هنا .. سجن القوافي !! [الأرشيف] - الصفحة 92

صالح العازمي

21-11-2018, 09:04 AM

صباح الخير ياهالربع والربايع صباح الخير
الجوهره ماعليش العتب على النظر وانتي غاليه لكن الكبر شين هههههههههههههههههههههه
راع البل صح بدنك مافهمت الابيات موجهه لك وشلون بخلتبها عليك
ابو محمد هلا بك وحاضر ياريس وصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــــــــ

ياخفير السجن قبل الظهر هات الروقي=واسجنه/ طاح الحيا والعود راع نياقي
تهمته مبدع وشاعر صح/راقي ذوقي=ابدوي لكن اسلوبه بالتعامل راقي
خاطره من ما اتضح في منطقه مطروقي=طرقة شراعٍ طواه من الزعل سواقي
فيه من خالٍ على خد الخونده شوقي=وتدهر من سلهمات رموشها الاشواقي
راعدي من الرعيل اللي يصنف فوقي=انتسب للحزب الاثول في قرار الحاقي
ما يبي لي ريس القمه هنا ملفوقي=قال بك ضاق السجن يالعاصفي وش باقي
جايز انه ما اعجبه شعري ولا منطوقي=هكذا فهمت مطلوب الرفيق او هاقي

ايه هالحين عرفت السجين وأثره من حزبنا بعد ههههه
ابشر بالتسالي يالأمير
وصح لسانك يالهوواي

الناقد/عبدالله الروقي

21-11-2018, 02:47 PM

ههههه صح لسانك يامجرم هاك

نعَرْفك يالهواوي تغني جزل الألحان=ونوب ترج دلتك وتعوّد سريبه
ولاتقدر تواجه رعدنا ياكحيلان=وكل اللي معك تمرةٍ في وسط عَيبه
ياحزب العاصفه لاش نار ولاش دخان=ولاهميتنا وأنت جيب اللي تجيبه
حزيب العاصفه كلهم عجزٍ وشيبان=مغير صياح ونياح والختمه قريبه
لكن حزب الرعد فوقكم والمزن هتان=ويوم الحرب نقدر نشكل لك كتيبه

هههه صح لسانك يابو جوري ماشاء الله انتبه للحزب أنا أرجع لكم إن شاء الله في 4/4
مريت أسلم عليكم وصحت ألسنتكم جميعا عز الله حضور جميل والله يجمعكم على العز والطاعة
وتحية خاصة للسجين الراعدي محمد الروقي وأتحفنا بإبداعاتك كما كنت قبل أيام يارائع هههه

غمام

21-11-2018, 06:27 PM

الجووهره

21-11-2018, 07:34 PM

مساء الورررد
وصحت الالسن والاذوآق
شعراء وشاعرات ومتذوقين
ودام حضوركم وابداعكم
نائبنا وناقدنا هلا بك.
وبالتوفيق لك في اختباراتك
وكل امور حياتك
شعراء الرعد المبدعين
صالح العازمي ، شاعرتنا. غمام
صح لسانكم ويعطيكم العافيه

وهذا الرعد فوق فوق
فوق العلالي والبروق

هههههه

نور

21-11-2018, 07:45 PM

السلام عليكم والرحمة
صح لسانك غمام
منورين جميعا. وصحت السنتكم شعراءرواسي
جوهرة وغمام حابه اوضح لكم شي.
الرعد يعتبر جزء من العاصفة لانه نوع من انواعها
فكيف الجزء يسبق الكل هذا لو اتكلمت من الناحية
العلمية فقط .......>>>>من كتاب أنواع العواصف هههههه
انواع العاصفه رعديه ،ثلجية،رمليه ......الخ
كمان ماننسي أن البرق يسبق الرعد ياعزيزتي مايبغا لها كلام
فلاتعززوا لنفسكم كثير

أما لو حبينا نتكلم من الناحية الادبيه فأترك المجال لشعراء العاصف
وأقول عمره الجزءماسبق الكل وسلامتكم

نور

21-11-2018, 08:44 PM

اهداء لغمام
حي هالوجه يا وجه السعد
‏ريحة الغيم تشبه ريحتك
‏جيتني البارحه على الوعد
‏والمطر هل مع تلويحتك
‏ومثل ما يسبق البرق الرعد
‏إبتسامَتك تسبق صيحتك

الجووهره

21-11-2018, 09:00 PM

هلا بك نور منوووره
وصح لسآنك وتستآهل
الغاليه غمام الاهدآء

تسليييه

يوم هبّ الوقت وأعماني عجاجه
الفرج عيّا .. وأنا بالصبر راهي

ويوم مال وطال ميله وأعوجاجه
رحت أدوّر شي ٍ يشد إنتباهي

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياه ياضيقات صدري وإبتهاجه
تذكر آخر مرة ٍ شفتك ..متى هي !!

صاحبك من يومها زاد إحتياجه
وأمتطى ظهر المصايب والدواهي

سولف الليله على قلبي و ناجه
من بقى لي غيرك أفخر به وأباهي

يابعد من كدّر غيابي مزاجه
ويابعد من مرّت حروفه شفاهي

رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وقسوة سياجه
كل حاجه فيك ظلّت مثل ماهي

الخجل في وجهك أول مَ نتوآجه
والبراءه في عيونك وأنت ساهي

وبسمتك لامن بغيت تقول حاجة
وغيرتك لاشفت كنّي عنك لاهي

قبل أشوفك .. والزمن عاقد حجاجة
أسأله : وش فيك ؟! وألقى العذر واهي

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجة
القلوب البيض تبقى مثل ماهي

للشآعر العذب / فهد المسآعد

شاعرة نجد

21-11-2018, 09:39 PM

هو عاد للأعذار إيدين وكفوف !
والا فقد حتى العذر نور عينه !

كنا وكان الوقت رِبعه ومحفوف
عن كل ضيقٍ بعضنا عابرينه

لكن تعثر ضيقنا اليوم برفوف
وطاح الألم في داخل الروح طينه !

العذر منكم جميعا لكن أحيان الظروف أقوى
صحت ألسنتكم وطابت أذواقكم
وابداعكم أعجز عن تسطيره وكتابته
ومازلت أقول الرعد ماعنه ولايسبقه أحد

مرحبا الف غمام
فرحنا بتواجدك معنا وحزننا يوم غبتي
ومعذوره شاعرتنا للظروف احكام

وصح لسانك وصح بدنك
بس الرعد ماعنه كيفك,أما مايسبقه احد لاتظلمين نفسك:smile:

دام حضورك مبدعتنا
ولاعدمنا حرفك الممتع,’’

شاعرة نجد

21-11-2018, 09:50 PM

هلا نجد منوره
لاتخافين الزعيم انسجن وانا ماخليته بالاكل والتسالي هههههههههههه
هم عطونا عين اكيد لانكم اختفيتوا يالعاصفين مابه الا انا ولقيت والزعيم هههههههههههه

الـ هلا والغلا فيك مراقبتنا
ماتقصرين كرمك حاتمي لاعدمنا حضورك
وانتم الخير والبركه,’’

شاعرة نجد

21-11-2018, 10:15 PM

تسليه لـ السجين:smile:

يقولون السجين محمد الروقي واقول اهلين
منوّر سجننا المبدع وحنّا ننطر ابداعه

ويبشر بالكراامه والتسالي والقصيد الزين
وحضور وباقة زْهور وحلا والكيف بـ انواعه

لو انّه ماعرف يختار حزبه يوم حظه شين
يبي حزب الرعد بس الوعد لاعض فـ اصباعه

خيال مطير

21-11-2018, 11:38 PM

صح لسانك شاعرة نجد ,

خيال مطير

21-11-2018, 11:41 PM

أبو عبيد أشوف ألشاصات تحوم حول ألسجن ,
أطلقو . ألروقي , فكونا من شرهـ ,, صابتني أم , ألركب

لقيت روحي

22-11-2018, 12:27 AM

تسليه للسجين والضيوف الكرام

ذيب الشمال
https://www.youtube.com/watch?v=jEkyDV13cZs

ناصر الهواوي

22-11-2018, 07:57 AM

السلام وصباحكم سعيد والشر عنكم بعيد
ــــــــــــــــــــــــــــــــــــــــــــــــــ ـــــــــــــــــــــ
اهلا يابو محمد وصح لسانك
اهلا يانور اتوقع انك بنت آخي الخنساء صح لسانك
اهلا يالعازمي وصح لسانك ولا فيك حيله بس رجة الدله ما مثلها
الناقد بالتوفيق وهلابك ذاكر انا عمك لا تصقط
اهلا يالجوهره والله اني اشفق عليك من حزبك المتهالك
ارحب يالخيال هالحين وين السجين ع شان نطلقه
ارحبي ياشاعرة نجد وصح الله لسانك يالعاصفيه
غمام هلابك وصح لسانك
واهلا بالجميع مجددا
ــــــــــــــــــــــــــــــــــــــــــــــــــ ـــــــــــــــــــــــ

ناصر الهواوي

22-11-2018, 08:17 AM

على شاطي..!! حنا في قرا نجد وين البحر=لكن خلها على صياهد عريق الدسم
تخيلت عين وعنق ريمي وصدر ونحر=وحدث بين جدي بالسوالف وصدقي حسم
شفت السحر بعيوني يامن لم تشوف السحر=خد وقد لاقالو لك الجسم هذا الجسم
فراقه محر كبد المولع بزوله محر=على الكبد كف الصد في صيخه احمى الوسم

88
88
عريق الدسم نفود بين ضريه وعفيف للمعلوميه فقط

هزاع محمدالعاصمي

22-11-2018, 10:56 AM

كل الاخوان المشاركين مبدعين والله يعطيكم العافيه وشرايكم نغير السجين
ما ظني يجي ندور واحد ونسدحه والرزق على الله ههههههههههههه

سجينٍ سرى ليله مع الذود ماشفناه=يلاحي حمام الورق من حول نوقاته
عساه السلامة والحقيقه نبي شرواه=نبي وإن بدانا الليل نرددصدى اهاته
والو طالت المده بحيل الولي نلقاه =على الله يزين الوقت ونسعد بسجعاته
عسى الله يساعدطيب المد في ممشاه=يروق الزمان و يسعد بكل لحظاته

بالتوفيق للجميع

مهرة يام

22-11-2018, 12:07 PM

صباح الورد
وش في السجن صخه ههههههههههههه
صحت الالسن والاذواق مبدعين ماشاء الله
صح لسانك ياهزاع يالجزل
تم التنسيق

ناصر الهواوي

22-11-2018, 12:15 PM

اهلا يابو محمد وصح لسانك واراي رايك اكفله ودور غيره
(شطحة القايله)هديه للجميع

حاولت من عام اكتم السر وانباح=ولي عذر من صبري بقلبي تباريح
تحيط فيه العوج واتهبه رياح=ماضيه واتهزه كما هزت الريح
غصنٍ براس سناف للريح ملواح=مرت عواتيها به اتقلع الشيح
هادنت لكن مزنةٍ برقها لاح=وطرا عليِّ غروٍ عيونه ذوابيح
وبيضٍ تلامع كنها الول وضاح=يضفي عليهن ملثمه مزح وايطيح
لقيت روحي لو تمعن بهن صاح=ولو عرِّضت للعازمي جاكم ايصيح
ولو الشليخي واقف وشافها طاح=وخفيرنا ماله بهذي مطاميح
نصف المعنى عام الاول لها راح=ونصفه عطيته كريستيان وتسابيح

ناصر الهواوي

22-11-2018, 12:21 PM

اهلا يالمهره هذا طبعنا يصير فينا فترة وجوم ونصحصح ههههههههههههههههههههه
الله يعقلهم/ن
ــــــــــــــــــــــــــــــــــــــــــــــــــ ـــــــــــــــــــــــــــــ
لي عوده ان شاء الله

الجووهره

22-11-2018, 12:52 PM

مساء الخيرات والمسرات
شعراء وشاعرات ومتذوقين
وصحت الالسن والأذوآق
ودآم حضووركم وابدااعكم.

شاعرنا الهوآوي
صح لسآنك وحزبي يجون ان شاء الله كل واحد وظرووفه
ومثل ماتفضلت و قلت الموضوع مفتوح للجمييع
اللي يجي الله يحييه واللي يروح بسلاامته ههههههه

الجووهره

22-11-2018, 12:58 PM

تسليه للسجين والضيوف الكرام

ذيب الشمال
https://www.youtube.com/watch?v=jekydv13czs

روووووعه
يسلم ذوقك لقيت روحي

الجووهره

22-11-2018, 02:37 PM

تسالي الظهريه الخميسيه
ههههههه

اسهـل مفـاتيح الـقلـوب ابتسامـه
واترك عيوب الناس وتموت راضي
والصمت في بعض المواقف كرامه
وقـد قيـل ثلثين السعـاده تغـاضـي.

.......

النفوس الوافية رغم المصاعب ماتميل
و السماء كثر السحب مايغطي نورها

الوافي لاجل الوفاء مايذله مستحيل
والثقة بالنفس حصن القلوب وسورها

......

يمـوت حـرف الشعـر بأطراف الكفوف
واعــذب التعـبــيــر بالفكـر اســتجــن

منــك يغــار الورد لو حــولـه تطــوف
يا زينــة الأوصــاف والوجــه الحـسـن

......

لولا الظنون الطيبه مات الاحساس

ولو لا التسامح بالحياه انقرضنا ٰ

ولولا الامل تهنا على سكة الياس

ولولا مخاسيـــر الزمن ما اتعضنا

.....

‏نخفـي الولـه*وقلوبنـا كلها شـوق
وعيونـنـا تفضـح غـرامـاً خفينـاه
.
نكتب مشاعرنـا تحت*راية الذوق
والحرف من جوف الحنايا نزعناه

......

خيال مطير

22-11-2018, 02:57 PM

يالجوهره

ناصر الهواوي

22-11-2018, 06:43 PM

اهلا يالجوهره انا ماقلت شي حزبك وغيرهم حضورهم بالقطاره
اعقل يالخيال

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

صوت الرعد صوت دقات الشقي تشبه ترزمك=وتبرق عيوني ترامش مثل ماتبرق مزونك
ياعابد الصمت كفرك فيه بمجرد تكلمك=ووعلامة انك من سكوتك تتوب ابلج سنونك
لو تلهم الحجه لقلبٍ امدانٍ في محاكمك=لا لا تكلم يكفي لو تغومز في عيونك
يبي السلامه وخايف منك جعل الله يسلمك=عليه عاونت دهره بعد ماهو كان عونك
لو بس تعطيه فرصه تسمعه يمكن يفهمك=انا شبه واثق ليا اصغيت له تكثر غبونك
من ماله آلت ظروفه هالقريد اللي منادمك=لو ماتسويه به سواه بك ثارت جنونك
كثر التغلي وتسويف الوعد والهجر والنمك=اقل ما جاه منك وخل ربعك ينفعونك

الجووهره

22-11-2018, 09:24 PM

مساء الخير
وصح لسآنك شآعرنا الهوآوي
وأنا أقصد نفس كلامك لما رديت على هزاع

{ابو محمد من جانا وشاركنا هلابه ومن راح مايشوف شر }

ويعطيك العافيه ودام حضورك وابدآعك.

غمام

22-11-2018, 09:59 PM

على كثر القصيد اللي تعبني أكتبه وأقراه
عجزت أصيغ لي بيتٍ يهندم غربة غيابه !

من أول هالرصيف اللي ملاه من الألم مجراه
إلى آخر دروبٍ مات فيها الحزن وأحبابه !

ألملم من تفاصيلك حياة وهالشرود أغراه !
بقايا من رماد الأمس نفت بعضك عن أبوابه !

ناصر الهواوي

22-11-2018, 10:18 PM

ياخفير السجن فك المعتقل خله يغادر=وشكله مغادر طبيعي بالكلبش وفي قيوده
اشهد ان محمد الروقي من الشعار نادر=وانشغل بشمالة القودا وفي هجرة قعوده
وجب غمام مكلبشه والامر من ساعات صادر=ما يبي له شرح والتقرير كاملةٍ بنوده
جرمها ان هجوسها للشرد والصعبات قادر=ماتشح بمدها لكننا نبغى تزوده
خل كل رويعده ورويعدي يجيك هادر=كان بالحزب المولي للحميا فيه عوده
الرواعد والجروم كبار والتفكير سادر=وكل شمطا راعده في كبر كشتها محسوده

الجووهره

22-11-2018, 10:28 PM

ياهلا بك غمامتنا الراعديه الجميله والرآئعه
وصح لسآنك مليووون ويعطيك العآفيه

‏مايشرح الوقت متعلم ولا جاهل
‏دروس الايام تشرحها تجاربها .

...

حاول تميز في طبوعك و تختار
احلى الطبوع اللي لها قدر وثمن
ثلاث تجعل لك مع الناس مقدار
اسلوبك وطيبك والخلق الحسن

......

تواعدنا ، تعودنا ، توادعنا ، تباعدنا
‏حروف البيت تتشابه ولكن يفرق المعنى . .

لقيت روحي

22-11-2018, 10:29 PM

روووووعه
يسلم ذوقك لقيت روحي

شكرا لك على الاطراء يا جوهرتنا القديره

والفديو اللي اقتبستيه مو شغال

حطيته لك مره ثانيه

في صور مختلفه ومونتاج مختلف

https://www.youtube.com/watch?v=zIIjFrCJSl0

غمام

22-11-2018, 10:30 PM

أحسبكم بتسوون لي حفله وعزيمة
رجعت أصحح لي شطر ولقيتني مكلبشه
السكوت حكمة أجل كشتها !
الله يجازي عدوك

/

يالهواوي دام هالدنيا رخصية
ليه مانسجن خفير السجن مره !

يمكن يصحح من أوضاعٍ تعيسة
مرته في السجن والعبرة مجره !

لقيت روحي

22-11-2018, 10:32 PM

::::::::::::::::::::::::

الجووهره

22-11-2018, 10:34 PM

لقيت روحي

22-11-2018, 10:39 PM

تسليه جديده للسجين والزوار الكرام

يادافي الصوت صوتك من دفا الجنه :::: جفلت برد الشمال بصوتك الدافي

https://www.youtube.com/watch?v=ZiuWKQujogY

الجووهره

22-11-2018, 10:44 PM

وأول تسلايه واهداء للجميله غمآم

وش هالجمال اللي عن الكل زاهيك ؟ ..
وسحر الدلال اللي غدى فيك فطري

كن النعومة ساكنة كلها فيك ..
وغصن الطفولة فيك غضٍّ وعذري

ماخلْق من يشبه لطلّة معاليك ..
ياللي سكنتي بين روحي وفكري

الجووهره

22-11-2018, 10:57 PM

هلا بك لقيت روحي منووور.
يعطيك العافيه ماقصرت
مبدع ومميز في اختيآرك
و يسلم ذووقك

غمام

22-11-2018, 11:03 PM

صح لسانك يالهواوي
اعترف ان فيه ذم بمعنى المدح : )
يامال العافية لقيت والجوهرة صحت أذواقكم

/

مالي عن ضلوع السماء أي عازه
متوسطه في داخل ضلوعها نجوم

إيه انتبه .. فينا الرعد .. واعتزازه
للوسم ميقات وندى كفوفه غيوم
/

وهاتو التسالي
يمكن الوقت بيطول
الليل بعثر بالسواليف شوقي !

لقيت روحي

22-11-2018, 11:04 PM

هلابك اكثر جوهرتنا

ما عندي انما هو قطره في بحر ابداع شخصك الكريم انتي وبقية الحضور الكرام من شعراء وشاعرات منتدانا الجميل

تقديري لك

الجووهره

23-11-2018, 02:17 AM

تسلية آخر الليل هههههه
لجميلتنا غمآم
وللجميييع

https://www.youtube.com/watch?v=mYeqnvVK2DA

لقيت روحي

23-11-2018, 03:25 AM

http://www.mexat.com/vb/images-cache/a/e/6/9/6/a/b/ae696ab8331a1ca84f05d584e068f72d.gif

قررت اخطف اللي بالسجن وبكره ارجعه لكم

ابغيه يكشت بهالويكند

هزاع محمدالعاصمي

23-11-2018, 09:19 AM

ناصر الهواوي

23-11-2018, 01:46 PM

خيال مطير

23-11-2018, 01:55 PM

صح لسانك يابو عبيد , صح لسانك يابو محمد, ,,,
صحيح انا مأعرف , وش أللي يدور بينكم, وألا أعرف الاحزاب ,
بس أشوف السجن أليوم , معطر , ريحة عود .. وفطاير , وحركات , .أشوف الزوار كلهم حريم ..
يالله أرزق ألخفير , برزقه ,

خيال مطير

23-11-2018, 02:00 PM

شطحه من ألخفير

حنيت إنا .. حنة هزيل الجمالا
ينقض ردي الخيل .. قد حسه الفرق
ويا قلته .. في عاليات الجبالا
ماها قراح .. مير من دونها غرق
ماعاد للصبيان .. فيها احتمالا
من كود مرقاها يديهم .. غدن طرق
قالوا تتوب من الهوى .. قلت لا لا
إلا إن تتوب .. ارماح علوى عن الزرق
قالوا تتوب من الهوى .. قلت لا لا
إلا إن يتوبون .. الحناشل عن السرق
قالوا تتوب من الهوى .. قلت لا لا
إلا إن تتوب الشمس .. عن مطلع الشرق

خيال مطير

23-11-2018, 02:33 PM

شطحه من ألخفيرألاقشر

لزمـــان اللي مــلا جــــوع الذ يابه
لاضــــواه الـلـــيل قــام يغيــــض ذيبـــي
لعنبــو حــــظٍ ينــفـّــض لـــــــي ثيابه
بين حقــــد الحاقــدين وبيــــن طيــبــــــي
مــن غــدى وجـــه المبادي ليل غابه
قـلت عـند الكذ ب الابيض صد ق شيبي
واقــعــي خــوان واحــلامي نــــهــــابه
وين اود يــها لـيـا خــــّونت جـــــــــيبي ؟
واعــسى صــبرٍ مــغاتيره زهابه
فـــي مجاهيم الصــحيح القـــى ذهـيبي
عــلــمـوا ذ ل ٍ يبــــي راس المـــــهابه
لااصــهلت خــيل الشــهامة وش يبي بي ؟
طـــول عـمر المــــجد ما صكــيت بابه
.خــــافــقي ضــيفان وذ راعي نــد يبـــي
جعــل بـّراق ٍ بكـــت منـــه الســــــحابه
تشـــربه عــينـــي ويضــحك له نصــيبي
كـــل عـــرق ٍ حي حـــبلٍ للــــقــــــرابه
وكــل د لـــو ٍ يـمتــلي يســقي صــــحيبي
الصــداقــة ســيــف وضلوعي جــــرابه
لا رفــعــته باليــــقــين يطــــيــح ريبــــي
والوفـــــا نـــجـــم ٍ يكـــد رني غـــــيابه
يـــوم شــفـت الشــمـس د ونه قلت: غـيبي
اخـــتلـــفــت عــن الــد روب اللــي تشابه
لــي طــريقٍ لاســـريته يحــــتفــــــي بــي
مــا ســألت اللـــي تعـــثر فــــي جـــوابه
جــيت عـيب الصـد ق لاجــل اصد ق بعيبي

طلال صالح العتيبي

مهرة يام

23-11-2018, 03:27 PM

مساء الورد
صح لسانك ياهزاع
صح لسان ابو عبيد
صح لسانك ياغمام
صح ذووقك يالجوهره
صح ذووقك ياخيال
مبدعين الله لايضركم

مهرة يام

23-11-2018, 03:44 PM

حياك للغداء ياغمام الراعديه وحياك ياخفير السجن للغداء ههههههههههههههه
من حزب الكرك حزب العاصفه هههههههه

https://d2s63a22uzwg40.cloudfront.net/PE/2011/04/15/06/9e8elixw27bqpbsum4rj-1.jpg
https://i.ytimg.com/vi/UQrLrzo_fC8/maxresdefault.jpg

https://1.bp.blogspot.com/_FM0lSYcV1W0/S9XQzp1_mHI/AAAAAAAABrs/AinKeUP6FWI/s1600/20070502054.jpg

https://encrypted-tbn0.gstatic.com/images?q=tbn:ANd9GcST-CkRPygCM3fJfRbvBumLoL5PdCmZ3HYiXsP7v9aDuP7lvrmv
https://i63.servimg.com/u/f63/11/73/61/74/pincte59.jpg

ناصر الهواوي

23-11-2018, 07:07 PM

وش خليتي يالمهره للافاضل من الكرم ههههههههههههههههههههه
تسلم يالخيال وهذاك معزوم على هالحكره/ من قدك؟؟!!
الله يمسي الجميع بالخيرات والمسرات
ــــــــــــــــــــــــــــــــــــــــــــــــــ ــــــــــــــــــــــــــــــ

كيف حال السجينه ياخفير السجن=لقسمها لاتهوب تزعم انك خفير
بالقسم عاملات ازهم عليهن يجن=اترك البهلوانيه وعنها استخير
نوح ورق النخل حرك بهجسي شجن=ليه عصفورهن ماحركه بالصفير
حسبي الله على الورقا بغيت استجن=لو فطنت لهدفها قلت لا لا تطير
كان للود روض وللتواصل هجن=والرياض اجدبت والهجن صارن فطير
كلما للدماغ الذكريات اسهجن=واشعر القلب فيهن صار رجفه خطير

غمام

23-11-2018, 07:16 PM

السلام عليكم ..الله يصبكم بالخير ...ناصر ...لقيت ...الجوهر ...غمام...والمتواجدين
وشتبي بغام يوم تسجنها ضاقت عليك ماحصلت لاهي ..الرواعد واجد الله يهديك

على العموم الوعد قدام = ياساجن الترف وش علمك
وش للغضي بالسجن ينضام= الغدر ماهوب من سلمك
حزبٍ تهالك غشاه احيام = كيف الرواعد رضوا ظلمك
لوهي معي غير اصير حزام = من دونها قصاك والمك
غمام مافي الرعد ضرغام = يذود يابنت عن حلمك

الدعوه امزوح لاتجون كلكم هم احوسكم هههههه
وسلامتكم

يامال العافية علمك غانم يابن العم وعساك ع القوة

وابشرك اني بخير وبعض الأحزاب غدابهم السيل الله يدفع البلاء
وابارك للجميع بالخير والمطر
الله يجعلها سقيا خير ورحمة

غمام

23-11-2018, 07:34 PM

خيال طيّب الله حالك وفالك انتقاءات جميلة
صح لسانك يالهواوي مافيك حيلة
ودي أرد بس الأجواء زحمة وأمطار لي عودة إن شاء الله
مهرة يامال السعادة جاد الله عليك وأكرمك دنيا وآخرة

/

ياوجودي لقلبٍ ضام قلبه حزن
مال به وقته وهو في زمانه كبير

ماتولع فؤاده بس فيه استكن
شوق ديرة قديمة يلتحفها العبير

مرها الغيم مرّه واحتبسه الشجن
لين بانت غصون الزهر تستدير

خيال مطير

23-11-2018, 07:50 PM

https://www.r111n.com/image.php?u=1900&dateline=1539688884
يالبى عيونك ,
ابك ألزين طاغيك ,
لا وبعد شاعره ,
ياشيب عيني , شيباه

صح لسانك ,

هزاع محمدالعاصمي

23-11-2018, 08:15 PM

لقيت روحي

23-11-2018, 08:54 PM

مساكم سيول وامطار والبارح صواعق تخرع الله يستر على المسلمين يقول عبيد صاعقه البارح قتلت ناقتين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

من هو تقضى من بضايع فتافيت=يذكر وانا ما اذكر بعمري دخلته
قالوا ترا ماله وصايف يابلفيت=ولو كلش اقبل قولهم ما قبلته
هذي طلاسم وابتدا الجد في بيت=وانا بعز النوم غافي نضمته
قالت نسيت او اعتبرني تناسيت=ذي كذبتي بيضا عكس مافهمته
الا انك استخدمت عله وياليت=ولك استجبت وما طلبته عملته
قلت استريحي تستريح العفاريت=ويرتاح خفاقٍ رموشك هبلته
وابشرك طبت وسلمت وتعافيت=وفنجال اموت بهالنواعس شربته

صح لسانك يا ناصر

مبدع بقوه

عز الله انك يا الهواوي تبـــــليت = واللي دخل بلفيت بيدك بلفته
كفيت يا ذيب العواصف وفيت = كم حزب قوما في يمينك عصفته
وحزب الرعد هاللي مسوي لهم صيت = ابداعهم في بيت واحد نسفته
ويوم انت لحجاجك من الطيب فليت = انا جذبني رمشــــــــها اللي وصفته
امشي على حروة غلاها ولا جيت =ادنى طرف حد الرضا يوم شفته
حتى بذلت لكل جهد وتساويت =واقصى رضاها توني ما عرفته
وشكلي انا بغابة هلافي تهلفيت=: ياربي وشو ذنبي اللي اقترفته
مشيت بشارعهم واقبلت واقفيت = ولو بيدي بالطوب المذهب رصفته
وسلم على اللي شفتها بسوق بلفيت= اوهو فتافيت الذي قد وصفته
[/quote]

محمد الروقي

23-11-2018, 09:10 PM

يارجم يالي كل يوم نمرك
اذكر ليا عديتبك ذكرياتي
لقيت في صفحك حلاتك ومرك
اتبع مميل الفي لعل ياتي
ياكثر بقلوب المواليف شرك
ماباقي الا فوق راسك مباتي

ناصر الهواوي

23-11-2018, 09:40 PM

اهلا يالروقي عودا حميدا لاسلام ولا علام
بس هالايام بروق ورعود يقولون مالها كبد على الاماكن المرتفعه لاعاد تعدي الرجوم

ناصر الهواوي

23-11-2018, 09:43 PM

اهلا يا غمام وصح لسانك وبدنك
ارحب يالقيت روحي ولا عليك زود ومجاراه احرقت ما قبلها صح الله لسانك يالقرم
اهلا يابو محمد وصح لسانك ولاهنت
الخيال ما قلت لك الزم العقل هههههههههههههههههههههههه
اهلا يالمهره

ريم الفلا

23-11-2018, 09:58 PM

السلام عليكم

شحااالكمم

غمام منورة السجن

الهواوي صاير يقول مفردات تمووت ضحك لكن
ماعليه يالعاصفي غن واطربنا

خــل كـــل رويـعــده ورويـعــدي يـجـيـك هـــادر
كــان بالـحـزب الـمـولـي للحـمـيـا فـيــه عـــوده

الـرواعــد والــجــروم كــبــار والتـفـكـيـر ســــادر
وكل شمطا راعده في كبر كشتها محسوده

هههههه

ههههههه

لقيت روحي

23-11-2018, 10:08 PM

مهرة يام

23-11-2018, 11:24 PM

صح لسانك يالعاصفيين
مجاراه رائعه
لاهنتوا
هزاع
الروقي
غمام
صحت السنتكم يالجزلين
ريومه ههههههههههههههه
صح لسانك يامبدعه

ريم الفلا

23-11-2018, 11:55 PM

ههههه ترا البيتين للهواوي
اقتبستها اعجبتني على انها مسبهه للرعد

ريم الفلا

23-11-2018, 11:56 PM

الجووهره

24-11-2018, 12:17 AM

سلاااااام عليييكم
منووورين جميعاااا
وصحت الالسن والاذوآق
ودآم حضوركم وابداعكم

صح لسآنك ريوووووم وقول وفعل
ودآم حضوورك وابداااعك

الجووهره

24-11-2018, 12:21 AM

تسليه. خاصه للراعديه غمام

سلام للي ذكرها يرفع الراس
‏بنت الرجال اهل العلوم الغنيمه

‏شيخه لها هيبه من الساس للراس
‏واذا حكت حكمه وهيبه وشيمه

ريم الفلا

24-11-2018, 12:22 AM

https://youtu.be/F0-7t7FIWEM

الجووهره

24-11-2018, 12:42 AM

تسليه عآمه
ههههه

لو كل ّ عطشان لاشاف السحابه شرب ْ
. . . . ماشفت روح الشموخ تموت عطشانه ..!!

ولو كل مشتاق يقطف من غلاه العنب ْ
. . . . ماشفت ْ أرض الوله ..بالضيق مليانه ..!!

......

يموت حلم وينخلق حلم غيره
مآتوقف آلدنيآ على موت آلآحلآم

عيش آلحيآه ، وفضّهآ آليوم سيره
آلعمر ( مره ) وآلتوآفيق قدآم

........

قل للعيون اللي شكت بعد الأحباب
وقل للدموع اللي من الشوق هلت

وقل للشعور اللي من الهم منصاب
وقل للجروح اللي بالاحساس حلت

وقل للخفوق اللي عجز عنه الأطباب
ترى المشاعر من عنا البعد "ملت"

.......

بك من جمال الورد معنى و تصويــــر..

لو يلتقيك الورد يعلـــــن ولاءه..

ماللحلى بعْدك ترى أي تفســـير..

غير إن فيك من الحلى كبريــاءه

الجووهره

24-11-2018, 07:51 AM

صبآحكم فل وياسمين
ويومكم جميل مثلكم
تسليه صباحيه
للسجينه الجميله غمآم

قم ياعسل بشر الصبح بالخير
وش هو صباح الخير لاصرت نايم

إنت الصباح اللي يسوق التباشير
من طلتـگ نلقى الهنا والغنايم

ناصر الهواوي

24-11-2018, 11:00 AM

ياصبح الزنجبيل وغيره
ـــــــــــــــــــــــــــــــــــ
والله ياريم جيتكم مع كل الاوجه المضحكه والمبكيه والمرضيه والمزعله ولا قدرت احرك ساكن
يبدو لي ان الجميع صاروا من كبار الشيوخ ولا بقي صغيِّر غيري الله المستعان ههههههههههههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــه

غريب صوتك ما انت مثل العصافير=يطرب له السامع وينساح خاطر
لك اتقرب باستمع زين واتطير=لك حق باغلى شي ما انتا مخاطر
لك الامان بذمتي يالعصيفير=ما اوذيك ما هلهل من المزن ماطر
يامرحبا وان رحت جعله مسافير=من الندى دوك العسيب ايتقاطر
ان اجنبت بك رحلتك يمة الخير=وشكلك فهيم ومكلماني وشاطر
ومريت من لجله نسوق التباشير=سلم عليه وقل لك الصب ناطر

ناصر الهواوي

24-11-2018, 11:13 AM

وين احلت بهجمتك يالروقي=حاكنا لو انت في مرقابك
وكان تبي اهريفي ومرقوقي=للنخل يالذيب حث ركابك
صاحبك في نجد دون الطوقي=براس عسعس لو تصيح اجابك
مهيله ومن اطيب المنشوقي=وتكسب اجر مواصلك لحبابك

حمد الحربي

24-11-2018, 11:38 AM

ليه اشارك في مسابقة القصيد
الثناء لله ما هو للبشر

الشعر موجود شعرٍ من حديد
يرضي القسمين في خيرٍ و شر

مهتوينه ما نتاجر بالنشيد
و لا نبيعه لا بخمس و لا عشر

و الدراهم نحمد الله فالرصيد
تا تكفينا قبل يوم الحشر

ان فضينا له بدا علم جديد
و ان سلينا ما نبي حقوق النشر

الله الله صح بسانك ياريم عزالله مانبي حقوق النشر 😂😂

واسعد الله اوقاتكم بكل خير جميعا

ناصر الهواوي

24-11-2018, 01:01 PM

نصف الميه خمسين هالحين صارت=وخمسينتين من اول اتصير ميه
ياللي تحياته ابت واستخارت=ترا سلامك سنه محمديه

غمام

24-11-2018, 01:44 PM

خيال
هزاع
لقيت
محمد
الهواوي
ريم
مهرة
الجوهرة
حمد

صحت ألسنتكم وأبدانكم وأذواقكم
جعل أعماركم طويلة في عافية
حضور مترف بالجمال والإبداع

ريم الفلا

24-11-2018, 01:49 PM

الله الله صح بسانك ياريم عزالله مانبي حقوق النشر 😂😂

واسعد الله اوقاتكم بكل خير جميعا

هلا ياحمد عودا حميدا
وصح لسانك ولاهنت

وفاقدين ابداعك شاعرنا

غمام

24-11-2018, 02:06 PM

السلام عليكم ورحمة الله وبركاتة عساكم على القوه تسيلة للسجينه

غمام ليل القاصيد زان = وين القصايد وراعيها
نوحي بصوتك على ما بان=جودي بالالحان وسريها
مثل الحمامه على الأغصان=لاجرت الصوت لاحيها
اطيب لامن سمعت الحان= والروح تذكر غواليها

صح لسانك يالعاصمي وجعل عمرك طويل
حاولت أجاريك إلا إن الشعر أخذني بعيد حيث يريد
/

الصمت هذا شتاته حان
والناس غربال يشريها

بعض القصايد كما الألوان
ألحان غربة تغنيها

والبعض الآخر دمع وأشجان
عبرة تخالف مباديها

والبعض عزفٍ على الألحان
فرحة مشاعر تغنيها

غمام

24-11-2018, 02:09 PM

صح لسانك يا ناصر

مبدع بقوه

عز الله انك يا الهواوي تبـــــليت = واللي دخل بلفيت بيدك بلفته
كفيت يا ذيب العواصف وفيت = كم حزب قوما في يمينك عصفته
وحزب الرعد هاللي مسوي لهم صيت = ابداعهم في بيت واحد نسفته
ويوم انت لحجاجك من الطيب فليت = انا جذبني رمشــــــــها اللي وصفته
امشي على حروة غلاها ولا جيت =ادنى طرف حد الرضا يوم شفته
حتى بذلت لكل جهد وتساويت =واقصى رضاها توني ما عرفته
وشكلي انا بغابة هلافي تهلفيت=: ياربي وشو ذنبي اللي اقترفته
مشيت بشارعهم واقبلت واقفيت = ولو بيدي بالطوب المذهب رصفته
وسلم على اللي شفتها بسوق بلفيت= اوهو فتافيت الذي قد وصفته
[/quote]

ابداع تبارك الله
صح لسانك
وليتك حاذف بيت كان اكتمل الجمال
لكن وش نقول يالرواعد
السكوت أحيان في المعنى جُمل !

غمام

24-11-2018, 02:13 PM

ليه اشارك في مسابقة القصيد
الثناء لله ما هو للبشر

الشعر موجود شعرٍ من حديد
يرضي القسمين في خيرٍ و شر

مهتوينه ما نتاجر بالنشيد
و لا نبيعه لا بخمس و لا عشر

و الدراهم نحمد الله فالرصيد
تا تكفينا قبل يوم الحشر

ان فضينا له بدا علم جديد
و ان سلينا ما نبي حقوق النشر

يسلم قلبك وصح لسانك ملايين

من زمان أقراني بشعرٍ عنيد
ماعرفته في تفاصيل البشر

كنت أظن الشعر أوراق وبريد
لين شفته في تفاصيل العمر

من يظن الشعر أبيات ونشيد
ماعرف احساس نظمه في شطر

غمام

24-11-2018, 02:40 PM

يالهواوي كان في صمتك بقايا مارد
ازهمه خله يبين شرهته وقيوده

السكوت اليوم في حزب العواصف وارد
اختلف ميزانهم بعد المطر ورعوده

وين عاد ديارهم من بعد سيل شارد
روحو وأكثر مراويح العرب مجحوده

خيال مطير

24-11-2018, 03:13 PM

صح لسانك ,, غمام

خيال مطير

24-11-2018, 03:23 PM

المشكله لاجات شاعره وحلوه ومزيونه ,, صدقوني يجماعه محدِِ يجاريها
القاضي لاشافها من زينها تبرق عيونه ,, قال عطوني ملفها والله يجازيها

رحيل

24-11-2018, 05:34 PM

السلام عليكم ورحمة
الله يسعد مساكم

صحت السنتكم ي اهل السجن (:

هزاع محمدالعاصمي

24-11-2018, 05:53 PM

سلام عليكم ورحمة الله وبركاتة مساء الخير على الجميع تسلية للسجينه
والجميع وعساكم على القوه

انا منوين ماسافر يقابلني كثير احزان=وبعد الصاحب الغالي بقلبي زود مصيبه
نداري دمعنا الحادر نخفي لوعة الهجران=وفقدك لقرب الخلان بربي ياهي تعيبه
عيونٍ ساهره هامت بدمعتها مع الاشجان=وترقب في الخفاء طيفٍ عسى الأقدار ترميبه
اماني ترقص بلهفة تموت بغيبة الخلان=غياب الخل متعبني وجدٍ حالي صعيبه
نغيب وغابت الدنيا بغالي والزمن خوان=قتل فرحة ذرف دمعه زمان الغدر وشليبه
تعاهدنا على جمع القلوب بساحة الوجدان=وفرقنا الزمان اللي مقصر في مواجيبه
عسى حلو الزمن ياتي حقوق وماطرٍ ودان=يفيظ في صدور اللي شكت بعده وتجنيبه
وتسعد به قلوبٍ تشتكي حر الضما أزمان=من المنشا صدوق الوبل صامل في مناديبه

وسلامة الجميع
إن حصل تنسيق ماهي بشينه

مهرة يام

24-11-2018, 06:15 PM

سلام عليكم ورحمة الله وبركاتة مساء الخير على الجميع تسلية للسجينه
والجميع وعساكم على القوه

انا منوين ماسافر يقابلني كثير احزان=وبعد الصاحب الغالي بقلبي زود مصيبه
نداري دمعنا الحادر نخفي لوعة الهجران=وفقدك لقرب الخلان بربي ياهي تعيبه
عيونٍ ساهره هامت بدمعتها مع الاشجان=وترقب في الخفاء طيفٍ عسى الأقدار ترميبه
اماني ترقص بلهفة تموت بغيبة الخلان=غياب الخل متعبني وجدٍ حالي صعيبه
نغيب وغابت الدنيا بغالي والزمن خوان=قتل فرحة ذرف دمعه زمان الغدر وشليبه
تعاهدنا على جمع القلوب بساحة الوجدان=وفرقنا الزمان اللي مقصر في مواجيبه
عسى حلو الزمن ياتي حقوق وماطرٍ ودان=يفيظ في صدور اللي شكت بعده وتجنيبه

وسلامة الجميع
إن حصل تنسيق ماهي بشينه

صح لسانك ياهزاع يالجزل
تم التنسيق

مهرة يام

24-11-2018, 06:16 PM

مساء الورد يااهل السجن
صح لسانك ياغمام مبدعه
هلا ياحمد الحربي منور يالعاصفي
هلا ريم وصح لسانك يالغلا
الجوهره
وخيال
صحت الاذواق
وين ابو عبيد اليوم ماله حس ههههههههه

ناصر الهواوي

24-11-2018, 06:37 PM

مساء الخير ع الجميع
الخيال القصيد الجزل يجارونه لوهو من الهواوي ههههههههههههههههههههه

مرحبا بك يالسجينه ما بدا عطارد=وماتغنا خل في رمش الغلا وخدوده
كان هذا صمت جسم الحكي جاله صارد=والوطا ممطور يمكن حس له ببروده
مارد هجوسي لريشه يالغمامه فارد=اشهد ان اللي تعرض مارده مقروده
بصي ايمين وشمالك كم حزيب نطارد=وكم عطينا من حزيب خروجه بلا عوده

ناصر الهواوي

24-11-2018, 06:55 PM

هلا يالعاصمي واللي تخفا من حنينك بان=كذا الايام نوب تجاملك وتعاندك نوبه
اجل ماشفت وش صارت دمشق وعاصمة لبنان=وحضارات اعلنت عقب الرفاهيات منكوبه
عليها ما جرى يجري على الاحباب والخلان=انا اراها شراكٍ للبشر بالارض منصوبه
وانا ادري لو تصبر عن هوى مدعوجة الاعيان=تجزيك العيون وقلبك المكلوم واندوبه
ما اجازف بالسوالف قد جريت بذلك الميدان=وبعد جلدي بسوطه قال قل ياربي التوبه
وهالمضمار اعرف ويعرفه من عادنا ورعان=لو تغطي عيوني بالشمع دليتك دروبه

ناصر الهواوي

24-11-2018, 07:14 PM

اتطول الغيبه رحيل وتمري=وتقول في مراتها يا مسا الخير
كانت حبيبه وضعاها مستقري=وهالحين اشوف اوضاعها صايره غير
لوهي على ذيك النكت تستمري=اللي بها نطعم حليب المصاغير
بالعاصفه يابنت اخوي استقري=خليك امينة سر شعر الهوامير
اللي لعكفان الشوارب نفري=ونقضب كشش هالشمط بالكف واندير

رحيل

24-11-2018, 07:22 PM

:unsure:
حتى السلام محد رده :whack:

.....

ابو محمد وعليكم السلام ورحمة الله
صح لسانك ابو عبيد صح لسانك

مهره مساء النور

رحيل

24-11-2018, 07:26 PM

هههههههههههههههههههههههه صح لسانك يا ابو عبيد
تدري تم ههههههههههههههههه ورحيل بغيره ):

ناصر الهواوي

24-11-2018, 09:56 PM

غمام

24-11-2018, 11:10 PM

حياكم الله جميع
خيال ... الشاعرة معها مشعاب
صح لسانك يالعاصمي
صح لسانك يالهواوي
وحيا الله الجميع
وبهذه المناسبة حبيت أهني العواصف برحيل
الله يعينك يارحيل
والتهنئة عامة للجميع سبحان الله كل الأمور الطيبة ماتجي الا في عهدي اذا سجنت
حياك الله رحيل باجهز المكان لك من بعدي

وللجميع صادق الدعوات من القلب
الله يسعدكم

غمام

24-11-2018, 11:11 PM

حتى التسالي معاد شفناها لا غدا ولا عشاء > ياكبر شرهتي عليكم

يالله .. الله يسوق الخير

رحيل

24-11-2018, 11:17 PM

صح لسانك يابو عبيد قصدي زعيمنا (:

تسلمين غمام

افااا ابشري
بالعشاء والتسالي (:

الجووهره

24-11-2018, 11:22 PM

سلاااام عليكم
هلا بالجميييع
منووورين
ومبروك للعاصفه انضمام رحوله لكم
وبكره تندم ياقميييييل ههههههه

رحيل

24-11-2018, 11:29 PM

وعليكم السلام ورحمة الله
ارحبي جوجو الله يبارك فيك
ههههههههههههههه لا من هالناحية مطمنة (؛

https://a.top4top.net/p_10584mzzt0.jpeg (https://up.top4top.net/)

https://f.top4top.net/p_10587dtg40.jpeg (https://up.top4top.net/)

تفضلي شاعرتنا (:

غمام

24-11-2018, 11:51 PM

يامال السعادة يارحيل
والوكاد مايصح الا الصحيح : )
أتوقع يكشتون وينسونك
ومهره شكلها مشغوله عنك
يعني راحت عليك يالله الحمد لله على كل حال
ياعمري يارحيل ازهمينا لو احتجتي شيء انقاذ او مساعدة

رحيل

25-11-2018, 12:00 AM

ههههههههههه ابتس العلم وشهو
انا جايبة لتس العشاء والقهوة هههههههههههههههههه
يعني انا بالسجن الحين ):

غمام

25-11-2018, 12:16 AM

لا باقي مابعد مليت من السجن
اذا مليت كفلت نفسي والخفير مايقصر يحطك مكاني
تسلمين ويامال العز ماقصرتي أكرمك الله

نور

25-11-2018, 12:19 AM

مسليات للسجينة
واهلا يارحيل في حزب العاصفه
https://c.top4top.net/p_10589gt1f0.jpeg (https://up.top4top.net/)
https://d.top4top.net/p_1058qrsdf1.jpeg (https://up.top4top.net/)

نور

25-11-2018, 12:25 AM

كلْ ماأغني يختنق صوت عصفور
‏وكل ماسكت تْموت فيني أغاني!

‏وكل مامكاني يجْفي اصابع النور
‏أشعل اصابيعي وأجفى مكاني..!

https://b.top4top.net/p_1058w38zp0.jpeg (https://up.top4top.net/)

عزمت اسوي لحبنا عيد ميلاد
‏معك أحتفل حتى ولو ماشوفك

‏ان كنت فـ بلاد وأنا كنت فـ بلاد
‏أشعل أصابيعي شموع لطيوفك

رحيل

25-11-2018, 12:28 AM

اهااا الحمدلله
الله يبعد بالملل هههههههههههههه
ومن ناحية الحزب انا متاكده ماراح يخلوني (؛

نور هلابك اكثر

خيال مطير

25-11-2018, 12:38 AM

غمام

25-11-2018, 12:38 AM

يامرحبا ملايين يانور وأكرمك الله
وصح ذوقك يالغلا
.

رحيل استودعتك ربي ماينقال عليهم : )

نور

25-11-2018, 12:40 AM

اصلا كله لك بحطه عندك اول
موانت اللي تفحص اي شي
يجي للسجينه مااوصيك كل نصه

عشانها راعديه

هزاع محمدالعاصمي

25-11-2018, 06:20 AM

السلام عليكم ورحمة الله وبركاتة.. صباح الخير على الجميع يعطيكم العافيه
شيء من الفصيح تسلية للسجينه ولكم ويعطيكم العافية على التفاعل
والنشاط (مما قلت في عصر مضى )

‏

اميـرة الحسـن لـم اكـتـب كـمـا كتـبـوا=ولـــم أداري عـــن الأشـعــارِ إحــســاسِ
كتـبـتـه فـــي ربــيــعِ الـعـمــرِ مـقـتــدراً=جـعـلـتـهُ الــــدرَ والـيـاقــوتَ والــمــاسِ
أعيشهُ النبـض فـي الأحشـاءِ أعشقـه=أسكنتـه الـروح يجـري وســط أنـفـاسِ
أمـيــرة الـحـسـن أنـتــي كــــل مـنـبـعـه=فـيـك القـوافـي ومــا انـكـرت جـــلاسِ
ياهـاجـس الشـعـرِ انــتِ مــن ألطفـهـا=بالـشـعـر بـيـتـاً تـجـلـى داخـــل الـــراسِ
أنـشــدتــك الــحـــب انـغــامــاً اردِدُهـــــا=حـتــى مـــلأتُ مـــن الأشـعــارِ كــــراسِ
رسمتك الوردَ في الأغصانِ ملهمتـي=شبهتُـكِ الكوثـر المسـكـوبِ بالـكـاسِ
وبـي مـن الشـوقِ مـا احـيـا بــه امــلاً=ومـاتـزالـيـن فــــي الأشــعــارِ نــبـــراسِ
هــا قــد نـثـرتُ مـــن الأشـعــارِ أغـنـيـةً=وكم طرقتُ الهوى في عينين نعاسِ
طــاب المـقـامُ ولــم اسـمــع لـواشـيـة=اعلنـت حبـي ولـم أخشـى مـن

‏

الله يعطيكم العافية
ناصر ترى مافي حزب القمة الا أنا والنجلاء ورحيل معنا ليش تستدرجها
وتحطها بحزبك هههههه

الجووهره

25-11-2018, 07:56 AM

صباح الخيرات
والمسليآت الجميله

منورين رحوله ونور ويعطيكم العافيه ع الاهتمام
بالسجينه الجميله الراعديه ماقصرتوو
بس ترا بأقط بالاكل معها ههههههه

خيال يعطيك العافيه ياخفير السجن
انتبه للأكل اللي يجي للسجينه افحصه زين ههههه
العاصفه مالهم أمااان هههه وما يمنع تاكل منه شوي تتأكد من سلامته ههههههه
هزاع هلا بك. وصح لسآنك. ورحيل لا تحاول لو تبي حزبكم جت معكم ههههه
. والله يعينهااا ع القصف وع اللي يجيهاااامن الرواعد هههههههههههه

الجووهره

25-11-2018, 07:57 AM

الشاعر حمد الحربي
هلا بك ومنور بعد الغيبه
وبانتظار ابداعك

الجووهره

25-11-2018, 08:06 AM

مرّه نقول الشعر من قلب مرتاح
ومرّه نقول الشعر من ضيقة البال
طير ٍ يطير وطير مكسور الاجناح
والوقت ما يبقى نظامه على حال

.......

‏.لا صبح عليك الصبح آمن ومرتاح
والجسم طيب ،، والجوارح سليمه

تحمدالله فانت من ضمن الأرواح
اللي نعم ربي عليها ،،،،، عظيمه

......

آنت ونصيبك وآلتعب وآلمششآوير ..
إأن صآبت وإألـآيحسن الله عزآهــآ ..
لـآصرت مرتآح ومبسوط ووبخير ..
رريّح ..ترى غيرك تعب مً ـأ لقآهــآ

هزاع محمدالعاصمي

25-11-2018, 10:41 AM

رحيل انتي كنت بالمدمر . سابقاً والمدمر صار القمه ماعليك من الهواوي

‏
الهواوي صار مجرم في الحقية = قام يتجاهل يسوي مابداله
بذمتي السلم هذى مو طريقة=يغري الاعضاء وما عنده عداله
قام يجمع مابداله في فريقة=عودنا يالربع يمشي في جهاله
التجني في العرب محدن يطيقه=والجماله تبتدي بحلو المقاله
‏
بالتوفيق

نور

25-11-2018, 11:51 AM

القهوة المرة للسجينة مع مرارة السجن ومر ومر يصير حالي

نآسً تحآسبني على غفوة آلنوم
‏ونآسً ترآقبني .وتتبع ظلآلي

‏زمن غريب من آلآحآسيس معدوم
‏حآليه مر ومرًً يصير حآلي

https://b.top4top.net/p_1059dav380.jpeg (https://up.top4top.net/)
تنشدعن الحال مايخفاك انا حالي
‏المر بقدومكم يصبح شهد حالي
‏وطول المسافه وبعدك بيننا حالي
‏اشعروجودك معي حتى وانا لحالي

نور

25-11-2018, 11:54 AM

صحت السنتكم جميع
كالعادة دائما في قمة الابداع شعراءراعضاءرواسي
هزاااااااع خلي رحيل عنك تترك اللي تترك وتنضم للي تبي
بعدين هما تخلوا عنها ماهي هي تخلت عنهم
منووووورة حزب العاصفة رحيل

ناصر الهواوي

25-11-2018, 12:18 PM

اهلا بالجميع
ما احد لاحظ ان اي شخص يعلق شعار العاصفه على صدره يجيبه كرم خيالي ههههههههههههههههههههه
وبعدين ياغمام لو مره بعمرك تقولين الحق /تشرهي على ربعك اللي هيتوك بالسجن برد وجوع وعطش وضرم
ولا فزع لك بعد الله الا العاصفيات قولي الحق ولو كان مرا هههههههههههههههههههههه
العاصمي هلابك لو الناس شايفين خير راحوا له ههههههههههه
الجوهره هلابك انتي واقعيه وكلامك منطقي
نور ارحبي تسالي ومشاركات قمه بس ماعمري شفت من يولع باصابعه الا انتي هههههههههههههههههههه
الخيال هلابك يالقرم

ناصر الهواوي

25-11-2018, 12:31 PM

لو تكتب ياحزب القمه من الفصيح اشعار=ومثله من الشعبي ما واحد يبي قربك
واظن البشر ياريس بما يبون احرار=خل الناس تسلك دربها وانت مع دربك
الدعوى صريحه ما بخطوة رحيل اسرار=حره ليش تحشر حالها الحر في زربك
علم حزبنا يالشيخ فوق الثريا طار=واعلام الجماعه طاحت بوادي البربك

غمام

25-11-2018, 01:19 PM

صح لسانك يالعاصمي
ماشاء الله تبارك الله
ابدعت
/
نور رحيل الجوهرة
لاخلا ولا عدم
مروركم سعادة طابت الأذواق
على ان رحيل مابعد كتبت شيء ماشاء الله بس عهدي عهد الخير دايم
المهم جعلك ماتحسفين : )
/
نور والله توحشت من الاصابع اللي موقده نار بسم الله
يااختك لاعاد توصين الخفير راح نص الاكل وأكثر
/
الهواوي صح لسانك
صدقت قول الحق فضيلة
عز الله انكم ماتقصرون
لكن .. الله ولا منّة نلحق حسايفها
الكرم شيمة الجميع وربعي مايقصرون
بس قلته قبل لاحضر واحد منهم سد عن الباقين
وجعلك سالم وغانم

هزاع محمدالعاصمي

25-11-2018, 02:02 PM

طيب ياناصر مافيها مشكله انشب لك انا الوحدي انت وحزبك وكل الأحزاب
ومشكورين على مانثرتوا جميعاً تستاهل بنت عمي غمام وبالفصيح بكيفي
احب العند ياناصر هههههههه ولك وللجميع كبير المعزه

‏
مالـي أراكَ كـا عاشـقٍ مغبـونِ=أضنـاكَ حبـي أم سُهـادُ عـيـونِ
أغـراكَ قلـةَ حيلـتـي وتوسـلـي=رفــقــاً فــأنــتِ دريَ الـمـكـنـونِ
أنـتِ التـي للقلـبِ غـيـثٌ مـاطـرٌ=يـروي العـروقَ بـروعـةٍ وفـتـونِ
يانسمـةً مـلأَ الـوجـودَ رحيقُـهـا=مـن لـي بمثلـكِ بالوفـا يدعـونِ
شبـهـتـكِ ورد الـربـيـع بـروضــهِ=ياللـجـمـالِ وفــرحــةَ الـمـحــزونِ
أوتعلميـن بمـا سـررتُ بداخلـي=هل تعلمينَ بما حوتهُ شجونِ؟
لا تعلمين سوى حنيـنُ معـذبٍ=أيـن الوفـاءُ وحـجـركِ المـأمـونِ
أنا ماخلقتُ لكي اعيش مكبـلاً=فلتنصفي يامهجـة المسجـونِ
كل الوجودِ بدى سرابـاً مهلكـاً=حتى ذوى في غصنـةِ الزيتـونِ
إن كنت أشعلت المودةَ صادقاً=كيفَ الوفـاءُ بعاشـقٍ مطعـونِ
هي قصة مما احس نسجتُهـا=لاللجفـاءِ وسهمـكِ المسنـونِ

‏
يعطيكم العافيه

مهرة يام

25-11-2018, 03:22 PM

تسالي للسجينه الجميله غمام ان شاء الله تعجبها
مره نقول الشعر من شان نرتاح

ومره نقول الشعر من ضيقة البال

طيرا يطير وطير مكسور الاجناح

والوقت ما يبقى نظامه على حال
___________________________________
جدد الأفراح يالوجه الحسن

الفرح يحضر معك وان غبت غاب

أسقني فنجان من بن اليمن

لوتقهواها عليل الراس طاب

حبها يشبه جواهر في عدن

وطعمها كنه عسل صافي مُذاب

مهرة يام

25-11-2018, 03:38 PM

نظرنا بعضنا واندفعنا بدون شعور

حبيبٍ تلاقى مع حبيب انقطع ياسه

وضعت ايدي اليسرى على صدري المقهور

ومديت له يمناي تمسح على راسه

وحسيت في جوفي مثل واهج التنور

زفير الهوى المبعوث من حرّة انفاسه

جرى دمعه الغالي ودمعي جرى منثور

على بعض حتى أثقل الثوب لبّاسه

فقلت الرجا فتّح عيونك تشوف النور

ترى من كتم طول النظر يفقد إحساسه

هدأ والتفت لي وابتسم قال يا مغرور

من تحدته سود الليال أضعفت باسه

رحيل

25-11-2018, 03:55 PM

هههههههههههههههههههه الله يسعدكم جميعاً
ابو محمد والله كلكم دعيتوني للنظام بحزابكم (:
وكنت ارفض
بس دعوة ابو عبيد هذي وافقت ساعة مبروكةهههههههههههههههههه
بعدين مثل ماقالت نور :as:
وانا لي سنة على العهد وفاء للحزب :sad1:

اماا غمام وجوجو
هههههههههههههههه
ههههههه بديت ارحمهم بصراحة

........

و لله دركم وصحت السنتكم ملايين

الجووهره

25-11-2018, 04:45 PM

هلا بالجمييع
ومساكم ورررد

شاعرنا الهوآوي ، شاعرنا هزآع
صحت الالسن ودام حضوركم وابداعكم
مهووره منوووره. ويسلم ذووقك وداام حضوورك وابداعك
السجيننه الجمييله غماام. صح لسانك ياالراعديه المبدعه
رحووله منوره وبصراحه ما ناسبك حزب العاصفه أبد هههههه

ناصر الهواوي

25-11-2018, 06:14 PM

يالله تمسيهم بالخير والعافيه والتيسير
بصراحه ماقصرتوا جميعا كلنا نكمل بعض كما يقال
غمام من هو اللي جاك من حزبكم ؟
اهلا يالجوهره
رحيل اشفاقك عليهن في محله ياحول يكسرن الخاطر وانا متوقع غمام بليلةٍ خرمسيه تنشق عن الرعد
اشوف كثيرين من ربعنا وربايعنا اختفوا
ابو محمد إي والله انت كفوا بس يقولون اليد الوحده ما تصفق
اهلا يالمهره وش هالتسالي الروعه
(على العموم مازالت العاصفه بالصداره الله يكافيها العيون الشهب)ههههههههههههههههههههههههه

ناصر الهواوي

25-11-2018, 06:34 PM

الليله الخاطر اشوى من ليالي مضت=ولا عادت الضيقه اللي قبل كانت تمون
حتى المشاعر بعد طوَّل زعلها رضت=ماحشرجت عبره و لاهل وابل عيون
اسباب حوس المزاج المقلقات انقضت=يالله عسى موجةٍ سوت كذا ماتهون
حضا سعد من سعاد وهي منه قد حضت=بحشمه وقدر ومعزه جعلهم يسلمون

مهرة يام

25-11-2018, 06:36 PM

صح لسانك ياابو محمد
هلا جوجو ورحوله منورين
حياك يارحيل بحزبنا اخيرا عرفتي الطريق الصح وهو حزب العاصفه
هلا يالزعيم حياك ودام حضورك ووابداعك

هزاع محمدالعاصمي

25-11-2018, 07:48 PM

طلعه على الجناح هههههههه مشكورين والله يعطيكم العافيه جميعاً
الدعوه امزوح لا يروح فكركم بعيد اخوان وعلى الخير اعوان

صارت عزاوي بينكم ياعتيبه = وانا الحالي مامعي اي إنسان
غاب العدل مابيننا من يجيبه=هرج الصحيح اقول مانيب غلطان
حتى غمام اللي الروحي قريبه = من مدةٍ تذكر مع نجع عتبان
يالله دخيلك من حياة غريبه=غاب الونس والشعر مافيه سلوان
و مادام قلبي يمكم ياعتيبه= تبقون تاج الراس يافخر الاوطان

وسلامة الجميع

شاعرة نجد

25-11-2018, 07:53 PM

السلام عليكم ورحمة الله

وأسعد الله مساكم وطابت اوقاتكم
وصحت السنتكم على هـ الروائع والابدااع

ولاعدمنا جهود الراسيات وذوائقهن الممتعه
ومرحبا الف غمام,منوره السجن يامبدعه

تحياتي للجميع,’’

ناصر الهواوي

25-11-2018, 08:00 PM

هذي ما كانت من اقاويلك يابو محمد وش دخل عتيبه بسجن الرواسي انا اعرف اني عتيبي والمهره ياميه
ونور يقولو ن من الحجاز ورحيل ما ادري من اي وشاعرة نجد من الشرقيه وريم يقال عتيبيه وضد العاصفه
والعواد شمري والدنيش غامدي والغنانيم ضد العاصفه ولقيت روحي عنزي وين عتيبه اللي تعاونوا عليك يالقرم هههههههههههههههههه
لي عوده

شاعرة نجد

25-11-2018, 08:04 PM

إعتذار وتسليه:smile:
لاتلومون الغياب لْياحصل مني غياب
جوّنا غيم ومطر والبر زاانت طلعته

والمخيم زان والاحباب كلٍ جاا وجاب
من يعز ومن يحب,البر طابت جمعته

اعذروني يالعواصف كم حَسَبْت لْكم حساب
خايفه حزبي الموقّر لاتغيّر سمعته

أمس نضحك بالرواعد من غياب ومن عتاب
وكثرة الَـ عْذار والتكرار هذي صنعته

كل ماجونا فتحنا لْحضرة الشعار باب
اختفوا واللي بقَى منهم يكفكف دمعته

هزاع محمدالعاصمي

25-11-2018, 08:18 PM

شاعرة نجد

25-11-2018, 08:19 PM

يالعواصف رحبو بالعاصفيه=لحزبنا المغوار انضمت جديده
هي رحيل اللي طبايعها وفيه=لجلها كلٍ يسوي له قصيده
ما توصف فرحة الحزب القويه=ليلةٍ هي ليلته والعيد عيده
حزبنا مرغوب وزنوده وريه=وغيرنا تاقف دميه في وريده
نو وني ولا مابه حزب زيه=ذي حقيقه وانشروها بالجريده

مرحبا الفين,مليونين,ميه
ونثني الترحيب مليار ونزيده

بْرحيل مْراقبتنا العسوجيه
صَيده وتستاهل ابياتٍ فريده

جيّتك مكسب ونار الحزب حيه
بالنجوم اللي عن الحاسد بعيده

البسي تاج الفخر منا هديه
أنتي بْحزب القمر والشمس بيده

ميّزه لين ارتفع رب البريه
من شعر وشْعور واشياءٍ عديده

شاعرة نجد

25-11-2018, 08:20 PM

تسلم يـ العاصمي
وصح بدنك وداام حضورك الفاخر

شكري وتقديري,’’

غمام

25-11-2018, 08:32 PM

مهرة صح ذوقك ومنقولك ماتجيبين الا الذوق وأنت أولى به
/
الهواوي قلتها وأعيدها من حضر من حزبي سد عن الباقين من غير شر لهم
وعلى ماقال انا والجوهرة متعدين الهقوات بالجزل والفعل الغانم
ولايهون الجميع
وماشاء الله دام خاطرك اليوم أحسن من قبل هذا دليل
إن الرواعد قليلهم كثير ولا فيهم قليل إن شاء الله
المهم طال عمرك ماودك تدخل مع إني خاطري بالرحيل ترحيب فيها
/
العاصمي
صح لسانك يابن العم
وعز الله أن هل الهيلا علمهم غانم
وأهل وجيران ونسابه
/
شاعرة نجد
يامرحبا ملايين
وصح لسانك
وهنيكم الخير والأمطار
وعز الله أن هالأيام مهيب أيام دوامات
أيام مكاشيت وطلعات وجمعات
تتهنون يالغلا وعودا حميدا

شاعرة نجد

25-11-2018, 08:46 PM

المرحب باقي شاعرتنا
ويهنيك خير وصح بدنك وتسلمين
ايوالله الجو ممتع للغايه ولله الحمد
ماعليه الويكند فيه بركه ههه

شكرا غمام,’’

غمام

25-11-2018, 08:49 PM

ياخفير السجن هاك الكلبشات
فكني منها قسيت من السجن

حطها في كف مهرة هالبنات
خلها تدخل رحيل .. وتعذرن !

ودي انها قاضبة ذيك الوصاة
يوم كانت بالمدمر تستجن

هذي الدنيا ومعبرها شتات
وش نقول وغربة الدنيا وطن

مهرة يام

25-11-2018, 08:59 PM

هلا شاعره نجد منوره السجن يالعاصفيه
صح لسانك ياغمام كفاله رائعه
ومن السجينه انا ولا رحوله ههههههههههههههههههه
مبروك الحريه ياغمام

شاعرة نجد

25-11-2018, 09:01 PM

حراام غمام هَـ الَـ يام مسجونه
والجو راايق وجو السجن مو راايق

يمكن علشان عذب الشعر وفنونه
تلعب جديده لنا لو صدرها ضايق

تجرّ موّالها للّي يحبونه
عشاق بدع القصيد وحرفها الفايق

وان سمْعَت الورق لامن كوسر لْحونه
جابت جديدٍ لَعَزف المبدعه لايق

تهيضت هيّضت مَن حال من دونه
البُعد,والصدْر لا رايق ولا طايق

شاعرة نجد

25-11-2018, 09:03 PM

اكتب عـ الكيبورد
مادريت انك طلعتي شاعرتنا هه

غمام

25-11-2018, 09:20 PM

صح لسانك
ماعليك زود يالغالية
اعتبريها وصلت وانا فيه : )

ناصر الهواوي

25-11-2018, 10:09 PM

ان كان غمام حطت قيدها في رحيل=وشاشت لما سوت إبها وانصلح حالها
ولما حكت نجد صارت له تحط وتشيل=مع السلامه بحلتها وترحالها
يمكن لعين العقل ليا تخلوت تميل=وتحلل اوضاعها وتخلي هبالها
وتنشق عن حزبٍ حضوره وفيده قليل=ماغير هي والجواهر تبكي قبالها
وتفزع لبن عمها/مايفزع الا الاصيل=معنا ما تصلح وفال الله ولافالها

غمام

25-11-2018, 10:46 PM

صح لسانك يالهواوي
والوكاد مانشوش ولا نتنومس الا على اسم الرواعد و صوتها
وتبي الصحيح ودي انك تقيد محمد الفراج وتحطه اذا قضت محكومية رحيل
انا مااقدر لانه زعيمنا بس انت عادي تقدر قل تم

يسعد أوقاتكم جميع

اما اني اترك حزبي مالك لوا
اللي ماله أول ماله تالي

الجووهره

25-11-2018, 10:57 PM

هلااا بالجميييع
وصحت الالسن والاذوآق
وصح لسآنك غمام ومبروك الحريه
ومنووره السجن رحوووله
وابشري بالتسااالي

رحيل

26-11-2018, 03:57 AM

ابو عبيد & ابو محمد
صحت ألسنتكم

العذية صح لسانتس يا شاعرتنا
وشاكرة لتس هالترحيب

غمام صح لسانك ومبروك الحرية
شكل سجنك لي عقاب على اختياري الحزب هههههههههههه

مهره منوره
جوجو النور نوركِ
الله يبشرتس بالجنة يَ عسآني منتس ماخلا

ناصر الهواوي

26-11-2018, 06:57 AM

عندي مشيوير واقول هذا مستحيل=وبالسجن رحيل اسافر وما سليتها
عاصفيه عن مبادي عواصف ما تميل=ليت غمغومه خذت راينا ياليتها
وسجنة الفراج ياشاعرتنا قاب ميل=بالزنازين اجدعه ثم اطفي ليتها
الوعد لو يسر الله نبيه بجوف ليل=لانضم هجسي بيوت الشعر وامليتها
في وصايف ربة الحسن والخد الاسيل=تاركتني دون سبه وانا خليتها
بالتجبر والتصبر وعزم وشد حيل=اربعٍ هدن عزومي وانا مليتها
اشهد ان فراقها ياملا شرٍ وبيل=كل ما انتلت لها النفس انا تليتها

الجووهره

26-11-2018, 09:03 AM

صباح الخير
وصح لسآنك الهوآوي

تسليه خاصه لجميلتي رحووله

انتِ الغيم وانتِ تضحكين
نيتك بيضا وضحكآتك مطر

غمام

26-11-2018, 03:01 PM

رحيل
بلعكس هذا ترحيب فيك بمناسبة انضمامك لحزب العاصفة
ابشري بالخير تونا بأول الترحيب : )
/
صح لسانك يالهواوي
الله يحفظك وين ماكنت

/

جوجو ماقصرتي يالراعدية
كلك ذوق

غمام

26-11-2018, 03:09 PM

تسليه كيبوردية اللحظة
/
الغيم قد يروي جفاف الأرض من بعد الظماء
مثل الدموع إليا طوت خد المشاعر واحتوتك

والصوت ماله من شعور إلا شعور الإحتواء
هات السكوت إن كان يبري علتك يوم اعتلتك

رحيل

26-11-2018, 04:06 PM

صح لسانك ي ابو عبيد تروح وترجع بالسلامة

صح ذوقك جوجو (:

شاعرنتا تسلمين الله يبشرك بالجنة ونعيمها
وصح لسانك يالغالية

نور

26-11-2018, 05:39 PM

هاذي هدية لرحيل من عضوات حزب العاصفه
بمناسبة انضمامها للحزب إن شاء تعجبك ها الكسوة

https://e.top4top.net/p_10609ehw50.jpeg (https://up.top4top.net/)

نور

26-11-2018, 05:48 PM

على آول مرحله في سكة الوآفين :
‏ي كثر اللي من إيدين آلوفآء .. تآهو

‏تجردك الموآقف لآقست .. " وتبين "
‏ويبقى الطيّب .. الطيّب .. على مآهو

هزاع محمدالعاصمي

26-11-2018, 05:51 PM

السلام عليكم ورحمة الله وبركاتة اسعد الله مسائكم بكل خير شئ من الفصيح
تسلية لنا جميعاً وللسجينة والله يعطيكم العافية .

أمنةُ بالله والأقدارُ منقلبً=ماقد كتبتُ بلى شكٍ يُؤاتينا
هنا بدُتُ بلى فرحٍ يسامرني=جوعُ الخريفِ بلا ماءٍ يجافينا
لقدسئمتُ صروفَ الدهرِ من زمنٍ=رحماك ربِ تخفف من ماسينا
أدعوكَ ربي بِكُلِ الحب تجمعُنا=انت الملاذُ وقربٌ منك يُنجِينا

بالتوفيق للجميع

ناصر الهواوي

26-11-2018, 06:28 PM

وعلى الجميع السلام ورحمة الله وبركاته ومغفرته ومرضاته
اهلا يالجوهره
مرحبا يارحيل
واهلابك يانور
وحياك مولاك ياغمام
وصحت السنتكن واذواقكن وابدانكن
ارحب يابو محمد وصح الله لسانك ولاهان راسك

مهرة يام

26-11-2018, 06:38 PM

مساء الخير والغيم
صحت الالسن والاذواق
مبدعين لاهنتو
تم التنسيق ياابو محمد

ناصر الهواوي

26-11-2018, 06:58 PM

ريوم بلشت في قصيدة رواسي=ترتيب لبيوت القصيده وتنسيق
والناقد يحاول بفصلٍ دراسي=يغيب مع كتبه لساعات ويفيق
والشمري بروضٍ من العشب كاسي=في خايعٍ غادي لنبته زماليق
وصار السفر للغامدي شي اساسي=من شرقي اوروبا لغربي موزنبيق
ومديرنا طبعه على العند عاسي=ياخذ شهر ما شيف ويعاود ايويق
وكان ابو فيصل قبل سبعٍ حماسي=ياما سمعنا منه عذب الطواريق
وهذا الذي بالفعل زود عماسي=وشوش على تفكيري ونشف الريق

غمام

26-11-2018, 07:13 PM

صحت اذواقكم نور المهرة
العاصمي صح لسانك تبارك الله
الهواوي صح لسانك
شكواي لله ماحولك أحد

غمام

26-11-2018, 07:21 PM

ناصر الهواوي

26-11-2018, 07:25 PM

وين انت يالروقي مغيب ما تشاف=ما بان لك في المنطقه يالذيب اثر
ما ادري غدت بك يا ولد حِمْ الشعاف=والا الحصان اللي تجي فوقه عثر
العاصمي وانا وحلوات الغداف=نوبٍ نهذه شعر واحياناً نثر
تبي الحقيقه وضعنا وضعٍ يعاف=ليا ملينا الصاع بالصبر انتثر

ناصر الهواوي

26-11-2018, 07:50 PM

تسلمين ياغمام مجاراة فاخره وكايفه صح لسانك ولا فض فوكي
ــــــــــــــــــــــــــــــــــ
هواجسي مسارهن ازدواجي=سون بمخي من تراكمهن ابراج
حاسن مريره واحدثن به لجاجي=حين استباحن ساحة الفكر بارهاج
وتغايدني وافسدن لي مزاجي=صجه ولجه وارتباكات وازعاج
ولاني غشيم اكيد واعرف خراجي=وحاولت ادور لي من السجن مخراج
خيال شغل موتري بالكراجي=مابه قفل ومزرفلينه بمزلاج
قبل يزمجر صوت راع الحراجي=العصر وانت مكلبشن ولد فراج
في ظلم صافي الجو مابه عجاجي=ولاعاد له عن دخلت الحبس منهاج
عشه طلي ماهو من اهل الدجاجي=الكبش كفوا لواحدٍ يذبح نعاج

الجووهره

26-11-2018, 09:06 PM

هلا بالجميييع
ويعطيكم العافيه
ودآم حضوركم وابداعكم

وصح لسآنك شآعرنا الهوآوي
يعني رحووله افرآج ما امداها ههههه

ريم الفلا

26-11-2018, 09:57 PM

الله يسعدك يالهواوي
والله تواجدك طيب وجميل
وانشغلت بالقصيدة وبرضو اختبارات
تشتت هههه ومعد استوعب شي لكن الله يعين

الجميع لاهنتم

رحيل مبروك انضمامك للعاصفة الخصم اللدود ههه

شاعرة نجد

26-11-2018, 10:48 PM

تسليه من ارشيفي

فهمنا بَعَض مـ عاد نحتاج نفهم شي
على جرة حْروف الشعر تظهر الصوره

فلا تحسبنّي لاتجاهلت لعب وغي
ولاتحسبنّي لاتثاقلت مغروره

شربته غلاك وخالقك مثل شرب المي
على مـ اتحمّل من شقى البُعد معذوره

غيابك غيااب وحر شمسك برااد وفي
صحاريك لو هي مجدبه دووم ممطوره

سخرني لك الله مو بكيفي ولابيدي
تسير القدم في طاعة القلب مجبوره

ملكة الرواسي

26-11-2018, 10:57 PM

مسيتم بالخير
يعطيكم العافية ولا هنتم جميع
اكيد وحشتكم اعترفوا هههههههه

..
لـ الفجر راحه في قلوب المصلين
يشعر بها المسلم لا خلصّ صلاته ..
::
سعادة الدنيا غشت راعي الدين
اللي على فروضـه .. مرتب حياته ..
::

رحيل

27-11-2018, 01:16 AM

نور مشكورة ياقلبي على الهدية
مرة عاجبتني (:

صح لسانك يابو محمد انا احب الفصحى
رائعة جداً لاهنت

ابو عبيد ريئس حزبنا (:
صح لسانك مدد

نحد صح لسانتس شآعرتنا ياغالية

المهرة منورة

غمام دام حضورك الفاخر

ريومه منوره والله يبارك فيتس

جوجو منوره
ملوكه منوره صح لسانتس

ماراح اطلع من السجن ههههههههههههههه

رحيل

27-11-2018, 01:22 AM

اول مره احب السجن (؛

قلبي على الكره ما يقوى و لا فيه حيل
مرتاح .. و الناس تفرق في مقاماتها

و الحب فطرة نبيلة و الشعور النبيل
يطغى على أهل الغرام و يفضح سكاتها

ولا أنت يا من عشقتك جعل عمرك طويل
محبتك رفـرفت فـ القلب راياتها

إن جيتني فأنت غالي و أنت راعي جميل
و إن رحت وش خانة الدنيا و لذاتها

ناصر الهواوي

27-11-2018, 08:15 AM

السلام عليكم وصباح الخير
اهلا بالجميع
الا والله وحشتينا سيدتنا الكنقه بس الوحشه ذي اخذنا عليها من كثر غياب الموحشين هههههههههههههههههههههههههه
اهلا ياريم بس مروا علينا لو من باب جبر الخواطر هههههههههههههههههههههههههههه
ارحبي يالجوهره
رحيل هلابك كنت احسب اني مسجون ههههههههههههههههههههههههههلكن حظك
اهلا ياشاعرة نجد زيدينا من هالارشيفيات صح لسانك
الخفير خلك مداوم شهر/ وين السجين؟؟ بل وينك انت؟!!!

ناصر الهواوي

27-11-2018, 08:30 AM

تغريده خارج السرب

ياليت بعض الروس فيه اربع عيون=يشوف قدامه وينظر خلافي
رايي ولو قالوا لي الناس مجنون=انا ابخص بنفسي/صحيح امتعافي
به ناس للي فات دايم يلدون=وشد العضل بارقابهم غير خافي
ولو رغبتي هذي تحقق يطيبون=وعدل اعوجتها يعتبر شي كافي

هزاع محمدالعاصمي

27-11-2018, 08:56 AM

مجرد محاولة لمجارة حرفك يابو عبيد
/
عز الله ان بعض المشاعر تقاسي
تندب لها حجة من اوضاعها ضيق

يااهل الحميّا ياصقور الرواسي
هذا الهواوي جاد ب عذب الطواريق

مهما تضايق في يمينه مواسي
كانوا وقول أفعالهم يروي الريق

واليوم غابو ؟! يمكن البعض ناسي
لكن مكانه حاضرٍ كأنه طويق

السلام عليكم ورحمة الله وبركاتة
صباحكم جوري وتوفيق من رب رحيم
مالكم الاماحصل
حبيت اجاري الاخت والشاعرة غمام وتسلية
للسجينه

‏
الوقت ذا يابنت مابه مراسي=غاب الونس من بايدات الطواريق
يبني وينقض غاب منه الحماسي=كنه من هموم الزمن يحمل طويق
إن جادة الفكرة بيرقى احساسي=والجود من الموجود لوهي توافيق
وحدٍ يقول اليوم مبغا رواسي = تعبت من رقي الجبال الشواهيق
وحدٍ يقول الجفن يهوى النعاسي=وحدٍ يداوي جرح بين المعاليق
ومهما يكون الحس عالي وساطي=لابد ياتيله مع الجو تحليق
وناصر عطاه المعتلي حس ماسي=ويضا مروق بين فنجال وبريق
ولو بنعته باقول يا تاج راسي=هو محزمي في ساعة الجد والضيق
يا لله يالمعبود تجلي العماسي = وتعلي الهمه على فكت الريق
‏
يعطيكم العافية وبالتوفيق

محمد الروقي

27-11-2018, 10:49 AM

كيف تسجني و نا غا يب خطا عزالله
و نت رجا ل فهيم ولا يغرك حا جه
مثلك ايقدملي المقداع قدم الدله
والخروف ويترك الكتكوت للدجاجه
الخطا ماهوب لك ياناصر اجنب خله
صاحبك مثلك ليا ضد الزمن يحتاجه
ا نت رجا ل عز يز و جا يز لي د له
ما يطب ابحاجه الا عا رف مخر اجه
صاحبك قدذاق من دور الزمان العله
سمه وغله وشره والقشر وحراجه
كان لك درب على هجس الضماير قله
ارتح ارتح في يدين الي خلقك افارجه
انت سموك الهواوي والطريق ادله
وصاحبك قفا بطيب وشر عن هراجه

محمد الروقي

27-11-2018, 10:49 AM

تم حذف المكرر

ناصر الهواوي

27-11-2018, 11:33 AM

هلا يالروقي وصح لسانك ودي اعيد قراءة هالابيات مره ثانيه خصوصا آخرها
اهلا يابو محمد ولا عليك زود يالغالي وصح الله لسانك ولاهنت

محمد العواد

27-11-2018, 11:34 AM

صحت الالسن جميع
محمد الروقي
وين لقيتوه يالربع
عودا حميدا ياسمي
سعدنا برؤيتك

محمد العواد

27-11-2018, 11:35 AM

‏لك حق تشره على غيابي وتقصيري
‏بس للعتب بيننا هجمات مرتده
‏مجرد انك تعاملني مثل غيري
‏كرامتي غصب تجبرني على الصده⁩

‏

محمد العواد

27-11-2018, 11:39 AM

قلبي قبل عام شيّع جثة أفراحه
وطير أمنياتي مجوّد حظي سبوقه
ما ذقت راحه كثر ما احتجت للراحه
ووبل المعاناه عيّت تفصل بروقه

‏

ناصر الهواوي

27-11-2018, 11:57 AM

اهلا يابو سيف وحياك الله ومن طول الغيبات جاب المعاتب اقصد الغنايم
هالمعاتباتيه موجهه لمين؟لنا بالمندا او خارجه ههههههههههههههههههه
الروقي هلابك سجناك وكفلناك ولادخلت سجن ولا اخذت اذن=ماحصل شيهههههههههههههه
وهالحين اذن ولي عوده عليك انت والعواد ان شاء الله

محمد العواد

27-11-2018, 12:13 PM

هههههه
هههههه
لا لا ابو عبيد
هذي تسالي للسجين
طال عمرك ههههه

الجووهره

27-11-2018, 12:45 PM

أسعد الله ظهيرتكم وكل أوقآتكم
وصحت الالسن والاذوآق
ودام حضوركم وابداعكم
وعودا حميدا
محمد العواد
محمد الروقي
ملووكه منوره بعد الغيبه
لك وحششه والله

ومين السجين ؟؟

ملكة الرواسي

27-11-2018, 02:13 PM

ههههههههههه يسعد مساءكم
نوركم جميع لا خلا ولا عدم يارب
انا غيابي عن السجن فقط اخاف احد يشوفني هنااا يقوم يسجني
وانا اخاف اجلس بروحي ههههههههههههه

رحيل

27-11-2018, 02:25 PM

صحت السنتكم قميعاً

السجين الفراج مسجون غيابي

وانا محد قال روحي والا اجلسي
ابو عبيد علمني لاتخليني لاني مقيد ههههههههههه
ههههههههههههههههههههههه

رحيل

27-11-2018, 04:43 PM

لبارق اللي ناض واشتد واختال
امطر على غفله وانا اقول : توّه

احيا اليباس وسالت شعاب ورمال
مات العطش بالارض من فيض نوّه

صافي مثل حلم ٍ تشكّل بالاطفال
وافي جمع بين السخا والمروّه

رحيل

27-11-2018, 04:46 PM

الجملة ناقصة اللي فوق ):
لا تخليني لا مقيد ولا مفكوك ههههههههههههههههه

الجووهره

27-11-2018, 06:10 PM

ههههههههه رحووله
ربي يسعدك ويسلم ذووقك

الجووهره

27-11-2018, 06:12 PM

تسليه للجمييع
شيلة لا علمني
هههههههه
https://www.youtube.com/watch?v=B5LcM2-Z8uI

نور

27-11-2018, 06:14 PM

لا روحي يارحيل زعيم العاصفه مايبي يقيدك
أعطيني حريتي اطلق يديا....اه من قيدك ادمى معصمي
هههههههههههههههههههههه

نور

27-11-2018, 06:16 PM

الشيلة رووووعه ههههههههه
خخخخخخخخخخخخخ

ناصر الهواوي

27-11-2018, 07:47 PM

يالله مساء خير لاشر فيه على الجميع
لايارحيل انتي حره طليقه
اهلا بالجوهره والملكه ونور
اعطني حريتي اطلق يديا انني اعطيت ما استبقيت شيا
اظنها كذا هههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

اليوم يوم الثلاثا يعتبر عيد=بحضور ابو سيف والروقي هنيا
شدو مطايا الاثير وجو من ابعيد=مطلب لنا من قبل وقت وتهيا
وبل المطر يوم زارونا تماديد=بجوه يجي شاعر اللي قبل عيا
من بعد ما قلت ابي ذكر اتلع الجيد=ابا اتمعن بتوصيفه مليا
ياما ذكرته بتشبيبي تراديد=بوصفه لسان الهجس دايم طريا
ان قلت وجهه قمر ذا شيٍ اكيد=تحصيل حاصل انا ما اضفت شيا
وان قلت مثل المها بالعين والجيد=فذا شي واضح ولادونه كنيا
وان قلت ما شفت ندٍ له مع الغيد=صحيح ما تنحسب كذبه عليا
وان قلت تعال حط الايد بالايد=يقول لي تم لا نشت الثريا

ناصر الهواوي

27-11-2018, 09:30 PM

باب السجن ما عقبني رود= عليك من حين غادرتك
هو بس انا اللي هنا مقرود؟=والا خلاص احترق كرتك
وينك خفيره قليل الفود=ماقط لي قلت دورتك
ارسلتك اول لراع الذود=وللشيخ ابو فيصل ارسلتك
ولا قلت واحد ماهو موجود=هبلت فيني وهبلتك

ناصر الهواوي

27-11-2018, 09:49 PM

آخذ نصف ساعه مغمض عيوني=واظن في تغميضتي يلفي الطيف
وكررتها حتى اوجعتني جفوني=ماجاء وعيني ملت الغمض ياحيف
وقال الخيال الحل بي وارسلوني=واجيب لك صوره بليا تكاليف
وسافر وجاب اللي يزلزل ركوني=باسرع من الشعله ليا اشتبت بليف
مكبره صورة(...)فتوني=جسم برسم صوره وهمس وسواليف
اثره على كل الاماكن يموني=يدخل وياخذ ما يبي منه ما شيف

الجووهره

27-11-2018, 11:32 PM

هلا بالجميييع
هلا بك زود شاعرنا الهوآوي
وصح لسآنك ودام حضورك وابداعك
هلا بك نور منووره واهم شي اعجبتك الشيله هههه

تسليه للسجين / هـ
ما ادري مين ههههه
وللجمييع

جيتك , وأنا في داخلي زحمة كلام
ألف أبو مليون .. قصه , وسالفه !

شي حزن, وشي بوح, وشي ملام
وأكثره ( آهات روح ٍ ).. تالفه

قلت أسولف لك عساي أقدر أنام
وأستريح .. من العنا .. وموالفه !

طارت أسراب الحكي بإسم السلام
تحلم بـ ( غصن السماع ) .. تحالفه

ماتحقق حلمها ,,, ومات الـحمام
والبقيه ,, بـ رأس ( باقي السالفه )

رحيل

28-11-2018, 01:45 AM

حلوة الشيلة جوجو هههههههههههه

صح لسانك ابو عبيد ودام ابداعك

جوجو السجين زعيمكم مسجون غيابي (:

ان قلت وجهه قمر ذا شـيٍ اكيد
تحصيل حاصل انا ما اضفت شيآ

وان قلت مثل المها بالعين والجيد
فذا شي واضح ولادونه كنيآ

ابو عبيد اذا سمحت لي ابي هالبيتين (:

عبدالله الدّنّيش

28-11-2018, 01:49 AM

ياسلام وصحت السنتكم كلكم
ما فيكم حيلة على قولة حاكم المليون
تسلية للسجين !! من أوراق أحد المرافعات‘‘

^^

‏

هاضت شجوني مع الطاروق والشيله= ولسان حالي يرددها وشايلها
يا ويل حالي من المكتوب يا ويله=ماكنه إلا لسان الحال قايلها
أسري مع هاجسي بالطرق وأحكي له=وأتخيل الخد يبرق من مخايلها
وأشوف وادي غرامه سايلٍ سيله=من قمة طويق تتحدر مسايلها
لا صب في جوف صدري ينتشي ليله = وأتخيل الليل خصلة من جدايلها
وأمسي مع الوهم وأعطي النفس تعليله= يا علّ همي يُوارى في جمايلها
حايلت قلبي ولكن بارت الحيله = ما عاد به حيل دامه في حبايلها
رفعت كف الرجا لله وأشكي له = وأطلب لطيف الخفى يجمع شمايلها

‏

^^
وسلامتكم .. وللجديد بقية .... !!

ناصر الهواوي

28-11-2018, 08:05 AM

اصبحنا واصبح الملك لله
يالله صبح الجميع بالخير والعافيه
ــــــــــــــــــــــــــــــــــــــــــــــــــ ـــــــــــــــ
ارحبي يالجوهره الله يديم هالتواجد وتسلمين على التسالي الرائعه
اهلا يا رحيل انتي الآن عاصفيه تمونين ع الجميع تفداك القصيده برمتها ههههههههههههههههههه
يالله تحيي ابو عامر لاتصير قطوع بالحيل يعني مر علينا لو بالسبوع مره وصح لسانك ولاهنت

ـــــــــــــــــــــــــــــــــــــــ

كل صبح وليل اناديك وينك ياحسين=يحسبني من سمع صيحتي لك رافضي
ترجم اللي به تغني وجبه بطرق زين=ودي اسمع منك وش بك لسرك قابضي
طار شبلك صوب بمبي ربك لك يعين=الأمل ياحسين ماش لبصيصه وامضي
رجعتك باقي لها يابو هنود سنتين=والصبر قالوا لضغط النوابض خافضي
صوتك اشجاني ولي عنه ما فات شهرين=يحفظه ربي سبب سفهته لي غامضي
كني اللي قلعو من جماه الصفتين=كل ما في مجلس اطروه اقوم الامضي

حمد الحربي

28-11-2018, 09:35 AM

صبحكم الله بالرضى واسعد الله ايامكم
ابو عبيد صح لسانك مبدع دائما وابدا

حمد الحربي

28-11-2018, 10:09 AM

مشاركه للمبدعين لو انها تنقص عنهم

غردي ياحروفي واطربي يانشيد
‏علّ منهو نحبه في لحوني سلا

‏خابرن به قليبن يهتوي للقصيد
‏علّ منهو عدا له للبلا والجلا

••

كل مايطري عليك من اللوازم حاجه
ارفع الكف ل الهٍ حاجتك يقضيها

**

اشهد اني يوم احبك ماعليه شرهه
واشهد اني يوم اجيلك غصب ماهو طوعي

••

الجووهره

28-11-2018, 10:16 AM

صباحكم خيرآت ونسمآت شتويه بارده
وصحت الالسن والاذواق
ودام حضوركم وابداعكم

رحووله منووره والنور نورك حبيبتي
عبد الله الدنيش
هلا بك مبدع في قديمك والجديد وصح لسانك
شاعرنا الهواوي. البقاا والله يسلمك من كل شر ويديم وجودك وحضورك

حمد الحربي
هلا بك وصباح النور والسرور
منور السجن وصح لسآنك

محمد الروقي

28-11-2018, 01:17 PM

هلا يالروقي وصح لسانك ودي اعيد قراءة هالابيات مره ثانيه خصوصا آخرها
اهلا يابو محمد ولا عليك زود يالغالي وصح الله لسانك ولاهنت
يسعد قلبك يابو عبيد
غنها على المنكوس

محمد الروقي

28-11-2018, 01:21 PM

صحة السنتكم جميع شباب وصبايا
يسعد قلوبكم

ناصر الهواوي

28-11-2018, 06:48 PM

اهلا ياحمد وصح لسانك وبدنك بعد طول الغياب ذكرتني بتناتيف قرناس الحرار الله يذكره بالخير
اهلا يالجوهره
ارحب يالروقي وينك ياراجل

شف راعي البل بعد هالتشخيصه=ما ادري علامه كاثرٍ تحويصه
يومٍ مقيم ويوم عازب بالبل=عطنا من الوقت الطويل انصيصه
ماهوب بس انت الذي نفتقده=تطول لو كلٍ نبي تخصيصه
عن هالقسم بعض العرب به صده=وعلى الشريط لربعنا وريصه
يبون كسر البيض وعد لعشره=التمر يترك لختيار الشيصه
اللهُ اعلم وش سبب جفواهم=حتى الأمل متضايلٍ بصيصه
محو كما الصيد الذي له تخبر=ارنب وجربوع الحماد ونيصه
واليوم انا مابين بين ولا ادري=يمكن بحر شعري يبي تنقيصه
كنت انتقد واليوم ابا انقد نفسي=واعقل ركاب الهجوس وعيصه

النجلاء

28-11-2018, 07:00 PM

السلام عليكم
اسعد الله مساكم بالخير والمسرات
بشروني عنكم جميعآ عساكم بخير ان شاء الله
وصحت السنتكم شعرائنا والشاعرات والحضور الكريم
ولي عوده مراجعة الصفحات

ناصر الهواوي

28-11-2018, 07:23 PM

خيال مطير

28-11-2018, 07:40 PM

اشوف الحضور الآن انا مع رحيل ونور=والخيال مع باقي العرب مالهم جسي
ابا اكتب عن اللي يختلج بالفكر وايدور=طواري توارد صامته مالها حسي
بصدري لها فوحٍ كما فوهة تنور=قديمه تصبح ساحة الصدر وتمسي
قبولٍ لها في داخلي لو عليِّ اتجور=تبحربي على ما يشتهي الموج واترسي
وربانها خشفٍ يشعشع جبينه نور=له الشيخ والملا يميلون والقسي
طيفٍ لاغفيت ايجيب لي صورته مشكور=اشعر فيه واناغيه واراه واحسي
يالروقي يوم انك في مجال الهوى تختور=هل يوجد عقاقير عن الماضي اتنسي؟؟

صح لسانك يابو عبيد , ياخوك لاتلوم خفير ألسجن , هــ ألاسبوع , ألنواعم , وحده , داخله ووحده , طالعه , اش ألعطور أش ألذبايح , وألحلويات ,, تصدق يابوعبيد , أني طلقت حرمتي , زعلت حمراء , تقول بطل ألخفاره ,,

شاعرة نجد

28-11-2018, 08:00 PM

السلام عليكم ورحمة الله
وصحت السنتكم وطاب مسااكم

داام الحضور,’’

خيال مطير

28-11-2018, 08:29 PM

السلام عليكم ورحمة الله
وصحت السنتكم وطاب مسااكم

داام الحضور,’’

وعليكم ألسلام شاعرة نجد , وراكِ مستعجلة تمشين 2000 ,

يحليلها ,

شاعرة نجد

28-11-2018, 08:42 PM

وعليكم ألسلام شاعرة نجد , وراكِ مستعجلة تمشين 2000 ,

يحليلها ,

:smile:
ماني بَمَسْتعجله تو المساا فـ اوّله
قلي عسى خير وش عندك سمو الخفير

ليل الشتاا من فضل ربي,لنا طوّله
والجو رايق وبحر الشعر عندي غزير

مهرة يام

28-11-2018, 08:58 PM

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

مهرة يام

28-11-2018, 09:00 PM

بعـد ماقابلتنـي عاتبـوهـا
على شوف الحبايب حاسبوها

خذوها وأبعدوها غصب عني
وعن وجهة طريقي جنّبوهـا

وشالوها عن عيوني غصيبه
عواذل وأغصبوني وأغصبوها

خذوها من يديني شوف عيني
وعن عيني تعدّوا وأحجبوهـا

خيال مطير

28-11-2018, 09:07 PM

:smile:
ماني بَمَسْتعجله تو المساا فـ اوّله
قلي عسى خير وش عندك سمو الخفير

ليل الشتاا من فضل ربي,لنا طوّله
والجو رايق وبحر الشعر عندي غزير

لا ماعندي شي , صززززززززززز . روعتيني ,, وصح لسانك كنت بقول , عطيني حوار , ولاناقه , تالي هونت ,

شاعرة نجد

28-11-2018, 10:34 PM

تسليه لـ الحضور والسجين

ياهجوسي تولّم لاح برق القصيد
بين ذيك الغيوم اللي سرت في سماها

من قفص صدري المكتوم هات الجديد
لو عيوني يسيل السيل من حر ماها

لاح نوح الحمامه فوق خضر الجريد
يوم ناحت ولاباحت جفَى من رماها

موج شعري تلاطم من هواي الشديد
واستثار المشاعر واشتكت من ضماها

كل مـ ارَش وهج الشوق ناره تزيد
واحرقت روحي الا كان ربي حماها

الجووهره

28-11-2018, 11:52 PM

أسعد الله مساءكم
وصحت الالسن شعراء وشآعرآت ومتذوقين
ودآم حضوركم الجمييل وابدااعكم

تسالي للجميع

نمشي على النيات وقلوبنا بيض
وربي على حسن النوايا رزقنا

ما نخلف النيه ولا نحمل الغيض
وﻵ نخضع الا لله اللي خلقنا

‏‏لنا مع اهل الطيب حق ومواجيب
وان زادوا اهل الطيب بالطيب زدنا

.........

فيك العطور تغار من نفحة العود
وأنته جمالك سحر ومشاهدك ويل‹

تدري وش الآبداع نظراتك السود
تجمع بريق الصبح مع ظلمة الليل

.......

كنّا بلا جنحان ، و اليوم طرنا
واثر السّما ياصاحبي عجّ وغبار

ياما حلمنا نكبر ، و من كبرنا
صارت اعزّ احلامنا "نرجع صغار"

.......

خلك بسيط وحب للعالم الخير . .
....................حبكـ لـ فعل الخير.. يعكس تواضعك !!
وَ على كثر منت متواضع مع الغير . .
......................... على كثر ما الله مع الناس يرفعك !

ناصر الهواوي

29-11-2018, 07:32 AM

السلام عليكم وصباحكم اسعد صباح مكلل بالسعاده والافراح والنجاح
حياك يالخفير اجل هالحين تعتبر عزوبي الله يكون بعونك
الجوهره تسالي جميله جدا الله يعطيك العافيه والعفوا
اهلا يالمهره يسلم ذوقك حفظكي الله
ارحبي يامديرتنا النجلاء هلابك نحن بخير الله يلبسك ثوب العافيه
شاعرة نجد هلا بك وصح الله لسانك على هالرائعه ومادام بها حمام وجريد فهذي ماتترك لازم نمر عليها ان تيسر

ناصر الهواوي

29-11-2018, 07:58 AM

مرحبا شاعرتنا جعل عمرك مديد=بطاعة اللي رزق هالكاينات وبراها
كل ما اقرا البيوت اقول هل من مزيد=عيت الذايقه تروى شعر من حلاها
دام فيها حمام وذكر نوح وجريد=القوافي توارد من خلاها بخلاها
فكري بهالثلاث لما مضى يستعيد=ذكريات ومواقف خافقي مانساها
يركبنه على يومين نحس وسعيد=يوم داء للعيون ويومٍ اخر دواها
بشعب مافات لي ماودي ابعد بعيد=بما اقبل اهلا وماعني تروح بهواها

محمد الروقي

29-11-2018, 08:29 AM

صباحكم سعاده وخير وعافيه
وصحة السنتكم جميع والسجين خلوه يقعد لين نفضيله
الان امطار وعلوم زانه ووولاد في الابل وسمر وقرص نار خلوه يجلس ماناقصه شي
عندي بطانيه برسلها اله الله يكتبها صدقه ويقبل وفليت تلقاه من السجن مقمول ههههه

نور

29-11-2018, 11:11 AM

السكوت إن طال يغريهّ الكلام
‏والكلام إن ضجّ مايرحم شعور .

ناصر الهواوي

29-11-2018, 11:34 AM

قبل شهر وإبل العطاوي ملاقي=ومن يوم هج من السجن فيهن إولاد
بجمر السمر جمري ولاقي ولاقي=وغوري حليب وبن دله وبراد
يالايمه في البر ويش انت هاقي=عيون رواده ثلاثية ابعاد
لنجومها لا امساء مساه انشعاقي=وتعال لا اصبح شاهد الضلع والواد
خضر الشجر والنبت توه دقاقي=وغدران مليانه لها الذود وراد
لو الهواوي جاب قافه رقاقي=وناغم حمام المزرعه فيه وش عاد

ناصر الهواوي

29-11-2018, 11:56 AM

اهلا يانور ان من البيان لسحرا ودام حضورك يالعاصفيه هههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

نور بالله شاركيني شيلتي موالي=دام ضيق الصدر يانور العواصف ولا
زاد عن حده/وصل ضده/ ووسع بالي=حسب منطوق الشوام القاف بدعه هلا
ماله بتعكير صفوي/ ذاك وانا مالي=كم تمنيت وترجيته بليت وعلا
قال تفرج قلت له يالترف صبري طالي=او بعد من طول ما اصبر دوك صبري ملا
قال بي مرك حلي وشلون امرر حالي=قلت مررته بصمتك بعد كان امحلا

خيال مطير

29-11-2018, 02:29 PM

صح لسانك يابو ,.{,/،
عبيد , رغم أني ماعرف ألاحزاب , بس فيني قشاره , بصفتي خفير , ألسجن . وش معنى ألعاصفه ,,
والله صرت تمول يالعود ,

خيال مطير

29-11-2018, 03:23 PM

صح الله السنتكم شعراء رواسي نجد , وكل من حضر في هذا القسم , ألعملاق
تسليه من ألخفير , هذي القصيده للشاعر . سلمان الحويفي , ولها قصه سوف أنزلها اليوم في قسم القصص والرويات , يقول ,,

ياطير شلوى خذ نصيحت صحيبك
تقريب خمس ابيات جله وترتيب
يا شايب الرحمن ياكثر شيبك
قلبك شباب ورأسك أبيض من الشيب
قام إيتبين للمزايين عيبك
لو أنت طلق حجاج مابك عذاريب
عيبك كبر سنك معرقل نصيبك
ما يقبلنك لو نصبت الرعابيب
اللي صغير سنها وش تبي بك
تبغى ولد مزيون وانته تقل ذيب
الله يخلي لك رضيعة نسيبك
اللي ترحب بك الياجيت ترحيب
طع شورها وأحفظ افلوسك بجيبك
مالك بناسٍ تمنحك بالمطاليب
يفرض عليك أشروط من غير طيبك
ويعذبونك بالطلابات تعذيب
وأليا انتهيت وسلّموا لك حبيبك
وتم الفرح واستقبلوك المعازيب
يومين والثالث يسرب سريبك
وتقوم كرعانك تطق العراقيب
عوّد على الملك القديم وقليبك
عساك تقنع عقب فتل الأشانيب

من صحيفة الرياض

الجووهره

29-11-2018, 04:44 PM

مساء الخيرات والمسرات
شعرآء وشآعرآت ومتذوقين
ودام حضوركم وابداعكم

تسليه العصريه الخميسيه
ههههههه

اشهقي ي سحايب فوق نجد وثراها
.......... وابرقي وارعدي لين يتساقط ثلوجك
كل غيمة تلوح بروقها في سماها
.......... . قبل تغشاك ياداري وتزهر فجوجك
يسعد الله صباح اللي سكن في رباها
......... ويسعد الله مساك اللي تسمع هروجك
كل ماضقت من شهب السنين وغثاها
........ قلت جعل الله لدرب الكدر مايحوجك
وانت يانجد فيك الشوق دوم يتباها
......... كل ماشم نسمة من هبوبك وادوجك
والجبال الشوامخ من يحرك حصاها
........... كل ماسيرت يانجد ريحك وهوجك

عبدالله العضيّآني

نور

29-11-2018, 05:02 PM

مساء الخير للجميع خميسكم فله....
جبت حلاوة للسجين مدري مين هوا
https://c.top4top.net/p_10639ac3i0.jpeg (https://up.top4top.net/)

ناصر الهواوي

29-11-2018, 06:21 PM

تبي تعرف العاصفه يا احمر العين=سجل بحزبٍ ضدها وتعرفها
اللي مقابلها بالاحزاب حزبين=وفعولها في هالحزيبين شفها
والثالث اللي مندمر من زمانين=شف ريسه يجزها ويحذفها
ورابع ما اخذ معها من الضغط يومين=والقمه يبحر بعينه ويفها
وموالي اشيله من الحين للحين=ان حاس نفسي هاجسي واكتنفها
موال تطرب له بنات البساتين=من كم سنه لي مهنةٍ محترفها

ناصر الهواوي

29-11-2018, 06:26 PM

ناصر الهواوي

29-11-2018, 06:47 PM

خيال وين العاصمي ماداج=وبالسجن ما شفت ابن فراجي
ماقطب حجاج ولا فل احجاج=والشيخ ابو فيصل حلف ما آجي
وخفيرنا عن جيبته منعاج=يمكن منه لمكافأه راجي
لو الزم الخيال بالكرباج=على الظهر سويت له تاجي
دع هالكلام وقل بلاش ازعاج=ياملهمه لهجوسنا ناجي
ولي كلمي راسٍ زهاه التاج=اللي سنا خديه وهاجي
ابو جبينٍ تقل نور سراج=ولع بليلٍ حندسه داجي
قلب العنى عن عشرته ما ماج=داخل بطينه حبها لاجي

خيال مطير

29-11-2018, 08:42 PM

صح لسانك يابوعبيد وبيض الله وجهك
الجوهره تسالي جميله , وذوق راقي ,,

خيال مطير

29-11-2018, 08:42 PM

مطوع نجد

https://www.r111n.com/t39890.html

رحيل

29-11-2018, 09:14 PM

مساء الهدوء والطمأنينة والسكينة
شلونكم ي اهل السجن

صح لسانك يابو عبيد وتسلم هذا من كرمك
اخذت بيتين بس (:

الروقي محمد صح حضورك

نجولة هلاوغلا منورة ياغالية

شاعرتنا صح لسانتس نجد

جوجو نور يسلم ذوقكن ياذوق

الخيال صح ذوقك

خيال مطير

29-11-2018, 10:58 PM

وذوقك رحييييييييلوووووووووه احلى مافيك عيونك ,

خيال مطير

29-11-2018, 11:00 PM

بالله شوفو توقيع محمد الروقي ,,
بين ألحقيقه والخيال ,

http://www9.0zz0.com/2018/11/26/14/698841162.jpg

خيال مطير

29-11-2018, 11:08 PM

تسليه من ألخفير
يقول ولد عمي مفرح الله يرحمه في قصيدة موجهه إلى ناصر عبيد القيعان المطيري وهي من نوع العتاب بين الأحباب .
https://www.alsh3r.com/assets/imgs/200x225/poets/336-3af3afed-badf-4f10-9697-b8d6ff448606.png
ليه يابن عبيد ما وجهت لي دعوة عزيمه
هو تحدي منك وإلا جاك من مني علم ثاني
بالزفاف ويوم زارك راعي النفس الكريمة
قلت واناصر تجاهل دعوتي والا نساني
غلطة الجاهل براه وغلطة العاقل ظليمه
قالها صفوة قريش وقالها القاضي فلاني
ما نطالبكم بدين ولا نبي منها غنيمه
مير لي شرهه على الطيب واجيه إليا دعاني
وأنت من روس الجماعة وان نسيتوني هضيمه
وان تماديتو تراني من جهينه وقحطاني
ما نبيع أرواحنا يالملعبي من غير قيمه
بيعنا لأرواحنا يومن يروع المسنحاني
يوم بعض الناس من يماه مايدهن يديمه
ذابح نفسه بنفسه ياعسى ماهو جناني
قالوا اصحاب التجارب كل طقه بتعليمه
ليت عميان البصيره يسمعون المهرجاني
الرخيصه بالرخيصه والعظيمه بالعظيمه
والحقوق مشرعه والهربده للهربداني
والحصان إليا نصيته شد راسه بالشكيمه
والكديش اضرب كراعه لين يرخي بالأذاني
ما خسرت الطيبين وكل رجل فيه قيمه
والقصور من النصيب ومن مقادير الزماني
والسلام ختام يا ناصر ونيتنا سليمه
ولا تشك بك الظنون مع الرفيق المرحباني

نور

30-11-2018, 10:23 AM

ياصـباح الـود والـورد وشـذاه
‏للجمـيع بدون ما اسمـي أحـد

‏كل شخصٍ مره الحرف وقراه
‏ياعسى يومه تباشــير وســعد

ناصر الهواوي

30-11-2018, 02:31 PM

وانتي كذلك يانور زالخيال والجميع مساهم اسعد
ــــــــــــــــــــــــــــــــــــــــــــــــــ ــــــــــــــــــ

كلما قررت ابا اكتب وداعيه=قال هجسي خلها مالها داعي
الظنون اكيد ماهي بقطعيه=وش لك بكيلٍ على كفية الصاعي
اطلب املي لك بيوتٍ ابداعيه=واقلب الصفحه وتلقا بها ابداعي
يمكن ايجاري حلاوتهن العيه=لو فطن للاصل والصوره الواعي

ناصر الهواوي

30-11-2018, 07:00 PM

رحيل

30-11-2018, 08:48 PM

مساء الورد
و جمال البرد (:

صح لسانك ابو عبيد
صح ذوقك نور

إبتعد كل ما حسّيت بإنك قريب
خل الإحساس لك ومشاعرك خبّها

كون صاحب جميع الناس إلا حبيب
الأحاسيس مايحتاج تلعب بّها

ولا تعاتب زمانك كان مالك نصيب
والمقادير مهما صار لا تسبّها

ولا تحبّ وتعلّق من تحب وتغيّب
هذي الحاجه اللي ماحّد يحبها .

:::

إن شحت نجوم ليلك .. لاتحايلها
لاترجي الليل نجمة .. والقمر باكر

تنتظرك أشيا .. كثيره ماتخيّلها
بعد التعب مالك إلا طيبة الخاطر .

الجووهره

30-11-2018, 11:24 PM

هلا بالجميييع
وصحت الالسن والاذوآق
ودام حضوركم وابداعكم

من عف كف ومن تألم تعلم
ومن عاش بالواقع ماتغريه الاحلام

ما يندم الساكت كثر من تكلم
ولا يامن العاقل صواديف الايام

......

اضحك مع العالم ولو قلبك حزين
......... اكذب على نفسك مثل ما يكذبون

لو كل حزن يكدر الخاطر يبين
......... ما عمرنا شفنا اليتامى يضحكون

.......

لا صَار حِلمكْ في يد الوَقتْ و النّاسْ
لا النّاس تِفرحْ لكْ ولا الوَقت يِرحمْ

أغسل يٍدكْ من حِلمك بموية اليآسْ
وأهرب بَلا حِلمكْ عسى بَسْ تِسلَمْ

......

تبي الشعر حرّك لِهْ .. أقلْ الأسباب
. . . وينساب لك مثل المطر من غمامه ..!!

تبي يفوح الشعر من كل الأطياب
. . . شيحه وكاديّه وريحة ........خزامه ..!!

حركْ مفاهيمه ...كذا يا أبو غّياب
. . . وأبشر بكل الشعر ..يا أبو الفهامه ..!!

هز الغلا ويطير لك ْ كله أسراب
. . . وينّزل على غصنك ْ حمامه حمامه ..!!

نور

01-12-2018, 12:14 AM

اهلا يانور صح لسانك
الحلاو ليش رسمو عليه صورة بقره حتى اشتهر بحلاو البقر انا اكره اشتريه يمكن يقصدون ذلك مثل قهوة الشيوخ وغيرها بالحلاويات ما ودي اذكرها هههههههههههههههههههههههههههه طبعا السؤال موجه للجميع

ليش تكره تشتريها ....لازم تجربها
سموها حلاوة بقرة لان اللي سوتها عيونها
كبار زي عيون البقرة .....

محمد الروقي

01-12-2018, 07:15 AM

ما كن داج بساحة السجن دواج=ومخ الخفير مقرقش وقرقشوبه
ما كلبش الروقي ولا ولد فراج=ضعيف شخصيه وشكله امشوبه
انا اشهد انه طاح في موقع احراج=حاشي وحط بحوض جيب ومشوبه
وربوعنا كلٍ بمله ومنهاج=يدورون اضيق محل واحتشوبه
دع ذا وشف من هو زهى عين وحجاج=لبياض خده من حماره شروبه
عين اشقرٍ كفخ من الماكر وراج=وطاح بمحابلهم وتباشروبه
قده غصن موزٍ على جال هداج=قراح ماشهب به الماء بشوبه

هههههههههههههههههههه
خلك ورا صبه وجدران وسياج=سجنن مسكر ماتهبهب هبوبه
وطلب من الله يالهواوي بالافراج=النفس وماره مهي بمغصوبه
اصبر وغن القاف وخذلك معراج =وليا قضيت احسب حديده وطوبه
البيض جنك بالقهاوي والاغناج=شبن على قلب الهواوي شبوبه
الوحده راك خلط سدرها عاج=ريحانة من نزة الما طروبه
منهن يجي للقلب غفلات وخلاج=معهن جميع الي تحدا امغلوبه
هذلي الي معهن القلب ينلاج=عنهن خسا رجل كبار ذنبوه
عفه وطيب وملح لذات الاسهاج=بنت الخيلج امقربه ومحبوبه
كبر فراشك خلها فلة احجاج =الباب لايطريلك اتروح صوبه

لو انك خليتها مثل مبداها ورطنا بحرف الشين في العجز ههههه

محمد الروقي

01-12-2018, 07:24 AM

اغني والله مدري السجين منهوو هههههي
مير كانه الهواوووي صابت ولا خابت ونكانه غيره علموني
بحكحك راسي قبل المحيل بالابل

ناصر الهواوي

01-12-2018, 10:54 AM

يالله صبحهم بالخير
هههههههههههههههههههههههه الله يخزي بليسك يانور تعليل موفق بس ما رايح اشتريه بهالاسم
اهلا يالروقي وصح الله لسانك ولا فيك حيله ياراعي البل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

والله لا اعاود دقة الرقم وازهمك=ترد والا تسفه اللي يناديك
يمكن افوز بكلمة اهلين من فمك=تكسر جدار الصمت واقطع تماديك
العام تفهمني وانا مثل افهمك=ايام ما تستنكر إيديِّ اياديك
ذي قسمةٍ ضيزا تبا القلب مسهمك=وش لي بقي وانا بكلي مفاديك

ملكة الرواسي

01-12-2018, 11:25 AM

صباح الإبداع
لا هنتم جميع
.
البعد وظروف الزمن هدت الحيل
وغير الصبر مافيه للشخص حيله

اللي بقى شعر و قصيد وسهر ليل
بعض الاماني يا عـرب مستحيله

ملكة الرواسي

01-12-2018, 11:26 AM

http://www9.0zz0.com/2018/11/26/14/698841162.jpg
محمد الروقي ماشاء الله هذه للبيع
ههههههههههه

محمد الروقي

01-12-2018, 10:21 PM

http://www9.0zz0.com/2018/11/26/14/698841162.jpg
محمد الروقي ماشاء الله هذه للبيع
ههههههههههه

العنز مني هديه جتك وخذيها؟؟ سوي مقلقل على الكبد وكلاويها
اما الضباء فيك حلياها ومواريها؟؟زودك عن الريم طيب الاصل وطبوعك
شفتي ماني ببخيل العنز هديه والضبا خليها تحرك هواجيسي

محمد الروقي

01-12-2018, 10:22 PM

شاعر الله يرحمه

محمد الروقي

01-12-2018, 10:27 PM

محمد الروقي

01-12-2018, 10:33 PM

ملكة الرواسي

01-12-2018, 10:36 PM

العنز مني هديه جتك وخذيها؟؟ سوي مقلقل على الكبد وكلاويها
اما الضباء فيك حلياها ومواريها؟؟زودك عن الريم طيب الاصل وطبوعك
شفتي ماني ببخيل العنز هديه والضبا خليها تحرك هواجيسي

هههههههه لا حاشاك منت بخيل بيت الكرم والجود
الله يكثر خير لا باخذها كلها لي > ههههه طماعه

محمد الروقي

01-12-2018, 10:39 PM

صباح الإبداع
لا هنتم جميع
.
البعد وظروف الزمن هدت الحيل
وغير الصبر مافيه للشخص حيله

اللي بقى شعر و قصيد وسهر ليل
بعض الاماني يا عـرب مستحيله
عز الله انك جبتيها صح
صح كلك وذوقك

محمد الروقي

01-12-2018, 10:41 PM

هههههههه لا حاشاك منت بخيل بيت الكرم والجود
الله يكثر خير لا باخذها كلها لي > ههههه طماعه

فداك يابنت الرجال وعليها قعود مفطح

ملكة الرواسي

01-12-2018, 10:41 PM

عز الله انك جبتيها صح
صح كلك وذوقك

صح بدنك شاعرنا

مهرة يام

01-12-2018, 11:12 PM

هههههههه لا حاشاك منت بخيل بيت الكرم والجود
الله يكثر خير لا باخذها كلها لي > ههههه طماعه

هههههههههههههههههه ملوكه
الروقي بخيل ماعليك منه
مرره قال بيعطيني ناقه ولا عطاني هههههههههههههههه

رحيل

01-12-2018, 11:22 PM

الجو هادي و المشاعر لها بوح
و الصمت في بوح المشاعر مسره

الله يمسيكم بالخير (:

ملكة الرواسي

01-12-2018, 11:28 PM

ههههههههههه مهوره
يسعد مساكم جميع
....
ياالله نرجي من عطاك الجزيله
‏ياالمعطي الوهاب يا النافع الضار
‏.
‏ماخاب منهو كان ربي وكيله
‏عليك ربي نلتجي سر وجهار .

رحيل

01-12-2018, 11:39 PM

نذنب ونذكـر لهيب النار ،، والكنـه
للذنب حسره مثل ما للسبب جازم

يا رب حبب قلــوب الناس لـ الجنه
حنا نحب الحياه : اكثر من اللازم

؛؛

لا ضاقـت الدنيا قل : الحمدلله
حتى ولو إنـك مـن الوقـت ، هايـم

ما خاب منهـو يحسن الظن بالله
وما ضاق صدرن يذكر الله دايـم

::

من دق باب الرضا يلقا الرضا رده
ومن دق باب الجفا ياخذ على قده

حنا درسنا الهوى جزره على مده
وما يكسب الواحد إلا ماقدمت يده

الجووهره

01-12-2018, 11:40 PM

هلا بالجميييع
منووورين

ﺗﺮﺁ ﺁﻟﻘﺼﻴﺪ ﺁﻟﻌﺬﺏ ﺗﻄﺮﺏ ﻟﻪ ﺁﻟﻨﺂﺱ
ﻣﺜﻞ ﺁﻟﻬﺒﻮﺏ ﺁﻟﺒﺂﺭﺩﻩ ﺗﻨﻌـﺶ ﺍﻟـﺮﻭﺡ
ﻵ ﻃﺮﺯ ﺁﻟﻤﻌﻨﻰ ﺗﻌـﺂﺑﻴﺮ ﺍلاﺤﺴـﺂﺱ
ﻳﺒﻄﻲ ﺻﺪﺁﻫﺂ ﺑﻴﻦ ﻋﺂﺷﻖ ﻭﻣﺠﺮﻭﺡ

غمام

02-12-2018, 12:36 AM

أخاف اسلم عليكم بقصيدة وتسجنوني : )
يسعد أيامكم جميعا وصحت ألسنتكم وأذواقكم
وعساكم دوم على القوة

محمد الروقي

02-12-2018, 04:59 AM

هههههههههههههههههه ملوكه
الروقي بخيل ماعليك منه
مرره قال بيعطيني ناقه ولا عطاني هههههههههههههههه

لا تشهرينبي ترا فيها 5000 الف ريال ههه تبيعين البيت والونيت ولا اتنازل عنك ههههه خلي الناقه هالحين شهرتيبي على الملا هههههههههه
لا تسمعين كلامها عانيني معطيك عنز الناقه ماتصلح ضربتها
تخليك فوق هام السحب هههه