مشاهدة النسخة كاملة : هنا .. سجن القوافي !!
ناصر الهواوي
17-03-2018, 10:56 PM
صح الله لسانك وبدنك ياشاعرة نجد ولاهنتي ودمتي وسلمتي
المشكله يقولون ما تحضرون ياللعجب!1
شاعرة نجد
17-03-2018, 11:07 PM
صح الله لسانك وبدنك ياشاعرة نجد ولاهنتي ودمتي وسلمتي
المشكله يقولون ما تحضرون ياللعجب!1
صح بدنك شاعرنا وتسلم وتدوم
وصح لسانك,كافيهم ومغطيهم لحالك جعل عمرك طويل ودام ابداعك
لايهمونك ياجبل مايهزك ريح
خلهم يقولون ولايفعلون,حنا حاضرين وان غبنا جبنا هههه
العاصفه وبس,’’
الجووهره
17-03-2018, 11:09 PM
مساء الخير والاحساس والطيبه
وصحت الالسن والاذواق
ويعطيكم العافيه جميعا
ودام حضوركم وابدآعكم
الجووهره
17-03-2018, 11:15 PM
تسليه مسآئيه خاصه
لسجينتنا الجميله وشاعراتا الراعديه المبدعه
ان قالو لاجل عين تكرم مدينه
ماني بقايل لاجل عينه تكرم مدآين
وشهي المدآين عند رمشه وعينه ؟
الا تطيح أرقاب وتعتق رهآين.......
ولعيونك ريوم دخلت رواسي والسجن
مهرة يام
17-03-2018, 11:55 PM
اهلا يالمهره ردي على الناقد يقول ما يحضر من حزبك الا انت
وتسلمين ع التسالي الفاخره
اهلا يارحيل وبكيفك بس مدمرمك الماخوذ وينه عفا عليه الزمن وانتي حره واشوى اللي قهويتي السجينه عميسانه بالحيل ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــ
ياذيب الجبل لو ذيب صدري عوى لاهنت=اعد له صدى صوتٍ يجره من الفرقا
لو اني عليك من الشقا والعزاير منت=تقصقص ليا ملت السهل جرة الطرقا
ياسرحان انا من حر شوقي لولفي شنت=واللي شينك من كثر ما تنزل وترقا
قبل كيف كنت وعقب فرقا الغلا وش كنت=جفون العيون القشر بدموعها غرقا
اسررت بغلاها لين طال الصبر واعلنت=ودرقني بقول ابشر بماتطلبه درقا
هلا بك ياشاعرنا وزعيمنا خله يقولون الي يبوون
هذي غيره منا ومن ابداعنا وتواجدنا لايهمونك ههههههههههههههههههههه
الجووهره
18-03-2018, 12:00 AM
هلا بك مهوره منووره بعد الغيبه
الجووهره
18-03-2018, 12:01 AM
تسليه عآمه هههههه
للسجينه الجميله والجميع
غريبه حالتك والله غريبه ياظلام الليل
تفرق ناس مشتاقه وناسٍ فيك تجمعها !!
وناسٍ تشتكي من ضيق وهمومٍ تهد الحيل
عليها تطول ساعاتك ولا جفت مدامعها !!
وهذي حالة الدنيا يعيش الجيل بعد الجيل
أحد يستقبل همومه وأحد بأفراح ودّعها !!
وأحد قلبه من الأشواق مع نسمة هواه يميل
تحرك كل إحساسه بكلمة حب يسمعها !!
وأنا اللي جارحٍ قلبي حبيبٍ في الوصال بخيل
وروحي ماأظن إن شيء غير القرب ينفعها !!
ولو هو غاب عن عيني تذكرني نسايم ليل
الى مرّت نسايم ليل خياله زارني معها !!
مهرة يام
18-03-2018, 12:59 AM
هلابك زوود ياقلبي
ناصر الهواوي
18-03-2018, 07:37 AM
تغريدة الشروق
يالله صباحٍ ما يجي به تقاشير=وكلٍ مساه اخير له من صباحه
اسمع مثل غيري ترا السر في بير=مقولةٍ ماهيب ويا الصراحه
من به خذت صكات بقعا مشاوير=لوهو صميدع قلب بالغصب باحه
لا اتشير انا ما اصغي للاقوال يامشير=الاعتراف اخير والصدق راحه
مااتعبت بدورة الذهيب المداوير=انا اعرف امضحاه واعرف امراحه
لكن دون الماء حدتني نواعير=ودوٍ على مثلي يكود اجتياحه
اخاف منقود الرجال المناعير=والا ما احد رافع بوجهي سلاحه
اتعبت (بدورة)اسم مفعول للي ماقراها صح
خيال مطير
18-03-2018, 09:34 AM
تسليه...
نقشت من بوحي بْراحة كفوفي=بيتٍ عليه اسمك مسبّك ومحبوك
وأقـْفيت غصب مْكتّفتني ظروفي=تسحبني بقوّة شغبها على الشوك
طاوعتها ماطعت رغبة شفوفي=كني لها عبدٍ مسخّر ومملوك
شاخت وشبت ضوها وسط جوفي=وابي الخرااج وباب الَـ .فْرااج مصكوك
صح لسانك ثم صح لسانك ــــ تم التعديل
https://up.harajgulf.com/do.php?img=1493704
خيال مطير
18-03-2018, 09:42 AM
تغريدة الشروق
يالله صباحٍ ما يجي به تقاشير=وكلٍ مساه اخير له من صباحه
اسمع مثل غيري ترا السر في بير=مقولةٍ ماهيب ويا الصراحه
من به خذت صكات بقعا مشاوير=لوهو صميدع قلب بالغصب باحه
لا اتشير انا ما اصغي للاقوال يامشير=الاعتراف اخير والصدق راحه
مااتعبت بدورة الذهيب المداوير=انا اعرف امضحاه واعرف امراحه
لكن دون الماء حدتني نواعير=ودوٍ على مثلي يكود اجتياحه
اخاف منقود الرجال المناعير=والا ما احد رافع بوجهي سلاحه
اخــــــــاف مــنـــقـــود الــــرجــــال الـمـنــاعــيــر ..... والا مـــا احـــد رافــــع بـوجـهــي ســلاحـهــ ,,
صح لسانك يالغاليـــ ,, لاهنت ولاهان منطوقك العذب الجميل . تحياتي امير ..
خيال مطير
18-03-2018, 10:50 AM
يقول ابو بندر
الشامـي اللـي حــب لــه شامـيـه=وغـنـالـهـا يـابــنــت يـامـرعـيــه
ماهـو لـك الله مثـل حـب الروقـي=اللـي عشـق لــه مـهـرةً روقـيـه
وقامت تهـزع لجـل سـود عيونـه=وحـذف شماغـه والحـق الطاقيـه
وغنـالـهـا يـابـنــت ياالـمـزيـونـه=ياللـي عليـك مــن المـهـا مـاريـه
يابـنـت قــومً يـرفـعـون الـبـيـرق=وافعالـهـم تشـهـد لـهـا العـبـريـه
يـوم الفـعـول الـلـي تـعـد وتـذكـر=أيخضـبـون الـسـيـف والشـبـريـه
ووجيهم تحمـا الدخيـل ان جاهـم=ويـكـرمـون الــجــار والـطـرقـيـه
فلـي شعـرك وحـولـي فاالسـاحـه=وهــزي ردوف ًهــزت الأرضـيــه
انتي منى روحي وطـب جروحـي=وانـتـي هـنـاي وشيـخـة الحنـيـه
يضـيـق صــدري لافقـدتـك لـيـلـه=ولا اصبحت قمت اجاوب القمريه
يالعنـبـو بـعــدك وحـــر افـراقــك=حـبــك طـعـنـي طـعـنـة الجنـبـيـه
والله يـلـولا حشـمـتـي لـربـوعـك=انـــي لـقــول افــلانــه المـعـنـيـه
لاكـــن اقـــدر لابــتــك وغـلـيـهـا=واغليـك يــأم النـظـره السحـريـه
انـا فــدى رمـشـك ومحجرعيـنـك=وفــدى حـمـار الجـمـره السفلـيـه
الـلـي وراهــا مـثـل حــب الـولـو=تسطـع سـوات الشمعـه الغـازيـه
لاتعلنـيـن الـبـعـد عـنــي سـاعــه=والشـكـر والعـرفـان لــك مثـنـيـه
ناصر الهواوي
18-03-2018, 12:11 PM
ارحب يالخيال وصح لسان ابو بندر بس انت وينك؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
وش عاد لاصديت عني بلا ذنب=ان كان مني جزت انا مثلك اقفيت
ياكبر اجر من ياصل صويحب الجنب=والا ماتبي الاجر مني يابالفيت
يمسني شوقي لكم مست الطنب=وفي داخلي يثور ثورة ديناميت
عن ما يراود خاطرك يالحبيب انب=ما اوحيت احد من هجر من يعشقه ميت
ريم الفلا
18-03-2018, 07:05 PM
ياهلا فيكم جميع
المعذرة عندي صداع من امس شاد معي
لي عوده ان شاء الله
ناصر الهواوي
18-03-2018, 07:09 PM
حذفت
ناصر الهواوي
18-03-2018, 07:36 PM
سلامات يالراعديه عداك الشر المصدع ينصح بالاكثار من المشمش هههههههههههههههههههههههههه
مالوم ريمه لو يصدع راسها=تصدع حزيب الرواعد حاسه
لاقال شيخ الحزب جتك التسالي=عدم وفاه بما وعد هو عماسها
ويفرش لها الناقد حريره على الحسك=ومابين هالاثنين قد ضاع طاسها
وفلت بقهوة جوهرتها حجاجها=بدلةٍ والبن ماجا نحاسها
واعزتي لك يوم هالربع فزعتك=ما اظن تسعد من هالاجواد ناسها
شاعرة نجد
18-03-2018, 09:15 PM
مساكم سعيد والشر عنكم بعيد على قولت الهواوي
وصح لسان زعيمنا على هـ القذايف الوديه
ودام الحضور,’’
شاعرة نجد
18-03-2018, 09:18 PM
ياهلا فيكم جميع
المعذرة عندي صداع من امس شاد معي
لي عوده ان شاء الله
الـ هلا والـ غلا بك
وماتشوفين شر ان شاء الله
طهور,’’
شاعرة نجد
18-03-2018, 09:46 PM
تسليه
حزب الرعد,حنا ترانا العاصفه=تقصر شبور حْزيبكم من دونها
كل الرواعد لو تجي متكاتفه=وريم الفلا معهم تحد سْنونها
نضحك بهم وانْقول كن به سالفه=شوفوا متى ضْوياتهم يطْفونها
والعاصفه والقاصفه والنايفه= لاغبت اتابعها ورش مْزونها
حضور وشْعور وحروفٍ كايفه=ياجعل من يشنونها يفدونها
وعزااه ياقلبٍ يحوفه حايفه=كم يوم والمشقاة شاحب لونها
ومْنْ الظروف العوج قدهي عايفه=حتى ملابسها ونون عْيونها
مدري مع الايام وشهي شايفه=خيال,والا الله يكون بْعونها
من باب الدعابه واستثارة الاحزاب
والا كل الجميع على راسي ويفداهم اللاش
واستودعكم الله على امل اللقاء ان حيينا بمشيئته تعالى
سبحانك اللهم وبحدك,أشهد الا اله الا انت
استغفرك واتوب اليك,’’
الجووهره
18-03-2018, 09:58 PM
مسااااء الوررررد
وصحت الالسن وسعطيكم العافيه
ودام حضوركم وابداعكم
الجووهره
18-03-2018, 09:58 PM
مسااااء الوررررد
وصحت الالسن وسعطيكم العافيه
ودام حضوركم وابداعكم
الجووهره
18-03-2018, 10:00 PM
ياهلا فيكم جميع
المعذرة عندي صداع من امس شاد معي
لي عوده ان شاء الله
ياهلااوغلا ريوووم
وسلامتك حبيبتي ما تشوفين شر
الله يشفيك ويعافيك ومرضى المسلمين
وكثري من شرب المويه يخفف الصداع.
سلام عليكم
عضوة جديدة هل تقبلوني
بينكم؟
صباحكم غيمة فرح تمطر سعادة
صحت السنتكم جميعاً
ريومه سلامتك يالغاليه والف لاباس
:
ياسلام الله على من يجيني قبل اجيه
من وفاه يبادر ب كل طيب مبادره
من يحصل صاحب طيب يحافظ عليه
والله ان الطيّب اليوم عمله نادره
:
يالله بخير منك يامعطي الخير
ونفس على طاعتك ماهي ملوله
العمر قالوا في قديم المثل طير
وحبالته .. في كل ريع شبكو له
والعاقل المبصر ايخل المحاذير
ويسوق مع درب السلامه ذلوله
قبل انصرام الدلو مع حافة البير
ايوقضه .. حال الرواحيل حوله
سجين الرواسي
19-03-2018, 08:03 AM
فرحت في طلة سجين الرواسي=وقلنا هلا يامرحبا فيك حييت
يسعد صباحات البطل والاماسي=من غيبتك حتى لنا هالمساء جيت
سجين ياعلومٍ تقرقش براسي=تقول له حسبة شهر ما تقهويت
ماهيب لادوخه ولاهي عماسي=من البيت اجي للمزرعه وارجع البيت
كنت احسب اني قبل رجلٍ سياسي=واثر الدليله ضيع القوم عن هيت
ليا اطرقت عين الشقا للنعاسي=ولامس لذيذ النوم للجفن صِحِيت
ليه السلوك ايصير فيها التماسي= الوضع يتفجر بليا دناميت
لا ايامي ايامي ولا الناس ناسي=والوم نفسي ليه انا ويش سويت
بمرباعنا عاما تجرعت كاسي=ومنه بنفس الكاس هالعام صبيت
عذرني على التاخير والله يا الدخول صاير محدود عندي
لا يا سلام الله على ال الرواسي
اللي حضر واللي فقدناه يا ليت
ويا كيف اجاري راس شامخ وراسي
عبّر ولا خلا لي الا فتافيت
يا ناصر ابن عبيد مَ حنا سواسي
انته على رجم القصايد تعليت
وانا يا دوب ان زاد فيني حماسي
اجيب لي بيتين واحيان بس بيت
ولاني بلابس لبس مل هو لباسي
حتى ولو هو قيل لي فيه ما اقديت
واللي مشا في وسط موكب رئاسي
ما هو مثل من شاته الوقت تشويت
العام نلقا للمصايب مواسي
واليوم اعانتهم لنا عود كبريت
لين ابعدوني جنب خط التماسي
ناسٍ تصد الحي وتقدم الميت
يسعد صباحكم و ضحاكم (:
صح لسانك سجين
.................
حمامة الغصن غنّت فوق خضر الغصون
ساقتني الھا قدم رجلي و مريتها
ﺑﺎﻻمس غنّت وبكّتني بسجع اللحون
واليوم غنيت معها .. لين بكيتها
سجين الرواسي
19-03-2018, 10:47 AM
صح بدنك رحيل ويسعد صباحك وصباح الجميع
تسليه فخمه يا رحيل صح ذوقك
ناصر الهواوي
19-03-2018, 12:31 PM
شاعرة نجد وفيتي وكفيتي وصح الله لسانك الى مالا نهايه يالعاصفيه
شرهه يامرحبا بك سجن الرواسي يهلي فيك وحزب العاصفه يرحب بك وانتي راعية الشداد
(شرهه يدي ماكل عودٍ تعصاه==== ولاهي على عوج العصي مغصوبه) منقول بمناسبة اسم اختنا الضيفه
الجوهره هلابك ولاهنتي
رحيل مرحبابك وبماجبتي
سجين الرواسي صح الله لسانك على هالفاخره صدى اذاب الصوت من جماله مبدع يالغالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
بحزب الفخر يامرحبا فيك ياشرهه=تراحيب وبلٍ هلته مزنةٍ عدت
بسجن الرواسي قاعدة حزبنا فرهه=تسلي بصيحات العدا كلما اشدت
هجوس الشعر عطني مزيل الكدر وارهه=قافٍ لوهو بعكه بالابداع قد ندت
مال احزابهم بمطاولة حزبنا شرهه=كم هجمه تقابل شاعرة نجد واردت
خيال مطير
19-03-2018, 01:39 PM
بعض العرب لو ما فهمنا كلامه
زينه طغى لين اصبح اليوم مزبان
ما احتاج لمترجم ليا ارخى لثامه
ابا اتمتع في حلايا هالانسان
العين تشرح لي مواقع مقامه
والبوهه البوهه هي السر يا فلان
متربعه في وسط ساحل تهامه
يسقي ديار ضمته سيل ودان
متميزه بين اللبني بالفخامه
والرمش حد مطيح الروس شامان
مير افزعوا لي من مزايا قوامه
مقسوم..نصه جايع ونص شبعان
ما اظني القى من غرامه سلامه
لو ان قلبي قافل باب الاحزان
ليا طرا عديت راس العدامه
وجتني هواجيسي مثل غر الامزان
مثايل فيها من ارضي علامه
من روضة ما طبها راعي الضان
يطرب لها من يعشق الابتسامه
في وجه من فيها من الزين الوان
ليا رآها من يداري صيامه
يجوز عمره يقضي ديون ديان
سجين القوافي
الجووهره
19-03-2018, 01:47 PM
سلااام عليكم
واسعد الله ظهيرتكم بكل خير
ماتقلد احد ابد هههههههه
وهلا بكم وصحت الالسن والاذواق
صح لسانك شاعرنا الهواوي بس لا تسوي دعآيه لحزبكم خلو الناس على رآحتهم هههههه
هلا بك اختي شرهه نورتي رواسي والسجن وبانتظار مشاركاتك
سجين الرواسي هلا بك مليوون منوور السجن وصح لسآنك على المجاراة الرائعه وأخبار الشيلات والليل والود ههههههههههه
رحووله هلااا بك منووره ويسلم ذوقك ياقمر نص الشهر ههههههههههه
ريوم لها فقده شاعرتنا و سجينتنا الجميله الله يشفيها ويعافيها ومرضى المسلمين
وزعيمنااا الفراج طول الغيبه الله يرده بالسلامه
والناقد وملووكه الله يردهم بالسلامه
وينكم ي الراعديون لا تفرحون بعض ناس علينااا
ههههههههه
خيال مطير
19-03-2018, 01:48 PM
بديت بسم اللي له الخلق يرجون = اللي خلق خلقه و يعلم عددها
أنشأ البشر من نطفة ما بها لون = سبحان من ينش العظام بجسدها
علام باللي بخافي الصدر مكنون = مخرج عظام باليه من لحدها
اللي هما بأمره طواغيت فرعون = في قدرته طم الطغاه و حصدها
في غيهب يزوم بأمره و مشحون = غبات تشيل الرواسي زبدها
سبحان خلاق الملأ والي الكون = الواحد الماحود فرد صمدها
و من بعد ذكر المعتلي ننظم افنون = افنون من غاية ضميري قصدها
قيفان من صدري منظم و موزون = من خوف هرجت واحد ينتقدها
و يا راكب من عندنا فوق صالون = آخر مديل مصدره من بلدها
و إلى عشقته بالدبل تقل مجنون = يطوي هلاش طعوسها مع جلدها
يبفي على قرم له الناس يصغون = من لابة بالطيب كلاً حمدها
يتلون أخو قطنه بالأعسار و الهون = فدعان بالشدات تنطح كودها
يمشون للموت الحمر ما يكنون = ستر الهنوف اللي تنقض جعدها
و بالمرجله و الطيب دايم يفوزون = كان اقحطت شهب السنين يرغدها
براس الجذيبه للهواشل ينادون = للضيف والجيعان واللي اعتمدها
أقولها من عرض ناس يقولون = تاريخهم موجود ما أحدٍ جحدها
واليوم وقت اليوم ما ضلت فتون = الحمد لله ثم راصد وددها
حنا بضل اللي على الخير يمشون = اللي احكموها بالشريعه وحدها
دستورهم القرآن و بالخير يسعون = فهد فهدنا و العروبه فهدها
المملكة بأزهار و أنهار و عيون = ومن دار عزه بالكرامه وجدها
و كل بحكم الشرع راضي و ممنون = متساوي كبش الغنم مع أسدها
العلم مثل السيف ساطي و مسنون = ولا الجهل رمي البيوت و عمدها
العلم به ميزات وأفكار و اسكون = ولا الجهل عمى العيون و رمدها
دنيا تقلب كلها ظيم و احزون = تخيف اللبيب اللي بعقله رصدها
تغيرت شوفات و اسلوم و اشجون = و الكره خيم بالصدور و حقدها
تجيك من الأدنين الهود و غبون = ما تنعرف صدقانها من حسدها
ولا أنت عارف و مثلكم من يعرفون = و العلم عند من معالم رودها
و بالكلمه اللي قلت ليه تمونون = أنا ما أبي غيض النفوس و نكدها
يا عل يفدونك هلابيس و أعفون = اللي عن الطولات تقصر امددها
بعض البشر ودك عن القاع ينفون = اللي المراجل و الحميا فقدها
و تبقا لنا يالصيرمي ذخر مظمون = يامن خطو اللاش نفسه قردها
وصلاة ربي عد خلق يصلون = على الرسول اللي الشريعه سندها
لافي العنزي
الجووهره
19-03-2018, 01:49 PM
هلا بك خيآل
منوور يا الاقشر
الجووهره
19-03-2018, 01:51 PM
شيلة الليل والود
تسليه للسجينه الجميله
وسجين الروآسي
والجميييع
https://www.youtube.com/watch?v=3dUyqosVrUM
سجين الرواسي
19-03-2018, 01:55 PM
شيلة الليل والود
تسليه للسجينه الجميله
وسجين الروآسي
والجميييع
https://www.youtube.com/watch?v=3duyqosvrum
ههههههههههههههه على الجرح هالشيله يالجوهره صح ذوقك يا ذوق
خيال مطير
19-03-2018, 01:57 PM
هلا بك خيآل
منوور يا الاقشر
منوره يالقشراء
محمد الـفراج
19-03-2018, 02:45 PM
صح لسانك ثم صح لسانك ــــ تم التعديل
https://up.harajgulf.com/do.php?img=1493704
خيال مطير
اذا تكرر منكـ مثل هذه الألفاض سيتم حضركـ
محمد الـفراج
19-03-2018, 02:49 PM
ابو عبيد سجين رواسي شاعرة نجد
صحت السنتكم
مليووووون ولا يكفوووووون
ريم الفلاء
ما تشوفي شر ان شاء الله يالجزله
خيال مطير
الجوهره رحيل نور المهره
دام حضوركم
تسالي رااائعه وحضور اروع
ناصر الهواوي
19-03-2018, 08:07 PM
الله على اللي ليا نشته برجلك يفز=فزة من اغفا وبابره واحدٍ طزه
بعض المراكب فخم ويعد مركوب عز=والبعض لوهي تشوِّق مالها مزه
ابا اركبه واتجه به صوبهم وانتهز=يمكن يقولون لي يابركها حزه
ابا اتجرا بمالي عندهم واعتنز=على فوادٍ برمشه من سنه خزه
من حين سلهم بهن من بين حدبه رمز=وفي مثل حب البرد من مشبكه جزه
ومن بعده النوم عيني لادنت له قمز=حتى الجفن لادعيت النوم له كزه
يعادل لروح من يغليه بل هو اعز=في مجمله يابو فيصل هيكل و رزه
مهرة يام
19-03-2018, 09:15 PM
عيون الحب لا يمكن تناظر
عيوب الخل لوهو عيب كله
تماري فيه وبوصفه تكابر
ترى من فوق خلق الله محله
رفيق الليل في الشباك ناطر
واثاري الليل شباك لخله
حفظ احلى الكلام وصار شاعر
بصبر ينتظر والصبر مله
مهرة يام
19-03-2018, 09:19 PM
أموت من فرقاك .. و أموت بلقاك
وأموت من جورك .. و أموت بحنانك
كلٍ قضاه يموت مرّه .. و يفداك
و أنا أموت ألفين مرّه .. عشانك
أذكرك.. لا مني نسيت إني نسيتك
أنساك .. لامني ذكرت نسيانك
رضيت أنا بالهم لرضاك مرضاك
و ارخصت لك قلبٍ جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
ناصر الهواوي
مايرد الكريم الا اللئيم
وانتم دعوتوني وانا البي دعوتكم
اعتبروني معكم
سجين الرواسي
20-03-2018, 08:03 AM
ابو عبيد سجين رواسي شاعرة نجد
صحت السنتكم
مليووووون ولا يكفوووووون
ريم الفلاء
ما تشوفي شر ان شاء الله يالجزله
خيال مطير
الجوهره رحيل نور المهره
دام حضوركم
تسالي رااائعه وحضور اروع
صح بدنك يا الامير ويسعد صباحك وصباح الجميع
ناصر الهواوي
20-03-2018, 09:29 AM
اهلايابو فيصل وصح بدنك
مرحبا ياسجين
اواهلا بالجوهره اوخيك بالسجن ومصيخينه الله يشفيها واعزي لكن من ربعكن
ارحبي ياشرهه تو ما اسفرت وانورت شكلك عندك معلومات عن الاحزاب والسجن لكن للتوضيح
حزب المدمر المنقرض محمد الغنامي ورحيل وهماليل وبقيت رحيل والباقين صاروا هباءاٍ وطارو سدا هههههههههههههه
حزب الرغد
الناقد والفراج والجوهره والسجينه ريم
حزبنا العاصفه
محاكيك وشاعرة نجدو العواد والمهره والدنيش وغزلان ونور وسجين الرواسي فيا اعتقد
وفيه مستقلزن العازي والخيال
ناصر الهواوي
20-03-2018, 09:47 AM
الظاهر انها تطرب مع ريحة اوبار النخل الماخوذه (لقاح النخل) ههههههههههههههههههههههههههههههه
يشجي هجوسي كلما لج بالنخل=ورق الحمام الصفرتين ينوح
ينخل ونينه مهجة المهتوي نخل=وفيما يكنه غصب عنه يبوح
الا ياكريمٍ صار به هالسنه بخل=عذ من قرينك وادرك المجروح
ترا صدك بلا ذنب في صحته يخل=على العين والقلب الشقي والروح
لا اتقول انا مالي بمالك جرى دخل=ما يصير تشبكني معك واتروح
عقب ماشخلت شغافي بمبسمك شخل=وبهو الصدر شيدت فيه صروح
لسراح قلبي كان قررتها أخل=اشهد عليها ياحمام الدوح
ناصر الهواوي
20-03-2018, 10:03 AM
بسجن الرواسي دش يالخالدي لاهنت=الاسعاف اشوفه صاح جهمه بريومه
كثير القصيد وودنا نسمعه منك انت=نبع ابداع خل ابداعنا ياحمد كومه
خفير السجن بالله يالقرم وينك كنت=سجنا حمد والريم مخلاه/ .....مه(ههه)
من حزب الرعد اشفِق على هالبنت والبنت=هذيك وهذيه مع هالاجواد مظلومه
اذا للاومور الصادره يالحبيب اذعنت=نبي من رقيق الشعر يالقرم منظومه
ريم الفلا
20-03-2018, 11:04 AM
هلا يالهواوي يسعد لي صباحكم جميع
وصح السنتكم ولاهنتم
هلا ياشرهه منورة السجن
السلام عليكم والرحمة
كيف حالكم
ابو عبيد صح لسانك
اليوم انا فرحااااااااانة اليوم بنور لكم
السجن انتظروووني
ناصر الهواوي
20-03-2018, 12:31 PM
الهلا ياريم لعلك متشاويه اليوم؟؟هههههههههههههههه
ارحبي يانور وعليكم السلام والله يزيدك فرح وسعادهوننتظر وفاك بتنوير السجن
مارايح نقول شي الا بعدك ان شاء الله
خيال مطير
20-03-2018, 02:09 PM
السلام عليكم والرحمة
كيف حالكم
ابو عبيد صح لسانك
اليوم انا فرحااااااااانة اليوم بنور لكم
السجن انتظروووني
حتى خفير السجن فرحان ,
خيال مطير
20-03-2018, 03:12 PM
http://www.r111n.com/t31378.html
ناصر الهواوي
البقى والمهلي مايولي
كالعبة ماهي غريبه اعرفها
لكن الاحزاب مادري كيف نضامكم
دعوتموني ووافقت على الدعوه بدون تردد
حمد الخالدي
20-03-2018, 05:30 PM
بسجن الرواسي دش يالخالدي لاهنت=الاسعاف اشوفه صاح جهمه بريومه
كثير القصيد وودنا نسمعه منك انت=نبع ابداع خل ابداعنا ياحمد كومه
خفير السجن بالله يالقرم وينك كنت=سجنا حمد والريم مخلاه/ .....مه(ههه)
من حزب الرعد اشفِق على هالبنت والبنت=هذيك وهذيه مع هالاجواد مظلومه
اذا للاومور الصادره يالحبيب اذعنت=نبي من رقيق الشعر يالقرم منظومه
السلام عليكم ورحمة الله
صح الله لسانك يا ابو عبيد والله يهاديك بس ههههههه
الا يا الهواوي غبت عنك واشوفك منت
ومثلك يمون ومزحته غصب مهضومه
بعد غيبتي شنّا وزنّا وشنت وزنت
طبيعة بشر والوقت ما تجهل علومه
ابو عبيد لا لاحظ وجودي يقول اسجنت
ويضحك عساها ضحكةٍ دوم مرسومه
تحزب بحزبك زين يا راعي الإكسنت
ورهم لها مدفع وطلقات مسمومه
بعد طالت الغيبه وجينا اشوه برنت
عن السجن لأن السجن به ناس مضلومه
حمد الخالدي
20-03-2018, 05:55 PM
قلبي اللي من بعدهم ما سلى
لو اكابر كذبتي ما تنطلي
جامعين الزين واصناف الحلى
والحلى والزين ما تبغى حلي
يوم اسج الرجل لدروبٍ خلا
ادعس ام الهم يمكن ينجلي
مير لا ابو جد هذاك الغلا
يرسل الأشواق تصلاني صلي
ما كن به غيري بهالدنيا ملا
لعن ابو هالشوق ما عنده ولي ؟
لا ذكرت عيونها جاني بلا
ولا ذكر اوصافها يغمى علي
ناصر الهواوي
20-03-2018, 07:37 PM
ارحب يالخالدي وحياك الله ونورت المعتقل
وصح لسانك بالاوله والثانيه ولولا هكذا ابداع ما سجناك
نعم غبت عنا ياحمد وبسلامه بنت=بدر واختفى ثم انجلت عنِّه غيومه
لي معكم زمالة حرف زينه ياشوق البنت=وحقوق الزماله يافتى الجود معلومه
وباخلاقٍ كريمه فيك كانت طمعت ومنت=ونهج البنادم من مباديه وسلومه
ان امضيتها فامرٍ طبيعي واقول احسنت=والاوضاع لوجا غيرها قبل محسومه
انا راعي اللكسس وغيري على جالنت=نصيب الهدف يوم ان الاحزاب منجومه
تشدد وانا مزيون من خلقتي ما شنت=وجيه تشيِّن بالنبا الزين ملطومه
حمد الخالدي
20-03-2018, 08:16 PM
ارحب يالخالدي وحياك الله ونورت المعتقل
وصح لسانك بالاوله والثانيه ولولا هكذا ابداع ما سجناك
نعم غبت عنا ياحمد وبسلامه بنت=بدر واختفى ثم انجلت عنِّه غيومه
لي معكم زمالة حرف زينه ياشوق البنت=وحقوق الزماله يافتى الجود معلومه
وباخلاقٍ كريمه فيك كانت طمعت ومنت=ونهج البنادم من مباديه وسلومه
ان امضيتها فامرٍ طبيعي واقول احسنت=والاوضاع لوجا غيرها قبل محسومه
انا راعي اللكسس وغيري على جالنت=نصيب الهدف يوم ان الاحزاب منجومه
تشدد وانا مزيون من خلقتي ما شنت=وجيه تشيِّن بالنبا الزين ملطومه
البقا يا المزيون ههههههههه
الله لا يهينك وصح الله لسانك لين تقول بس
مهرة يام
20-03-2018, 08:18 PM
مسالورد
صحت الالسن والاذواق
ياهلا بسجين الرواسي نورت واخر الغيبات
ياهلا بحمد الخالدي نورت السجن واخر الغيبات
هلا شرهه منوره السجن
وحياك الله بحزب العاصفه هههههه
حمد الخالدي
20-03-2018, 08:32 PM
لا يا الهواوي تقول وحزبكم مهزوم مهزوم
الله يعين العواصف دامها عند الرواسي
الادمي لو تعنا ما يحصل غير مقسوم
شيٍ اساسي واظنك ما تشك انه اساسي
لا شك بيني وبينك يا رفيقي رحلة قروم
جيتك هواوي وجا شفي على طرقٍ حماسي
لكسزك راحت مكينتها سبايب كثرة النوم
فالسجن جالس تنود تنود ذابحك النعاسي
حمد الخالدي
20-03-2018, 08:36 PM
الله يبقيك يا مهره ويسلمك صح الله بدنك
لا ابو عبيد انا استمتع بنافسته ومقاشرته واتعلم منه
انا حزبي حزب الرواسي سميته اللي بيجي الله محييه هههههه
حمد الخالدي
20-03-2018, 08:47 PM
يا شمعة الشوق ذبتي من لهيب الفرآق
ما عاد باقي سوى ذكرى شموع(ن)فنّت
ذكرت ماضي حياتي يوم شفت النفآق
وعزمت اعيد النظر يوم المشاعر جنّت
ألد عيني واشوف ان الجلايل دقآق
وهذي بشاير سعد لأن النهايه دنّت
ما عاد ينفع مشاعرنا وداع وعنآق
لأن المشاعر على درب الخيانه بِنّت
كنت احسب ان المحبه تنحصر في نطآق
وأثر المحبه على عرش القلوب سكنّت
كنت ادري ان المحبه ضيمها ما يطآق
وإن القلوب الرهيفه للوليف انحنّت
أعرف قليب(ن)حجر واعرف قليب(ن)رقآق
وأعرف عزوم(ن)على طول المدى ما انثنّت
الجووهره
20-03-2018, 08:59 PM
السلام عليكم
ومساكم ورررد
وصحت الالسن والاذواق
ويعطيكم العافيه جميعا
ودام حضوركم وابداعكم
وهلا بك حمد الخالدي منور رواسي والسجن
وصح لسآآآنك وابشر بالتسآآآلي
حمد الخالدي
20-03-2018, 09:03 PM
وعليكم السلام ورحمة الله وبركاته صح الله بدنك يا الجوهرة
لا طلبه وان كان ولا بد عطيني برينقلز السالي يسبب حرقان خخخخ (مزحة)
لا هنتي
الجووهره
20-03-2018, 09:11 PM
تسالي من االذآئقه
للسجين والجميع
نبع الغـلا عنـدك وعنـدي مصبّـه
ومن الولا في خافقي لك ..ولاياات
وطيفك حطب عيني وعيني مشبّـه
والشوق بردٍ ما انقطع لو للحظـات
ومكانك الصدر ولـك القلـب شبّـه
بين الضلوع اللـي فردهـا التنهـات
ولـك بيـرق فالقلـب حبـك يهبّـه
شامخ ولا هزه مـن العـذل غـارات
ـــــــــــــــــــــــــــــــــــــ
يا غصن طارت عصافيرك وعودك رطيب
هـــي طـــارت بكيـفـهـا أو إنـــت هديـتـهـا
عـاش البكـا مـن فراقـك طـايـر العندلـيـب
وأصـبـح يــردد مووالـيـل إنـــت سويـتـهـا
ـــــــــــــــــــــــــــــــــــــــ
الوله لك ( غيم ) و أشواقي سما
تحتوي حبك .. و تمطرني : حياه ..!
ــــــــــــــــــــــــــــــــــــــــــــــــ
للشعر ذويقه وللبوح كتّاب / ،،،،
/ولليل بعيون السهارى تفاصيل
وبعيني لعينك سواليف وعتاب / ،،،،
/ اطول من شروح الغلا والمواويل ..
ـــــــــــــــــــــــــــــــــــ
حمد الخالدي
20-03-2018, 10:03 PM
الجوهرة
لا هنتي يا قرمة على التسالي والذائقة الجميلة
..
يا لطيف الروح وش عندك سوالف؟
قولها لو كان معضمها سخيفة
هي سخيفة؟قولها لي ما يخالف
السخيفه من فمك تطلع ظريفه
مساء الخير والرحمه
الله يسعد مساي ومساكم (:
حمد الخالدي عودا حميدا
واخر الغيبات ان شاء الله.
صحت السنتكم
ودام هالحضور الجميل (:
مبروك الحريه ريومه
ومبروك عليكم اعتقال الخالدي (:
>>> فيس يفكر في الانضمام للحزب الجديد هههههههههههههههههههههههه
ناصر الهواوي
20-03-2018, 11:06 PM
ياسلام عليك يالخالدي صح لسانك وبدنك
اهلا يالجوهره
ارحبي يالمهره
وش عند هالخالدي يدرج حضيرتنا من اليوم=شيخ الرواسي طلبتك لا تطيح الا متواسي
اليوم شايش وبكره جابتك ما فيه معلوم=(ني) مااشبط العاصفه حزبٍ قوي مع هز راسي
وابوك حنا بشهر اذار عاما نهزم القوم=دوك الرعد يرتعد بالقيض مافيه التباسي
لوجيت قبل امس توحي بالسجن ونات ريوم=امطنشين البنيه كل شخص ايقول ناسي
وحزب المدمر لشيخه قل عسى هالحزب مرحوم=العاصفه جرعتهم باسها كاسٍ بكاسي
حمد الخالدي
20-03-2018, 11:10 PM
كفووو يا رحيل
مساك الله النور والسرور صح الله بدنك
هذا الكلام السليم ارقي سنود ههههه
الخالدي كفوك الطيب طال عمرك .
صح لسانك يابو عبيد (:
——————-
يا وجد حاالي كل ما ناح قمري
على الطموح اللي بديت انزعج له
حظـي مغير يعرقل احلام عمري
لا شـاف حلـمٍ جايني مد رجله
؛
ماعاد فيني بقايا يانسيم الهبوب
الأيام ما عاد تسعد لذّة وصالها
أعوذ بالله من موت الغلا فـ القلـوب
هذي هي الموته اللي ما حسبنا لها
(:
ناصر الهواوي
20-03-2018, 11:20 PM
اووووووووووووووووف= اوووووووووووووووووووف
بالفكر لذعه قبل والهجس ملقوف=الورق لاغنت على الغصن غنى
إن شرّْقت ميسون وان غربت نوف=ودري بمغيبتهن على طول ونا
يعني على ما قيل يعدي على الشوف=اتدرهم ذلوله بالخلا ما تونى
بس ايتغابا كل مامره ايطوف=انا اشهد انه ماغزى مع مهنا
الجووهره
20-03-2018, 11:22 PM
الهلا بالجميع
وتسلم اخوي الخالدي من ذوقك وصح لساااانك
ومبروك الحزب الجديد الروآسي جعله الله خير خلف لخير سلف هههههههه
وهلا بك رحيل ويسلم ذوقك وتوكلي على الله وانضمي للحزب الجديد وبالتوفيق
شاعرنا الهواوي هلا بك زوود وصح لسآنك ودام حضورك وابداعك
حمد الخالدي
20-03-2018, 11:51 PM
صح الله لسانك يا ابو عبيد
هههههههه لا حول ولا قوة الا بالله
يا شايب الحزب لو يباع بعته بأول السوم
لا تقول حزبي غلاته من غلا ربعي وناسي
يا عود خلك حوالين الفراش اليوم مزكوم
لا تذي الناس وانته ممتلي راسك عطاسي
ترطن علي والكلام اللي تقوله غير مفهوم
خذها نصيحه تنحى دام فيها ضرب قاسي
وخبرتك نفرح بها والعمر طبعه يرخي عزوم
وابشر بي ابارفدك لا فنبعت من قو باسي
حمد الخالدي
20-03-2018, 11:59 PM
سلمتوا ولا هنتوا على القصايد والتسالي
حمد الخالدي
21-03-2018, 12:25 AM
إهداء لحزبي
https://youtu.be/ZrqdZdetStM
ابلوتو المكار ما عنده افكار
اما يدور شر والا تزانخ
ما يدري انه رغم كل الوذا طار
يوم ان كلى باباي لقمة سبانخ
:)
سجين الرواسي
21-03-2018, 12:34 AM
يسعد صباح الجميع وتسليه ومشاكسه عساها تروق لكم
زادت الاحزاب في سجن الرواسي
بس تبقى العاصفه فالاولويه
تحت راية شاعرٍ يجلي عماسي
لا تغنّا بالبيوت العاطفيه
وشاعرة نجد ان تغنت شاش راسي
هجسها مثل المزون العقربيه
وباقي الاعضا تواجدهم اساسي
واعذروني كان خليت البقيه
شمروا عن ساعد الطرق الحماسي
يا هل الاحزاب ما صارت قضيه
القضيه ما تبي شخصٍ سياسي
القضيه عاوزه دفه شويه
حمد الخالدي
21-03-2018, 12:40 AM
الله الله يا سجين صح الله لسانك
وكفو انت وشايبكم والجميع
لكن ان قاله الله لأسوي انقلاب :)
حتى خفير السجن فرحان ,
لاتقلد لو سمحت
ودوووورم فرحان ياخل
جعل السعآده فوق قلبك غيوم!
تمطر على ارض المشآعر وترويك
و ان گآن في صدرك تعآليل و هموم !
تغسل هموم خآفقك لين ترضيك"
محمد الـفراج
21-03-2018, 12:10 PM
الهواوي حمد الخالدي سجين رواسي
صحت السنتكم يالمبدعين
رحيل الجوهره نور
تسالي وحضور رائع ولاهو غريب عليكم
ومبروكـ الحزب الجديد يالخالدي لا اوصيكـ على الهواوي وحزبه ههههه
محمد الـفراج
21-03-2018, 12:11 PM
شمروا عن ساعد الطرق الحماسي
يا هل الاحزاب ما صارت قضيه
القضيه ما تبي شخصٍ سياسي
القضيه عاوزه دفه شويه
الله الله
ابداع
صح لسانكـ يا سجين
ناصر الهواوي
21-03-2018, 12:19 PM
اهلا يالخالدي ومبروك الحزب الفتي وتضامناً معه نبي نعطيكم فرصه تفرفشون لعل ينطم له اعضاء والا مصيره مفروغٍ ٍ منه ههههههههههههههه
اهلا ياسجين يابعد راسي هكذا وتوقيت قمه
اهلا يالجوهره وحييتي
اهلا يارحيل ورايك صايب انضمي لرواسي حتى لو حصل شي انت متعوده على الهزيمه ههههههههههههههههه
اهلا يانور وصح الله لسانك ولازلت اقول نور شاعره ههههههههههههههه
ارحبي يالمهره
ــــــــــــــــــــــــــــــــــــــــــــــــــ ــــــــــــــــــــــــــــــــ
سجين الرواسي مسرجٍ مهرة الابداع= وانا من قبل لي مهرةٍ فيه مسرجها
لهن ارخ الاعنه خلهن يرثعٍن بالقاع=لجل اخصامنا منهن تضيع مخارجها
نصحنا حمد والخالدي للنصح ما طاع=عطه فرصه يشوف الشبح في مدارجها
لجل يضرب اخماسه ليا مرته بارباع=سواة الرعد روَّح غويجه يدرجها
قرقعنا للاول بالتنك بالضحى وارتاع=زعيم الحزب ضحى برحول واحرجها
دع هالحكي وارفع في بحر ود ليلى شراع=سهم رمشها كبدي بدمي مضرجها
عيونٍ لها في ذبح من لد فيها باع= عكش رموشها يبهر عيوني تعرجها
خدره /ناعسه/ سودٍ /مراض الجفون/ وساع=من عيون من لايذكر الله يخارجها
اتلى علم مغليها بها في هاكالمرباع=وهذا حولها ياجعل ربك يفرجها
خيال مطير
21-03-2018, 02:47 PM
شيلة ياناصر
https://www.youtube.com/watch?v=g9ovgfjN6Q4
خيال مطير
21-03-2018, 02:48 PM
قصيدة ياناصر
https://www.youtube.com/watch?v=kKzovHpBLmU
سجين الرواسي
21-03-2018, 04:10 PM
شمروا عن ساعد الطرق الحماسي
يا هل الاحزاب ما صارت قضيه
القضيه ما تبي شخصٍ سياسي
القضيه عاوزه دفه شويه
الله الله
ابداع
صح لسانكـ يا سجين
وعليك يا منبع الابداع وصح بدنك يا بعدي
خيال مطير
21-03-2018, 04:26 PM
لا تزعلون خفير السجن لو سمحتم عطووووووه حقه تراني قاص جرتكم ,
خيال مطير
21-03-2018, 04:31 PM
https://up.harajgulf.com/do.php?img=1349702
بالذات انت
خيال مطير
21-03-2018, 04:35 PM
جاااك العلم
ناصر الهواوي
21-03-2018, 07:29 PM
تدرون يازقين شعر الغزل ان كذبت بصالحك ونسبة المصداقيه فيه تساوي نسبة ماعلق في خاطرك من ذكريات قديمه ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــ
طواري الفكر منبعهن من الذكريات=والذكريات اسها يعود لعصورها
تدك بي نوب واسهر طول ليلي ما ابات=من غيبة الشمس حتى ينتشر نورها
تسرح حويه وتزهمها المشاعر وجات=مع ما ينغص مزاجي ماخذه دورها
ما ادري تبلد شعوري اوبعد قول مات=صكات بقعا رغم صبره عدت طورها
ياملهم الشعر من ماطاب لك هات هات=دقق بمضمونها لا تحسب سطورها
كنت احسب اني نسيته واثرني في سبات=جلَّت نعاس المعنى ريحة عطورها
حمد الخالدي
21-03-2018, 09:30 PM
الهواوي صح الله لسانك لين تقول آمين
محمد سجين كل من مر وغنا او جانا بالتسالي الله لا يهينكم
..
باسوق القوافي من طناخة طويل ذراع
واباسري على هاك العواصف وابرمجها
اشوف الهواوي في عجاجة فريقة ضاع
سبايب هنوفٍ ما تخلي تغنجها
يصوم رمضان ويبتعد عننا ملتاع
سبايب حليمه لا جزا الله برامجها
ليا غطت الشاشه سخافات واستمياع
علومٍ رديه لعن ابو جد منتجها
الا يا المقنع ما بقى فالطريق قناع
تموت العرب لكن تبقى مناهجها
تحب التحدي خص لا كثروا الاتباع
وانا لا نويت الحرب صوتي يبنجها
علامك تفاخر كنك اللي ملكت القاع
وانا خابر ابياتك وخابر تبرجها
ترا افكارك اللي من هواها لحقك صداع
تبي كية بين الأذاني تعالجها
بليا دوا الصين وبليا نبث اشعاع
نصيحة وانا ما ابيك يا اخي تسمجها
باغني طرب واطرب وتطرب لي الاسماع
وطبع القصايد تتبع نهج ناهجها
ناصر الهواوي
21-03-2018, 11:10 PM
إن اوفيت كيلي كال لي في اقفي الصاع=بمضماه والقربه مع الجنب باعجها
هو انت السجين او القصيده سبب مطلاع=(محمد سجين) اشارةٍ منك دامجها
يكفي مالنا بمطاولة مامضى مرجاع=خيوطٍ طرت والفكر بالقاف ينسجها
تداعي معاني واخت هجسي من الرضاع=والام القريحه رغم عانج ووانجها
لها تلني سلك البريسم وانا مطواع=ابا ارسم بها لوحه اتهبل وافرجها
على ما احتوت من وصفها به كثير انواع=من تعدادها عاد القريحه تشنجها
عيون اشقرٍ يتل وكره يبا المطلاع=وجيد المهاه اللي حدا الرمي ساهجها
وذيل الحصان اللي يشعشع يبال المفزاع=ونباً من حلاته كل عله يعالجها
تحاديت للي ودني به وهجسي طاع=على قولتك خايف يجي ما يسمجها
قرناس الحرار
22-03-2018, 01:08 AM
اسعد آلله صباحكم
وصحت السنكم وابداعاتكم وذائقتكم
ذاااااااائقه
https://youtu.be/wttdXuoqlzM
تسليه للسجين والزوار
صبحتوا بالخير والعلم الزين
صحت السنتكم جميعاً
ابو عبيد يقول
(اهلا يارحيل ورايك صايب انضمي لرواسي حتى لو حصل شي انت متعوده على الهزيمه ههههههههههههههههه)
^
لا والله ماني متعوده على الهزيمه
انا حزبي انسحب ما انهزم فيه فرق (:
وانا لوني متعوده على الهزيمه وارضى بها انضميت لحزب من احزابكم هههههههههههههههههههههههه
الوقت لو جار ماهتميت من جوره
بدري على الوقت يامرني وينهاني
البعد مثل القيض والقيض جانا
والوصل مثل البرد والبرد روح
؛
يارفيـق الذات من باب الحديث الودي
صاحبك همه يمـوت ولا تخيب ظنـه
والله انـه من غلاك وكبر قدرك ودّي
انتخاوى فالحيـاة ونلتقي فـ الجنه
؛
عليك السلام الواجد اللي مهوب شوي
يا شيً تفاصيله مع سجة الساهي
(:
حمد الحربي
22-03-2018, 04:42 AM
السلام عليكم ورحمة الله
صبحكم الله بالرضى والعافيه
المعذره عن الانقطاعه والقصور لكن يشهد الله اني فاقد السجن والتواجد الطيب
ابو عبيد المتألق في سماء السجن والقائد المحنك للحزب العظيم الله لا يهينك على الندر والوجود الكايف
حمد الخالدي مرحبا ومسهلا صح لسانك ومنور السجن الله لا يهينك على التواجد يالسمي
سجين الرواسي صح لسانك ولاهنت
خيال
قرناس
رحيل
والجميع الله لا يهينكم تواجد طيب ويحتفى به
حمد الحربي
22-03-2018, 05:31 AM
مشاركه للمبدعين
••
ليت قلبي من غرامه مستريح
مابحث درب المقفي ولحقه
كنت احسبه بالهوا " هباب ريح "
ضن واخلف به بفعلٍ يمحقه
ناصر الهواوي
22-03-2018, 12:04 PM
اهلا يارحيل ما ادري لكن يمكن خانني التعبير اذا تلاشا الحزب او الخصم امام اخصامه وش تفرق ان قيل انهزم او انسحب
لكن الحق يقال انتي صمدتي وكافحتي ولا يلحقك تثريب ههههههههههههههههههههههه
بالله انشدوا عن ريم عسى مافيها باس الله يحفظ الجميع وكذلك شاعرة نجد ياكثر المفقودين لوهم بالعراق اتهمنا الحشد الشعبي
اهلا ياحمد ولاهنت على الاطراء وصح لسانك وبدنك وتبي الصراحه لولا...............انسحبت هههههههههههههههههههههه
ولا احد يفكر بالنقط والله انها خارج المنتدا ههههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
هز نفسك ياعسيب النخل جوك سكون=والمشاعر مثل نسمة هوانا ساكنه
والله انك لو تمادا بصدك ماتهون=ما اقدر اخلي موقعٍ وسط حدبي ساكنه
مطلق التفويض لك فيه تختال وتمون=وانت تعرفني ما احب الخطوط الداكنه
ابيض اسود مثل تلفازنا اللي له شجون=لو كثير الناس من قل قدره راكنه
ارحم السبابه اللي تقرطها السنون=وش تبي مادام لك سلطةٍ بي ماكنه
حمد الحربي
22-03-2018, 12:19 PM
صح بدنك يالامير وصح لسانك والله لا يجيب الانسحاب
،
قرناس الحرار
22-03-2018, 02:48 PM
يسعد مساكم جميع اخوان واخوات
صحت السنكم وابداعاتكم وذائقتكم
ذاااااااائقه
https://youtu.be/R8k0w3FZxIE
اسعد الله ظهيرتكم
يابو عبيد صح لسانك الله لايضرك ودام ابداعك
حمد صح لسانك قرناس صح ذوقك
ابو عبيد
فيه فرق ينسحب بإرادته
غير المهزوم يطلع غصب عنه هههههههههههههههههههههههههههههه
[QUOTE=ناصر الهواوي;517459]اهلا يارحيل ما ادري لكن يمكن خانني التعبير اذا تلاشا الحزب او الخصم امام اخصامه وش تفرق ان قيل انهزم او انسحب
لكن الحق يقال انتي صمدتي وكافحتي ولا يلحقك تثريب ههههههههههههههههههههههه
بالله انشدوا عن ريم عسى مافيها باس الله يحفظ الجميع وكذلك شاعرة نجد ياكثر المفقودين لوهم بالعراق اتهمنا الحشد الشعبي
اهلا ياحمد ولاهنت على الاطراء وصح لسانك وبدنك وتبي الصراحه لولا...............انسحبت هههههههههههههههههههههه
ولا احد يفكر بالنقط والله انها خارج المنتدا ههههههههههههههههههههههههههه
[
[COLOR="Yellow"][SIZE="6"]السلام عليكم والرحمة
صحت الالسن جميعا مبدعين
ابو عبيد احنا حزب واحد تهمنا
اموركم الداخلية والخارجية
هههههههههههههههه
محد بيسألك عن النقط غيري
يالرومانسي
ناصر الهواوي
22-03-2018, 07:31 PM
هههههههههههههههههههههههههههههه
حلوه الرومنسي !!!!!!!!!!!!!!
اهلا يالعاصفيه (نور)
طبعا من حقك تسألين وانا من حقي اتوقف عن التعليق لكن بالعموم ابا اعطيتس عدة اسباب اتحبب لي المنتدا بشكل عام والسجن على وجه الخصوص
1:- انا عندي فراغ ممل
2:-اغلب من هنا لي بهم علاقات وزمالة حرف قديمه وانا من طبعي ميلاف اذا فقدت منهم احد اتأثر سلبا والذي فلق البحر عن موسى هههههههه
3:- حمسوني بلقب شاعر واستانست
فيه امر رابع وهو الاهم هههههههههههههههههه
بس بصراحه ما دخل معنا بالمنتدا من الجنسين الا ناس يسعد المرء برفقتهم وهذا بدون مجامله
اذا ما اقتنعتي فاستلمي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
يانور انا عاطل وباطل ومشتاق=وغاوي نكد واحب بدع القوافي
حزات منهم ينغلق صدري اغلاق=ونوب انبسط واقول ياحلو كافي
وبالمزعه شوهاًعلى الشعر تنساق=تملي عليِّ علومها ما تشافي
وهناااااك من تلحق مقابيسها الحاق=فدأ لها من يلبسن الغدافي
وهنيه افضفض بالغنا كبت خفاق=لاغادره همٍ لو اخوه لافي
http://www.r111n.com/t38445.html
ناصر الهواوي
22-03-2018, 10:40 PM
ليا اقبلت يضحكك صوت السعف بالهبوب=وليا ادبرت لو ينكت معك عادل امام
هي هكذا ايامنا تصير نوبٍ ونوب=يقول من لاعته يامال فرقا الحمام
ارجوك ياطير لو مريت دار اللعوب=لو ماعليك امر بلغ لي(.....)السلام
قل ما حلا في وجودك بعدكم صار شوب=واللي تقولين له نومان بلش ينام
اثر السهر والكسافه تعتبر من عيوب=حبٍ تلاشا وعوَّد من ضروب الحلام
قساوة الصخر هانت مع قساة القلوب=ولا عاد لي غير كلمة كيف حالك مرام
حمد الخالدي
23-03-2018, 06:48 AM
السلام عليكم ورحمة الله
اسعد الله صباحكم وصح السنكم جميع من مر وشارك
جمعنا المولى على خير
ريم الفلا
23-03-2018, 12:02 PM
السلام عليكم ورحمة الله وبركاتهه
كيفكم بشروني عنكم ي رفاق
وش صار اذكر كنت مسجونه ههه بس اعتذر
كنت تعبانه شوي وحمدلله
ماشاء الله السجن فيه روح وحزب جديد
وبتواجد شاعرنا ناصر الهواوي في المقدمه
الخالدي حياك ربي ومبروك حزبك
وعليكم السلام ورحمة الله وبركاته
هلا وغلا ريومه
حنا طيبين وبخير الحمدلله
انتي كيفك
وسلامتك اجر وعافيه
الجووهره
24-03-2018, 12:13 PM
مساء الخير يا وجوه الخير
وصحت الالسن والاذواق
منوورين جميعا ويعطيكم العافيه
وسلامتك شاعرتنا الراعديه المبدعه
ما تشوو فين شر ان شاء الله
الجووهره
24-03-2018, 12:25 PM
تسالي للسجين
بس مين السجين ؟
تدري وش اللي بالخلايق : يمشيك
ويحـط لك بـ الناس ، قيمه و شيمه
،
طيبك و اخـلاقك ، وصادق مباديك
ونفسٍ بشـوشه بـ التعامل حشيمه
ــــــــــــــــــــــــــــــــ
مَا تشيب الأماني لو تخيب الظّنون
وما تضيق الحياة وعند رَبي سعه
ـــــــــــــــــــــــــــــ
العز يبقى والصداقة توافيق..
يا حظ من خاوى الناس الكريمه
والرزق بيد اللي خلق المخاليق..
محيي الارض من سحابه و غيمه
ــــــــــــــــــــــــــــ
عسى ألزمان اللي جمعنآ على الطيب
يبقى على طيبه ونبقى حبايب
ريم الفلا
24-03-2018, 01:25 PM
هلا رحيل وهلا جوهرة
ربي يسلمكم
خالد ناصر
24-03-2018, 03:22 PM
سلام عليكم
اسعد الله مساكم جميعاً
خالد ناصر
24-03-2018, 03:25 PM
تسالي��✋��
اللـيالـي شيبت شـعـر راسـي يـاشبيب
بان فيه الشـيب قدام دقـني وشـنبي
ولا تغاربته ولابـه على( الدنيا ) غـريب
شيبت حـتى من اهـولها راس الصبي
خالدناصر
أسعد الله ظهيرتكم
صح لسانك خالد ناصر
صح ذوقك جوجو
فاقدين ابو عبيد عسى المانع خير
وريس حزبنا الجديد
يافرحة ماتمت هههههههههههههههههههههههههههههه
ناصر الهواوي
24-03-2018, 07:36 PM
السلام عليكم ورحمة الله وبركاته
يسعد مساء الجميع
الراعديه الحمد لله على السلامه ويقولون اهل النيل عمر الشقي بقي
اهلا يالخالدي ومرحبا يالعازمي وارحبن يارحيل والجوهره وماتفقدون غالي
اذكر اني اعتقت ريم وسجنت الخالدي واذكر انه قال محمد سجين ولافهمنا من يعني ولا ما يعني لكن ابتداً انا الليله السجين لجل يزول الشك باليقين ههههههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
مساء الخير ياسجن الرواسي هذاني جيت=الاقشر خفيرك زادت اشوي غيباته
تيقنت من شيٍ طرالي بعد هقيت=يكون الذي يكون قابل كلبشاته
وان قالو جماعتنا علينا وراك اخطيت=اقول السموحه كل شخصٍ ومشهاته
ابا اتكي في بهو الحبس واجيب كم من بيت=هجوسي يكافح ضيقة الصدر بابياته
تقول انت ناسيني وانا اقول لو نسيت= نفسي مانسيتك/كيف ينسى الفتى ذاته؟
نعم كم على ما انساك ردت عل وليت=يلهد نفسي القلب المولع بصوكاته
خالد ناصر
24-03-2018, 07:47 PM
ي مرحبتين ي الهواوي
وصح بدنك ي رحيل
ناصر الهواوي
24-03-2018, 10:50 PM
هلابك يا ابا ناصر وحييت
ــــــــــــــــــــــــــــــــــــــــــــــــــ ـ
سجنت نفسي طامعٍٍ بالتسالي=ولا احدٍ مسليني وانا ما تسليت
خيال ياشيٍ يحوم بخيالي=ما ادري وش اسميه/سمه بماشيت
له يقشعر الجلد ويضيق بالي= لا لم بي يبغتني الصبح ما اغفيت
تبي الصدق زولٍ جماله خيالي=ماشفت انا من له يحالي ولا اوحيت
ياطيفه اللي جيت مالك ومالي=عليِّ في لمتك هذي تجنيت
من انت طيفه له معزه وغالي=ما احتلت نسيانه لو اني تناسيت
ريم الفلا
24-03-2018, 11:20 PM
نبطي عن السجن و الله على الدنيا يعين
المشاغل بهذلتنا و لا نلقى فضـــــــــــاه
ماش اجازة يا جماعه و مدتها سنــــيــن
الدوامات ارهقتــــنا مع ارهاق الحيـــاه
مهنة التعليم مهنة لها من باب ديــــن
اجر كان الله كتب و اجتهدنا في رضــاه
متعبه لكن عظيمة و انا عندي يقيـــن
كل حرف اعلّمه بنت با حصّل جــــزاه
عاد ما دام الهواوي لقيناه السجيــن
ودنا ناخذ علومه و نعرف وش وراه
كل يوم يحط فالسجن له واحد ثنين
لين في وسط السجن ربي العالي رماه
و ان نخى في حزبه نقول حزبك ميتين
لا تدورهم ليـــــــــــــا جاء نهار الانتباه
و فالعوافي ما يغيبون دايم حاضريـــن
اشهد انهم فالعوافي ما يبغون الوصاه
الجووهره
25-03-2018, 12:54 AM
هلا بالجمييع
وصحت الالسن والاذواق
ويعطيكم العافيه جميعاا
ودام حضوركم وابداعكم
فاقده زعيمنا ونائبنا وملووكه
اين انتم يا الراعديون ههههههه
ومنوور السجن شاعرنا الهواوي
وابشر بالتسالي
الجووهره
25-03-2018, 12:56 AM
تدري وش اللي مـا تجـي بالملاييـن
العـافـيـه لا صـــرت مــحــروم مـنـهــا
وتدري وش اللي حدّهـا حـدّ سكيـن
الحاجـه اللـي مـا نـت قــاوي ثمنـهـا
وتدري وش اللي ما توفي لها الدين
الـلـي غــذاك بـصـغـر سـنــك لبـنـهـا
وتدري وش اللي راجحـه بالموازيـن
سجـدة سحـر لا نامـوا الـنـاس عنها
ناصر الهواوي
25-03-2018, 09:56 AM
اهلا ياريم والله يعينك خدمت بالتعليم عقود واعرف انه متعب فعلا وصح الله لسانك مبدعه كالعاده
اهلا يالجوهره وتسلمين ع التسالي الفاخره والحضور المتميز
مرحبا يا أبله تراحيب همال الغشين=كثر نبت النير لاربَّع وعدة حصاه
لاتهلين المدامع لعلك تسلمين=ساجنن نفسي/ يحب السجن قلبي واباه
وضعي يطمن وانا عالمٍ علم اليقين=ان كوني معتقل به يثير الانتباه
وعارف انك من سلاله شيوخٍ طيبين=ماتخلين البناخي ولو انا عداه
وربعنا لو غابو اليوم بكره حاضرين=ومن تغيب يا استاذه ترا عذره معاه
وانتي اعلم بي وانا اقوم في دور اربعين=وحزبنا عن سبعة احزاب مكتمله سواه
سجين الرواسي
25-03-2018, 10:01 AM
بالمسك والعنبر وعودٍ من الهند
حبيت أصبح راسية نجد بالخير
اول هواجيسي على مطلبي جند
ما كني الا بينهن سالم الزير
واليوم ما عندي سوى كان ما عند
جدة صحيبٍ لي حروفه مناشير
ما يعترف في ذوق جوزا ولا هند
ولا يحب الا فطير المغاتير
حظي كذا لو ان جدي على السند
رز العلم يوم الاعادي طوابير
قرناس الحرار
25-03-2018, 10:29 AM
صبحكم الله بالخير
تو طلع للسجن طعم يابو عبيد
ليتك ساجن روحك من بدري طلع ابداع الإخوان
ماظنتي شايب وصابك هبالي
ألا حكيم يوم للسجن وافيت
خلني اتفضالك زين وابشر بكل علم غانم
صحت الالسن والذائقات والإبداعات
كرم ابو عبيد خلاكم تطلعون
ههههههههههههههه
ولي عوده إن شاء اللة
ناصر الهواوي
25-03-2018, 11:57 AM
ارحب ياقرناس وهلابك وتسلم
صح الله لسانك ياسجين ولاهان راسك
دام الرواسي جالها طيب من عند=سجينها/فامسوا بورد ونواوير
مندا النشاما مرتع خلود مع هند=منبع شرف ربو السيوف البواتير
بالياس لاتعط الرجا يالبطل بند=علق على من له جميع التدابير
الحظ ياخذ بعض حزات ويكند=وينام ما تنفع معه دهنة السير
واحيان يصبح يدهر واري الزند=ابلج محيا مشرهب الاسارير
ناصر الهواوي
25-03-2018, 12:12 PM
ياسجينٍ للرواسي وقرناس الحرار=ويابنات حزيب يدعى الرعد مانجهله
من تركنا دون سبه ولا صادق عَذَار= ربه بعد الملايين جعله يشغله
ماينام الليل كله ولا قيل نهار=مايلد بمن نصح له ولا من يعذله
لانزل من طايره من سفر في ذيك طار=بالسنه ثلاث مرات يجلس مع هله
ناصر الهواوي
25-03-2018, 12:26 PM
ياااا انت وش علمك قطعت الاتصال بلا سبب=اللي يعكر جونا الهادي نبي عرف اسببه
عقب القصور اللي بنيناها وشيدنا القبب=ازالها الهجر المقيت وقام في هدم اقببه
حبل الوصل قد كان في جيد الغلا عقد ولبب=بمشرط تغليك بيدك قطعت عقده ولببه
قرناس الحرار
25-03-2018, 02:01 PM
ياسجينٍ للرواسي وقرناس الحرار=ويابنات حزيب يدعى الرعد مانجهله
من تركنا دون سبه ولا صادق عَذَار= ربه بعد الملايين جعله يشغله
ماينام الليل كله ولا قيل نهار=مايلد بمن نصح له ولا من يعذله
لانزل من طايره من سفر في ذيك طار=بالسنه ثلاث مرات يجلس مع هله
يالله حسن الخاتمه
هههههههههههههههههه
ارحب ياقرناس وهلابك وتسلم
صح الله لسانك ياسجين ولاهان راسك
دام الرواسي جالها طيب من عند=سجينها/فامسوا بورد ونواوير
مندا النشاما مرتع خلود مع هند=منبع شرف ربو السيوف البواتير
بالياس لاتعط الرجا بالبطل بند=علق على من له جميع التدابير
الحظ ياخذ بعض حزات ويكند=وينام ما تنفع معه دهنة السير
واحيان يصبح يدهر واري الزند=ابلج محيا مشرهب الاسارير
مساء الورد ياكثر ماتخليني اروح لقوقل يا ابو عبيد. مشرهب اسارير
لقيت مشرئب مالقيت مشرهب
قرناس انت مستثنى من دعاويه
ناصر الهواوي
25-03-2018, 04:37 PM
اهلا يانور
طيب احمدي الله
واشكري عم قوقل اللي يعرب لك ما استعجم من مفرداتي هههههههههههههههههههه
اهلاياقرناس آمين احسن دعوه يالغالي
ــــــــــــــــــــــــــــــــــــــــــــــــــ ــــــــــــــــــــــ
يانور انا بالحبس من طلعة الشمس=لا امهيله لاماء لا براد جاني
ربعي ثلاثه والربايع يجن خمس=غياب والحاضر كسول امتواني
يانور جعله ما يجي خافقك طمس=قوقل ايترجم ماتبين بثواني
امدي بفنجالك على خاطرٍ عمس=حتى مايشمتنا شموتٍ هداني
قرناس الحرار
25-03-2018, 05:00 PM
اهلا يانور
طيب احمدي الله
واشكري عم قوقل اللي يعرب لك ما استعجم من مفرداتي هههههههههههههههههههه
اهلاياقرناس آمين احسن دعوه يالغالي
ــــــــــــــــــــــــــــــــــــــــــــــــــ ــــــــــــــــــــــ
يانور انا بالحبس من طلعة الشمس=لا امهيله لاماء لا براد جاني
ربعي ثلاثه والربايع يجن خمس=غياب والحاضر كسول امتواني
يانور جعله ما يجي خافقك طمس=قوقل ايترجم ماتبين بثواني
امدي بفنجالك على خاطرٍ عمس=حتى مايشمتنا شموتٍ هداني
هلابك يابو عبيد وادري يانور
وهذي تكمله لابو عبيد
يانور ناصر يضرب الخمس بالخمس
وحزبه ذبحه النوم والجو شاني
قرناس الحرار
25-03-2018, 05:06 PM
https://youtu.be/fOmn3gX0YPc
ذااااااااااااااائقه
ناصر الهواوي
25-03-2018, 09:16 PM
تسلم ياقرناس وصح لسانك
ــــــــــــــــــــــــــــــــــــــــــــــــــ ــ
الله على اللي كل مافيه باللمس=اقطم خشم مكينته ما لمسها
منوة غريبٍ خاطره ممسيٍ عمس=هوها ونفسه راح عنها ونسها
بالواتس جاه رسالةٍ عصر قبل امس=وده بلحظة غفوةٍ ما نعسها
وارد عراوي لافها واطلع الجمس=ومافي يده-من سلعه الا حمسها
لها تتمه بعد قليل
خلص البن كيف نعمل لكم قهوة
ههههههه
قرناس الحرار
25-03-2018, 10:06 PM
https://youtu.be/JqR5J0QWzXI
ذائقة مخصوصه لابو عبيد وابيلها مجاراه
خابرك قلبك خضر
ههههههههههههه
محمد الـفراج
25-03-2018, 11:25 PM
سلام عليكم
الله يسعد مساكم
ابو عبيد خالد ناصر قرناس حمد ريم الفلاء
صحت السنتكم يالحزلين
ابداع ولاهو غريب عليكم
رحيل الجوهره نور
صحت ذائقتكم ودام حضوركم
ابو عبيد علامكـ تدعي علينا هههههههه
الصباح المعتق مايجي من فراغ
كل صبحٍ جـميل انت طير سعده
يسعد صباحكم (:
هذي القهوه لابو عبيد
https://a.top4top.net/p_81445yur0.jpeg (https://up.top4top.net/)
؛
ودي بس ودي لا تجيب ولا تودي :)
؛
يامشتري حظٍ جزى منه راعيه
ياسايم حظي تراني سموحي
ترخص عليك البيع ماني بمغليه
واشرط عليك إنه سدوح لدوحي ههههههههههههههههههههههه
ناصر الهواوي
26-03-2018, 08:50 AM
من النهايه
انا اشتريه يارحيل لاني متعود على هالنمونه هههههههههههههههههههههههه وتسلمين على هالفنجال الكايف
قرناس ابشر بمجارة هالكايفه والجود من الموجود
نور يجيب الله رزق ههههههههههههههه ورحيل كفت ووفت
ابو فيصل ابيكم تصيرون تجار لجل اتدينوننا هههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
مجاراه ع الطاير لقصيدة شاعر جزل الى ابعد الحدود حتى لو هو تطفل مني ارجوه السموحه لاني حققت طلب قرناس فقط
باليوتيوب اهدالنا الطير قيفان=حروفها يطول عمره عددها
لشاعرٍ في مترفة قد هيمان=مافيه قمة مرقب الا صعدها
صدى عواه ايرده الذيب سرحان=ايس بعد فاتت حراوي وعدها
صبٍ امضرا ادمن على شوفها ادمان=في قربها عز العيون وسعدها
اشجى هجوسٍ ماتلاجم من ازمان=لااصدر قصيده جاب الاخرى بعدها
واوجع فوادٍ من جفا الولف تعبان=عينه مغربلها وكبده لهدها
مسموح ياقرناس لو كنت غلطان=منك متوقع مثل هالعلم وادها
ناصر الهواوي
26-03-2018, 09:06 AM
الناقد اسمه نشوفه والتفاعل بعيد=شجيرة الجرب لامسها وجاه الجرب
ان كان مسعود ولى مثل روحة سعيد=ووخيهم عهدنابه عصر حي الطرب
مرواح من تل حبله من ثبات الحديد=وسرى على درب من سمع الحساس وهرب
ناصر الهواوي
26-03-2018, 09:28 AM
الله على اللي كل مافيه باللمس=اقطم خشم مكينته ما لمسها
منوة غريبٍ خاطره ممسيٍ عمس=هوها ونفسه راح عنها ونسها
بالواتس جاه رسالةٍ عصر قبل امس=وده بلحظة غفوةٍ ما نعسها
وارد عراوي لافها واطلع الجمس=ومافي يده-من سلعه الا حمسها
تله مبكر مابدا حاجب الشمس=عن ساهر ارقام المغربل طمسها
يصغي وكنه يوحي بمسمعه همس=على الابنص ليا تحمس دعسها
وقبل تفارق عينه الشمس في خمس=روحه بشوف الولف فارق تعسها
قرناس الحرار
26-03-2018, 03:20 PM
من النهايه
انا اشتريه يارحيل لاني متعود على هالنمونه هههههههههههههههههههههههه وتسلمين على هالفنجال الكايف
قرناس ابشر بمجارة هالكايفه والجود من الموجود
نور يجيب الله رزق ههههههههههههههه ورحيل كفت ووفت
ابو فيصل ابيكم تصيرون تجار لجل اتدينوننا هههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
مجاراه ع الطاير لقصيدة شاعر جزل الى ابعد الحدود حتى لو هو تطفل مني ارجوه السموحه لاني حققت طلب قرناس فقط
باليوتيوب اهدالنا الطير قيفان=حروفها يطول عمره عددها
لشاعرٍ في مترفة قد هيمان=مافيه قمة مرقب الا صعدها
صدى عواه ايرده الذيب سرحان=ايس بعد فاتت حراوي وعدها
صبٍ امضرا ادمن على شوفها ادمان=في قربها عز العيون وسعدها
اشجى هجوسٍ ماتلاجم من ازمان=لااصدر قصيده جاب الاخرى بعدها
واوجع فوادٍ من جفا الولف تعبان=عينه مغربلها وكبده لهدها
مسموح ياقرناس لو كنت غلطان=منك متوقع مثل هالعلم وادها
صح لسانك يابو عبيد
قرناس الحرار
26-03-2018, 03:30 PM
الصباح المعتق مايجي من فراغ
كل صبحٍ جـميل انت طير سعده
يسعد صباحكم (:
هذي القهوه لابو عبيد
https://a.top4top.net/p_81445yur0.jpeg (https://up.top4top.net/)
؛
ودي بس ودي لا تجيب ولا تودي :)
؛
يامشتري حظٍ جزى منه راعيه
ياسايم حظي تراني سموحي
ترخص عليك البيع ماني بمغليه
واشرط عليك إنه سدوح لدوحي ههههههههههههههههههههههه
ماشاء اللة تبارك الرحمن طالعه شاعره
صح لسانك
وهذا وآلله الحظ الاقشر
وأنا شريت آلله يعين
ههههههههههههههههههههههههههههههه
مسيت يَ سآهي عن الوصل بالخير
اسعد الله عصريتكم (:
<< جايبه معها دلة وفنجالين
ابو عبيد صح لسانك
قرناس تسلم ليتني شاعره صدز ههههههههههه
ماهو نسخ ولصق ):
شكلي طمعت ماعاد اني بايعه حظي (:
الجووهره
26-03-2018, 06:02 PM
مساء الخيرآت
وصحت الالسن شعراء وشاعرات رواسي وتسلم الاذوآق
رحووله ليه فنجالين بس يا بخيييييله
ههههههههه
لي عوده بالتسالي الجمييييله
ناصر الهواوي
26-03-2018, 07:54 PM
اليوم الاثنين لايوم الخميس انطول البال=حتى لو ان الامل مع هالجماعه صار بالي
الصبر موجود عندي والرجا باقي ولا زال=حتى لو ان العمود وبيرقه بالحيل مالي
ريم الفلا
26-03-2018, 08:00 PM
الصباح المعتق مايجي من فراغ
كل صبحٍ جـميل انت طير سعده
يسعد صباحكم (:
هذي القهوه لابو عبيد
https://a.top4top.net/p_81445yur0.jpeg (https://up.top4top.net/)
؛
ودي بس ودي لا تجيب ولا تودي :)
؛
يامشتري حظٍ جزى منه راعيه
ياسايم حظي تراني سموحي
ترخص عليك البيع ماني بمغليه
واشرط عليك إنه سدوح لدوحي ههههههههههههههههههههههه
ههههه
ياسلام درر ياكثر ماقول ودي بس ماااش فود هههه
رووعه البيتين لاهنتي رحييل
وش عاد نبغى به و هذي دعاويه
ما هوب مستقبل و لا هو طموحي
خليه معك يسوي اللي يسويه
و ان كان زودها معك حيل بوحي
و ان كان تبغين اله اخو حظي اخذيه
نفس الوضع فالجد و الا المزوحي
ريم الفلا
26-03-2018, 08:11 PM
من النهايه
انا اشتريه يارحيل لاني متعود على هالنمونه هههههههههههههههههههههههه وتسلمين على هالفنجال الكايف
قرناس ابشر بمجارة هالكايفه والجود من الموجود
نور يجيب الله رزق ههههههههههههههه ورحيل كفت ووفت
ابو فيصل ابيكم تصيرون تجار لجل اتدينوننا هههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
مجاراه ع الطاير لقصيدة شاعر جزل الى ابعد الحدود حتى لو هو تطفل مني ارجوه السموحه لاني حققت طلب قرناس فقط
باليوتيوب اهدالنا الطير قيفان=حروفها يطول عمره عددها
لشاعرٍ في مترفة قد هيمان=مافيه قمة مرقب الا صعدها
صدى عواه ايرده الذيب سرحان=ايس بعد فاتت حراوي وعدها
صبٍ امضرا ادمن على شوفها ادمان=في قربها عز العيون وسعدها
اشجى هجوسٍ ماتلاجم من ازمان=لااصدر قصيده جاب الاخرى بعدها
واوجع فوادٍ من جفا الولف تعبان=عينه مغربلها وكبده لهدها
مسموح ياقرناس لو كنت غلطان=منك متوقع مثل هالعلم وادها
مبدع شاعرنا صح لسانك ولاهان القرناس اللي جبرك على المجاراة (:
الناقد اسمه نشوفه والتفاعل بعيد=شجيرة الجرب لامسها وجاه الجرب
ان كان مسعود ولى مثل روحة سعيد=ووخيهم عهدنابه عصر حي الطرب
مرواح من تل حبله من ثبات الحديد=وسرى على درب من سمع الحساس وهرب
الوكاد انه مشغول ولا ماعلق نكه
هههه عاد ابياتك قريتها اكثر من مره ماستوعبت هههه
الجووهره
26-03-2018, 09:02 PM
تسليه للسجين شاعرنا القدير
وللجميييع
لوعاش قلبي من ضنا الشـوق ينظـام
لأصبرعشانك لـو تطـول المشاويـر
ولو ضلّ صدري ممتلي ضيق واوهـام
لأبقـى وأجاهـد والمحبّـه مقـاديـر
قم ياحبيبي وافـرش بصـدري ونـام
واترك خيالـك كيـف مـاودّه يسيـر
الحـب خيـلٍ والغـلا كنّـه (إ)لجـام
والحظ فـارس رافـضٍ يمّـك يغيـر
وحبّـك بقلبـي لـو وصفتـه بإحكـام
حبّ البخيل ل/جمـع صفـر الدنانيـر
والّا الأكيد اللـي كمـا بصمـة إبهـام
فاق البدو في حـب وضـح المغاتيـر
حبّـك بقلبـي لـو كتبتـه بـالأقـلام
تبقـى ملاحـم تنتـسـب للأساطـيـر
علي البلوي
ريم الفلا
26-03-2018, 09:41 PM
يقول الشاعر عناد الشيباني
غربتك مع ( نفسك ) احيان بوابة نجااه
لـ نفذ صبرك على فكّ .. عقـدة مسأله !
ابتكر لـ اجلك قوانين وااصنع لك حيااه
لـ اجل ما تبلش لاجتك : السنين المقبله
حاول اتوصل طموحك ليا آخر منتهااه
https://youtu.be/XUCYXROjY54
ناصر الهواوي
26-03-2018, 11:02 PM
اهلا ياريم كيفك يالراعديه بعد الوعكه والا انتي مثل الباقين سحبتي مع هالعذر سحبه ههههههههههههههههههه
ما ادري/ماعلينا نغني الى آخر نفس بالسجن هههههههههههههههههههههههههه
ــــــــــــــــــــــــــــــــــــــــــــــــ
نرد ان زهمت ولو زهمناك ما رديت=اشوف الدعاوي كن حاصل بها رده
انا اخفيت مابي لين زاد البلى وابديت=يقال انفجار المنضغط منه لابده
قرَّبتك لمرقب قل تدلل وبه عديت=ورميت لي من قمته شي ما اوده
انا اخطيت يوم اني لطير الغلا هديت=لاني قبل ما اعدت للقنصه العده
اهديتك معنىً فيك بالحيل وانت اهديت=للمهدي/صدودٍ معتمد زاد من وجده
ناصر الهواوي
26-03-2018, 11:05 PM
اهلا يالجوهره بصراحه روعه صح لسان الشاعر وسلم ذوقك
ريومه
ولا انتي شاعرتنا وصح لسانتس ي مبدعه
جوجو
مادري ليش ما اجيب فناجيل عندي مشكله بالفناجيل هههههههههههههههه
ماشفتو ريس حزبنا الجديد ):
ريم الفلا
26-03-2018, 11:15 PM
ههههه طيبه حمدلله جعلكم طيبين
انا لاسحبت يعني الموضوع شديد ولا مايردني شي سهل
هههه
الجووهره
26-03-2018, 11:27 PM
هلا بالجمييع
هلا بك ريووم ومبدعه باختيارك وكل حالاتك ودووم وانتي بخير وطيبه يارب
هلا بك زود شاعرنا الهواوي وتسلم من ذووقك وصح بدنك نيابه عن شاعرها
رحووله منووره حبيبتي وكثري الفناجيل يا مال العافيه وبطلي كسل ههههههه
ريس الحزب الجديد راح مع اللي راحوو الله يردهم بالسلامه
محمد الـفراج
26-03-2018, 11:39 PM
صحت الاسنتكم جميع
ودامت ابداعاتكم
الا يا قرة عـيـوني ولا يا شمعة الموجود
تدلع جعلني فدوة عيونكـ يا هوى بالي
ـ
انا لامن نضرت الخد الابيض والعيون السود
دعـيـت الله يـسـد عـيـون عـذالـكـ وعــذالـي
محمد الـفراج
26-03-2018, 11:41 PM
تويتريات
اغـيب عنها لاكـن الـشـوق ما غاب
ونـا بـعـد مـا غـبـت عـن ذاكـرتـهـا
ـ
من حـبـها فـكـيت لـوصـالـهـا بـاب
حي الهبوب اللي تجي من جهتها
ـ ـ ـ
وش مزعل المحبوب سـيد العذارى
مـاهـيـب لـك عــاده عـلـيه تـشـره
هـاذي ثـلاث ليـال فـيها سـهـارى
ولاعاد اللي في الصبر مثقال ذره
ـ ـ ـ
الي جرحني بصده يا فهد قله
لو الدواء في وصاله ما ترجيته
حتيش لو قلبي الولهان محتله
اليى وصل للخطوط الّحمر رديته
ـ ـ ـ
اشتقت لك شوقً غطى واسع الكون
ما كن ربي خالق انسان غيرك
تركتني والقلب مغرم ومفتون
في جرح قلبي كثر الله خيرك
ـ ـ ـ
الشعر في نور عيني مطلق عنانه
يرتاح له هاجسي لا جيت اغنيله
اسـابق الـبيت اله وسابق الحانه
كـن الـقصايد تـحبه مثل حـبيـله
ريم الفلا
26-03-2018, 11:43 PM
وياك جوهره يارب ربي يسعدك
محد يقعد على وضعه ههههه
لابد يختفي اللي يستاهل الوسام الهواوي
وهو صاير يختفي بعد (:
ريم الفلا
26-03-2018, 11:48 PM
زعيمنا الفراج منور وصح لسانك ولاهنت
وفي انتظار حضور ناقدنا ومشاركته
الجووهره
26-03-2018, 11:56 PM
هلا بك زعيمناااا
منوووووووور
وصح لسآنك ع التويتريات الرآئعه
ويعطيك العآفيه
الجووهره
27-03-2018, 12:10 AM
تظن إن منزلك عندي صغير وما أفقدك لاغبت ..؟!
عسى الله لا يبين لك .. غ ـلاك وقدرك الخافي ..
أنا لو جيت أبوصف لك مكااانك عندي وحاولت ..
بقدم لك سكوتي .. ما أحس إن الحكي.. [ كافــي ]
ـــــــــــــــــــــــــــــــــــــ
إختصرنِيُ بين فگين آلسگإت ..
و آعتبرنيُ
( سر مَ يحگىى آبد ..
خلنيُ مَ بين
" ضلعينگك آبإت
و آحتفظ بِيُ لآ تبآدلنيُ ب : آحَد .. '
!
لو آعيشگك -
تنولد فينيُ حيإه
!
لو آموتگك - يندثر فينيُ بلد !
ــــــــــــــــــــــــــــــــــــــــــــــــــ
ودي تمربـي الدقايـق عجـولـه "
....................." لاعزت النومه على هاك الاحـداق
ودي وودي طال وازريت اطولـه "
.................." ولولا الأمل كان الصبر كيف ينطاق
الأدمي لـو كـل مطلـب ينولـه "
..................." ماتعبت اقـدامٍ ولانشفـت أريـاق
ـــــــــــــــــــــــــــــــــــــــــــــــــ
ماشاء الله ماشاء الله اشوف حزب الرعد متواجدين
عساه دوم هههههههههههههههههه
محمد الـفراج
27-03-2018, 12:59 AM
شاعرتنا
صح بدنكـ والنووووور نوركـ
الجوهره
الله يباركـ فيكـ
صح بدنكـ والنوووور نوركـ يالراعديه
رحيل
يدوووم عزكـ
هذا حزب الرعد ما يطلع الا وقت الامطار ههههه
ريم الفلا
27-03-2018, 08:51 AM
شاعرتنا
صح بدنكـ والنووووور نوركـ
الجوهره
الله يباركـ فيكـ
صح بدنكـ والنوووور نوركـ يالراعديه
رحيل
يدوووم عزكـ
هذا حزب الرعد ما يطلع الا وقت الامطار ههههه
هههههه وهو صادق
قرناس الحرار
27-03-2018, 10:39 AM
صبحكم الله بالخير والسرور والورد والزهور
صح لسانك يابو عبيد
وصح لسانك يابو فيصل
وصح لسانك ياريم
ويعطيكم العافيه
رحيل مبدعه وذووق راقي
الجوهره مبدعه في اختياراتك
ماتشوف يابو عبيد إن الابداعات طلعت
والناقد سمعت إنه مغرز وبنشر عليه كفر والاستبنا ماكو استبنا
ههههههههههههههه
انثبر ياعود في سجن الرواسي
واشبع الزوار من نادر لحونك
سجين الرواسي
27-03-2018, 10:50 AM
السلام عليكم ويسعد صباحكم جميعا وصحت السنتكم واذواقكم وتسليه عابره
سلامي على حزبي سلامٍ وفي مليان
واثنيه للباقين والنيه النيه
ورباننا مسجون والظاهر السجان
يسليه نظم ابياته الاحترافيه
ليا جر مواله يثلّج عظم طهران
تقول ان بلسانه قنابل نواويه
نبا نرفع الرايه ونطرح علم ايران
ونجعل جميع ديارنا دور سنيه
ملكة الرواسي
27-03-2018, 11:14 AM
السلام عليكم ورحمة الله وبركاته
يسعد صباح الجميع يعطيكم العافية ولا هنتم
ملكة الرواسي
27-03-2018, 11:17 AM
بَينْ الضِلوْعّ بَنيِتْ لكْ " مَجلِسْ غَـلآ "
............ [ وخَلِيتْ لكْ بإآإقصىْ خَفُوقِيْ مَسآحآتْ
ومَلكتْ " صَكْه " وقلتْ مَرحبْ هَـلآ ,
..........[ بِاللِيْ مَلكْ " كِليْ وحَرفِيْ والأبيَآإآتْ "
ناصر الهواوي
27-03-2018, 12:06 PM
ماشاء الله عسى ماهو زوالكم وش اليوم او رهجتكم صواريخ الحوثي الفاشله
صحت السنة الجميع
ريم مشكوره لكن لاتقولين يختفي قولي قولي بدا يخجل من نفسه ههههههههههههههههههههه
(انسدح ياعود في سجن الرواسي=واطرب الزوار من حالي لحونك)اظنها كذا هههههههههههههه
مر ياقرناس مادامك حماسي=وقل وانا باقول ياقرناس عونك
للنجاح الصبر ياقرناس اساسي=ماتبي برهان شفته في عيونك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
عليك السلام برده ورحمة الرحمان=بصحوك سعيد/ بنومك احلام ورديه
هلامرحبابك عد ماغاب نجم وبان=على هالدرر يهديلك الحزب جوريه
عزيزٍ جناب الدوله براسها سلمان=اذناب الخميني مالها معه نديه
صواريخهم راحت بلا فايده هموان=تطاول على الدكتور طالب اعداديه
لكن شف حزيب الربع بالليل حسه بان=ناوشهم مناوش في مباراة وديه
لجل يطمئنون ويحسون بالامان=خل لكل واحد بالتماثيل حريه
ظهر الخير (:
وصحت السنتكم جميعاا
:
هزت غصون الشوق بالنوح ورقا
وانا سريت بنوحها . . واسهرتني ؟
قبل الفجر والناس ، بالنوم غرقا
سامرتها بـ لحونها . . وابتلتني
طرت علي وقت مضى راح سرقا
اثر الليالي بـ الفرح . . . خالفتني
ياورق زدتي جرحي العام حرقا
وانا همومي من زمن محرقتني
(:
النجلاء
27-03-2018, 08:54 PM
السلام عليكم ورحمة الله وبركاته
اسعد الله مساكم يالرواسي بكل خير
بشروني عنكم عساكم بخير ان شاء الله جميعآ
شعرائنا وشاعراتنا ورواسينا الغالين
واهم شي عميد الرواسي ابو عبيد عساك ان شاء الله بخير
صحت السنتكم ولاهنتو ع الحضور اللي يشرح الصدر
لاعدمناكم يارب
النجلاء
27-03-2018, 09:27 PM
فاقده ناقدنا وشاعرةنجد وسلطان الغبيوي حمد الحربي
عسى الجميع ان شاء الله بخير
خيال مطير
27-03-2018, 10:32 PM
ماني من اللي يطـردون القراطيـس..وهي عندهم كبر الجبـال الرواسـي
ولا حب جلسات الرجـال المعابيـس..أهـل البشـوت معذبيـن الكراسـي
ومأهز راسي حيـن دق المراويـس..وش هوله أدوخ بالخرابيـط رأسـي
أنـا هوايـه ريـح بـن المحاميـس..اللي يطيّـر مـن عيونـي عماسـي
فـي مجلـسٍ ماخربـوه الدنافـيـس..ولا دار فنجالـه بكـف الخسـاسـي
وإبكار جدي والغزايـز مـن العيـس..حليبـهـا مـأبـدلـه بالبـبـاسـي
وريحه رحولي كنها عطـر باريـس..يسوى ظهرها بالطعـوس التكاسـي
وطفطوف رجـمٍ برّدتـه النسانيـس..خلّى الثرا والفقـر عنـدي سواسـي
في راسه أسمح للدمـوع المحابيـس..تقطر علـى أرضٍ رملهـا مايداسـي
متلطـمٍ وأرقـب بعيـد المرامـيـس..والحزن في وسط الحشـى مايقاسـي
عن خوة الأنـذال رمـت النواميـس..لن الوفاء في طبعهم شـيء اساسـي
غـز الظهـر بمّعكفـات الدبابيـس..أشـد مـن دق النحـر بالمـراسـي
وإن دار عن ناسي براسي وساويـس..أنسى خطـأ ناسـي ومانـي بناسـي
يامشبّهن شمس الضحـى بالفوانيـس..خطـاك بالضلعـان مالـه مقاسـي
وش جاب صوص الديك عند القرانيس..والا سراحيـن الـخـلا للبسـاسـي
وكريم في مالـي بخيـل الاحاسيـس..ومن يعطي الثنتيـن يلقـى المأسـي
أكتم شعوري داخلي وألعـن أبليـس..وأطى على خـد الهـوى بالمداسـي
الروح ملّـت مـن منـام الكوابيـس..عيا يـروح مـن عيونـي نعاسـي
حب النحايـف بـارزات الكراديـس..صايـب خلايـاء مخنـا بالتماسـي
جانا الهوى وحنـا طفـارا مفاليـس..وصرنا نطامر فـوق عقـمٍ سياسـي
لمّ الدراهم مشكلـة فاضـي الكيـس..لجل العروب اللي تجيـب الطياسـي
يارب عفوك يـوم كانـوا ملاحيـس..أنتـه رحيـمٍ مـا خبرنـاك قاسـي
ناصر الهواوي
27-03-2018, 11:13 PM
يامساء الخير ع الجميع
اهلا يارحيل وظهريتك سعيده
اهلا يالنجلاء تواجدك معنا يوسع الصدر والله يخصك بعفوه وعافيته
اهلا يالخيال كايفه هالقصيده بس من حق شاعرها ان تذكر اسمه من باب الامانه الادبيه وشكلك عاقل اليوم ماهي بعاداتك ههههههه
ــــــــــــــــــــــــــــــــــــــــــــــــــ ــــــــــــــــــــــــــــ
(لا) وان بغيت اقول نو اوبعد ني=مايعجبك من هالثلاث النوافي
تبعد وانا اللي كلما تبعد ادني=ولازلت لك رغم الجفا منك وافي
لطبعي قبل عرفك وجفواك اعدني=ان استطعت لقطع وصلك تلافي
تمادني به ياهوى البال قدني=على شفا جرف الغرابيل هافي
يابو عيونٍ سود والعود لدني=وكتفٍ وردف وخصر والخد صافي
وش صار ماسويت انا شي افدني=هجرك مصيبه والتواصل عوافي
الوهم لامنه غزى ديرة احباب
تلقى ذراهم داخل القلب تشطيح
من عايش الاوهام فيهم وماغاب
يحتاج للافعال,, نظره وتصحيح
ياللي توسوس دون رويه ولاباب
ابعد عن الوساس وافكار تجريح
لو نحكم الجاهل على كل ماجاب
كان البشر غابت عن آيآت توضيح
ومن يبني اوهامه على شك وسراب
تطيح.. هقواته مع الوقت ويطيح(1)
عمر الغلا مايحتمل لوم وعتاب
ياليت.... لقيانا على غير تجريح(2)
كلٍ .... على نفسه حكيمٍ وحراب
من غير قرح وغير قطات تلميح
عذرا عزيزي مالقينا لك اسباب
سوى التوهم واعتقادات من ريح
لاحظ..تريض.... كل فمٍ وله ناب
لايوسمك يومٍ وفي الاخر اتصيح
الجووهره
28-03-2018, 01:11 AM
سلاام عليكم وأسعد الله أوقآتكم
وصحت الالسن والاذوآق
منوورين جمييعاا
ودام حضوركم وابدآعكم
وهلا بك النجلاء نورتي روآسي والسجن
الله يتمم عليك بالصحه والعافيه ودآم حضورك وتوآجدك
الجووهره
28-03-2018, 01:53 AM
تسآلي آخر الليل
تشٍـــبه[ آلليٍـل] يمگٍن فيٌ هٍدوءه فــٍي سگاآتٍه
بس فيٍگ من آلنهٍار{ . . آلصدق وأٍشٍياآء گثيرٍه
تشبٍه آلطٌيب آسٍفه قصٌدي أنت الطٍيب ذآآٍإته } . .
ليٌت مثٍلگ بسٍ[ وآحدٍ] بنشٍره فٌي گل ديرٍه
ــــــــــــــــــــــــــــــــــ
تبغى الصراحه نفتقد ذيك الأحـلام
............ يوم الزهر لا حـن ترويـه ديمـه
لوحة زمن شاقت تعابيـر رسـام
......... واستعرض الخافق زوايا صميمـه
والطير لو لا غربته كان مـا حـام
............ ريشه يحـده للغصـون القديمـه
ـــــــــــــــــــــــــــــــــــــــ
يا كـبر قـدرك يا رفيقي عن النـاس
مـا يشبهك في طبعك ، الاا المرايا
'
هي تعكس الاشيا بدقـة ومقيـاس.
وانت تعكس طيبك وبيض النوايـا
ـــــــــــــــــــــــــــــــ
حمد الحربي
28-03-2018, 03:07 AM
السلام عليكم ورحمة الله
ابيات لتجديد التواصل
يقول من حده على بدع الابيات =شيءٍ بجوفه ما يكل و يملي
ينهش خفاه وينهش القلب بسكات=كنه جرادٍ بالمزارع مفلي
ولا وهج نارٍ من الجوف تقتات=عيت تخلي داخل العوج ملي
من كلمةٍ صبت على الكبد لوعات =من قوها ضيق التنفس حصلي
كابدت انا اللوعه وكابدت ضيقات=وشيءٍ لقيته بين الاضلاع حلي
مايقلعه قولة علامك سلامات =ولا يقلعه كثر الطرب والتسلي
ماغير اردد ياعساها دعابات =ولا عساها زلةٍ ماتعلي
مثل الجواد يزل في بعض الاوقات =ويصحح الخطوه بعد ما يزلي
امني الروح العليله بكلمات = خوفٍ عليها من بلاها تولي
وسلامتكم
حياكم والمعذره على القصور
http://www.r111n.com/post517882.html
حمد الحربي
28-03-2018, 03:08 AM
ابو عبيد
سجين الرواسي
قرناس
ريم
لاهنتم جميعا وصحت الالسن
النجلا لاهنتي على السؤال ولاتفقدين غالي
خيال
الجوهره
نور
لاهنتم على التواجد العذب وصحت اذواقكم
كل الود والتقدير للجميع ولاهنتم
الناقد/عبدالله الروقي
28-03-2018, 08:49 AM
السلام عليكم ورحمة الله وبركاته
يالله صبحهم بالخييييير والمسرات,وكيفكم ياأيها الرائعون؟
صح لسانك يابو عبيد وصح حضورك وعساك على القوة على التفاعل الطيب ياطيب!
وصح لسانك ياشاعرة الرعد المبدعة قصيدة رائعة قريتها لك ولاهنتي يالأميرة!دخلت قبل أيام بسجل مشاركة وصار عندي شغل ونسيت الاسم معلق!
أبو فيصل صح لسانك يالأمير على الأبيات التويترية الجميلة ولاهنت على التفاعل والحضور الرائع ياأيها الرائع!
النجلاء ماتفقدين غالي والحمد لله على السلامة!
سجين الرواسي صح لسانك يارائع ولاهنت يالقرم!!
قرناس أنت تحفة جميلة!
خيال حياك ولاهنت
الجوهرة ,نور ,رحيل ,تواجد جميل ولاغرابة يارائعات!
حمد الحربي صح لسانك ولاهنت
مشكور
الناقد/عبدالله الروقي
28-03-2018, 08:52 AM
الناقد اسمه نشوفه والتفاعل بعيد=شجيرة الجرب لامسها وجاه الجرب
ان كان مسعود ولى مثل روحة سعيد=ووخيهم عهدنابه عصر حي الطرب
مرواح من تل حبله من ثبات الحديد=وسرى على درب من سمع الحساس وهرب
ماتخلي مشاغبتك لكن نكويك ونعالجك هههه
صح لسانك يارائع,,
الناقد/عبدالله الروقي
28-03-2018, 09:08 AM
لاتلوموني على كثر الغياب=لو غلاكم داخلي يغلي غلي
دونكم ياصاح ماصكَّيت باب=المواصل, لو تَلَقيت الخِلي
الدراسة همها مثل العذاب=كن وسط الراس نارٍ تصطلي
الأمل يزمي كما يزم السراب=والصبر لولاه نوَّخت جْملي
والسجن ماله طراه بلا زهاب=وأحمد الله جيت والمخرج ملي
جيت أبا أغلق نافذة حلو العتاب=وأربط حبال المواصل فالدلي
وأغرف من الشعر مالذَّ وطاب=من عذوبة منهله ماله حلي
بعد هذا ودي أرسل لي جواب=يم ناصر لكن اسمع مايلي
أدري إنْ ناصر شجيع ولايهاب=وإن مدحته لازم يعوِّد علي
لكن أبا أكويه من راس الشهاب=والعواصف إيه أبا أطلاهم طلي
ويلهم مابين ضرس وبين ناب=مثل ناب الذيب في راس الطلي
وإن تعَدَّل وضعهم والعود تاب=بلْغِي الطرْقَه وأعوِّد لاااهلي
ناصر الهواوي
28-03-2018, 12:41 PM
مرحبا ياحمد وصح لسانك ولا تطول الغيبات الله يحفظك
اهلا يانور وتسلمين على هالمعلقه الرائعه انتقاء جميل جدا
ارحبي يالجوهره واليوم ما عليكن يالراعديات ناقدكم مشرف
الناقد صح الله لسانك وارفق على نفسك لا تطير المعارف من مخك عند الانفعال ههههههههههههههههههه
ومرحبا بالجميع
يا يراع اكتب على صفحة كتاب=لاتعدي سطر حتى تمتلي
دام للغياب جا طاري اياب=فرحتي فرحة شواوي بالولي
ياعسى نمل التحسس للذهاب=يتسلط فوقه ابو المنجلي
راس الارخم لو تعشته الذياب=عنه للي عودوا نذبح طلي
لاتطاول ما انت نايش للسحاب=من يحاول لمسها عقله خلي
لا اكتأبتو مانعرف الاكتيئاب=الصدور وساع والواهب ولي
لاقفلتو باب فكينا الف باب=بالسجن منكم نجيب وننطلي
شمطكم من فعلكم قاسن عذاب=شف عوينات الربايع تهملي
لاتطولها تحسب القاف شاب=خرجنا من خير ربي ممتلي
الناقد ، النجلاء
وعليكم السلام ورحمة الله وبركاته
الحمدلله على السلامة وعودا حميدا واخر الغيبات.
وصحت السنتكم على هالابداع
ابو عبيد و الناقد ..
وصحت الاذواق خيال جوجو نور
خيال مطير
28-03-2018, 03:35 PM
الناقد ، النجلاء
وعليكم السلام ورحمة الله وبركاته
الحمدلله على السلامة وعودا حميدا واخر الغيبات.
وصحت السنتكم على هالابداع
ابو عبيد و الناقد ..
وصحت الاذواق خيال جوجو نور
صح ذوووووووقك يالغاليهـ
محمد الـفراج
28-03-2018, 05:23 PM
سلام عليكم
الله يسعد مساكم
ابو عبيد حمد الحربي
صحت السنتكم
الناقد
يالله حيه منور يالامير
وصح لسانكـ يالجزل
النجلا يالله حيها
منوره واخر الغيبات ان شاء الله
الملكه الجوهره رحيل نور
تسلمن على التسالي والحضور
دام حضوركم
الناقد/عبدالله الروقي
28-03-2018, 05:31 PM
صح لسانك يابو عبيد وصح بدنك والمعلومات ماهي متحركة إن شاء الله هههه
-------------
خيال إذا كان عندك تعليق الله يصلحك لاتضيفه على المشاركة الأصلية وتعدل فيها
عدل مشاركتي ومشاركة أبو عبيد كما كانت ،وعلق بمشاركة بمعرفك!
أنا توقعت إنك غلطان لكن اكتشفت إنك مضيف أيضا تعليق على مشاركة أبو عبيد الأصلية
مايعني إنك متعمد!أرجو إذا عادها خيال أن تسحب الصلاحيات منه!
----------
رحيل صح بدنك ولاهنتي الله يعافيك يالقرمة
الناقد/عبدالله الروقي
28-03-2018, 05:33 PM
سلام عليكم
الله يسعد مساكم
ابو عبيد حمد الحربي
صحت السنتكم
الناقد
يالله حيه منور يالامير
وصح لسانكـ يالجزل
النجلا يالله حيها
منوره واخر الغيبات ان شاء الله
الملكه الجوهره رحيل نور
تسلمن على التسالي والحضور
دام حضوركم
الله يبارك فيك يابو فيصل وصح بدنك يالقرم!
عينت أبو بندر مالقيت له مشاركات عقبي!
محمد الـفراج
28-03-2018, 05:44 PM
الله يبارك فيك يابو فيصل وصح بدنك يالقرم!
عينت أبو بندر مالقيت له مشاركات عقبي!
ابو بندر على ضيرين وبشم ههههههه
لا عاد تنشد عنه هههههه
ريم الفلا
28-03-2018, 05:51 PM
مساكم الله بالخير
ماشاء الله عليكم
الناقد منور حياك الله
وصح بدنك وصح لسانك والله يعينك واصل وربي معك
الهواوي صح لسانك دووم
حمد صح لسانك ولاهنت
سجين صح لسانك ولاهنت
زعيمنا الفراج حياك
النجلاء منورة ربي يعاقيك
الجوهرة نور رحيل
تواجد جميل لاهنتم
محمد الـفراج
28-03-2018, 05:51 PM
خيال إذا كان عندك تعليق الله يصلحك لاتضيفه على المشاركة الأصلية وتعدل فيها
عدل مشاركتي ومشاركة أبو عبيد كما كانت ،وعلق بمشاركة بمعرفك!
أنا توقعت إنك غلطان لكن اكتشفت إنك مضيف أيضا تعليق على مشاركة أبو عبيد الأصلية
مايعني إنك متعمد!أرجو إذا عادها خيال أن تسحب الصلاحيات منه!
----------
تم التعديل يالناقد
وان شاء الله ما عاد تتكرر من خيال
محمد الـفراج
28-03-2018, 05:53 PM
يا مرحباء يا ريم الفلا
منوره يالجزله
الناقد/عبدالله الروقي
28-03-2018, 06:16 PM
مساكم الله بالخير
ماشاء الله عليكم
الناقد منور حياك الله
وصح بدنك وصح لسانك والله يعينك واصل وربي معك
الهواوي صح لسانك دووم
حمد صح لسانك ولاهنت
سجين صح لسانك ولاهنت
زعيمنا الفراج حياك
النجلاء منورة ربي يعاقيك
الجوهرة نور رحيل
تواجد جميل لاهنتم
أهلا ياريم النور نورك يالقرمة
وصح بدنك والله لايهينك
الناقد/عبدالله الروقي
28-03-2018, 06:19 PM
ابو بندر على ضيرين وبشم ههههههه
لا عاد تنشد عنه هههههه
ههههههه
لاهين مابشم يعرف لنفسه ذيبان!
والله لايهينك على التعديل ،،،
ناصر الهواوي
28-03-2018, 07:23 PM
لاتقووووولوووون لخيال شي
ــــــــــــــــــــــــــــــــــــــــــــــــــ ـ
ماني بمابي من طواري مجاهر=عاقل ولا ابدي كل ماكنت مخفيه
ونوب اتغابا بامر انا فيه ماهر=وامرٍ يعسر الفكر تحليل ما فيه
خفير شغل جيبك وجب جواهر=براسي امرٍ طن ما اقدر تلافيه
لاتسرع ايطسك على الوجه ساهر=قد طسني غروٍ عسى الله يعافيه
بدعجٍ هدبها لاشبح فيك قاهر=الا وخذ نقد الجنيهات من فيه
خيال مطير
28-03-2018, 10:18 PM
لاتقووووولوووون لخيال شي
ــــــــــــــــــــــــــــــــــــــــــــــــــ ـ
ماني بمابي من طواري مجاهر=عاقل ولا ابدي كل ماكنت مخفيه
ونوب اتغابا بامر انا فيه ماهر=وامرٍ يعسر الفكر تحليل ما فيه
خفير شغل جيبك وجب جواهر=براسي امرٍ طن ما اقدر تلافيه
لاتسرع ايطسك على الوجه ساهر=قد طسني غروٍ عسى الله يعافيه
بدعجٍ هدبها لاشبح فيك قاهر=الا وخذ نقد الجنيهات من فيه
صح لسانك وبيض الله وجهك . كفيت وووفيت ,
خيال مطير
28-03-2018, 10:53 PM
لاتشره علي يالناقد , انا مجرد خفير , ماني شاعر , وراتبي 1500 ريال الله يطول عمر ابو بندر , اما من ناحية التعديل , ماعرف أعدل , نيتي صافيه وقلبي خضر , ولا أذكر انا دخلت السجن ونا صاحي , فسامحني الله يسامحك ............ جاااااااااك العلم
خيال مطير
28-03-2018, 10:57 PM
تسليه
يقول ابن مجلي
كل ماتذكرتها زادة شجوني = وهاج شوق السفر
سهران طول الليل مانامة عيوني= والدمع مثل المطر
كثر التعب والسهر حرق جفوني = الله من ذا الكدر
كم صحت ياناس حتى تسمعوني= ماحد لجرحي جبر
كم قلت في نفسي عسى يرحموني= يمكن معاهم بصر
لاحد سمع مني ولا هم شفوني = قلوب مثل الحجر
حاولت احسسهم عسى ينصفوني= ماحد منهم شعر
احيان اقر واهداء اخالف ضنوني= ولا نفعني مقر
مانقد انا ياناس لو يظهر جنوني= اوخف مني البصر
او قالوا الناس لي او عايروني= ماهمني اي خبر
شوقي لها ضمئان ليتم سقوني= شوق النبات للمطر
عطشان اموت فيها بس احرموني = هذا حرام يابشر
ماقدر اسيبه ابد لو يعدموني= هذا القضى والقدر
لو عذبوني عذاب او حاكموني= روحي فداه والبصر
حتى ولو للابد بايسجنوني = او قيدوني بجر
او قطعوني وصال او شاركوني= ماخاف انا من بشر
روحي فدا الغالي ونيني عيوني= انيس لي في الغدر
لاتطلبوا صبري ولا تسئالوني= ماحد مثلي صبر
ارجوا من العاشقين ان يعذروني= فالحب كله خطر
والختم صلوا على طه الاميني= امام كل البشر
محمد المصطفى عبر القروني= بعد قطر المطر)
خيال مطير
28-03-2018, 11:07 PM
يقول الشاعر
يـآهـذال لاتشره عـــلــى الـــحـــال دام الحال
فراق ووله واحساس صادق مــآهــو تـــزويــر
وش يسوي اللي كثر شوقــه جـــزآه أهــــمـــآل
يـآكود السهر وآلدمـع وآلـشــوق وآلــتــفــكــيــر
تلوم الحزين آللي وقــــــف يـــبــكــي الاطـــلال
وتشره عــلـى الــدمــعـه ولا تـقـبــل الــتـبـــريــــر
أقـــول أنــي بـــخــيــــر وغــيـاب الـــــفــرح لازال
خـصـوصــآ بــعــد مآبــيــتـــت نـيــة الــتــأخــيــر
أنــآ مـآني بـحــآجــه لــعــيــش وفــرآش ومــآل
ولا ني بحاجـه لـلمـواقــف مــن أهــل الــخــيــر
أنــآ أحــتــآج لــلي نـــورت شــآشــة آلــجـــوآل
غلاهآ يفوق آلوصف ويــحــرم آلــتــصــويــــر
قــبــل نــفـتـرق جـتـني ومـدت لـي الـسـلـسـال
تقول أحفظه مدري ليآ غبت ويـش يــصـيــر
وأنآ كل مآأشـتـقـت لـ لـقـآهـآ ودمـعـي ســـآل
وطـآلـعــت فــي ســلـسالـهـا كــنـه الــتـخـديـر
هو اللي مصبرني على بـــعـدهــآ لـــو طــــآل
هــو اللي مصبرني على النقص والتقــصـيــر
يـــاهـــذال لاتـــشـــره لـــو أكــــرر آلــــمــوآل
أسـيـر آلمفآرق في رجآ سـاعـــة الــتـحــريـــــر
انا احاول اصبر واحتمـل وأخـفي الاهــــوال
بـس الدمع مآخلآني أكـذب وأقــول بـخـيـــر
بس أرجوك لا تـزعـجـني وتـربــط الاحـــــوآل
أنـآ قــلــبــي أعــرفــــه وقلبك ســوآت آلطـيــر
أنــآ أحــب وانــت تـحـب وآلـمـوت يـآهـــذآل
معي قلب مآيقوى ومعك أنت قـلـب بــعــيــر
أنـآ أحـبـهـآ حــتـى وهـــي زوجــه لــرجــآل-
بــس أنــت بـخـطـوبتهـآ تـــدور حبيبه غــيــر
ناصر الهواوي
28-03-2018, 11:15 PM
تسلم يالخيال ولا يسلم ردي العزايم
ــــــــــــــــــــــــــــــــــــــــــــــــــ ــــــــــــــــــــــــ
نوب اسمع يقول قايلهم:- اما اجيب القصيده اللي هي والا بلاش
وانا اقول وسعو صدوركم مع هالحورنيات الارتجاليه المتواضعه ههههههههههههههههههه
ملتاع من كلمة وداع وهي تقال =وودي اوادع بس كيف اقولها
محال ينطقها لساني لك محال=وقلبي خطيرٍ يفطره مدلولها
لكن ميزان الوفا بالحيل مال=والنفس طق من المماطل جولها
اما تعال استقبلك او قل تعال=خذ حاجةٍ لك ما تحقق نولها
البعد طال الهجر طال الصبر طال=غبر الليالي تو احس بطولها
ضيعت صملة جاشي /انا اخو العيال=دنياي جا مثل الصبر معسولها
ارفق ترا ماعاد للقلب احتمال=وارحم عيونن سبلت هملولها
خيال مطير
28-03-2018, 11:18 PM
تسلم يالخيال ولا يسلم ردي العزايم
ــــــــــــــــــــــــــــــــــــــــــــــــــ ــــــــــــــــــــــــ
نوب اسمع يقول قايلهم:- اما اجيب القصيده اللي هي والا بلاش
وانا اقول وسعو صدوركم مع هالحورنيات الارتجاليه المتواضعه ههههههههههههههههههه
ملتاع من كلمة وداع وهي تقال =وودي اوادع بس كيف اقولها
محال ينطقها لساني لك محال=وقلبي خطيرٍ يفطره مدلولها
لكن ميزان الوفا بالحيل مال=والنفس طق من المماطل جولها
اما تعال استقبلك او قل تعال=خذ حاجةٍ لك ما تحقق نولها
البعد طال الهجر طال الصبر طال=غبر الليالي تو احس بطولها
ضيعت صملة جاشي /انا اخو العيال=دنياي جا مثل الصبر معسولها
ارفق ترا ماعاد للقلب احتمال=وارحم عيونن سبلت هملولها
لــكــن مــيـــزان الــوفـــا بـالـحـيــل مـــــال ... والنفـس طـق مـن المماطـل جولهـا
امـــا تـعــال استقـبـلـك او قـــل تــعــال ... خـــذ حـاجــةٍ لــــك مــــا تـحـقــق نـولـهــا
صح لسانك يالامير .
خيال مطير
28-03-2018, 11:22 PM
يقطعك يامجلس يحضره هداريس .. يعنـك ليـن حضـروه مافـيـه نـاسـه
اللي اليا جو في المجالس مقابيس .. صجـو ولجـو واستلجـت حسـاسـه
شطحه هههههههههه هههههههه
صح لسان الغنامي
خيال مطير
28-03-2018, 11:32 PM
شطحه والله مدري كيف جات ,, تسليه
شعر على أصوله بين الهواوي ناصر والصريح عايض رحمه الله
صوت الهواوي
/
/
/
اثـنـيــن يــاطــول انـتــظــاري لـلاثـنـيــن
ويـاطــول صــبــري بـانـتـظـار الـثـلاثــة
دخـلــت وإيـاكــم ورحـتــوا عــلــى ويــــن
وانـــــا صـحــيــح ومـابـقـلـبــي خــبــاثــة
وسكتت شهر ٍ زل مع درب شهرين
مـشـي المهـيـن الـلــي تـحـثـه احـثـاثـة
ان قلت شي اصبحت والنـاس زعليـن
والـى التزمـت الصمـت حسبـت عباثـة
العـام ربـع ٍ لــي حـشـام ٍ مطيعـيـن
واخــلاقــكــم حـــلـــوة وفــيــهــا دمـــاثــــة
واليـوم وش جاكـم عسـى فالـكـم زيــن
الــــى مـشـيـنـا فـــــي خـطــاكــم لـبــاثــة
كــم لــي وانـــا رحـــال وانـتــم مقيـمـيـن
اهـمـلــت شـغـلــي والــدبــش والـحـراثــة
ومــن القصـيـد انتـجـت عـــدة دواويـــن
وجــــا بالـقـريـحـة يـالـصـريـح إنـفـراثــة
إن كــــان مالـبـيـتـوا إنـــــداي عـجـلـيــن
انـــــا فـصــيــح لــســـان مــابـــه لــواثـــة
يصـحٌـي إيـقـاعـه الـــى شـيــل غـافـيـن
بــســرد الــكــلام الــلــي بـلــيــا حــداثـــة
وإن قـيــل هـــذا الـلــي زعـمـتـم مـربـيـن
قلـتـوا قـديـم اسـلـوب صـعــب انبـعـاثـه
لولا ابن راجح شال عودي من الطين
يمـكـن يصـيـبـه مـــن مطـيـحـه خـراثــة
ذخــــر الــرجـــال الـطـيـبـيـن الـعـريـبـيـن
مـنـهــم ورث حــلــو الـشـمـايـل وراثــــة
وانـتــم هـــل الـطــالات مـانـتــم رديــيــن
لـكــن يـحـصــل فــــي نـظـركــم طـمـاثــة
صدى الصريح العتيبي
/
/
/
يازينها وان جت من الخشم للعيـن
تــفـــوق وادان الـســحــاب وهــثــاثــه
مــن يقـربـك ياسيفـنـا يـابــو حـديــن
مـاعــاد يـحـسـب للـخـطـر واكـتـراثــه
انــا علـيـه ديـــن يـاصـاحـب الـديــن
والشـعـر مــن يـفـرق ذكــوره وانـاثـه
والـيـا كٌـتـب شـعــراّ بـلـيـا مضـامـيـن
يلـزم مـن اصـدور الـرجـال اجتثـاثـه
عـرضّـتـهـا بــلاقـــع جـــــرد وسـنــيــن
تحـتـاج دعـــوات وصـــلاة استـغـاثـه
اجيبها من وين من وين مـن ويـن
والـبــيــت كـمـلـتــه وكـمــلــت اثــاثـــه
حطيتـنـي يـابـو هــلا بـيــن نـاريـيـن
حجـزت كـل ارقـاق الارض وحثـاثـه
مير انفتحلي من ورى الباب بابين
وطلـبـت مــن عـنـد الكـريـم الاغـاثـه
لو تزرع الزيتون فـي مشتـل التيـن
كـفــاك عـــن راك الـجـنـوب وكـبـاثــه
والـبـدو يـاراعـي البساتـيـن صلفـيـن
لــو شـفـت ملبسـهـم علـيـه الرثـاثـه
وافـيــن فـــي كـــل المـيـاديـن وافــيــن
ويـمـيـزون صــقــور نــجــد وبـغـاثــه
وختامـهـا يـابـن الـخـيـار الكريـمـيـن
ردي يــكــفــي عــــــن ردود الــثــلاثــه
الصريح هو عايض بن سرحي العتيبي رحمه الله
والهواوي ناصر عبيد السيحاني العتييبي اطال الله عمره
حمد الحربي
28-03-2018, 11:43 PM
الناقد صح بدنك وصح لسانك على الكايفه
ابو عبيد صح بدنك وصح لسانك على الطيبات وابشر بحاول اني اصير حوالين السجن
محمد الفراج صح بدنك ولاهنت يالامير
ريم صح بدنك ولاهنتي
رحيل
خيال
لاهنتم على التواجد الطيب
ريم الفلا
28-03-2018, 11:57 PM
https://youtu.be/3ekNMb_1d1s
خيال مطير
29-03-2018, 12:05 AM
شيلة حكم القدر
عفيف الشوق
https://www.youtube.com/watch?v=8LJD4skHvCo
جاااكم العلم
الجووهره
29-03-2018, 08:24 AM
صبآح الخير
من الزنزاله
أجل انا المسجووونه
ما سجنتوني الا بالويكند
مجرمييين يا العاصفيووون
بس سجن الراعديون سجن الريتز ملكي ههههه
وحزبي ما يقصرووون لبى قلوبهم.
الله الله بالتساالي يالراعديون
لا يفرحون علينا بعض ناس
ههههههههه
الجووهره
29-03-2018, 08:45 AM
ريووووم ، خيآل
منوووريين
تسالي رآئعه.
تسلمووون ويسلم الذووووق
محمد الـفراج
29-03-2018, 10:43 AM
صباح النور
ابشري بالتسالي والماء الحالي
لا يهمكـ يالراعديه
الجووهره
29-03-2018, 11:25 AM
تبشر بالجنه وكل خير
وتسلم زعيمناااا
وبانتظار تسالييك وابداااعك
ناصر الهواوي
29-03-2018, 11:40 AM
لله درك يالخيال هذي قديمه الله يرحم ابا فايز رحمةً واسعه ويرحم ابن طلال وجميع المسلمين آااااااااااااااه
هذي عاصرها ناس غالين على قلبي بالحيل ولي بهم علاقات وطيده مدري وين راحت بهم الدنيا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
صباح الخير للجميع والله يكشف مابنا الدنيا عجاج حتى على مصر يقول المراسل اثرت على الانتخابات نستغفر الله ونتوب اليه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
ارحبي يالجوهره بالسجن وابشري بما يسرك والله اني داخل مبسوط وحاسني الخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ياشيب عيني من دلوك الليل واقبال النهار=نفرح بمقبلها ومقفيها رغم ما يفعله
تصدع بما تومر عليه وفتكها دايم جهار=في شرها في خيرها من حيث ربي يجعله
تصيب من ترميه في بارودها بليا عيار=بوقع الندب يرضى هذاك وذاك وقعه يزعله
النجلاء
29-03-2018, 11:45 AM
صبحكم الله بالخير يالرواسي
ابو عبيد صح الله لسانك ملايين
ناقدنا ياهلا والله ومرحبابك والله يسلمك يارب
سجين صح الله لسانك شاعرنا
حمد صح الله لسانك ودام حضورك الرائع
ابو فيصل الله يسلمك ويخليك يارب
شاعرتنا ريم الفلا الله يسلمك يالغلا
خيال صح ذوقك الراقي
رحوله وجوجو ونور ماشاء الله عليكم حضور جميل وتسالي فاخره لاعدمناكم يارب
ناصر الهواوي
29-03-2018, 12:14 PM
وزني ياوزين الروح وش فيه عندك خف=يازن له جبل واليوم ترجح به الريشه
ما ادري ليه تاطاني ركايب جفاك بخف=واحدنا بدون اخوه ما يطعم العيشه
اطف نار صدرٍ به تلظى بوصلك طف=احذر لايجيبك يوم زاد الغلا طيشه
بدا سمك حبل الوصل من يمتك ينحف=نور ايامنا الحلوه ضعف وانفصل فيشه
بعد شح غيمك بالمطر دوك نبعه جف=تكفى قل لغيمك له يعاود رشاريشه
نوٍ غير نوك مالي بكثر سيله شف=انتي بس انتي لو تريدين تهميشه
ناصر الهواوي
29-03-2018, 12:34 PM
تغريده خارج السرب
المرجله لك سوق والطيب سلعه=ما احد حسب فيها الغلا والمخاسير
ياهيه ترا النفس ماهيب تلعه=قشه خفيفه وانكسر غارب ابعير
والظرس لازاد وجعه هان خلعه=ومع الزعل نوبٍ تخون التعابير
واصغر شراره يمكن تكون ولعه=وجساس حاكم وقتله سالم الزير
وشيٍ بفم ويكود تفله وبلعه=ولاهو بدايم يدفن السر في بير
مساء الخير
كيف الحال جميعا
صحت الالسن شعراء نجد
صح لسانك رئيس حزب العاصفه
على وجه الخصوص
شاعرة نجد اين انتيييي سلامات ياشاعرتنا
الجووهره
29-03-2018, 02:11 PM
مساء الخميس الونيس
وصح لسآنك شآعرنا الهوآوي
على التسالي ما تقصر طآل عمرك
هلا بك نوور منووره
وين التسالي الحلوه
الجووهره
29-03-2018, 02:22 PM
تسآلي لنفسي ههههه
من ذآئقة الظهيره
لو شلت هم ما يشيله جبل طي
حذراكـ لا تبدي على الناس سركـ
من قال لكـ وش فيكـ قـل لـه ولا شي
ومـن قال كيف الحال قله يسركـ
ــــــــــــــــــــ
لاترتجي من ناقص العقل حكمه
ؤلا ترتجي من فاقد المرجله خير
ولايغرك في الردي لمعة اسمه
الريش مافاد النعامه وهي طير
ـــــــــــــــــــــــ
الحياه دروب ، واختار الطريق
اللي ما يحدّك على الضيقه ابد
صير مثل البحر : من خارج انيق
وداخلك عالم ما يدري بّه احد
ــــــــــــــــ
الجمـال يمـوت و الأخـلاق تبقـى
والحلا فالروح ماهو في سواها
.
البشر بـ أخلاقهـا والـذوق ترقـى
ما تزيد أشگالها من مستواها
ـــــــــــــــــــــ
النيه الطيّبه مــن طيب منبعها
وكلّن على قدر طيبه يسرج خيوله
مـثل القصيده يدلّـك طيب مطلعها
عنها ..وتبقى بكل لسان مقيوله
ــــــــــــــــــــ
خلـك خفيف النفس راقي وجذاب
لاتصير بعيون المخاليق علـهـ
اضحـك وفرفش لكن بحب وآداب
اعرف حدود المزح و أعرف محلهـ
ــــــــــــــــــــــ
بلاش من كثر العتب والمشاريه
الصمت عن كثر التشرًه شهامه
ㅤㅤㅤㅤㅤ
من جاك قله يالله انك تحييه
ومن راح قله رافقتك السلامه .
ــــــــــــــــــــــــــــــــــــــــــــــــــ ـــــــــــــــ
وسلاامتكم
اشوفكم بالليل ان شاء الله
مع تسالي آخر الليل
خيال مطير
29-03-2018, 02:23 PM
لله درك يالخيال هذي قديمه الله يرحم ابا فايز رحمةً واسعه ويرحم ابن طلال وجميع المسلمين آااااااااااااااه
هذي عاصرها ناس غالين على قلبي بالحيل ولي بهم علاقات وطيده مدري وين راحت بهم الدنيا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
صباح الخير للجميع والله يكشف مابنا الدنيا عجاج حتى على مصر يقول المراسل اثرت على الانتخابات نستغفر الله ونتوب اليه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
ارحبي يالجوهره بالسجن وابشري بما يسرك والله اني داخل مبسوط وحاسني الخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ياشيب عيني من دلوك الليل واقبال النهار=نفرح بمقبلها ومقفيها رغم ما يفعله
تصدع بما تومر عليه وفتكها دايم جهار=في شرها في خيرها من حيث ربي يجعله
تصيب من ترميه في بارودها بليا عيار=بوقع الندب يرضى هذاك وذاك وقعه يزعله
صح لسانك يالامير
خيال مطير
29-03-2018, 02:26 PM
وزني ياوزين الروح وش فيه عندك خف=يازن له جبل واليوم ترجح به الريشه
ما ادري ليه تاطاني ركايب جفاك بخف=واحدنا بدون اخوه ما يطعم العيشه
اطف نار صدرٍ به تلظى بوصلك طف=احذر لايجيبك يوم زاد الغلا طيشه
بدا سمك حبل الوصل من يمتك ينحف=نور ايامنا الحلوه ضعف وانفصل فيشه
بعد شح غيمك بالمطر دوك نبعه جف=تكفى قل لغيمك له يعاود رشاريشه
نوٍ غير نوك مالي بكثر سيله شف=انتي بس انتي لو تريدين تهميشه
صح لسانك يابو عبيد
لاعدمناك
خيال مطير
29-03-2018, 02:28 PM
وزني ياوزين الروح وش فيه عندك خف=يازن له جبل واليوم ترجح به الريشه
ما ادري ليه تاطاني ركايب جفاك بخف=واحدنا بدون اخوه ما يطعم العيشه
اطف نار صدرٍ به تلظى بوصلك طف=احذر لايجيبك يوم زاد الغلا طيشه
بدا سمك حبل الوصل من يمتك ينحف=نور ايامنا الحلوه ضعف وانفصل فيشه
بعد شح غيمك بالمطر دوك نبعه جف=تكفى قل لغيمك له يعاود رشاريشه
نوٍ غير نوك مالي بكثر سيله شف=انتي بس انتي لو تريدين تهميشه
صح لسانك يالامير
خيال مطير
29-03-2018, 02:35 PM
أعلان هااااااام من الخفير
بيان من الديوان الملكي
لاطالما السجين اليوم هي الجوهره مدري جوجو . يمنع الزياره لهذه الليله , أثر تغيرات في الطقس , واللي تبيه الجوهره انا موجود , موعد الزياره غداً بعد صلاة الجمعه .. ملاحظه . ممنوع أصطحاب الورعان , لزياره ..
جاااكم العلم
الجووهره
29-03-2018, 02:44 PM
وليه يالاقشر ما تبي يزوروني
نذآلة المطرآآآن ههههههههه
خيال مطير
29-03-2018, 02:50 PM
مهو نذاله بس خايف ,ع مصلحتك , ولاتنسين اليوم أوكيند . والجو كله غبار , خابف عليكِ من الربو .. والليلة , عشاك فول , ومطبق , وشكشوكه ع حسابي ,
جاك العلم
خيال مطير
29-03-2018, 03:18 PM
يقول السيحاني
من شاف حالي قال يا ياسر حالك وش بلاه
وامرر اسئلة الفضوليه واصك ابوابها
واناإليا من جاء العصير وذعذع الغربي هواه
أون ونات كبير الحظ ما يبلا بها
والغالي اللي كل شريان تغذى من غلاه
يلعب على كيفه وأهل مكه تعرف اشعابها
والحال نفس الحال مايخفاه طيبه من رداه
والعين ما تبغى تشوف احباب غير احبابها
روض الحشا قد له ثمان شهور ماطقطق سماه
في غيبة الفرحه عساها مايطول غيابها
اثر المحبه تبحث الرجال وتبيح خفاه
اليا سطت بين الضلوع وعلقت مخلابها
انا قريت كتاب حبٍ مااحد قبلي قراه
وغنيت فيه معلقات مااحدٍ غنابها
حب من ورا حدب الضلوع ومبتداه
ماهو لاجل شهرة لابو الشهره لابو من جابها
عسى الجريده والمجله والإذاعه والقناه
فدا عنود الصيد وإفدا شوقها واعجابها
الجادل اللي كل مامنها يشد الانتباه
حتى الكلام يحير بين شفاهها وعذابها
لا قلت ياسمح المحيا ماتعرف تقول هاه
ماتعرف إلا يا نظر عين الغلا واهدابها
احيان احس إنها طفل وازعله وادرك رضاه
حتى ليا قامت تعاتبني يازين عتابها
احبها حب الفقارى للتشبث بالغناه
حتى لو ان الفقر بين جلودها وثيابها
افا يا ذا العلم جوجو سجينه ):
انا اشوف السجن منور ههههههههههههههههه
؛
رقيق الحديث اللي على الكبد كنّه ما
تباشر به نفوسٍ من الوقت منلاعه
عليه الضماير من صدوف الدهر تضما
و على جاله القلب الشقي يفرد شراعه
؛
أربعينه فالشبه غادين كيف ألقاهم ؟
لو لقيت من أربعينه نص شخصٍ أحبه
ٰ
تاه واللي يشبهونه عن عيوني تاهم
آخر العنقود . . وآخر حلم . . وآخر حبه هههههههههههههههههه
؛
افرح بكل الرسايل منك شخصياً
لو كان مضمونها مشروه ومعاتب
وحتى الرسالة لاجتني منك عفوياً
افرح بها فرحة الطفران بالراتب
(؛
خيال مطير
29-03-2018, 05:00 PM
افا يا ذا العلم جوجو سجينه ):
انا اشوف السجن منور ههههههههههههههههه
؛
رقيق الحديث اللي على الكبد كنّه ما
تباشر به نفوسٍ من الوقت منلاعه
عليه الضماير من صدوف الدهر تضما
و على جاله القلب الشقي يفرد شراعه
؛
أربعينه فالشبه غادين كيف ألقاهم ؟
لو لقيت من أربعينه نص شخصٍ أحبه
ٰ
تاه واللي يشبهونه عن عيوني تاهم
آخر العنقود . . وآخر حلم . . وآخر حبه هههههههههههههههههه
؛
افرح بكل الرسايل منك شخصياً
لو كان مضمونها مشروه ومعاتب
وحتى الرسالة لاجتني منك عفوياً
افرح بها فرحة الطفران بالراتب
(؛
الله لايهينك طرح راقي يالراقيه ,, احنرامي لشخصك الراقي
خيال مطير
29-03-2018, 05:04 PM
تسليه
يا حمود ما والله كتبت الشعر كيف
هم لجى بي قلت أعبره ببيات
شعري وانا خابره ما خلطه زيف
وما قد عصاني يوم انا قلت له هات
كنه يصرف عني الهم تصريف
والقى بحروفه طربة لي وسجات
وكنه ليا هاجت بصدري عواصيف
يقطع بي أميال الفكر والمسافات
مجنون يرقى بالضلوع المهاديف
صاحي وله في عالم العقل بصمات
سهل صعب به جد وانوع تخريف
لين وقاسي ولا حصل فيه ميلات
لا ما تكلف في حروفه تكاليف
يجيبها وتجي على كيف ماجات
أيه والله اني عارفه دون تعريف
خديم روحي بالشقا والمسرات
كم مرة زرته من الضيق و الحيف
وكم زارني مره ومره ومرات
يا حمود ما والله كتبت الشعر كيف
الشعر يكتبني ليا قلت له هات
راقت لي خيال ~
الجووهره
29-03-2018, 07:32 PM
مساء الوررد
اهلا اهلا رحوووله
النوور نوورك حبيبتي
وتسلمين ع التسالي الجميله
بس عاد لا تنسيني من القهوه أهم شي
والحلااا وكثري الفنآجيل
هههههههههههههههههههه
الجووهره
29-03-2018, 07:36 PM
يامصعب الفرقا بليا تلاقي
لاغاب عنك اللي تعزه وتغليه
يا شينها لا من نحاه الفراقي
ثم ابعدت سود الليالي محاريه
لاميت(ن)ينسى ولاحي باقي
عندك قريب وكل يوم تراعيه
البعد مثل الموت يحرق احراقي
والميت اهون لكن الحي ترجيه
متعب المطلق الركابي
ناصر الهواوي
29-03-2018, 07:39 PM
خيال يوم انك خبيرٍ بالمطاعم واكلها=ارفل ووجباتك ثلاث تجاب من منتوجها
الجوهره بالحبس من ما طاب بالله جبلها=لاتزعجون الناس في عور العلوم وعوجها
احزيبها مثبور ما اشوفه تحرك لجلها=لاعاقل الشله نظر فيها ولا مرجوجها
الجووهره
29-03-2018, 07:44 PM
يشهد علي علام ما كان بالغيب
رب ٍ خلق فيك الثلاث العجايب
ذاك الجمال اللي بدا فيك والطيب
واحساسك اللي رحت أنا فيه ذايب
إني بحبك صرت مجنون ما أطيب
مذنب بحبك عن هوى الغير تايب
يا غاليه وإن جيت كلّي تراحيب
ضامي حنانك لا تردّيه خايب
أسألك باللي ما يحب الأكاذيب
لا تعلّقيني فوق متن السحايب
إما أكون بعالمك كالأصاحيب
وإلا أكون اليوم أغلى الحبايب
زياد البدراني
الجووهره
29-03-2018, 07:46 PM
هلاا بك شأعرنا وصح لسآنك
وحزبي معذورين ويكند
أكييد مشغوووليين
هههههههههههه
ناصر الهواوي
29-03-2018, 08:04 PM
حورنيه الصفره تسلايه ياهاجسي باقي سوالف ماتفوَّت عج لها=ارقاب عذبات البيوت /اشرح لهم مجهولها
مافات ياهجسي من الايام راجع سجلها=في مسمعي دنة خلاخلها وصوت حجولها
ارتعت يوم انه عليِّ ابدا التحيه نجلها=كنه يقول انا جزا ناسٍ تخط رجولها
يفوز بالمطلوب لامنه تعرض عجلها=واهل التردد عن مطامعها النصيب ايجولها
تبي الحقيقه طالت القصه وشمِّل هِجلها= والا اطلق المقهور لماته وفك اعجولها
خيال مطير
29-03-2018, 11:25 PM
خيال يوم انك خبيرٍ بالمطاعم واكلها=ارفل ووجباتك ثلاث تجاب من منتوجها
الجوهره بالحبس من ما طاب بالله جبلها=لاتزعجون الناس في عور العلوم وعوجها
احزيبها مثبور ما اشوفه تحرك لجلها=لاعاقل الشله نظر فيها ولا مرجوجها
صح لسانك . لاتقاشرني . تراني اقشر
أنا خفير . ولي خبره . في المجال ألامني
الجوهره .. عندي ونا ابو هندي .
بكره زيارتها
خيال مطير
29-03-2018, 11:31 PM
يقووووووووول بندر الله يرحمه
مالوم عين تصطفق بعض الأحيان
شافت غرابيـل الزمـان الغريبـه
ياكثـر ماشافـت ويقـل الإيمـان
بقلوب مـن بقلوبهـم شـك ريبـه
من ينصح اللي يعتقد لـه بكهـان
يشرك مـع الله واحـدٍ مـا يثيبـه
لو يصدق الكاهن طلع منه برهـان
وافتك نفسه من حـدوث المصيبـه
لكن كـذاب خـذوا منـه كذبـان
والله صدق عـلام غيبـك وغيبـه
من سبته ياميـت القلـب ندمـان
لعل قلبـك للعمـى ويـش تبيبـه
انصحك يا اللى رشك الشيب عميان
وادى جهنـم حـادرٍ مـع شعيبـه
يطغيك زود المال والزود نقصـان
غادٍ بسوق السـوء ليـه اتغديبـه
لاتدعي بالمـال رابـح وخسـران
يفلجك من زيـن العمـل يدعيبـه
وافطن لكلمة ويـل يـوم للأنسـان
فى ماقـفٍ ماينفـع المـرو جيبـه
للشـر ميـزان وللخيـر ميـزان
تكتـب ملايكـة السمـاء وتعديبـه
خذلك نصيحة واحد شاف الأ كوان
جرب غرابيل الدهر مـن نصيبـه
من جاهد الدنيا بلا رؤس جنحـان
يصبر إ لصكات الزمان الرهيبـه
وأنا الذى شفت الـوزا ياسليمـان
برد الشتاء والقيض اكلنـي لهيبـه
مانيب اهين النفس لوكنت جيعـان
مايدنع إلا الكلـب عقـب اتهزيبـه
والله يالـولا كلمـةٍ قـال ديــان
حقى غدابه مانـوى إنـه يجيبـه
لشهر كما يشهر مع الجو شيهـان
قطـع البحـور ولاحيـاة الغليبـه
لجوعلي النـاس قـوم وصدقـان
واخترت عنهم بعد ممسى النجيبـه
مااهبلك ياللـي تلتويلـك بجابـان
رجـلٍ مـن الجابـان لاتلتويبـه
لاساترعرضـك ولاقاضـي شـان
تكسب نزولك عقب مبدى الرقيبـه
ابعدعن الجابان لوكنـت عريـان
ثـوب مـن الجابـان لاتكتسيبـه
يارب تجعل لي من الذنب غفـران
يـافـارج لـيـوب ممابلـيـبـه
خيال مطير
29-03-2018, 11:33 PM
حورنيه الصفره تسلايه ياهاجسي باقي سوالف ماتفوَّت عج لها=ارقاب عذبات البيوت /اشرح لهم مجهولها
مافات ياهجسي من الايام راجع سجلها=في مسمعي دنة خلاخلها وصوت حجولها
ارتعت يوم انه عليِّ ابدا التحيه نجلها=كنه يقول انا جزا ناسٍ تخط رجولها
يفوز بالمطلوب لامنه تعرض عجلها=واهل التردد عن مطامعها النصيب ايجولها
تبي الحقيقه طالت القصه وشمِّل هِجلها= والا اطلق المقهور لماته وفك اعجولها
صح لسانك ... يالغالي , لاعدمناااك , احترامي أمير
خيال مطير
30-03-2018, 12:01 AM
يقووووووول بندر الله يرحمه
سر ياقلم مالي على الصبـر طاقـه
صبري تعدى الحـد ماعـاد ينطـاق
أكتـب لمثلـي قصتـه واشتيـاقـه
في خطك الواضح على بيض الأوراق
قصة حزيـنٍ صافـي الحـر ذاقـه
أنا بذكره ماصلـه خاطـري ضـاق
باقوا به الأصحـاب والوقـت باقـه
وصار الضحيه بيـن بايـر وبـواق
يمشي وهو ماحس في كسـر ساقـه
امسى على ساقين واصبح على ساق
وهذي سواة الوقت شيـن اصطفاقـه
الوقت لـو يصفـى لـك أيـام دراق
لاشـك يامـن معـك عقـل ولباقـه
بنصحك كان إنـك للأمثـال تشتـاق
صادق رجـال يعرفـون الصداقـه
يقفون صفك يـوم يبسـات الأريـاق
ومن يرغب فراقـك فعجـل فراقـه
جاز الذي يجزيـك إفـراق بفـراق
يقولـه اللـي جايـر الوقـت عاقـه
ولازال فـي غيبوبـة الهـم مافـاق
حظه على اقشر شي للنفـس ساقـه
بقبور الأحياء ينتظر يـوم الأطـلاق
خيال ~
خيال مطير
30-03-2018, 12:12 AM
محاورة | سعد المعنى و خلف بن هذال
https://www.youtube.com/watch?v=rTeY7JgiORU
خيال مطير
30-03-2018, 01:21 AM
تسليه
الشاعر نمر بن صنت الحافينمر بن صنت بن دحيم بن رجاء الحافي الروقي العتيبي ولد عام 1340 هجريه في سجا المورد الشهير في نجد حيث ترعرع وعاش صباه متنقلا مع البادية وعشق الصحراء وقساوتها,, درس القرآن الكريم وتعلم القراءة والكتابة في الكتاتيب وعمل لطلب العيش في عدة مواقع ثم اتجه الى تبوك والتحق بأميرها آنذاك خالد بن احمد السديري لما عرف عنه – رحمه الله – من حسن الخلق والكرم وما يتميز به معاليه من صفات حميدة وخصال جميلة ثم التحق بالعمل في عام 1370 هجريه بإمارة منطقة تبوك رئيس دورية ثم رئيس مركز شقري وكان يحب المقناص وطلعات البر حيث رافق الامير خالد في اسفاره ومقانيصه ومدربا لطيور المقناص الخاصة بالامير ثم انتقل برفقة الامير خالد السديري الى الرياض ثم الى نجران عندما كلف معاليه بالاشراف على امارة منطقة نجران عام 1383هجريه ، وعاش مرافقا له حتى توفي الامير خالد رحمه الله عام 1399هجريه، وعمل في إمارة منطقة نجران مع الامير فهد بن خالد السديري.
يعد من أبرز الشعراء في الجزيرة العربية ويعتبر من المتميزين لقوة ما يكتبه وسلاسة قصائده وعذوبتها وهو جزل الشعر قوي السبك سهل الالفاظ يحفظ عشاق الشعر معظم قصائده لسهولتها وجمالها وقد كتب في جميع اغراض الشعر.
ولقد جمعت أشعاره في ديوان مطبوع حمل اسم: (ديوان الشاعر نمر بن صنت العتيبي). وسوف نستعرض بعضاً من قصائده.
فبعيداً عن بحر الغزل الذي طالما استهوى الشاعر يقول في موضوع تكسب بعض الشعراء بقصائدهم:
الشاعر اللي راس ماله لسانه = نفسه يحده للشحاذه ضعفها
دايم تومّي به ليالي زمانه = يتعب على الكلمه يدوّر خلفها
يعطيه زيد وعمر يدقم سنانه = ويدلا عليه بكلمةٍ ما عرفها
يقطعك يا رجلٍ تحب الإهانه = من لا يعز النفس يهدم شرفها
ويخاطب الشاعر في قصيدة (مكحلات المدامع) الأمير محمد الأحمد السديري شاكياً من لوعة العشق:
من ذاق ود مكحلات المدامع = عليه من شرابة الخمر تقليد
بين الرجا والياس خايف وطامع = وأرجي ليا مني تذكرت أبو زيد
ياللي عطيت الخيل شهب المصامع = ليا راح مرسولك عرفنا المراديد
فكّاكة المشكل بضرب اللوامع = واحبالكم نرجي بهن المواريد
أرجي لعلك للمواليف جامع = عقب البطا والبعد ومطارد الكيد
أمّا في غرض الغزل وهو الغرض الأبرز في تجربة الشاعر فتقابلنا عشرات القصائد والمقطوعات التي يحار المرء في الاختيار بينها لعذوبة لغتها وحرص الشاعر على التنويع في بحورها وفي قوافيها وهو تنوع قلما نجده لدى غيره من الشعراء، يقول في قصيدة (علموها):
ليت رجلي على بيت الغضي ما تمشت = لين شافت عيون اللي على بالها
عين شيهانةٍ جاها المساء ما تعشت = وراغ شيءٍ مع الصفرة تغايالها
علموها تراها للمعاليق حشت = وأكبر الجرح لا مريت مدهالها
ويقول أيضاً في قصيدة (يا أهل الونيت):
يا أهل الونيت اللي يخم المزفّت = راعيه عن الدرب السماجه محشّم
وقّفت مع دربه وقمت آتلفّت = شفقٍ على راع الخديد الموشّم
وقفت لين الشمس بالرجم هفّت = عليه بيبان الضماير تهشّم
ويقول في بعض أبيات قصيدة (فرقا الضحى) وهي واحدة من أطول قصائد الديوان مُعبراً عن ألم ومرارة الفراق:
يا عيني اللي كل ما هوّد الليل = كني عن النوم اللذيذ متجافي
وأكثر عنا قلبي ليا شافوا سهيل = وشدت مظاهير الهوامل مقافي
وأبعد حبيبي ما تجيه المراسيل = بيني وبينه يصبح الجو صافي
يا صاحبي ما أنساك لو قيل ما قيل = ما صابني من واهج الحب كافي
واليوم ما حصلت كود الغرابيل = أظهرت جرح القلب بيّن وخافي
والله ما يبري القلوب المغاليل = إلا العشير اللي ليا قال يافي
ومن قصائد الديوان الجميلة أيضاً قصيدة (لا شفت برقٍ) ويقول الشاعر فيها:
لا شفت برقٍ ودونه غت = عساه يمطر على عِدك
يا اللي سنينك ثمان وست = نور القمر فيه من خدك
خل التغلي تراني مت = قطاع والخوف ما ردك
ما نيب ناسيك لو أبعدت = مير البلا البعد عن جدك
وهذه القصه والقصيده للشاعر نمر بن صنت في معشوقته الجازي القحطانيه وقد أخذ قرابة تسع سنوات وهو يحاول مع أهل محبوبته الجازي ويأمل منهم الموافقه على زواجه منها وقد تقدم بجاهية لإهل معشوقته ومن ضمنهم الأمير خالد السديري والذي طلب منه في قصيدته التوسط له عند أهل الفتاة الجازي وقد بذل الأمير خالد السديري كل مافي جهده وبعـد ذلك وافـقـوا أهل الفتاة وتحقق المطلوب وتزوج نمر بن صنت بمحبوبته الجازي بعد جهود شاقه وقد عاش معها حياةً حلوةً وسعيده وقيل أنه قصد في محبوبته الجازي أكثر من مئة قصيده ومنها هذين القصيدتين قالها قبل أن يتزوجها الأولى في الأمير خالد السديري يستـفـزعه فيها:
يالأمير إفزعوا لي جاء بكبدي فلوج = أشهد إنك تفك المشكلات المهمه
يا زبون المخلا يوم الأرقاب عوج = يوم راع الرديه يلتفت لإبن عمّه
أودعنَي بنات البدو مثل الخلوج = كاحلات المدامع لابسات الأزمّه
حال من دون خلي زاميات الفجوج = جعل عاقل على يعقوب شملي يلمّه
أذكر اللي مضى لي من دقاق الهروج = يوم تلعب بي العبره على غير يمّه
والله إني كما الورع الصغير اللهوج = قايمً من حلاوة مرقده ما لقى أمّه
ومن ضمن ما قال فيها هذه القصيده قبل أن يتزوجها :
يانجمة الصبح كبدي منك مرهوقة = لاشع نورك علينا لا تغيبيني
ستاير القلب من فرقاك مفتوقة = أصبر من العام لين انك ذبحتيني
الود لو نتركه عنا وطاروقة = أظني ارتاح وانتي تستريحيني
لبيك ياللي تجر القلب وعروقة = كله على شان يوم انك تلبيني
تلحني لح ركبً عجلوا سوقة = أوجل ذودً مسريهن شيابيني
عديت عن مبسم المجمول لا اذوقة = انا بلاي الحيا وادرى على ديني
ياقلب ياللي من الجازي دنا عوقة = ياناس اشيروا عليها لا تقاصيني
وان كان قلبي تليش عنه صندوقة = شدوه لين اتجود فيه بيديني
قالوا معاليق قلبك منه مسروقة = قلنا خذتها الضحى والناس واعيني
ياليت ربي ومر خالد على شوقة = يفك حبله ولو يعطى ملاييني
الأوله ليت أبو خلي من الروقة = والثانية ليت ابوي من القحاطيني
يالله ياخالق الدنيا لمخلوقة = تقدر على الموت تذبحني وتحييني
تلم شملي لابد الروح مرفوقة = باربع هناديس في قبري تخاويني
ولقد توفي في عام 1420 هجريه رحمه الله وغفرله…
صبحهم بالخير (:
صح لسانك يابو عبيد
صح ذوقك خيال تسال جميله ومنتقاه :((((((
جوجو ابشري بالقهوه والحلا
https://a.top4top.net/p_818p0p720.jpeg (https://up.top4top.net/)
الله من عين ليا عسعس الليل
عافتّ لذيذ النوم ما تهتني به
يا وين انا القى من يحب التعاليل
يبدى بزين القول والا ابتدي به
(؛
صباح الخير
رحيل وخيال صح ذوقكم الراقي
رحيل الحلى يقتتتتتتل >>>>>يجنن شكله
صباحكم سعااااااادة ورضى
الليل لا جا طيفك ايصير ليلين
ليل القصيد وليل حلْو الحكاوي
والصبح لا جا طيفك ايصير صبحين
صبح البياض وصبح شقر القهاوي
والدرب لا جا طيفك ايصير دربين
دربٍ جماله خوة اللي يخاوي
عطني وعدك السبت وأسبقْك يومين
وأزيدهن يومين والا حراوي .
وبجلس أنتظرك إلى ليل الإثنين
أهل الهوى ما يقطعون الرجاوي . .
ودعّ جروح الليالي مع القلب الحزين
واخطب افراح المقابيل والدنيا غناه
الامل يبغي صبر والصبر يبغي فطين
لو سراب الحلم يكذب على الضامين ماه
المجامل سلعة منافق .. وحيلة وهين
والصراحه راحة البال من باقي عناه
والنجاح محال تنجح ومالك حاسدين
كل فاشل ينقدك يعطي للمجد اتجاه
والحيا من خالقك نعمه من الله ودين
يقطع اللي ما يرده من العالم .. حياه
والصداقه بالمواقيف ماهي بالسنين
انشد اللي فـ الشدايد عرف وين اصدقاه
لا تبعت اتبع طموحك .. لا تتبع راحلين
من يقفيّ من هل الطيب لا تامن رداه
القليل من التجاهل سلاح العاقلين
يجبر اللي غرهّ الكبر يعرف مستواه . .
الجووهره
30-03-2018, 02:12 PM
عطر الله جمعتكم بذكر الله
والصلاة والسلام على رسول الله
اللهم صلّ وسلّم وبارك على نبينا محمد
الجووهره
30-03-2018, 02:14 PM
خيال
تسلم ويعطيك العافيه على التسالي
الرائعه والطويله ههههه
رحووله يسلم ذوقك
ومشكوره ع القهوه والحلا يا كل الحلا
نوور. منووره
وتسلمين على التسالي الجميله ياجميله
ناصر الهواوي
30-03-2018, 02:49 PM
هههههههههههههههههههههههههههههههههههههههههههههههههه ه
الضحك بلا سبب من زود الادب
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
الجوهره بالحبس والزوار ما غابوا عنه=لاحظت مافي من لفوها راعدي او راعده
واشوف يطلع من نوافذ مطبخ السجن ادخنه=شبت برمث وقرصت وقت الغدا زل وعده
من يحتزم بالشيخ والناقد وريوم/ اعدنه=انا اشهد انه ما احتزم في خير ياقل اسعده
مريت واسمع داخله هرج ونواني وارطنه=ما اوحيت اناهالصنف من قبله والا اوحيت ابعده
ريم الفلا
30-03-2018, 03:35 PM
يامساء الغلآ للغالين
شلونكمم ...
جوهرة منورة السجن يالغلآ
احيآنا ادخل السجن يجيني نوع تبلد وفهاوه
واطلع ومرات انفرط مره وحده
ومرات تجيني حالة ضحك هههه نفس الحين من تعليق الجوهرة وضحكة الهواوي
الله يسعدكم
فاقدة شاعرتنا نجد. صايره تطول علينا
عسى المانع خير
محمد الـفراج
30-03-2018, 03:47 PM
الله يسعد مساكم
وصح لسانكـ يابو عبيد
تسليه
https://www.youtube.com/watch?v=7eoYhWo3YLs
https://www.youtube.com/watch?v=jiGnrRrkejU
https://www.youtube.com/watch?v=HvHPd2RpozM
https://www.youtube.com/watch?v=RRyO0H2dfNw
https://www.youtube.com/watch?v=s5WCPGGZOAk
ناصر الهواوي
30-03-2018, 07:37 PM
اهلا ياريم حالتك مع السجن غريبه انا لادخلته رغم انكم تتكون الخاطر استانس هههههههههههههههههههههههه
ماعمرك سمعتي بالماضي البدو يقولون ما يضحك الا الماخوذ؟؟!! هههههههههههههههههههه
ارحب يابو فيصل ماشفت تسليه الصفحه جرداء هههههههههههههههههههههههههه ادي ضحكه بعدــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
لوفكيت قيد الجوهره باسجن الفراج=ماني خبل اجيب العود به واطلق بنيه
مدخال السجن.مصكوك بالقفل و المزلاج=امسي فيه جعل احلامك اتصير ورديه
من ميلٍ الى ميل آخر ايحل فيه افراج=تيسر اومورك والله يزين النيه
الاخلاق منحاسه ومتعكر المزاج= والاجواء كماه مغبره ميه ابميه
لكن دق سلف اللي بدفلك وبه رجاج=واجعل وجهته لادار ويله جنوبيه
لدارٍ لساكنها قبل خافقك محتاج=على شوفته دايم وروحك شفاويه
يتلك برمش وعين حورا وقوس حجاج=الهيكل عراقي والتواصيف نجديه
ريم الفلا
30-03-2018, 07:38 PM
ددسن عراوي ومكسوره مرايتها
ياوجدي عنه
ابدع من بعدكم بدر
مالهم لايم يوم تهيضوا هههه ابدعت يالفراج
وابدعوا من بعدك بن عون وبدر والبقيه
وابدع المنشد مررره
لاهنت يامحمد
محمد الـفراج
30-03-2018, 09:24 PM
ابو عبيد انت ما عاد تشوف ههههههه
ريم الفلاء
الابداع وجودكـ يالجزله
من عين السجينه التهت في الويكند ههههههه
ناصر الهواوي
30-03-2018, 10:29 PM
واجد اللي مايشوفون هالايام
ــــــــــــــــــــــــــــــــــــــــــــــــــ ـــ
محمد الـفراج
30-03-2018, 10:31 PM
واجد اللي مايشوفون هالايام
ــــــــــــــــــــــــــــــــــــــــــــــــــ ـــ
هههههههههه
لا يكون انا منهم
خيال مطير
30-03-2018, 10:59 PM
تسليه
ماللمجادل بعـض لحيـان داعـي
والصمت هيبه وأن تكلمت قل خير
ولاصرت بالنيـه نزيـه المساعـي
بالله توكـل لاتهـاب المقـاديـر
ولا شفت من قربه يجيب النزاعـي
أبعـد عنـه والله يعلـم بمايصيـر
ولكل مايحصـل بكونـه يراعـي
_.يعلم خفايا النفس من دون تفسير
وللغانمين فجوج كونـه وساعـي
سوق القـدم والله عليـه أتياسيـر
اللي رزق بالبـر عمـي الافاعـي
بمـره عليهـا ينـزل العصافـيـر
وابعد لوا صعب يوم يوم الوداعـي
ابعد عن اللي قربهـم مامنـه خيـر
وخاوالذي في كل موقف شجاعـي
وقت النخاوي مايحسب المخاسيـر
وخل الذي وقت الشدايد رعاعـي
اللي تقل وقت الرخا سالـم الزيـر
ومن كان له حقآ من الظلم ضاعـي
حقآ خذوه الخلق بشهـود تزويـر
يجي بيوم(ن)مالاحـد فيـه باعـي
يومآ بـه الظالـم مقـره زمهريـر
ودنياك لا فكـرت فيهـا متاعـي
دينا بهـا العقـال تهتـال وتحيـر
ناسآ بها شبعـا وناسـآ أجياعـي
ومثل ماقالوا أدهن السيـر ويسيـر
وكل(ن)يقول أوفيت بالكيل صاعي
ولا فيه مثلي فـي جميـع المعاييـر
ومنا وفينا اهل الحيـل والخداعـي
يهون معهم بـوش بالفعـل وبليـر
ولاتصير باول مشكلتك اندفاعـي
تصير عرضـه للعنـى والتفاكيـر
وكل(ن)له ميزاج ولـه نطباعـي
ولاحدن علم في غيب عماروعمير
ولو البشر سارت برايـن جماعـي
ماصار بالدنيا مشاكـل وتفجيـر
ومن مات ماله غيرالقـراب ناعـي
ومن غاب ماله غير ربعـه مداويـر
ماردني منقـود وجهـن صناعـي
شين النبا اللـي وكلـوه الخوابيـر
وموج البحر مارد سيرت شراعـي
عبرت والمـواج مثـل المعاصيـر
دون المراجـل ماتقصـر أذراعـي
وحفظ لساني مايتعدا علـى الغيـر
ويدي وشعري دون نفسي دفاعـي
دامي ماعلت ولاتقربـت تقصيـر
خليف الوهيداني
خيال مطير
30-03-2018, 11:15 PM
الهنوف الي ملت قلبـي وحلـت فينـي
سرهـا عنـدي وخـل العالـم البلاسـه
درةٍ مصيونـةٍ عـن كـل شـيٍ شينـي
تا خذ العقـل بمباديهـا وتمـلا راسـه
عيبهـا فـي جاذبيتهـا تبـي تفنينـي
املكت قلبي بـدون مفاهمـه وسياسـه
قصةٍ والله عجيبـة والبطـل شخصينـي
اوجزت احداثهـا مـن دون أي دراسـه
أذكر اني قلت وصراع الهـوى يطوينـي
والمكان تقول لبسـه السكـون الباسـه
يابعد كل أصدقاي ومن تشوفـه عينـي
امهليني بس لين أشرب بقايـا الكاسـه
جيت مثخن بالعطش ومشاهدك يروينـي
كيف لو صدري على صدرك يحس انفاسه
لو اظن أن جيتي يمـك تبـي تغوينـي
كان كنسلت المقابل واللقا مـن ساسـه
والله اني حاشمك عن نهج موسو لينـ
وحافظك حفظ البخيل لتجرتـه واكياسـه
يوم جيتك قـام يجذبنـي شعـورٍ فينـي
صرت صادق حس وانا قبل ماش افراسه
قام يرقص لك خفوقي وامسكـه بيدينـي
مثل حـرٍ تـل مسباقـه وحـرك راسـه
كنه يسابـق لشوفـة زولكـم رجلينـي
والضلوع العوج من دونه سجن واحراسه
جملة اوصافك عـذاب وكلهـا تغرينـي
مثل ماتغري الـورود العالـم الحساسـه
صرت لافكـرت تفكيـري يجمـد عينـي
وينتظرني النوم لين يضيع حلو نعاسـه
لا يمي في حبـك اعـده مـن الغادينـي
مايفرق بين مسبـوك الذهـب ونحاسـه
للبحر فيك السكـون وروعـة التكوينـي
وللمطرفيك العذوبه والشـرف واوناسـه
ومن عفافك ستر ودروعٍ تبـي تحمينـي
فوق دين وعرف وزيادة حيـا واكياسـه
ومن كلامك سحر بابل أو خمـر دارينـي
ومن جمالك ظاهره منها البشر منحاسـه
لويشوفك عابدٍ شـارف علـى الستينـي
دق قلبـه للحيـاه وللهوى مـرواسـه
ولو تمرين بدوي راعـي نيـاق ودينـي
يحترق بنه ويرمي مـن يـده محماسـه
ولو يشوفك (دانتي)ماجاب لـو حرفينـي
يرجع بخفـي حنيـن ويقطـع الكراسـه
ولو (نيوتن) يلمحك بيصير لـه قولينـي
قال أسـاس الجاذبيـه عينـك النعاسـه
ولو نظرك أدولف هتلر صاحب التمكيني
كان ماعدوه بارز مـن كبـار الساسـه
ولو رميتي بيتهوفـن ضيـع التلحينـي
وأعلن بدنيا الموسيقا واللحون افلاسـه
عذبينـي بالبعـاد وعـودي واحييـنـي
مثل مايحيي الهميل من الشجـر يباسـه
وزعليني ياغلاتـي وارجعـي راضينـي
واغمريني في حنـان القامـه المياسـه
والله اني مثـل وادٍ لـه ثمـان اسنينـي
ينتظر هامي السحاب ويرتجـي رجاسـه
كل مايشرق صباح اهديك دمعـة عينـي
مع عبير العود والجوري ونفحـة آسـه
شوفتك تنعش عروق الجسـم وتهدينـي
فرجي لي من هواجس فكري ووسواسـه
تبت عن غيرك وجيتك مثـل ماجيتينـي
ياكسجين الروح يفديك الغـرام وناسـه
اتركيني من سواليف الوحـل والطينـي
وحدثيني عن حديث الجوهـره والماسـه
قد حلفت برب يوسف والفلـق والتينـي
انك اجمل من ذوات البشـره الحساسـه
محمد بن راشد السندي الغنامي الروقي العتيبي
vBulletin® v3.8.7, Copyright ©2000-2024, TranZ by Almuhajir