هنا .. سجن القوافي !!

[وافي الحرف]

أسعد الله صباحكم جميعا
يقول للجروح أرواح وتعظيم السلام
وانا اقول ياروح الجروح وأعظم كتاب
تمردي بالحرف على صفحات الأوهام
واكتب العنوان على أول نغمات الغياب

صادق الحرف

[محمد الـفراج]

هلا بك زعيمنا

وكل عام وانت بخير

وعيدك مبآرك

والجميييع

وآخر سجين كان الهواوي

هو سجن نفسه وطلع نفسه ههههههه

الله يبارك فيك يالاميره
وعلينا وعليك يتبارك
الهواوي ما يمسكه الا اللي يمسك الماء هههههه

[محمد الـفراج]

السلام عليكم ورحمة الله
عدتوا العيد والنهار السعيد وكل عام وانتم بخير وصحه وعافيه
ردا على ابو فيصل انا المسجون
وردا على رحيل مازلت بالسجن ولاودي اطلع ههههههههههههه
اهلا يالوافي وحياك وعاد عيدك
التسالي يالنجلاء روعه

اهلا ياريم الفلا وعيدك مبارك وتقبل الله منا ومنك صالح العمل
اهلا يالجوهره وعيدك مبارك
اهلا يابو بندر عاد عيدك
ـــــــــــــــــــــــــــــــــــــ



يا الترف انا من ديرتك توني جيت=تعب تواحت فيه روحه وجيه
في هالعشي ياليتني ما تعنيت=ولا صار لي يم اصفر الدار نيه
ياليتني بعد نويتك توانيت=وسلمت من طرقة شقا هالعشيه
يالورق كان انك لمنطوقي اوحيت=وعرفت ما اريد وفهمت القضيه
فاسعفني بنوح المجاريح لا امسيت=حزين ماقط إزعجه راعبيه
نح بعد بيت وعِدْه واجيب لك بيت=تلعي رواعيبك تجاوب لعيه
على المعايد يالحمامه تضريت=وهالعيد ما شعت بنوره ضريه


هههههههه
ليه ما ترد علي انت يابو عبيد
خلني لين افضيلك هههههه

صحت السنتكم جميعٍ
وعاد عيدكم

الناقد ريم الفلاء الجوهره الملكه
وحشتوني والباقين يعني ههههه
الناقد
ان شاء الله بنزل الرد

[ناصر الهواوي]

اهلا بالجميع
ابو فيصل كيف انا ما ارد عليك؟!!
الجوهر ساكمل
ابو سيف هلابك
ابو عامر مرحبابك وهلا وصح لسانك
حورنيه الضحى


حزب الرعد اليوم وش فيكم عليٍّ=لي معنوياتٍ كبار وعاليه
قولوا وانا باقول والرازق ملي=كلام ما اخسر شي انا من ماليه
الملهم اللي بالبشر ماله حلي=لو مج بمياه البحر جت حاليه
ارضى ليا منه رضي ويحق لي=ابدع باماليِّ وتطيب اماليه
ويصير هذا بالشعر واضح جلي=وان ضاق تظلم فيِّ بيض لياليه
البارحه قمت افلي الماضي فلي=واسترجع الذكرى القديم الباليه
وعن كل ماشيتي من اللوعه سلي=انا استشف انك بعكسي/ساليه

[ناصر الهواوي]

اهلا ياغزلان وش ؟؟؟؟؟ ههههههههههههههههههه
الخيال
لاتخاف عليه يالعواااد . دواه عندي ونا خيال ههههههههه
ونعمٍ فيك لكن وش بيدك=وانا من صورتك فيني وفيني
وانا بانصحك تاقف عند حدك=قبل ما اومي لك براحة يميني
ابا اكافحك لو مانيب قدك=وابي ماتخفي بجيبك يبيني
تهددني وبك واهس يحدك=ولافي بطني لحضرتك ديني
انا ماودي بشيٍ يهدك=احبك واعرف ان قلبك يبيني
ثقيل المزح هذا لايردك=عن الهجمه اذا انك منتويني

[ناصر الهواوي]

سلام وتحيه/ مسك في جوف علبة عاج=لورد المصيف اتشم من داخله فوجه
هديه لبو فيصل محمد ولد فراج=لغنام رمح ليا اعتزا وامتطى غوجه
هلا عد ما لبى ملبي وكبر حاج=وعدد ما هدب نجلٍ بالاميال مسهوجه
افخر في مردي لك ولا اشوف فيه احراج=وهجوسي تهب ليا نصا حضرتك نوجه
وانا يامحمد ما تصافق بي الامواج=راسي مثل مينا البحر لاصك به موجه
رفيقي غلاه ايخالط الدم بالاوداج=حشا ما يرى مني بحول الولي عوجه

[الجووهره]

وخآتمة العيد عسى تعود الأمآني آل روآسي

ونرجع نعآيدكم سنين.

مساء الخير

ويعطيكم العآفيه جميعا. ما تصفحت السابق

بس أكيد مبدعين كالعآده

لي عوده ان. شاء الله

[ناصر الهواوي]

توقيع حضور فقط
كتبت وطرشت وجيت والوضع نفس الوضع=نيام الجماععه ماتحرك بهم ساكن
جنوبٍ تطايح بالفرش والعلابي خضع=ودك من يصب الثلج بظهورهم لكن
بعضها يجي لسنونها من براده قضع=ووردي الحلوم اتعاود اللونها الداكن

[غزلان]

ههههههههه زعيمنا صح لسانك وهلا فيك وووش شوي الهام وتهيض خوآفي هههههههه ~



صحت السنتكم جميعاااا شعرائنا ودام ابداعكم وتواجدكم العذب ~



يازعيم الشعر غرد في رابع العيد ~
وروق بالهيل والزعفران والدله الشاذليه ..

وأسجع بلحن القوافي وباشعارك زيد ~
دامك معتلي القمم في روحتك والجيه ..

وإضرب بصدر المعتدي بأبياتك والقصيد ~
وخلي انغامك تشتعل ونارك بها حيه ..


وسلامتك ي زعيمنا والجميع ~

[شاعرة نجد]

مساء الخير عـ الجميع

وصح لسانك زعيم العاصفه على هـ الحضور الفااخر

العواد,المهره الاصيله,النجلاء,الغلا والـ هلا فيكم لاعدمتكم
وصحت السنة الجميع,’’

[شاعرة نجد]

^^

السلام عليكم ورحمة الله وبركاته


وعيد مبارك وكل عام وأنتم بخير


غيابي أخر الإطلاع على تعليق أختنا الشاعرة نجد


فصح الله بدنك وعساك سالمة .. ونرحب بك وبجميع الأخوة الإعزاء هنا


وإذا ما وسعت الفنادق والمنتجعات .. فتسعكم بيوتنا وقلوبنا والله يحيي الجميع ،،


حقيقة كانت هذه الصيفية مليئة بالزوار والسياح .. ونتمنى السعادة للكل ،،


وخيرها بغيرها يا شاعرة نجد .. وحتى لو في أيام الويك إند .. من سنتين تقريبا


إنشأت فندقين في بلجرشي ذات درجات 4و5نجوم .. والله يحييكم في مصايفكم ،،[/center]


عليكم السلام ورحمة الله

وأنت بخير ومن عوادهـ ان شاء الله
وتسلم وتدووم طال عمرك,وبيوتكم عامره بوجودكم شاعرنا
والله يهنيكم,الجنوب جنة المملكه

شكري وتقديري,’’

[محمد العواد]

الهواوي
الناقد
وعموم المبدعين
صحت الالسن

[محمد العواد]

‏خذني شعر عانِقْ شعوري بـ شعورك
‏واحضن حروفي ياهوى البال بـ حروف

‏أنسب حليف لـ كبريائي غرورك
‏وامرٍ وراثي فيني وفيك معروف

‏⁧‫#محمدالعواد‬⁩

[محمد العواد]

‏حقق على ضو المحبه طموحي
‏ما للهوى في ظل الاهمال خانه

‏سلبتني عقلي وقلبي وروحي
‏ارجع ورجِّع كل شي لـ مكانه

‏⁧‫#محمدالعواد‬⁩

[محمد العواد]

‏قل لي متى بعيني اناظر لعينك ؟؟
‏متى يجي للـواقع المـر تبديل ؟؟

‏متى يجيبك للتلاقي حنينك ؟؟
‏مليت من تكرار كلمة "تساهيل"

‏⁧‫#محمدالعواد‬⁩

[النجلاء]

اسعد الله اوقاتكم رواسينا
مبدعين ماشاء الله عليكم
أبو عبيد صح الله لسانك ولاعدمنا وجودك وابداعك
الدنيش صح الله لسانك ولاهنت ع القصه الرائعه
أبو فيصل ياهلا ومرحبا فيك وبشرنا اخبار الاب توب ترانا ننتضر نبي شي لاتحط الاب عذر ههههههه
العواد صح الله لسانك شاعرنا
شاعرة نجد منوره يالغلا
غزلان ياهلا وغلا وصح لسانك ملايين
شاعرتنا ريم الفلا فاقدين ابداعك يالغلا

[الجووهره]

هلا بالجميع

وصح لسآنك الهوآوي

وصح لسآنك غزوووله

وهلا بك شاعرة نجد منوره بعد الغيبه وبانتظار ابداعك

وصح لسآنك شاعرنا العواد مبدع دائما بس وين راح لونك الهلالي الحلوو هههه

وهلا بك مديرتنا الغآآآليه نجوووله دمتي لنا ودام حضورك الجميل

[وافي الحرف]

جيت ارتب باقي جروحي كلن ب، مكانه
وكل جرحن استفيقه أذكر حزت اوقاته
بين الرفوف غبار السنين وقسى أحزانه
وهنا كتابن ما لقيت أحد يقرأ ترجماته
الجروح تكبر والاعمار تروح وهي شفقانه
يموت وله وينولد بي ألفين وله وحسراته
وما بقى إلا من يقرأ حروف الوجد حرمانه

صادق الحرف

[الجووهره]

شآعرتنا المبدعه

شآعرة نجد

لو تكرمتي وفضلا لا أمرا

تفضلي هنااا

تشرفي وتنوري الموضوع



http://www.r111n.com/t36973.html

[شاعرة نجد]

http://www.differencebetween.info/sites/default/files/images/1/dove.jpg


خلي الهديل وعيّدي ياحمامه=والا ابعدي تكفين بـ .اعيّد العيد
روحي رعاك الله مع السلامه=اليوم عيد وبهجة الخاطر بْعيد
صوتك شجي والقلب مدري علامه=يميل مع حسك على الغصن ويْعيد
مشاعري هشه,عليك الملامه=يامجرمه,قبلك وانا عيدي سْعيد

[شاعرة نجد]

شآعرتنا المبدعه

شآعرة نجد

لو تكرمتي وفضلا لا أمرا

تفضلي هنااا

تشرفي وتنوري الموضوع



http://www.r111n.com/t36973.html

تسلمين مشرفتنا
وابشري من عيوني,بس الوقت الحين متأخر
وعشان اقرأ الموضوع برواقه لي عوده ان شاء الله

تقديري لك,’’

[الجووهره]

هلا بك اخوي الوافي

منور بعد الغيبه وصح لسآنك

وصح لسآنك شاعرتنا المبدعه

[الجووهره]

تسلمين مشرفتنا
وابشري من عيوني,بس الوقت الحين متأخر
وعشان اقرأ الموضوع برواقه لي عوده ان شاء الله

تقديري لك,’’


يسلمك ربي ويعافيك شآعرتنا المبدعه

والله يبشرك بالجنه وكل خير يآرب

و خذي رآحتك حبيبتي بانتظآرك أي وقت

تشرفين وتنورين يا الغلاااا

[الجووهره]

انت العطر دايم على الجو طاغي ...
‏وغيرك حطب دخانهم يوجع الراس

[الجووهره]

خلّ في صدرك ..على الدنيا قبول
واعرف ان الشمس تشرق لو تغيب

وعوّد لسانك : ليا ضاقت .. يقول
(الأماني في رجا الله ما تخيب)!؟

[الجووهره]

الشوق طاغي لابدت عتمة الليل ...
‏يفضح عيون اللي على الوصل تواق

[الجووهره]

ليت الهوى كـله و صٌال و تـلاقي
‏و ليت الحبَايب تجي عند طاريها !

[علي آل حسن العلوي]

يا من تغني والمشاعر ذايبه
في روح من هي عن عيونك غايبه
من له تغني والليالي شاحبه
قبلك ترى خالد يغني الذاهبه
بقلمي

[ناصر الهواوي]

صباحات الخير والسرور والعافيه والامن والايمان
ابو سيف انتم يضرب بسعة صدوركم المثل وتساهيل زينه ليش كارهها هههههههههههههههههههههه
اهلا يالنجلا وصح بدنك
صح لسانك ياغزلان
اهلا يالوافي وصح لسانك
شاعرة نجد هلابك بعد الغيبه وصح لسانك بس ورا ريش الحميمه منفوش والا شكلها كذا؟ ههههههههههههههههههههههه
الجوهره ارفقي على الربع بالتصالي
العلوي مبدع الله لا يضرك وش رايك اتجرب السجن ؟؟ههههههههههههههههههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
كفالتي وامر اعتقال للعلوي مع التحيه والتقدير الجنايه الابداع فقط
ودنا تتكي بالسجن وتعطينا مما عطاك الله
استلم يالخفير خير سلف ل...... خلف ههههههههههههههههههههههههههههه


خفير السجن بالله انا ناوين مشوار= ومليت من سجنك وحلت مشاويري
اتروعني بصوتك ليا قلت دوك افطار=اعافه لو ان الجوع هيج عصافيري
وطرت لي(....)والفكر للجنوب اندار=وانفلت بعد لجت سيوره اساريري
رياها بها هبت لي النود ريح ابهار=هيل وزعفران ودهن ورد بقواريري
الاسود تنصاها معا سابق الاصرار=لو ان دونها حدب السيوف البواتيري
الا ياعيون اللي كفخ بالجناح وطار=مهديه ابن عون الشاعر لحضرة اميري
انا بعد قل الصبر بيحت بالاسرار=واقف في شفية هاويه لكن اغيري
ترا الهجر سيفٍ لاسطا ماضي وبتار=وهلا مرحبا ديه تكفي لتحريري

[ناصر الهواوي]

هلا يالخزامى مرحبا بك بسجن القاف= تراحيب وبل خيال لاهلت اثعوله
اول مره اسمك حسب ظني هنا ينشاف=لعل الاسم يهدي مسماه مدلوله
لك الورد فرش وداخن الند فوق الحاف=اخت وغاليه بالسجن ما انتي بمملوله

[محمد العواد]

صح لسانك شاعرة نجد

طيب تساهيل يابو عبيد
هههه
صح لسانك
وبعدين والله انك صادز
ماشاء الله عليك وشلون
بدقت لجناح الحميمه
هههه
فعلا غريبه
شكله حمامة زينه
----
يا عسكري
خذ العلوي للسجن

[حمد الحربي]

مساء الخير واسعد الله اوقاتكم بالمسرات
صحت الالسن ودام الابداع ماشاء الله

،

[ريم الفلا]

يسعد مساكم ي آحبه
شلونكم بشروني عنكم

[ريم الفلا]

‏يقول /بن حثلين


ما قل دل وزبدة الهرج نيشان
والهرج يكفي صامله عن كثيره
'
الذم ما يهفي للاجواد ميزان
والمدح ماطول يدينٍ قصيره
'

[علي آل حسن العلوي]

نتكي في السجن وش ورانا يا ناصر ههههههههه

[علي آل حسن العلوي]

بس لا تحرمونا من الزيارات

[رحيل]

ياسلام صحت الالسن .. الله يعطيكم العافيه ..


هلا وغلا بشاعرتنا ريم الفلا
ومساكِ اسعد واجمل
بخير جعلكِ بخير وشلونكِ انتي ٠

[رحيل]

الشاعر علي
خير خلف لخير سلف ههههههههههه

[ريم الفلا]

هلابتس اكثر رحيل

بخير دامكم بخير



حياك ياعلي في سجن الأبداع

[مهرة يام]

مساء الورد
صحت الالسن والاذواق
ماقصرت يالزعيم يوم سجنت العلوي
والله كنت ناويه اكرفسه بالسجن ههههههههه
بس سبقتني
يعطيكم العافيه على الابداع والحضور

[مهرة يام]

تسليه للسجين العلوي والزوار
ضاقت وساع الفيافي والوعد متن السفينه
للطريق اللي دعاني بعد أمان الله وأمانه
لا تناديني وصوني قلبك الله لا يهينه
لا يراهن في رجوعي لجل ما يخسر رهانه
ليه ما أرحل عن غرامك بعد ماذقت الغبينه
أذكريلي شي واحد يستحق أقعد عشانه
قلب ماحن لوصالي ماني بحاجة حنينه
وأشهد أنه مايعزر بالرفيع إلا هوانه

[علي آل حسن العلوي]

ليه يالمهره حاقده علي ههههههه
وش سويت لك بس والله اني طيوب

[ناصر الهواوي]

يامساء الكبتشينوا والموكا رغم اني ما اعرفه لكن يمدحونه
بدايتي من حمد وابا اعرج على ريم
ــــــــــــــــــــــــــــــــــــــــــــــــــ ــــــــــــــــــــــــــــــ


ياحمد وش فيك ترمي كلمتين وتهرب=وانت ركن العاصفه فوقك اتشد اطنابه
هات ماعندك ياخالي لاتحشد واقرب=صحت الالسن وطبتم منك ما نرضى به
وين عذبات البيوت اللي تهيظ وتطرب=تجعل السامع ماجابته الحمامه جابه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
اهلا ياريم ونبشرك انا بخير وجعلك بخير
بس بيتين العجمي هنا ترسم علامات استفهام كثيره


هل السجن في صحه وخير ارحبي ياريم=وعطيناه من نحت الصخر ما نبي منقول
لك ايام ما وضعك طبيعي هنا ماهيم=وانا خابر انك من قبل تحمضين القول
نريد البيوت اللي صداها ايصح النيم=اتشجي عليل الروح وتعالج المعلول
امرارٍ تجي حلوه مثل رش وبل الديم=ونوبٍ تجي من سمعها قال ياللهول

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
اهلا يابو سيف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ


نديم القوافي هات قافك وابا اجاريك=حتى لو بيوتي يالسنافي حورنيه
ليا قلت قالت صبرك شوي انا اوريك=واوريك هذي لو تمعنت فنيه
تحريتها وافرك يدين الشقا تفريك=وعرفت انها ربة غرور وانانيه
ياما اطولك ياليلٍ قبل شهر انا ساريك=على وجهتي ما عدت والنيه النيه
يقولون عقلك لو على كيلو ايباريك=ترا بك رجا ما ادري على ويش مبنيه
وين العقل مني كلما حل لي طاريك=وتاقت لشوفك من عقب ياس عينيه
ليه اتبيع من هو راهنن قلبه وشاريك=اعماه الهوى وواصبحتي اغلا امانيه

طبعا كل ماتقدم تسالي للعلوي والجاي احلا

[علي آل حسن العلوي]

هههههههههه

الله يسلمك يا ناصر ..

والله انك شاعر وكفو

وحلوه هالتسالي ههههه

[رحيل]

عساه دوم ياريم الفلا ..
صح لسانك ابو عبيد

وصح ذوقك مهوره





محشوم ياحبٍ تعانق مع الروح
راعيك غآلي وأنت بالحيل غالي

حبً عفيف ومانبي منه مصلوح
طآهر و قدره دآخل القلب عالي

ذائقه

[ناصر الهواوي]

اهلا ياعلي وتسلم يالغالي
ذائقه فاخره يارحيل وهلابك
ــــــــــــــــــــــــــــــــــــــــــــــــــ ــــ


بدر14 ماشفت من تشبهه في شي=وباشيا على الحرم ما انتب شبيهٍ له
لوى قلبي فراقه بليا جنايه لي=ما ادري وين يلقى المفتي اللي يحلله
بشمس الجفا يالغاليه كيف ابا القى في=مدي لي بساط العطف ابا ارتاح في ضله
له لا بالعربيه وبالاوردو له ني=وحروف النفي في لغوة المجتمع كله
لو بك من لهيب الشوق لي مثل مالك بي=ما اركيتي على مجمع معاليقي المله

[مهرة يام]

جاك الظلام وجـاك ربع ومسايير
وجاني الظلام وكل ما احب راحي
علمي بنور الشمس وقت المعاذير
قال الوداع وقلت دربك سماحي
كان الالم.. غيثٍ فدمعي محادير
وكان الندم سيلٍ فخدي بطاحي
تقول خل الهم واكفخ كما الطير
عطني سما ياخوك والوي جناحي
(بدر بن عبدالمحسن)

[مهرة يام]

صح لسانك ياابو عبيد
مبدع وجزل
صحت الاذواق

[ريم الفلا]

مبروووووووك تأهل المنتخب السعودي




كلن يراعي رغبته و اهتمامه
و بعض الفرص راحت مراح المواعيد

احيان ندفع قيمة الابتسامه
يجي بعدها ظرف كايد و تنكيد

الله يجنبنا دروب الندامه
و يجعل لنا قامه و هامه و تمجيد

الحزن لو مس الشعور احتدامه
لا بد يومه نبدله با لزغاريد

[ريم الفلا]

يدوم البقا من خاطر و قبلها التسليم
عليكم عدد ما بان وسط السحاب ثعول

عساكم بخير و في سعاده ووسط نعيم
و انا خابره شعرك ما سجل ب اسم مجهول

تجيب المعاني تزهي اللحن و التقسيم
جواهر و فيها من خليط الذهب و اللول

و انا ما علي خلاف و الله و لابه ظيم
و لولا المشاغل رحت اغني يا لين الحول


الهواوي صح لسانك

[الجووهره]

مساااء الوررد للجمييع

وصح لسآنك الهواوي

وصح لسآنك ريوووم

وصح لسانك علي ومنوور السجن

ويعطيكم العافيه مهووره ورحووله ويسلم الذوووق

شاعرنا العواد

وحمد الحربي

منووورين

[الجووهره]

تصليه على راي الهواوي

تسليه آخر الليل


https://www.youtube.com/watch?v=uXJtagApVSE

[الناقد/عبدالله الروقي]

أبو عبيد ،محمد العواد ،ريم الفلا
صحت ألسنتكم ودام إبداعكم
--------------------
النجلاء الله يسلمك ويعود عليك العيد وأنتِ ترفلين بالصحة والسلامة
-------------------
أبو فيصل ماتفقد غالي يالقرم ولاهنت على كل حال
لكن أتحفنا بما عندك من جديد،أنا والله الواهس ماش بالإضافة إني مسافر من أيام
------------------

[وافي الحرف]

صباحكم وإياكم كل خضراء
ومبروك فوز المنتخب

مشاركة ع السريع

لو الجدا بالاحلام والله حرمات
كل حلم نبيه تعدا ورا السراب
نبتدي الطريق ونعرف النهايات
مدري عشق أو صفحه من كتاب
حرف غامض بين اوراق الرويات
موج وبحر واقلام وفكر جذاب
وليل وصمت سطرة بها الأمنيات
لو الجدا بالصراحه ما دق لي باب
ولا جاوب الصوت لصوت البدايات
على طبعنا نبقى لو الحلم كذاب
وعلى طيبنا ولا رجينا المقفيات

صادق الحرف

[ناصر الهواوي]

صح الله لسانك ياريم وتسلمين
علي كم كفاره احلف ما استحث احد واحنث بحلفي
اهلا يابو محمد
تكفون دوروا لي شغل لجل اقول مشغول مانيب يمكم هلايام ههههههههههههههههههههه
بصراحه فاقدين قرناس الحرار والخيال والملكه وشيخه وهماليل
والخزامى رحبت فيها وخرجت ولم تعد
يالله الخيره هههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ




اقصى النخل ياحسين حذرا تجده=خله لذات الطوق مسهم على طول
ورقا حزين الصوت عندي تمده=بدع الصفا ياحسين ماهوب منقول
ودي بها لا وصل ضيقي لحده=وامسيت له مشتاق والفكر مذهول
وحن المود لشوف زولٍ يوده=والدار ضاقت به بعد طق به جول
ليا شلت موال الطفش لي ترده=لوهو رطين وسجع منها افهم القول
ياحسين لركاب التفاكير وده=لو ما رجت من طرقةٍ يمها نول

[ناصر الهواوي]

ياحسين خذ تكميل قافٍ امعده=بيِّن حروف ورسم والقصد مجهول
عده لمن تزهى الخلاخيل عده=وقل ما حصل لوهو ردى منك مقبول
بقيت في رجوى تراجعك مده=وقاسيت لجله شي ماهوب معقول
وااليوم قله سوبي ماتوده=وش عاد بعد اطلق عليِّ اسم مهبول

[خيال مطير]

ماتفقد غالي يابوعبيد

وصح لسانك مدد ,

راسي ي الراسي

كم لك عندي معزه ومثقال يالامير

أنت الخير والبركه

[خيال مطير]

أبيات اعجبتني

الطيب يا ناصرعلاماته على بعض الرجال
ماتنوجد ياصاحبي على الاوادم كلها
وهبه ربي ناس واحرم بعض ما فيها جدال
والليّ عطاه الله نفوس اهل الوفاء محتلها
وانته حداهم ياالمجود فاالعمام وفاالخوال
طيب شجره بعروقها ياناصر وفي ظلها
الله يجملني معك فاالعمرياولدالحلال
قدمت طيبك والرجال الطيبه تفطن لها
اقولها ويقولهاالليّ فاالجنوب وفالشمال
يستاهل النوماس من روس النوازي طلها

[خيال مطير]

https://www.youtube.com/watch?v=QgO3W83e6Yw

[محمد الغنامي]

السلام عليكم
اسعد الله جميع اوقاتكم بكل خير
صحت الالسن جميع وبيض الله وجيهكم
ابداع وجزاله غير مستغربه من الرواسي
واعتذر عن الغياب والتقصير
ولاكن بيكون لي تواجد
ان شاء الله عن قريب

[علي آل حسن العلوي]

والله ان زيارتكم لي شرف بس ابي مرق

[علي آل حسن العلوي]

حبالي الصوتيه تقطعت من جر المواويل

[مهرة يام]

حياك للغداء ياعلي والقهوه هههه

https://scontent-sea1-1.cdninstagram.com/t51.2885-15/s480x480/e35/12479603_602871816533465_1278537154_n.jpg?ig_cache _key=MTIzNDEwNzQ0Mjk1MDcxNzQzOQ%3D%3D.2


هذي المرقه الي طلبت ياعلي ههههه معها العصيده
https://encrypted-tbn0.gstatic.com/images?q=tbn:ANd9GcRHoEDPjVpHntYokvQaOrxYEdP3HRvPo OuOknatzkrAAJ_LvGI9
https://encrypted-tbn0.gstatic.com/images?q=tbn:ANd9GcRAlskdlwBCiPu5Usb81VeKHbGXzF4tp ZrzaKDFeDlEp7FKOF8i
https://encrypted-tbn0.gstatic.com/images?q=tbn:ANd9GcTvmAJ2x85RJJ3VOLFf09kGxxy_K7k1M 4YUAc3JCAV3BjEN1FpT-Qhttps://encrypted-tbn0.gstatic.com/images?q=tbn:ANd9GcRD613f39T3LNObJkWEZlFPGj3usdXAy R8st36uMmIpSmkAKq1M2Qhttps://encrypted-tbn0.gstatic.com/images?q=tbn:ANd9GcTPCoKUvRvuRCy90qnucDbICJ3l1dSrt P3v72hkQJGs7FdY7QCDpQhttps://encrypted-tbn0.gstatic.com/images?q=tbn:ANd9GcSV-0LO7YLLR-t-zGYClP2T_l3kBv_l4_AanlA2pZDnf1GrSwNEhttps://encrypted-tbn0.gstatic.com/images?q=tbn:ANd9GcRm7CrEJHAZ_VCIiBXJ5HMA9dG6t5T4Q x-dbInlcuqNLfI-J4pt1Qhttps://encrypted-tbn0.gstatic.com/images?q=tbn:ANd9GcScocVQRDhNud6r-UeHsa4vJVVEP50VT9l3G2byNgYvnYW4Bw0hrghttps://encrypted-tbn0.gstatic.com/images?q=tbn:ANd9GcTZM6d3UmKciS4nhGbcyQpmp3r2-ZqNRLL6WwpBeQ-8hTRoyVQihttps://encrypted-tbn0.gstatic.com/images?q=tbn:ANd9GcSV2GKh45yk6hmX_crYa3vehjpLusVH8 Vkt5DA2v4E_VDZJGCTpGwhttp://www.mekshat.com/pix/upload01/prof019/mk118917_774429%20(28).jpg

[محمد العواد]

لاهان الجميع
صح لسانك ريم الفلا
وصح لسانك يالهواوي
ولي عوده على أبياتك يالمجرم
ههههه

ونورت السجن ياعلي

[محمد العواد]

تسلمين يالجوهره
النور نورك ونور الحاضرين

[قرناس الحرار]

كل عام وانتم بخير ومن العايدين وتقبل الله منا ومنكم صالح الأعمال
صحت السنتكم يا مبدعين اخوان واخوات
ابو عبيد ماتفقد غالي
أبد شوية مشاغل

ياليل فيك المشاعر ما تبي تسخير
والروح ذابت لو أني باشعب ركابها

العيديه هههههههههههههه

[قرناس الحرار]

حياك الله ي السجين وابشر بكل علم غانم
و انحش عن أم اسنون
هههههههههههههههه

[رحيل]

غافلٍ ماينتبه لك وإن تنبه
يبتسم من طيب روح وطيب نيه

لا تدور له شبه ما ينتشبه
ندر اللي يسرقون القلب زيه .




الله يمسيكم بالخير جميع (:

[علي آل حسن العلوي]

حياك للغداء ياعلي والقهوه هههه

https://scontent-sea1-1.cdninstagram.com/t51.2885-15/s480x480/e35/12479603_602871816533465_1278537154_n.jpg?ig_cache _key=mtizndewnzq0mjk1mdcxnzqzoq%3d%3d.2


هذي المرقه الي طلبت ياعلي ههههه معها العصيده
https://encrypted-tbn0.gstatic.com/images?q=tbn:and9gcrhoedpjvphntyokvqaorxyedp3hrvpo ouoknatzkraaj_lvgi9
https://encrypted-tbn0.gstatic.com/images?q=tbn:and9gcralskdlwbcipu5usb81vekhbgxzf4tp zrzakdfedlep7fkof8i
https://encrypted-tbn0.gstatic.com/images?q=tbn:and9gctvmaj2x85rjj3volff09kgxxy_k7k1m 4yuac3jcav3bjen1fpt-qhttps://encrypted-tbn0.gstatic.com/images?q=tbn:and9gcrd613f39t3lnobjkwezlfpgj3usdxay r8st36ummipsmkakq1m2qhttps://encrypted-tbn0.gstatic.com/images?q=tbn:and9gctpcokuvrvurcy90qnucdbicj3l1dsrt p3v72hkqjgs7fdy7qcdpqhttps://encrypted-tbn0.gstatic.com/images?q=tbn:and9gcsv-0lo7yllr-t-zgyclp2t_l3kbv_l4_aanla2pzdnf1grswnehttps://encrypted-tbn0.gstatic.com/images?q=tbn:and9gcrm7crejhaz_vciibxj5hma9dg6t5t4q x-dbinlcuqnlfi-j4pt1qhttps://encrypted-tbn0.gstatic.com/images?q=tbn:and9gcscocvqrdhnud6r-uehsa4vjvvep50vt9l3g2byngyvnyw4bw0hrghttps://encrypted-tbn0.gstatic.com/images?q=tbn:and9gctzm6d3umkcis4nhgbcyqpmp3r2-zqnrll6wwpbeq-8htroyvqihttps://encrypted-tbn0.gstatic.com/images?q=tbn:and9gcsv2gkh45yk6hmx_crya3vehjplusvh8 vkt5da2v4e_vdzjgctpgwhttp://www.mekshat.com/pix/upload01/prof019/mk118917_774429%20(28).jpg


ابك انتي جبتي غدا يكفي حتى

اخويانا في المنتدى ههههه

انا يكفيني المرقه بس بعدين وين الشطه

[علي آل حسن العلوي]

ارحب يا قرناس الحرار

وشحالك طيب ارحب والله ان ترحب

لكن من هي ام سنون

[علي آل حسن العلوي]

ارحب يا محمد العواد

النور نورك يا بعدي هههه

[قرناس الحرار]

ارحب يا قرناس الحرار

وشحالك طيب ارحب والله ان ترحب

لكن من هي ام سنون

الله يبقيك ويسلمك
وابد هذا مثل يضرب في المتوحشين والعربجيه
هههههههههههههههههههههههه

[قرناس الحرار]

والي عدل في بروفايلي يكمل جميله الله يجزاه خير ويكبر الخط شويات ويخلي اللون ازرق وابيض والا سماوي

[قرناس الحرار]

يا مرابيع النجوم ويا مجرات الفلك
انت كوني وانت لي عمر.......وحياه

تناتيف ليليه...................لم تكتمل

[محمد الـفراج]

الله يسعد مساكم
الهواوي العواد الغنامي شاعرة نجد ريم الفلا قرناس علي
صحت السنتكم جميع
الوافي خيال مطير
الاميره الجوهره رحيل المهره غزلان الملكه
دام حضوركم

وسمحو لي على القصور
الناقد ولله ما عندي جهاز يالامير والجوال ما عرف له
لاكن ابشر بالي يطيب خاطرك

[النجلاء]

السلام عليكم
واسعد الله جميع اوقاتكم بالخير ان شاء الله
وياحي الله كل المتواجدين شعرائنا والشاعرات والزوار
صحت السنتكم ودام ابداعكم وحضوركم المشرف

[الجووهره]

سلام عليكم
وكيف حالكم

وصحت االسنكم وأذواقكم

[الجووهره]

الله يسعد مساكم
الهواوي العواد الغنامي شاعرة نجد ريم الفلا قرناس علي
صحت السنتكم جميع
الوافي خيال مطير
الاميره الجوهره رحيل المهره غزلان الملكه
دام حضوركم

وسمحو لي على القصور
الناقد ولله ما عندي جهاز يالامير والجوال ما عرف له
لاكن ابشر بالي يطيب خاطرك

هلا بك زعيمنا

ويسعد أيآمك

ويسعد أيآم الجميييع

وين الغيبه. ؟؟

وياليل ما اطولك مع هاالجهاز

الله يجيب المطر ههههههه

[غزلان]

السلام عليكم ويسعد صباحكم ودام ابداعكم ي رواسي الشعر والأدب والذوق الرفيع ~
صحت السنتكم جميعاااا مبدعين وجزلين كالعاده والله يديم تواجدكم المميز وابداعكم المعهود ~
ودي وتقديري للجميع ~

[غزلان]

منور السجن ياعلي وحياك الله على الفطور ~
وعوافي عليك ~

https://www.travelzad.com/photo/files/500772.jpg


https://arb.rt.com/media/pics/2017.01/article/5880c562c3618817778b45d2.jpg

[قرناس الحرار]

https://youtu.be/BKXYL8ZWlZc

تدري صباح الخير وشلون تحلو
لا قلتها ل عيون حضرة جنابك

تسليه للسجين والزوار

[محمد الـفراج]

هلا بك زعيمنا

ويسعد أيآمك

ويسعد أيآم الجميييع

وين الغيبه. ؟؟

وياليل ما اطولك مع هاالجهاز

الله يجيب المطر ههههههه

هلا بالجوهره يالله حيها
الشهر هذا حولي راتبك علي ابي اشتري جهاز مديرة مدرسه ولا استفدنا منك ههههههه
وهم شي المطر اذا جاء زانت الامور هههههه

[مهرة يام]

هلا بالجوهره يالله حيها
الشهر هذا حولي راتبك علي ابي اشتري جهاز مديرة مدرسه ولا استفدنا منك ههههههه
وهم شي المطر اذا جاء زانت الامور هههههه
هلا بالفراج منور السجن
واخر الغيبات وانت للحين ماشريت جهاز ههههههههههههه
جوهره ماعليك منه لاتحولين له شي هذا غنامي يحبون النصب هههههههههههه
خلي ولد عمه غنوم يجيب له جهاز هههههههههههه

[غزلان]

يسعد مساكم وهاذا اهداء للسجين و للجميع ودي وتقديري ~

https://youtu.be/4f4bWeVfFDE

[علي آل حسن العلوي]

ارحبي يالجداويه غزلان وشحالك طيبه
لا هنتي على الفطور
فطورن يدسم الشارب اي والله
وكل اللي معي بالسجن يدعولك
ارحبي والله ان ترحبي

[رحيل]

يسعد مساكم
منور يـ الفراج اخر الغيبات ان شاء الله
وعليكم السلام هلا وغلا نجوله منوره
اليوم فاقدين ابو عبيد

.

‏انا لي خفوق مايشدّه خفيف القلب
‏يحب الثقيل اللي صعب تلتفت عينه (:
.
‏
بعض البشر تغليه لو ما تشوفه
يجذبك له شيٍ غريبٍ بالأحساس

تسمع كلامه ثم تقراء حروفه
تبحر معه تنسى مشاكلك والناس
ذائقه القايله (؛

[مهرة يام]

مساء الورد يااهل السجن
صحت الالسن والاذواق
مبدعين ماشاء الله

[مهرة يام]

تبيني صدق وإلا ما تبيني . .
قبل لا أبهذلك وتبهذليني


وقبل لا أفقد شموخي واحترامي . .
وقبل لا أشمت العذال فيني


أنا داخل عليك من الفضايح . .
تبيني صدق والا ما تبيني


أنا ماني بلعبه في يدينك .
متى ما تعشقيني تعشقيني

[ريم الفلا]

صح السنتكم جميع وذائقتكم وحضوركم الجميل

ذائقتي ل عناد الشيباني

https://youtu.be/-tJYqw81v4U

[علي آل حسن العلوي]

يسعد مساكم جميع

والله اني فاهم الموضوع فالمعذره منكم

احسبنه انكم تشاركون ونا ااحط رجل على رجل

المهم اشكر رحيل اللي نبهتني انا رجال والله فهمي على قدي

شايب وش تتوقعون ارحبو والله ان ترحبو

هذه ابيات ابي اشارك فيها لكن قبل لا اقول الابيات

ودي اقول شي حولها الحقيقه ان الابيات نشرتها

صحيفه سبق ونسبتها الى الشاعر عيضه السفياني

ونا متأكد ان عيضه ما يدري عنها ولا يدري انها نسبته له

لكن مع الاسف اللي مسؤل عن الصفحه الادبيه في سبق

الاعلامي عبدالعزيز العصيمي

نسبها الى عيضه وحاولت اتواصل مع عبدالعزيز

لكن الرجال يصد عني ما ادري ليه

عموما حبيت اوضح هذا الشي ون بغت تروح لغيري ما عندي مشكله
هههههههههه لان الابيات مثل ما يقولون ابيات مزح نكتيه يعني

من زحلطن في زحلطن في تزحلط ** انشهد أن الحب كله زحاليط
من عقـب ما حـبـها فيني تمسـلـط ** يومه سكن من دون اذن وتواسيط
قـالـت يـجـوز الامر عـنـدك تخالط ** الحب طفّطّه على الجنب تصفيط
ونـا فـكـري مـن لـغـط فـي تـغالط ** اثرا المحبة كلبوها خرابيط
ومن يوم ولّى الهوى والهم قالط ** ونا الف الراس وضربه الحيط

[علي آل حسن العلوي]

المشاركه الثانيه

هذه عبارة عن قصيدة شاركت فيها في منتدى ما ابي اقول اسمه

لكنها قديمه عمرها 11 او 12 سنه تقريبا

قايلكم والله اني شايب هههههه

القصه وما فيها ان الاعلامية والشاعره رانيا الابراهيم طبعا هي شاعره قطرية

حطت في المنتدى مسابقة

لافضل قصيدة والقصيدة اللي تحصل على المركز الاول تنشر في جريدة الشرق القطريه

والمركز الثاني تنشر قصيدته في جريدة الوطن القطريه

المهم مالكم بالطويلة مثل ما يقولون انا حصلت على المركز الثاني

ونشرت القصيدة في جريدة الوطن القطريه طبعا مشاركتي او قصيدتي

كانت عبارة عن قصيدة دفاعية عن النبي محمد صلى الله عليه وسلم

والحقيقه اني حاولت ادور والقى القصيدة كامله في جوجل لكن والله ما لقيتها

ولا اذكر منها الا ابيات قليله

قالو نعبّر في رسم كاركاتير ** ما قصدنا نبغض محمد وأهله
شف الكذب .. موضوع في شكل تغرير ** في ظنهم حيله وبتمر سهله
لا واللذي هو دبر الكون تدبير ** هذه اساءه تمت للدين بصله
فزو نشن الحرب دون اي تاخير ** ومن اعلن التاييد للفعل مثله

[علي آل حسن العلوي]

المشاركه الثالثة

يزورني طيفك

عاد هذه ما فيه واحد الا ويعرفها

يمكن ما عاد باقي الا الهنود اللي في الشارع

يقولون هذه شيلة بابا علي هههههههههههه

بس ابي اقول معلومه حول القصيدة طبعا راشد عبدالرحمن انشدها

لكن ما انشد القصيدة كامله انا بصراحه حذفت بيتين من القصيدة

لاني حسيت اني تجاوزت الخطوط الحمرا شوي ههههه

انا بنشر لكم الابيات الان مع الابيات اللي

حذفتها الابيات اللي حذفتها بلونها بالاحمر

وهذا حصري اول مرة اول مثل هذا الكلام

مدري ليش ونا اتكلم احس اني في مقابلة

بس امحق مقابلة في السجن ههههههه


يزورني طيفك واضمه لصدري
واعانقه لين ارتوي من عناقه
محدن سوى غيرك على البال يطري
واكبر دليل خافقي واشتياقة
روحي تحبك وانت لا شك تدري
مالي على فقد المحبين طاقة
وان غاب طيفك قمت اهوجس بفكري
واسهر بليل واحترق من فراقة
والله ما يخفي على الناس سري
ياللي ملكتيني بحسن الاناقه
ياللي وصوفك حسنها فيك يغري
برسل من اشواق المحبين باقة
القلب دارك والهوى فيك عذري
حبك محال يبتعد عن نطاقه
اكن حب في الاعماق يجري
والحب اكبر من مجرد علاقه
صابر ونا دايم على الله اجري
زاد اكسجين الشوق فيي اختناقه
وان كنت مهتم ولشعوري وامري
صارح عليل يحتويك بلباقه

[علي آل حسن العلوي]

خلاص الباقي بكره

[شاعرة نجد]

السلام عليكم ورحمة الله
واسعد الله اوقاتكم وطاب مساءكم

صح لسانك يـ السجين وصحت السنة الجميع
وصحت ذوائقكم ونقلكم الممتع

داام الحضور,’’

[علي آل حسن العلوي]

وعليكم السلام ورحمة الله وبركاته

ارحبي يا شاعرة نجد ارحبي

والله يسعد مساك

وصح بدنك

تسلمين من طيب اصلك

ارحبي تراحيب السيل

[شاعرة نجد]

تسليه..:smile:


زعيم حزب العاصفه يومين غايب ماحضر=ياكبر فجوة غيبته عـ .العاصفه والمنتدى
اثره صحيح العاصفه ماغيرها بـ .المختصر=لو مـ .ابتدينا بالقصيد العذب مـ .احْدٍ ابتدى
يـ .احْزابنا وش هـ .الخمول,الحال صاير في خطر=ياما استثرناكم وغنينا وسوينا نِدى
زعيمنا حضوره يْكفّي عن جْموع البشر=والحين غايب,حضّروا نبغَى قصيدٍ له صدى
أنشهد ان العاصفه في جوكم طل ومطر=ماغيرها ماغيرها,ياجعلني لْها فدى

[شاعرة نجد]

تسلم شاعرنا والمرحب باقي,’’

[علي آل حسن العلوي]

الله الله

ما شاء الله تبارك الرحمن

صح السانك يا شاعرة نجد

ابيات خطيره

شاعرة ومتمكنه وما يحتاج اي والله

بس هذه تسليه ولا بوادر حرب

ابك يالغنامي وين انت الحق

قبل لا يصير انقلاب في المنتدى

الدعوه فيها احزاب وعواصف ههه

[ريم الفلا]

هههههه صح لسانك شاعرة نجد
وصح لسان السجين

[رحيل]

نجد
وعليكم السلام ورحمة الله
ومساك اسعد واجمل منوره شاعرتنا

[رحيل]

صح لسان الشاعر علي

وصح لسانكِ نجد
اي والله فاقدين شاعرنا ابو عبيد

[ريم الفلا]

لعل غيابه خير الهواوي
هو عاد اللي غيابه مو معتاد

[الجووهره]

هلا بالجوهره يالله حيها
الشهر هذا حولي راتبك علي ابي اشتري جهاز مديرة مدرسه ولا استفدنا منك ههههههه
وهم شي المطر اذا جاء زانت الامور هههههه


هلا بك زود زعيمنا والله يبقيك ويسلمك

وأنا معلمه على قد حالي

اذا صرت مديره ومليونيره ابشررر هههههه

[شاعرة نجد]

لعل غيابه خير الهواوي
هو عاد اللي غيابه مو معتاد

ان شاء الله خير يـ ريم
الهواوي يوم قدم كفالته يقول للخفير,ناوي مشوار و فكري للجنوب اندار
يعني اغراه الدنيش بوصف الجنوب والامطار والاجواء الراائعه
وسافر للجنوب,الله يهنيه شاعرنا
حسب مـ استشفيت من قصيدته والله اعلم :smile:

[الجووهره]

وصباح الورررد للجمييع

وصحت الالسن والاذواااق جميعااا

وصح لسان السجين. والشاعر علي
السجن طلع المواهب والابداع ههههه

[الجووهره]

فاقده شآعرنا وأخونا الغآلي

الهوآوي عسا المانع خير ان شاء الله

[شاعرة نجد]

الله الله

ما شاء الله تبارك الرحمن

صح السانك يا شاعرة نجد

ابيات خطيره

شاعرة ومتمكنه وما يحتاج اي والله

بس هذه تسليه ولا بوادر حرب

ابك يالغنامي وين انت الحق

قبل لا يصير انقلاب في المنتدى

الدعوه فيها احزاب وعواصف ههه

ايبالله احزاب وبوادر حرب:smile:
,بس انت شكلك جديد عـ السجن
واذا بتنضم لاتهور مثل ريم وتختار على عجاله تريّض واختر برواقه
ترى فيه حروب وعواصف وقذائف و و :smile:

صح بدنك شاعرنا
سجن القوافي سجن الابدااع والامتااع
والفكاهه والتسالي بين اسرة الرواسي,من اخوهـ واخوات,’’

[الجووهره]

هلا بالفراج منور السجن
واخر الغيبات وانت للحين ماشريت جهاز ههههههههههههه
جوهره ماعليك منه لاتحولين له شي هذا غنامي يحبون النصب هههههههههههه
خلي ولد عمه غنوم يجيب له جهاز هههههههههههه

ههههههههه

بنعطيه فرصه لاخر الشهر

يمكن يجيب الله مطر ههه

والا جبنا له جهاز انا وباقي الحزب هههه

يستااهل زعيمنااا

[الجووهره]

ايبالله احزاب وبوادر حرب:smile:
,بس انت شكلك جديد عـ السجن
واذا بتنضم لاتهور مثل ريم وتختار على عجاله تريّض واختر برواقه
ترى فيه حروب وعواصف وقذائف و و :smile:

صح بدنك شاعرنا
سجن القوافي سجن الابدااع والامتااع
والفكاهه والتسالي بين اسرة الرواسي,من اخوهـ واخوات,’’


هلا بك شاعرتنا منووره السجن آخر الليل

وخليك محضر خير ههه

ر. وخلي علي يختار على راحته

بدون تدخل خارجي هههه

[وافي الحرف]

انا اللي زرعت الحلم وقطفت التوت
في بساتين المواجع ارويت الجروح
تربت على كفي ونسجت له بيوت
أطهر حروف المعاني واعذب البوح
أسافر بها جواب والسؤال مكبوت
على رخيم الأسى تستفيق الروح

صادق الحرف

[ريم الفلا]

ان شاء الله خير يـ ريم
الهواوي يوم قدم كفالته يقول للخفير,ناوي مشوار و فكري للجنوب اندار
يعني اغراه الدنيش بوصف الجنوب والامطار والاجواء الراائعه
وسافر للجنوب,الله يهنيه شاعرنا
حسب مـ استشفيت من قصيدته والله اعلم :smile:

دام سفر وللجنوب الله يهنيه ويحفظه
بعض الصفحات تطوفني ماشاء الله

[محمد الـفراج]

تسليه..:smile:


زعيم حزب العاصفه يومين غايب ماحضر=ياكبر فجوة غيبته عـ .العاصفه والمنتدى
اثره صحيح العاصفه ماغيرها بـ .المختصر=لو مـ .ابتدينا بالقصيد العذب مـ .احْدٍ ابتدى
يـ .احْزابنا وش هـ .الخمول,الحال صاير في خطر=ياما استثرناكم وغنينا وسوينا نِدى
زعيمنا حضوره يْكفّي عن جْموع البشر=والحين غايب,حضّروا نبغَى قصيدٍ له صدى
أنشهد ان العاصفه في جوكم طل ومطر=ماغيرها ماغيرها,ياجعلني لْها فدى


الله الله
صح لسانك مليووون ولا يكفوووون
مبدعه يا شاعرة نجد

وصح لسان السجين لا احد يطلعه من السجن نبي نسمع جديده

ابو عبيد ولله انا فاقدينه هو حلاة السجن جعل ما يجيه شر

المهره
لا تضلمين حضك وصفي النيه هههههه
الجوهره
ما عد ابي شي انا غاسلن يدي من دراهمك ههههه
رحيل
جعلك تسلمين ون شاء الله بكون متواجد

اما الناقد وريم الفلا انا شرهان عليهم مالهم مشاركات
رغم ان ريم اشوفها متواجده

[ريم الفلا]

هلا ي محمد الفراج
متواجده صح بس الواهس مو متواجد

وحتى انت مقل وبعد شرهانين عليك (:
والناقد يغيب يغيب ويجيب وحده مسكته خلاص وش نقول بعد

[ريم الفلا]

تسليه..:smile:


زعيم حزب العاصفه يومين غايب ماحضر=ياكبر فجوة غيبته عـ .العاصفه والمنتدى
اثره صحيح العاصفه ماغيرها بـ .المختصر=لو مـ .ابتدينا بالقصيد العذب مـ .احْدٍ ابتدى
يـ .احْزابنا وش هـ .الخمول,الحال صاير في خطر=ياما استثرناكم وغنينا وسوينا نِدى
زعيمنا حضوره يْكفّي عن جْموع البشر=والحين غايب,حضّروا نبغَى قصيدٍ له صدى
أنشهد ان العاصفه في جوكم طل ومطر=ماغيرها ماغيرها,ياجعلني لْها فدى




يا شاعره زعيمكم وين غايب
يومين ما جاء عنه لو بعض الاخبار

انصوا ضرّيه فوق عوص النجايب
و تنشّدوا عن ناصر الشعر وش صار

و ان قالوا ارتكزت عليه النصايب
الموت حق و قافي الروح قبّار

وان كان حي وفي ظروف وعجايب
يبشر بفزعتنا و انا بنت الاحرار

ان عوّدت للمشكله و الطلايب
اكفيه عن مجمع عوارف و حضّار

و ان كانها بالمال فالمال خايب
نقضي به الحاجه و نفنيه فالكار

ابوي ما جاله عيالٍ مصايب
مالله عطاه عيال علاّم الاقدار

و انا ليا صكّت عليه النشايب
حاميت دونه كنّي مدورة ثار

[محمد الـفراج]

يا شاعره زعيمكم وين غايب
يومين ما جاء عنه لو بعض الاخبار

انصوا ضرّيه فوق عوص النجايب
و تنشّدوا عن ناصر الشعر وش صار

و ان قالوا ارتكزت عليه النصايب
الموت حق و قافي الروح قبّار

وان كان حي وفي ظروف وعجايب
يبشر بفزعتنا و انا بنت الاحرار

ان عوّدت للمشكله و الطلايب
اكفيه عن مجمع عوارف و حضّار

و ان كانها بالمال فالمال خايب
نقضي به الحاجه و نفنيه فالكار

ابوي ما جاله عيالٍ مصايب
مالله عطاه عيال علاّم الاقدار

و انا ليا صكّت عليه النشايب
حاميت دونه كنّي مدورة ثار

ما شاء الله تبارك الله
مبدعه قليله في حقك
صح لساااااانك
مليوووووون ولا يكفوووووون
لا عدمناك ولا عدمنا جزالتك
ولله يخليلك شايبك

[علي آل حسن العلوي]

صح السانك يا ريم شاعره متمكنه

وما يحتاج اي والله

وفقك الله

[محمد الـفراج]

هلا ي محمد الفراج
متواجده صح بس الواهس مو متواجد

وحتى انت مقل وبعد شرهانين عليك (:
والناقد يغيب يغيب ويجيب وحده مسكته خلاص وش نقول بعد

الله يبارك فيك يالجزله
ولله الحال من بعضه ههههه
والناقد نبي نشوف له حل الضاهر نحطه في السجن

[علي آل حسن العلوي]

ارحب يا محمد الفراج

وراك ما تبيني اطلع هههههههههه

والله اني ضعيف طيب

هههههه اي والله

[محمد الـفراج]

هههههههه
هلا هلا ب علي
نبي نسمع من ابداعاتك ونت ماعندك شغل وفطور وعشى وهبت ريح احمد ربك هههههههه

[علي آل حسن العلوي]

هذه قصيده طبعا صار فيها الكثير الجدل

ونا قصايدي كلها مثيره للجدل اي والله

لكن وش نسوي القبول من الله فيه ناس شعار

وقصايدهم قويه لكن ما لهم

قبول وهذا شي من الله

ما هو بيد احد اي والله فاتمنى انها

تعجبكم ون ما اعجبتكم فما شي

جديد في الموضوع

ابدا بربي برب الناس خالقني
بسم اللذي ما يفارق ذكره الساني
جلّ وتعالى اذا ما شاء يرحمني
اعوذ به خالقي من كل شيطاني
من بعد في خاطري شي ٍ يراودني
ودي ابيّح من الاسرار ما كاني
يا من على صفحتي دايم تشرفني
بالله وش هو شعورك ونت تقراني ؟!
تدري مرورك عليّه وش يحسسني
يوم اتعطي وقتك الغالي لديواني
ولا ّ بلاشي اوضح ما يخالجني
كاف انسجامك معي ليقاع قيفاني
ما دمت متشوّق وتحرص تتابعني
فبشر ابقاف ٍ عليه الكيف بطراني
بس انت خلّك معي يا زين وسمعني
ورايك تعرفه مهمن في علو شاني
لكن سؤالي اذا ودّك تجاوبني
بالله وش هو شعورك ونت تقراني؟

[الجووهره]

مساكم ورد

شعراء وشاعرات

ومتذوقين ومتذوقات

ويعطيكم العآفيه على المشاركات الرائعه والحضور الجميل

خاصه السجين. أبدعت علي وصح لسآنك
وانا اضم صوتي لزعيمنا بعدم الافراج عنك ههههه

[علي آل حسن العلوي]

ارحبي يا معلمة التاريخ مدري الجغرافيا والله مدري الذاكره عندي ضعيفه

المهم صح بدنك والسجن والوحده لها طابع خاص

كلها اي والله رفاهيه وسعادة وسعة بال وسعة خاطر

وانصح الحقيقه من هذا المنبر ان الواحد يعيش وحيد احسن له

الوحدة زينه يالربع اي والله وابد ما لك ومال الناس

ووجع الراس اللي ما له داعي

وسلامتكم

[رحيل]

الله الله
مساء الابداع والتميز (:
صحت الالسن
تبون الصدز السجن ماهوب زين بدون الهواوي ):

.



سلمت لك قلبٍ حشيمٍ حيــاوي
قلبٍ يشوم من الردى و الرديين

قلبٍ ليا من حب يوفي و ياوي
ينذر لك الغالي و يرخصلك سنين

[علي آل حسن العلوي]

هو وينه الهواوي

وينك يالهواوي .. الله بصلحك قل آمين اي والله

حطيتني في السجن وروحت تعال طلعني لا هنت

ابي اسافر بعد ما اطلع لابعد منطقة في العالم

مرة ون بغيت تروح معي حياك الله

[عبدالله الدّنّيش]

يا شاعره زعيمكم وين غايب
يومين ما جاء عنه لو بعض الاخبار

انصوا ضرّيه فوق عوص النجايب
و تنشّدوا عن ناصر الشعر وش صار

و ان قالوا ارتكزت عليه النصايب
الموت حق و قافي الروح قبّار

وان كان حي وفي ظروف وعجايب
يبشر بفزعتنا و انا بنت الاحرار

ان عوّدت للمشكله و الطلايب
اكفيه عن مجمع عوارف و حضّار

و ان كانها بالمال فالمال خايب
نقضي به الحاجه و نفنيه فالكار

ابوي ما جاله عيالٍ مصايب
مالله عطاه عيال علاّم الاقدار

و انا ليا صكّت عليه النشايب
حاميت دونه كنّي مدورة ثار

^^
يا سلام عليك يالريم وصح لسانك .. وطال عمر الزعيم الهواوي
قريت ردك على شاعرة حزبنا نجد وتوقعت أنها بتقول إسألوا الدنيش
لأنها إستشفت من قصيدة الهواوي أنه سافر لديارنا .. على أي حال
هذا رد خاص لا يخرج خارج الرواسي هههه ولا أدري إلا أم عبيد
بمشعابها فوق رأسي ههههه
^


زعيمنا ياريم غايب وجايب=مْن الدرر قبل السفر عذب الاشعار


يزعيمنا يالريم طيّب وطايب = وأبشرك بالخير يا عرق الأخيار
زعيمنا عوداً ولا هو بشايب = قلبه من الخُضره تحاكيه الأشجار
من كم سنه شفناه والقلب ذايب = وليا هدر شعره كما هدر الأنهار
والذيب لا هرول على أم الذوايب = ما هي عبث هروالته وسط الأقفار
هذا حدس والعلم خايب وصايب = وأظن بن غنام غرّاه وأغتار
وعن شاعرتنا جاك رد الجوايب = وعساه رطني ما يورط ونحتار



وسلامتكم

[عبدالله الدّنّيش]

تحليقة خاصة بالهواوي عسى يرجع سالم غانم
&

زعيمنا ياريم غايب وجايب=مْن الدرر قبل السفر عذب الاشعار




يالهواوي يا زعيم القصايد يا عريف = يا زعيم العاصفة والشعر وعْصايفه
من يشوف الشعر عندك يقل عندك نزيف = من بحر تغرف ومن صخر تنحت قايفه
بسم ربي والمشيئة ووصفه باللطيف = إحفظ الشيخ الهواوي وديم إلطايفه
شاعرن يقدح شراره وكنه وسط ليف = ون نوى ع القاف يغديه ضمن عْسايفه
الله اكبر يا زعيم القوافي يا حصيف = أنت تفتلها وتنقض وتغدي كايفه




^^
وسلامة الجميع ،،

[ريم الفلا]

هلا يالدنيش
وصح لسانك وصح بدنكك
والله يجعله بخير وعافيه دووم ال بناخي

وصل الله يسلمك منك ولامن نجد لاعدنتكم


ابد محد معلم ام عبيد ههههه

[ريم الفلا]

تحليقة خاصة بالهواوي عسى يرجع سالم غانم
&
يالهواوي يا زعيم القصايد يا عريف = يا زعيم العاصفة والشعر وعْصايفه
من يشوف الشعر عندك يقل عندك نزيف = من بحر تغرف ومن صخر تنحت قايفه
بسم ربي والمشيئة ووصفه باللطيف = إحفظ الشيخ الهواوي وديم إلطايفه
شاعرن يقدح شراره وكنه وسط ليف = ون نوى ع القاف يغديه ضمن عْسايفه
الله اكبر يا زعيم القوافي يا حصيف = أنت تفتلها وتنقض وتغدي كايفه
^^
وسلامة الجميع ،،

وانت سالم وصح لسانك
وانا أشهد ماشاء الله عليه لاعدمناه

[شاعرة نجد]

^^

يا سلام عليك يالريم وصح لسانك .. وطال عمر الزعيم الهواوي


قريت ردك على شاعرة حزبنا نجد وتوقعت أنها بتقول إسألوا الدنيش


لأنها إستشفت من قصيدة الهواوي أنه سافر لديارنا .. على أي حال


هذا رد خاص لا يخرج خارج الرواسي هههه ولا أدري إلا أم عبيد


بمشعابها فوق رأسي ههههه


^


زعيمنا يالريم طيّب وطايب = وأبشرك بالخير يا عرق الأخيار


زعيمنا عوداً ولا هو بشايب = قلبه من الخُضره تحاكيه الأشجار


من كم سنه شفناه والقلب ذايب = وليا هدر شعره كما هدر الأنهار


والذيب لا هرول على أم الذوايب = ما هي عبث هروالته وسط الأقفار


هذا حدس والعلم خايب وصايب = وأظن بن غنام غرّاه وأغتار


وعن شاعرتنا جاك رد الجوايب = وعساه رطني ما يورط ونحتار



علمي وسلامتكم




تسلم شاعرنا وصح لسانك على هـ الرد الواافي الكاافي
توقعك في مكانه,انا قلت اغراه الدنيش عـ الجنوب,يستاهل شاعرنا
السؤال من الجميع
واسمح لي ارد على ريم رغم ردك الفااخر,لاني قريت قصيدتها من جوالي
قبل م اشوف ردك

والله الله يـ الدنيش تواجدك مطلوب زعيمنا غايب مانبي للأحزاب ثغره
رغم انهم مسالمين ولا شفنا منهم ثوره
هي ريم وقمنا عليها كلنا:smile:

[شاعرة نجد]

صحت السنة الجميع
وصحت ابداانهم وصحت الذوائق الممتعه

وداام الحضور والابدااع,’’

[شاعرة نجد]

يا شاعره زعيمكم وين غايب
يومين ما جاء عنه لو بعض الاخبار

انصوا ضرّيه فوق عوص النجايب
و تنشّدوا عن ناصر الشعر وش صار

و ان قالوا ارتكزت عليه النصايب
الموت حق و قافي الروح قبّار

وان كان حي وفي ظروف وعجايب
يبشر بفزعتنا و انا بنت الاحرار

ان عوّدت للمشكله و الطلايب
اكفيه عن مجمع عوارف و حضّار

و ان كانها بالمال فالمال خايب
نقضي به الحاجه و نفنيه فالكار

ابوي ما جاله عيالٍ مصايب
مالله عطاه عيال علاّم الاقدار

و انا ليا صكّت عليه النشايب
حاميت دونه كنّي مدورة ثار

صح لسانك ريم وكفو كفو
والله يخليك للوالد ويخليه لك,لاعدمنا حضورك المميز
واسلمي واستلمي

زعيمنا ياريم غايب وجايب=مْن الدرر قبل السفر عذب الاشعار
يقول فيها الفكر داير وطايب=ويقول فيها ناويٍ له بمشوار
يشكي ويبكي من فراق الحبايب=يبدع من القيفان ويبوح الاسرار
بحرفه يهيّض مَن من الشعر تايب=يلعب على حس المشاعر بـ .الاوتار
زعيمنا من فضل جزل الوهايب=ضاري على قطع الخرايم وبيطار
ماهوب ضايع في سموم وهبايب=الا مسافر في بساتين وازهار
بيعود بكره كاسبٍ له كسايب=ياويلكم لا عاد من بعد الاسفار
يشعل سماا الاحزاب برق وحرايب=بشعرٍ يهلّه مثل وداان الامطار

[الجووهره]

مسآء الخير يا وجوه الخير

وما شآء الله على الابدآع والجزآله

صح لسآنك عبدالله الدنيش

وصح لسآن شاعراتنا المبدعآت ريم الفلا وشآعرة نجد

ويسلم ذووقك رحوووله

ويعطيكم العآفيه جميعا

والله يعينك علي

شكل سجنك مؤبد هههههه

[الجووهره]

شآعرنا القدير الهوآوي

اشتقنااا لك الله يهنيك بسفرتك

ويردك بالسلامه ان شاء الله

[مهرة يام]

صح لسانك يالدنيش
ابيات جزله وفخمه
صحت السنتكم يالريم وشاعره نجد
على المحاوره الرائعه
لاهنتوا

[علي آل حسن العلوي]

لا لا لا حنا طالعين طالعين الله لا يعوق بشر

اما طلعنا بالطيب ولا بالقوة هههه

مرة ما يحتاج

[علي آل حسن العلوي]

والان مع آخر مشاركة

حبي غدى غصنن مع الوقت مكسور ** فوق الكسر ولع وشب الحريقه
معذرو انا يا لايمي كنت معذور ** وش حال خفاقن يفارق رفيقه
كان العمر روضن وبستان وزهور ** واليوم صاير ارض جردا سحيقه

[الجووهره]

هلا بك مهووره منووره

وصح لسآنك علي

وليه اخر مشاركه

من غير شر ان شاء الله

[محمد الـفراج]

صح لسانك ريم وكفو كفو
والله يخليك للوالد ويخليه لك,لاعدمنا حضورك المميز
واسلمي واستلمي

زعيمنا ياريم غايب وجايب=مْن الدرر قبل السفر عذب الاشعار
يقول فيها الفكر داير وطايب=ويقول فيها ناويٍ له بمشوار
يشكي ويبكي من فراق الحبايب=يبدع من القيفان ويبوح الاسرار
بحرفه يهيّض مَن من الشعر تايب=يلعب على حس المشاعر بـ .الاوتار
زعيمنا من فضل جزل الوهايب=ضاري على قطع الخرايم وبيطار
ماهوب ضايع في سموم وهبايب=الا مسافر في بساتين وازهار
بيعود بكره كاسبٍ له كسايب=ياويلكم لا عاد من بعد الاسفار
يشعل سماا الاحزاب برق وحرايب=بشعرٍ يهلّه مثل وداان الامطار


الله الله الله
صح لسانك
مليوووون ولا يكفوووون
مبدعه وشهادتي فيك مجروحه يا شاعرة نجد
الله لا يضرك

[محمد الـفراج]

والان مع آخر مشاركة

حبي غدى غصنن مع الوقت مكسور ** فوق الكسر ولع وشب الحريقه
معذرو انا يا لايمي كنت معذور ** وش حال خفاقن يفارق رفيقه
كان العمر روضن وبستان وزهور ** واليوم صاير ارض جردا سحيقه

الله الله
صح لسانك يا علي
ولا عدمنا هالحضور

[شاعرة نجد]

أسعد الله صباحكم

وصحت ابدانكم جميع وصحت السنتكم
وصح بدنك يـ الفراج ودام حضورك الفاخر,’’

[شاعرة نجد]

تسليه,من جديدي,,


ياهجس تاخذني على كل حزه=والقلب تايق والمشاعر قراطيس
قلب المولع كل نسمه تهزه=تكشف غراامه لو بعيد المراميس
وعينه لها من لذة النوم فزه=لادق باب الصدر كف الهواجيس
له مع سفير الشوق قدر ومعزه=ياما عبر به مع جميع التضاريس
حسيبه الله ما لَـ .الايام مزه=بين الظروف وبين رق الاحاسيس

[النجلاء]

الله الله ياسلام عليكم شعرائنا
ريم الفلا صح الله لسانك ملايين يالغلا مبعه وجزله لاعدمناك
الدنيش صح الله لسانك شاعرنا
شاعرة نجد صح الله لسانك مدد بلا عدد
والله انكم كفيتو وفيتو وغياب أبو عبيد مستغرب ماهي عوايده عسانا مانفقده من شر ان شاء الله
والغايب عذره وياه
علي صح الله لسانك ملايين
بنات رواسي لاعدمنا حضوركم وتساليكم الفاخره
أبو فيصل ياهلا ومرحبابك غياب حزب الرعد لايطول ولاتعذر بالاب توب
المدمر يكفي اطلالته عليكم حتى وان ماشارك هههههههه

[شاعرة نجد]

كيبورديه..


يانجوم العاصفه وين الحضور اللي يجمّل=الحقوا سجن القوافي ياشواعير الرواسي
معشر الاحزاب غنوا, منتداكم لايهمّل=غردوا عذب الجديد ومانريد الاقتباسي
يشتكي سجن القوافي,قال كافي مـ .اتحمّل=ليش من غاب الهواوي قصروا فالشعر ناسي
غردوا هاتوا الجديد اللي يزيد ومايكمّل=خاطري ضايق وابي شعرٍ يطيّب كيف راسي
خص بس اليوم ودي شعر بـ .اغراضه مْحمّل=من هيام ومن غراام ومن سرور ومن مآسي
شاعره واكتب وافكّر واتذكّر واتأمّل=وين راحوا ناسنا ماعاد باقِ الا الكراسي

[غزلان]

الله الله عليك شاعرتنا شاعرة نجد المبدعه صح لسانك مليون ولايهمك حزبك موجود ي الغلا وان غاب الزعيم نظل الاقوى ههههههه ~
صح لسانك شاعرتنا ريم الفلا وصح لسانك شاعرنا علي ال حسن وهلابك ي الفراج منور وهلا وغلا بجوهرتنا ومهرة رواسي منوره يابعد روحي وهلا وغلا مليون نجوله ويسعد ايامك ~

مبدعين ي الرواسي وجزلين الله يزيدكم من الابداع ~
ودي وتقديري للجميع ~

[ريم الفلا]

صح لسانك ريم وكفو كفو
والله يخليك للوالد ويخليه لك,لاعدمنا حضورك المميز
واسلمي واستلمي

زعيمنا ياريم غايب وجايب=مْن الدرر قبل السفر عذب الاشعار
يقول فيها الفكر داير وطايب=ويقول فيها ناويٍ له بمشوار
يشكي ويبكي من فراق الحبايب=يبدع من القيفان ويبوح الاسرار
بحرفه يهيّض مَن من الشعر تايب=يلعب على حس المشاعر بـ .الاوتار
زعيمنا من فضل جزل الوهايب=ضاري على قطع الخرايم وبيطار
ماهوب ضايع في سموم وهبايب=الا مسافر في بساتين وازهار
بيعود بكره كاسبٍ له كسايب=ياويلكم لا عاد من بعد الاسفار
يشعل سماا الاحزاب برق وحرايب=بشعرٍ يهلّه مثل وداان الامطار



صح لسانك ياعذبه ولاعدمناك
لاهنتي تواجد رائع ودرر أرووع

[ريم الفلا]

والان مع آخر مشاركة

حبي غدى غصنن مع الوقت مكسور ** فوق الكسر ولع وشب الحريقه
معذرو انا يا لايمي كنت معذور ** وش حال خفاقن يفارق رفيقه
كان العمر روضن وبستان وزهور ** واليوم صاير ارض جردا سحيقه

وليش اخر مشاركه

صح لسانك علي ابيات رائعه لاهنت

[ريم الفلا]

الجوهره النجلاء المهره
صحت ابدانكم ولاعدمتكم

[رحيل]

يسعد مساكم وصحت الالسن

‏

‏والله الله يـ الدنيش تواجدك مطلوب زعيمنا غايب مانبي للأحزاب ثغره
‏رغم انهم مسالمين ولا شفنا منهم ثوره
‏هي ريم وقمنا عليها كلنا:smile:





نجد
اي والله انتس صادزه
بس ترا حنا معطينكم فرصه تستانسون شوي بس
وبيرجع المدمر
اقوى من ذي قبل هههههههههههههههه




وين الغياب اللي يروحون يمّه !
محتاج لي غيبة مثل ما يغيبون

[النجلاء]

كيبورديه..


يانجوم العاصفه وين الحضور اللي يجمّل=الحقوا سجن القوافي ياشواعير الرواسي
معشر الاحزاب غنوا, منتداكم لايهمّل=غردوا عذب الجديد ومانريد الاقتباسي
يشتكي سجن القوافي,قال كافي مـ .اتحمّل=ليش من غاب الهواوي قصروا فالشعر ناسي
غردوا هاتوا الجديد اللي يزيد ومايكمّل=خاطري ضايق وابي شعرٍ يطيّب كيف راسي
خص بس اليوم ودي شعر بـ .اغراضه مْحمّل=من هيام ومن غراام ومن سرور ومن مآسي
شاعره واكتب وافكّر واتذكّر واتأمّل=وين راحوا ناسنا ماعاد باقِ الا الكراسي


الله الله ياسلام عليك وصح الله لسانك ع هالرائعه
مبدعه شاعرتنا الله لايضرك

[النجلاء]

فاقدين ناقدنا وحمد الحربي وسجين الرواسي والدهماني وقرناس
شيخة الغيد الجوهر
ان شاء الله الجميع بخير

[ناصر الهواوي]

يا شاعره زعيمكم وين غايب
يومين ما جاء عنه لو بعض الاخبار

انصوا ضرّيه فوق عوص النجايب
و تنشّدوا عن ناصر الشعر وش صار
ــــــــــــــــــــــــــــــــــــــــــــــــــ ــــــــــــــــــــــ

السلام عليكم ورحمة الله وعذرا للغياب
هااناذاحيٍ ارزق ولله الحمد
بصراحه ما راجعت جميع ما فات لكن هنا وجدت ضالتي
صح لسانك ياريم ولاهنتي
صح لسانك يالعاصفيه وبيض الله وجهك
اهلا يالسجين وصح لسانك
مرحبا يابو فيصل اصرارك على عدم المشاركه لافت للنظر
اهلا يالجوهره ومرحبا بالنجلاء واهلا ياسعود



ـيامرحبا ياريم من راس شايب =له بالبلد صوله وله بالسجن كار
ان غبت عني نايبه بالف نايب=هتانها وسمي من المزن مدرار
ان جيت كم مني دهمكم نوايب=ذاب الزعيم وناقد حزيبكم نار
ان مت كم شيخٍ غطته الهبايب=كم بالمقابر بين لاحد وحفار
وابشرك في خير والفال طايب=واخوك عضدك كان ماجالك انصار
والعاصفه حزبي عطيب الضرايب=من قو باسٍ به يشوف الاسد فار


ــــــــــــــــــــــــــــــــــــــــــــــــــ ــــ
ملاحظه
انا اقتبست القصيده كامله بس ما ادري طلعت ابياتي بعد هالبيتين اباقي تحت والغيته

[ريم الفلا]

يامرحباا يالهواوي
يالله حيه حمدلله على السلامه وجعلك بخير دووم
وصح لسانك

[رحيل]

صح لسانك شاعرنا
منور محلك و حمدلله على السلامه (:

[ناصر الهواوي]

وش اخبار السجين وسجنه ووضعه مع السجان=انا اقصد يوم كلبوشه رمش واوجان ورديه
والا سجن الرواسي سيده بقيده وامن وامان=وتسالي تنعش العمسان وزيارات وديه
انا ياعلي في هالمعتقل مرت عليِّ ازمان=اتريف ايام وايامٍ دهر وايام عاديه
احياناً تشتري في سوق(ابيك)بغالي الاثمان=واحيان اتبيع ابيك وسوقها جمله بلا ديه
ورغم وعرة طريقه وخطره مانيب انا ندمان=عيافي له امزوح وحب مرتاديه جديه
ـــــــــــــــــــــــــــــــــــــــــــــــ


تريحي ياريم من صوغ الاعذار=بعد رعدكم مات ضفي رفاته
واسترجعي ماقدره خالقك صار=وقولي ماهيب اول وفاةٍ وفاته
وحزب المدمر لا مهابه ولاكار=يبي يتماكن قطر صالح وفاته
وحزب الطناخه هقوتي وافق اعصار=ومحق مفاليه وبعيره وشاته
وبالعاصفه بيطاره وكل بيطار=كلٍ على الاخصام تومي قناته
لين العدا صارو سدى طاروا غبار=ونستغفرك ياربنا لاشماته

[ناصر الهواوي]

ابقاك الله ياريم ولاهنتي
اهلا يارحيل والمهلي مايولي ودمتي وسلمتي

[النجلاء]

ياهلا والله يابو عبيد الحمد لله ع السلامه
قلقتنا عليك ماتعودنا غيابك والحمد لله انك بخير وصح الله لسانك ودام وجودك وابداعك

[ناصر الهواوي]

يامرحبا ماخط في بيض الصحايف من حبر=ومن قال هج اعن الملاقا خوف قولي له بدا
زعيم حزب العاصفه يقدح زناده من سطر= للعاصفي والعاصفيه راس قايدهم فدا
حزب المدمر والطناخه والرعد شذر مذر=واللي بقي منهم على مبقاه ماهو في قدا
اعلامهم باسفل اتهامه لافها العاصف حدر=والعاصفه يرف بيرقها على راس الهدا

[ناصر الهواوي]

البقا يالنجلاء وما تفقدين غالي واشكرك واشكر الجميع والله يلبسك ثوب العافيه والصحه دائما
لاهنتي وبيض الله وجهك

[ناصر الهواوي]

كان الحنان الي رجيناه ما تم=عسى الخلف يبقى بمن هو يتمه
حنان من لافيك بالحيل يهتم=مثل المكلف في عمل ما يهمه
تظهر مثل من لايبالي ولا اهتم=لاتحزب انك رافعٍ ضغط دمه
بجوك ياما شفنا وعفنا ولاهم=اعتبره انه نافضٍ منك كمه
بحلو الدسم تدس للغالي السم=امحق غلاه ان كان ودك تسمه
تغريده خارج السرب هههههههههههههههههه

[شاعرة نجد]

يامرحبا ماخط في بيض الصحايف من حبر=ومن قال هج اعن الملاقا خوف قولي له بدا
زعيم حزب العاصفه يقدح زناده من سطر= للعاصفي والعاصفيه راس قايدهم فدا
حزب المدمر والطناخه والرعد شذر مذر=واللي بقي منهم على مبقاه ماهو في قدا
اعلامهم باسفل اتهامه لافها العاصف حدر=والعاصفه يرف بيرقها على راس الهدا


عودا حميدا شاعرنا
وصح لسانك على هـ الدرر الفااخره
ويفداك اللاش
اعلامهم باسفل اتهامه لافها العاصف حدر=والعاصفه يرف بيرقها على راس الهدا
=والعاصفه يرف بيرقها على راس الهدا

الله الله
أما هـ البيت عن معلقه
ومجاراة ولا اروع
صح لسانك,’’

[شاعرة نجد]

النجلاء,غزلان,ريم الفلا,رحيل,الهواوي
صحت ابدانكم والرائع حضوركم
لاعدمنا تواجدكم الفااخر

شكري وتقديري,’’

[النجلاء]

وجهك ابيض يابو عبيد وصح الله لسانك ملايين
ماشاء الله ابداع غير مستغرب من شاعرنا لله درك يالعاصفي

[الناقد/عبدالله الروقي]

الله يسعد مساكم جميع ولاهان من سأل ولاتفقدون غالي
موجود يابو فيصل توني أحط رحالي قبل نصف ساعة ومريت على مشاركاتكم الرائعة
واللي تبيه حاضرين تامر طال عمرك،اخذ التكميل للحزب بس!
ريم مرحبا بك يالقرمة والمسكتة إبداعاتك لاهنتي وصح لسانك عليها وأبشري بالجديد إن شاء الله!
النجلاء يسعد مساك ودمتي بلباس الصحة والعافية
أبو عبيد وشلونك وصح لسانك أشوف الربع يسألون عنك وين أنت مهيف؟
ولنا لقاء إن شاء الله!

[الجووهره]

يسعد صبآحكم

وكل أوقآآآتكم

وصحت الالسن جميعااا

ويعطيكم العافيه شعرآء وشآعرآت ومتذوثين


والحمد لله على السلامه شاعرنا واخونا الغالي الهوآ وي

نورت روآسي والسجن ولا تعودها هههههه

افتقدنآك جعل ما نفقدك من شر

[محمد الـفراج]

يا مرحبا بالهواوي وبالناقد
من طول الغيبات جاب الغنايم عساها في الشحم ههههه
منورين الحته
وبعدين يالناقد ما تغيب الا بعذر ولا بيخصم عليك هههه

الهواوي شاعرة نجد علي
صحت السنتكم
الاميره حياك الله وحزبنا موجوده فيه ريم الفلا ما علينا دامها حاضره

رحيل غزلان الجوهره
حياكم الله لا عدمنا هالحضور

[الجووهره]

تسليه للسجين علي

اليوم مختفي شكله هرب من السجن هههههه


تدري من اكثر شخص بالناس محــــــــــبوب
شخــــصــــــــــــن إذا شـــــــــــاف ﺎلأوادم .. تبـسّــــــــــــــم

ما هو على الضحكه مع الناس مغصوب
طـــــــــــــبـع التـواضــــــــــــع .. في حيـــــــــــــاته .. ترســــــــــــــم

[قرناس الحرار]

اسعد الله صباحكم شعراء وشاعرات ومتذوقين وزوار السجن والسجين
النجلاء ماتفقدين غالي

بكره دوام وخاطر الناس ضايق
والكل ماوده يداوم ولا....يغيب

.......____________________...........
يا ملهمه ي الفاتنه ي الاميره
ياقمة الأخلاق يامنبع الذوق
يانسمة الصبح العليل واثيره
ياشيخة الشيخات يالذة الشوق

........_________________.........

[مهرة يام]

ياهلا والله بزعيمنا الهواوي
تو مانور المنتدى والسجن
الناقد عبدالله
ياهلا والله بك بالسجن ماشاء الله انت كل شوي مسافر سميتك ابن بطوطه ههههه
صحت الالسن والاذواق مبدعين لاهنتوا

[الجووهره]

هلا بزعيمنا الفرآج منوور

وهلا بك قرناس الحرآر

ويسعد أيامك والجمييع

وصح لسانك

خاصه البيت الاول

في الصميم وعلى الجرررح

هههههههههه


وهلا بك مهووره

منوووره ياجمييله

[الجووهره]

تسليه آحر الليل

https://www.youtube.com/watch?v=fX1CXBzn158





طحت لاجله طيح الاورآق في فصل الخريف

يوم طآحت جف مآها وطيرها الهوااا

[ريم الفلا]

وش اخبار السجين وسجنه ووضعه مع السجان=انا اقصد يوم كلبوشه رمش واوجان ورديه
والا سجن الرواسي سيده بقيده وامن وامان=وتسالي تنعش العمسان وزيارات وديه
انا ياعلي في هالمعتقل مرت عليِّ ازمان=اتريف ايام وايامٍ دهر وايام عاديه
احياناً تشتري في سوق(ابيك)بغالي الاثمان=واحيان اتبيع ابيك وسوقها جمله بلا ديه
ورغم وعرة طريقه وخطره مانيب انا ندمان=عيافي له امزوح وحب مرتاديه جديه
ـــــــــــــــــــــــــــــــــــــــــــــــ


تريحي ياريم من صوغ الاعذار=بعد رعدكم مات ضفي رفاته
واسترجعي ماقدره خالقك صار=وقولي ماهيب اول وفاةٍ وفاته
وحزب المدمر لا مهابه ولاكار=يبي يتماكن قطر صالح وفاته
وحزب الطناخه هقوتي وافق اعصار=ومحق مفاليه وبعيره وشاته
وبالعاصفه بيطاره وكل بيطار=كلٍ على الاخصام تومي قناته
لين العدا صارو سدى طاروا غبار=ونستغفرك ياربنا لاشماته



لاعدمتكم مرتاحه وعال العال
ورعدنا عال العال
لي وقفه في ذا ي زعيم العاصفه رجعتتك قويه ماشاء الله لاقؤه الابالله

[ريم الفلا]

اسعد الله صباحكم شعراء وشاعرات ومتذوقين وزوار السجن والسجين
النجلاء ماتفقدين غالي

بكره دوام وخاطر الناس ضايق
والكل ماوده يداوم ولا....يغيب

.......____________________...........
يا ملهمه ي الفاتنه ي الاميره
ياقمة الأخلاق يامنبع الذوق
يانسمة الصبح العليل واثيره
ياشيخة الشيخات يالذة الشوق

........_________________.........


اي والله المشكله النوم ماضبط ):
صح لسانك وحمدلله على السلامه

[ريم الفلا]

الله يسعد مساكم جميع ولاهان من سأل ولاتفقدون غالي
موجود يابو فيصل توني أحط رحالي قبل نصف ساعة ومريت على مشاركاتكم الرائعة
واللي تبيه حاضرين تامر طال عمرك،اخذ التكميل للحزب بس!
ريم مرحبا بك يالقرمة والمسكتة إبداعاتك لاهنتي وصح لسانك عليها وأبشري بالجديد إن شاء الله!
النجلاء يسعد مساك ودمتي بلباس الصحة والعافية
أبو عبيد وشلونك وصح لسانك أشوف الربع يسألون عنك وين أنت مهيف؟
ولنا لقاء إن شاء الله!

حمدلله على السلامه وحياك الله
وفي انتظار جديدك شاعرنا على خير

[ريم الفلا]

الفراج انا مكمله لكم
انت والناقد والذووق الجوهره


اليوم ماشاء الله الجميع متواجد جعله دوووم

[ناصر الهواوي]

اهلا بالجوهره والله يحييك
اهلا ياناقدنا من الوشم الى القصيم وهذا ديدني
صح لسانك ياقرناس
وين الخيال مابان
ارهو التسالي على السجين لعله يرغب
تقول ريم(جعل التواجد دوم اظن انها ميد حزبها) وقلت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ


ضحكت لين الضحك صدع براسي=وكضمت بعده صابني هم ووجوم
ما ادري لما؟؟وانا بسجن الرواسي=معقل تسالي وابتسامات وعلوم
حلق بوذنك كان صدَّق احساسي=شهر تشوفين الجهابذ من اليوم
غياب هالاثنين ياريم اساسي=فتيحي الاول وهذاك جمجوم

[ناصر الهواوي]

إي والله إي والله


ياخضر الجريد ان داعبك هالصباح النود=ولجت عصافيرك وغنت قماريك
قولي للهبوب الجار في مجلسه موجود=عليه اعرضي رياك والغي ذواريك
من العيد الاول خاطره ضايق وملهود=ان جيتيه بانت لي بوجهه مواريك
اعرفه مجاورني هذاله 3 عقود=ونيف/ماحرك هاجسه زايرٍ زيك
له حول السنه والعقل يجنب عنه ويعود=وليا عادله نطقه بلارحنبو حيك
هو يعنيك والا الحي مدهل نعيم العود=لكن لاتخلينه عسى يرحم اوبيك
ياخضر الجرايد ما بكثر السوالف فود=عن شمس المفارق يالنخل ما نفع فيك
لو ان السنين المقفيه يالجريد اتعود=وعلى الذكريات اللي بها امر واشيك
وتبقى الليالي بيض ما به ليالي سود=لما شان قول اذلف لما سر قل حيك
تهاما العيون الرمد لجل العيون السود=يالفرقا على كبد العليل انجظي كيك

[ناصر الهواوي]

تسلايه للعلوي وزواره ايوه لو ماتسمعين المنادي=ولا تفهمين لويش انا انادي ايووووه
راحت ليال وجت ليالي جدادي=وعقب الغلا شحيتي بكلمة الوووه
للاسم الاصلي والله اني ما اوادي=عفته لماشفته من اللي تسموه
روض الوفا ينبت غرام و ودادي=ونبته ذبل وانحت من قُلْ ما اسقوه
وجو الجفا ماينبت الا النكادي=وعافوه رواده وشدو وخلوه
ياعين حر امشرهبٍ للهدادي=من بعد شالو برقعه عنه وابدوه
وياعنق خشفٍ موحيٍ له دوادي=ليا وصل راس النقا عنه حدوه
الخد بدرٍ ليلة النصف بادي=بالاقربين اللي تحلوه فدوه
ذنبي تحملته رقبتك وكادي=ولي عندكم حقٍ ثبت سرعه ادوه

[مهرة يام]

تسليه للسجين العلوي والزوار
أحرص على اللي دايم الدوم شاريك
وأحذر من اللي لا قسى الوقت باعك))
للي خذاه الموت تبكي وتنساه
الموت من تبكي على فراقه وهو حي..!))
المرجله مثل الدجى والوطا .. شوك
ولد الردى ماظنتي به يناله))
نادت مشاري صاحو الخلق لبيه

من زينها كل الخلايق مشاري

[مهرة يام]

حبيبي وش تقول بعاشقٍ قصةغرامه فيك
نسى الدنياومن فيهاوجا ينشد عن احوالك
من باعنا برخيص بتراب ينباع
ومن عافنا كل الجوارح تعافه ماني بحاجه حب راعيه
خداع .. والحب ماهو بالغصب والكلافه

بشرب من الدله لوكان بها سم
..مااهز فنجالي ولااقول كافي مادامه بيمناك

[رحيل]

يسعد مساكم
صح لسانك ابو عبيد
صح حضورك مهوره


نسيم الطواري ما ترك للعيون مراح
يعين الله اللي تختلي به على غفله

لياحط راسه محري انه يبي يرتاح
تلافت عليه ونظمت داخله حفله

بنت السعد

[محمد الـفراج]

اهلا بالجوهره والله يحييك
اهلا ياناقدنا من الوشم الى القصيم وهذا ديدني
صح لسانك ياقرناس
وين الخيال مابان
ارهو التسالي على السجين لعله يرغب
تقول ريم(جعل التواجد دوم اظن انها ميد حزبها) وقلت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ


ضحكت لين الضحك صدع براسي=وكضمت بعده صابني هم ووجوم
ما ادري لما؟؟وانا بسجن الرواسي=معقل تسالي وابتسامات وعلوم
حلق بوذنك كان صدَّق احساسي=شهر تشوفين الجهابذ من اليوم
غياب هالاثنين ياريم اساسي=فتيحي الاول وهذاك جمجوم


حياك يابو عبيد منوور السجن
وصح لسانك
وصحت السنتكم جميعٍ

ضحكك يا ناصر ما يطير عماسي
لو كنت من همك يابو عبيد مهموم

انته رفـيـق إلي وشـاعر حـماسي
تسبح وفي تفسير ما تسمع تعوم

ونا مع الجمهور فوق الكراسي
ماني على بدع التماثيل ملزوم

اخاف من شرهات ربعي وناسي
ويحلقني في ماقول يا صاحبي لوم

[الناقد/عبدالله الروقي]

حياك يابو عبيد منوور السجن
وصح لسانك
وصحت السنتكم جميعٍ

ضحكك يا ناصر ما يطير عماسي
لو كنت من همك يابو عبيد مهموم

انته رفـيـق إلي وشـاعر حـماسي
تسبح وفي تفسير ما تسمع تعوم

ونا مع الجمهور فوق الكراسي
ماني على بدع التماثيل ملزوم

اخاف من شرهات ربعي وناسي
ويحلقني في ماقول يا صاحبي لوم


صح لسانك يابو عبيد,أبك كيف فتيحي وجمجوم؟
صح لسانك يابو فيصل على الرد الكايف
الليلة نبا نشب على العود!

[الناقد/عبدالله الروقي]

يامحمد الفراج والقاف طابور=يمشي طواعيَّه سوات العسيفه
حَسَب نظام الشعر مُلزَم ومجبور=والفضل لَله مانمد الضعيفه
لنا بحزب الرعد غاية ودستور=من هازنا يبشِر بنار القذيفه
أنا وابن فرَّاج مااندرِّج العُور=وريم الفلا بأبيات شعرٍ عنيفه
العاصفة لاهنت ماتحجب النور=لاشك تجحَدْه العيون الكفيفه
حتيش لو ناصر من الغبْنَه يثور=نبا نحده بالسيوف الرهيفه
أدري بأنه قرم ماحوله قصور=عقب التقاعد حَط شعره وظيفه
صَفَّق له حزيبٍ ضعَيِّف ومغرور=لاغاب عنهم جف وادي حنيفه
قلبه شواه الحب في وسط تنور=والراس من كثر التفاكير ليفه
يشرب من الماء العذب ويقول بجُّور=صارت حياته يابو فيصل كسيفه
مانيب قايل له من الحب ماجور=مادام رجله مانوت بالنكيفه

[الناقد/عبدالله الروقي]

الله يبقيك ياالمهرة ,والله الظاهر إن ابن بطوطة في المنتدى واجد!ولاهنتي يالقرمة
_________________________

ريم الله يسلمك ولاهنتي
_________________________

والتحية للجميع فردا فردا

[النجلاء]

هههههههه الله الله عليكم ابو فيصل صح الله لسانك ملايين
الناقد صح الله لسانك ملايين
والله هجوم قوي لكن تحرو الاقوى هههههه

[ريم الفلا]

حياك يابو عبيد منوور السجن
وصح لسانك
وصحت السنتكم جميعٍ

ضحكك يا ناصر ما يطير عماسي
لو كنت من همك يابو عبيد مهموم

انته رفـيـق إلي وشـاعر حـماسي
تسبح وفي تفسير ما تسمع تعوم

ونا مع الجمهور فوق الكراسي
ماني على بدع التماثيل ملزوم

اخاف من شرهات ربعي وناسي
ويحلقني في ماقول يا صاحبي لوم


صح لسان الهواوي وصح لسانك يالفراج



الضحك في بعض المواقيف قاسي
يجوز من خيبة امل وانت معدوم

حزبك فشل ما جاب لك كاس ماسي
واصبح من انجازات الاحزاب محروم

و حنا ما نقبل للحقايق مساسي
قول الحقيقه لو شهادتك للقوم

ذولا رموز الشعر و انت متناسي
و الا تعرفهم زين ما انته بمنجوم


وسلامتكم&

[ريم الفلا]

يامحمد الفراج والقاف طابور=يمشي طواعيَّه سوات العسيفه
حَسَب نظام الشعر مُلزَم ومجبور=والفضل لَله مانمد الضعيفه
لنا بحزب الرعد غاية ودستور=من هازنا يبشِر بنار القذيفه
أنا وابن فرَّاج مااندرِّج العُور=وريم الفلا بأبيات شعرٍ عنيفه
العاصفة لاهنت ماتحجب النور=لاشك تجحَدْه العيون الكفيفه
حتيش لو ناصر من الغبْنَه يثور=نبا نحده بالسيوف الرهيفه
أدري بأنه قرم ماحوله قصور=عقب التقاعد حَط شعره وظيفه
صَفَّق له حزيبٍ ضعَيِّف ومغرور=لاغاب عنهم جف وادي حنيفه
قلبه شواه الحب في وسط تنور=والراس من كثر التفاكير ليفه
يشرب من الماء العذب ويقول بجُّور=صارت حياته يابو فيصل كسيفه
مانيب قايل له من الحب ماجور=مادام رجله مانوت بالنكيفه



صح لسانك يالناقد
مانيب قايل له من الحب ماجور .. مادام رجله مانوت بالنكيفه

اي والله لاهنت


صحيح حنا مقلين يالهواوي بس واحدنا لاجاب يجيب اللي معد وراها شي
تحيه للفراج وتحيه ل الناقد والجوهره (=

[ناصر الهواوي]

اخاف من شرهات ربعي وناسي
ويحلقني في ماقول يا صاحبي لوم
ــــــــــــــــــــــــــــــــــــــــــــــــــ ــــــــ
مانيب قايله من الحب ماجور=مادام رجله مانوت بالنكيفه
ــــــــــــــــــــــــــــــــــــــــــــــــــ ــــــــــــــــــــــــ
ريم انا ما انكرتهم مسميهم جهابذه رغم ان هاللقب للعلماء
وواصفهم باكبر هوامير الجزيره
ــــــــــــــــــــــــــــــــــــــــــــــــــ ـــــــــــ
بيت ابو فيصل يعتبر رقم اربعه
يعني ان وجهي مغسول بمرقه ههههههههههههههههههه
ويقاربه بيت الناقد
ــــــــــــــــــــــــــــــــــــــــــــــــــ ـــــ
صح لسانك يابو فيصل
وصح لسان ابو محمد وصح لسان شاعرتنا ريم
يمكن الليله تشوش لربعه بعد ما اثرت قرايحهم
وحشرتهم وشافوا ان لا مفر من الرد
بس ما اعرف ليه بهم حنق ههههههههههههههههه
اهلا يالنجلاء
ومرحبا يالمهره
وهلا بالجوهره
شوفوا السجين لا يذبحه العطش بزنزانته

[مهرة يام]

صح لسانك ياابوعبيد
صح لسان الناقد عبدالله
صح لسانك يالفراج
صح لسانك ياريم
شبو النار بكيفكم بس انتبهوا من زعيمنا الهواوي ياويلكم منه ههههههههههه
تقديري للجميع

[ناصر الهواوي]

صحيح حنا مقلين بس واحدنا ليا جاب جاب اللي ماوراها شي
اي والله صدقتي
انا مابقلبي عليكم شي على شان اجيب اللي ماوراها شي ياريم
بعبارتك هذي ذكرتيني بطرفه ادبيه جميله
كان فيه خياط عينه وحده بيضاء
اتاه شاعر وفصل عنده دقله
وقال فيها
خاط لي عمروٌ قباء (ليت عينيه سوى)
نسيت لكن يقول
امديحٌ ام هجاء يقصد ماقال فيه
فانتي ابديتي اعجاب استنكاري ان صح التعبير
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ




ما اخاف انا الا عالم السر والغيب=استغفره واتوب له والتجي له
امزوح وعلوم وحكايا والاعيب=ولا اشوف فيما اقول ذم وفشيله
معروف ما يلحقني الشك والريب=بيرق نعم لي فوق راس الطويله
وقاف الغزل يروق للهجس ويطيب=له/في وصف ضاف الجديله
هنوف غيدا ست كل الرعابيب=لها حلايا يابو فيصل امهيله
ورغم فلاش الناقد اقووول مانيب=(ماشيد طول العمر اهده بليله)

[محمد الـفراج]

الله الله
صح لسانك يالناقد وصح لسانك ياريم
شهادتي فيكم مجروحه الابداع يتعلم منكم
ولا اوصيكم على ابو عبيد ههههه

ابو عبيد يا حبيب قلبي لا تقوم تفسر على كيفك ثم اجيك ساري لضريه هههههه
ولله يابو عبيد ما ردني اكتب الا تجنب لزّعل والفهم الخاطئ
انت حساس بالحيل

وصحت ابدانكم جميعٍ

[ناصر الهواوي]

كل ديره لها عدت طرق=شر وامعبد وسهل ووعر
ودايم اريا البشر فيها فرق=كل واحد وله وجهة نظر
لي عوده ان شاء الله

[الناقد/عبدالله الروقي]

صحت أبدانكم وصحت ألسنتكم ودام إبداعكم
فلاشي عادي جدا يابو عبيد وأحلى قصايدك هي الغزلية لايروح فكرك بعيد ياشايبنا
الغزل أحد أغراض الشعر ،لو إن قلبي خضر كتبت!
---------------
ريم لاهنتي واضح إنك تقصدين قلة مشاركاتنا لكن إن شاء الله الجايات أكثر يامبدعة
---------------
أبو فيصل صح بدنك لاشفتهم ضاقوا ادعس زيادة!ههههه

لاهنتوا جميعا،،،،

[ريم الفلا]

احسنتوا جميع والله كلكم على راسي
والهواوي امون عليه ويمووووون اخ ومعلم وأب . أكثر واحد احب اعارضه وهو أستاذ لو قلت وقلت
انا تلميذته وتعلمت منه
ولايهونون البقيه

[ناصر الهواوي]

من قز خطك ماتوفق ولا اصاب= على بويت الطين وش كان حاديه
لو بس زحه وقم كيلو عن الباب=لكن ما الومه بالخفا ويش مدريه
يابيت لي من مرتك حزن واعجاب=من جددك عقب التلف تسلم ايديه
لو كنت من حالتك يابيت منصاب=اجيب من شوفتك همي واوديه
عطني خبر عن سيد تلعات الارقاب=الجادل اللي كنها بكرة التيه
كنا وفرقنا الزمن والرجا خاب=وعوى لها بالصدر يابيت عاويه
اثر القراده يابويتي لها اسباب=لو ما يجيها المنقرد كان تاتيه

[ريم الفلا]

صحيح حنا مقلين بس واحدنا ليا جاب جاب اللي ماوراها شي
اي والله صدقتي
انا مابقلبي عليكم شي على شان اجيب اللي ماوراها شي ياريم
بعبارتك هذي ذكرتيني بطرفه ادبيه جميله
كان فيه خياط عينه وحده بيضاء
اتاه شاعر وفصل عنده دقله
وقال فيها
خاط لي عمروٌ قباء (ليت عينيه سوى)
نسيت لكن يقول
امديحٌ ام هجاء يقصد ماقال فيه
فانتي ابديتي اعجاب استنكاري ان صح التعبير
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ




ما اخاف انا الا عالم السر والغيب=استغفره واتوب له والتجي له
امزوح وعلوم وحكايا والاعيب=ولا اشوف فيما اقول ذم وفشيله
معروف ما يلحقني الشك والريب=بيرق نعم لي فوق راس الطويله
وقاف الغزل يروق للهجس ويطيب=له/في وصف ضاف الجديله
هنوف غيدا ست كل الرعابيب=لها حلايا يابو فيصل امهيله
ورغم فلاش الناقد اقووول مانيب=(ماشيد طول العمر اهده بليله)



مافهمت السالفه ههههه
كيف استنكاري
صح لسانك شاعرنا مدد ولاحنا في قلبنا شي بس شغلة احزاب يابوي هههه

[محمد الغنامي]

السلام عليكم
اسعدك الله جميع اوقاتكم بكل خير
صحت الالسن جميع شعراء ومتذوقين


بيتين مداعبه


اشوفهن قامن يشينن الاخلاق=والضغط ضخ الدم وسط الشرايين
الحرب مدري ليل ولا بالاشراق=بس الوكاد الوضع ياصحابنا شين
اللي ركز مشعاب واللي ركز ساق=واللي عيونه سود عود حمرعين
لو ان مالي في محاربكم نياق=عندي شهاده ثابته لو بعد حين
شهادتي ماهي مراءا ولا نفاق=حزب الرعد يضغط على العاصفيين

[ناصر الهواوي]

ماعليك زود يالمزحميه وانا بعد مافهمتها ههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ



يكع اصبعي لاجيت ابا اكتب على الكيبورد=واغصبه غصب ما اعطيه للرفض حريه
حيام الطواري لا لفت للهجوس ورود=عن عد الغزل في طردها ارى مضريه
ان صدرتها هالكا عطش ما هقيت اتعود=وان ازيتها هادت وهي قبل شريه

[ناصر الهواوي]

يامرحبا ما جابت المهره اطباق= وما ضيفت غزلان لجل المساجين
ومالاح بقنوف المخاييل براق=وما يسكن اليابان والهند والصين
مدونن بالسجن من قبل ميثاق=وموقعين وكلبوهم امقرين
مابه زعل مابه تشره لمن ضاق=خلاف في وجهة نظر بين الاخوين
بعض البشر طبعه هجومي ليا فاق=من غير قصد ووافقت خاطرٍ شين
من عيد الاضحى خاطره غلق ما راق=وكل السبب ماعايده كامل الزين

[شاعرة نجد]

صحت السنتكم على هـ الروائع
وصح لسانك زعيم العاصفه والابدااع الداائم

محمد الغنامي ليتك سلمت من البيت الاخير,عز الله غاية النفاق هـ الشهاده
حرام عليك بيصدقونك ويتهورون والهواوي حاشرهم حشر:smile:
............................
مدونن بالسجن من قبل ميثاق=وموقعين وكلبوهم امقرين
مابه زعل مابه تشره لمن ضاق=خلاف في وجهة نظر بين الاخوين

من ذهب
صح لسانك يـ الهواوي على هـ الدرهـ
كاايفه وناايفه


لاهنتوا,’’

[شاعرة نجد]

تسليه

http://img.index.hu/imgfrm/7/2/0/8/BIG_0013287208.jpg

مع فجـر صبـح اليـوم والنـاس نايمـه=غـــارت عـلــى فــكــري نــــوادر جـرايـمــه
جـــرايــــم الـتـفــكــيــر جــــــــت واتـعـبــتــنــي=وانـــــــا وربـــــــي مـسـتـكــنّــه وصــايـــمـــه
غـيّـر عـلـي جــول الطـيـور المـهـاجـره=اللـي تعـلّـت فــي سـمـاا الـجـو حايـمـه
تـــــروح مـــــن جـــــوٍّ لـ .جـــــوٍّ يـسـوقــهــا=ربٍّ عـطـاهــا مــــن وهــايـــب عـظـايـمــه
تصفق بـ .جنحانٍ عليها من الريش=صـــفٍّ يـشـجّـع مـــن تــــردت عـزايـمــه
تـثـيــرنــي لامــــــرت الــصــبـــح ســـارحــــه=وانـا شعانـي الـشـوق والـنـاس نايـمـه

[النجلاء]

صحت السنتكم شعرائنا المبدعين وشاعرات
مبدعين الله لايضركم
والسجين ماعاد له شوفه شكله مل من السجن

[قرناس الحرار]

صبحكم الله بالخير
وصحت السنتكم شعرائنا المبدعين
ويعطيكم العافيه على هذي النوادر
وصح بدنك يا الجوهره
وصح بدنك ريم الفلا
والله يسلمك من كل شر
مشاغل الدنيا

ابو بندر ابو فيصل ابو محمد ترى ابو عبيد النابغة
لا تحدونه على اقصاه هههههههه
مبدعين كلكم اخوان واخوات

[وافي الحرف]

تلاطم أمواج الزمان والقلب شمالي
حداه من صكات بقعاء لومة الايم
من نوادر المعاني وطيوف الليالي
مامن فود والجروح حصيل الغنايم
من حد بحر الخليج نوفي لكل غالي
نسوق الشوق مع ذعاذيع النسايم

صادق الحرف

[قرناس الحرار]

https://youtu.be/QMUZtrtqUvU

ذائقه........................!!؟

[غزلان]

السلام عليكم ويسعد صباحكم جميعاااا ~
صحت السنتكم شعراءنا وشاعراتنا على هذا الابداع والتميز ~
ودي وتقديري للجميع ~

[مهرة يام]

مساء الخير
صحت الالسن ياشعراءنا المبدعين
لاهنتوا جميعا
صحت الاذواق
يعطيكم العافيه

[مهرة يام]

تسليه لسجين
تعال ياللي عليك الروح ولهانه
أبيك تقطع ضمى اللهفه وترويني

وشلون تقفي وعيني منْك سهرانه
كذا ببساطة على بابك تخلّيني

انت الذي صدّه وتأثير هجرانه
واضح وظاهر بـ عيني من سهر عيني

ان كان نفسك على ما فات ندمانه
عزي لحالي على اللي بينك وبيني
لشاعرنا المبدع محمد العواد

[ناصر الهواوي]

يابنت الايكه لا تبدين بالنوح=اصغي لمانويت ابوح به ثم نوحي
اوحي كلام اللي من الهجر مجروح=سهيل لقي له زقيمك وروحي
ولاجيتي البيت المشيد على صوح=في حارةٍ جا قاطنيها نزوحي
حيٍ قديم وساكنٍ فيه مملوح=الحي واللي فيه تفداه روحي
قولي انا المرسول ابا الرد واروح=يقول وضعي هكذا كان توحي
لاامسيت كن ايذر بالجفن ذرنوح=ولااصبحت ترديد الوحاوح صبوحي
اجي واروح لديرته دون مصلوح=وللصدر من ما يختلج فيه فوحي
رد السلام اظن بالشرع مبيوح=وقولة هلا يامرحبا اقصى طموحي

[ناصر الهواوي]

حورنية طفشان
انا اشهد انه صدق من قال طنش تعش=حبه لخشمه بعد جربت تطنيشته
واثر القريد الذي لامر شيٍ لطش=هذا ومثله حشا يرتاح في عيشته
لقافة الفكر تشغلني وهجسي حِمِشْ=لو حركته الهبيب تحترق فيشته
بالسمع ثقلٍ قليل وفي عيوني عمش=وتعبني القلب بين اذعانه وطيشته

[الناقد/عبدالله الروقي]

يابنت الايكه لا تبدين بالنوح=اصغي لمانويت ابوح به ثم نوحي
اوحي كلام اللي من الهجر مجروح=سهيل لقي له زقيمك وروحي
ولاجيتي البيت المشيد على صوح=في حارةٍ جا قاطنيها نزوحي
حيٍ قديم وساكنٍ فيه مملوح=الحي واللي فيه تفداه روحي
قولي انا المرسول ابا الرد واروح=يقول وضعي هكذا كان توحي
لاامسيت كن ايذر بالجفن ذرنوح=ولااصبحت ترديد الوحاوح صبوحي
اجي واروح لديرته دون مصلوح=وللصدر من ما يختلج فيه فوحي
رد السلام اظن بالشرع مبيوح=وقولة هلا يامرحبا اقصى طموحي


صحت أبدانكم وألسنتكم ولاهنتوا النت عندي أسوأ من السيء الليلة ليته يسعفني بهالمشاركة!
أبو عبيد رائعة هالأبيات أعجبتني وصح لسانك
ولاجيتي البيت المشيد على صوح=في حارةٍ جا قاطنيها نزوحي
حيٍ قديم وساكنٍ فيه مملوح=الحي واللي فيه تفداه روحي
من قلب هذي يابو عبيد
أما أنا خابره عساه السيل ،
أنا تعجبني هالقوافي الرنانة يسمونها النقاد الجرس الموسيقي
ومن الشعراء الذين تتبعت قصائدهم ووجدتهم يُعنون بالجرس الموسيقي أشد عناية
الشاعر العلم ابن زويبن رحمه الله

[ملكة الرواسي]

صباح الابدااااع
لا هنتم جميع يعطيكم العافية

[الجووهره]

صبآح الوررد للجمييع

وصحت الالسن والاذوآق

ويعطيكم العآآآفيه

وين السجين

شكله هربآن والا زعلان

من يومين ما شفنآه

عسآ مآنعه خير

ويرجع بالسلااامه

[الجووهره]

تسآلي متوآضعه

نقطه من بحر ابدآعكم




السيل يبقاله على القاع مجرى ..

ويبقالك التذكار لو كنت فارقت

اشوف لك من وين مارحت ذكرى ..

ولاشفتها صديت عنها ودنقت

ماكل جرحٍ لاخذا أيام يبرى ..

بعض الجروح يزيد شره مع الوقت

[الجووهره]

ذكراه زارت هاجسي تطرق أبواب
في مجلس افكـاري نوتها تعاليل


وحط السهر مركاه مابين الاهداب
وامسى يتقهوى من نعاسي فناجيل


سهرت أهيجن للمساء شوق غيّاب
راحوا كذا :من دون علم ومراسيل


بعيوني الثكلا وطن وحشة أحباب
بصدري مفارق ينتظر مطولك ليل


تعبت اسافر داخلي رحلة غياب
ضامي لقا محتاج رشفة مواصيل


اتبع سراب الحلم حتى الرجا خاب
وانا حسبت اني على ضفة النيل


توي دريت اللي مضى حلم كذاب
وتوي انتبهت !! ان الاماني تماثيل


ياقلب قل للعاطفه تلبس حجاب
مات الوصل ياقلب / لكن تساهيل



https://www.youtube.com/watch?v=__a9i-mjyJA

[الجووهره]

همس الوفا باقي مع النبض والصوت
لو غبت يبقى لك ضمير الوفا حي

بين الرجا والياس والحلم والموت
وبين الفرح والحزن والشمس والفي

اشتاق لك شوق ٍ عظيم ٍ ومكبوت
شوق الضرير إللي تعانق مع الضي

[محمد العواد]

صحت الألسن شعراءنا المبدعين
الله عليك يالجوهره دايم اختياراتك
لها رونق خاص تقديري للذوق الفاخر

[الجووهره]

صبآحكم فل وكآدي

وتسلم شاعرنا

شهاده اعتز فيها من أمثالك طال عمرك

وما عليك زووود وكلك ذوووق

[ناصر الهواوي]

تسلم ناقدنا وصح بدنك
الجوهره التسلايه الاوله كفا الله شرها وجميع انتقاءاتك رائعه
العواد ارسلت لك يوم اغيب على الواتس وكاله بس الظاهر انك تتبع مقولة طنش هههههههههههههههههههه

ـــــــــــــــــــــــــــــــــــــــــــــــ


على نسانيس ذعذاع الهواء من جنوب=طرت على البال يوم موادعه جابته
افضل موادع لو انه شر واجمل اسلوب=ما احتلت واملت عليِّ الصمت مهابته
الموقف اللي توضح فيه قو القلوب=قلبي حسبته يطرشع يومها صابته
يذوب قاس الحديد وهالمضغ ماتذوب=فرقا(..............)غريب اتمر ما اذابته

[محمد العواد]

صح لسانك يابو عبيد

هههههه
ماجاني شي والله
رقمي اللي انت خابر
غيرته مهو شغال
هذا انا ابرسلك الحين

[رحيل]

صبحكم الله ياهل الطيب بالخير
ويسعد ضحاكم والظهر

صحت الالسن
لله دركم (:


قل للزمن لآضاق صدري عوافي
بكره تزين وينشرح خاطر الوجد .

كان الآلم في محجر العين غافي
ترآ الآمل ماله وسط خافقي حد

[ناصر الهواوي]

تبهذلت من كثر الزرايا وانا حساس= ذنب القلب يالعواد والهاجس الطربي
جادلته وقلت اعقل /تجنب كلام الناس=عواذلك لا تجعل لهم يمنا دربي
ارمس بالعلوم اللي تبيها الزمان ارماس=منها لا تعشم غير في قلعة السربي
اطو كشح رجوىً فيه وايقن بطول الياس=مطايا الامل ياخافقي عودت جربي
حلومك بلول وقرمزية شفا والماس=حلم ليل من نوع الجنون احسبه ضربي
اصبح عاقد النيه على تركته وانحاس=يابو سيف في قاف الغزل ينفرج كربي

[ناصر الهواوي]

ياخفير السجن عينت المكلبش وينه=شف رحيل مدمريه هاتها واسجنها
خل ريس حزبها تدمع عليها عينه=والرعد حضرة زعيمه سجنته مامنها
ابو فيصل في شمال السجن شد ايدينه=والبنيه في زنازين السجن بايمنها
وعلي ما سواه فينا نشجبه واندينه=ياعريف السجن صادر فروته وارهنها
ياهلا يامرحبا في شوف طيف الزينه=غفوةٍ يلم فيها طيفها ما ازينها
العنود اللي تثنى عودها من لينه=يوم مرتني عصير بسكبةٍ ما احسنها
جل من كمل محاسن هالبشر من طينه=بس هي من بد الامه صافيٍ معدنها

[شاعرة نجد]

صحت السنتكم
وداام الحضور والابداع
وصح لسانك زعيمنا على هـ الوداان
مبدع شاعرنا,الابيات الاخيره مميزه
وفي غااية الابدااع والرووعه

تقديري,’’

[محمد الـفراج]

سلام عليكم
يسعد مساكم
وصح لسانك يابو عبيد مبدع قليله في حقك الله لا يضرك
شاعرة نجد حياك يالجزله
العواد منووور السجن
الجوهره رحيل دام حضوركم

[مهرة يام]

مساء الورد يااهل السجن
صح لسانك ياابوعبيد مبدع وجزل
صح لسانك ياشاعره نجد
صحت الاذواق
لاهنتوا

[مهرة يام]

والله يا لولا العظم يومنـي أمـلاه
أكويه بالجمرة ويكوي جروحـي
مع دلةٍ صفرا على النـار مركـاه
أقصر بصبتها على كيف روحـي
فنجالها يشدي خضـاب الخونـداه
الجادل اللي عند أهلهـا طموحـي
عدّه لمن يثنـي خـلاف المخـلاه
فكاك بالضيقـات راع اللحوحـي

[مهرة يام]

هذى اللى غلاها مايبى قول قايل
.........هذى اسباب غيضى والرضا والهيام

هذى رسومها بين الضلوع النحايل
....... هذى اللى على صدر القصيده وسام

الاصايل يجنّك مثل أهلهن أصايل
............. و الوكاد إنّها منهن بليّا كلام

يوم فلّت على الخصر النحيل الجدايل
..... وإستدارت خجل مدرى تصنّع غرام

عودها مال لو هى ماتبيه يتمايل
........ ماهو بكيفها من لين ذاك القوام

واقف وكن رجلى فوق جرف متهايل
............للجمال بعيون العاشقين إحترام

قلت فى خاطرى مانى عليها بعايل
............ لكن القلب سابقنى برد السلام

[مهرة يام]

انتحيت ولقيت القلب مأمن صمايل
...... كل ماذعذع الغربى من الشوق هام

ياكثر مانى من الشوق والحب شايل
....... من عشق مثلها وشلون بالله يلام

هذى اللى حلاها مايبى قول قايل
....... ماهى أول غلا لاشك مسك الختام

[قرناس الحرار]

https://youtu.be/F_VeEjjLMas
يسعد مساكم وصحت ألسنتكم
وذائقتكم
مجرد ذوووووووووق مسائي
لتسلية السجين والزوار

[رحيل]

مساكم زعفران وشيح وكادي <_ لشخص هنا
> تتوقعون هو منهو (:
الهواوي
صح لسانك شاعرنا

أفا ياذا العلم انا مسجوووووونه ):


ليتهم سموك يامدمر سحااااب
من ودقه العذب يختال الشّعيب

سيله يناحر مطاليع الهضاااب
والهجير يبات من حسّه رطيب

للمدمره هماليل

[شاعرة نجد]

https://youtu.be/f_veejjlmas
يسعد مساكم وصحت ألسنتكم
وذائقتكم
مجرد ذوووووووووق مسائي
لتسلية السجين والزوار

ومساك ياقرناس
عز الله شيله كاايفه وناايفه,صحت الذائقه
وصح لسان شاعرها

لاهنت,’’

[شاعرة نجد]

مساكم فل,وين الناس ركود ممل
مافيه الا العاصفه:smile:
والراسيات المتذوقات لاعدمنا حضورهن


ياطيب حزب العاصفه حزب الابدااع=دايم وهو فـ .الواجهه ومْتواجد
ماينطق الا شعر بالمد والصاع=يصرف ذهب وهْروج الاحزاب واجد
أما مثل بني هلال او فلا داع=لـ .حضوركم لو تضحكون النواجد

[رحيل]

نجد
صح الساااااانتس شاعرتنا ملياااااااااااااااااااااااااااار
❤



هرج يجي في ضيقتي لا تآخذه مني
محد ن يساوي غلاك ومخلفٍ سيري

وإليا بغيت أشوف غيرك فالبشر كني
وسط المجاهيم ..... وأدور مغاتيري

[مهرة يام]

مساكم فل,وين الناس ركود ممل

مافيه الا العاصفه:smile:
والراسيات المتذوقات لاعدمنا حضورهن


ياطيب حزب العاصفه حزب الابدااع=دايم وهو فـ .الواجهه ومْتواجد
ماينطق الا شعر بالمد والصاع=يصرف ذهب وهْروج الاحزاب واجد
أما مثل بني هلال او فلا داع=لـ .حضوركم لو تضحكون النواجد



صح لسانك يالعاصفيه
لاهنتي يالغلا

[شاعرة نجد]

تسليه لـ السجينه..


يـــاعـــزيـــزي تـمــهّــل,لاتــهــوّر تــــرانـــــي=كلي احساس لكن,فـ .المواقـف شجاعـه
أنت تدري بقصدي غير عن من قراني=ابشر انـي قويـت وصـار عنـدي مناعـه

[محمد العواد]

ههههه
كفو والله يا نجد
صح لسانك ابداااع
وهجوم عنيف

[محمد العواد]

انا هنا معقد شوش
لا اكثر ولا اقل

هههه

[شاعرة نجد]

صح بدنك يـ العواد:smile:

[محمد العواد]

تسلية وزيارة للسجين

يـ اللي بـ الاحساس ناداني وناديته
لبيه والناس يا اغلى الناس يفدونك


من فيه غيرك تمنيته وحبيته
شاريك لو بعت كل الخلق لعيونك

#محمدالعواد

[رحيل]

الله الله كفو
وصح لسانتس شاعرتنا .

صح لسانك يا العواد

[محمد العواد]

يا كيف يرتاح بالي وانت متضايق
قل لي حبيبي وش اللي مكدّرٍ بالك

متى فديتك تكون لصاحبك رايق
يـ اللي تملّكت قلب محمد لحالك

#محمدالعواد

[ناصر الهواوي]

اهلا يارحيل ولاهنتي يالمدمريه وع شان نحرك الاوضاع ولا يصير فيها ركود سجناك وسجنا ابو فيصل
اهلا يالمهره وحياك الله حضور جميل وتسالي جميله
اهلا يالعاصفيه وصح لسانك روعه
وين بقية الربع والربايع مالهم جس
ــــــــــــــــــــــــــــــــــــــــــــــــــ ـــــــــــــــــــــــــ


نهمنا العريس وغاب زوله بعد ما واق=وهاني قبل صارت هي الويقه الويقه
وحتى الدنيش اغلق مجال الكلام اغلاق=وخيال حمران النواظر اب/ بعشيقه
وهماليل بدلت التلاقي بسو فراق=وتناتيف قرناس احدثت قيني الضيقه
وجو السجن من دون ريم الفلا ماراق=وملكة الرواسي ما تحليتها امويقه

[محمد العواد]

ابـ اسألك من باب تحقيق الاحلام
متى بـ لقاك انهي مسيرة غيابك

إلى متى يعني على مر الا عوام
وانا اتبع بـ صحراء الأماني سرابك

على الاقل من منطلق وصل الارحام
ما يقطع بـ مغليه حضرة جنابك

مع اللأسف جفّت من الحبر الاقلام
وش ممكن اكتب غير خاب الرجى بك

#محمدالعواد

[شاعرة نجد]

تسليه للسجينه..


الـصـبـر مـحـمـود والـحـاصــل يكـفّـيـنـي=مـ .اظن غير الصّبَر فـ .إيدي ولاحاجه
مــدري المقـاديـر والا المشكـلـه فـيـنـي=عــيّـــت تــعـــدّل واعــدّلــهــا ومـنـعــاجــه
جفيـت قلبـي عـشـان الـوقـت جافيـنـي=وانهكـت روحـي ونـار الشـوق وهاجـه

[مهرة يام]

الهواوي
حضورك الاجمل يازعيمنا
صح لسانك ملايين
العواد
شاعره نجد
صح السنتكم يالجزلين
لاهنتوا

[شاعرة نجد]

تو دريت مع السجينه سجين
تسليه للمساجين

http://1.bp.blogspot.com/_aP7RI9EwpdU/SS6GCP_oW2I/AAAAAAAAAOc/hn0M57_LiQ4/s320/pd_darkness_071029_ms.jpg



أستوحش الليل لو يسعـد مسـاي الظـلام=واتــــــــوه مــابـــيـــن مـــنـــزالـــي وتـــرحـــالـــي
واعْتب على الفكر واكسر خاطري ياحرام=يـحـتـاار واروح مـــع دربــــه عــلــى فــالــي
أجمـع شتـاتـي واغـنـي لــو لحقـنـي مــلام=حــس الـصــدا لابـــدا يـثّــر عـلــى حـالــي,

[محمد الـفراج]

ابو عبيد ابو سيف شاعرة نجد
صحت السنتكم

المهره يسلم ذوقك
رحيل ابرك حزه يوم حطوك في السجن انتي مدلعينك ما قد سجنوك هههه

[محمد الـفراج]

كني سمعت اسمي مع المساجين من ساجني
ههههههه

[رحيل]

صح لسانك يالهواوي ودام ابداعك وتواجدك
صح لسان شاعرتنا الرائعه نجد
وصح لسان العواد

كنت حاسه انكم ماقريتو كويس ابيات ابو عبيد (:
ابو فيصل لاتفرح تراك مسجون معي هههههههههههه