
وأحيانا تستخدم للمشاكل يقولون فلان فاع على فلان يعني قام عليه وصارت مشكلة!

[شاعرة نجد]

هلا بالجميع وصح السنتكم


الا يالهواوي ما لحقنا الضما و الجوع
بخير و بامان و راية العز محميه

واذا صارت الدعوى قصايد ماهو ممنوع
و نكتب لك الابيات ماهي بسريه

امورك دبور و حزبك يعاني و مفجوع
و لا عاد عنده قوة اثنين فالمية

و حتيش لو ان شاعره صوتها مسموع
ليا من حضرنا ماش رحمه و ماوية

امورك دبور و حزبك يعاني و مفجوع
و لا عاد عنده قوة اثنين فالمية

و حتيش لو ان شاعره صوتها مسموع
ليا من حضرنا ماش رحمه و ماوية

:smile:
من اللي يعاني يالغزال الحسين طْبوع؟
عليك الله اكبر خافيَ الله يابنيه

حزب العاصفه لو تستطيعون حب الكوع
عجزتوا عن مْواجه فخامة معاليّه

ولكن تعالي نشعل مْن القصيد شْموع
تنوبين وتسدين,ذربه ونشميه

مع كل احْترامي للرعد,لو نصوعه صوع
تغاضي,حْزيبك مايجي منه موليّه

حنا العاصفه قدامنا الصعب ياتي طوع
ياويل الخصم لاصاغ ناصر قوافيّه

[شاعرة نجد]

يـ مْـفـسّــر الاحــــلام لاتــزيــد الآلام
قـــل خــيــر,والا مـشّـهــا واعـتـذرنــي

قللي عوافي هذي اضغـاث الاحـلام
بـــــلاش تـفـسـيـرك,وربــي قــهــرنــي

الله هـــــــو الـعـلام,مــ انــتَــه بــــعــــلام
مدري وش اللي عـ اتصالي امرني

[خيال مطير]

تسليه من الخفير

http://www.banimalek1.com/upload/1454394482-25f60.jpg

القصة وما فيها أن عسكر كان في عفيف أو في ضواحي عفيف فأتى اليه ابنه (ضاوي) يوماً وقال يأبوي شريت لي سيارة قال عسكر وش نوعها قال ددسن قال من شريتها منه قال من عراوي وكان عراوي هذا رجل مورد للددسن أول ماوردت وهو وكيل لها في عفيف والدوادمي وكان عراوي يلقب أبو(عزيز) لأن ولده عزيز قال عسكر لأبنه ضاوي مبروك ياولدي الموتر الجديد وحنا معزومين عند فلان العازمي في المكان الفلاني ومشينا لعزيمتنا عند معزبنا قال توكلنا على الله وركبوا ومروا على السوق وأشتروا لهم اغراض وحطوها في صندوق الددسن حسب الرواية والقصيدة ومشوا وفي الطريق غرزت الددسن في كثيب رمل وحاولوا فيها وبدون فائدة ومشى عسكر على رجله متجه نحو بيت معزبه العازمي وترك ضاوي عند الددسن وأنشد هذه القصيدة التي إشتهرت مع الناس وصارت سبباً في مسمى الدادسون بوارد عراوي ، أما مسماها (أم عزيز) نسبة لأن عراوي إسم ولده عزيز وأطلقوا أم عزيز لأنها مؤنث ... وهذه قصيدة عسكر الغنامي :



لعنبو ذا الزول ياوارد عراوي
كيف غرزتي بنا وانتي جديده
الدروب مهود ما فيها ملاوي
والكفر نايلون والسايق وليده
تطلبين اثنين والخط متساوي
جعل ما يبقى حديده مع حديده
الحموله كيس والسواق ضاوي
والرفارف حوض والشاصي جريده
خاب ظن اللي هقا فيك الهقاوي
عقب صرتي في مطاليبه بليده
وكل شيٍ يخلف القلب الهواوي
يوم مضنونه سكن دارٍ بعيده
باتمنى وليتها لي بالمناوي
يختلط ماها بزيته مع حديده
لين تِعجز راعي الطب المداوي
لا بغى توضيبها تفجر وريده

[الجووهره]

تسآلي للسجين والجميع

تخيب آلظنون .. و تنكشف غآية آلجهّآل
و تبقى آلنوآيآ آلبيض .. لـ آلخير تسعآبي

و عليهآ آلملآم و شرهـة آلجيل و آلعقّآل
زمآنٍ ندر فيه (آلوفآ) . . بين آلأصحآبي

،،،،،


الخساير تعوض والمواجع تطيب
والليالي فرحھا يطمس أحزانھا


الـبلا ذكـريـات داخـلي ما تـغيب
رجوعھا مستحيل وصعب نسيانها

....


خل آلأمل [ ينبَت ] !!


.. ولآ تدّفن / آلوَرد ،


حلوه الآمآني ، تعَطي آلنَاس راحه ..


ترّاگ لولآ آلصيَف ، . . / مَ تعشَق آلبَرد !! ..


ولولآ آلآممَل ، ضآقَت عَليگ آل مَسآحه ]

.....


فگرت بـ/ الدنيآ وأثر مآهي بـ/ شي
مدري عـلآم آلـنآس ترگض ورآهـآ


تتعآقب الأجـيآل فيهـآ ! وهي ، هي
جيلـ(ن) يودعهـآ ، وجيلـ(ن) لفآهـآ


أحد(ن) أخذ حقه وأخذ فوقه شوي
وأحذ(ن) يموت وحآجته مآقضآهـآ

....


انقشْ على كفُوف الصبآح ( التفآؤل )
. . . . . وأرسم على وجه الليآلي " إبتسآمآت "
لأنّ العمر في كل يوم يتضآئل ،
. . . . . وإن مآزرعت الفرَح بيموت بسكآت

[الجووهره]

نآئبنا النآقد
هلا بك منور ودآم حضورك وابداعك
شاعرة نجد
هلا بك مجآرآة رآئعه صح لسآنك ودآم حضورك وابداعك
خيال
هلا بك مستشارنا وخفيرنا
ويسلم ذوقك ودآم حضورك وابداعك

[ناصر الهواوي]

السلام عليكم ورحمة الله
الناقد يوم جمعه الساعه8تقريبا واحد يقول من المسج للمزرعه وش تعني؟ ما اشتهيت والا واضحه
عندي زميل من الرس وابو فارس وابو معاذ
كانك تعرف تشوي عطني خبر قبل المغربعشان اجيب معي سمك ههههههههههههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
اهلا ياريم فاع بمعنى قحص هههههههههههههههههههههههه
اهلا ياشاعرة نجدوصح لسانك ولاهان راسك
ارحبي يالجوهره الله يوفقك حضور وتفاعل تشكرين عليه فعلا
المهره هلابك يالعاصفيه انتي والجوهره تستحقن اوسمه التفاعل والحضور
ارحب يالخفير وتسلم على سرد هالقصص الحلوه بس وين العاصفيه الجديده دخلت السجن وصارت فص ملح بماء ههههههههههههههه
كانك حول السجن ادخل وش وضع العازمي برد وصرد وحزب تعبان هههههههههههههههههههه
يقول نايبه انه يبي يكتب غدا هههههههههههههههههههههه

[ناصر الهواوي]

يالذيابي لو تبرر لنا اسباب السكوت=فات مده ما نبس فمك ببنية شفه
لاسمعنا يابيض الوجه لك بالسجن صوت=تسمع التصفيق مني ومنهن غطرفه
ياخفير السجن مر بسجينك لايموت=جبت له (بيدي)من طريف مره واحذفه
من ربوعه ما اعطي لا بشيت ولاش كوت=اجتمع فيهم بخل معه قلة معرفه
اربعه تقديم وان شيت ابا الحقهن بيوت=القصيده لاخلت من وصوفه مقرفه
كرته بميزان ما احلاه يرجح بالكروت=عملةٍ صعبه مع ايات دوله تصرفه
عني من اول كتمت العواذل والشموت=وهالسنه طرفٍ لك ارخص هميله تطرفه

البيدي وما ادراك مالبيدي بمكن اكثركم ما قط شافه
على شكل بشت من الوبر او الصوف ابيض يصنع بالشام ثقيل الوزن سميك جداجدا
لو تحطه عليك ويجيك مطر ما قمت من مكانك يوجد الآن في الشمال ويندر وجوده الآن حسب ما اعتقد
لان حمله صعب

[ريم الفلا]

وأنتِ سالمة يالقرمة بس تقريبا هؤلاء أكثر رواد السجن لكن أعضاء المنتدى أكثر خاصة في تاج القصيد!
الله يعطيك العافية ،.حاولت أقرأ اسم المادة لكن مازبطت معي هههه

ايوه اعضاء السجن اقصد (:
ولا البقية واجد ماشاء الله ونصهم ماعرفهم ههه

[ريم الفلا]

:smile:
من اللي يعاني يالغزال الحسين طْبوع؟
عليك الله اكبر خافيَ الله يابنيه

حزب العاصفه لو تستطيعون حب الكوع
عجزتوا عن مْواجه فخامة معاليّه

ولكن تعالي نشعل مْن القصيد شْموع
تنوبين وتسدين,ذربه ونشميه

مع كل احْترامي للرعد,لو نصوعه صوع
تغاضي,حْزيبك مايجي منه موليّه

حنا العاصفه قدامنا الصعب ياتي طوع
ياويل الخصم لاصاغ ناصر قوافيّه





ياويل الخصم لاصاغ ناصر قوافيه

الله الله كفوو وأحسنتِ.

صح لسانتس يانجد ولاهنتِ

[ريم الفلا]

يسعد مسآكم وكل أوقآتكم
وصحت الالسن والاذوآق
ودآم الحضور الجميل

شاعرتنا الراعديه المبدعه ريووم
صح لسآنك ودآم حضورك وابدآعك
وجميل خطك ما شاء الله
اسمي عندي حلو. وصآر أحلى بخطك الجميل
تسلم يمينك ياجمييله

صح كلك غاليتي
يسلمك ربي اول مره احد يقول خطك حلوو هههه

[ريم الفلا]

( افوع )

لاهنتوا على التوضيح

عاد بمسك خط من الرياض لذيك الديار
الدوادمي كبشان ضرية عفيف
وتنتهي بمكه وجده والمدينه

[ناصر الهواوي]

ياهجوسي سلني صارت الساحه خلا=لاعدمتك ياهجوس القصيد ولاخليت
دوك ربعك بالسواليف والهرج بخلا=وش توقع ضيفتك لو على اكرمهم ضويت
مير دورلي على ما يريح مدخلا=ولا توديني دروبٍ عليها ما ضريت

[مهرة يام]

مسالبرد والورد هههههههههه
صحت السنتكم ياشعرائنا المبدعين لاهنتوا
صح اذواق المتذوقين
تسلمين ريومه على الخط الجميل ههههههه
تروحين وترجعين بالسلامه ريومه ولا تنسين الهدايا ههههههههههه
دام الحضور والابداع

[مهرة يام]

حبيبتي كل العواذل تشابه
قلبٍ ظلام ووجه يشبه للأصحاب

ولا ما غدى لك صاحبٍ ينحكى به
لا تسمعي أن كان لك قلب وأحباب

إلى مشيت الدرب يلهث سرابه
وإلى سكنت الدار ناداني الباب

وشلون أنام وهم قلبي صوابه
والشوك ينبت بين جفنين وأهداب

================================

انتي بكف وباقي الخلق في كف

متعليه في وسط قلبي ولك شان


في غير وصلك مالقلبي ترى شف

محتاج لك يانور عيني وشفقان


لا جابوا اسمك صرت انا تقل مختف

مالي على نفسي الى اطروك سلطان


من غير حبك غضت عيوني الطرف

ياللي جمالك صار للزين عنوان

[الناقد/عبدالله الروقي]

السلام عليكم ورحمة الله
الناقد يوم جمعه الساعه8تقريبا واحد يقول من المسج للمزرعه وش تعني؟ ما اشتهيت والا واضحه
عندي زميل من الرس وابو فارس وابو معاذ
كانك تعرف تشوي عطني خبر قبل المغربعشان اجيب معي سمك ههههههههههههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
اهلا ياريم فاع بمعنى قحص هههههههههههههههههههههههه
اهلا ياشاعرة نجدوصح لسانك ولاهان راسك
ارحبي يالجوهره الله يوفقك حضور وتفاعل تشكرين عليه فعلا
المهره هلابك يالعاصفيه انتي والجوهره تستحقن اوسمه التفاعل والحضور
ارحب يالخفير وتسلم على سرد هالقصص الحلوه بس وين العاصفيه الجديده دخلت السجن وصارت فص ملح بماء ههههههههههههههه
كانك حول السجن ادخل وش وضع العازمي برد وصرد وحزب تعبان هههههههههههههههههههه
يقول نايبه انه يبي يكتب غدا هههههههههههههههههههههه


عليكم السلام ورحم الله وبركاته
صح لسانك يابو عبيد حضور عذب ومميز
تو دخلت على ردك ليتك مرسل على الجوال,هذي اللي صدق فاتت ياونيان ههههه
كلبوكم حلوين ورايعين !
ريم الله يستر عليك ,لكن لنا طلب منك مادام تتمرين من عندنا اكتبي لنا قصيدة في عفيف ترى عفيف يستاهل والله!
كبشان وحديجة كنت فيها معلم قبل حوالي 13 سنة تقريبا.الله يذكرهم بالخير ربعنا وحبايبنا!
صالح العازمي سكوتك هذا يخيلينا نترك في السجن أسبوعين ,شاركنا الله يعافيك
بنزل لك الآن تسلية لعلها تحرك واهسك!

[ناصر الهواوي]

لو قلت انا برك على الشله البرد=بوقت الدفا وش كان بارك عليهم
ماداج ياصالح على سجنك الفرد=وقرابتك ما اوحيت حس لحديهم
الريم مرت تطرد ركابها طرد=قد جمعت لجل السفر مالديهم
وصاحبك من قبل امس موعدك بالشرد=والشرد ما شيفت ولا اللي يبيهم
وريسك جده كان يثني ورا الحرد=ريس ومريوسيه ما بر فيهم

[نور]

https://b.top4top.net/p_1085ts3f30.jpg (https://up.top4top.net/)

يازين اسمي بخطك يا ريووومة ويااااحظي الجميل
اني شفت دفترك .......
ريومة موفقه في اختباراتك بس لازم تقولي لي
انتي بااي مرحلة
انتظر اعترافك

[الناقد/عبدالله الروقي]

تسلية للسجين ’’,,,,


مدام السجين اليوم صالح ولد مرزوق=قيادات حزب الرعد تعلن تضامنها
نبا نْضيِّفه ذا الليل خيرة بنات النوق=ويفطر شواها الصبح في وسط طاجنها
يبو جوري إلك حقوق وإلنا عليك حقوق=تغنِّي وبنت الفكر تِبْرز مفاتنها
على شان تَسْحر كل من شافها فالسوق=عيونٍ تزالم بس ماتنطق ألسنها
ثقيلة على راع النظر تقطع المعلوق=خفيفة على اللي جر صوته يهيجنها
كما الماء خفيفٍ فالسحابه ويسبح فوق=وله ضربةٍ فوق البسيطة يبرهنها
قوية ولكن بعدها يلعب الزملوق=ويحيي عروقٍ لاهب القيض دافنها
ترى الشاعر الفنان يكتب بفن وذوق=خياله درر وحبال فكره تكونها
ألا ليت عندي وقت للشعر والطاروق=تصب القريحة كل ليلة غشاينها

[نور]

حبيبتي كل العواذل تشابه
قلبٍ ظلام ووجه يشبه للأصحاب

ولا ما غدى لك صاحبٍ ينحكى به
لا تسمعي أن كان لك قلب وأحباب

إلى مشيت الدرب يلهث سرابه
وإلى سكنت الدار ناداني الباب

وشلون أنام وهم قلبي صوابه
والشوك ينبت بين جفنين وأهداب

================================

انتي بكف وباقي الخلق في كف

متعليه في وسط قلبي ولك شان


في غير وصلك مالقلبي ترى شف

محتاج لك يانور عيني وشفقان


لا جابوا اسمك صرت انا تقل مختف

مالي على نفسي الى اطروك سلطان


من غير حبك غضت عيوني الطرف

ياللي جمالك صار للزين عنوان



صح ذوووقك مهرة>>> جلست اغنيها قلب ظلام ووجه يشبه للاصحاب

[نور]

صحت السنتكم جميعا مبدعين وأكثر من
رائعين بس مين المسجون عشان نطفي
عنه الانوار ونزيد عليه برودة السجن

[نور]

أرى الشعراء كالأزهار حسناً
‏ومجلسُهم يُسرُّ به الخليطُ

‏يُبارون الصباحَ إذا استفاقوا
‏وكانَ الناسُ يَعلوهم غطيطُ

‏هُمُ الأسيادُ حينَ يُقالُ: قُولوا
‏فرأسُ العِلمِ عندهُــمو رَبيطُ

‏إذا الآفاقُ ضاقتْ فوق أرضٍ
‏فدنياهم بكلّ مدى تُحيطُ
~~~ظافر العمري~~~

[ناصر الهواوي]

وشي اختباراته يانور هذي معلمه محاله على التقاعد بقوة النضام من كذا سنه ههههههههههههههههههههههههه
وقبل هذا حياك يانور وين التسالي والسوالف والعلوم اللي تونس/تدرين خليها مع تسالي الناقد للعازمي ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
تساليك ابا انطرها وابا اتنا سوالف نور=ولا سالفه منها ولا تسلية ناقد
لكن صك بابك يابو جوري وطف النور=والاحلام ورديه تسليك يالراقد

[الجووهره]

هلا بالجميع
ومسآكم برررد
ماكو وررد
لان الورد مآت من البرد
هههههههه

وصحت الالسن والاذوآق
ودآم حضوركم وابدآعكم

شاعرتنا الراعديه ريووم
إجازه سعيده ودرب السلامه الله يحفظكم
وترجعين بالسلامه ان شاء الله
نائبنا الناقد
كفووو. والله وصح لسآنك ودآم حضورك وابدآعك

فآقده شاعرتنا الراعديه المبدعه غمام
عسا المآنع خير ان شاء الله

زعيمنا الفرآج طآل غيابه
عسا المانع خير ان شاء الله

[الجووهره]

تساالي للسجين والجمييع



يا ليل لو يحكي القمر سر ذاتك
كان انكشف سرً سكن في مراياك

بذلت لك روحً تحقق مناتك
في ليلةً كان القمر من مطاياك

لف المشاعر ولمها في عباتك
اذا طرى طاري اشتياقي للقياك

.....

ليت العمر يكفي وأحقق طموحي
بس العمر ينقص والاحلام في زود

......

يبقى الأمل موجود لو راحت الأيام
وتبقى الأماني حلم نجهل قدرها...

......



‏غير الله اللي خالقك لا ترتجي
‏خلك مع اللي كل عين تخايله

‏واذا كتب لك ربك الرزق..بيجي
‏وان ما كتب لك رزق..منتب طايله

......

لآتكَـره آلنّاس لو يخطون في حقك
آلزله اللي تجي لك صدّ وآنساها

ولآتذكَـر آللي عطيت آلنّاس من حقك
سوّ آلجميله لوجه الله وتلقـاها

وبس والله
سلااامتكم

[الناقد/عبدالله الروقي]

هلا بالجميع
ومسآكم برررد
ماكو وررد
لان الورد مآت من البرد
هههههههه

وصحت الالسن والاذوآق
ودآم حضوركم وابدآعكم

شاعرتنا الراعديه ريووم
إجازه سعيده ودرب السلامه الله يحفظكم
وترجعين بالسلامه ان شاء الله
نائبنا الناقد
كفووو. والله وصح لسآنك ودآم حضورك وابدآعك

فآقده شاعرتنا الراعديه المبدعه غمام
عسا المآنع خير ان شاء الله

زعيمنا الفرآج طآل غيابه
عسا المانع خير ان شاء الله

صح بدنك يارائعة والله لايهينك
الفراج متواصل معه بعد العشاء ماعليه خلاف وغدًا يشاركنا إن شاء الله
أرسل لي قصيدة له جزلة وأنا خبرتي في تنزيل رابط الفديو قليلة أسويها وأنساها
لكن لاجيت بكرة يابو فيصل نزلها لنا الله يعافيك!
نور صح بدنك والله يعافيك يارائعة منورة على اسمك وتواجدك وهاج!
شاعرنا صالح كاشت الليلة خارج المحافظة وبكرة متواجد إن شاء الله!
وسلطان يراسلني من الرياض يتابع بصمت وبكرة أشويه بقصيدة!
أبو عامر يبيله محبالة وشغلة طويلة لكن نشوف له حل إن شاء الله!
باقي أحد؟ ههه
تصبحون على خير،،،

[نور]

ههههههه الله يبقيك
انا فهمت انك المسجون
يااستاذ عبدالله واحنا العاصفة
طيبين ولازم نقوم بواجبك
هههههههههههه

[نور]

خياااااال وينك فيه مسؤول كبير راح يزور السجن استعددد

https://e.top4top.net/p_1086wje9c0.jpeg (https://up.top4top.net/)

[نور]

نقدم لك الكلبشة الذهبية تعبيرا عن تقديرنا لك


[https://f.top4top.net/p_1086o3lhu1.jpeg (https://up.top4top.net/)

[نور]

وسجنا معك هذا النمر الجميل
https://b.top4top.net/p_10877m3yi0.jpeg (https://up.top4top.net/)

[نور]

الله يصبّحكم بخير وسعاده
‏من خاطرٍ صادق ورايق ومسرور
‏
‏و الله يجعلنا من اهل العباده
‏في صدورنا نورٍ وفي وجيهنا نور
‏

[ناصر الهواوي]

اهلا يابو محمد وصح لسانك مدد بلا عدد
اهلا يالجوهره وتسلمين ع التواجد والتفاعل الله يحفظك
اهلا يالعاصفيه نور هلابك ودمتي وسلمتي

ارحب لو رجانا قد بدا الشيب بالمفروق=بهالدره اللي لك نهارين تازنها
وجتنا بلون الورد طعم العسل بالذوق=كما غادةٍ مخلف دلعها توازنها
وانا ما بغيت اسبق بردي لبو مرزوق=مير الهجس طفق وجننه محاسنها
يابو كل ليله تزعج السجن بالطاروق=ابا ابدي عليك بتمة البدر قننها
ثنتين بشهر تركد ركاب الشعر واتروق=وتجينا على فاقه ولا نندبل منها

[مهرة يام]

•يا صباح الأماني والفجر الجميل

على حلو المعاني والشّوق الأصيل.



•أنا وعبيـــــــــــر الورد، ونسمة البرد

نقول: صباح الورد يا ورد.

[مهرة يام]

جتني وشافتها عيون حايرات

ذا شعاع الشمس او هذا سناها


ضاعوا اللي جوا معاها مسيرات

واقبلت تمشي تقل محدٍ معاها


ياسنا الفضه وياجيد المهات

ياشذى نبت الخزامى في وطاها


قلت كن بوجنتك زهر النبات

قالت ان الرمش يجرح لي صفاها


تجرح الظلما عيون ناعسات

سلهمت وأغضت تغطرس في بهاها


حققوا بالشوف في لون الشفاة

هو خذا منها الشفق والا عطاها


ولو ظلام الليل يعطينا ثبات

فيه من لون الشعر والا كساها


كيف أباصف زين كاملة الصفات

كيف أباصل في حروفي منتهاها

الشاعر طلال الرشيد الله يرحمه

[ناصر الهواوي]

ياسلام يالمهره تصالي رائعه
ــــــــــــــــــــــــــــــــــــــــــــــــ

الناقد يقول انه يبا ياتي الفراج=وحنا نقول الامل بالله وافراجه
بآخر هالنفق من ياسنا بص نور سراج=لا انار الطريق بنوره ولا قضى حاجه
لكن يمكن يحصل من ادلج معه مخراج=ويجي للحمام ليا ابصرن السفر راجه

[مهرة يام]

هههههههههههههههههههه صح لسانك يالهواوي
تعرف الرواعد ماعندهم الا الكلام فعل مانشوف هههههههههههه
الفراج زول مايجي الا بالسنه مره ههههههه

[الناقد/عبدالله الروقي]

ههههههه الله يبقيك
انا فهمت انك المسجون
يااستاذ عبدالله واحنا العاصفة
طيبين ولازم نقوم بواجبك
هههههههههههه


هههه
لاوالله أبشرك حر طليق ولله الحمد
والله لايهينك,,,

[الناقد/عبدالله الروقي]

اهلا يابو محمد وصح لسانك مدد بلا عدد
اهلا يالجوهره وتسلمين ع التواجد والتفاعل الله يحفظك
اهلا يالعاصفيه نور هلابك ودمتي وسلمتي

ارحب لو رجانا قد بدا الشيب بالمفروق=بهالدره اللي لك نهارين تازنها
وجتنا بلون الورد طعم العسل بالذوق=كما غادةٍ مخلف دلعها توازنها
وانا ما بغيت اسبق بردي لبو مرزوق=مير الهجس طفق وجننه محاسنها
يابو كل ليله تزعج السجن بالطاروق=ابا ابدي عليك بتمة البدر قننها



كما غادةٍ مخلف دلعها توازنها
ياسلام عن قصيدة هالشطر!
صح لسانك يالقرم!
المشكلة في المجالس يطلبون منا قصيد
وحنا لافضينا كل القصايد نكتبها للسجن وقصايد السجن مواضيعا خاصة ماتصلح للطرح.
وعلى شان كذا والله إني أنحرج أحيانًا منهم.

لو إن مليسة الرجال عندي كان أكتب في اليوم خمس ههههههههههههه

[رحيل]

ابو عبيد صح لسانك شاعرنا دائماً وأبداً

ناقدنا صح لسانك وحضورك المميز

نجد صح لسانك شاعرتنا

ريووم تسلمين شاعرتنا خط جميل و اهداء جميل
الله يسعدك
واجازة سعيدة الله يحفظك يارب
تروحين وترجعين بالسلامة

بنات الرواسي الجميلات صحة اذواقكم (:

[رحيل]

لا باس يالجوف الكتوم و سلامات
فيك اسرفت كفّ الجروح . الكريمه

و اللي يشوف الوجه و الابتسامات
ما يدري ان الصدر / مسرح جريمه

~~~

أضحكي!لو يمتلي صدرك طعون
وغمضي عيونك وداري غصتك

ماهي نهاية قصتك لو يرحلون
هذي نهاية دورهم في قصتك

~~~~

ما عاد فيني حيل لمعاتب الناس
مليت اداريهم واساير هواهم !

اللي يبون القرب ع العين والراس
واللي يبون البعد ربي معاهم


(:

[صالح العازمي]

الله يمسيكم بالخير جميع ياشعراء وشاعرات وجميع من جاب لي التسالي الجميله وصحت ألسنتكم جميع
وصح لسانك يالهواوي مليوووون يالحصان
وصح لسانك يابو محمد إبداع في إبداع يالحصان
واسمحوا لي على الغياب الطاري
وهاكم المتيسر هالحين وأبشروا بالجايات إن شاء الله


مرحبا ترحيب بالناقد وبالشيخ الهواوي=ومرحبا بأهل التسالي والقصايد والزياره
الهجوس الظامية تارد على العد الرهاوي=تشرب العد القراح العذب ماتشرب مراره
انت ياعبدالله الروقي كما النجم السماوي=منزلك عالي تدل الناس كلٍ في مساره
ناقد وشاعر ولك هده كما الحر النداوي=ماتصيد ألا جزال الصيد لو يشهر طياره
وناصر الشعر يتحكم فيه جراحٍ مداوي=مايجيب ألا عيون الشعر ويدور خياره
شاعر ومبدع ومتمكن ويتعب كل هاوي=ويتمايل مع هواجيس الشعر ويدق طاره
إتنشّد عن ذهيبٍ فاقده ماله حراوي=الوسم مجهول والنشاد مايَعْرف دياره
مالقيت لها خبر وأبلشتني مع كل راوي=من رواسي نجد حتى أمسيت في وادي ستاره
يالله اعقلها ولاتقطع رجاء عبدٍ رجاوي=كل ماتطري عليه يشب في خشم الزقاره
والله إني معك فالمشوار ابن عمٍ مخاوي=احتزم بي واعرف إن الحر تكفيه الإشاره

[رحيل]

صح لساااااانك يستاهلون

(:

[ريم الفلا]

يازين اسمي بخطك يا ريووومة ويااااحظي الجميل
اني شفت دفترك .......
ريومة موفقه في اختباراتك بس لازم تقولي لي
انتي بااي مرحلة
انتظر اعترافك

الله يوفق الجميع يارب
ياقلبي يانور. انا من زمان عن قاعات الاختبارات
كطالبة يعني. بس برضو كل سنة اعيش ذي الاجواء
مع خواتي اشيل هم الاختبارات احر ماعندي ابرد ماعندهم
هذا اعترافي


وشي اختباراته يانور هذي معلمه محاله على التقاعد بقوة النضام من كذا سنه ههههههههههههههههههههههههه
وقبل هذا حياك يانور وين التسالي والسوالف والعلوم اللي تونس/تدرين خليها مع تسالي الناقد للعازمي ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
تساليك ابا انطرها وابا اتنا سوالف نور=ولا سالفه منها ولا تسلية ناقد
لكن صك بابك يابو جوري وطف النور=والاحلام ورديه تسليك يالراقد

هههههه هذا الجواب وصلك يانور
متقاعده مع الهواوي <<

[ريم الفلا]

تسلية للسجين ’’,,,,


مدام السجين اليوم صالح ولد مرزوق=قيادات حزب الرعد تعلن تضامنها
نبا نْضيِّفه ذا الليل خيرة بنات النوق=ويفطر شواها الصبح في وسط طاجنها
يبو جوري إلك حقوق وإلنا عليك حقوق=تغنِّي وبنت الفكر تِبْرز مفاتنها
على شان تَسْحر كل من شافها فالسوق=عيونٍ تزالم بس ماتنطق ألسنها
ثقيلة على راع النظر تقطع المعلوق=خفيفة على اللي جر صوته يهيجنها
كما الماء خفيفٍ فالسحابه ويسبح فوق=وله ضربةٍ فوق البسيطة يبرهنها
قوية ولكن بعدها يلعب الزملوق=ويحيي عروقٍ لاهب القيض دافنها
ترى الشاعر الفنان يكتب بفن وذوق=خياله درر وحبال فكره تكونها
ألا ليت عندي وقت للشعر والطاروق=تصب القريحة كل ليلة غشاينها


ياسلام مبطين عن ابداعك شاعرنا


كما الماء خفيفٍ فالسحابه ويسبح فوق
وله ضربةٍ فوق البسيطة يبرهنها
قوية ولكن بعدها يلعب الزملوق
ويحيي عروقٍ لاهب القيض دافنها

ابدعت واكثر صح لسانك ولاهنت

[ريم الفلا]

الله يمسيكم بالخير جميع ياشعراء وشاعرات وجميع من جاب لي التسالي الجميله وصحت ألسنتكم جميع
وصح لسانك يالهواوي مليوووون يالحصان
وصح لسانك يابو محمد إبداع في إبداع يالحصان
واسمحوا لي على الغياب الطاري
وهاكم المتيسر هالحين وأبشروا بالجايات إن شاء الله


مرحبا ترحيب بالناقد وبالشيخ الهواوي=ومرحبا بأهل التسالي والقصايد والزياره
الهجوس الظامية تارد على العد الرهاوي=تشرب العد القراح العذب ماتشرب مراره
انت ياعبدالله الروقي كما النجم السماوي=منزلك عالي تدل الناس كلٍ في مساره
ناقد وشاعر ولك هده كما الحر النداوي=ماتصيد ألا جزال الصيد لو يشهر طياره
وناصر الشعر يتحكم فيه جراحٍ مداوي=مايجيب ألا عيون الشعر ويدور خياره
شاعر ومبدع ومتمكن ويتعب كل هاوي=ويتمايل مع هواجيس الشعر ويدق طاره
إتنشّد عن ذهيبٍ فاقده ماله حراوي=الوسم مجهول والنشاد مايَعْرف دياره
مالقيت لها خبر وأبلشتني مع كل راوي=من رواسي نجد حتى أمسيت في وادي ستاره
يالله اعقلها ولاتقطع رجاء عبدٍ رجاوي=كل ماتطري عليه يشب في خشم الزقاره
والله إني معك فالمشوار ابن عمٍ مخاوي=احتزم بي واعرف إن الحر تكفيه الإشاره



هلابك شاعرنا ابدعت واكثر
صح لسانك ولاهنت

[خيال مطير]

سلام

[خيال مطير]

أحذرو من الخيال

[مهرة يام]

الهواوي
الناقد
العازمي
صح السنتكم يامبدعين
صح ذوقتس يارحيل هههههههههههه
هلا ريومه منوره السجن

[الناقد/عبدالله الروقي]

الله يمسيكم بالخير جميع ياشعراء وشاعرات وجميع من جاب لي التسالي الجميله وصحت ألسنتكم جميع
وصح لسانك يالهواوي مليوووون يالحصان
وصح لسانك يابو محمد إبداع في إبداع يالحصان
واسمحوا لي على الغياب الطاري
وهاكم المتيسر هالحين وأبشروا بالجايات إن شاء الله


مرحبا ترحيب بالناقد وبالشيخ الهواوي=ومرحبا بأهل التسالي والقصايد والزياره
الهجوس الظامية تارد على العد الرهاوي=تشرب العد القراح العذب ماتشرب مراره
انت ياعبدالله الروقي كما النجم السماوي=منزلك عالي تدل الناس كلٍ في مساره
ناقد وشاعر ولك هده كما الحر النداوي=ماتصيد ألا جزال الصيد لو يشهر طياره
وناصر الشعر يتحكم فيه جراحٍ مداوي=مايجيب ألا عيون الشعر ويدور خياره
شاعر ومبدع ومتمكن ويتعب كل هاوي=ويتمايل مع هواجيس الشعر ويدق طاره
إتنشّد عن ذهيبٍ فاقده ماله حراوي=الوسم مجهول والنشاد مايَعْرف دياره
مالقيت لها خبر وأبلشتني مع كل راوي=من رواسي نجد حتى أمسيت في وادي ستاره
يالله اعقلها ولاتقطع رجاء عبدٍ رجاوي=كل ماتطري عليه يشب في خشم الزقاره
والله إني معك فالمشوار ابن عمٍ مخاوي=احتزم بي واعرف إن الحر تكفيه الإشاره


مرحبا بالجزالة وراعيها
صح لسانك يالأمير ولاعليك زود ، قصيدة تحمل الجزالة والإبداع!
وترانا مانشبع من مشاركاتك ويكفينا ثنتين غير هذي، تكون الأخيرة كفالتك
وكان تبي رأيي اسجن أبو عامر عبدالله الدنيش خله يقضي الإجازة في أبو زعبل!

[الناقد/عبدالله الروقي]

ياسلام مبطين عن ابداعك شاعرنا


كما الماء خفيفٍ فالسحابه ويسبح فوق
وله ضربةٍ فوق البسيطة يبرهنها
قوية ولكن بعدها يلعب الزملوق
ويحيي عروقٍ لاهب القيض دافنها

ابدعت واكثر صح لسانك ولاهنت

الإبداع عندك ياشاعرتنا المبدعة
وصح بدنك ولاتهونين يالقرمة

[الناقد/عبدالله الروقي]

رحيل صح بدنك يارائعة وتستاهلين الطيب الفاخر!
المهرة منورة وتسلمين ولاهنتي يالقرمة على تواجدك الرائع
خيال عليكم السلام ، حياك مولاك
الله لايهينكم جميعا ويسلمكم من كل شر،،،

[الناقد/عبدالله الروقي]

الليلة الإرسال أسوأ من السيء
لجل تكتب مشاركة ربع ساعة!!

[شاعرة نجد]

مساء الخير

وصحت الالسن والذوائق
ودام الحضور,’’

[نور]

مساء الخير
صحت الالسن ...

[شاعرة نجد]

يقول الهواوي

انا ما ادري لويش الشعر يكتب واللحون تشال
وليـش العيـن لاضـاق الـصـدر تسـبـل مدامعـهـا

قلت
لان الـشّعْــر ســلْـوَه وانـسـجـام,وجــرة الــمـــوال
تلاعَـب في مشـاعـر نـاسـه وتـطـرب مسامعـهـا

ولأن العين,غيم الحزن وفْرااق الحبيب ان طال
يضيق الصدر مـن سيلـه ويطلـع فايضـه معهـا

[محمد الـفراج]

السلام عليكم

الله يسعد مساكم
صحت السنتكم جميعاً
ودام حضوركم الرائع

والي فقدني جعله ما يفقد غالي والي ما فقدني برضو جعله ما يفقد غالي ههههه

العاصفه وريسهم ( اي لاف يو ) ههههه



(حزب الرعد)
لبى والله هالحضور ودي ان عندي لابتوب بحط لكم قلوب ورد وكل شي هههه
وصحت السنتكم وصح نقلكم
الناقد
ابشر بنزلها ان شاء الله بس اوصل الديره

[الجووهره]

هلا بالجميييع
وصحت الألسن والأذوآق
ودآم حضوركم وابدآعكم
ا السجين الرآعدي المبدع
صح لسآنك ومنور الزنزانه من جديد هههه
ودآم حضوورك وابدآآعك
زعيمنا الفرآج
هلا بك وعودا حميدا
توصل بالسلااامه ان شآءالله
وبانتظآر ابدآآآعك

[الجووهره]

تسآلي للسجين الرآعدي

وللجميييع


خلك ثقيل وخل كلآمك بمقيآس
مأكل من يسمع همومك ..[ فزع لك ..!
بعض البششر من حبهأإ تقول لآبأسس
وبعض ألبششر من حقدهأإ ..تبتسسسسم لك ..!

ـــــــــــــــــ

لاثـار جرْحِـك خـل صـدرك مَحْبِسـه
لا حـيّ شـاف وْ لا بَـعَـد حــيٍ دَرَا

الجرح لـوْ هـو كِـل مِـن مَـرّ لْمِسَـه
يبطـي وِ هـو بـيـن المـحانـي مـا بَـرا

ـــــــــــــــــــــــــــ


الَقلوبْ الصّافيِه مّا يكْدرِهَا الغبّار ..
................لوُ يثوُر العِج بالجُو تبقّى صافيّه


ـــــــــــــــــ
مآتدوم السعاده لو يطـول المطـال


والشقآ بـالمحبه بـاقي والدليـل


أول الحب نظـره وإبتسآمـه دلال


وآخر الحب دمعه وابتعآد طويل ..}

[مهرة يام]

ماشاء الله على زعيمكم يالرواعد ههههههههههههههه
يحبكم واجد والدليل كل يوم يمركم بالسجن ههههههههه
منور الفراج

[الناقد/عبدالله الروقي]

السلام عليكم

الله يسعد مساكم
صحت السنتكم جميعاً
ودام حضوركم الرائع

والي فقدني جعله ما يفقد غالي والي ما فقدني برضو جعله ما يفقد غالي ههههه

العاصفه وريسهم ( اي لاف يو ) ههههه



(حزب الرعد)
لبى والله هالحضور ودي ان عندي لابتوب بحط لكم قلوب ورد وكل شي هههه
وصحت السنتكم وصح نقلكم
الناقد
ابشر بنزلها ان شاء الله بس اوصل الديره

هلا يابو فيصل لاهنت ,ممتاز لكن يكون للسجن نسخة طبعا

[الناقد/عبدالله الروقي]

إعـــــلان

أنتم على موعد الليلة مع محاورة مباشرة في رواسي نجد عند الساعة الثامنة والنصف مساءً
بين الشاعرين الرائعين والمبدعين:
الشاعر/أحمد المسعودي
والشاعر/صالح العازمي


طبعا لاتنسون الحضور والتفاعل والتشجيع ,وكتنسيق مبدئي سنفتح الصفحة إن شاء الله بعد قليل

[مهرة يام]

هلا يالناقد منور السجن
تم ان شاء الله اكون اول المتواجدين ابشر ولا يهمك
كتبت عن المحاوره بالشات عشان الكل يشوفها

[ريم الفلا]

صباح الخير للجميع

ولاهنتوا


ماشاء الله الاعلان حماسي
الله يعطيكم العافيه
ان شاء الله متابعين

[الناقد/عبدالله الروقي]

المهرة مراحب فيك ياعذبة وتشكرين على جهودك!
أهلا ياريم منورة ,نقول إن شاء الله ,وشاركينا بالحضور والتعليق!
ونحن نسعى جاهدين إن شاء الله لاستقطاب كوكبة من الشعراء لرواسي نجد وعسى المولى يضع البركة
شكرًا لكما ,,,,

[خيال مطير]

https://www.r111n.com/t40028.html

[رحيل]

منور ابو فيصل عوداً حميداً

مشكور ناقدنا على التنبيه
وانا بنزل الاعلان بتويتر (:

[عبدالله الذيابي]

يامرسى الاحلام لاتشره على الخاطر
مـجـير ومـجـار... والله يـكتب الـخيره


الـمـنـتـجع مـايـغـيـر فــكــرة الـشـاطـر
لــو كــان جــوه عـلـيل وسـيـرته سـيره


يـاشاطئ الـبحر لـو ان السماء ماطر
تـغـيض وتـفـيض فــي ركـعـه وتـكبيره


الله يـسـعـد مــسـاءك وجــوك الـعـاطر
وجـمـل تـحـيه مــن الـشـاعر وتـقـديره




عبدالله الذيابي

[ريم الفلا]

ننتظر المحاورة ههههه


وبتصفح السجن

[ريم الفلا]

السلام عليكم

الله يسعد مساكم
صحت السنتكم جميعاً
ودام حضوركم الرائع

والي فقدني جعله ما يفقد غالي والي ما فقدني برضو جعله ما يفقد غالي ههههه

العاصفه وريسهم ( اي لاف يو ) ههههه



(حزب الرعد)
لبى والله هالحضور ودي ان عندي لابتوب بحط لكم قلوب ورد وكل شي هههه
وصحت السنتكم وصح نقلكم
الناقد
ابشر بنزلها ان شاء الله بس اوصل الديره

الفراج موجود يامرحبا شاعرنا وزعيم الرعد
مثلك يفقد ليا غبت حياك الله ومنور بعد هل الغيبه

[ريم الفلا]

يامرسى الاحلام لاتشره على الخاطر
مـجـير ومـجـار... والله يـكتب الـخيره


الـمـنـتـجع مـايـغـيـر فــكــرة الـشـاطـر
لــو كــان جــوه عـلـيل وسـيـرته سـيره


يـاشاطئ الـبحر لـو ان السماء ماطر
تـغـيض وتـفـيض فــي ركـعـه وتـكبيره


الله يـسـعـد مــسـاءك وجــوك الـعـاطر
وجـمـل تـحـيه مــن الـشـاعر وتـقـديره




عبدالله الذيابي

صح لسانك يالذيابي مبدع شاعرنا
على ان لون الخط مو واضح والكلمات قريبه من بعض

[الناقد/عبدالله الروقي]

أرسلت للشاعر العلم كديميس السيحاني على الواتس قلت شاركنا وأرسل لي هالأبيات ويسلم عليكم كلكم!
وأقول صح لسانك يابو منصور عزيز وغالي ومحلك في القلب قبل المنتدى,,,


حييت يالناقد عدد وبل الأمطار=والشعر معكم يالربع مانمله
ودي ولكن كل يومين مشوار=ماعاد عندي وقت للنت كله
سلم على الشلة ووصّلهم أعذار=عذري سمين وكل شيٍ بحله
إن كان ربي مهّل إلنا فالأعمار=لازم رواسي نجد أجي وأستحله


هههه
وهذا ردي على أبو منصور’’,,,


أبقاك ربي يالبطل نسل الأحرار=ياشاعرٍ شعر النبط مذعلله
ماني بقايل ياكديميس جوَّار=لكن عذرك غير مقبول لله
لو تطوي البيداء على سكة القار=النت يجري معك ماتستزله
الله يجيبك وأنت مبدع وبيطار=والضلع راسي منت قادر تشله

[شاعرة نجد]

السلام عليكم

واسعد الله مساكم وطابت اوقاتكم
ودام الحضور والابدااع وصحت السنتكم وابدانكم
وصح لسانك يـ الذيابي على هـ الكايفه النايفه
وعودا حميدا يـ الفرج,منور شاعرنا,’’

[الجووهره]

يسعد مسآكم وصبآحكم وكل أوقآتكم
وصحت الالسن والأذوآق
ودآم حضوركم وابدآعكم
نآئبنا النآقد
بادره طيبه وجميله جدا
فتح باب المحاوره للاستمتاع بالابداع والجزاله
من الشعراء والشاعرات وتنشيط القسم
الف شكر لك ويعطيك العآفيه
مع الاسف فاتتني اليوم ههههه

شاعرنا الهوآوي
غريبه ماله حس اليوم وماحضر المحاوره
عسا المانع خير ان شاء الله

[خيال مطير]

يسعد مسآكم وصبآحكم وكل أوقآتكم
وصحت الالسن والأذوآق
ودآم حضوركم وابدآعكم
نآئبنا النآقد
بادره طيبه وجميله جدا
فتح باب المحاوره للاستمتاع بالابداع والجزاله
من الشعراء والشاعرات وتنشيط القسم
الف شكر لك ويعطيك العآفيه
مع الاسف فاتتني اليوم ههههه

شاعرنا الهوآوي
غريبه ماله حس اليوم وماحضر المحاوره
عسا المانع خير ان شاء الله

داخله برد . فيه رعشه , ويتعذر منكمم

[صالح العازمي]

السلام عليكم
صباح الخير جميعا
صح لسانك يابو عبيد. وين الغيبات فاقدينك من مده
حياك الله يابو فيصل منور
ابو محمد صح لسانك وصح لسان ابو منصور وشرفنا يابو منصور بإبداعك
الليله ابي أجيب الكفالة إن شاءالله وأبي أكرفس واحد منكم في السجن

[ريم الفلا]

أرسلت للشاعر العلم كديميس السيحاني على الواتس قلت شاركنا وأرسل لي هالأبيات ويسلم عليكم كلكم!
وأقول صح لسانك يابو منصور عزيز وغالي ومحلك في القلب قبل المنتدى,,,


حييت يالناقد عدد وبل الأمطار=والشعر معكم يالربع مانمله
ودي ولكن كل يومين مشوار=ماعاد عندي وقت للنت كله
سلم على الشلة ووصّلهم أعذار=عذري سمين وكل شيٍ بحله
إن كان ربي مهّل إلنا فالأعمار=لازم رواسي نجد أجي وأستحله


هههه
وهذا ردي على أبو منصور’’,,,


أبقاك ربي يالبطل نسل الأحرار=ياشاعرٍ شعر النبط مذعلله
ماني بقايل ياكديميس جوَّار=لكن عذرك غير مقبول لله
لو تطوي البيداء على سكة القار=النت يجري معك ماتستزله
الله يجيبك وأنت مبدع وبيطار=والضلع راسي منت قادر تشله


الله يسلمه ويسلمك
والله يذكره بالخير ويجعله بخير وصحة
وصح لسانه

وصح لسانك يالناقد وشكراً على
نقلها

[ريم الفلا]

السلام عليكم
صباح الخير جميعا
صح لسانك يابو عبيد. وين الغيبات فاقدينك من مده
حياك الله يابو فيصل منور
ابو محمد صح لسانك وصح لسان ابو منصور وشرفنا يابو منصور بإبداعك
الليله ابي أجيب الكفالة إن شاءالله وأبي أكرفس واحد منكم في السجن


الله يصبحك بالرضاء والسعاادة
وفي انتظار كفالتك شاعرنا

[مهرة يام]

مساء الخير
صح لسان الشاعر الكبير السيحاني والله يسلمه من كل شر
وصح لسانك يالناقد مجاراه رائعه لاهنتوا
هلا العازمي وصباحك ورد
فاقده ابوعبيد عسى عمره طويل ماله حس هو نور السجن العاصفي هههههههههه
عسى المانع خير
هلا ريومه منوره
هلا جوجو منوره حبيبتي

[رحيل]

ظهر الخير (؛


الناقد
عليك وعليه السلام
وصحت السنتكم



جد فاقدين ابو عبيد
الظاهر البل شاده للشمال (:
ومخيمين الحين في الحيااا

[عبدالله الذيابي]

الشعر عذبه في عيون الغنادير
يذوب لونه لون سكر نباته



يرسم على المبسم ملامح تباشير
فاعيون من يعاف شربه وقاته


عبدالله

[نور]

السلام عليكم والرحمة

كيفكم جميعا عساكم بخير
صدق وينه الهوواي >>>اتوقع انه ماخذ
اجازة يقضيها على البحر

[نور]

الشعر عذبه في عيون الغنادير
يذوب لونه لون سكر نباته



يرسم على المبسم ملامح تباشير
فاعيون من يعاف شربه وقاته


عبدالله

صح لسانك

[شاعرة نجد]

غياب الهواوي غير والسجن حاله غير
أنشهد غياب القرم لاغاب يدرابه

فقدناه له يومين يالله عساها خير
فقدنا الزعيم وكل غايب له اسبابه

نجوم العواصف مع تحاياي والتقدير
تعالوا قبل لاحزبنا يرخي اطنابه

نبي شعر لاغنّى به الوَلْه له تأثير
يسلي ويطرب,من سمع يبدي عْجابه

تعالوا وغنوا حزبنا مايبي تقصير
تعوّد على القمه ويزهَى وتزهابه

[شاعرة نجد]

بــس ياشـعـري تــرى مـابـي تعـبّـر عـــن شـعــوري
يـكـفـي الـعــب واتـسـلّـى بــــك ولــكــن مــــن بـعـيــد

الـخـيــال الــوااســع الــكــذاب مـايـرضــي غــــروري
لاطفح بـي فـووق ذاك المـوج امانه وش يفيـد

أخــف مضـمـون المعـانـي واتمـثّـل لــك بدوري
لاجـل عينـك كـل ساعـه يـ القصيـد اكتـب جـديـد

كل ما استرسلت جبت الحرف في غاية سروري
مـن حلاته هـاض قلـب اللـي سمعـنـي لــو حـديـد

مــره استـرسـل عـلـى جــر الـربـابـه مـــن بـحــوري
ومـره استرسـل مـع القمـري علـى خـضـر الجـريـد

[مهرة يام]

غياب الهواوي غير والسجن حاله غير
أنشهد غياب القرم لاغاب يدرابه

فقدناه له يومين يالله عساها خير
فقدنا الزعيم وكل غايب له اسبابه

نجوم العواصف مع تحاياي والتقدير
تعالوا قبل لاحزبنا يرخي اطنابه

نبي شعر لاغنّى به الوَلْه له تأثير
يسلي ويطرب,من سمع يبدي عْجابه

تعالوا وغنوا حزبنا مايبي تقصير
تعوّد على القمه ويزهَى وتزهابه
الله الله يانجد
مبدعه وجزله
يستاهل زعيمنا الهواوي وعسى المانع خير

[خيال مطير]

والله مدري وش تقولون مير صحت ألسنتكم .. ,ابشركم الهواوي بخير ,
تسليه من الخفير ,,

]ألا يا زمن ما دمت برْضى على المقسوم
علامك تحاول تأخذ اللي على ايْدَيّه
وأنا والذي يعلم بالأسرار دون علوم
عزيزة مخابر وأعرف القصد.. والنيّه
لك الله ما ذْكر في حياتي تلاشى يوم
وأنا احس به نفسي نوت تقترف سيّه
كرهت الخيانه.. والخيانه عمل مذموم
تنافى مع أهداف القلوب الشــماليّه
سرابي خيالي واستوى لي على المنظوم
صدى صوت حزني والأماني خياليّه
على من طعني في شطر سيفه المسموم
صباح الفرح وأحلام الاحفاد ورديّه
زرعتك يا زمن لكن جنيت الآسى واللوم
كسرت التعب وعيون غدرك حواليّه
احاول اهدّي من غضب قلبي المهموم
وأنا بين نار الغبن وأشواقي الحيّه

الشاعره غنج نجد ,,
الله يبشرك بالخير يالخيال ههههههههه

[خيال مطير]

تسلية من الخغير ,

لا يامهنا وصار الحب غلطة عمر
غلطة عمر يامهنا مير يازينها
اللي لمغليك فالزله تدور عذر
وانت الخطايا تحرك فيك سكينها
الشوق صدري غدا لوسوم جرحه مقر
وانا البلاء يا مهنا ويني ووينها

لاتشتكي لي ياحاكم والقلوب الخضر
في هالزمن يابن عمي الله يعينها
انا عن الحب لامني نويت السفر
يردني حبي لمحبوبي بحينها
اللي غرامه مشبعني سرور وقهر
فاول سنين الغرام وتالي سنينها

اشكي لك من الجفا والوقت عيا يمر
دقايق جروحنا تمشي على هوينها
صحيح بعض المحبه للمحبين مر
والله احاسيس قلبي ترفع ايدينها
شكوى لله وانا ما عاد فيني صبر
هاللحظه اللي تونس خافقي وينها

تشكي وانا اشكي وللمقسوم وجهة نظر
اللي فصل في وقوعه بيني وبينها
غرواُ نحرها القمر في ليل خمسة عشر
والموت من رسمة الشفه ليا عينها
الفاتن اللي ملامحها تسر النظر
احبها من تغنجها ومن لينها

محبوبتي يوم اميز في بنات البشر
في جنبها الغيد لا فرقت يا شينها
الشيخه اللي تقول الخد مثل الجمر
ما ودك انها تنوش القاع رجلينها
ضامر خصر كنها جيعانة من دهر
لا والله الا غدينا من مساجينها

النوم ما شافته عيني وذقت السهر
يا الناعمه نومتك من وين تلقينها
مرت علينا الليالي بالفرح والكدر
لحظة غيابك ما كنا صدق حازينها
خلاص ما عاد نبغي للمحبة ذكر
يالحظة صدق ما كنا متمنينها

https://www.youtube.com/watch?v=dzeLpxuFxbc

[ريم الفلا]

مساء الخير للجميع

الهواوي فاقدينك شاعرنا عسى خير

[الناقد/عبدالله الروقي]

صحت أبدانكم أيها الأفاضل
صالح ، عليكم السلام ورحمة الله وبركاته
وننتظر كفالتك لاهنت وصح بدنك وإن شاء الله يشرفنا أبو منصور
ريم لاهنتي وصح بدنك والله يذكر أبو منصور بالخير كنتِ خصمي أنا وكديميس(العطا) يادامس هههه الله يالدنيا!
أبو عبيد يقول رايح مشيوير وراجع مرسل لي رسالة بعد صلاة الفجر اليوم!
والفراج مخيم بالوالدة والعائلة في ربيع طخفة الإرسال فيها ضعيف مريتها قبل أسبوعين!
فيمكن مايقدر يشاركنا شاعرنا لين يرجع حوالي عشرة أيام!
والحقيقة إني أشيد ببر أبو فيصل بوالدته ويمكن أبو فيصل مايبيني أذكر هالكلام ، لكن أبيت إلا أن أذكره وأشيد به لأنه أحد أسباب التوفيق ،وأقول الله يرفع قدرك ويعلي منزلتك ومن يقرأ!
وتحية للجميع،،،،،

[ناصر الهواوي]

السلام عليكم ورحمة الله وبركاته
عدنا والعود احمد
عساكم جميعا ما تفقدون غالي
ابدعتوا وامتعتوا ولاهانت روسكم وبيض الله وجيكم
الردود المفصله الليله ان شاء الله
همزت كل الاصابع وباقيه الصفحه الاخيره ابا امرها

[ناصر الهواوي]

الله يجزاه خير لو دريت كان ما وقفت من الرياض الا برضام طخفه هو كلمني ولاقال لي الله يغربل الظالم
وانا ماجيت الا حول العصر

[ريم الفلا]

صحت أبدانكم أيها الأفاضل
صالح ، عليكم السلام ورحمة الله وبركاته
وننتظر كفالتك لاهنت وصح بدنك وإن شاء الله يشرفنا أبو منصور
ريم لاهنتي وصح بدنك والله يذكر أبو منصور بالخير كنتِ خصمي أنا وكديميس(العطا) يادامس هههه الله يالدنيا!
أبو عبيد يقول رايح مشيوير وراجع مرسل لي رسالة بعد صلاة الفجر اليوم!
والفراج مخيم بالوالدة والعائلة في ربيع طخفة الإرسال فيها ضعيف مريتها قبل أسبوعين!
فيمكن مايقدر يشاركنا شاعرنا لين يرجع حوالي عشرة أيام!
والحقيقة إني أشيد ببر أبو فيصل بوالدته ويمكن أبو فيصل مايبيني أذكر هالكلام ، لكن أبيت إلا أن أذكره وأشيد به لأنه أحد أسباب التوفيق ،وأقول الله يرفع قدرك ويعلي منزلتك ومن يقرأ!
وتحية للجميع،،،،،

اي والله الله يكفينا شر الدنيا
ويرحم دامس والبقاء في الرعد وان شاء الله ينضم لنا كديميس قريب

يتهنى يارب زعيمنا ماشاء الله. الله يحفظها له
ويرجع لنا بالسلامه

ويحفظ لكم جميع غواليكم

[ريم الفلا]

السلام عليكم ورحمة الله وبركاته
عدنا والعود احمد
عساكم جميعا ما تفقدون غالي
ابدعتوا وامتعتوا ولاهانت روسكم وبيض الله وجيكم
الردود المفصله الليله ان شاء الله
همزت كل الاصابع وباقيه الصفحه الاخيره ابا امرها

وعليكم السلام ورحمة الله وبركاته
يامرحبااا يالهواوي منور لاتعبت. وعلوم رحلتك (:

[ريم الفلا]

بــس ياشـعـري تــرى مـابـي تعـبّـر عـــن شـعــوري
يـكـفـي الـعــب واتـسـلّـى بــــك ولــكــن مــــن بـعـيــد

الـخـيــال الــوااســع الــكــذاب مـايـرضــي غــــروري
لاطفح بـي فـووق ذاك المـوج امانه وش يفيـد

أخــف مضـمـون المعـانـي واتمـثّـل لــك بدوري
لاجـل عينـك كـل ساعـه يـ القصيـد اكتـب جـديـد

كل ما استرسلت جبت الحرف في غاية سروري
مـن حلاته هـاض قلـب اللـي سمعـنـي لــو حـديـد

مــره استـرسـل عـلـى جــر الـربـابـه مـــن بـحــوري
ومـره استرسـل مـع القمـري علـى خـضـر الجـريـد



ابدعتي ياعذبة وحنا نستمع بقوافيك
صح لسانتس مدد ولاهنتِ

[ريم الفلا]

يالهواوي مرحبا بعد الغياب
فاقدينك طال عمرك كلنا
**
انت لو شيبت في سن الشباب
للضحوك و للاناسه دلنا
**
و ان بدا وقت المعاند و الحساب
انته و حزبك ترا في ظلنا

**

[الناقد/عبدالله الروقي]

الله يجزاه خير لو دريت كان ما وقفت من الرياض الا برضام طخفه هو كلمني ولاقال لي الله يغربل الظالم
وانا ماجيت الا حول العصر

هلا يابو عبيد
كلمني ولزم علي قلت أبا أمرك أنا وأبو عبيد
والأمور اللي أنت خابر معيي عنها
لافضيت كلمني، أنا عندي سفر للرياض الجمعة أو السبت!
ياريم صح لسانك على الأبيات الفاخرة
تحية للجميع ،،،

[ناصر الهواوي]

للرياض ومنه عجلنا الإياب=بيوم ترحال ومثيله حِلنا
هكذا ياريم واوجزنا الخطاب=يفهم الناشد وهو ما ملنا
راعديه بالمنى تطرد سراب=غلها يغلي اب بارد غلنا
لاتوكدتي متى شيب الغراب=عندها قولي ياليت وعلنا
ــــــــــــــــــــــــــــــــــــــــــــــــــ ــــــــــــــــــــــــــــ

[ناصر الهواوي]

مالاحت بروق وما امطرت وامتلى غدير=وردت صدى الراعد ولجت به هضابه
وما رف رمش لذكر غالي وغرد طير=وما جرت الورق للحن في طرف غابه
هلا بالرواسي كلهم كابرٍ وصغير=من نسَّف شماغ ومن كسا البرقع عذابه
هلا مرحبا فيكم تحية وفاء لاغير=من الشايب اللي مبديٍ فيكم اعجابه
ومن بعد ذا يامشير انا طالبك لا اتشير=هجوسي قريد وقلبي اظني ادرابه

[شاعرة نجد]

صح لسانك ريم وصح لسانك يـ الهواوي
وعودا حميدا شاعرنا,’’

[شاعرة نجد]

مالاحت بروق وما امطرت وامتلى غدير=وردت صدى الراعد ولجت به هضابه
وما رف رمش لذكر غالي وغرد طير=وما جرت الورق للحن في طرف غابه
هلا بالرواسي كلهم كابرٍ وصغير=من نسَّف شماغ ومن كسا البرقع عذابه
هلا مرحبا فيكم تحية وفاء لاغير=من الشايب اللي مبديٍ فيكم اعجابه
ومن بعد ذا يامشير انا طالبك لا اتشير=هجوسي قريد وقلبي اظني ادرابه

هلا بالرواسي كلهم كابرٍ وصغير=من نسَّف شماغ ومن كسا البرقع عذابه

الـ هلابك شاعرنا وعودا حميدا
وصح لسانك على هـ المجاراة الفاخره
مبدع وكرم اخلاقك شامل

لاهنت,’’

[شاعرة نجد]

الاجازه صوب جده والقريحه مستجده
دام ماصارت على كيفي تغني يـ القريحه

كنت قبل ايام يانجد العذيه مستعده
للسفر يمّك ولكن عيت ظروفٍ شحيحه

عيت الخيره ومن سافر عسى ربي يرده
واهني ياواهني اهل القلوب المستريحه

والعوض بك يالمُخيم لاوصل فـ الصبر حده
أطلع لْوحدي واجر الصوت بـ ابياتٍ صريحه

واتغنّى فـ الديار اللي لها حب وموده
في فيافي نجد يُم خالط خضار العشب ريحه

ماحصللي,ماعن المكتوب يـ المحبوب صده
والعوَض فـ المقبلات وغن ياليل الجريحه

[ناصر الهواوي]

ندعي الذيابي للسواليف وينير= ماقط شفت اللي يسوي سواته
يجيب له قيفان مثل الدنانير=يرمز بها ويقلل مساهماته
وحنا نعده شيخ الاحزاب وامير=واستاذنا ونتابع محاضراته
نبي منه للانسحابات تبرير=وعليه ثقلنا الطلب من غلاته

[ناصر الهواوي]

سوق الغلا كم تصرف الناس (لبيه)= وبكم تسوى(سم) من فم غالي
لي كم سنه ادوج حوله ولا اجيه=وقبل اتسوق به ولا كنت ابالي
اوييه دولاب الدهر والفٍ اويه=لو بابترامك تعرف اللي جرالي

ياحضرة الناقد اكلمك بكر الضحى ان شاء الله

[شاعرة نجد]

مره كنت بدبي
وانا بفندق العنوان,نزلت دبي مول والا الناس ملتمه برا
تصور النافوره الراقصه عـ الموسيقى,طبعا منظر رائع وممتع,
المهم جت عيني على برج الخليفه وقلت..
ياليت لي جلسه على قمة البرج
برج الخليفه والنعم ياخليفه

واجر قافي وارتفع عن هَلْ الهرج
واجيب مابين الضلوع النحيفه

[ناصر الهواوي]

اشوف شاعرنا العلم عبد الله الصقري مار من هنا البارح فاهلا وسهلا
وهالابيات اهداء لحضرته


يالله تصبح كل الاجواد في خير=وتجعل لهم في كل الاحوال خيره
والطف بهم واجعل مع العسر تيسير=ومن مات منهم من عذابك تجيره
ويالله بنوٍ من سكاكا لخرخير=من غرب يبدا لين شرق الجزيره
يدعي فيافي الدار نبت ونواوير=نهار مشمس والليالي مطيره
انحى مهار الهجس عن ذاك واتغير=نعم نعم هو هو مافيه غيره
لجله بيوت الشعر تمسك طوابير=وقاف الغزل يضرب على اعلى وتيره

[الجووهره]

صبآح الخيرآت والاجآزآت
اللهم اجعلها إجآزه سعيده
على الجمييييع

ويسعد صبآحكم وكل أوقآتكم
وصحت الالسن والاذوآق
ودآم حضوركم وابدآعكم

هلا بك شآعرنا الهوآوي
نورت الرياض بزيارتك
وعودا حميدا وصح لسآنك
ودآم حضورك وابدآعك
ويستآهل الشاعر عبد الله الصقري
الاهدآء

[الجووهره]

‏جوي يروق اليا ابتدى جو الامطار
والبــرق شوفه والرعد يسعد الروح
.
وقــامت تناقل به محطــات الاخبار
هذا هـو اللي يجعل البال مشروح

أهم شي الرعد
ههههههههه

[ناصر الهواوي]

هههههههههههههههههههههههههههههههههههههه
إي والله اهم شي الرعد
اهلا يالجوهره والله ينور لك طريقك ويسعدك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

يمكن اجازة صالح بسجن الابداع=وايام عطلة ريسه حول طخفه
ماللسفر والبهذله عندهم داع=وللبرد جا مع هالذعاذيع شخفه
همسه لبو مرزوق من مخلص ان طاع=اطلع وباب السجن مفتاحه اخفه

[شاعرة نجد]

صحت الالسن والذوائق
ودام الابدااع الفايق الراايق

تقديري للجميع,’’

[شاعرة نجد]

يسابق غروب الشمس سرب الحمام اللي
شعاني وانا قبله من اليوم عمسـانـه

شعاني وراح وجيت من ضيقتي كلّي
علي شن وهج الشوق جيشه وفرسانـه

الا ياسماا دنياي الا يابعد من لي
على نجد روحي يامُنى الروح ولهانه

ظروف البشر تاخذ من الوقت وتخلي
لها سطوةٍ لـ اومت بها الكف مليانه

جديد القوافي شكّلي غيمه وهلّي
على خاطري من فوح صدري و وجدانه

خفوقي بطاروقي بـ اسليه واسلي
وابدد مواجع ضيقتي وانشد الحانه

[خيال مطير]

والله دنيا كل فيها الكون سارح""وهذا كادح وهذا في نعمه وراحه
وهذا شايل همه في قلبه ويمازح""وهذا قلبه من الفرح طاير جناحه
وناس حزينه تجر للخطوه وتكافح""وناس سعيده خطواتها اكبر مساحه
وعيون تسهر الليل محزونه الملامح""وتتمنى لو تنوم وتتناسى جراحه
وعيون تسهر ليلها في انس جامح""وتتمنى يطول الليل ومايطلع صباحه
وقلوب تخفي حزنها والدمع فاضح""وقلوب تمرح وغايبه عن كل ساحه
حال الحياه والدنيا طبقات وشرايح""كلين يشل قسمه ومن الهم استراحه
مامن احد مآخذ زياده عن اللوايح""وفوق ما مكتوب له لعمله وصلاحه
والتذكره رحلة سفر بجو النصايح""ولا القلوب فيها التراحم والسماحه
شفت الوفاء بين البشر عالي وجامح""ويعكس وفاه والخير في قول الصراحه
وعشت التراحم لقيت فيه طيب الروائح""ويعطر حياتك بنفحه تزيل جو القباحه
والبسمه صدقه والعز مايعرف مصالح""والنخوه شيمه والكرم ماهو بجاحه
والجود فطره والشجاعه يغلبها التسامح""والرجوله فعال وماهي اقوال وفصاحه
والنذاله سلعه مستورده عوفه المرابح""وعمله رخيصه وسوق معدوم القراحه
والعبره ثروه ومدرسه قدوه المطامح""وخير الكلام ماقل مدلوله وفلاحه.....

الشاعر خالد مصلح القادري

[خيال مطير]

يالله يلّلــــي من ترجـــــّـاك ما خاب"
يا عالــــــــــــــمٍ بهموم قلب خفــــّيــه
ترحم خليلٍ بالفيافـــي له احبــــــــــاب
بعـوج المحانـــي منزلتهـــــــم عليـــّه
من يوم شفتــــه والفــــلا ريحها طاب
سبحان من ســـــــــواه رب البريـــــّه
يالريم فيك من الحـــــــلا شــــيّ جذاب
عذبٍ قــــراحٍ والعذوبــــه سخيــــــــّه
طيفك سباني والقمـــر بالســــما غاب
بدر الليالي يشتــــــكي مـــن أسيّـــــه
فقت السنا حتى سنا سهيل وشهــــاب
النور بــــــــادي والشمــــس مختفيـّه
معــــذور مــــن هو للمــــزايين طلاب
ريم الفلا بالحيــــل فـــــاقت سميــــّه
لك منطـــقٍ والريـــق شهد ورضاب
والطيب والترحاب طبـــع وسجيـّــه
مجنونهــا يا صاحبــــي جنّ ما تاب
يا ويل من هو شاف جتـــه المنيــّه
الزين غالب والحــــــلا فيـــك غلاّب
يا حــــــظّ عينٍ دوم قـــربك حظيـــّه
ازهر الامل في خافقي وهو الاسباب
سبحان رب الكون!ما شفـــــت زيّه
يا شيب عيني لو تماديت بغيـــــاب
عيــّا الدوا القاه بالصيــــــــــدليـــّه
كلك محاسن ما شفت شي ينعــــاب
لو انك جفيتي اليوم ما طب ليــــّه
انشد عليك الله يا بنت الاطـــــــياب
لا تعلنيها يوم حســــــــــره عليـــّه
لو اجمع اوصاف العذارى والانساب
ما غيرك لدربي بلاقـــــــى خويــــّه
أو جن بنات البـــــاديه يمي اسراب
عيني بسواك يالحبيبـــــه عميــــّه
أو جن بنات الشام من كل الاصواب
ما اقبل بديلك بالحشا لي هويــــــّه
أوّاه يا قلبٍ جريــحٍ ومنصـــــــــاب
من جور رسم في حدوده خطيــــــّه
انــــا الغريب وخافقي اليوم قد ذاب
تبلاه من جور الليــــالي بليــــّــــه
انشــــد عليك الله يكفيني اعـــــذاب
بســــك حبيب القلب صد وأذيـــــــّه
الشاهد الله بالوصـــــف الشعر شاب
كل القصايد بالوصـــــف لك عصيـّه

[عبدالله الدّنّيش]

الله يصبحكم على خير ونقا = يا أهل الرواسي والعلوم الوافيه
ولكم تحيات المرحب والبقا = أشعاركم في السجن مثل العافيه
والله يبعد عنكم أحوال الشقا= جعل الوناسة في رباكم ضافيه
^^
السلام عليكم جميعا ورحمة الله وبركاته
والشكر والإعجاب والتقدير للجميع
وعساكم في خير وسرور وسعادة ،،

[صالح العازمي]

الله يصبحكم بالخير جميع وصح لسان المبدعين كلكم
الدنيش عليكم السلام وصح لسانك يقولون لي اسجن الدنيش ابو عامر وجابك الله هههههه
وهذي بويتات مستعجله


ياخفير السجن فك القيد عني=ودي امشي مع ثرا نجد العذيه
لي اسبوع وزود وانته ممتحني=ليه تسجني وانا مالي قضيه
هات ابو عامر وقل دندن وغني=بالقصيد وبالحون السامريه
نفذ اللي قلت لك والعلم مني=اكتفه فالسجن وأعطيك الهديه
لاتخيّب فيك يارجال ظني=ولاتقوم تبحلق العينين فيه

[الجووهره]

في الصبح كون انسآن ثاني .. وتجدّد
وانسى هموم الامس مع مشرق الشمس
واستودع الله ..أمنيإتك وردّد
يآرب هذا اليوم .. أجمل من الأمس ..


يسعد صبآحكم يا أهل السجن
وصحت الالسن والاذوآق
ودآم حضوركم وابداعكم

ومبرووك الحريه العآزمي
انطلق واستمتع بالاجازه والربيع
وصح لسآنك ودام حضورك وابدآعك
ومنور السجن عبد الله الدنيش
وابشر بالتسآلي

[ناصر الهواوي]

السلام عليكم ورحمة الله وبركاته
صح الله لسانك شاعرة نجد لاجديد الا الابداع والاتقان وودي اقراها مره ثانيه
اهلا يالخيال وصح نقلك ودور لنا حورنيات ما نحب المعلقات ههههههههههههههههههههههه
ارحبي يالجوهر وقلب السجن النابض
اهلا يالمهره وحياك مولاك
اهلا يابو عامر وصح لسلنك ونورت السجن ولايهمك
ارحب يابو مرزوق كفاله وافيه وكافيه ولا تباعد خلك قريب
ــــــــــــــــــــــــــــــــــــــــــــــــــ ــــــــــــــــــــــــــــــــــــ
رفرفي ياحمامات السجن من فرح=وروبعن سجعكن في مقدم الغامدي

من حقد راعدي على السجين اقترح=يسجن العاصفي ونفذ الراعدي
وصدر سجن الرواسي بالعزيز انشرح=اثر صالح على صدر السجن قاعدي
ياحمامٍ لعا من ضيق والا مرح=صاحبك لا تعاون حظه الراقدي
كلما قلت هم القلب قام وسرح=اقشر اخوانه الغياب جا عايدي
كنه ايقول ابا اوريه شغله ورح=وارسل اعتا واشر اخوانك يساعدي
دام قلبه من فراق الغلا منجرح=وله اسبوعين لا واعي ولا راقدي
ازهله ودي ادحه بالاشواق دح=لين صعبه يجي مطواع ومقاودي

[نور]

صحت السنتكم .....مااااوحشتوني ابداااا


‏سـلآم آلغــلآ وآلشــوق وآلـودّ وآلتقـدير
‏وسلآمٍ مع آلأشوآق يرضي معآليگم

‏أنآ جيت يآهل آلخير قولوآ مسآء آلخير
‏مسآئكم يليق بحضرتي يوم ألآقيگم

[نور]

عمر الغلا ما كان بين المحبين
‏زحمة حروف تْقال من وقت لـ آخر

‏هذا أنا واللي أحبه من سنين
‏مانلتقي وإحساسنا لبعض فاخر



========================

الكلمة ليا جات من صدر ملقوف
‏الصمت خير .. وخل صدرك شمالي
‏زلة لسانٍ بالخطأ خلها تطوف
‏لاتابع الزلات يابن الحلالي
‏َالصمت بعض آحيان مايعتبر خوف
‏لاصار بعض الهرج ماله مجالي

[ناصر الهواوي]

ارحبي يانور
(ماوحشتوني ابدا)معنى للبيت
بنتوا وبنا فما ابتلت جوانحنا=شوقاً ايليكم ولا سالت مآااقسنا)
ــــــــــــــــــــــــــــــــــــــــــــــــــ ـــــــــــــــــــــــــــــــــــــ

يازول قيف وبص انا منك داير=قبل ما تمرق بس بسمه شديده
او كلمةٍ حلوه على جناح طاير=أُمْال عاوزه برغبه اكيده
لكان؟كرمالي ياست الحراير=نار المفارق في ضلوعي وقيده
ياكثر ما كنت لتغليك اساير=حتى وعدك اصبح المثلي وعيده
ترفقوا فينا ترا الصد جاير=اخو التجافي والمماطل طريده
انا اشهد ان فيك يالترف حاير=لويش التغابي ما خبرتك بليده

[عبدالله الدّنّيش]

الله يصبحكم بالخير جميع وصح لسان المبدعين كلكم
الدنيش عليكم السلام وصح لسانك يقولون لي اسجن الدنيش ابو عامر وجابك الله هههههه
وهذي بويتات مستعجله


ياخفير السجن فك القيد عني=ودي امشي مع ثرا نجد العذيه
لي اسبوع وزود وانته ممتحني=ليه تسجني وانا مالي قضيه
هات ابو عامر وقل دندن وغني=بالقصيد وبالحون السامريه
نفذ اللي قلت لك والعلم مني=اكتفه فالسجن وأعطيك الهديه
لاتخيّب فيك يارجال ظني=ولاتقوم تبحلق العينين فيه

^^^
أفاااا يالعلم .. على ما قال خفيرنا
قفلة على غفلة .. وصالح ماكوّد ههههه

والله إني كنت أتملص لما شفت الناقد ينشن بأبو زعبل
ههههوأحسبهم نسوا.. لكن صالح صاد صيدته صيد الحمامهههه.
على كل حال تشرفنا بصيد شاعرنا صالح العازمي وصح لسانه وألسنة الجميع .
وطابت أوقاتكم .. وهنيتم الإجازة ومتعكم الله بالصحة ..
ذكرني شاعرنا صالح بطاروق سامري يقول :
يا حمامة على الغابة تنوحي .. وعليه حورت طرق المجاراة
علي طاروقه .. لما له من ذكريات .. وأقول :
^^
يا هجوسي على الطاروق دني = دندنيها بلحن السامريه
كتّفوني ، وصالح ( زعبلني) = والخفير البطل نفذ وصيه
غمزة أبو محمد طيحني = ليت صالح صرف عينه شويه
العرب سايحة وانا سجني= ودي أسوح وأطلقها يديه
زمّلوني ترى قلبي يوني = والسبب يا عرب ذيك البنيه
هجسها في الحشا دايم يشني= غارةٍ غارةٍ وأنا الضحيه
^^
هههههه وسلامتكم دوووم ،،

[عبدالله الدّنّيش]

السلام عليكم ورحمة الله وبركاته
صح الله لسانك شاعرة نجد لاجديد الا الابداع والاتقان وودي اقراها مره ثانيه
اهلا يالخيال وصح نقلك ودور لنا حورنيات ما نحب المعلقات ههههههههههههههههههههههه
ارحبي يالجوهر وقلب السجن النابض
اهلا يالمهره وحياك مولاك
اهلا يابو عامر وصح لسلنك ونورت السجن ولايهمك
ارحب يابو مرزوق كفاله وافيه وكافيه ولا تباعد خلك قريب
ــــــــــــــــــــــــــــــــــــــــــــــــــ ــــــــــــــــــــــــــــــــــــ
رفرفي ياحمامات السجن من فرح=وروبعن سجعكن في مقدم الغامدي

من حقد راعدي على السجين اقترح=يسجن العاصفي ونفذ الراعدي
وصدر سجن الرواسي بالعزيز انشرح=اثر صالح على صدر السجن قاعدي
ياحمامٍ لعا من ضيق والا مرح=صاحبك لا تعاون حظه الراقدي
كلما قلت هم القلب قام وسرح=اقشر اخوانه الغياب جا عايدي
كنه ايقول ابا اوريه شغله ورح=وارسل اعتا واشر اخوانك يساعدي
دام قلبه من فراق الغلا منجرح=وله اسبوعين لا واعي ولا راقدي
ازهله ودي ادحه بالاشواق دح=لين صعبه يجي مطواع ومقاودي

^^^
يا صح لسانك يالزعيم الكبير ومشكور على الترحيب وشد القيد
والسجين أعتقل في سجنكم وأنطرح = وحشة السجن لي والبرد متزايدي

[ناصر الهواوي]

اهلا يابو عامر وصح لسانك
وخذا على الطاير ههههه
كنت ابا اسري ولكني ولني=في السجن سامعٍ ونه قويه
ابو عامر سرا ليله يغني=ومعه سريت في روحه وجيه
اصغي السمع من خوفي يجني=ذي ظنون وطبيعتها وذيه
لاتعلق بهنه قلب هني=فيه من يطفي النار الوريه
قلت يالغامدي وش بك تحني=قبل انا خابر عزومك قويه
قال غاره على قلبي اتشني=من رموش العيون النرجسيه

[عبدالله الدّنّيش]

صحت السنتكم .....مااااوحشتوني ابداااا


‏سـلآم آلغــلآ وآلشــوق وآلـودّ وآلتقـدير
‏وسلآمٍ مع آلأشوآق يرضي معآليگم

‏أنآ جيت يآهل آلخير قولوآ مسآء آلخير
‏مسآئكم يليق بحضرتي يوم ألآقيگم
^^
نمسّيك بالخيرات يا نور يالتنوير
وحياك رب النور بأول مباديكم

هلا مرحبا والشوق للشعر بالتحرير
وغرس الورود الفايحة في روابيكم

وصح لسانك شاعرتنا .. وسلمت ودمت

[عبدالله الدّنّيش]

اهلا يابو عامر وصح لسانك
وخذا على الطاير ههههه
كنت ابا اسري ولكني ولني=في السجن سامعٍ ونه قويه
ابو عامر سرا ليله يغني=ومعه سريت في روحه وجيه
اصغي السمع من خوفي يجني=ذي ظنون وطبيعتها وذيه
لاتعلق بهنه قلب هني=فيه من يطفي النار الوريه
قلت يالغامدي وش بك تحني=قبل انا خابر عزومك قويه
قال غاره على قلبي اتشني=من رموش العيون النرجسيه

^^
يسعد مساك يالهواوي على هذي الطايرة الخطافية

وصح لسانك .. طالع مشيوير قصير ولي عووده أن شاء الله

وصح لسانك .. طمنتني .. فيه من يطفي النار القوية

قواكم الله

[الجووهره]

هلا بالجميييع
منووورين
وصحت الالسن والاذوآق
ودآم حضوركم وابداعكم

تسآلي للسجين والجمييع

إن طارت طيور السماء بأرزاقها
‏أرزاقنا من عند ربي ما تطير

‏الـنفس يكفل رزقـها ... خلّاقها
‏واللي كتبه الله على خلقه يصير
.....

إن ضاقت أيامك .. وتحتاج تغيير
‏لا تظهر الأوجاع .. والحزن خبّه !
‏'
‏العمر ضحكة .. ضيّعتها المقادير
‏وماعاش غير اللي رضا بْحكم ربّه
‏'
‏دايم تظاهر لـ الجميع : إنّك بْخير
‏أقل حاجة .. لو عشان " الأحبّه "
‏'
‏مافيه حاجه تستحق الحزن غير :
‏وفاة غالي .. أو .. مرض من تحبّه

،،،،،
،'

لا مرك الشوق سلم يابخيل الشعور
الناس لـ الناس .. والدنيا على حالها

لولا نسيم الهبايب مـا تميل الزهور
عليك عذب القوافي جاري ارسالها

،'،،،،

يالله وسـع خاطـر العبد لا ضاق
ما غيرك اللـي عالـم ما خفينا

يا رب أجرنا على حسن الأخلاق
وعند الخطا يارب تستر علينا

......


تجي نقطف من الدنيا لنا باقه ؟
نجمعها بـ ايادينا .,
نغلفها بـ أمانينا ,.
وننثرها على / رسمة خطاوينا ؟!
تجي نقطف لنا [ غيمه ]
لجل تمطر علينا ديـم ؟
إذا مره عطشنا حيييل
و تعبنا - ودنا نروى ؟!

[نور]

^^
نمسّيك بالخيرات يا نور يالتنوير
وحياك رب النور بأول مباديكم

هلا مرحبا والشوق للشعر بالتحرير
وغرس الورود الفايحة في روابيكم

وصح لسانك شاعرتنا .. وسلمت ودمت

صح كللللللك يااستاذ عبدالله ......
والله القويه كلمة صح لسانك شاعرتنا
انا اشعربس مو شاعرة مثلكم اكتب ابيات>>>هههههههه
يسلم رووووحك حسيت اني كشخه يوم قلت صح لسانك شاعرتنا

[عبدالله الدّنّيش]

هلا بالجميييع
منووورين
وصحت الالسن والاذوآق
ودآم حضوركم وابداعكم

تسآلي للسجين والجمييع

إن طارت طيور السماء بأرزاقها
‏أرزاقنا من عند ربي ما تطير

‏الـنفس يكفل رزقـها ... خلّاقها
‏واللي كتبه الله على خلقه يصير
.....

إن ضاقت أيامك .. وتحتاج تغيير
‏لا تظهر الأوجاع .. والحزن خبّه !
‏'
‏العمر ضحكة .. ضيّعتها المقادير
‏وماعاش غير اللي رضا بْحكم ربّه
‏'
‏دايم تظاهر لـ الجميع : إنّك بْخير
‏أقل حاجة .. لو عشان " الأحبّه "
‏'
‏مافيه حاجه تستحق الحزن غير :
‏وفاة غالي .. أو .. مرض من تحبّه

،،،،،
،'

لا مرك الشوق سلم يابخيل الشعور
الناس لـ الناس .. والدنيا على حالها

لولا نسيم الهبايب مـا تميل الزهور
عليك عذب القوافي جاري ارسالها

،'،،،،

يالله وسـع خاطـر العبد لا ضاق
ما غيرك اللـي عالـم ما خفينا

يا رب أجرنا على حسن الأخلاق
وعند الخطا يارب تستر علينا

......


تجي نقطف من الدنيا لنا باقه ؟
نجمعها بـ ايادينا .,
نغلفها بـ أمانينا ,.
وننثرها على / رسمة خطاوينا ؟!
تجي نقطف لنا [ غيمه ]
لجل تمطر علينا ديـم ؟
إذا مره عطشنا حيييل
و تعبنا - ودنا نروى ؟!
^^^
الجوهرة
دُرر وجواهر ثمينة .. صح ذوقك يا رائعة
وشكرا على هذه الباقات الفواحة
كل مشاركاتك وإختياراتك تنم عن شاعرية
فذة وذائقة سامية .. سلمت يداك وسلم ذوقك ،،

[عبدالله الدّنّيش]

صح كللللللك يااستاذ عبدالله ......
والله القويه كلمة صح لسانك شاعرتنا
انا اشعربس مو شاعرة مثلكم اكتب ابيات>>>هههههههه
يسلم رووووحك حسيت اني كشخه يوم قلت صح لسانك شاعرتنا

^^
صح بدنك شاعرتنا وصح لسانك ملايين يا شاعرتنا

& ^_^&
يا شاعرتنا نور يا شاعرتنا = يا كشخة النادي ويا نور ضاوي
إليا كتبتي شعر منك إنتعشنا = نقرأ حروفك مثل وصف المداوي
حرفك على الصفحة روى ذايقتنا = بليغ في وصفه وللفن حاوي
تستأهلين المدح يا شاعرتنا = والكل يشهد لك وحتى الهواوي
***
*

[شاعرة نجد]

مساء الخير
وصحت السنتكم وسلمتم ودمتم
ولاعدمنا الذوائق الممتعه,’’

[شاعرة نجد]

تسليه عـ الطاير..

يامرحباً بـ الدنيش الفين ترحيبه
بْسجن القوافي يغني فاخر القافي

لا قام هاجوسه يْوديه ويجيبه
والشوق نفّذ كْمومه واظهَر الخافي

ياحزبنا نجمنا مسجون ندري به
تجهّزوا بالجديد الكافي الشافي

اللي تغنون به وانا بـ اغني به
ونْسلّي العاصفيّ المبدع الوافي

[شاعرة نجد]

ودي اغـمّـض عْيـونـي وافتّـحـهـا
فـي مكـانٍ كـان مــا ودي الا بــه

ماتـنـام اللـيـل والـشـوق ذابـحـهـا
لـه علـى شاشاتهـا رسـم وكْتابـه

ليت من يرحم عيوني وينصحها
تسـتـريـح وتـدفــن الــــود بـثـيـابـه

[الناقد/عبدالله الروقي]

الله يصبحكم بالخير جميع وصح لسان المبدعين كلكم
الدنيش عليكم السلام وصح لسانك يقولون لي اسجن الدنيش ابو عامر وجابك الله هههههه
وهذي بويتات مستعجله


ياخفير السجن فك القيد عني=ودي امشي مع ثرا نجد العذيه
لي اسبوع وزود وانته ممتحني=ليه تسجني وانا مالي قضيه
هات ابو عامر وقل دندن وغني=بالقصيد وبالحون السامريه
نفذ اللي قلت لك والعلم مني=اكتفه فالسجن وأعطيك الهديه
لاتخيّب فيك يارجال ظني=ولاتقوم تبحلق العينين فيه


بيض الله وجهك يابو مرزوق هههه
خل أبو عامر يدندن ويغني على قولتك،صح لسانك على الكفالة الكايفة.
وياهلا يابو عامر مرحبا بك تراحيب المطر
وصح لسانك يامبدع يقولون من حبك دبك،لكن في رواسي من حبك كرفسك في السجن!هههه
أبو عبيد صح لسانك يارائع إثراء كما عهدناك.
والله إني مع الخط كتبت لي أبيات وشويتك إن كملتها نزلتها بكرة أو ذبيت الخريمة لين أرجع!
الله لايهينكم جميعا

[عبدالله الدّنّيش]

تسليه عـ الطاير..

يامرحباً بـ الدنيش الفين ترحيبه
بْسجن القوافي يغني فاخر القافي

لا قام هاجوسه يْوديه ويجيبه
والشوق نفّذ كْمومه واظهَر الخافي

ياحزبنا نجمنا مسجون ندري به
تجهّزوا بالجديد الكافي الشافي

اللي تغنون به وانا بـ اغني به
ونْسلّي العاصفيّ المبدع الوافي

^^
هلا وغلا شاعرتنا وشكرا ع الترحيب والمواساة
وصح لسانك ودام تواجدك وتحفيزك ،،

^
لك البقى والغلا والود والطيبه
يا شاعرة حزبنا في علمك الضافي

الهجس في روسنا دارت دواليبه
نطرد سرابه ودابه والقدم حافي

والسجن والقيد حدتنا تراتيبه
مثل الغشيم الذي قالوا ومتعافي

والقلب في الصدر عيتنا مطاليبه
البرد خيم ويطلب جوه الدافي
^^

[شاعرة نجد]

^
^
صح لسانك يـ السجين
ولاهنت على هـ المجاراة الراائعه
وابشر بـ التسالي,’

[عبدالله الدّنّيش]

بيض الله وجهك يابو مرزوق هههه
خل أبو عامر يدندن ويغني على قولتك،صح لسانك على الكفالة الكايفة.
وياهلا يابو عامر مرحبا بك تراحيب المطر
وصح لسانك يامبدع يقولون من حبك دبك،لكن في رواسي من حبك كرفسك في السجن!هههه
أبو عبيد صح لسانك يارائع إثراء كما عهدناك.
والله إني مع الخط كتبت لي أبيات وشويتك إن كملتها نزلتها بكرة أو ذبيت الخريمة لين أرجع!
الله لايهينكم جميعا
^^^
الله يحييييك يا أبو محمد وهذي الكرفسة من وحيك .. وعساك سالم وغانم
ولكن ما نبيك تذب الخريمة .. نحن بإنتظارك ومعنا أبو زعبل هههه
وترى الدوام في أيام الإجازات يأخذوا عليه ( أوفر تايم ) أنا أطلب ( لس تايم )
يعني سجن مخفف المدهههه .

[نور]

^^
صح بدنك شاعرتنا وصح لسانك ملايين يا شاعرتنا

& ^_^&
يا شاعرتنا نور يا شاعرتنا = يا كشخة النادي ويا نور ضاوي
إليا كتبتي شعر منك إنتعشنا = نقرأ حروفك مثل وصف المداوي
حرفك على الصفحة روى ذايقتنا = بليغ في وصفه وللفن حاوي
تستأهلين المدح يا شاعرتنا = والكل يشهد لك وحتى الهواوي
***
*

>>>>فيس متششق من السعادة
انا اللي اتابع حروفكم الدافئة واستمتع بها

[نور]

صح لسانك شاعرة نجد الجميلة
منور استاااااذ عبدالله
ذائقه جميله يا جوهرة >>>ولكن

لاتكتم الهم في صدرك وتخفيه

‏خله مع الجو السماوي يطيري

‏ولاتهتم بوقتك لو شانت لياليه

‏ما عقب يوم العسر إلا يسيري


===============

ياعـين ابـوي لايضـيق صدرك وانا حيﻫ
‏تعال وخذ افراح عمري وعطني همومك

‏لاتكتم احزانك ويصير بوسط الصدر كيﻫ
‏تعال ياقلبي ياعسى كل العرب يفدونك

[خيال مطير]

تسليه من ألخفير , أللي مغلوب عن أمره
ركبنا بعد فاضوا من الفجر من عفيف
على اللي يسلي خاطري حس ماطوره
مزاين عتيبة يشرح الصدر بالتوصيف
نمر البل الزانه وناخذ لها صوره
نبا نقضي الاعياد مع مكرمين الضيف
يشرفني المسيار والنفس مسروره
هل السيف والمنسف هل المجد والمضيف
رباعين نعم من اول الوقت وعصوره
اماره على الجدان ماجات بالتزيف
عن الشر منهيه على الخير ماموره
ذخاير محصن مجدهم مايبا تعريف
لهم سمعة ٍ في نجد بالعز مذكوره
مواقف عمر مع الملك زادهم تشريف
يقود الجموع ومستشار ٍ لخو نوره
اخو نوره اللي يوم الاسلام كان ضعيف
رفع راية الاسلام والشعب في شوره
جمع شمل الامه في زمان كبد ٍ ومخيف
عطاه الله الحكمه والاسلام جاء دوره
حياة ٍ كفاح وفقر مايشبعون رغيف
عدل ساقي البترول من راس تنوره
عطى امره وتعميده على رامكو في السيف
يزيدون فالانتاج وابيار محفوره
تدفق حقول النفط شرق من القطيف
يغذي شرايين المناطق بماصوره
امان وطمان وخير يشبع قوي وضعيف
كثير ٍ من الخيرات وقصور معموره
ضعاف العقول اللي عليها الزمان مريف
هل القتل والارهاب اذله ومحقوره
عرف شعبنا كيف يتعامل وهل وكيف
مع الزمره اللي عند الاسلام محذوره
جماعة هل التكفيروالكذب والتحريف
على القتل والتكفير مهيب مجبوره
ركب في شداد ابليس والموت له رديف
شياطين خلق الله تعاقب كوره
يعيش برغد من قبل يبدا به التخويف
ليا قام من نومه يعود على سوره
لوانه حمد ربه بقلب تقي ونظيف
يراقب جليل الملك مامات بحروره
الايا الله ارحمنا برحمتك يالطيف
عواقب هل التبذير والحرب وشروره

دحيم بن رشيد الغنامي،

https://www.alsh3r.com/assets/imgs/200x225/poets/1815.png

[ناصر الهواوي]

السلام عليكم وصباحكم اسعد واحمد
ارحب يابو عامر وصح لسانك
شاعرة نجد هلابك وصح لسانك
نور ارحبي وانا قايل لك عندك ملكه شعريه تحتاج لتنميه وتصيرين شاعره مرموقه
اهلا يالجوهره ومرحبا وتسالي رائعه كروعة تواجدك
الناقد تروح وترجع بالسلامه عسى الشلوطه ماهي على اثر رجعي ههههههههههههههههههههههه

[ناصر الهواوي]

وش موجب الشلوطه والسب ياحضره=انا الشتا قبل شلوطتك مشلوطني
شف فعل برد الشتا يالذيب بالخضره=وخذ راحتك يالحكيم ومثلها عطني
لاتشوه بشلوطتك الصوره النضره=وتحدني لأضيق دروبي وتضغطني

[خيال مطير]

السلام عليكم وصباحكم اسعد واحمد
ارحب يابو عامر وصح لسانك
شاعرة نجد هلابك وصح لسلنك
نور احبي وانا قايل لك عندك ملكه شعريه تحتاج لتنميه وتصيرين شاعره مرموقه
اهلا يالجوهره ومرحبا وتسالي رائعه كروعة تواجدك
الناقد تروح وترجع بالسلامه عسى الشلوطه ماهي على اثر رجعي ههههههههههههههههههههههه
ونا وين انا يالعود ,

[شاعرة نجد]

أنا والله اني كل ما جاا بقلبي شي
وحاف الخفوق المُبتلَى يالغلا حايف

نخيت القريحه وفْزعَت كل مابيدَي
هي اللي بوسعي لاكذب حلمي الزايف

تصورت ماصورت ياحيرتي وش في
سراب وضباب وتوّنا جونا كايف !

حمامه تعالي ودي العب معاك شوي
على النافذه بـ اسمع صدى سجعك النايف

تغنين طربانه على كوم حب ومي
وانا خاطري مكسور والشوق متضايف

[خيال مطير]

أنا والله اني كل ما جاا بقلبي شي
وحاف الخفوق المُبتلَى يالغلا حايف

نخيت القريحه وفْزعَت كل مابيدَي
هي اللي بوسعي لاكذب حلمي الزايف

تصورت ماصورت ياحيرتي وش في
سراب وضباب وتوّنا جونا كايف !

حمامه تعالي ودي العب معاك شوي
على النافذه بـ اسمع صدى سجعك النايف

تغنين طربانه على كوم حب ومي
وانا خاطري مكسور والشوق متضايف


صح لسانك

[ناصر الهواوي]

افا

انت الحلا والطرا والنور والنيره=بروض سجن الرواسي عطره الفايح
اسهي واهوجس واهم الفكر واديره=ويخمني لاسجع وسط النخل نايح
ما انت برخيص ان نسيت وفضها سيره=ذكرك على بال عودك غاديٍ رايح

[ناصر الهواوي]

شاعرة نجد صح الله لسانك ولاهنتي ودمتي وسلمتي رائعه هالابياتـ
ــــــــــــــــــــــــــــــ

تموت القريحه وايتحول هجوسي عي=واشوفه يكع ليا ورد كعة الخايف
حتى قلت شف يالمنقرد نضم هاجس مي=طاروق لخبير القافيه يعتبر كايف
احيا له مواتٍ بالمعاليق عرقه حي=وفتح له على ما فات لي بابٍ امسايف
سراني اروح هناك حتى آصله واجي=ازوره وله وارجع منه كاره وعايف
غريب وعلى ابخل من وطا بالوطا ياوي=اشوف ان وضعي مثل ماكان هو شايف

[شاعرة نجد]

^
^
احـيـا لـــه مـــواتٍ بالمعـالـيـق عـرقــه حـــي
وفتح لـه علـى مـا فـات لـي بـابٍ امسايـف

امسايف/ الله الله صح لسانك شاعرنا
مجاراة وصدى فاخر طغى على الصوت,دام الحضور والابدااع
وصح بدنك,’’

[شاعرة نجد]

صح بدنك خيال,’’

[عبدالله الدّنّيش]

يا سلام عليكم .. وسلام عليكم أجمعين
نور منوره .. وكما قال الزعيم هِمي وتِمي وصح لسانك ،،
أبو عبيد // شاعرة نجد صحت السنتكم يا عاصفيين
صوت وصدى من أروع ما كان .. ودام تواجدكم وإبداعكم
تسالي فاخرة .. وأفتخر بكم يا عواصف الشعر ،،
ما به حدا غير العواصف .. ونور . ومكلبشنا ومبلشنا خيال
صح ذوقه وبنانه على المعلقات ،،

[عبدالله الدّنّيش]

رسالة وطلب خاص لسيادة وسعادة الخفير / خيال مطير
أما بعد .. فهذا طلبي وشكواي المذيّلة بهذه الأبيات .. عسى أن
تجد لديك الرأفة والإستجابة .. يا سعادة الخفير إبن مطير

^-^
خيال أبشكي عليك الحال وأنت الخفير = وأظنك أبخص بحال السجن والمخفره
أخوك بردان والعنبر تقل زمهرير = والسجن خالي من الزوار والقرقره
الناس ساحوا مع السواح وأنا قرير= ما غير أقرقر وأسلي النفس بالبربره
مدري حظوظي تغوص البحر وإلا تطير= وإلا توارت في التابوت في مقبره
لولا الهواوي ونجد الشاعره والمدير = أقصدك ، كانت علومي كلها صرصره
صح الله إلسانهم وعسى جزاهم حرير= كني على دكة الخنساء والشنفره
وأبقترح يا خفير السجن شيئٍ خطير = خطر ببالي وهات إذنك ولا تنشره
خذني على غفلة الحراس وقت السحير= وأقصد مطار السفر والحجز والتذكره
وأنت الرفيق الموالي في السفر يا سفير= ولا يهمك قليل الصرف وإلا أكثره
ودي على شاطي الراحة نحث المسير = ونقضي الوقت بين الرقص والمسهره
^^
جااااك العلم .. وعلمي وسلامتك والسامعين ،،

[شاعرة نجد]

رسالة وطلب خاص لسيادة وسعادة الخفير / خيال مطير
أما بعد .. فهذا طلبي وشكواي المذيّلة بهذه الأبيات .. عسى أن
تجد لديك الرأفة والإستجابة .. يا سعادة الخفير إبن مطير

^-^
خيال أبشكي عليك الحال وأنت الخفير = وأظنك أبخص بحال السجن والمخفره
أخوك بردان والعنبر تقل زمهرير = والسجن خالي من الزوار والقرقره
الناس ساحوا مع السواح وأنا قرير= ما غير أقرقر وأسلي النفس بالبربره
مدري حظوظي تغوص البحر وإلا تطير= وإلا توارت في التابوت في مقبره
لولا الهواوي ونجد الشاعره والمدير = أقصدك ، كانت علومي كلها صرصره
صح الله إلسانهم وعسى جزاهم حرير= كني على دكة الخنساء والشنفره
وأبقترح يا خفير السجن شيئٍ خطير = خطر ببالي وهات إذنك ولا تنشره
خذني على غفلة الحراس وقت السحير= وأقصد مطار السفر والحجز والتذكره
وأنت الرفيق الموالي في السفر يا سفير= ولا يهمك قليل الصرف وإلا أكثره
ودي على شاطي الراحة نحث المسير = ونقضي الوقت بين الرقص والمسهره
^^
جااااك العلم .. وعلمي وسلامتك والسامعين ،،

لولا الهواوي ونجد الشاعره والمدير
أقصدك ، كانت علومي كلها صرصره
صح الله إلسانهم وعسى جزاهم حرير
كني على دكة الخنساء والشنفره

وأبقترح يا خفير السجن شيئٍ خطير
خطر ببالي وهات إذنك ولا تنشره
خذني على غفلة الحراس وقت السحير
وأقصد مطار السفر والحجز والتذكره



الله
الله الله
صح لسانك وصح بدنك حضرة السجين
وترى مـ امداك عشان تطلب تهريب من السجن
لكن بـ ننتظر رد الخفير:smile:

[عبدالله الدّنّيش]

لولا الهواوي ونجد الشاعره والمدير
أقصدك ، كانت علومي كلها صرصره
صح الله إلسانهم وعسى جزاهم حرير
كني على دكة الخنساء والشنفره

وأبقترح يا خفير السجن شيئٍ خطير
خطر ببالي وهات إذنك ولا تنشره
خذني على غفلة الحراس وقت السحير
وأقصد مطار السفر والحجز والتذكره



الله
الله الله
صح لسانك وصح بدنك حضرة السجين
وترى مـ امداك عشان تطلب تهريب من السجن
لكن بـ ننتظر رد الخفير:smile:

^^^

هههههه صح كلك شاعرتنا .. وهذه من الأمنيات
والحل والربط = القيد والفك عند سيادة الخفير
وأدري أنه سيرفعها للجهات العليا والسفلى
وروتين .. ما فيه برتين .. ويمكن أقول ليتني ما
رفعت الطلب .. وع العموم طالينه تهريب ويبشر
باللي يسرهههههه.. وننتظر الدفع المعنوي
من سيادتك شاعرتنا ،، قاعد أسمع أغنية إبن عبده
برداااان ... هه

[ريم الفلا]

صباحكم فل وكادي

ياسلام عليكم غوالي
منور شاعرنا الهاجس السجن
مول وخل ابن عبده ههههه والهروب ممنووع تصبر لين الله يفرجها هههه
صح لسانك على الابداع

منوره شاعرتنا نجد صح لسانتس

الهواوي صح لسانك شاعرنا دوووم

ومين بعد الكل فديتكم والله حضور فخم ومميز

[شاعرة نجد]

رسالة وطلب خاص لسيادة وسعادة الخفير / خيال مطير
أما بعد .. فهذا طلبي وشكواي المذيّلة بهذه الأبيات .. عسى أن
تجد لديك الرأفة والإستجابة .. يا سعادة الخفير إبن مطير

^-^
خيال أبشكي عليك الحال وأنت الخفير = وأظنك أبخص بحال السجن والمخفره
أخوك بردان والعنبر تقل زمهرير = والسجن خالي من الزوار والقرقره
الناس ساحوا مع السواح وأنا قرير= ما غير أقرقر وأسلي النفس بالبربره
مدري حظوظي تغوص البحر وإلا تطير= وإلا توارت في التابوت في مقبره
لولا الهواوي ونجد الشاعره والمدير = أقصدك ، كانت علومي كلها صرصره
صح الله إلسانهم وعسى جزاهم حرير= كني على دكة الخنساء والشنفره
وأبقترح يا خفير السجن شيئٍ خطير = خطر ببالي وهات إذنك ولا تنشره
خذني على غفلة الحراس وقت السحير= وأقصد مطار السفر والحجز والتذكره
وأنت الرفيق الموالي في السفر يا سفير= ولا يهمك قليل الصرف وإلا أكثره
ودي على شاطي الراحة نحث المسير = ونقضي الوقت بين الرقص والمسهره
^^
جااااك العلم .. وعلمي وسلامتك والسامعين ،،

العلم موجه لك حضرة الخفير
لكن اسمح لي بـ هالبيتين:smile:

صح الله لسانك ويجزاك مولاك خير
قانون سجن القوافي راجعه واذكره

ثلاثة ايام ماعنها مصدّ ومطير
بزنزانتك واحمد الله فـ الدفاا واشكره

والعلم عند الخفير ومايريده يصير
والحين غرد بصوت الشعر لاتقصره

[عبدالله الدّنّيش]

العلم موجه لك حضرة الخفير
لكن اسمح لي بـ هالبيتين:smile:

صح الله لسانك ويجزاك مولاك خير
قانون سجن القوافي راجعه واذكره

ثلاثة ايام ماعنها مصدّ ومطير
بزنزانتك واحمد الله فـ الدفاا واشكره

والعلم عند الخفير ومايريده يصير
والحين غرد بصوت الشعر لاتقصره
^^
طلبناك يا عبدالمعين .. هههههه
وصح لسانك شاعرتنا .. والدفاء بتواجدكم ،،
جينا نطالبك يا عبد المعين المشير
أثرك تعين الخفير وتنثر المشوره

ثلاثة أيام في الحسبة علينا كثير
يا كبر وقت العنا والبرد يا مكثره

لكن مدام أن حكمك بالقنا مستنير
أنا رهين السجن والحبس ما أستنكره

[عبدالله الدّنّيش]

تسلية خاصة إرشيفية ..
******

علامـك يـا هجوسـن حـدّت الشـاعـر عـلـى القيـفـان
هجـر كـل الشواغـل وأرتمـى فـي حضـن هوجاسـه

زوى في ركنها والصمت ينطق من علـى الجـدران
ولا غـيــر الـقـلـم تـسـمـع صهـيـلـه فـــوق كـراســه

يـنـظّـم مـــن ذخـايـرهـا ويفتـلـهـا عـلــى النـيـشـان
وفـي جـو الخيـال الخصـب يطلقـهـا مــن أقـواسـه

يـوجّـه قافـهـا المـحـمـوم حـتــى يـاصــل الـوجــدان
عسـى يـا عــلّ تتـوقـد شـغـاف القـلـب وإحسـاسـه

هذاك اللي ثوى في القلب وأنفاسه مع الشريان
ليـا هـبـت ريــاح الـشـوق قلـبـي يشـهـق أنفـاسـه

يسـافـر هاجـسـي وأنــا رهـيـن السـجـن والـسـجـان
ويرجـع مـن مدارجـهـا ويـوصـف لــي مــدى يـأسـه

وعـلــى مـنــوال صـفـحـات الـزمــن يـتـكــرر الـتـبـيـان
وتـتـجـدد جــــروحٍ كـلـمــا تـشـفــى لــهــا إنـكـاســه

ألا يـا مـن حبسـت الهاجـس المسجـون فـي زنـزان
متى تعفـي وتطلـق هاجسـي فـي جـوّ وأوناسـه

تـــراود هـاجـسـي جـــولات تـعـبُـر عـالــم الـنـسـيـان
وتطوي صفحـة الماضـي وتقطـع هـول وسواسـه

رِحــال الأمنـيـة تـاهـت ولا حـطــت عـلــى الـعـنـوان
وضاعت هقوة الهاجـس وحطّـت مـن قـوى بأسـه
@@

[عبدالله الدّنّيش]

صباحكم فل وكادي

ياسلام عليكم غوالي
منور شاعرنا الهاجس السجن
مول وخل ابن عبده ههههه والهروب ممنووع تصبر لين الله يفرجها هههه
صح لسانك على الابداع

منوره شاعرتنا نجد صح لسانتس

الهواوي صح لسانك شاعرنا دوووم

ومين بعد الكل فديتكم والله حضور فخم ومميز
^^

الله يصبحك بكل خير شاعرتنا ريم
الفل والكادي عندي بالمزرعة لكن من قلمك له نكهة غير
وعساك سالمة وغانمة .. إفتقدناك لكن كنت على يقين
إنك من ضمن السواح .. وسياحة ممتعة إن شاء الله ،،&
&
الهرووب ما ظن يتم لأن الخفير هارب بنفسه وصاك البيبان
ومالنا غير الصبر .. ومواويل بن عبده القديمة

[الجووهره]

صبآح الورد والبرد
وصحت الالسن والأذوآق
ودآم حضوركم وابدآعكم
السجين الشاعر المبدع
عبدالله الدنيش
أبدعت وصح لسآنك مليوووون
ودآم حضورك وابدآعك

[الجووهره]

^^^
الجوهرة
دُرر وجواهر ثمينة .. صح ذوقك يا رائعة
وشكرا على هذه الباقات الفواحة
كل مشاركاتك وإختياراتك تنم عن شاعرية
فذة وذائقة سامية .. سلمت يداك وسلم ذوقك ،،

تسلم شآعرنا وصح بدنك
ومشكور على الاطراء شهاده أعتز بها
من أمثالك طآل عمرك وماعليك زود
وتستآهل أحلى التسآلي وأجملها.
الله يحفظك ويسعدك

[ناصر الهواوي]

ياصباح الخير يا اهل الخير
البارحه عاصفيه بكل المقاييس الا ريم وحياكم مولاكم
ابو عامر نور عاصفيه بل امينة سر العاصفه
ــــــــــــــــــــــــــــــــــــــــــــــــــ ـــــــــــــــــــــــ

اليوم مصدرها من اقصا المعاليق=تحولت من كتمه لحد ضيقه
حاولت منها افيق وازريت لا افيق=عن يوم كامل عشتها هالدقيقه
عبارته بالواتس من دون تعليق=بين الخيال حروفها والحقيقه
من خمسة حروفٍ نشف دافق الريق=الله ينشف من بها اشار ريقه
حاولت في مخرج لها لو بتلفيق=بد الكلام(اكرهك ) ماهيب انيقه

[الجووهره]

ياالله في صبآحك لنا تكتب الخير
واعوذ بك شر النفوس وجهلها
ياكآفل رزق البشر مشبع الطير
اغفر لنفسٍ قصرت في عملها

[الجووهره]

ياصبآح النور والسرور شآعرنا
وهلا بك وصح لسآنك
وسلآمتك من الضيقه

[عبدالله الدّنّيش]

تسلم شآعرنا وصح بدنك
ومشكور على الاطراء شهاده أعتز بها
من أمثالك طآل عمرك وماعليك زود
وتستآهل أحلى التسآلي وأجملها.
الله يحفظك ويسعدك
^^
الجوهرة .. الله يصبحك بالخير ويكثّر خيرك ومن أمثالك
وشكرا لك ولقلمك الجميل وأفكارك النيرة والله يسعدك،،

[عبدالله الدّنّيش]

ياصباح الخير يا اهل الخير
البارحه عاصفيه بكل المقاييس الا ريم وحياكم مولاكم
ابو عامر نور عاصفيه بل امينة سر العاصفه
ــــــــــــــــــــــــــــــــــــــــــــــــــ ـــــــــــــــــــــــ

اليوم مصدرها من اقصا المعاليق=تحولت من كتمه لحد ضيقه
حاولت منها افيق وازريت لا افيق=عن يوم كامل عشتها هالدقيقه
عبارته بالواتس من دون تعليق=بين الخيال حروفها والحقيقه
من خمسة حروفٍ نشف دافق الريق=الله ينشف من بها اشار ريقه
حاولت في مخرج لها لو بتلفيق=بد الكلام(اكرهك ) ماهيب انيقه


^^
أفااا يالعلم .. وين الخفير يدقق ويحقق !!
نور .. تور السجن والعاصفة والعتب ع الذاكرة ،،
أما أنت يا شيخ فسلامتك من الضيق وكره الرفيق

و.....
يالله ببشرى تبعد الهم والضيق = الشيخ يشكي في المعاليق ضيقه
وما عاش من يرسل على الواتس تلفيق= بعض الكلام يصيب مثل الشقيقه
حشو الكلام يصيب روس المطاليق = حتى ولو ما صاب تسمع صفيقه
( أكرهك ) عكس الحب والعكس تطويق = وده يولع في طرفها حريقه
وأظنها ياشيخ مزحة وتذويق = لا تحمل المعنى على ما يعيقه

وسلامتك والجميع ،،

[ناصر الهواوي]

اهلا يالجوهره واسعد الله جميع اوقاتك
ــــــــــــــــــــــــــــــــــــــــــــــــــ ــــــــــــــ

هواها جنوبي شرق واشوف نشو خيال=لعله يسيل مزرعتنا وواديها
لجل نبتها يفخر نمو ويروق البال=وركاب القوافي تصغي لصوت حاديها
يجي رد يوم اليوم وامطارها همال=عليه الطيور يشنف السمع شاديها
ادز القوافي لا تعوِّد لذات الخال=ويوعز لها هجس الشقا ما تعديه
وانا والله اني معه اداهن على ماقال=ارى ان القصايد ذكرها من مباديها
ما احب القصيد اللي بلاه ان قصر وان طال=واراها ليا اعوجت بيوتي تقاديها
خفير السجن كان انت حاضر هنا تعال=جب ريم الفلا حط الكلبشه بايديها
عند الغامدي شغل وزراعة نخل وعيال=يلف الورد جوريها وسط كاديها
وللداخليه مجبر ينفذ الاشغال=ماجابه لها الصبح العشيه يوديها

[عبدالله الدّنّيش]

اهلا يالجوهره واسعد الله جميع اوقاتك
ــــــــــــــــــــــــــــــــــــــــــــــــــ ــــــــــــــ

هواها جنوبي شرق واشوف نشو خيال=لعله يسيل مزرعتنا وواديها
لجل نبتها يفخر نمو ويروق البال=وركاب القوافي تصغي لصوت حاديها
يجي رد يوم اليوم وامطارها همال=عليه الطيور يشنف السمع شاديها
ادز القوافي لا تعوِّد لذات الخال=ويوعز لها هجس الشقا ما تعديه
وانا والله اني معه اداهن على ماقال=ارى ان القصايد ذكرها من مباديها
ما احب القصيد اللي بلاه ان قصر وان طال=واراها ليا اعوجت بيوتي تقاديها
خفير السجن كان انت حاضر هنا تعال=جب ريم الفلا حط الكلبشه بايديها
عند الغامدي شغل وزراعة نخل وعيال=يلف الورد جوريها وسط كاديها
وللداخليه مجبر ينفذ الاشغال=ماجابه لها الصبح العشيه يوديها

^^

أحسنت يا شيخنا وصح لسااااانك وفك الله أسرك ويسر أمرك
ويا مرحبا بشاعرتنا الريم .. إختيار موفق وصائب

والقصيدة تحتاج مجاراة .. لكن الوقت شوي والظهر حصل وحصل خير ،،


هذي من هواجيس سابقة ....

^^
يالشاعرة لا تعدين القصايد كلام= عدي حروف القصايد وأحسبيها شعور
أحسبك تدرين وأنتي عارفة بالتمام = أن المعاني دفينة في بطون السطور
الشعر منثور في ديوان وادي الهيام = والشاعر ألقى على الغاوين نفحة بذور
تولمي يا حروف الشعر كافٍ ولام = وأتكلمي وأنطقي حتى لغات الطيور
تحن يا هاجس الشاعر لصوت الحمام= وتشوف زوله ليا حوّم بعين الصقور
ياللي لصوتك وشعرك في وجودي غرام = وأنفاسك اللي سرت مثل الندى والعطور
والشاعر اللي تغنى ما عليه الملام = معذور في وصف مثلك لو يصيبه غرور
^_^

[نور]

صحت قلوبكم وارواحكم
الله يبعد عنك الضيقه يااستاذ ناصر
ويقوووول الشاااااعر >>>مااعرفه بس احسه صادق
من باب التغيييير والتجديد

أكرهك اللي على صيغة أحبك .،
‏هي أجمل من أحبك صدقيني..!

ومبدعة ياشاعرة نجد ....
استاااااذ عبدالله مبدع. ورائع >>>>بس انا نور مو تور:smug:


‏

[خيال مطير]

رسالة وطلب خاص لسيادة وسعادة الخفير / خيال مطير
أما بعد .. فهذا طلبي وشكواي المذيّلة بهذه الأبيات .. عسى أن
تجد لديك الرأفة والإستجابة .. يا سعادة الخفير إبن مطير

^-^
خيال أبشكي عليك الحال وأنت الخفير = وأظنك أبخص بحال السجن والمخفره
أخوك بردان والعنبر تقل زمهرير = والسجن خالي من الزوار والقرقره
الناس ساحوا مع السواح وأنا قرير= ما غير أقرقر وأسلي النفس بالبربره
مدري حظوظي تغوص البحر وإلا تطير= وإلا توارت في التابوت في مقبره
لولا الهواوي ونجد الشاعره والمدير = أقصدك ، كانت علومي كلها صرصره
صح الله إلسانهم وعسى جزاهم حرير= كني على دكة الخنساء والشنفره
وأبقترح يا خفير السجن شيئٍ خطير = خطر ببالي وهات إذنك ولا تنشره
خذني على غفلة الحراس وقت السحير= وأقصد مطار السفر والحجز والتذكره
وأنت الرفيق الموالي في السفر يا سفير= ولا يهمك قليل الصرف وإلا أكثره
ودي على شاطي الراحة نحث المسير = ونقضي الوقت بين الرقص والمسهره
^^
جااااك العلم .. وعلمي وسلامتك والسامعين ،،
صح لسانك وبيض الله وجهك .
بس أنت مادهنت سيري
لاتصير مثل أبو عبيد بخيل
أدهن سيري ونا اقلب السجن
كرسميس , راس السنه
جاك العلم يالامير

[خيال مطير]

افا

انت الحلا والطرا والنور والنيره=بروض سجن الرواسي عطره الفايح
اسهي واهوجس واهم الفكر واديره=ويخمني لاسجع وسط النخل نايح
ما انت برخيص ان نسيت وفضها سيره=ذكرك على بال عودك غاديٍ رايح


أيه أشوا

صح لسانك يالامير ,
لاتنسى يوم كنت انت بالسجن
كل ليل أمرخك بالفقس
ادور ألاجر

[خيال مطير]

* يقول الشاعر محمد بن احمد بن محمد السديري:


يـا بجـاد شـب النـار وادن الدلالـي .. وأحمس لنا يا بجاد ما يقعد الراس
ودقــه بنـجـر يــا ظـريـف العيـالـي ... يجذب لنا ربـع علـى اكـوار جـلاس
وزلـه الـى منـه رقـد كــل سـالـي ,,, وخلـه يفـوح وقنـن الهيـل بقـيـاس
وصـبـه ومــده يــا كـريـم الـسـبـالي ,,, بعد همومي يوم اشمه بالانفاس
فنـجـال يـغـدي مــا تـصـور بـبـالـي ... روابع تضرب به أخمـاس وأسـداس

[خيال مطير]

سعد بن قطنان السبيعي يقول

جـر الفـراش لنـا وهـات الـدلالـي ,, أربــع مغاتـيـر عـلـى الـنـار تـدنـا
تـرى حــلاة الـنـار دوم إشتعـالـي ,, وسوقـة فناجيـل عليهـم مـن أدنـا
فنـجـال أشـقـر مـثـل دم الـغـزالـي .. ا نقص شـيء مـن الكيـف زدنـا
أتعب لها بالسـوم لـو كـان غالـي ... لـو كـان زود بالثـمـن مــا نشـدنـا
نشري لها المثلوث هو شف بالي ..لـو كـان سوقـه نـازح عـن بلـدنـا
يامـا دفعـنـا بالثـمـن مــن ريـالـي ,, غيـر القـرا نسهـر لهـم مـا رقدنـا

[شاعرة نجد]

مساء الخير
وصحت السنتكم وذوائقكم ودام ابداعكم

وصح لسانك يـ السجين
أبدعت وامتعت ولاهنت على هـ الحضور الفاخر

وصح لسانك زعيمنا,كفاله كايفه ونايفه
خل الدنيش يطلع رسمي قبل يهرب ههه

ومرحبا مليون بريم
نور السجن,ياكثر مـ بازورك فاااضيه
بس الله الله فـ المواويل العذبه:smile:
وابشري بالتسالي,’’

[النجلاء]

السلام عليكم
اسعد الله مساكم بكل خير
وصحت السنتكم شعرائنا وشاعراتنا ودام ابداعكم يامبدعين

[شاعرة نجد]

تسليه ترحيبيه بـ شاعرتنا

مرحبا ياريم,جهّز يـ الخفير
السجن وافرش زنازينه ورود

السجن موحش,عسى فـ الامر خير
يوم صار الصبر يابنت مْحَمود

العبي واللي تَبي لازم يصير
أبشري مادامت اختك فـ الوجود

بس غني بالقصيد اللي يثير
المشاعر لو تجاوزتي الحدود

أسرفي فـ القاف يسمعك الكثير
غردي وانا على حسّك بـ اجود

أطربينا والجديد العذب غير
ونّسينا وابشري بـ احلا الردود

[صالح العازمي]

السلام عليكم
صباح الخير ياربعنا
صحت ألسنتكم الله لايهينكم
مرحبا يابو عامر في الزنزانه هههه منورها وهذي تسالي لسموك

يابو عامر ساجنينك معزه من غلاك
انت شاعر صاحب افكار وإبداعك سما

انظم الأفكار بالسجن وأبرز مستواك
لاعب افكارك على كل شقرا ودهما

مغرمٍ في اللي هواها يوديك الهلاك
راح عمرك وانت مفتون في عذب اللما

عَشَّها في مطعم البيك ولا عند ماك
احضريه ماتعرف العصيده والكما

كل ما راحت وردَّت تقلك (كم باك)
والهدايا كلها اطياب و ورود ودما

ماتحب الا باونتي وكندر والفلاك
من(عوار القلب)تشرب وشربِ كوب ما

مترفه بالزين ومدلعه يعني ملاك
فتنةٍ منها لسانك يلعق بالجما

[الجووهره]

صباح الورد والبرد
والشعر والجزاله
وصحت الالسن والاذوآق
ودآم حضوركم وابدآعكم
ومبرووك الحريه شاعرنا الدنيش
ومنوره السجن شاعرتنا المبدعه
ريووم وابشري بالتسآلي الحلوه
ياحلووووه

[الجووهره]

تسليه صوووتيه
للسجينه الجميله
والجميييع


مهرةٍ تلعب طرب

https://youtu.be/2J09emqBtm4

[عبدالله الدّنّيش]

اهلا يالجوهره واسعد الله جميع اوقاتك
ــــــــــــــــــــــــــــــــــــــــــــــــــ ــــــــــــــ

هواها جنوبي شرق واشوف نشو خيال=لعله يسيل مزرعتنا وواديها
لجل نبتها يفخر نمو ويروق البال=وركاب القوافي تصغي لصوت حاديها
يجي رد يوم اليوم وامطارها همال=عليه الطيور يشنف السمع شاديها
ادز القوافي لا تعوِّد لذات الخال=ويوعز لها هجس الشقا ما تعديه
وانا والله اني معه اداهن على ماقال=ارى ان القصايد ذكرها من مباديها
ما احب القصيد اللي بلاه ان قصر وان طال=واراها ليا اعوجت بيوتي تقاديها
خفير السجن كان انت حاضر هنا تعال=جب ريم الفلا حط الكلبشه بايديها
عند الغامدي شغل وزراعة نخل وعيال=يلف الورد جوريها وسط كاديها
وللداخليه مجبر ينفذ الاشغال=ماجابه لها الصبح العشيه يوديها

^^
الله يسعد صباحك ومساك وكل أوقاتك أبو عبيد وصح لسانك
بديتها ببيتين امس ولكن جاء الظهر .. وكانت البارح عندنا مناسبة
واشوف السجن مأجز .. والله يجيبهم على خير ...

^^
ألا يا هجوسي هالعشي جرّي الموال= وجاري هجوسه في مشارف نواديها
بنادي الرواسي شيخ شاعر على الأقوال = ليا قال طال الطايلة في بواديها
يُسمى الهواوي ومثل ما قيل في الأمثال = من الإسم قسمه والمواجيب يبديها
سقاك الولي من غيث غيمٍ سخي وثقال = ويبقى طوال العام للأرض ينديها
كفالتك فكت هاجسي من كثير أحمال = كفاك الله الدنيا وحملة كواديها
ويا مرحبا بالشاعرة ريم عد المال= عسىاه الخفير اليوم يغدي يناديها
تنشّد عن أحوال السجينة وكيف الحال= وقل شاعرة نجد إستعدت بورديها
ومهرة ورحولة ونجلا ونور الجال= يرحبن والهرفي برد جوف منديها
ليا جات صار السجن بالريم عال العال = وشعر الهواوي عن وليمة يغديها

هههه وسلامتكم ،،

[عبدالله الدّنّيش]

صحت قلوبكم وارواحكم
الله يبعد عنك الضيقه يااستاذ ناصر
ويقوووول الشاااااعر >>>مااعرفه بس احسه صادق
من باب التغيييير والتجديد

أكرهك اللي على صيغة أحبك .،
‏هي أجمل من أحبك صدقيني..!

ومبدعة ياشاعرة نجد ....
استاااااذ عبدالله مبدع. ورائع >>>>بس انا نور مو تور:smug:


‏

ههههه صح قلبك يا نور وعساك سالمة
العتب ع السبابة يا نور .. والتاء مجاورة للنون

&

البيت فيه فلسفة تهزّ الشعر
شكرا لذوقك وذائقتك ،،

[عبدالله الدّنّيش]

صح لسانك وبيض الله وجهك .
بس أنت مادهنت سيري
لاتصير مثل أبو عبيد بخيل
أدهن سيري ونا اقلب السجن
كرسميس , راس السنه
جاك العلم يالامير
^^
جاني العلم يا سعادة الخفير .. لكن يبدو أنك
ما قريت كامل الأبيات .. الأربعة الأخيرة تخصك
وفيها عرض طيب يالطيب .. أنت وافق بس
وأبشر .. ترى تلك الديار فيها مسااااااج يدهن
السير والجلد ويدبغة لو تبغى هههه
وصح كلك ووجهك أبيض وعساك سالم وغانم ،،

[عبدالله الدّنّيش]

مساء الخير
وصحت السنتكم وذوائقكم ودام ابداعكم

وصح لسانك يـ السجين
أبدعت وامتعت ولاهنت على هـ الحضور الفاخر

وصح لسانك زعيمنا,كفاله كايفه ونايفه
خل الدنيش يطلع رسمي قبل يهرب ههه

ومرحبا مليون بريم
نور السجن,ياكثر مـ بازورك فاااضيه
بس الله الله فـ المواويل العذبه:smile:
وابشري بالتسالي,’’

^^
مساء الخير شاعرتنا أمس واليوم وكل يوم
وصح بدنك .. وأبو عبيد ما قصر .. والحمد لله أن الأمر
بيده لو بيدك كانت علووووم ههههه
وشكرا لتوديعك للسابق وترحيبك باللاحق

وحضورك يكفي ويعفي ،،

[عبدالله الدّنّيش]

تسليه ترحيبيه بـ شاعرتنا

مرحبا ياريم,جهّز يـ الخفير
السجن وافرش زنازينه ورود

السجن موحش,عسى فـ الامر خير
يوم صار الصبر يابنت مْحَمود

العبي واللي تَبي لازم يصير
أبشري مادامت اختك فـ الوجود

بس غني بالقصيد اللي يثير
المشاعر لو تجاوزتي الحدود

أسرفي فـ القاف يسمعك الكثير
غردي وانا على حسّك بـ اجود

أطربينا والجديد العذب غير
ونّسينا وابشري بـ احلا الردود

^^
يا سلاااام عليك شاعرتنا وصح لسانك
وعسى الريم توحي وترد ،،

[عبدالله الدّنّيش]

السلام عليكم
صباح الخير ياربعنا
صحت ألسنتكم الله لايهينكم
مرحبا يابو عامر في الزنزانه هههه منورها وهذي تسالي لسموك

يابو عامر ساجنينك معزه من غلاك
انت شاعر صاحب افكار وإبداعك سما

انظم الأفكار بالسجن وأبرز مستواك
لاعب افكارك على كل شقرا ودهما

مغرمٍ في اللي هواها يوديك الهلاك
راح عمرك وانت مفتون في عذب اللما

عَشَّها في مطعم البيك ولا عند ماك
احضريه ماتعرف العصيده والكما

كل ما راحت وردَّت تقلك (كم باك)
والهدايا كلها اطياب و ورود ودما

ماتحب الا باونتي وكندر والفلاك
من(عوار القلب)تشرب وشربِ كوب ما

مترفه بالزين ومدلعه يعني ملاك
فتنةٍ منها لسانك يلعق بالجما



^^
يا مرحبا ملايين بالغالي اللي سجني
وصح لسانك .. سالفة (السجن ) جابت لي البارح
سالفة في المناسبة سأرويها لأبو عبيد عند مجيئه
أن شاء الله وياليت تتكرم وتكون بصحبتهم لزيارة
ديارنا وحياك الله أستاذ صالح ودام عزك ،،
&
قصيدتك فيها علوووم وأبو عبيد أدرى بها هههه

^^
مرحبا يا شيح صالح وحيا الله نباك
مرحبا ترحيب مسجون في ليل أظلما

وأسعد الله جيّتك في الصباح وفي مساك
والمعزة لك وزد الغلا حد السما

ما عليكم زود والشعر يسري في دماك
قلت صح الله لسانك وتسلم وأسلما

وأنت هيّضت المشاعر وأنا دوني شِباك
والشباك المعنويه تخليني أطرما

لكن اللي في سجون الحنايا في حِراك
ليت يتوقف بنبضه على ضخ الدما

ون شكينا الحال قالوا لنا هذا بلاك
كلما تشرب عذيب اللمى زادك ظما

والزمن ما عاد يفرق حضوره من بداك
عولمة عمّت .. وعلمي إلى علمك نما

هههههه وسلامتك والجميع ،،

[شاعرة نجد]

مساء الخير

وصحت السنتكم شعراؤنا المبدعين
ودام الحضور الفاخر

ومساء النور والسرور يـ الدنيش
وصح بدنك وصح لسانك
والعفو مبدعنا,’’

[شاعرة نجد]

كيبوردية قيلوله:smile:
الهواوي كتّف الريم ورماها
فـ السجن والريم فـ اسبوع الاجازهـ

وده انه يطرب الناس بْـ غناها
بالجديد اللي تمثّل فيه طازه

شاعره ربي من الجزله عطاها
شعرها من طيبه الاعجاب حازه

بس وين الريم غابت في سماها
البنيه مالها فـ السجن عازهـ

بين مكه والمدينه ذا مُناها
والمسافر لانوَى جهز جوازه

[النجلاء]

صح الله لسانك يالعازمي مبدع شاعرنا
وصح الله لسانك شاعرتنا الراقيه
ابو عامر ياهلا ومرحبا ومبروك الحريه ولاتروح بعيد
الجوهره ذوق ياذوق
خيال لاهنت ع التسالي والحضور المميز

[مهرة يام]

السلام عليكم ورحمه وبركاته
اسعدالله مساكم واوقاتكم يارب
صحت الالسن والاذواق
مبدعين وجزلين يالرواسي
مبروك الحريه الدنيش

[مهرة يام]

تسالي للسجينه والزوار بعد غياب ههههههههههههه
رضيت أنا بالهم لرضاك مرضاك
و ارخصت لك قلبٍ جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك

[مهرة يام]

القصيده هذي لطلال الرشيد بغيت اختصرها بس منحلاوتها جبتها كلها هههههههههههه
ان شاء الله تحوز على اعجابكم
ابنت انا ماني كذا وظنونك تكذب عليك
كلي عيوب وماقوت تخجلني ظنونك وتوب
اكذب عليك ودوم اخونك وألبس الأبيض واجيك
واعشق معك الفين وجه ويمتلي صدري قلوب
احلى اقول لك لو قلتها البارح لذيك
ياقف على شفاهي معك مراهق صب لعوب
اكذب ولا ادري ليه اكذب اعشقك ما ارتجيك
اخاف من صدق الحقيقة في الهروب من الهروب
والله احبك واعشقك واعرف زمان اني ابيك
لكنها هذي الحياة تعلمت مني الذنوب
العين عجزت تعتقك والقلب عيا يشتريك
في السجن خيال وفي،في الصدر رجال كذوب
هذي الحقيقة مايجي في الكون اطهر من يديك
وانا الذي انقض وضوء الغيم والماء والهبوب
انقل عيوبي فوق متني وانتي لعيبك شريك
وباكر تبسّم لي وجيه لك يعبسها الشحوب
ياطاهرة حنا كذا والمظهر يكذب عليك
يمكن يجي يوم نجي نخجل من ظنونك نتوب

[ناصر الهواوي]

السلام عليكم
ومساكم اسعد مساء
بصراحه ابدعتوا وامتعتوا
الخيال نعم ما قصرت بس صار برقبتي حساسيه قال الدكتور من الفكس اللي مرخك به الخيال<<<<<<ما ادري وش عرفه بك؟منتهي تا ريخه من عام الاول حسبي الله على الظالم هههههههههههههههههه
نور نعم معك حق ويقولون من سبك حبك ههههههههههههه
الشاعره والغامدي والعازمي صحت السنتكم
الجوهره صح بدنك ونقلك
النجلاء هلا وغلا بمديرتنا
المهره عودا حميد ولاهنتي ودمتي وسلمتي
ــــــــــــــــــــــــــــــــــــــــــــــــــ ـــــــــــــــــــــــــ

خفير السجن وين السجينه لعلك للصلاح=الاعمال ياخيال باهمال ماهي صالحه
ضرب داخلي باعصابي الماص يوم البرق لاح=وزادت شقا قلب العنى من عناه النايحه
عسى وحده بوحده وتبقى القلوب إبها اصحاح=وسور الغلا لوهزته ما تطيح اللايحه
هنا منزلك مقفول ما تدخله ذات الوشاح=سوى حضرتك من غيبتك عنه كلٍ شايحه
على نهج الايحاء قيل وش تنتظر من بعد راح=وانا اقول نبض القلب يقول ماهي رايحه
وانا ودي اسمع منك علمِ يزيد الانشراح=وعلى اهل الوشايه والحسد ترسلينه جايحه

[مهرة يام]

الله الله يالهواوي
صح لسانك ملايين

[شاعرة نجد]

يَكْفيني اللي حصل خل العتب والملام
لعلّي انـسى المواجع تسلم جْروحي

ويكفيك مني غلانا اللي مضى والغرام
خل العوَض في قصيدي لانـزف بوحي

تثيرني نسمة الغربي وسجع الحمام
واكتب مواويـل من روحي على روحي

موال لو يسمعه راع الهوى ماينام
عشرة ليال ويْزود لْيا ذكر نوحي

حرام كتم المشاعر ايْوَرَبي حرام
الا انا صار في مبداي مسموحي !

[غزلان]

السلام عليكم ورحمة الله وبركاته ~ صحت السنتكم جميعا ًشعراء وشاعرات رواسي نجد وربي لكم وحشه حيل ~ وجعل الماضي ماضي مضى على خير وحاضركم مليون سعاده وهنا وجعل المولى أيامكم أفراح وتهاني ❤️ وكل عام وأنتم في شموخ ورقي ~ ودي وتقديري للجميع ~

[نور]

صباااح الخير
غزززززلان منورة ياقمر
وحشتيني ياحلوة

[ناصر الهواوي]

صباح الورد والبرد ع الحلوات والحلوين
سبحان من يحيي العظام وهي رميم
ارحبي ياغزلان وهلابك ومرحبا صراحة قد طوينا الياس من دونك
ولسان حال السجن يقول وقد يجمع الله الشتيتين بعدما يظنان كل الظن الاتلاقيا
حياك الله وبياك
شاعرة نجد صح الله لسانك وكلك على الدرر النادره والتواجد الملكي
اهلا يانور حضورك كافي ولو معه طرائف او بويتات يكون احلا واجمل هههههههههههههه

[ناصر الهواوي]

ارحب واودع بالسجن من يجي وايروح=تقول المدير بهالقضيه مكلفني
واغني واسولف والعتب بيننا مطروح=وضميري على بعض الطواري يعنفني
ولولا الحمام اللي بخضر الجريد اينوح=يثير الكوامن فيِّ لكن يشرفني
هديله بعض لحيان فيني يرد الروح=سبب غفية عيوني وسبة سهر جفني
على الذكريات يردني لاسجع وابوح=بما اخفيه للي جاهلٍ بي وعارفني
انا بسد نضم الولو الباسم المملوح=لاتقطع وصالك كان ما انته بعايفني

[نور]

صباح الورد والبرد ع الحلوات والحلوين
سبحان من يحيي العظام وهي رميم
ارحبي ياغزلان وهلابك ومرحبا صراحة قد طوينا الياس من دونك
ولسان حال السجن يقول وقد يجمع الله الشتيتين بعدما يظنان كل الظن الاتلاقيا
حياك الله وبياك
شاعرة نجد صح الله لسانك وكلك على الدرر النادره والتواجد الملكي
اهلا يانور حضورك كافي ولو معه طرائف او بويتات يكون احلا واجمل هههههههههههههه

ههههه طيب طيب >>>حسيته نفس المدير اللي يقول
اشتغلي شغلك بلا كلام فاضي ههههههههههههه

[نور]

صح لسااااانك زعيم العاصفه
‏نعـيش بالقـمه ومــا صـــابـنـا صــاب
‏ونـقبـض شـعار الـعز براحـه يـديـنا

‏نضحك في الدنيا مع كل الأصحاب
‏ومـا نـــدري الــدنـيا لنـا او عـلـيــنــا

‏وماهـمـنا مـن جـاء معـانا ومـن غـاب
‏فوق السـحاب نعيش مـهمـا حـيـيـنا
‏⁧‫

[شاعرة نجد]

^
^
الله
الله الله
لاهنتي نور ابيات فـ القمه رووعه رووعه
وصح لسانك يـ الهواوي
ومرحبا الف غزلان,عودا حميدا
ومساكم نور وبرد وسرور,’’

[شاعرة نجد]

شاعرة نجد صح الله لسانك وكلك على الدرر النادره والتواجد الملكي

صح بدنك شاعرنا
والتواجد من الفضاوه طال عمرك ههه
اسبوع الاجازه سياحتي فـ الرواسي
لاعدمنا تواجد الجميع,’’

[شاعرة نجد]

الى الآن ماجت ريم,؟
والخفير لاحس ولاخبر ولانهي ولا امر !
طيب طيب عن اذنك حضرة الخفير,:smile:

الى بر الامان يـ ريم,وانا مكانك وبزنزانتك
محتاجتها هـ اليومين وروحي فِدَى:smile:
ــــــــــــــــــــــ ـــــــــــــــــــــــــــــــ ـــــــــــــــــــــــ

ياريم روحي رافقَتْك السلامه
خفيرنا عن ساحة السجن ساهي

خلَّى الحراسه ليش,مدري علامه
يمكن مع عْياله ذالايام لاهي

وانا مكانك لو تطول الاقامه
خذيت معي الشال وبْريق شاهي

يشرح قدوم الليل لـ اقبل ظلامه
صدري واغني من جديدي واباهي

واجر صوتي ماعليّه ملامه
بزنزانتي مـ انام والليل راهي

ليل الشتاا غاية هواي ومرامه
يشد برده والسكون انتباهي

ويطيب لي نظم القصيد وغرامه
لَـ جاا من الواقع بدون اشتباهي !!

[ناصر الهواوي]

اهلا يانور تقريبا كما قلتي الا (كلام فاضي)وصح لسانك او ذوقك ههههههههههههههه
ياسلام ياشاعرة نجد تدرين وش افكر فيه
اقول حزبنا يبي يجعل فتره طواري وفترات عاديه
بفترات الطواري واقصد غياب الجماعه بالجمله
ننقسم فرعين العاصفه(أ)والعاصفه(ب) ونسجن بعض ونكفل بعض وهذ يعتبر تحصيل حاصل
ههههههههههههههههههههههههههههههههههههههههههه

[مهرة يام]

مساء الورد
صح لسانك يالهواوي
وصح لسانك شاعره نجد ومرحبا بك بالسجن وابشري بالتسالي
هلا نور صح لسانك
هلا غزلان منوره بعد غيبه ولك وحشه ياقمر
فكرتك رائعه يالزعيم ههههههههههههههه
مافيه الا تواجد العاصفه اؤيد فكرتك هههههههه

[ناصر الهواوي]

يا اهل السجن بالعاصفيه شهامه=وبالحزب جد ومجد غير امتناهي
نكفل ونطعمكم وندفع غرامه=ونكسر ونجبر كسر ونسد واهي
هذي فعايل حزب عز وكرامه=وانتم فعايلكم ابا اشوف ماهي

ــــــــــــــــــــــــــــــــــــــــــــــــــ ـــــــــــــــــــــــــــــــــــــ
احسنتي يالعاصفيه بس لو سجنتي منهم افضل هههههههههههههههههههههه وهاي تسليه للعاصفيه


عسى بعد ظهر اليوم ما صار فيه ايعود=وبعد كل ظهر من المقابيل جوالي
يجي مثل نقطة وصل لي مع نعيم العود=لحلو النبا لذه وبه ينشرح بالي
كلامه يسلي واستسيغه واعده فود=ولا اطمع منه في غير ما اسمع ولا ابالي
بلايم ولا شامت ولا من حدٍ منقود=وذي ما تجي ياكود من دالهٍ خالي

[مهرة يام]

تسالي لشاعره نجد والزوار

ما قلت احبك ولا قد قلت ما احبك

احب مالي عيوني وانت تسواها

لو تدري اشكثر تعني لي تعرف انك

اخر امل في حياتي واول مناها

[مهرة يام]

أنا مابي من الدنيا وصول ٍ للعيون الدعج
وأظن الصدق يكفي لو أموت وورثي احرامي

حبيبي جاهل ٍ طاغي يحسب إن الجوارح ثلج
وأنا مالي شفاه وفم صوتي ضيّع احلامي

إذا حبك ذبحني صدكل ٍ له بموته نهج
تشهّد بالعجاج البيدقبل تموت قدامي

أنا غصن ٍوأنت اوراق والعاذل خريف وعج
و وش عذر الورق والغصن لا يابس ولا ظامي

[ناصر الهواوي]

وش بعد؟؟ هههههههههههههههههههههههههه صح لسان شاعرها وتسلمين يالمهره

[شاعرة نجد]

طابت اوقاتكم واسعد الله مسااكم
وصح لسانك يـ الهواوي,مجاراة ممتعه,

وينهم عشان اسجن احد منهم؟يرجعون بالسلامه
وابد اللي تبي,وان بغيتنا نعود على بعض ابشر ههههه

وصح لسانك على هـ التسليه العذبه
ولاعدمت ذائقة المتذوقات’,,

[شاعرة نجد]

يـاكـثـر مـاتـقـبـل الـضـيـقـه وتـقـفــي بــــي
وياطول صبـري وياحلمـي علـى الضيقـه

أصبح وتصبح معي وامسي وتمسي بي
حـطــت بْـصــدري لـهــا بـصـمـه وتوثـيـقـه

بــــلاش شــعــري عــلــى كــثــرة مكـاتـيـبـي
لـ صــــار مــازاحــت الـضـيـقـه طـواريــقــه

[شاعرة نجد]

لـومـي وحـقـي عـلـى قلـبـي ومـشـروهـي
وشلـون يقسـى عـلـي والـنـاس مرتـاحـه

أحــرص عـلــى رغـبـتـه وأنـــدلّ واتـوهــي
واشعل من رْموش عيني ضو مصباحه

ولـيـا نهيـتـه رمَــز مــن غـيـر مسفـوهـي
قـبـلـك وكـثــر الـعـتـب مـاضـمّــد جْــراحــه

[شاعرة نجد]

[CENTER]https://www.youtube.com/watch?v=BuUrfFONpu8

[ناصر الهواوي]

هههههههههههههههه
(نعود على بعضنا)بهذي فلجتيني لاوالله ما يفرح بها الراعديون والاجازه طرفت رغم انهم سيان دوامهم واجازتهم لكن الدوام ارحم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

تفضل على باحة غلا بين حدب ضلوع=هذا هو مكانك قبل تجفاه ياروحي
هذي ساحة اللي فيك مغرم وبك مفجوع=ماباللا غراب البين يبكيك وينوحي
تحيط بخفوقٍ كلما يذكرك يفوع=يلوعه فراق ومن تجافيك مجروحي
يضماك النهار ولك بليل الشتا يجوع=تجيبه هواجيسه ليا اطروك وتروحي
راع الراي والحكمه يقول الخطا مرجوع=لاتقضي على ما املت بك كان لي توحي

[ناصر الهواوي]

للجميع الصوتيات والمقاطع والروابط ماتفتح عندي ابد بذلك اكون معجب ما سمعشي حاجه هههههههههههههههههههههههه

[شاعرة نجد]

لا ياشاعرنا لاتحط معجب الا معجب ههه
كذا تظلم روحك,طيب اذا تبي تسمع خذ عنوان الشيله
وبقوقل وتطلع ع اليوتيوب واسمع
انا احيانا ماتطلع لي بعض الشيلات عـ المنتدى
واروح بنفس الطريقه واسمع

وصح لسانك على هـ العذبه,’’

[شاعرة نجد]

غردت ماورّدت في تالي الليل
في سجني الهادي كتبت الجدادي

لاصرت يامشكاي مشتاقه بْحيل
ايوالله ان الشوق حطم فوادي

ماحيلَتي الا جديد التماثيل
ليا حداني لـ اعذب الشعر حادي

جريت من وهج المشاعر مواويل
يصوغها فكري بسجن انفرادي

يسري بي الهاجس ودمعي هماليل
لاعدّت ماحققت غاية مرادي

[عبدالله الدّنّيش]

السلام عليكم وأسعد الله أوقاتكم
مشاركات وقصائد فلة .. وصحت السنتكم وقويت عزائمكم
الليلة كان ودي أجي من بدري لكن عزائم ومناسبات والله يعييييين ،،
ومرحبا بالجميع
وكل سنة شمسية أو قمرية وأنتم بخير وصحة وعافية
رغم أنه عام إنصرم من العمر والله المستعان ،

بالمناسبة .. بعض الناس عنده حساسية عندما نهني السنة الجديدة
علما بأن تسميتها بالميلادية أو الهجرية ليس إلا أصطلاحا . وحساب السنين
منذ خلق الله الكون .. شمسية وتتفق تماما مع حساب الفصول الأربعة وشهورها حسب الأبراج العربية ويتوسطها الميزان .
والقمرية تتفق مع الدورة القمرية ولذلك قال تعالى ( الشمس والقمر بحسبان) وصدق عز من قائل ،،

الخلاصة كل عام وأنتم بخييييير ،،( Happy New Year )

وشكرا لكل المشاركات .. وشكر خاص لشاعرتنا نجد لنجدة غياب الريم
وإقامة سعيدة في سجن القوافي .. والعواصف لها يالرواعد هههه

[عبدالله الدّنّيش]

هههههههههههههههه
(نعود على بعضنا)بهذي فلجتيني لاوالله ما يفرح بها الراعديون والاجازه طرفت رغم انهم سيان دوامهم واجازتهم لكن الدوام ارحم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

تفضل على باحة غلا بين حدب ضلوع=هذا هو مكانك قبل تجفاه ياروحي
هذي ساحة اللي فيك مغرم وبك مفجوع=ماباللا غراب البين يبكيك وينوحي
تحيط بخفوقٍ كلما يذكرك يفوع=يلوعه فراق ومن تجافيك مجروحي
يضماك النهار ولك بليل الشتا يجوع=تجيبه هواجيسه ليا اطروك وتروحي
راع الراي والحكمه يقول الخطا مرجوع=لاتقضي على ما املت بك كان لي توحي

^^
صح لسانك يالزعيم والحكيم

صحيح أنك الشاعر طبيب الهوى مطبوع
على سكب حرف الشعر وأقراه من بوحي

وعساك سالم وغانم

[عبدالله الدّنّيش]

غردت ماورّدت في تالي الليل
في سجني الهادي كتبت الجدادي

لاصرت يامشكاي مشتاقه بْحيل
ايوالله ان الشوق حطم فوادي

ماحيلَتي الا جديد التماثيل
ليا حداني لـ اعذب الشعر حادي

جريت من وهج المشاعر مواويل
يصوغها فكري بسجن انفرادي

يسري بي الهاجس ودمعي هماليل
لاعدّت ماحققت غاية مرادي

^^
يا سلام عليك شاعرتنا وصح لسانك
وسلامتك من الوحدة الإنفرادية
وشكرا لكل مشاركاتك الرائعة ،،

^_^

يا ليل شوّقت الهواجيس للشّيل
خذني على شيلتْك والصوت شادي

هات الدلال الصفر والبن والهيل
وأحمس هواجيسي لبنّك قنادي

وصب قافي في صدور الفناجيل
ومدها ل. اللي بقافيه جادي

خله على المركى يبث التعاليل
يا عل يوصف ما كتب له مدادي

سليت سيف الحرف وأسرجت له خيل
وليا تعثر قلت كبوة جوادي

يا ليل تشعرني بسود المظاليل
والبدر مثل الخد والنور بادي

أسهر وأبات الليل واحط وأشيل
واقوم أهوجس في بطون النوادي

^^_^^