هنا .. سجن القوافي !!

[محمد الغنامي]

الهواوي
غشام
شيخة الغيد
صحت الالسن جميع
وياهلا بكل الحضور

[سجين الرواسي]

السلام عليكم ورحمة الله وبركاته
يسعد صباح اخواني واخواتي وعيدكم مبارك بعد الزحمه واعذرونا عن الانقطاع اللي ما ودنا به والله يسعدكم جميعا

[ناصر الهواوي]

صح الله لسانك يابو بندر ولاهان راسك
اهلا ياسجين الرواسي وحياك الله وعيدك مبارك ومن حضر ماغاب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
ولي عوده ان شاء الله

[شيخـــة الغــيــد]

السلام عليكم ورحمة الله
اسعد الله صباحكم جميعا بالخير والطيبة والرضا وراحة البال


أبو عبيد عميد الشعر صح لسانك شاعرنا ولاهان منطوقك

أبو بندر صح لسانك ملايييييين ولاهان منطوقك

/

سجين الرواسي
ياهلا ومرحبا بحضورك الجميل الذي نتمنى ألا يختفي
ومن طول الغيبات جاب الغنايم >>> وينها
كل عام وأنت بخير وصحة وسلامة
وإن شاء الله آخر الغيبات

/

يقــــــــــوول:

الطيب ماهو لاحد يا خوك من دون احد
و اهل الوفاء ما لحقها شك و لا قصور
-
من يجهل السبت ما يعرف مقام الاحد
والطيّب الطيّب اللي كل وقت مخبور


https://pbs.twimg.com/profile_images/2227624465/image_400x400.jpg

[ناصر الهواوي]

هلا ياشيخه الغيد وسلمتي ودمتي
ــــــــــــــــــــــــــــــــــــــــــــــــــ ــــــــــــ


خفير هو عندك سجين القثامي؟؟=والا نطل كلبشتك ليلة العيد
ماعنه يارجال جانا علامي=لكن بكيفه ياعسى عيده سعيد
كلبش بها اللي مستعار الاسامي=لبو لثامه اقرن الرجِل بالايد
غشام خله بالاجازه ينامي=بازنزانته يلغي جميع المواعيد
قله تخيل من زهاها الزمامي=ذات الجمال اللي يشيب المواليد
خدٍ يشبه فيه بدر التمامي=وقدٍ يجيب بمن نظر زولها العيد

[محمد الـفراج]

النوم جافا لعيني يامحمد وراه
يبعد عقب يامحمد داعب جفونها
استسلمت له جفوني يامحمد تباه
ماتدري انه يـداعبـها وبـيـخـونها
الله يـرده عليـه قـبـل يـبـعد مداه
قبل الطواريق اقوم اكوسرلحونها


كان السهر لجل خلك يا محمد فداه
ناسٍ تحفض المحبه سدد أديونها

شخصٍ عطاك الغلاء ما ضن تنسى عطاه
حتى لو البعد وقف دونكـ ودونها

مير البلاء جادلٍ حبي وحبه نساه
ما كني اللي شريت الوصل لعيونها

من يوم خان الهوى ولله متبع رضاه
والنفس ربي عساه يكون في عونها

[ناصر الهواوي]

اتعذيل فقط ههههههههههههههههههههههههههه
صح الله لسان ذاك وصح منطق هذاه=ابيات روعه شعاني حلو مضمونها
اللي سهر لجل من هو له مود ويباه=واللي شكا من جفا جاهل بمكنونها
يمكن حدتها ظروفٍ من قديم اتحداه=قد حدت العامريه دون مجنونها
قبله حدتني عن(...)بكل اتجاه=ولي اعرضت نار قطع الوصل بعيونها

[محمد الغنامي]

الله الله
سجين الرواسي ياهلا والله منور الرواسي عامه والسجن خاصه

الهواوي صح لسانك مليون وصح لسانك على المجاراه

ابو فيصل صح لسان مليون يالجزل مجاراه روعه تسلم

مستشارتنا شيخة الغيد صح ذوقك وصح حضورك الفخم

[محمد الـفراج]

صح بدنكـ يابو بندر وصح لسانكـ

ناصر الهواوي صح لسانكـ يالاميرهههههههه

مبدع وجزل وملقوف في نفس الوقت

هههههههههه

[ملكة الرواسي]

لا هنتم جميع
والله يعطيكم العافية

[مهرة يام]

مساء الورد يااهل السجن
ابو عبيد
الغنامي
الفراج
غشام
الوافي
سجين الرواسي
شيخه الغيد
صحت السنتكم ودام ابداعكم

[مهرة يام]

اي والله اني مشتحن واموت فيك /
يا ثالث اغلى الناس عقب امي وأبيّ ،

في ذمتي لو تدري بشوقي عليك /
لو ما تجيني مشي بتجيني تحبيّ

.
*في غيبتك كل طاري للزعل وارد /
ومشكلتي ادمح خطاك وماني براضي ،

يا ليت ربي عطاني قلبك البارد /
عشان ما يحترق قلبي على الفاضي

[مهرة يام]

.
لا تعودني على صوتك .. وتجفى /
مسمعي من دون ذاك الصوت يتعب ،

خابرك ما تردني لا قلت : تكفى /
بس اخاف آقولها وظروفك اصعب



تغانم الشوق دام القلب تحت أمرك /
مشاعري فيك ما تشبع ليا جاعت ،

لا دار وقتك وطولّ ربي بعمرك /
عرفت وش قيمة الفرصه إلى ضاعت

[الناقد/عبدالله الروقي]

الله يسعد أيامكم ياحبايبنا
وكل علم وأنتم بخير وعافية
وصح لسانك يابو فيصل وأبو عبيد وأبو بندر
وتحية للأخوات الفاضلات

[ناصر الهواوي]

قل يابو بندر كان شفت ابو فيصل=توه درا اني عقب هالوقت ملقوف
طبيعتي ما اسطيع منها اتنيصل=لو ان ظلم ايشد من نجد للجوف
ولو ينقطع من غير شر التويصل=مع من رمزت لوسمها الصدق في نوف

[محمد الغنامي]

عبد الله الروقي ياهلا والله وغلا كل عام وانت بخير ومنور الرواسي بطلتك

ابو عبيد صح لسانك وحشاك من القافه هههههههههههههههههههههه

الملكه هلابك وصح بدنك ومنوره

المهره الاصيله منوره وصح ذوقك ياذوق

[محمد الغنامي]

الصوره اللي لها في واقعي واقع
جددتها لي ولو ماني معك فيها

[ناصر الهواوي]

يابيت ياللي صرت في منعطف خط=مصممه قله على غيري اخطيت
ان جا على خطك بشوفي تورط=ياليت دوني صار هالضلع ياليت
ليا مرني في شفته حيل قرط=وانا عنه لاشفت ماصابه اغضيت
خله هو اللي قبل بالوضع فرَّط=حتى خلا من ساكنه عقبه البيت
اغراه من غره وراح ايتشرَط=يقول ابا ارجع لاحصل كيت من كيت
حتى وريق الغصن يبس وتخرط= منه الورق واطفو هل المنزل الليت

[محمد الغنامي]

الله الله
جميل جداً يابو عبيد صح لسانك مليون

[رحيل]

يسعد صباحكم (:

وصحت الالسن

[رحيل]

عبدالله الروقي
وايامك اسعد واجمل يارب
وانت بخير وتقبل الله طاعتكم

[بوح شاعر]

صح لسانك الهواوي
صح لسانك ابو بندر
صح لسانك الفراج
ارحب ي سجين انت والناقد

عيد ً عساه مبارك وعله يعود
يسعد مساء ناصر ويسعد مساهن
غديت انا وياه شعله وبارود
ولا ودي ابحث في خفاه وخفاهن
أنا هواي القنص والخيل والذود
ولا البني مالي لزوم بـ هواهن
ماظنتي فـ العجز ياسيدي فود
الله يقلل يالهواوي حلاهن
ولا انت ياناصر يقولون مقرود
قضيت عمرك وانت تطرد وراهن
حتى لو انك تبذل لكل مجهود
تراك منت بشفهّن ومناهن
مالك ومال البيض ياكنقنا العود
منت بـ محقق يالهواوي رضاهن
معاد باقي غير ياكل لك الدود
الرأس ولّع شيب والعظم واهن

[شيخـــة الغــيــد]

االله يصبحكم بخير ومســــرّات
اللي حضر والغايب الله يجيبه
/

صح لسانك يَ الهـــــــوآوي ولاهان منطوقك

صح لسانك يَ بو بنــــــدر ولاهان منطوقك

صح لسانـــك ي غشــاام ولاهان منطوقك

/

مرحبا بالناقــــد الأخ عبدالله الروقي
أسعدك الله في الدارين
تقبل الله طاعتكم
وكل عام وأنت بخير وصحّة وسلامة يارب

/


https://pbs.twimg.com/media/CN9JtS1UYAA7oPj.jpg

[شيخـــة الغــيــد]

/

خواتي الراسيات الله يسعد قلوبكن
صحت الأذوواق ودامت الأنفاس الطيبة


بورك حضور الجميع

/

مقتطفات شعرية

/

سيوف الصراحه سجنھآ ماعلـيه إفرآج
لأن الصراحه في الزمن غيــر مرغوبـه

نمثل بطولة فيلــم لكــن بدون إخـرآج
وقصة سيناريو الفيلم ماھي بـ مكتوبه


/

لاطال المدى واشتد وجه الزمان وشان
يطيحون ثلثين الرفاقه من عيونك!

يبين الأصيل من الردي والزمن ميدان
يبيّن لك اللي لالقا الفرصه يخونك !

/

ما اشْقيت نفسي مقْتنع بالصّـح والقـول الصريـح
ولانيب مكلوفٍ اعَدّل في خطا ..مخطـي الصـواب..

هذا وانا احْسب كلّ منْهو قد دَرَس نهْجـه صحيـح
واثْر المدارس تخْتلف في نهْجها ..حتـى الكتـاب..!!

[محمد الـفراج]

يا مرحباء يالناقد اشوف السجن منور اثاريكـ جاي
كل عام ونت بخير ان شاء الله

صح بدنكـ يالامير ولا تقطعنا من مشاركاتكـ

غشام
يالله حيه وكل عام ونت بخير ان شاء الله

وصح لسانكـ
مليووووووون ولا يكفوووووووون
مبدع قليله في حقكـ

الهواوي
صح لسانكـ لين ترضى يالجزل

ابو بندر
صح لسانكـ يالامير انا من يوم شفت البشت ونا ادور لكـ ختم شيخ كافه ههههه

رحيل والمهره وشيخه
حياتسن الله
منووورات السجن

[ناصر الهواوي]

يا مرحبا بمكثرين التراحيب=حتى السوالف نعتبرها تفاعل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ




حايل وفنجل قهوه وادخنة عود=ثلاث ماعنهن تكفي حداهن
للقانص الخيال ومتيه الذود=وحبه على راسه زياده علاهن
قلنا العطاوي قالو سنين ملحود=وابا الكحل له كم سنه ما رماهن
وغيلان له كم قرن فاني ومفقود=قضن عليه ومنه خايب رجاهن
وبيض الليال اللي تغشاهن السود=خيِّب جدا من عاش فيهن جداهن
ولا انته على التهتيل بالعود محدود=مانيب ان المسؤول عن حيل واهن
ولا اخشى سوى من يورق بلطفه العود=ومن عادتي يالقرم مانيب اداهن
يفز قلبي كلما ذعذع النود=وقتٍ مضى ويفز في وقت راهن

[ناصر الهواوي]

الحاقيه
ابو فيصل
شيخه
غشام
المهره
الله يصبحكم بالخير والعافيه وصحن السنتكم وابدانكم ولاهانت روسكم وبيض الله وجيهكم

[محمد الغنامي]

غشام ههههههههههههههههههههههه صح لسانك يالمبدع .. حتى العيد مايخليك تجنب عن ابو عبيد شوي

الهواوي صح لسانك مليون يالمبدع والجزل . لاتاخذك رحمه في غشام هههههههههههه اصلخه تراه يستاهل الصلخ والتعليق

ابو فيصل صح بدنك ولاهنت على الحضور والمتابعه

شيخة الغيد صح لسانك وصح ذوقك يالمبدعه

رحيل ياهلا والله ويسعد صباحك ويسعد حضورك

[هماليل]

صح لسان الجميع
وكل عام وانتم بخير
وطابت أوقاتكم بالسعادة

[محمد الغنامي]

اهلا هلا ياشاعرتنا هماليل
يامرحبا بك عقب طول غيابك

غيبتك عن سجن البدع والتماثيل
خلا بداخلنا هواجيس ! مابك

ندعي لا امورك ياعساها تساهيل
وجعلك بخير ولاش مكروه صابك

[هماليل]

صح لسانك يابو بندر وهلابك زود
لاعدمتك يالطّيب ...
وستكون لي عودة لسجن الأدب

[محمد الـفراج]

صح لسانكـ يابو بندر مبدع يالجزل

يا مرحباء يا هـــمــالــيــل منوووور السجن وين الغيبه

[هماليل]

هلابك زود يابو فيصل
والنور نورك
وهذا حنّا رديّنا ...

[رحيل]

صبااااحكم ورد
,,
ابو عبيد ابو بندر صحت الالسن

منوره شاعررتنا هماليل اخر الغيبات ان شاء الله

[غزلان]

السلام عليكم وكل عام والجميع بخير ~
وهلا وغلا بالجميع وتقبل الله منا جميعااا شهر رمضان واعتق رقابنا من النار ~
واعذرونا ع الغياب اهل ابها عندنابرمضان واحنا عندهم بالعيد هههههههههه~
ع العموم منورين السجن وهلا وغلا بالجميع ~
وحياك ي غشام في السجن بشمر عن ساعدي واحط حرة كرف رمضان فيك هههههههههه~
ودي وتقديري للجميع ~



وهاذا اهداء للجميع ~


https://youtu.be/uh91uH3-lZQ

[محمد الغنامي]

صحت ابدان الجميع

ياهلا والله وغلا ياغزلان
كل عام وانتي بخير وصحه وسلامه
واهم شي انك بخير

[رحيل]

الكتابة تفضح إحسآس السكوت
السكوت شعـور غربة وإغتراب

المفارق كسرةٍ من دون صوت
التمنّي مرحلة بعد السراب

[شيخـــة الغــيــد]

السلام عليكم ورحمة الله وبركاته
الله يصبحكم بالخير والطيب والسعادة وراحة البال

صحت ألسنتكم ودامت أنفاسكم عاطرة في سماء رواسي نجدنا

ومرحبا بــ الجميــــــــــع منورين

/


https://lh3.googleusercontent.com/-htf_AJRJcL4/VL3deR9VDqI/AAAAAAAAEx8/aWkaUeTjQoE/w530-h476-p/2015%2B-%2B1

[شيخـــة الغــيــد]

/

لــــــــــو التمنـى ينفـع اللـى يتمنــــون
مـا صـار بالدنيـا ولا يـــــوم فرقــــــــــــا

ولاشفت مخلوقن مع الـــــوقت محزون
ولاصارت عيونه من الدمـع غــــــــــرقـا

ولاشفت من يشكى من الظيم محزون
ولا شفت كلـن فـي لياليـه يشقـــــــــا

ولاشفت مضنونن شكا فراق مضنـــون
ولا ينحمس قلبه على فـراق عنقـــــــــا

وياناس بالفرقا معـى وش تقولــــــــون
ماهى بنارن تحرق الجـوف حرقـــــــــا



مجرَّد ذووووووق

[رحيل]

وعليكم السلام ورحمة الله وبركاته
شيخة الغيد صباحكِ رضا وسعاده يارب
،،
،
نكتم شعور قلوبنا من حيا الروح
دام الأماني بالمحاني كثيره

احيان نطريها على البال وتروح
واحيان تطغى بـالخفوق وتثيره

[شيخـــة الغــيــد]

/


يقــــــــول :

سآفر بقلبي وين مَ رحت ويّااك
دامه معك مآني بـ خايف ضيآعه

لكن بشرط الله يحفظك ويرعآك
كل يوم كلمنـي ولـو ربـع سآعة



وَ

أقوووووول :

القلب من بسمــــة محيّآك لبّــاك
ياللي نبض لك خافقي حب وإجلال

لـو كـآن مَ بين البشر حل ماجالك
غير الخفووق اللي تنومــس بلقيـــاك

/


وسلالامتكم




https://s3-eu-west-1.amazonaws.com/edgecast-upload/PE/2011/12/26/06/hahetaare4km-1.jpg


http://scontent.cdninstagram.com/t51.2885-15/s480x480/e35/12960184_1765670920385732_785651204_n.jpg?ig_cache _key=MTIzNjMwNTQyNzA5ODk5NTQ0OA%3D%3D.2

[شيخـــة الغــيــد]

أهلا بك رحيل الله يسعد صباحك غاليتي بالورد والطيب

/


قالوا سَلاَ قلبُه عن حبِّهم وغدا ** مُفرَّغَ الفكرِ منهم خاليَ البالِ
قلتُ اثبِتُوا أن لي قلباً أعيشُ به ** ثم اثْبِتُوا أنه عن حبِّهم سالِي
}


http://up.movizland.com/uploads/13413140369.gif

[ناصر الهواوي]

مساء الورد وسلامي للجميع فردا فرد
اهلا ياهماليل وحياك الله وفاقدينك لكن من حضر ماغاب كما يقال وكل عام وانتي بخير
اهلا يابو بندر وصح لسانك وبدنك
اهلا ياشخيه وما نعدم هالحضور الرائع والمشاركات الفاخره
اهلا يارحيل وحضورك رائع ومشاركاتك فخمه
ــــــــــــــــــــــــــــــــــــــــــــــــــ ــــــــــــــــــــــ


السجن يا حزب المدمر خلاوي=وقررت سجنة ريس حزيبكم فيه
جره خفير السجن بامر الهواوي=وقل له قرار ولا بيدي تلافيه
طاري طرا ما كنت من قبل ناوي=حزبٍ بقي به روح حبيت اصفيه
والا الرعد نجمه من العام هاوي=صفاه ابن فراج ربه يعافيه
من مجمل الاحزاب باقي شلاوي=والعاصفه هي من رست في مرافيه

[مهرة يام]

*على رجا لهفة مواصيلك /
صمتي بشوقي ما منع بوحي ،

من كثر ما آحبك .. و أدعي لك /
سجيت حتى لادعي لروحي

كل البشر بانواعها تملك احساس /
لا يغرك اللي ما بعد جاك يشكي ،

ترى اللي يضحك دايم ويسعد الناس /
لو سولف وقال الحقيقه .. بتبكي

[مهرة يام]

*انت المساء اللي احبه .. لحالي /
وغيره من الاشياء ما همني شي ،
مسامعي تضمى وصوتك خيالي /
امطر عليها من حلا صوتك شوي


******************

اتصل .. طمنّ من يحبك لحالك /
انت بعيوني حلا العمر ومتاعه ،

آه لو تدري وش يسويّ .. اتصالك /
كان يمكن تتصل لي كل ساعه
***************
*ما دام حبك سر والسر مكبوت /
خلك هنا فالقلب .. وش دخّل الناس ،
لو ضمة ضلوعك يجي عقبها الموت /
لا آضم صدرك دام باقي لي انفاس

[ناصر الهواوي]

اهلا يالمهره وتسلمين ع الحضور والمشاركات الكايفه
ــــــــــــــــــــــــــــــــــــــــــــــــــ ـــــــــــــــــــــــــــــــــــ


زوروا مقام المنسجن ليل الاثنين=مروه في حبسه وانا ازور داره
لنه من رجالٍ عزازٍ مسمين=لغنام رايات الفخر في جداره
وحزيبهم للعاصفه ما ملا عين=مثل الرعد ماعاد يقدح شراره
والا حزيب سعود ضمن المولين=حتى لو ان براس راسه نعاره
محمد العواد ياربعنا وين=من يوم عايدنا وحن في انتظاره
قرناس الحرار اللي يرف الجناحين=وينه عسى الوسمي يسقي دياره
نصف الميه ياريس الرعد خمسين=ولو قسمت الخمسين صارت خساره
يالدنيش للعالم زوروع وبساتين=واشغال واسفار ولديهم تجاره
وغزلان بعد العيد فايت اسبوعين=مابينت بمشاركات او زياره
ياشاعرة نجد اتحفينا اب بيتين=بالمفردات النادرات العباره
ويامن لها مع اسمها الواضح اسمين=قبل ازهمه باصلي الاستخاره
وسامي ومنهم للرواسي مساجين=ولاودي النشده تحول طراره

[شيخـــة الغــيــد]

/

أسعد الله مســـــــــــــــاكم

صح لسانك مليووووون يابوعبيــــــــــد ولاهان منطوقك


صحت الأذوااق رحولة ومهوورة
ودام الحضور الجميل من الجميع

/


المسجوون الغنامي !! >> اررحب

/

تسالي


الزعل لو باعد قلوب الأحبة ..
مازرع بقلوبنا غير التراضي .!
كل عاشق بالوفاء نبضات قلبه ..
يكرّم الزلات بعيون التغاضي .!

/


داعب لي الاوتاار يااعازف العود
روحي دهر وعروق قلبي ضماياا

ضامي نغم والباال ضايق ومصدود
والشوق شب النار بين الحنااياا

/

https://pbs.twimg.com/media/BotJ9VuIYAAbFLv.jpg

[غزلان]

يسعد مساكم وصحت السنتكم جميعا واذواقكم ي مبدعين ~
زعيمنا نحن هنا هههههههههه~
الحين مين المسجون غشام والا غنوم ههههههههه~


ياريس الحزب طالع السجن زين ~
حنا لفينا من بعد العيد بزياره ..

رجعنا لدروب الشعر ولحزبنا وافين ~
وعاصفتنا اعتلت القمه بجداره ..

تركناالاحزاب تصفق شمال ويمين ~
ورحلوا من عنبر السجن بخساره ..


وسلامتكم جميعاااا ~
ودي وتقديري للجميع ~

[مهرة يام]

اهلا يالمهره وتسلمين ع الحضور والمشاركات الكايفه
ــــــــــــــــــــــــــــــــــــــــــــــــــ ـــــــــــــــــــــــــــــــــــ


زوروا مقام المنسجن ليل الاثنين=مروه في حبسه وانا ازور داره
لنه من رجالٍ عزازٍ مسمين=لغنام رايات الفخر في جداره
وحزيبهم للعاصفه ما ملا عين=مثل الرعد ماعاد يقدح شراره
والا حزيب سعود ضمن المولين=حتى لو ان براس راسه نعاره
محمد العواد ياربعنا وين=من يوم عايدنا وحن في انتظاره
قرناس الحرار اللي يرف الجناحين=وينه عسى الوسمي يسقي دياره
نصف الميه ياريس الرعد خمسين=ولو قسمت الخمسين صارت خساره
يالدنيش للعالم زوروع وبساتين=واشغال واسفار ولديهم تجاره
وغزلان بعد العيد فايت اسبوعين=مابينت بمشاركات او زياره
ياشاعرة نجد اتحفينا اب بيتين=بالمفردات النادرات العباره
ويامن لها مع اسمها الواضح اسمين=قبل ازهمه باصلي الاستخاره
وسامي ومنهم للرواسي مساجين=ولاودي النشده تحول طراره

هلابك زوود يازعيمنا منور السجن
وصح لسانك ملايين

[مهرة يام]

هلا شيخه الغيد
صح ذووقك يالغلا
هلا غزلان منوره يالدوبه وين الغيبه
صح لسانك ملايين

[النجلاء]

السلام عليكم ورحمة الله وبركاته
كل عام وانتم بخير
عيدكم مبارك وعساكم من عواده
تقبل الله منا ومنكم صالح الاعمال
كيفكم يالرواسي عساكم بخير جميعاً والله لكم وحشه يالغوالي

[رحيل]

وعليكم السلام ورحمة الله وبركاته
ياهلا وغلا والله
وانتي بخير وصحه وسلامه
علينا وعليك يتبارك
منا ومنك صالح الاعمال يارب
بخير جعلك بخير بشرينا عنكِ شلونك
انتي وحشتينا اكثر والله ياغاليه

[الجووهره]

صباح الخيرات

ويعطيكم العافيه جميعا

وهلا بك مليون نجولتنا الغاليه

وكل عام وانتي بخير وصحه وسلامه

منوره بعد الغيبه اشتقنا لك يا الغاليه

الله يسعدك ويحفظك ولا يحرمنا من وجودك

[الجووهره]

يسعد مساكم وصحت السنتكم جميعا واذواقكم ي مبدعين ~
زعيمنا نحن هنا هههههههههه~
الحين مين المسجون غشام والا غنوم ههههههههه~


ياريس الحزب طالع السجن زين ~
حنا لفينا من بعد العيد بزياره ..

رجعنا لدروب الشعر ولحزبنا وافين ~
وعاصفتنا اعتلت القمه بجداره ..

تركناالاحزاب تصفق شمال ويمين ~
ورحلوا من عنبر السجن بخساره ..


وسلامتكم جميعاااا ~
ودي وتقديري للجميع ~





هلا بك غزوووله ويسعد ايامك منووره بعد الغيبه

وكل عام وانتي بخير بعد الزحمات هههه

واخر الغيبات ان شاء الله

وصح لسآنك

ودمتي مبدعه

[الجووهره]

يا ورد ،روح لاهل القلوب ،الوفيه
عانق سماها تنجلي كل الاحزان
.
كل القلوب ،اللي بها ،حسن نيه
تستاهل اهديها من الورد بستان

وصبآآآحكم وررررد

[ناصر الهواوي]

اهلا يالنجلاء وحياك الله وعودا حميد وعافيه وصحه وعيد مبارك واعمال مقبوله وذنوب مغفوره للجميع ان شاء الله
اهلا يالجوهره وحياك مولاك
اهلا ياغزلان انا ما ادري من المسجون اذكر قبل رمضان قرناس الحرار لكن عفا الله عما سلف ونعتبر بدينا دوره جديده والغنامي اعتقل وتمت كلبشته هههههههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــ


الجسم صار بواد والفكر في واد=جسد وصارت كل حته بوادي
لاعاد وقتٍ به صدفنا ه لاعاد=من يوم عرفه والمصايب عوادي
لابالجفا صارح ولا اوفى بميعاد=وله لاشكيت ايقول ذا شي عادي
مكونات الحب يالشاطر اضداد=وان صار كله حلو في سرع بادي
حنضل وشهد ولطف في عطف وعناد=ومن بينهن يحلو طعم الودادي

[النجلاء]

هلا بالمهلي يابو عبيد
وعساك من عايد العيد واليوم السعيد
صح الله لسانك ودام ابداعك شاعرنا

[محمد الغنامي]

اهلا يالمهره وتسلمين ع الحضور والمشاركات الكايفه
ــــــــــــــــــــــــــــــــــــــــــــــــــ ـــــــــــــــــــــــــــــــــــ


زوروا مقام المنسجن ليل الاثنين=مروه في حبسه وانا ازور داره
لنه من رجالٍ عزازٍ مسمين=لغنام رايات الفخر في جداره
وحزيبهم للعاصفه ما ملا عين=مثل الرعد ماعاد يقدح شراره
والا حزيب سعود ضمن المولين=حتى لو ان براس راسه نعاره
محمد العواد ياربعنا وين=من يوم عايدنا وحن في انتظاره
قرناس الحرار اللي يرف الجناحين=وينه عسى الوسمي يسقي دياره
نصف الميه ياريس الرعد خمسين=ولو قسمت الخمسين صارت خساره
يالدنيش للعالم زوروع وبساتين=واشغال واسفار ولديهم تجاره
وغزلان بعد العيد فايت اسبوعين=مابينت بمشاركات او زياره
ياشاعرة نجد اتحفينا اب بيتين=بالمفردات النادرات العباره
ويامن لها مع اسمها الواضح اسمين=قبل ازهمه باصلي الاستخاره
وسامي ومنهم للرواسي مساجين=ولاودي النشده تحول طراره



الله الله
ابو عبيد صح لسانك مليون يالجزل
ماعلاك زود يابو عبيد ... بس تراء ريس حزب المدمر النجلاء ماهو انا ههههههههههههههههههههههههههه

[محمد الغنامي]

هلا بالجميع في محل الجميع
ابو عبيد صح لسانك
النجلاء ياهلا والله وغلا ومنوره يالاميره
شيخة الغيد صح لسانك وصح ذوقك
المهره صح ذوقك وصح كلك
الجوهره صح ذوقك وصح كلك
رحيل صح ذوقك وصح كلك

هالحين ريس حزب المدمر هو النجلاء ماهو انا هههههههههههههههههه يعني هي المسجونه وش دخلني تسجنوني

[محمد العواد]

مساكم الله بالخير والرضاء
كل وعام وانتم بخير جميعاً
كيف حالكم يالرواسي
افتقدناكم وها نحن نعود
لكم بكل لهفه واشتياق


كلّ عام(ن) وانتم بخير وسلامه
يا كثر ما نفتقدكم يا رواسي

كل مبدع نال قدره واحترامه
منزله من طيب راسه فوق راسي

ومثلي يبطي ما يوفيكم كلامه
ما كفاه من الزمن عامٍ دراسي

اسمحو له كان بغيابه غرامه؟
يطلب لبيض المعاذير التماسي

[النجلاء]

الغنامي ~ رحوله ~ الجوهره
لاخلا ولا عدم والنور نوركم يالغوالي
العواد ياهلا ومرحبا بك وصح الله لسانك شاعرنا
وكل عام وانت بخير

[مهرة يام]

هلا بنجوله منوره السجن يالغلا
هلا يالعواد منور السجن
وانت بخير وصحه وكل عام وانت طيب
صح لسانك ملايين

[مهرة يام]

وعيني اللي كل ما ذعذع من الغرب هبوب
يحلا لها لون الغروب اللي يذوب قبالها
ويا ويل حالي كل ما يحلالها لون الغروب
تطري لي الريم اللعوب وسالفة ترحالها
وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها
من سافرت ريم الفلا صديت عن كل الدروب
ما هو قصور بالعذارى بس ذيك لحالها
من فارقتني ما خطف قلبي من الحور محبوب

[مهرة يام]

ليه اتجاهلني وانا لاني جبان ولا كذوب
ليه ارخصت دمعي وانا اللي ما بكيت الا لها
ما ترحم اللي له سنه كأنه على النار محطوب
ما هزها دمع الفقيد اللي بكته أطلالها
ما خافت تهدم السنين اللي بنتنا طوب..طوب
ما فكرت تشفق على حالي وترحم حالها
قولوا لها لو ما تذوب انا بخليها تذوب
قولوا لها لو ما عنت لي مستعد اعنالها

[ناصر الهواوي]

ابو بندر الاعمال بالنيات والسجين انت سوى كانت النجلا زعيمه او نايبه او العكس وبلاش شطاره ياشاطر وهي حقها باقي
اهلا يالعواد وعدت العيد والنهار السعيد وصح الله لسانك بس لكل شي حدود الغياب والصبر تقوله ام كلثوم ههههههههههههههههههه
المهره هلابش وبتساليش الرائعه العاصفيه

ــــــــــــــــــــــــــــــــــــــــــــــــــ ـــــــــــــــــــــــــــــــــــــ


ارجوك لامني زهمتك عقب ماصبري نفد=لاتقول انا ناوي قبل تزهم عليِّ ازهم عليك
مضى شهر قبله شهر وايام ما احصيها عدد=ايلي مد الوصل صاير وانقطاعه صار ليك
ومع ماجرى ياحيف اشوف انك تغاباني بعد=تبت يدين ظنونك القشرا ولاتبت يديك

[محمد الغنامي]

ههههههههههههههههههه طيب طيب

صح لسانك يابو عبيد
محمد العواد صح لسانك وياهلا والله فيك عساها اخر الغيبات
وصح لسانك يالمهره ذائقه جميله


اصبرو علي للقايله
الجنيه ماتجيني غير القايله الله لا يبلانا ههههههههههههههههههههههه
ان ماطرحني النوم عنها ابشرو بالخير


قالت مساء الخير قلت الله يسعد مساك
ياغاية الروح واغلى من سكن داخلي

ابوك انا اللي ملكني يا(.) غلاك
عقب ان قلبي من جروح المحبه خلي

قالت علامك وش اللي يامحمد بلاك
قلت اشهد انه محمد فعلاً اللي بلي

قدام اشوفك واعرفك وانشبك في هواك
كني من فروخ شيهانٍ وحش وجبلي

ومن عقب شفت الرموش اللي تجيب الهلاك
ماعاد اسرح بعنزيينٍ خوات وطلي

[النجلاء]

هههههههه صح الله لسانك يابو بندر
والله يعينك

[مهرة يام]

ههههههههههههههههههه طيب طيب

صح لسانك يابو عبيد
محمد العواد صح لسانك وياهلا والله فيك عساها اخر الغيبات
وصح لسانك يالمهره ذائقه جميله


اصبرو علي للقايله
الجنيه ماتجيني غير القايله الله لا يبلانا ههههههههههههههههههههههه
ان ماطرحني النوم عنها ابشرو بالخير


قالت مساء قلت الله يسعد مساك
ياغاية الروح واغلى من سكن داخلي

ابوك انا اللي ملكني يا(.) غلاك
عقب ان قلبي من جروح المحبه خلي

قالت علامك وش اللي يامحمد بلاك
قلت اشهد انه محمد فعلاً اللي بلي

قدام اشوفك واعرفك وانشبك في هواك
كني من فروخ شيهانٍ وحش وجبلي

ومن عقب شفت الرموش اللي تجيب الهلاك
ماعاد اسرح بعنزيينٍ خوات وطلي


الله الله ابو بندر
صح لسانك ابيات رووووعه
ههههههههههههههه

[ناصر الهواوي]

صح لسانك يابو بندر ولاخير بيت القصيد هههههههههههههههههههه لكن السجن اكيد له تاثير على نزيله
وابوك لاتشتمت من هالوضع وش بلاك=وش لك برمشٍ مضل وجسمٍ امعزلي
ومادام تحفظ حلالك هالزمن ماعلاك=مافيه قلبٍ سليم من النوازل خلي
ولامن ورا الحب هالايام غير الهلاك=ان ما استطعته فخل الحب يالقرم لي

[ناصر الهواوي]

قالت مسا الخير(الخير ساقطه سهوا)
وعنزين وشاه وطلي لجل يصير لوجود الطلي مبرر هههههههههههههههههههههههههههههههامزح

[ناصر الهواوي]

للهوا مع طلعت الجوزاء لهيب=وللوطا من حر لاهبها التهاب
حكمةٍ للي على خلقه رقيب=مذري رياح الهوا منش السحاب

[مهرة يام]

صح لسانك يابو عبيد
ابيات رائعه لاهنت

[محمد الغنامي]

للهوا مع طلعت الجوزاء لهيب=وللوطا من حر لاهبها التهاب
حكمةٍ للي على خلقه رقيب=مذري رياح الهوا منش السحاب


جل شانه خالق الكون العجيب
من فياض ومن عبال ومن هضاب

[محمد الغنامي]

ابو عبيد صح بدنك وصح لسانك .. المهم ان المعنى واضح وبس ههههههههههههههههههه
وملاحظتك في محلها ( الخير ) صقط سهواء

النجلاء صح بدنك ولاهنتي حضورك اسعدني

المهره الاصيله صح بدنك وصح حضورك

[رحيل]

يسعد مساكم
ابو عبيد صح لسانك ابو بندر صح لسانك

[محمد الغنامي]

مساء النور والسرور
اهلا يارحيل وصح بدنك
بس هذي ماتكفي نبي تسالي

[ناصر الهواوي]

آااااه هههههههههههههه
اهلا يارحيل

ــــــــــــــــــــــــــــــــــــــــــــــــــ ـــــــــــــــــ


تبي التسالي اصغ واسمع تسالي=من شاعرٍ ما فيه شيٍ يسليه
من عقب فرقا ذاك ياوجد حالي=وجد الذي يبكي على قبر غاليه
جالس يشوف الرمل فوقه يهالي=ويسترجع ايامه ويذكر لياليه
ايقنت في فرقاه ياهمالالي=ولانيب مفصح كيف صارت ولا ليه
له منزلٍ بين المحاديب عالي=وكانت تكاليف البنا منه وايليه

[ملكة الرواسي]

السلام عليكم
يسعد لي صباحكم
لا هنتم جميع

[رحيل]

مساء النور والسرور
اهلا يارحيل وصح بدنك
بس هذي ماتكفي نبي تسالي

تسلم يابو بندر المهلي مايولي
وجودي هنا يكفي عن التسالي ههههههههههههههههه
ابشروا بالتسالي وان شاء الله يروق لكم ذوقي (:

[رحيل]

يا مناديب المحبّه ونسناس الهبوب
فيك ما يشفع لـ دمعٍ رفع لك رايته


تبت من حبه وقلبي معيي لا يتوب
مفلسٍ لا تاب منه ولا ادرك غايته

[رحيل]

لوف قلبي من غرامك وصلفات الظروف
لوف ضوٍ في الهبايب ولا معها ذرا

ولعوها اللي على الطيب يرهون الكفوف
قصدهم في تالي الليل تجذب من سرا

[محمد الغنامي]

الله الله
وجودك نوماس ورفع راس يارحيل
وتساليك على الجرح كلها
صح ذوقك ياذوق

[رحيل]

تسلم عسى عمرك طويل ،،

،،
،
والله يسعد صباحكم بكل خير

[ناصر الهواوي]

اهلا بالجميع والخير مصبحكم وممسيكم
تسلاية رحيل ذكرتني بابيات لبخيته المريه والمعروفه ببخوت
تقول
كن في قلبي سنا نار بدوٍ نازلين= ولعوها بالخلا والهبوب اتلوفه
ومنها
عيدو بي بالخلا والعباد معيدين= وكل عذرا زينت بالخضاب كفوفها
ول عودٍ كان ما ترحم القلب الحزين= جعل ذودك في نحا قوم وانت اتشوفها
ياجماعه وان عرضتم علينا راحلين =غمغموني عن مظاهيركم لااشوفها

ــــــــــــــــــــــــــــــــــــــــــــــــــ ـــــــــــــــــــــــــ


وانا من بعدهم كن بالجوف تشعم نار=وكن الشناذر وسط عيني يذرونه
يخم العيون النوم وليا بغنه طار=اسبوع المفارق مايعرفن وش لونه
يا اهل النضم بالله لاتشحون بالاشعار=فوزوا باجر ملتاعٍ بقافٍ تسلونه
كسر خاطره غاليه مع سابق الاصرار=بلا ذنب لكن الغلا صدق ظنونه

[رحيل]

صح لسانك يابو عبيد

[محمد الغنامي]

صح لسانك يابو عبيد مبدع كالعاده


شيله
راقت لي كثيراً
اتوقع بيصير لها ذائقه اكثر لديكم

https://youtu.be/zdmeHKfFtKw

[ناصر الهواوي]

الايام ما تعطيك وقتٍ تفرفش فيه=ليا بش وجه بفرفشه جات بمطمه
عليها عهد ماناعم والا وهي تحفيه=وخبري بها لاعاهدت لازم اتمه
لها شق جيبٍ ما احدٍ قادرٍ يرفيه=سعدها نزر لكن مصيباتها جمه

[محمد الغنامي]

موضوع مهم

http://www.r111n.com/showthread.php?t=37069

[رحيل]

ابو عبيد عظم الله اجركم واحسن عزائكم

[النجلاء]

الله يرحم أبو مشعل ويسكنه فسيح جناته
أبو عبيد
احسن الله عزاك وعظم الله اجرك واجر اسرة الفقيد
والله يغفر له ويرحمه بواسع رحمته ان شاء الله

[محمد العواد]

((النفس)) في جو احاسيس الهوى حامت
مع حومة الحوم حامت حوم شيهانه


شيهانةٍ ما استقرّت بـ..ارض ولا دامت
في ديره الا تعلّت روس جيلانه


وحَشْ من الربط والبرقع فلا انظامت
من صيد زِرِقْ الغَلَبْ صنيع وفسقانه


لك بالهوى يا كثر ما حامت وهامت
وأمست على شوفك ولقياك ولهانه


- نديم القوافي -



الحضري/هـ : مع احترامي للحَضِرْ ههههههههه

اللي ما يعرف وش هي " زِرِقْ الغَلَبْ "
يسأل عبدالله ابن عون ولا محمد الخس ويعلمونه
طبعاٍ هي _ هي الحباري _

[ناصر الهواوي]

اهلا يارحيل وجزاك الله خير
كنت عنده ثاني العيد العصر الله يرحمه يقول ابا اروح للرياض عندي ولدي علي ملكه على قرنيه
اهلا يالنجلاء وجزاك الله خيرا
ارحب يابو سيف وصح الله لسانك رائعه جدا
ــــــــــــــــــــــــــــــــــــــــــــــــــ ــــــــــــــــــــــــــــــــــــ
ولي عوده ان شاء الله بس ليت تزين النفسيه شوي ههههههههههههههههههههههههههه

[مهرة يام]

الله يرحمك ياابو مشعل ويغفر لك
وعظم الله اجرك ياابوعبيد واجر اسرته
والله فقده خساره كبيره ولكن الحمدلله على كل حال

[محمد العواد]

نسأل الله أن يرحمه ويغفر له ويجعل مثواه الجنه
وأن يجبر مصابكم ويعظم أجركم يابو عبيد

[الجووهره]

الله يرحمه ويغفر له. واموات المسلمين

وعظم الله اجرك الهواوي والجميع.

[الجووهره]

((النفس)) في جو احاسيس الهوى حامت
مع حومة الحوم حامت حوم شيهانه


شيهانةٍ ما استقرّت بـ..ارض ولا دامت
في ديره الا تعلّت روس جيلانه


وحَشْ من الربط والبرقع فلا انظامت
من صيد زِرِقْ الغَلَبْ صنيع وفسقانه


لك بالهوى يا كثر ما حامت وهامت
وأمست على شوفك ولقياك ولهانه


- نديم القوافي -



الحضري/هـ : مع احترامي للحَضِرْ ههههههههه

اللي ما يعرف وش هي " زِرِقْ الغَلَبْ "
يسأل عبدالله ابن عون ولا محمد الخس ويعلمونه
طبعاٍ هي _ هي الحباري _



رووووووعه

صح لسانك شاعرنا

ومشكور على التوضيح. للحضر هههههه

[رحيل]

لولا الامل ما بقى بالدنيا رجاوي
لولا الامل محد(ن) بهالدنيا سلا
لولا الامل ما اسفرت سود الهقاوي
و اشرق شعاع النور والغيم انجلا

لولا الامل ما كان للعله مداوي
لولا الامل ما رفرف الطير و علا
لولا الامل ما كان للعثره تقاوي
و اثمر نخيل الخير في رمل الفلا

لولا الامل ما كان للبسمه طراوي
لولا الامل ما قيل للفرحه هلا
لولا الامل ما عاد به شي ( ن) يساوي
و الحزن غطى الكون و العالم خلا

[الجووهره]

روووعه رحووله

يسلم ذوقك

[الجووهره]

[ أشتــاق ] له .. لـو يسـرق العمـر .. ويغيــب
وأحتــاج له .. لـو شـح فيـني .. زهـابـه

مثـل [ المطـر ] .. لاغـاب نـدري وش يجيـب
الأرض تحتـاجـه سحـابـة .. سحـابـة

يكفيـه خـلاّ الضـد فيـني .. مطـاليـب
أمــوت فـي [ وصـله ] .. وأمـوت بـ [ غيـابـه ] .. !!

[الجووهره]

ذبول الورد وش يعني ويعطـي لإنكسـار الـدوح
............ إذا بــات الجـفـى بـأرضــه وخـيــم فـــي صحـاريـهـا
عسى الله يكتب الخيره ويفتح بالأمل مصلوح
........... ويسـعـد بـالـرجـاء حـــس المـشـاعـر فـــي طـواريـهـا

[الجووهره]

يارفيق الحرف بنشدك والدمع ھــــمال
اللي كســــير القـــلب يآكيف جبره


خلى الدھر قَلبــي للأوجاع مدھــال
وضيّق على طير المعاليق وكـــرھ

[غزلان]

الله يرحمك يابو مشعل ويسكنك فسيح جناته وعظم الله اجرك يالهواوي وجعلها المولى اخر الاحزان ياااااارب ��

[محمد الغنامي]

بالله بالله نادو من يسليني
اليو طفشان ومحزن ووحداني

الضيق يرسل على صدري نياشيني
اودع الضيق ثم استقبله الثاني

[ناصر الهواوي]

سجينكم في هالمسا وش امضيقه=الله يسامح من يسبب له الضيق
وله السعد الله يسهل طريقه=وحظٍ غفى عله من الغفوه ايفيق
وعسى رفيق ايلم شمله رفيقه=ويطرب ويتحفنا بحلو الطواريق
ان كان هجسه من شقى يبس ريقه=يغشن بوابل وصل ويجم له ريق

[ريح المسك]

يا مسهرني وأنت على بالي ... وخيالك ما يفارق عيوني

[محمد الغنامي]

اهلا بالجميع
صح لسانك يابو عبيد وعافاك ربي

ريح المسك صح لسانك ومنور المكان

رحيل صح ذوقك ياقمة الذوق

[ناصر الهواوي]

اهلا يابو بندر وصح بدنك
مرحبا ياريح المسك
الظاهر ان طلوعك مع طلوع الجوزاء هههههههههههههه


تفكير ريح المسك حلو وخيالي=وقافه على مافيه وقعه جنوني
ايقض شعور مانسيته فبالي=ورفت لذكره وارمشت له عيوني
يابعد بعده بس كنه قبالي=مع قرب قربه سد دونه ودوني
لوهو مسلح والبنا فيه عالي=وطوق بشايك لجل خلي يهوني
لكن هجر وياس له شان فالي=اذكت لهيبه كاذبات الظنوني
يغنيك حالي بعدهم عن سؤالي=وافصح كلام اقره برمد العيوني

[ملكة الرواسي]

يعطيكم العافية ولا هنتم جميع


.

مساءكم شعر


يـــمه احس في صدري عـــذاب وحـــريقه ...


يمّه عسى ما أزعجتـك اليوم يمّـه..

أحس في صدري عـذاب وحريقـه .



يضمني حزني وأنا حيـل أضمـّه ..
كنه ضناي وشوفته شـوف ضيقـه ..




يمه وأنـا بنتك وإذا قلـت يمـه ..
شوفي لحزنـي والمواجـع طريقـه ..



ضميني لصـدرك ثمانيـن ضمـه ..
ضمة عشيـقـ (ن) مفـارقن عن عشيقـه ..



وكانك سألتي خاطري ويش همـه؟ ..
بعلمـك وأبـي جـواب الحقيـقـه ..



ليه الزمان اليوم مافيه ذمه؟!!
وليه الطعون اللي بظهري عميقه ؟!!



وليه أنخدع في ناس كانت مهمه ؟!!
ويوم أكتشفها وهم ماله حقيقـه ؟!!



وليه الذي وقت الرخـا كـان قمـه ..
و وقت الشدايد مالقينا طريقـه ؟!!



وليه الحسد يمي من عيون عمه ؟!!
وليه الخطا لو قلت كلمة رقيقـه ؟!!



أزيـد يمـه وإلا كافـي مغمـّه ؟!!
أشوف عينك مـن هماهـا غريقـه ..



يمـه دخيلـك آسـفـة


آآه يـمـه ..




كنـي جرحتـك وأنـتـي أغــلا رفيقه ..
:crying::crying::crying:

[ناصر الهواوي]

روعه ياكنقة الرواسي هالابيات المفعمه بالاسى لاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــ

[النجلاء]

صح الله لسانك يابو عبيد
وصح الله لسانك يابو بندر
ريح المسك ياهلا ومرحبا بك وكل عام وانت بخير
ملوكه يسلم ذوقك الراقي ياذوق

[النجلاء]

ارجع وطمني عن احوالك وروح=ماجاء لقلبي من غيابك يكفي
لو يصبر العاشق عن البوح والنوح=ماراح عمره في انتضار المقفي
ان جيتني مسموح والذنب مدموح=وش عاد ابي لاصار كفك بكفي
باب الوصل لرضاك لازال مفتوح=ارجع قبل لايخلف البعد شفي
روحي معك ياروح مابعدها روح=لوكنت عن وجه الوصال متخفي
القلب في برد الجفا كله جروح=من عقب ماهو في مداك متدفي
عنيت نفسي بالهواء دون مصلوح=كم قلت يانفسي عن الحب عفي
جور الهواء ماهو سواليف ومزوح=كم حي من فعل الغرام متوفي
وانا هويت وغرني برق يلوح=وهفيت محدن ردني من مهفي
وأصبحت في ظلما الهواء في رجاء ضوح=احايل الجافي لعله يوفي
أخذت منك النوح واعطيتك البوح=ولارسى حلم رسمته بصفي
واليوم علمني عن احوالك وروح=الله معك دامك مقفي مقفي

الشاعر مرزوق الروقي

[ناصر الهواوي]

صح لسان الروقي ويسلم ذوقك يالنجلاء قصيده من الوزن الثقيل لاهنتي

[ناصر الهواوي]

تسالي فقط
وين السجين ووين مسؤول الامن والزايرين=ووين استشاري القلوب اللي سمع وناتها
يكتب لها وصفة علاج جروحها والله يعين=لصيدلاني الغرام ايقول له رح هاتها
للي يعاني من سهوم رموشها وقتٍ ثمين=اسرع /ثواني هالقلوب يسابقن دقاتها
لحظة وصل تمحى معانا هجر فيها له سنين=وكلمه تجي من غير ما مقصد تزيد آااهاتها
لياقمت افكر بالخوالي ينتبش جرحٍ دفين=ثم ابتسم لفراحها واجظ من لوعاتها

[قرناس الحرار]

كل عام وانت بخير يابو عبيد
وصح لسانك

[مهرة يام]

صح السنتكم وصحت اذواقكم
هلا ريح المسك وكل عام وانت بخير

[ملكة الرواسي]

يسعد لي صباحكم
ولا هنتم جميع
دااااااام نبضكم الراقي

[غزلان]

الله الله مبدعين وجزلين ي الرواسي لاحرمنا الله هذا الابداع والتواجد المميز ~

صحت السنتكم جميعاااا وصح الله لسانك شاعرنا المبدع ناصر الهوواوي ~

‏مَ عطيتك إلا وأنا قد العطآ..
‏وماتركت إلا وأنا قد الفراق~

مما راق لي ~

[ناصر الهواوي]

المهره
الملكه
غزلان
هلا ومرحبا فيكن ودام حضوركن الرايع
هالبيت ياغزلان يروع صح لسان من قاله بليغ جدا هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
اهلا ياقرناس الحرار وانت طيب ودنا بمشاركاتك يالغالي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


شطحه
والله ما ادري كيف وليه جت هههههههههههههههههههههههههه


اشوف العمر انا/ساعه وساعه=لها نركن وهي دايم مريبه
الى العشرين من وقت الرضاعه=زماليقٍ على غصنك رطيبه
براءه عيش شفاف ونصاعه=سوالفها طواريقٍ طريبه
وعام ويبتدي عصر للكاعه=يجر عواه باقصى الريع ذيبه
وكلٍ جاه زاده من متاعه=حنيني فيه والا به صريبه
واحد عنده عن الزله مناعه=واحد يبلش بتوهاته طبيبه
لو القى مشتري وادفع قماعه=بمالي فات واقطع له ضريبه
مادام الصبر عندي مات ناعه=ومن لي عون صارت لي حريبه
بعد عيش الرغد ما ارضى المجاعه=ماعاد بهالبشر رحمه وطيبه

[ملكة الرواسي]

يسعد مساء الجميع
وداااام نبض الجميع

[رحيل]

الحسايف والعذر للي وراه مقفي
لا تداوي جرح قلب ولا تسّمن ناحل

كنها قبله وداع الحي للمتوفي
لا تخفف حزن حي ولا ترد الراحل

[النجلاء]

المهره
الملكه
غزلان
هلا ومرحبا فيكن ودام حضوركن الرايع
هالبيت ياغزلان يروع صح لسان من قاله بليغ جدا هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
اهلا ياقرناس الحرار وانت طيب ودنا بمشاركاتك يالغالي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


شطحه
والله ما ادري كيف وليه جت هههههههههههههههههههههههههه


اشوف العمر انا/ساعه وساعه=لها نركن وهي دايم مريبه
الى العشرين من وقت الرضاعه=زماليقٍ على غصنك رطيبه
براءه عيش شفاف ونصاعه=سوالفها طواريقٍ طريبه
وعام ويبتدي عصر للكاعه=يجر عواه باقصى الريع ذيبه
وكلٍ جاه زاده من متاعه=حنيني فيه والا به صريبه
واحد عنده عن الزله مناعه=واحد يبلش بتوهاته طبيبه
لو القى مشتري وادفع قماعه=بمالي فات واقطع له ضريبه
مادام الصبر عندي مات ناعه=ومن لي عون صارت لي حريبه
بعد عيش الرغد ما ارضى المجاعه=ماعاد بهالبشر رحمه وطيبه


صح الله لسانك يابو عبيد
مبدع وجزل دائماً لاعدمناك

[النجلاء]

عيدي مواجهك ، لا شفتك وعايدتك
وما استطعم العيد كانه مر من دونك
عهداً خذيته على نفسي وعاهدتك
ما أعايد الناس قبل أعايد عيونك

[مهرة يام]

مساالورد
صحت السنتكم واذواقكم
مبدعين وجزلين لاهنتم

[مهرة يام]

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

[مهرة يام]

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني
وسلامتكم

[ناصر الهواوي]

مراحب بمن مر من هنا وصحت ابدانكم ومشاركاتكم رائعه الله يخفظكم
وش ودكم به الليله؟ههههههههههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــ



ـيابدر الوطا مادام زلت ليال البيض=لبدر السما /لاتحرم العين من نورك
زهقني لظا جفواك مع شوب حر القيض=اصلح ما تطيقه يصلح الخالق اومورك
مستعجل بما فيك امله وانت له بك ريض=عن جل الطلب يكفيني اتمد ميسورك
نختك القريحه شعر والهجس لجلك هيض=ان جا ردكم سالب انا اقول دستورك
اغرب شخص ما يثر بك النثر والقريض=ولا ترفا شعوري من كثر عميك وعورك

[محمد الـفراج]

صح لسانكـ يابو عبيد مبدع يالامير

ويسعد صباحكم جميعٍ

[ناصر الهواوي]

اهلا يابو فيصل وصح بدنك
ــــــــــــــــــــــــــــــــــــــــــــــــــ


شطحة هجوس وتسليه للسجيني=وكسرة جدار الصمت واطلاقة لسان

وش هالصمت يابو فيصل لا انلجم لك لسان=وانا اعرف انك مفوه قاف مابك عيا
من افصح الناس روق اهل الشعر والبيان=ما اشجاك حلو التباين للهنوف وهيا
ماشاقتك من تمايل في جسدها ليان=مركوبها بي دبيلوا ما تعرف الكيا
العين عين اشقرٍ مجناه من روس ابان=والخد بدر ٍ بجوٍ صحو باهي ضيا
والعنق خشف بدا القناص قدمه عيان=ياشيب عين ابو فيصل لاتورد حيا
يصيب من سمع همسه لاتكلم جنان=ويشفا ويرجع لعقله بعد لحظه ليا
ارخى اللثامه وما تخفيه للعين بان=وحفظ الوقت اوضياعه صار عنده سيا

[قرناس الحرار]

اهلا يابو فيصل وصح بدنك
ــــــــــــــــــــــــــــــــــــــــــــــــــ


شطحة هجوس وتسليه للسجيني=وكسرة جدار الصمت واطلاقة لسان

وش هالصمت يابو فيصل لا انلجم لك لسان=وانا اعرف انك مفوه قاف مابك عيا
من افصح الناس روق اهل الشعر والبيان=ما اشجاك حلو التباين للهنوف وهيا
ماشاقتك من تمايل في جسدها ليان=مركوبها بي دبيلوا ما تعرف الكيا
العين عين اشقرٍ مجناه من روس ابان=والخد بدر ٍ بجوٍ صحو باهي ضيا
والعنق خشف بدا القناص قدمه عيان=ياشيب عين ابو فيصل لاتورد حيا
يصيب من سمع همسه لاتكلم جنان=ويشفا ويرجع لعقله بعد لحظه ليا
ارخى اللثامه وما تخفيه للعين بان=وحفظ الوقت اوضياعه صار عند سيا


ياحياة الشقاء ويا حياة قرشعووووو هذا بلا أبوك ياعقاب
هههههههههههههههههههههههههههههههههه
صح لسانك يابو عبيد وترى القريحه مقفله لها شهر

[محمد الـفراج]

يالله مساء خير هههههههه
صح لسانكـ يابو عبيد هالحين انت معسور اياء وش تبابها هههههههه

تبى الصراحه يا ناصر هاجسي من ثمان
اشـهـور مثـل الـصلاه اللي تـصـلى رياء

اكـتب مجامل لـعشاق الـقصايد عشان
ما يحترق من لهيب القيض نبت الحياء

والحب ما عادله في وسط صدري مكان
تـركتـه لنـاسٍ يـسـوون فـيـه اذكـيـاء

ما عاد ابي عقب ـــــــ يالهواوي حنان
انا وقلبي من الـحب الكـفـيـف ابـرياء

[النجلاء]

صح الله لسانك يابو عبيد
وصح الله لسانك يابو فيصل
مبدعين لاعدمناكم

[محمد الـفراج]

صح بدنكـ

ولابداع وجووودكـ يالاميره

[ناصر الهواوي]

صح بدنك ياقرناس رغم اني مافهمت قرشعوه لكنها غثتني ههههههههههههههه
صح لسانك يابو فيصل وصح بدنك هههههههههههههههههههههه
اهلا يالجلاء وصح بدنك
ان ردت قول الصراحه ياحفيد الحصان=قلعتني ياعميل الخير قلع النيا
الحب من شقت القرنين مابه هوان=كم شيِّب رموش شيخانٍ شداد اقويا
وقاف الغزل بين قيفان الشعر مايدان=مواله يشال من رفحا لساحة قيا

[ناصر الهواوي]

قاف الغزل يامطية كل قلب خضر=من امتطا صهوتك وش مكسبه ياترا
اكيد لك بي وانا لي فيك وجهة نظر=وتضارب اريا حقيقيه وشي افترا
ومع اني اعرفك لاتنفع ولا انته تضر=مانيب مرخصك في بيعٍ ولا مشترا

[غزلان]

يسعد صباحكم وأيامكم ي الرواسي ~
صح الله السنتكم ي شعرائنا مبدعين وجزلين كالعاده ~
ودي وتقديري للجميع ~

[ناصر الهواوي]

هلا ياغزلان وصح بدنك وطال عمرك على الطاعه بس وين التسالي والتصالي؟؟
ــــــــــــــــــــــــــــــــــــــــــــــــــ ــــــــــــــــــ


انا عاصفي والعاصفه حزبنا المنصور=وحزيباتهم كسرة ملح ذابت بماها
نرقق لهم بالقاف ماودنا نجور=عليهم وحنا اهدافنا ما نسيناها
نزف الغزل في هند وصويلحه وبدور=نبي حاجةٍ بصدورهم ما لقيناها
ولاعاد باقي غير عمهوجنا المذكور=ولابه وسيلة تسليه ماسلكناها

[ناصر الهواوي]

انا اقول طعم السكر احلى من التمر=وفي كل حال اثنينهم بالطعم حالي
ولو قيل لون التوته اجمل من الجمر= انا اقول من هذا وذا يابري حالي
الا يازعيم البيض والخضر والسمر=مقياس الضغط من عقبكم صايرٍ عالي
ابا امركم ان كان لي ناسب الممر=لاتقول ان فشلت بسبتك مالك ومالي
بلسان المسامع هالنبا الشين طعمه مر=وعلى شبكة المعلوق بالقلب له صالي
لو ان الامل بك ذيب فالياس بك نمر=ويهاب السبع في غابته كل ريبالي

[رحيل]

يسعد مساكم يَ آل الرواسي
صح لسانك يابو عبيد
وصح لسانك يابو فيصل .



يا مدبر الكون لا تجعل لنا حاجه
الا برحمتك تقضيها وتفرجها

واجعل لنا خطوةٍ فـ الخير دواجه
ونفوسنا من لحود الضيق تخرجها

[رحيل]

الله يسعد جميع اوقاتك غزلان منوره ..

[رحيل]

الا يالحمام اللي سجع باللحون عصير
على مجمع الغصنين في ظل عصريه

يغني طرب مدري حزن غير صوته غير
و انا اللي طرالي غير والنيه النيه

[النجلاء]

صح الله لسانك يابو عبيد
حضور ملكي لاعدمناك
ياهلا غزوله منوره يالغلا
رحوله يسلم ذوقك الراقي ياذوق
~~~~

باقي بقلبي حلم والعمر مافات
يامنتهى رجواي شف لي طريقه
أبطت تجاذبني عليك الخيالات
مدري متى يصبح خيالك حقيقه !

[النجلاء]

تسليه

أزعل عليك أفارقك يوم ، يومين
بعدين أجيك و كن ماصار / ماصار
كيف أبتعد وأنساك ي قرة العين
إنتي قدَر من يقدر يرد ّ الأقدار؟

~~~~~~~~

هذي يدي .. مدّي يمينك لـ يمناي
باقي ورانا عُمر لازم نتمّه
لو ما قطعتي باقي الدرب وياي
ماشوف باقي أمنياتي مهمه

[ناصر الهواوي]

ياصباح السرور والزهور يالرواسي والراسيات
النجلا
رحيل إي نعم هذي التسصالي على الحرفين تمشي لله دركن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ






عقيت من هو بربك يا اريش العين=لويش عرضّْت العقوق المبره
خطاك ذا ماتنتطع فيه عنزين=ولاله مؤيد في محيطه وبره
لي خابرٍ في نابضك رقه ولين=وقد كان بعيونك لشوفي مسره
البون شاسع بين مافت والحين=وجه الشبه لاغي بالاثنين مره
كنك تشوف بزولي اليوم تنين=ماودك ايجي لي بشارعك جره
واكيد ماجا هالتغير بلا شين=اكيد برنامجك جا من يفره

[ناصر الهواوي]

اهلين يارحيل
ـــــــــــــــــــــــــــــ


رحيل رواد السجن وش بلاهم=وش علمهم ياجعلهم مابهم لون
حمو النجوم اكيد مثر علاهم=وللاهب الجوزاء التهب كل قيلون
لياجيت ابا اسولف وافرفش معاهم=قال الخفير اليوم مابه حدا هون

[مهرة يام]

مساء الورد ياهل السجن
صحت السنتكم واذواقكم
ودام ابداعكم
يعطيكم العافيه

[مهرة يام]

انا لعيونها بس ... لعيونها

قلبي سراب بدونها ..
وعيني سراب
ما اقول أعشقها بعقل...
مجنونها...مجنونها
.........
البارحة مريت في أحلى الفصول
صيف وشتاء..
وناظرتها..
وقلبي يقول هذي العيون إلى متى
حبيبتي ياكثرها عيونك على هاالليل
وين ما التفت اشوفها ..
حبيبتي يازينها عيونك على هاالليل
سحرني برق سيوفها..
ما أقول أعشقها بعقل..
مجنونها ... مجنونها

[ناصر الهواوي]

اكتب واقول اكتب لمن والناس ماتقرا الكتاب=هذا الكتاب اللي ذهب واللي بقي هو صاحبه
آمالنا فيما نريده شكلها راحت سراب=وكاس الغرام المترع ذباب القطيعه طاحبه
ولاودنا تاصل لحالات التازم واكتيئاب=والحالتين لحالة الفرقا دوام مصاحبه
اللي هذانا عن طرفها حول قوسينن وقاب=وصارت جنوب الصبر من طول التصبر لاحبه
وش ذنب هالاصبع يقرط من تندم به بناب=وش ذنب حلوات الخدود تشاف بكره شاحبه

[ملكة الرواسي]

يسعد اوقاتكم ولا هنتم يالغوالي

[رحيل]

هلابك زود طال عمرك
وصح لسانك ياابو عبيد لين ترضى
والله مدري علامهم ههههههههههههههههههههه

[رحيل]

عفى الله عن قلبٍ ليا قلت وضعه زان
خذا له شوي وعود الوضع مثل اول

[رحيل]

تتهمني و أنت تدري بي زعول وناري
غير والله العظيم أن ما عشقنا غيرك

والله انك داري اني داري انك داري
كيف مدري فكر و بصرك مع تفكيرك

[ناصر الهواوي]

تسلمين ع الحضور والمشاركات الروعه يا رحيل اشوى تحسسين الواحد ان حوله احد ههههههههههههههههههههههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ


البارحه بعد ضيق لم بي بين العشاوين=تليت جيبٍ لو اطلق طارته ما اخلف طريقه
يدل دربه ويعرف حارةٍ ودي بها زين=اللون زيتي قديم شوي والسكبات انيقه
سرى وسررى الدريول لين شاف الباب بالعين=عينه مع عيون سواقه على زوله شفيقه
مامن خساره لو ان معزبه قال اقلط اهلين=والنكبه النكبه ان جا الرد سالب من يطيقه

[محمد الغنامي]

السلام عليكم
اسعد الله جميع اوقاتكم بكل خير
صحت الالسن جميع شعرائنا ومتذوقين الشعر
واعتذر على الانقطاع وعدم التواجد
يعلم الله انه ودي اتواجد واشارك
بس والله الجعبه فاضيه مابها شي

...........

الخوخ ماهو بس في شجرة الخوخ
هذيك شجرة ماجحدناا ثمرها
وهذاك خوخه لا تبيلي ادوخ
حمر تواما فوق لبت نحرها
يانعنبوها يارياجيل صاروخ
ليا انفجر هز القلوب ودمرها

شطحة قايله

[رحيل]

الله يسلمك ويطول بعمرك يا ابو عبيد
كلهم حولك بس على الصامت ههههههههههههههه
هههههههههههههه.



عسى الفرح في مقبلاتت الليالي
وصبرٍ صبرته يفرجه عآلم الغيب

[شيخـــة الغــيــد]

/

السلام عليكم ورحمة الله وبركاته

الله يصبحكم بالخير والطيب والجود

/

صحت الألســن ودامت أنفااسكم عاطرة في سماء رواسي نجدنا

لاهنتم جميعا شعراء ومتذوقين

/


إن نفترق فقلوبنا سيضمها
بيت على سحب الإخاء كبيرُ
وإذا المشاغل كممت أفواهنا
فسكوتنا بين القلوب سفيرُ
بالود نختصر المسافة بيننا
فالدرب بين الخافقين قصيرُ
والبعد حين نحب لا معنى له
والكون حين نحب جد صغيرُ !

[شيخـــة الغــيــد]

/

شفـت النجوم اللي تخـاوت مع الليل
اضـرب عددهـا في عددهـا وزدهــا

واحسب خطوط الطول والـعرض بالميل
واجمـع شعوب الأرض وادبـل عددهـا

واگتـب رقـم مليـار ,, مليـار تدبيل
مليــار في مليــار وادبـــــــــل مددهــا

واحســب عـدد ماسبح العبـد بالليل
ومـادارت ايـام السنـة بـــــــددهـا

شوف النتيـجه گم تطلـع بالتحلييل
ذي قيمتـگ عنـدي وهـذي عددهـا

/
رآآقت لي

[محمد الغنامي]

ياهلا ومرحبا ياشيخة الغيد
حياك الله بعد انقطاع اسبوعين
صح ذوقك وصح حضورك

[ناصر الهواوي]

اهلا يابو بندر وصح لسانك
اهلا ياشيخة الغيد وصح ذوقك
حييتي يارحيل
ــــــــــــــــــــــــــــــــــــــــــــــــــ ــــــــــــــــــــــ
ولي عوده ان شاء الله

[النجلاء]

صح الله لسانك يابو عبيد ولا هنت على هالروائع والحضور الملكي
أبو بندر صح الله لسانك ملايين
ياهلا ياشيخة الغيد منوره ياغللا وصح الله لسانك وذوقك
رحوله حضور مميز وتسالي رائعه
مهوره صح ذوقك يالغلا

[ملكة الرواسي]

الله عليكم وش هالابداااااااااع ماشاء الله


يسعد لي اوقاااااااااااااااااااتكم

[الجووهره]

يعطيكم العافيه جميعااا

وصحت الالسن والاذواااق

أبدعتتوو الله لا يضركم

[الجووهره]

الاخ الغالي

والشاعر القدير



ناصر الهواوي

فضلا لا امرا

تفضل هووون

http://www.r111n.com/t36973-6.html

[غزلان]

صحت السنتكم جميعااا ي شعراء وشاعرات رواسي ومتذوقين الشعر ابداع يفوق الوصف ~
ودي وتقديري للجميع ~

مهما حصل لي من ظروف وصواديف ~
مايرتخي راسي على العز مرفوع ..

وان كان ماجات الليالي على الكيف ~
ماعشت في ذله ولامت من جوع ..


راقت لي ~

ودي وتقديري للجميع ~

[ناصر الهواوي]

اهلا ياغزلان فعلا ابيات قمه لاهنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــ



ما ادري ولاودي بماقلته ادري=ولوني دريت اقول مانيب داري
ما ابي الزعل يقطع مواصلك بدري=بزند الجفا ماودي اشب ناري
يابو ثمان رهاف والطرف خدري=وخدٍ على ضوحه سرى كل ساري
حشاك يذهب دم عاشقك هدري=وحاشاني استسلم ولا آخذ بثاري

[رحيل]

صح لسانك ابو عبيد.

منوره نجوله ومنوره غزلان صحت الالسن ..



من يلوم الي مفارق له وليف
ايتنهت كل ماطرو نباه ..
يلتهي والقلب في عرقه نزيف
كل ماطروه عود له بلاه ..
انشخل حاله وهو حاله نحيف
واليالي سود ماتروي ضماه ..
كل يوم ايقول سترك يالطيف
يشتكي قلبه وهو ليته نهاه ..
ليت قلبي قبل ماوالف كفيف
كان ما دبر ولاقفى وراه ..
مادرى قلبي من الصدمه رهيف
ولادرى صكات الايام اتحداه ..

[رحيل]

أنا لي ثلاث أيام ما طب عيني النـوم
عسى الله يستر وش بلا العين سهرانه

وإلا من بغيت أقوم ما أحتلت كيف أقوم
مثل من بغى الفزعه من يدين عدوانـه

سبايب وليفن بعد عرفي له بكـم يـوم
حصل له ظروف وراح من دار خلانه

فجعني وأنا ما أطيق بعد الجفا المسموم
تركني وأنا ما كنت أفكـر بهجرانـه

رمتني مقادير الزمن وأصبح المقسـوم
تناهيت صدرن حطم البعـد جدرانـه

ما دامه وسم بين المعاليق سبع وسـوم
فأنا ما صبرت الصبر إلا على شانـه

أحبه عسى الله يحفظه من عيون القوم
لو إن المفارق تحرق القلـب نيرانـه

أنا حالفـن بالواحـد القـادر القيـوم
لو يطول بعده مـا تهاونـت نسيانـهـ

سما العاشق أحلامه وحلمه قمر ونجوم
لكن المصيبه لا تهاوت على احزانـه

مـا دام الأوادم معطـا وذا محـروم
عسى الله يعوض جرح قلبي وحرمانه

لكن بتصبر والصبر حيلـة المظلـوم
لو ان المحاجر بأزرق الدمع غرقانـه




راقت لي ..

[ناصر الهواوي]

صراحه يارحيل تسالي بمعناها انتقاء رائع وصح بدنك ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ


بس انت من ترجم مواعيد عرقوب=لواقعٍ ملموس ماهو خيالي
تحطيم خاطر بس لي صار مرغوب=علقم طعم بلسان مغليك حالي
اكذب على نفسي بتصديقها نوب=وترجع تكذب ماهقيت الليالي
قاربت في صبري معك صبر ايوب=والوضع مزري ما عليه احتمالي

[ناصر الهواوي]

بالله يابو بندر على ويش مسجون=ضميري انبني لاني سجنتك
السجن من جيتك من دون في دون=وصار الذكا على الغباوه يسنتك
وصار آمره ما يفهم اللي يقولون=ولاعاد يفرق معه كون الدبل تك
له قلت صبرك طال وابليس ملعون=سحابة غبار بهوانا تهتك

[ملكة الرواسي]

الله الله عليكم ابداع لا هنتم

..

يسعد صباحكم حيااااااااااكم

.....


.
http://www.dailymedicalinfo.com/wp-content/uploads/2017/03/القهوة.jpg

[النجلاء]

صح الله لسانك يابو عبيد وأبو بندر توه متملك والحين الرجال يفكر بالعرس ماهوب يم السجن
لكن اطلقووو سراحه وخلوه يروح

[محمد الغنامي]

صح لسانك يابو عبيد ههههههههههه اجل انا المسجون ابك من العيد لهالحين مسجون
صح لسانك وذوقك يالاميره
رحيل صح لسانك وصح ذوقك
ملكه منوره وحضور فخم
والجميع منورين وصحت الالسن والاذواق


قالت علامك تسهر الليل !؟ مجـنون
قلت السهر ماهــوب حـاجـه غريـبـه

ولايعــتبر كــل السـهارى يـحــبــون
بعض البشر يسهر بلــيـا حبــيـبــه

شطحه القايله

[محمد الغنامي]

مجاراه من بندر الغنامي
يامحاسب العاشق على السْهر بالهون
خلّ الأمر لله .. .. .. .. والله حسيبه

مايسهر اللي يسهر الا وابه لووون
ماهوب مرضيه السهر بالغصيبه

رداً على شطحة القايله ��

[محمد الغنامي]

مجاراة حمدي الغنامي
ياساهر ٍليلك ولانته بمحزون
يكفيك دورات الليال العجيبه

ترا السهر يثر على الموق والنون
وان راح شوفك وين تلقى طبيبه

مجاراه لشطاح القايله��

[محمد الغنامي]

يـامـوقـدٍ بـيـن الـحـنـايـا نـارك
مـالـوم راسـي مـنـك لـو يشيب
واللي سالني قال ويش اخبارك
اقـول طـيـب لـو مـاني طـيـب

شطحه صباحيه

[ملكة الرواسي]

لا هنتم جميع
......

مساءكم شعر ال الرواسي
...........
.

لك من صميم الروح ميزه عن الغير
ولك في خفوقي من الوله شي ثاني

القلب يحملك معزه وتقدير
والعين تعشق شوفتك لوثواني
..

لو الغلا يزرع مع ورد بستان
...............يكون زرعك فى فؤادى مكانه
أحط لك غصن تميز بالألوان...............ما فيه مثله مختلف فى زمانه
غصن خضر للحب بصمه وعنوان
..............أعطيه من روحى ويكثر حنانه

[النجلاء]

أبو بندر صح الله لسانك على هالشطحات الكايفه وكثر لنا من شطحاتك هههههههه
ملوكه يسلم ذوقك الراقي ياذوق
أبو عبيد فاقدينه من امس ان شاء الله انه بخير
وفاقدين أبو فيصل والوافي وغشام والناقد وشاعرة نجد وغزلان والذيابي
ان شاء الله ان الجميع بخير

[مهرة يام]

مساالورد
صحت الالسن والاذواق
لاهنتو

[مهرة يام]

"وكـنت أتـخيلك مـن زود فـرحة رجـعتي.. تبكين
وأشـوف بـدمعتك حـكيك..وأعرفه قـبل تـحكينه"




"واجـيب أحـلى مـن الـلي بتحكينه. وأتركك تحكين
تـقـولـيـن:الوطن نـور..وأقـول:بـنورمضوينه"




"تـقولي لـي:غديت أحـلى. وأقول: عيونك الـحلوين
كـــلام نــام بـشـفاهك.. وخفتي لاتـصـحينه"

[ناصر الهواوي]

اهلا بالجميع وصحت السنة اهل الشطحات الرائعه
واهلا بالملكه والمهره والنجلاء
النجلاء اطريتي الملكه علمينا لعل من له عيون وراس يسوي سواة الناس هههههههههههههههههههههههه
ومعكم ياهل الشطحات

سلام سلمه كاش للي يغنون=سجع الحمايم بالغصون الرطيبه
مابالسهر ذارب ولاقيل به لون=الليل تسهر به قلوبٍ امنيبه
فاضح يبين وهم سواجد يصلون=وقلوبهم للي ايقلب قريبه
ونوعٍ ليا امسا ليلهم يستلجون=باجسامهم والا افيدتهم سليبه
صور سهاف وذابل اشفاف وعيون=مرات مبتسمه ومره كيئبه
وسهار في سهراتهم ما يحسون=وقت المسا خيبه وتصبح بخيبه
ونحن لسنا من التالين جميعا ان شاء الله هههههههههههههههههههههههه

[النجلاء]

أبو عبيد الحمد لله ع السلامه وصح الله لسانك ع المجاراه
وبارك لابو بندر تملك وعقبالكم
ياويلي من الروقيات بيذبحني ان شافو كلامي تراني امزح انا ماايد التعدد
وأبو بندر الحين بيفتح الباب لشباب والشيبان هههههههه

[ملكة الرواسي]

لا هنتم
ويسعد لي مساء الجميع بكل خير

[ملكة الرواسي]

هذي هي الدنيا متاهات وأحزان
كلن يــــــدور راحته ما لقاهـــا

تبي لها صبر مع شوي نسيــــان
مع ضحكة تخفي دموعك وراهـا

[ناصر الهواوي]

إي والله يالملكه هذا هو الحال
النجلاء ليس ابو بندر اول معدد
ــــــــــــــــــــــــــــــــــــــــــــــــــ ـــــــــ
ماهيب حزة كتابه بس في خاطري=شيٍ يقول ليدي بالله عليك اكتبي
اوللحديث بقيه

[النجلاء]

تسليه

https://www.youtube.com/watch?v=lEwKFWEVdUo

[النجلاء]

يسعد مساك يابو عبيد
ودش على الرابط وتعرف السالفه هههههههه

http://www.r111n.com/t37115.html (http://www.r111n.com/t37115.html)

[ناصر الهواوي]

تسليه حورنيه
سرى ليل الهواوي والهوا عادي ومعنوي=وكلا شقي هوا احساس الهواوي بالهوا ساري
هوا هبت هبوبه له اب/بساق النخل دوي=وهوا نسنس نسيمه في شرايين الفتى داوي
مزاجه كان قبل يذعذع بحب الغلى سوي=وبعد لجت بهجران المشاعر وش بقى قاوي
وقعد ذيب الصدر من حسرته مايقدر ايعوي=وهو قبل الجفا في مبتداها دايم ايعاوي
اتضحك

[الناقد/عبدالله الروقي]

السلام عليكم
الله يسعد صباحكم جميعا
ويسعد صباحك يالنجلاء ولاهنتي قبل أنام تصفحت هالصرح وشفت سؤالك قلت أصبح عليكم بالخير!
وصح لسانك يابو عبيد ولاهنت!
ومبارك يابو بندر الحورية الجديدة ولو إني في البيت كان أهديت لك قصيدة لكني في الرياض
ولكن(بارك الله لكما وبارك عليكما وجمع بينكما في خير)
والتقدير للجميع،،،

[غزلان]

السلام عليكم ويسعد صباحكم ي الرواسي ~
تسلمين ي نجوله على سؤالك والله يشافيك ي الغلا من كل مكروه ويسعدنا تواجدك في المنتدى ~

شعرائنا المبدعين صحت السنتكم جميعا على هذا الابداع ~
وصحت اذواقكم ي متذوقي الشعر ~



لاجيت أنا بنشدك ياطير عن أخبارك ~
لد النظر صوبنا وخبرناويش صاير معك ..

ويش اللي جرى في دنيتك وغير أحوالك ~
أقفيت عن أحلام ن أخبرها دوم ن تسعدك ..

جار الزمن على صاحبك ومالومك بأفعالك ~
كل ن يدور سعادته لو دربه صاير يبعدك ..


وسلامتكم ع قولتكم شطحه صباحيه ~

ودي وتقديري للجميع ~

[النجلاء]

صح الله لسانك يابو عبيد
وياهلا والله حضرة الناقد عوداً حميدا ومنور الرواسي
غزوله ياهلا وغلا منوره ياقمر وصح الله لسانك واخر الغيبات ان شاء الله

~~~~~~~
تسليه

تغانم الشوق دام القلب تحت أمرك
مشاعري فيك ما تشبع ليا جاعت .
لا دار وقتك وطولّ ربي ..بعمرك
عرفت وش قيمة الفرصه إلى ضاعت

[ناصر الهواوي]

اهلا ياحضرة الناقد
واهلاياغزلان



ــــــــــــــــــــــــــــــــــــــــــــــــــ ـــــــــــــــــــــــــــــــــــــــ


اضحي وعشي افرش لمسجوننا بالحوش=بوقت الاصيل اتذعذع انسام وتنوشه
مادام ان مزروع السجن بالزهر مفروش=وش يحرم سجين العيد من شم منعوشه
له ايجوز سجنه به يعدي كثير الهوش=يطلق من كلبشاته على طول للكوشه
وانا اللي قصيدي يابو بندر حصيله بوش=مابين الرخامه والوفا ضعت بالطوشه
اخذني قصيد الشاعر اللي نشب بكروش=وزمان المغازي راح مااغارت كروشه

كروش فرس
يقول فارسها
(يابيه انا لكروش لااعطي ولا ابيع=لو ان فيصل يطلبه وان هادي)

[ناصر الهواوي]

تعديل
يابيه انا لكروش ما اعطي ولا ابيع=قبلك طلبها فيصلٍ وابن هادي

[ناصر الهواوي]

تنتابني بين العشاوين شطحات =وللمعتقل منهن تخيرت شطحه
فكري يلد خلاف دايم لمافات=ليت ابو بندر يجلبه فوق سطحه
ليا عن له طاري هوى البال ما ابات=امر نكد ماعاد لي فيه نطحه

والله مابغيتها قصيده بس صارت هههههههههههههههههههههههههههههههه
واعزي لقلبي كلما دندن الجوال=له ايفز كنه لخذه يسابق ايديا
انا فيه ذالي كم شهر ما عرفت احتال=اجيب الادله دامغه بس هو عيا
ليا قلت من شوفتك له ماحصل نوال=يمنيك لكن منه لك ما حصل شيا
وتصبرت في رجوا وصاله وصبرك طال=وطرد المقفي تعتبره العرب سيا
تراكا ماكني قلت شي وشلع موال=عاداني وفي من لوعه جابه حميا

[مهرة يام]

قلي تبيني صدق ولآ وش أخفيت
ترى' الصراحه مَاآ تنقص غَلاتك

بقفي ولك وجهي وحتى انت لقفيت
حقك علي سترك و هذي حياتك
_
ليت الحنآيا ما تعرف التناهيد
اأو ليتني ما أسرفت في (حب ذاتك )

لو حآجتي عند العرب مآترجيت
لاكن تغآنمني ولملم شتآتــك
_
وش هو شعورك لو يقولوا توفيّت
وش هو شعوري لو دريت بوفاتك !

سيّر علي ما داآم لك بالحشا بيت
قبل الغياب يهد سور امنياتك ..
_
كنت أحسبني في عطا قلبي أقديت
و آثر كثر الإسراف ب القلب فاتك

غيرك بغوني بالمحبه و عييت
لأنك خذيت الروح ما قلت جاتك
_
سقت الأماني في رجاك وتمنيت
وعلى القسى والهجر دارت رحاتك

مرضت منك وأحسبني تشآليت
يآ قلبي المجروح قد ذي جزاتك
_
ما امداك تبغى تروح من بعد ما جيت
تستعجل الروحه وتذبح غناتك

ليتك قنوع و ليتك تحس ياليت
أوفر علي من التعب في وصاتك
_
خطاي قلت إني أحبك.. وسجّيت
وأنا موصّي القلب يخفي غلاتك

أدخل عليك من الردى وإن تردّيت
تذكّر إني صحت والوقت فاتك

أبغيك لكن ما أقدر اتبعك لقفيت
طرد المقفي عيب كلمة وجاتك

[ناصر الهواوي]

الله الله وش هالمعلقه يالمهره روعه الله يحفظك
ــــــــــــــــــــــــــــــــــــــــــــــــــ ــــــــــــــــــــــــــ


كنت احسبني يالغلا صامل الجاش=حتى اكتشف قرناس قرقاع قلبي
وبعده دريت انه على بعدكم ماش=صبرٍ يساعدني على شق دربي
وبيني وبين القلب من شانك هواش=طفشان وفوادي لشوفتك طربي
بحر الأسى يصفق من الطاش للطاش=البعد صهيوني وجفواك صربي
يعزالي اترك مصقط الراس وانحاش=لاشك اقول انا بعد ويش ذنبي
لكن تريد الصدق خذها على كاش=االحال عن كثر التقارير تنبي

[ناصر الهواوي]

انا انحرج لاجيت سجن القوافي=اطلع ولا اكتب في جداره قصيده
امزوح والا العلم كله عوافي=ما ارجي وعود ولاخشيت الوعيده
ارتاح لاسولفت مع كل وافي=طلق الحجاج ابلج يسمى وليده
والا مع اشرف لابسات الغدافي=يسمعني وإلهن اكتب نشيده
واشكر هجوسي لانحت عذب قافي=من صلد صخر او ذوبه من حديده



اقول افكر بامر محتوم واتقول=ذكرت قطع الوصل واقول عوذا
اللي على باله يجي شخص مهبول=اشبهه باللي يعبدون بوذا
من كثر ما اصبر وانتظر طق بي جول=حاذ البطا رمانة الكبد حوذا

[النجلاء]

صح الله لسانك ملايين
مبدع الله لايضرك يطربنا قصيدك يابو عبيد
لاعدمنا وجودك الرائع

[النجلاء]

تسليه لسجين وزوار سجن الرواسي

تسليه https://www.youtube.com/watch?v=sbimsMpbfZ8

[ملكة الرواسي]

يسعد لي مساء الجميع
الله عليكم ابدااااااااااااااع

[ناصر الهواوي]

تسليه رائعه يالنجلاء الله يعطيك العافيه ولاهنتي
اهلا ياملكة الرواسي




ضايق ولانيب شفق وبالسكوت ازيد حرقه=واقوم افضفض لعل الضيق مع ما اقوله ايزول
لاعادت ليوم شوفك ياسمو الزين طرقه=فرحة ليالي عقبها كبت خلق لداير الحول
الابتسامه تجي سرقه ونوم العين سرقه=ومن قال وش فيك ضايق يارجل ما ادري وش اقول
لاجيت ابا اذكر سبب ماصار جا بالحلق شرقه=من وين اوجه عيوني لليماني دايماً حول

[النجلاء]

الله الله عليك يابو عبيد وصح الله لسانك ولاهنت ابداً

[النجلاء]

مقتطفات اعجبتني
e3

يا غايب ٍ ما قلت لي وين دنياك
كيف أمنع الغيّاب لا يوحشوني
ما عاد عندي سالفه غير ذكراك
لك وحشة ٍ يا كبرها في عيوني

~~~~~~
آلضيق زايل وأعذب آلحب يبقى
وآلجرح أحبه منْك من كثر مَغليك
دامك غرست حبّك بقلبي بتبقى
غالي ولو قصّرت في حق مِغليك
~~~~~~~
تضيق نفسي كل ماغابت الشمس
وتقبل على قلـبي غرابيل وهـموم
يارب تجعل يومي افضل من الامس
ويارب تجعل باكر افضل من اليوم

[ملكة الرواسي]

رووووووووعه
لا هنتم

[الناقد/عبدالله الروقي]

صح لسانك يابو عبيد ،والله إن ودي أواكب حضورك ومشاركاتك بأي مجاراة أو مشاركة
لكن الواهس ماش!
يامراحب بالحضور الجميل يالنجلاء بغيتي تختفين لكن الحمد لله والله يعافيك
أبو بندر وأبو فيصل مختفين من فترة،ومن هنا أبعث سلامي للجميع

[ملكة الرواسي]

شاعرنا عبد الله الروقي حياك الله
..
جيتني مثل الشروق اللي محى عتم الليالي
جيت فرحه للحزين اللي من همومه هلك ..!~

لو جار حظي ، وآنعتم نور دنياي
يكفي عطاني إياك و شلون بزعل ..؟

[رحيل]

يسعد صباحكم
صح لسانك يابو عبيد
عودا حميدا يا حضرة الناقد .

صح ذوقكِ ،


ً،

تسليه .

https://m.youtube.com/watch?feature=youtu.be&v=EuS6rhq06Ws

[النجلاء]

صح لسانك يابو عبيد ،والله إن ودي أواكب حضورك ومشاركاتك بأي مجاراة أو مشاركة
لكن الواهس ماش!
يامراحب بالحضور الجميل يالنجلاء بغيتي تختفين لكن الحمد لله والله يعافيك
أبو بندر وأبو فيصل مختفين من فترة،ومن هنا أبعث سلامي للجميع





ياهلا ويامرحبا ناقدنا والله يجزاك خير ويعافينا ويااك يارب
وان شاء الله اني قد ماقدر اتواجد مارح اقصر والرواسي غاليه علينا مهمنا غبنا يردنا الحنين

[ناصر الهواوي]

صلى الله على من هو بعث رحمةً للعالمين=عدد مايسوقون الرواسي صدوق اعذارها
وانا ودي افعل فعلهم بس سوق الكذب وين=ابشري مبرر لجل كذبي يدش افكارها
الا ياحمامٍ في جريد النخل جالك ونين=ابا اسمِّعك كم بيت جالت بصدري جارها
بقلبي حريفاتٍ حشن البطين اللي يمين=من اللي بعثها بعد ماتم محي آثارها
سنين وتقفتهن بعد كتب هالجمله سنين=لكن هبها نسناس(......*.......)واثارها
جزا الله خيرا عين فتخا اتقزي نوم عين=لوهي دونما تقصد سعت في اذية جارها

[محمد الغنامي]

السلام عليكم
اسعد الله جميع واقاتكم بكل خير
ابو عبيد صح لسانك مليون شاعرنا المبدع والله يبارك فيك وعقبالك ان شاء الله تاخذمن النساء العدد المسموح به شرعاً
عبد الله الروقي ياهلا والله وغلا منور رواسي بطلتك وان شاء الله اخر الغيبات والله يبارك فيك وعقبالك
النجلاء ياهلا والله وصح ذوقك يالذوق على المقتطفات الجميله
ملكة رواسي حياك ربي ولاهنتي حضور ملكي
رحيل صح ذوقك وصح حضورك لاعدمتك
غزلان ياهلا والله وصح لسانك وذوقك
المهره الاصيله منوره وصح ذوقك ياذوق
وجميع من سقط اسمه سهواً الله لايهينكم ويحييكم

اما اخوكم فالله الظاهر انه ماهو شاعر وكل اللي كان قبل نصب ههههههههههههههههههههه
الحين ادور البيت دوره ما ادري كيف اكتبه
والله مدري وش العلم ههههه

[النجلاء]

يسعد مساكم يالرواسي بكل خير
أبو عبيد صح الله لسانك ملايين
أبو بندر هذه من فرحة العرس نسيت القصيد بنعطيك مهله كم يوم ان شفنا شي ولا بنرسلك لمزرعة أبو عبيد
انت تعرف شنو قصدي ههههههههه

[محمد الغنامي]

هههههههههههههه النجلاء اعرف قصدك اكيد

بس ماضنتي بستفيد شي جنيات المزرعه عاشقات لا ابو عبيد انا مايطالعن في

[ناصر الهواوي]

صدقت النجلاء
وانا اقول غير قولها
ان صدقت فيما زعمت الله يرد لك
وان كذبت ويسر الله لي حضور فانا ابا اتخير من الربع الوجيه اللي حرية بالاستجابه عند الدعاء وابا ادعي وهم يومنون
وانت تعرف وش ابا ادعي به ههههههههههههههههههههههههههههههه

[ناصر الهواوي]

ان كان صابك عيا من عقب هالملكه=من بعد دخلتك الا ياليلنا الحالك
من العيا شفلنا من قبلها فلكه=لاخبث الله لاحالك ولافالك
خابرك ما انته ليا حل الطلب علكه =طلقٍ محياك في هجسك وفي مالك
خشم الكبر لاتهاون يدك في دلكه=وقلة اعجابك بنا حذراك يشتالك
يمكن اييسر لنا بابداعكم سلكه=والا نخلي طريق الشعر للسالك

[ناصر الهواوي]

وينك ياقرناس الحرار هالايام ماهي وقت مقناص

[محمد الغنامي]

صح لسانك يابو عبيد ابداع الله لايظرك
ههههههه الله يستر من دعاء هالايام

الايام اللي راحت ياكثر اللي دعو علي كثراه

ما اقول غير الله يستر

[الناقد/عبدالله الروقي]

الله يسلمك يابو بندر،وأنت مادعيت لنا إلا يوم الناس كلها تدعي عليك
تبي تنكبنا معك،لكن الله يعينك!
(صلى الله وسلم على من بعث رحمةً للعالمين)
صح لسانك يابو عبيد اللهم صلِّ وسلم على نبينا محمد!

[رحيل]

يسعد صباح اهل السجن وزواره .
صح لسانك ياابو عبيد لا فض فوك
عليه الصلاة والسلام .

[رحيل]

تسليه

نفسية الانسان تحتاج لانسان
إنسان مدري كيف لكن كذيّا

له هرجةٍ تجلي عن الكبد الأحزان
طبّ لـ جروحٍ طبّها ماتهيّا

[محمد الغنامي]

صباحكم قشطه ومربى
هذي شطحة ماقبل النوم :)هههههههههههههههه

النـوم فـي راسـي وانا راسـي صـغـير
مــايحتــمــل كـــثر السـهر فــي داخـلـه

وبعض العرب راسه كبر راس البعير
لاكـــن كــنــــك بالــمـــنـــــاخــل ناخـلـه

ينحاش فالضلماء ليا اوحى له صفير
لارحم ابــو جــده زمــانــه شـــاخــلــه

ودك تغني له على الطرق القصير
واضـغـط علاه ليا طـلـبـك مداخــله


الناقد ههههههههههههههههههههههههههه انا ابي اللي جاني يجيكم

احب لكم الخير

[ملكة الرواسي]

منورين ويسعد مساء الجميع

[رحيل]

صح لسانك يَ ابو بندر .
نوركِ ملوكه ،
ويسعد مساكم


اتصنع للعرب وجهن صبوح
واتصدد لا اقبل الليل وطرى
‏https://d.top4top.net/m_564j8vsl1.mp3

مجرد ذوق (:

[النجلاء]

صح الله لسانك يابو عبيد
وصح الله لسانك يابو بندر
وحيااك الله ناقدنا
رحوله يسلم ذوقك الراقي ياكل الذوق
ملوكه حضور ملكي يالغاليه

[خيال مطير]

شطحة

يقول ابن لويحان الله يرحمه

البارحة ما هملج الطرف بنعاس
ما فاض من نجمٍ عيوني تخيله
لا باس يا عيني على السهر لا باس
على وليفٍ ما القى مثيله
عنا قطع شوف المواصل له ارماس
ولا في يدي من نابي الارداف حيله
فيما مضى يأخذ جوابي من الراس
واليوم لا عاني وانا ما اعني له
العشرة اللي ما توثق على ساس
تطيح لو صارت حصون طويله
يا ونتي منها المعاليق يبّاس
صبري قضى ما باقي الا قليله
صبرت صبراً صابني منه وسواس
صبراً له النفس العزيزيه ذليله
على وليف حال من دونه الياس
والياس طب للقلوب العليله
من يتبع المقفي مرده بالأفلاس
مثل الذي بالقيظ يدفق صميله
هذي دورب الحب جده ودراس
الله يمضيها بستر وجميله
موفقٍ للخير يا ظبي الاطعاس
لا تحسب الدنيا باهلها طويله
الصاحب الغالي نحطه على الراس
واللي يودك لا تدور بديله
وصلاة ربي عد ما هب نسناس
على نبيٍ وضح الله دليله

[ناصر الهواوي]

روعه ياخيال مطير وحياك الله وودنا بتواجدك يالغالي
اهلا بالجميع ما راجعت ما سبق لكن لضيق الوقت اقول
نبا منك نضحك يابو بندر بما سويت=يقولون من يضحك على شي يبلى به
من ساعة بالانباء اللي تهيل العقول ادليت=وصدري ما اعرف ايش السبب تقنب ذيابه
ازريت اقضب الحزم ووصلت القصيم وجيت=واجنب لين اشوف الاطوله وادرج هضابه
ابرر معاذيري بعله وجعل وليت=عسى الله يثبت واسط البيت باطنابه

[ناصر الهواوي]

ابا اقول مافي خاطري يختلج يا اثنين=ولا اريدها حصري على شخص الاثنيني
لكني اشوف المس فيهم وصعقة عين=وانا اقرأ ومن هو وده يجيني ايجيني
وانا عندي لروس الرجال والغوالي دين=وانا انطر ظروف الوقت وظروفي اتزيني
حدا الضان جابت قبل نصف السنه=طفلين=ماواحد ايحرك راسه ايسار ويميني
واشوف ابو ناصر حط بالحوش برميلين=وابا استفتح المشروع هذا بكبشيني
وهالايام حروصيف مافيه شغلٍ زين=ارباب التجاره في فرنسا وبرليني
لعل ابو فيصل لااطلع يترسه بنزين=ليا شال بيت ايجيب ابو بندر اثنيني

[خيال مطير]

صح لسانك واعتلى شانك ياشاعرنا الكبير ابو عبيد
الله يعطيك الف عافيه
والله لايحرمنا منك
تقبل مروري استاذي
وتواضعي

[ناصر الهواوي]

هلا مرحبا واهلين بك ياحمر العينين=عدد ما ارزم الرعاد في مردمٍ ماطر
يالخيال وش علم العرب هالسنه نيمين= هو نعاس والا الناس من ضيقة الخاطَّر
انا اضيق وافضفض عن الصدرفي بيتين=وهجسي على حسب الطلب حاضر وناطر
ليا عن لي عند المسا والصباح الزين=لو الزين يقطر كان من وجنته قاطر
تدك الهموم ويشتل الفكر جنيين=عفاريت كلٍ فاهمٍ شغله وشاطر
واحد بي يروح يسار وآخر يروح ايمين=يذكون الشعور اللي لقلب العنى فاطر
استرسلت يالخيال بس ردعت الماخوذ هههههههههههههههههههههههههههه

[محمد الغنامي]

ماشاء الله عليك يابو عبيد الواهس حاظر الله لايظرك
صح لسانك مليون يالمبدع
ابد خل الطفلين تزين شوي لبعد الحر هذا وبيزين موضوعها ههههههههههههههههه
ولاتنسى تراء المسيار هذا على ابو فيصل يعني لازم تجي ألا اذا جاك احد غير ابد حنا مع الجماعه

[رحيل]

اتظاهر بالسعادة وكنّي ما علي
اتظاهر واكثر الناس عنّي خابرين

ليت لي قلبٍ من هموم خلاّنه خلي
وليت فيني صبر والله يعين الصابرين

[ملكة الرواسي]

لا هنتم جميع

خيال هنا بالسجن اسجنوووووووووه
لا يطلع هههههههههههههههههههه

[خيال مطير]

هذا أنا اللي خايف منه هههههههههههه

أنسجنت في ظلم , وفي عفيف . والحوميات . وضريه . وحلبان , وشقراء

هههههههههههههه

في ظلم طلعني ابو بندر بيض الله وجهه ههههههههههه

[ناصر الهواوي]

إي والله يابو بندر يقولون مايضحك الا الماخوذ
انا عاطلٍ باطل واغلب وقتي بالمزرعه والناس تجار مشغلتهم اعمالهم الله يرزقنا واياهم
اهلا بالجميع وصباحكم سعيد والشر عنكم بعيد
مداعبه لخيال مطير ههههههههه


ويش ذنبك يوم كِلبْشت في ست الدير=غض طرفك لاتخلي عيونك شاطحه
كل شخصٍ لازم ايصير باوضاعه غِيَرْ=ان نطح والا يجي معتدي ويناطحه
آااه واعزي لقلبٍ توقد به(fair)=كل ليلة نصف //دمعة عيونه فايحه

[خيال مطير]

صح لسانك
ابو عبيد

بس شف تراني أحذرك
تراني قاص جرتك
من ضريه
الى الرس
وابانات

أعقل ياعود

لي عوده


جاك العلم


هههههههههههههههههه ههههههههههههههههههه


احترامي سيدي

[الناقد/عبدالله الروقي]

صح لسانك يابو بندر على الشطحة وعينت أبو فيصل ماله أثر ابن الحلال!
خيال مطير مشاركة رائعة ولابقى لك ألا البجادية والدوادمي كملها مع اللستة اللي ذكرتها!ههه
النجلاء مراحب فيك ولاهنتي ودام الحضور الجميل!
أبو عبيد صح لسانك ودام الإبداع يالقرم ،والمزرعة بحد ذاتها راس مال اللي يرثعون ماحصلوها!
لكن غن يالعود وأطربنا ونبي نجاريك إن شاء الله
والتحية للأخوات على المشاركات والتفاعل
---------------------------------------------
والحقيقة فيه شاعرة مبدعة وأتمنى أن أراها هنا قريبا ألا وهي الشاعرة/ريم الفلا
ومن هنا أوجه لها الصوت وأتمنى أن أرى الصدى!
وقد تواصلت مع أبناء عبدالله طلال بخصوص المنتدى قبل أيام وأشاروا علي برأي فرفضته
وطلبت منهم إن لم يفتح المنتدى أن يفتح على الأقل شهر ليأخذ الشعار قصائدهم
وقالوا سنتواصل مع أبو عبيد وأرسلت عليهم جوالك يابو عبيد
وأنا كتبت هذا الموضوع هنا لأن هناك شعراء يريدون نسخ قصائدهم وليس لهم علاقة
في أبناء الأخ العزيز عبدالله طلال فأحببت أن يكونوا على اطلاع بما يدور خلف الكواليس!
أسأل الله أن يوفق الجميع لما يحبه ويرضاه!

[النجلاء]

ابو عبيد صح الله لسانك ياعميد ولاهنت على هالابداعات والروائع ولاهي مستغربه من شاعرنا
خيال صح لسانك وذوقك لكن باقي ماجربت سجن الرواسي تراه غير عن ظلم وعفيف وظريه هههههههه
ناقدنا حياك الله وانا اظم صوتي لصوتك وارحب بالشاعره ريم الفلا ويشرفنا وجود أخت وشاعره مثل ريم الفلا برواسي نجد

[ناصر الهواوي]

ياهلا ياخيال مطار بس اخطيت ببانات
ضريه الرس عفيف يمين يسار بس ابانات والله ان لي عن هالديار سنين ماجيتها هههههههههههههههههههههههههههههههه
الناقد كلامك جميل بس انا ماحبيت اقول لهم ماقلته انت
اهلا يالنجلاء وانا ادعو معكما ريم للانضمام معنا
واصعقو لشاعرة نجد وريوف وهماليل والغامدي والنفيعي وباقي ربعنا الغايبين
على طاري ابانات
يقول شاعر ضريه عقاب الحنيني رحمه الله وكانو يحفرون قناة السويس اناذاك
قا ل له المراقب عقاب اشتغل والا عطيتك كف يوديك كذا (نسيته)
قال عقاب الا تكفى عطني كف يوديني جدار الهواوي يقصد في ضريه
وقال قصيده رائعه ما احفظها وسابحث عنها
شوفة عريق الدسم عندي وابانات= تسوى بوابيرٍ تعاقب عليه
ومن اباته
غاب رشدك يوم غبت العصر عنا= ماحضرت الرقص بجار الهواوي
وله
العام انا بايمن ضريه مقيضي= امقيضٍ فيها على غير راضي
ولي عوده هههههههههههههههههههههههههههههه

[رحيل]

يسعد مساكم بالخير
ابو عبيد صح لساااااانك شاعرنا
الناقد منور
نجوله منوره يالغاليه.
نضم صوتنا لصوتكم .. دعوة الشاعرة ريم الفلا ،

تسليه

القلوب اللي مشاعرها رهيفه
تختلف ﻻ هزها شعر الهواوي

والهوى ﻻجات نسماته لطيفه
عالجت قلبٍ عجز فيه المداوي

[ناصر الهواوي]

يقصد راع الهواء وكلامه صحيح جميله جدا يارحيل وصح بدنك وحياك الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ



ياخيال انا بي رعب ما اداني التهديد=خويك وعودك وش علامك اتهددني
من الشعر ازيدك بيت قدامهن رعديد=رموش النواعس سلهمتهن توعدني
علامك اتابعني ومن ذاك وش تريد=ضدي كنت والا كان قصدك اتساعدني
توقع بنفسك يابطل لاتجيب العيد=انا مع مهنا غازيٍ كم سنه قدني

[محمد الغنامي]

السلام عليكم
اسعد الله جميع اوقاتكم بكل خير
اولا اهلا وسهلا بالجميع وصحت الالسن
من شعراء ومن شاعرات وجميع المتذوقين و الحضور الكريم

ثانياً اهلا بك ناقدنا الغالي . والحقيقه نتمنا من جميع السلاطين الانظمام لرواسي ولاهو ريم الفلا فقط
بالرغم ان اغلبهم يعرف رواسي وعلى راسهم ريم الفلا والغامدي عبد الله الدنيش
وشاعرة نجد من اقدم الاعضاء هنا وراعية مكان من زمان
اذا ابناء المرحوم عبد الله فتحو المنتدى لفتره معينه
اللي بينوه بتواجد الجميع هنا يكون جمع الشمل
اسال الله العلي القدير ان لايفرقكم
وان يكون احتماعكم اجتماع
خير ومحبه صادقه

[ناصر الهواوي]

انزل للمتواجدين احصل نفسي فقط هههههههههههههههههه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


شوال زل ومالحضرتك زيله=واخاف ذي القعده يجي مثل شوال
الوقت عندك معتبر مثل ليله=وانا الدقيقه تنحسب عندي ليال
ياسيد من تظفي على الراس شيله=وصلت حدي بالجفا ما اقدر اشتال
زودت من طاغي تغليك كيله=ماهكذا التنكيل للولف ينكال

[محمد الغنامي]

اسمحولي ياجماعه ودي اشطح شطحه
مير مدري كيف اباابداهاوكيف انهيها

بس هيضني شبح كحلي بظهر السطحه
والبلا ماهوب فالسطحه ولا راعيها

[ناصر الهواوي]

الاماني واقفه بس الهمم منبطحه=وماتضيق الا وتفرج ربك يسويها
والقمر عن زحمة ارضك يتسع لك سطحه=ان عوت فيها الذيابه او صوى صاويها
لايشدك ماتراه ان كان مالك نطحه=واحتسب بالصبر واتكلها على واليه
مثل من به سكري لاقلطوا له فطحه=ايتحاشا لاقلط مايجلس اتواليها

[رحيل]

ابو عبيد ابو بندر
صحت السنتكم



في دفتر أيام عمري كل شي محسوب
لي قصةٍ لا أختليت بنفسي اقرأ بها

مؤمن وهذي هي الدنيا نجاح ورسوب
القسمه اللي من الله لازم أرضى بها

[رحيل]

السلام عليكم
اسعد الله جميع اوقاتكم بكل خير
اولا اهلا وسهلا بالجميع وصحت الالسن
من شعراء ومن شاعرات وجميع المتذوقين و الحضور الكريم

ثانياً اهلا بك ناقدنا الغالي . والحقيقه نتمنا من جميع السلاطين الانظمام لرواسي ولاهو ريم الفلا فقط
بالرغم ان اغلبهم يعرف رواسي وعلى راسهم ريم الفلا والغامدي عبد الله الدنيش
وشاعرة نجد من اقدم الاعضاء هنا وراعية مكان من زمان
اذا ابناء المرحوم عبد الله فتحو المنتدى لفتره معينه
اللي بينوه بتواجد الجميع هنا يكون جمع الشمل
اسال الله العلي القدير ان لايفرقكم
وان يكون احتماعكم اجتماع
خير ومحبه صادقه

واوقاتك اسعد واجمل ابو بندر .
اذا فتحوا المنتدى
حطوا دعوة للشعراء للانضمام لرواسي نجد

[النجلاء]

صح الله لسانك يابو عبيد
وصح الله لسانك يابو بندر
مبدعين الله يسعدكم شعرائنا اعجبتني السطحه والنطحه والفطحه
أبو عبيد مايفوت شي ماشاء الله عليه هههههههه
رحوله تسلمين يالغاليه على الحضور الجميل والتسالي الرائعه كلك ذوق ياذوق

[مهرة يام]

صح لسانك يالهواوي
وصح لسان الغنامي
ماشاء الله وش الاخبار والعلوم والابداع الي بالسجن
وانا مادريت عنها ههههههههههه
شكلكم مافقدتونيhttp://r111n.com/images/icons/516401961.gif
يعطيكم العافيه لاهنتوا

[مهرة يام]

ابيك بع دنيآك وﻻ ترخص أبيك
ولو يجبرك في شي نفسك متبغاه
كله على خشمي وحاضر ولبيك
مادمت انت وكل مافيك يفداه
ﻻ تكول انا وانا انت وش فيك
هذا ابوك الي من الحك ترعاه
هو الي يتعب لك هو الي مربيك
هو الي يسهر لك ونومه فلا جاه
هو الي يفخر بك هو الي مسميك

[قرناس الحرار]

انزل للمتواجدين احصل نفسي فقط هههههههههههههههههه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


شوال زل ومالحضرتك زيله=واخاف ذي القعده يجي مثل شوال
الوقت عندك معتبر مثل ليله=وانا الدقيقه تنحسب عندي ليال
ياسيد من تظفي على الراس شيله=وصلت حدي بالجفا ما اقدر اشتال
زودت من طاغي تغليك كيله=ماهكذا التنكيل للولف ينكال


يا ابو عبيد الوقت مافيه حيله
ماعاد ينفع فيه لا طب وهبال
أما نماشي خطته مع دليله
وألا غدينا بين الأوجاع وقتال
لكن تصبر مابها مستحيله
دنيا تلحوس مخ وتهد الجبال

قراقيع مساءيه
ومحاوله ل مجاراة ابداعك
وصح لسانك يابو عبيد
وصح لسانك يابو بندر والمشكله مهي بالسطحه ولا بالي على السطحه
هههههههههههههههههههههههههههه
ودي وتقديري

[ناصر الهواوي]

اهلا يالمهره الا والله نفقد كل من يغيب من الراسيات والرواسي ونسأل عنهم دائما وعلها اخر الغيبات
طيع شوري يابو بندر وإيت واكفل نفسك=وحدد اللي يخلفك لارحت بالزنزانه
بالسجن ياصاحبي وراه طوَّل عفسك=كان ودك تسجن الخيال قلنا عانه
والله مالي نفس الليله اكتب شي كن هجسي عاقل هههههههههههههههه

[مهرة يام]

اهلا يالمهره الا والله نفقد كل من يغيب من الراسيات والرواسي ونسأل عنهم دائما وعلها اخر الغيبات
طيع شوري يابو بندر وإيت واكفل نفسك=وحدد اللي يخلفك لارحت بالزنزانه
بالسجن ياصاحبي وراه طوَّل عفسك=كان ودك تسجن الخيال قلنا عانه
والله مالي نفس الليله اكتب شي كن هجسي عاقل هههههههههههههههه


يسلم راسك ياابوعبيد وماتفقد غالي
والهاجس حقك صابته عين من زعيم المدمر ابو بندر هههههههههههههههههههه

[الجووهره]

سلاااام عليكم

ويعطيكم العافيه شعرآء ومتذوقين


تسليه صبآحيه للسجين والجميع



الصاحب اللي عن عيوني غاب مدري ليه غـاب
الغايه انـه غـاب غيبـه ماعرفـت اسبابهـا




مدري غيابه مـن جفـا والا زعـل والا عتـاب
والا نـوى ينسـى صداقتنـا ويقـفـل بابـهـا




ليتـه يبـوح ونعتـذر والا يحاسبنـا حـسـاب
الصحبـه اللـي طيبـه لازم نحسـب احسابهـا




اليا انقفل باب الغلا فتحـت لـه مليـوون بـاب
واسرجت له خيل الرضى حتى العـذول ايهابهـا




وان خاب ظنه في انا مايوم ظني فيـه خـاب
هذا تـرى سلـم القلـوب اللـي تعـز احبابهـا




اخيل زوله مثل بدون خالـة اصـدوق السحـاب
لاكشـرت عـوج السنيـن الجايـره بنيابـهـا






واشتاق له شوق الندى للورد فحساس الضبـاب
لاعانـق الـورد النـدى مـن فرحتـه هلابهـا




انا اشهد ان الحب بلوى والفـراق اكبـر عـذاب
والوصـل جنـه تستلـذ بخوخهـا واعنابـهـا




واللي عشق له مهرتن تنقش على الكف الخضاب
امـا يبـا يسعـد بهـا والا يـبـا يشقابـهـا




اليا عطته الوصـل والاخـلاص والترحيـب ذاب
حتـى البـلاد اللـي ربتهـا ينتحـر بترابـهـا




هاذي حيات العاشقيـن امـا هنـا والا خـراب
حتـى قصصهـم كـل شاعـر فالبلـد غنابهـا




وانا رمابـي حظـي العاثـر بغـرون مايهـاب
حتـى الليالـي داربـي مـن سبتـه دولابهـا




غرون يحسب ان الغلا والشوق صفحات الكتـاب
لاضاقـت الدنيـا بوجهـه وانجبـر يقرابـهـا




اليا ذكرني زارنـي وان غـاب طـول فالغيـاب
وانا اشهد انه غاب غيبـه ماعرفـت اسبابهـا


حمد مصلح العتيبي