هنا .. سجن القوافي !!

[ناصر الهواوي]

عليك الله اكبر طحت يالمشرط الجراح=ردات النصيب القتك في كف جراحي
تبا النوم لكن من مصيبتك سدك باح=شيخرك بنومك تحسبه هرج وصياحي
لاتومي بيدك وتنفرط عقدة المسباح=ان ضاع الخرز ماعاد لك غير مسباحي
روق ياعميلي من كثير العنا ورتاح=ماعاد بيدك حاجه ومسموح وامباحي
مانشره على اللي من قهر ضغط دمه فاح=ولا الاعزل اللي مابقى عنده سلاحي

[ناصر الهواوي]

صح لسان ياشاعرة نجد على الحربيات الرائعه والقذائف المدمره وعسى العاصفه ما تفقدك ولاهنتي وبيض الله وجهكولي عوده ان شاء الله

[النجلاء]

شعراء رواسي
لاهـــنــتــــووو لاهــنـــتـــــووو
صحت السنتكم عمالقة شعر وجزاله وابدآع
بنات رواسي لاحرمنا المولى وجودكم وتساليكم الرائعه

[الناقد/عبدالله الروقي]

الله الله
صح لسانك ياسلطان وصح لسانك يابو عبيد رائعتين
قافيتها حلوة لعلي أجاريها بس أنا بلشت بقصيدةٍ مالي بها لزوم واحدٍ يبي له قصيدة وأنشبني!
لي عودة لقصائدكم!

[ناصر الهواوي]

توقيع حضور فقط ههههههههههههه
قمت لبلدهم يابو بندر بمسيار= وقلت اسنح الحاره ومريت بيته
مشيي تهدي عند بابه وانا مار=اقول لعله وجعله وليته
لاعادة الطرشه ولاعاد مشوار=بسياسته ما افلح امقرقع ونيته
وارسلت بالجوال له رمز تذكار=والرد صار بمنطقٍ ماهقيته
ورجعت بايه من كلامه ومحتار=معناه غامض حيل انا ما وعيته
لكن اظنه مجبر بعلمه اجبار= ولاهو بناسيني وانا مانسيته
لعل دارٍ تحتويهم للامطار=لو عشبها من خلقتي ما رعيته

[ناصر الهواوي]

سلطان في حزب المدمر وانت في حزب الرعد=ولاصار من حزبه دمار ولا رعدكم به مطر

[بوح شاعر]

صح لسانك عوض

صح لسانك الهواوي

صح بدنك الناقد

صح بدنك وصح لسانك سلطان

صح لسانك شاعرة نجد

[بوح شاعر]

الهواوي عود ينخا حزبه بس استلمهم ي سلطان ولا اوصيك ههههه

انا سجين ً طحت بـ يدين سجان=وعيا حلال القوم لا يفك قيده
حظي رمابي بين عجزّن وشيبان=وشلون أفهّم للقلوب البليده
العود انا خابره غادي وغلطان=ماله لزوم ً في مطوع بريده
كنت احسب انه فـ المواقف كحيلان=وأثره من الثنتين خال ً رصيده
ماغير ينخا لـ ام نايف وغزلان=بالفزعه اللي تنقصه ماتزيده
ليته نخا ابو سيف ولا لـ سلطان=ولا نخا اللي ساكنن في بديده
ولا نخا اللي مثّل لـ دور غسان=يمكن يساعد له بـ نقد القصيده
وانا تراي اليوم مانيب بلشان=ما ألد عيني في سعيد وسعيده
اعرف بحور الشعر وأجيد الاوزان=واعرف قديم الشعر واعرف جديده
والاحي الورقا على خضر الأغصان =ولجيب غير النادره والفريده
ولا اقول قول الا وللقول برهان=كل الفعول مسجله ف الجريده
واليوم ابا اعتقكم لجل بنت ويلان=روحو مراح مقيط والدرب سيده

[بوح شاعر]

توقيع حضور فقط ههههههههههههه
قمت لبلدهم يابو بندر بمسيار= وقلت اسنح الحاره ومريت بيته
مشيي تهدي عند بابه وانا مار=اقول لعله وجعله وليته
لاعادة الطرشه ولاعاد مشوار=بسياسته ما افلح امقرقع ونيته
وارسلت بالجوال له رمز تذكار=والرد صار بمنطقٍ ماهقيته
ورجعت بايه من كلامه ومحتار=معناه غامض حيل انا ما وعيته
لكن اظنه مجبر بعلمه اجبار= ولاهو بناسيني وانا مانسيته
لعل دارٍ تحتويهم للامطار=لو عشبها من خلقتي ما رعيته

هههههههههههههههههه صح لسانك

يالهواوي رحم الله امرؤ عرف قدر نفسه انت كيف تبغاها تعطيك وجه وانت عود وعلى ونيت مقربع هههههه رح للسودان يمكن لاشافن ونيتك يطلعن ويشوفنك

[محمد العواد]

الهواوي عود ينخا حزبه بس استلمهم ي سلطان ولا اوصيك ههههه

انا سجين ً طحت بـ يدين سجان=وعيا حلال القوم لا يفك قيده
حظي رمابي بين عجزّن وشيبان=وشلون أفهّم للقلوب البليده
العود انا خابره غادي وغلطان=ماله لزوم ً في مطوع بريده
كنت احسب انه فـ المواقف كحيلان=وأثره من الثنتين خال ً رصيده
ماغير ينخا لـ ام نايف وغزلان=بالفزعه اللي تنقصه ماتزيده
ليته نخا ابو سيف ولا لـ سلطان=ولا نخا اللي ساكنن في بديده
ولا نخا اللي مثّل لـ دور غسان=يمكن يساعد له بـ نقد القصيده
وانا تراي اليوم مانيب بلشان=ما ألد عيني في سعيد وسعيده
اعرف بحور الشعر وأجيد الاوزان=واعرف قديم الشعر واعرف جديده
والاحي الورقا على خضر الأغصان =ولجيب غير النادره والفريده
ولا اقول قول الا وللقول برهان=كل الفعول مسجله ف الجريده
واليوم ابا اعتقكم لجل بنت ويلان=روحو مراح مقيط والدرب سيده



ههههههههه
ههههههههه
.
.
مبدع يا غشام
صح لسانك على هالدسمه
اثريك سياسي ومحنك
ههههههههه
.
.
ننتظر ابو عبيد
ههههههه

[ناصر الهواوي]

كنت احسب انه فالمواقف كحيلان== واثره من الثنتين خالي رصيده
اما هنا ماصدقت ياغشمشم ههههههههههههههههههههههههههههههههوانا عندي مسايير اخاف يجون قبل اطلاك طلي اجرب
كان سروا بدري يكون خير والا جاب الله عمكم اللي تكويكم بدون رحمه
والا ابو سيف وهو يحسبٍ يالحمض احد مادرا ان الدعوى رقة هذال هههههههههههههههههههههههههههههه
اجل من هو اللي عنده رصيد
انت تحسب انك يوم استقصيتها تعسرني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
من يوم غابت في شفقها الى الآن=والباسقات الريح تنسف جريده
ردة فعل حتى الهوى منك زعلان= وربك يصرفها على مايريده
غشوم تو اني دريت ابك وجعان=ولا انته على قول ابو هنود سيده

[مهرة يام]

مسااء الخير يااهل السجن
صحت السنتكم ياشعراء رواسي الجزلين
مبدعين لاهنتوا على الحضور المميز
صحت اذواق المتذوقين
تقديري لكم

[مهرة يام]

روّح علي من ليل الأشواق ثلثين

واقبل عليّ ثلثٍ طوا ضيقتي طيّ

عقب الهموم وظلمة الليل والبين !

تنويرةالهاتف ملت ليلتي ضيّ

البارح اضوي به وادوّر على شين !

والحين نوره مالي البيت والحيّ

حي اتصالك يوم جاني على الحين

الفا يقدّيني عن الطيش والغيّ

يامرحبا يا صوت اشاهده بالعين

صوتٍ رسم طيفك بلوحات عينيّ

في ذمتي يا سيد كل المزايين

صوتك مثل ما أخذتني ؟ ... رَدني ليّ

[مهرة يام]

الـــبـــراقـــع عـــمـــرهـــا مـــاغـــطـــت الـــقـــلــــب وحــنــيـــنـــه
والـلــيــالــي عــمــرهـــا مــاغـــطـــت بــــــــروق الــســحــايــب ​


يـــا كــثــر مــــا جــــر صــــوت الـقـلــب بـلـحــون الغـبـيـنـه
وأنـطــرب دمــعــي وحــــوّل مــــع لــحــون الـقـلــب ذايــــب ​

خـــيّـــل الـــحــــظ وتــركــنـــي يـــــــا الله انـــــــك لا تـهــيــنــه
لـلـظــروف الـقـاسـيـه / والــوقـــت / ويــديـــن الـنـشـايــب ​

يــــا الـعـيــون الـنـاعـســه يـــــا أم الـمـرامـيــش الـسـنـيـنـه
والله ان وقــعـــك عــلـــي أشـــــد مـــــن وقـــــع الــحــدايــب ​

لا تــصـــديـــن الــنـــظـــر عــــنــــي وتــبـــديـــن الـسـكــيــنــه
دامــنـــي آشـــــوف فــــــي نــظــراتــك أطــــــراف اللهايــــــب ​
الشاعر سعيد بن مانع القحطاني

[ملكة الرواسي]

الله عليكم وصحت السنتكم جميع كل واحد بأسمه
.

مساءكم شعر
.

غالي ورب الكون ياناس غالي
حبـه سكــن وسط الحشا والمعاليق

قدره على راسي معزز وعالي
ماقد لحقني في غلاته ملااحيـــق
.
‏ﺣﻜﻲ اﻟﻌﻴﻮﻥ ﻳﻔﻮﻕ ﻛﻞ اﻟﺘﺼﺎﻭﻳﺮ
لاضاعت علوم اﻟﻤﺤﺐ ﻭ ،، ﻛﻶﻣﻪ
.
لا خاﻧﺘﻪ ﺑﻴﻦ ،، اﻟﻀﻠﻮﻉ التعاﺑﻴﺮ
ﺗﻜﻔﻴﻪ ﻋﻦ ﻛﻞ ﺍﻟﻜﻼﻡ ،، ﺍﺑﺘﺴﺂﻣﻪ

[الناقد/عبدالله الروقي]

الهواوي عود ينخا حزبه بس استلمهم ي سلطان ولا اوصيك ههههه

انا سجين ً طحت بـ يدين سجان=وعيا حلال القوم لا يفك قيده
حظي رمابي بين عجزّن وشيبان=وشلون أفهّم للقلوب البليده
العود انا خابره غادي وغلطان=ماله لزوم ً في مطوع بريده
كنت احسب انه فـ المواقف كحيلان=وأثره من الثنتين خال ً رصيده
ماغير ينخا لـ ام نايف وغزلان=بالفزعه اللي تنقصه ماتزيده
ليته نخا ابو سيف ولا لـ سلطان=ولا نخا اللي ساكنن في بديده
ولا نخا اللي مثّل لـ دور غسان=يمكن يساعد له بـ نقد القصيده
وانا تراي اليوم مانيب بلشان=ما ألد عيني في سعيد وسعيده
اعرف بحور الشعر وأجيد الاوزان=واعرف قديم الشعر واعرف جديده
والاحي الورقا على خضر الأغصان =ولجيب غير النادره والفريده
ولا اقول قول الا وللقول برهان=كل الفعول مسجله ف الجريده
واليوم ابا اعتقكم لجل بنت ويلان=روحو مراح مقيط والدرب سيده

ولا نخا اللي مثّل لـ دور غسان=يمكن يساعد له بـ نقد القصيده
غشام صح لسانك نبا نشوف رد العود ومتابعين عن كثب!
تقديري للجميع,,,

[الناقد/عبدالله الروقي]

أتقدم بالشكر الجزيل للأخوات القديرات الفاضلات على تجاوبهن في تغيير صور العرض
لهن مني أزكى عبارات الاحترام والتقدير
وصحت الألسن ودام الحضور الفاخر يارائعات

[ملكة الرواسي]

الله يعطيك العافية ويجزاك خير .


صح لسانك شاعرنا لا هنت

[ناصر الهواوي]

وشلون ارد وغاية العلم غشام=ليا طرحته قيل غشام من هو
اسمٍ على طيرٍ عقب ما شهر حام=ومن لايعرف الطير يقول شنهو
والله مالي نفس الليله لكن الصباح رباح

[ملكة الرواسي]

ناصر
صح لسانك ملاييييين
ابيات رائعه شاعرنا

[ملكة الرواسي]

‏عود لسانك في حياتك على قول
‏شي يفـيدك في نهايـة حياتـك
‏
‏سبّح و كبّر و اذكر الله على طول
‏هذا الـرصيد اللي يفيد بوفـاتك

[بوح شاعر]

صح بدنك العواد
صح بدنك الناقد
صح بدنك مهره
صح بدنك عالية المقام
صح بدنك شموخ

[بوح شاعر]

وشلون ارد وغاية العلم غشام=ليا طرحته قيل غشام من هو
اسمٍ على طيرٍ عقب ما شهر حام=ومن لايعرف الطير يقول شنهو
والله مالي نفس الليله لكن الصباح رباح

هههههههههههههههههه صح لسانك

عرفك ياناصر مايزوّد لنا اوسام
ولاينفعك ياليت ياعل يا لو
بعرضه صفق الهبايب والإنسام
واللي تبا تسويه ياعودنا سو
استفزع اللي تلبس لـ خرص وزمام
مدام قلبك مننا مشتعل ضو

[بوح شاعر]

حزب المدمر ان ماكفلتوني تراني بهجيكم واسوي صلح مع الهواوي

[غزلان]

هههههههههه والله عليكم ابيات ي الهواوي وغشام مبدددددعين صحت السنتكم جميعاااا ~
والجميع مبدعين وجزلين ويعطيكم العافيه ~
ودي وتقديري للجميع ~

[محمد العواد]

شطحات آخر الليل


ياللي تبلّ عروق قلبي بسلامك=منزلْك في روحي وقدرك على الراس
نلت الغلا كله ونلت احترامك=تفرق ورب الناس عن ساير الناس
أخلاقك وذوقك ومنطق كلامك=هزّت تداول بورصة سوق الاحساس




نديم القوافي

[صـدووودٓ]

السلام عليكم ورحمه الله وبركاته
صباحكم سعاده وخير
اشلونكم
والله زماااان عن السجن وابداعه
وع فكره صح لسانكم جميع

ووشفيكم مجوعين غشاااااااام
مسكين تعبان ومرضان لاياكل ولايشرب وبعد ساجنينه
بس يبشر المدمري بالخير
باعطيه بعض التسالي يسلي نفسه فيهاا في وقت الفراغ
وبعدهاا اجيب له فطور وغدا وعشى

واعذرناا ي غشاااموه ع قله القصور
ماحصلت في هذا الوقت غير ذي

https://www.babonej.com/forum/upimg/chatee10e29ab81.jpg


https://encrypted-tbn3.gstatic.com/images?q=tbn:ANd9GcRNmqi4L9sIVMZq3pkru3W_xLt_pkTVS puHOhgVGDM36CS8_sGP


http://www.alriyadh.com/media/article/2010/06/28/img/324993675398.jpg



ههههههههههههههههههههههههههههههه
والباقي سوا بهاا مشروع بقاله بعد ماتطلع من السجن

[محمد العواد]

شطحات آخر الليل



يـا شـوق ويـنـك ما يجيبك حنينك=بين الرجا والياس يا طول غـيـبـتْك
يا شـوق لـولا الـشوق مـا قلت وينك=مشاعر المشتاق ما عمرها جــتْك؟!
طالت سنيني وانت طالت سنينك=دربك بعيد وديرتي غير ديرتْك
من شافني قال اطلب الله يعينك=ولا انت يعلم عالم الغيب حالتْك
أحتاج لك واحتاج عطفك ولينك=وأحتاج فعلاً يا هوى البال شوفتْك
وأحتاج في دنياي طلّة جبينك=ياللي خذت من بسمة الصبح بسمتْك
القلب في حكم المحبّه سجينك=وانا ادري انك منت داري بقسوتْك
مـا راح تدرك ويش بيني و بيـنك=إلا بـنـظـره نفـس توقيـت نظــرتْك
يا صـرت قـدامـي وعيــني بعيـنك=ناظرت في نظرات عينـي محبتْك





نديم القوافي

[سلطان الغبيوي]

عليك الله اكبر طحت يالمشرط الجراح=ردات النصيب القتك في كف جراحي
تبا النوم لكن من مصيبتك سدك باح=شيخرك بنومك تحسبه هرج وصياحي
لاتومي بيدك وتنفرط عقدة المسباح=ان ضاع الخرز ماعاد لك غير مسباحي
روق ياعميلي من كثير العنا ورتاح=ماعاد بيدك حاجه ومسموح وامباحي
مانشره على اللي من قهر ضغط دمه فاح=ولا الاعزل اللي مابقى عنده سلاحي

صبحكم الله بالخير وصحت ابدانكم في مافات وصحت السنتكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
وصح لسانك يابو عبيد والله انك شرس ماتنقرب مير يعينا الله عليك هههههههههههه واستلم ماهو اتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
وصح لسانك غشام وهالحين ماهوب وقت كفاله امرح وعين خير والصباح رباح ولو كفلناك هالحين مالقينا تكسي يوديك لاهلك ههههه


عليك الله اكبر تحسبنك مثل سداح=تريّح وخل الناس ياعود ترتاحي
وكلامي وانا نايم حدربك شعيب انساح=اجل لو انا فايق وش يصير يـ ملاحي
من الخلّه اعلومك لفتنا مسيّ اصحاح=هذا من فعل حزبي ومن رميت ارماحي
تسامحني سياسه عشانك تبا المرواح=وانا ريّضٍ بك تو مافيه مرواحي
إلين اني اخلّيك ماتقرب القداح=وإلا شفت لك نيره تطرّف عن اللاحي

[ناصر الهواوي]

اهلاياجماعة الربع
غشام هلابك وصح لسانك من اول ابا ارد ويوم جابت لك صدود حلاوه وبسكوت وقراقيع نثرة الدوا ههههههههههههههه
اهلا يابو مناحي وصح لسانك
رايع يالعواد واعزي عنك اثرك رايح بخبر كان وصح الله لسانك ولاهان راسك

مايبرد لضى صدري يابو مناحي الوحواح=لكنك عزيز ولا ابي اشرشحك شرشاحي
غالي وابن غالي لو مطيرك مهيض جناح=لوهو بكفخانه هف مع ريع ما راحي
بمرواحي اقطع ما قطعته لك بمسراح=لاكن لاتهم نفيستك بالضحى الضاحي
سير بين خشم العان حتى شعيب رماح=لو اتقب كلك نار ما تقدرانجاحي

[مهرة يام]

صباح الورد يااهل السجن
صحت الالسن والاذواق مبدعين وجزلين
لاهنتوا على الحضور الفخم
تقديري لكم

[ناصر الهواوي]

(سبحان من نزل تبارك والانعام)=وبيده مفاتح دبرة الكون والجو
مانته زعيم ترفرف لجيشه اعلام=اكح لك والابعد قلت لك حو
اهلا يالمهره وصح بدنك والفخامه في تواجدك يالعاصفيه
اهلا ياصدود وحياك يامدمريه

[محمد العضياني]

مساء الخير جميعا
صحت ألسنتكم ماشالله مبدعين
تحياتي للجميع ،،،

[محمد العضياني]

(سبحان من نزل تبارك والانعام)=وبيده مفاتح دبرة الكون والجو
مانته زعيم ترفرف لجيشه اعلام=اكح لك والابعد قلت لك حو
اهلا يالمهره وصح بدنك والفخامه في تواجدك يالعاصفيه
اهلا ياصدود وحياك يامدمريه

صح لسانك يبوعبيد
لكن حو وش معناها !!!!

[سلطان الغبيوي]

اهلاياجماعة الربع
غشام هلابك وصح لسانك من اول ابا ارد ويوم جابت لك صدود حلاوه وبسكوت وقراقيع نثرة الدوا ههههههههههههههه
اهلا يابو مناحي وصح لسانك
رايع يالعواد واعزي عنك اثرك رايح بخبر كان وصح الله لسانك ولاهان راسك

مايبرد لضى صدري يابو مناحي الوحواح=لكنك عزيز ولا ابي اشرشحك شرشاحي
غالي وابن غالي لو مطيرك مهيض جناح=لوهو بكفخانه هف مع ريع ما راحي
بمرواحي اقطع ما قطعته لك بمسراح=لاكن لاتهم نفيستك بالضحى الضاحي
سير بين خشم العان حتى شعيب رماح=لو اتقب كلك نار ما تقدرانجاحي

غالي وابن غالي لو مطيرك مهيض جناح=لوهو بكفخانه هف مع ريع ما راحي

ههههههههههههه هذا والله العلم الى هنا واستسلم ماعاد اقول شي

[سلطان الغبيوي]

صحة السنتكم يالربع جميع ومرحبا يابو فهد محمد العضياني اسفرة وانورت سعيد برؤية مشاركاتك في هذا الصرح الشامخ

[ملكة الرواسي]

يسعد مساء الجميع
صحت السنتكم ولا هنتم جميع

[الناقد/عبدالله الروقي]

صح لسانك يابو عبيد
غالي وابن غالي لو مطيرك مهيض جناح
الله يرحم أبو فلاح ذكرتني فيه!
صح لسانك ياغشام ولو كان بخاطري شاعر مبدع مثلك المفروض يطلع باسمه الصريح
أحيانا تجي رديات ممتازة ماتقدر ترويها للناس مادام الشخص اللي أمامك اسم مستعار
مع احترامي لرأيك وخصوصيتك !
وصح لسانك ياسلطان ومسرعك تستسلم
أبو فهد الله يحييك ,عطنا مما جادت به نفسك لو من الارشيف ,
يابو فيصل يسعد مساك ,كني لمحت لك مشاركات في المنتدى شرفنا هنا يالأمير!


لاهنتوا جميعا ,,,,

[ناصر الهواوي]

صح الله لسانك يابو مناحي وبدنك
اهلا يابو فهد وين المشاركات والكلمات تحليليه لشخص غشام وليه ما سألت عن الاوله ههههههههههههههههههههههه
كفاله للسجين ان رضي بها والا تسليه وامر اعتقال لعالية المقام هههههههههههههههه
اليوم ابا اناديك عالية المقام=خشي بدل غشام في سجن الادب
مسكين ماحصل من الحزب اهتمام=يندب ولكن ماتهياله ندب
عقب حلاو صدود جا فيه انفصام=وعقب الرجا بالربع فيه الياس دب
البارحه يبكي على ذات الزمام=ام العيون السود ضافيت الهدب
اللي تثنى كنها غصن البشام=لاهي نحيف ولا يقال البنت دب

[صـدووودٓ]

السلام عليكم
صح لسانكم ي المبدعين الجزلين
الهواوي الله يحييك ي العاصفي
مهوره وملوكه يعطيكم العافيه ع الحظور


غداء لـ المدمري غشاااااام بمناسبه طلوعه من السجن


http://kahramana.net/wp-content/uploads/2015/12/%D9%88%D8%AC%D8%A8%D8%A9-%D8%BA%D8%AF%D8%A7%D8%A1-%D9%85%D9%85%D9%8A%D8%B2%D8%A9-%D8%B9%D8%B1%D8%A7%D9%82%D9%8A%D8%A9-%D8%A8%D8%BA%D8%AF%D8%A7%D8%AF%D9%8A%D8%A9.jpg


https://encrypted-tbn3.gstatic.com/images?q=tbn:ANd9GcTN-gd7l3-mDOJwrK0AFu1w_Cvs-0MEYbDc7f5k6rpZ0UtrbEFj


https://encrypted-tbn3.gstatic.com/images?q=tbn:ANd9GcSsJS0P-GRd2cfpPscb_ZnWDxAB80VjbZGwtm4c3SRBEPV9UfEz


بالعافيه ع الجميع

[صـدووودٓ]

مقدار حبي عالم فيه ربي
والا الموازين لغرامي ظلومه

لا..لاتقارن حب أمك بحبي
أخاف من عينك تطيح الأمومه

أخشى يقولوا عنك ماهو متربي
مابي أشارك في عقوق الرحومه

ياغايتي ماعاد فيني أغبي
حبك تعدى حدود نفس كتومه

مابيك تسأل عن مقادير حبي
بكره مع الأيام تطلع علومه

للشاعرة عابرة سبيل رحمها الله

[هماليل]

حزب المدمر ان ماكفلتوني تراني بهجيكم واسوي صلح مع الهواوي

الهواوي كفلك لجل يسوي فتنة بينك وبين حزبك
تفكيره إجرامي ... الإنشقاق جريمة
جهز نفسك للسجن يالهواوي قريب :spam_laser:

[بوح شاعر]

ناصر الهواوي;470407اهلاياجماعة الربع
غشام هلابك وصح لسانك من اول ابا ارد ويوم جابت لك صدود حلاوه وبسكوت وقراقيع نثرة الدوا ههههههههههههههه


هههههههههههههههههههههههه انا عقوبة الله عليك ي الهواوي خل عنك بساكيت صدود

صدود قدرتها حلاوه وبسكوت=وقامت تعذَّر والسبب قلّ حاجه
ولا انت فيدك ويش ياعالي الصوت=تعزم لـ ابن عمك وتذبح دجاجه
وانته من شيوخ ً لهم عز وبخوت=رجّالهم للضيف يضحك حجاجه
حطولهم مجلس وصيوان وبيوت=ويدلهون الضيف وقت المواجه
وانته ياناصر جعل شرواك للموت=فعلت فعلن مافعله الخواجه

[بوح شاعر]

صح لسانك سلطان

صح لسانك العواد

صح لسانك المهره

صح لسانك ي الهواوي وبعد الكفاله يمكن اسوي معك صلح ههه

صدود المفطح كان جايبته البارح فتحتي باب للهواوي انتي وبساكيتك

صح بدنك هماليل

صح بدنك يالناقد وانا ودي أعلن اسمي بس الهواوي وعايض جزاء متهدديني يقولون بنذبحك وعلشان كذا تركته ههه

[بوح شاعر]

محمد العضياني صح بدنك وهلا وغلا

[ناصر الهواوي]

صح لسانك ياغشام الرزق لك مقسوم والأجل موقوت=وكلٍ لما سواه بكره يواجه
بالديك شامتني وبالحشو مشموت=ولا اوحيت احد سماك مفني نعاجه
تفرح بقرطاسة حلاو بطعم توت=ليا مدته من عينها كالزجاجه
اللي بشبحة طرفها سحر هاروت=لو ما يبن لك يالملثم مواجه
كم من كريمٍ من هالأنذال مبهوت=وشعيل برقبته ماشاف العواجه

[ناصر الهواوي]

ولا صلح حتى تنحط الخيل بالقنا
لا انا جاعلها عليك صدقه وثوابها ناويه للناقد

[ناصر الهواوي]

العم عيب تهددينه هماليل=العاصفه يامدمريه عمامك
لو تغرفين القاف من حافة النيل=البحر الاحمر يالبنيه امامك
صحيح ما ودي لكم بالغرابيل=وودي بوردي الحلوم بمنامك
لكن اشوفك زدتي الكيل بالحيل=وحبيت من خشتك اداوي عرامك
من ينطحون لعاصفتنا مهابيل=لحزب الرعد في قبره اهدي سلامك
والعلم بيِّن والليالي مقابيل=ماتطعمين العلم ما ادري علامك

[ناصر الهواوي]

انا اشوف ابو بندر سلك مسلك الفراج=وحزب الرعد بالسجن يندر تواجدهم
ابو فيصل من شهور في جونا ماداج=وغيره وغيره من كذا شهر فاقدهم
سجين الرواسي دونه انقطعت الابراج=وريوف ورحيل وشيخه وغاب ناقدهم

[محمد الغنامي]

ههههههههههههههههههههههههههههه حيلهم بينهم

صحت الالسن جميع
ومرحبا بك يالعضاني ولو انا ماشفنا منك لا ابيض ولا اسود للحين هههههههههههههه
الظاهر ان الناقد معديك بالسكوت هههههههههههههه
الناقد عيونه تزالم ولا يهرج
مرحبا بالجميع وحياكم بسجن الابداع

[النجلاء]

السلام عليكم
الله يسعد مساكم يالرواسي بالخير
صحت السنتكم شعرائنا المبدعين وبيض الله جيهكم ع التواجد الرائع والتفاعل المبهر
الراسيات الغوالي الله لايهينكم ع التسالي الفاخر ويعطيكم العافيه يارب

[النجلاء]

الذين يشاهدون محتوى الموضوع الآن : 850 ( الأعضاء 8 والزوار 842)

ياهلا والله بزوارنا الغالين حياكم الله وسعداء بوجوكم

[بوح شاعر]

الهواوي كفلك لجل يسوي فتنة بينك وبين حزبك
تفكيره إجرامي ... الإنشقاق جريمة
جهز نفسك للسجن يالهواوي قريب :spam_laser:

هههههههههههه لا الهواوي طيب حتى لو بيني وبينه حرب ماتركني ف السجن يوم حزبي تركني

الهواوي عود واعزّه واجّله=لو يقول اللي يقول مسامحينه
الوفاء والطيب والله عادت له=من قديم الوقت فعله خابرينه
والكرم والجود في ناصر جبّله=مادرت يسراه عن مدت يمينه
عارفً قدره وفي قلبي محله=سيفنا اللي للمواقف ذاخرينه
ياشيبه الريم طعني ثم بالله=حبّ لي خشمه وقبّلي جبينه
ووصله مني سلامي ثم قلّه=صاحبك ربي على وقته يعينه
آه من قلبن هوى المجمول تله=واقفو العربان بالقلب وظنينه
السهر طول الليال مرافق له=لاذكر وش صار في ماضي سنينه
لي حبيبً غاب مدري وش حصله=وأتذكّر ناعس الأهداب وينه
لاحضر نوره يغطى الكون كله=وشوفته تقطع ضما الروح الحزينه
وان هرج ياحلومنطوقه ودله=ما حدينافسه في دله وزينه
جعل كل البيض ياناصر فدا له=هو هوى العاشق وذكراه وحنينه
حالف ً لاقضي لعمري مخلص له=ولجل عين من الغلا تكرم مدينه

[محمد الغنامي]

انا اشوف ابو بندر سلك مسلك الفراج=وحزب الرعد بالسجن يندر تواجدهم
ابو فيصل من شهور في جونا ماداج=وغيره وغيره من كذا شهر فاقدهم
سجين الرواسي دونه انقطعت الابراج=وريوف ورحيل وشيخه وغاب ناقدهم


ابو عبيد صح لسانك
انا واقف اتفرج في فعل غشام فيكم ههههههههههههه

انا بتركك يالعود تغرق وسط هداج=ولا ابغاء حساس اللي يشيب توجدهم
عقب ما استلمهم نايب الحزب بالكرباج=عسى محمد العواد لاقام ينجدهم
جمعهم وقفل دونهم باب بالمزلاج=وتراء قبلهم ياكثر ناسٍ يهجدهم

[هماليل]

العم عيب تهددينه هماليل=العاصفه يامدمريه عمامك
لو تغرفين القاف من حافة النيل=البحر الاحمر يالبنيه امامك
صحيح ما ودي لكم بالغرابيل=وودي بوردي الحلوم بمنامك
لكن اشوفك زدتي الكيل بالحيل=وحبيت من خشتك اداوي عرامك
من ينطحون لعاصفتنا مهابيل=لحزب الرعد في قبره اهدي سلامك
والعلم بيِّن والليالي مقابيل=ماتطعمين العلم ما ادري علامك


صح لسانك يالهواوي ...وعدنا للهجمات المرتدة
:hammer: :hammer: :hammer:

ودّي أهدّد لين ما يطفح الكيـــل
ما همّني يالعــود حـــدّة كلامـــك

ياالبحر الأحمرما قريت التّفاصيل
حنّا المحيط الّلي يغـــذّي مقامـــك

أنا هنيّا لا أصفع الــويل بالــويل
لو السّهام الموجعة هـي سهامـــك

خلّي غرور الذّات للخيل..للخيل
يا نرجسي المفردة وش علامـك ؟

بالله تكفى قول وش جيّب السّيل
للرّضمه الّلي مــن بقايــا ركامــك ؟

ماودّي أفقهق ما ورا هجعة الّليل
ويخالط غبار العواصـف عسامــك

[هماليل]

صح لسانك غشام مبدع كالعادة
وكاد الهواوي ساحرك
نادوا لنا أبو بندر يشوف لنا حل معه
لا يقضي على باقي الحزب

[مهرة يام]

صح لسانك يالهواوي ...وعدنا للهجمات المرتدة
:hammer: :hammer: :hammer:

ودّي أهدّد لين ما يطفح الكيـــل
ما همّني يالعــود حـــدّة كلامـــك

ياالبحر الأحمرما قريت التّفاصيل
حنّا المحيط الّلي يغـــذّي مقامـــك

أنا هنيّا لا أصفع الــويل بالــويل
لو السّهام الموجعة هـي سهامـــك

خلّي غرور الذّات للخيل..للخيل
يا نرجسي المفردة وش علامـك ؟

بالله تكفى قول وش جيّب السّيل
للرّضمه الّلي مــن بقايــا ركامــك ؟

ماودّي أفقهق ما ورا هجعة الّليل
ويخالط غبار العواصـف عسامــك

صح لسانك ياابوعبيد
عليك فيهم دمرهم لاترحم احد فيهم هههههههههههههههههه
صح لسانك ياهماليل
مجاراه رائعه لاهنتي
يعطيك العافيه

[مهرة يام]

الهواوي
الغنامي
غشام
هماليل
صح السنتكم مبدعين وجزلين
لاهنتوا

[بوح شاعر]

سعود لو انه بحزب المطانيخ =مهوب مطنوخن ولا قاله الله
ودك على قلّته يكواله بصيخ=حتى يعاف الشعر دقه وجله
قد قلت له حط لك فالبطن بطيخ=وراقب بعينك للنجوم المطله
واليوم صوبي ناصب له صواريخ=الطاهر انه من صغر فيه عله
هو مادرا انّا مانفكر ولا بشيخ=رجالنا عن دولة ً مستقله

[وافي الحرف]

سعود لو انه بحزب المطانيخ
مهوب مطنوخن ولا قاله الله
ودك على قلّته يكواله بصيخ
حتى يعاف الشعر دقه وجله
قد قلت له حط لك فالبطن بطيخ
وراقب بعينك للنجوم المطله
واليوم صوبي ناصب له صواريخ
الطاهر انه من صغر فيه عله
هو مادرا انّا مانفكر ولا بشيخ
رجالنا عن دولة ً مستقله

صح لسانك اخوي غشام وانا والله ماني حولك ما شاء الله عليك
ولاني حول الموجودين انتم بحر وانا مالحق ملاحيقكم

انا ما اعتبرها مجارات ولكن محاوله

وصح لسانك وصح السنتكم جميعاً

واعذرني يمكن اتمادى شوي


غشام ياخوك تكفى شف التواريخ
وشف كم واحداً عن دربنا نشله
شيخ دين وفيك من الطاخ طيخ
ولا ندري انت تتبع اي مله
الشعر بحر وحروفه مواريخ
واللي يضيع عنا نجيبه وندله
حزب ضال في زمن التفريخ
نقصه خلاف ونقطع عنه نسله
يمكن يعتبر منها قوم الزرانيخ
يرجع للعقله قبل ياصل المله

[ملكة الرواسي]

ههههههههههه
صحت السنتكم
وانا ياغفالين لكم الله
اجرااااااااااااااام

[بوح شاعر]

صح بدنك ي الوافي لا والله انت كفو بس بنمزح معك شوي ههههههههه

[بوح شاعر]

صح بدنك عاليه والله يعينك على السجن

[وافي الحرف]

صح بدنك ي الوافي لا والله انت كفو بس بنمزح معك شوي ههههههههه


صح بدنك ابد يا غشام خذ راحتك

واللي تطوله قوله

حنا هنا اخوان وازعل مرفوع

ما عندك جيبه يمكن اقدر اوصلكم

انتم بحور وانا ما اجي نقطه عندكم لكن نحاول نتشبث معاكم



وعساك ع القوه

[ملكة الرواسي]

لا تطلعوني
خلوني كم يوم افتك من الدوام
ههههههههههههههههه

[هماليل]

مــا دروا بأني قصيـــدة للشّفــق والارتحــال
عنقهــــا للنّرجسيّـــة ... بالتفـــاتـــاتــه غــريـــر

مـــا يـــروّعهـــا شعاع ولا تودّرهـــا الظّـــلال
باذخة عندا توقّد فـــي سنـــا الّلـــون المثيــر

علّمتهـــا البيـــد تقــــرا مفـــــردات الانعـــــزال
تنزوي مثل اليمامـة لا غــدا المعنى مطيــر

مـــن تناقضهــا تعانـــي انسكابـــات الجـــدال
هي دفـــا نـــارٍ هجيّـــة ..ولّا بــرد وزمهريــر

هي إجـــابة من ظماها عزّرت ريــق السّــؤال
أو ســؤالٍ مـــا لقى لــه في إجابتهــا غديـــر

هي ربيعٍ لـو يعانـــد يقلـــب الرّوضــة رمـــــال
هي جفافٍ لــــو يغازل ورّق الغصن الكسيــر

هماليل...

[ناصر الهواوي]

اثر نيتك شينه وقصدك غدا منعاج=ترا فعلهم فينا وانا دايم اجلدهم
سواييا فيكم مثل ذيبٍ تعى بنعاج=وعفينا كرم ماودي الضعفه اجهدهم
قصفنا مواقعكم بلا طايرة ميراج=ايلين اذعنو للعاصفه قل واجدهم

[ناصر الهواوي]

لو تسجل لي مدايح بالمجله=ويافتات اعلان من جده ال لينه
مع عضو بمدمري لا صلح لله=وماعليهم زود ربي لايهينه
الكرم لاهل الكرم يالقرم خله=يرفع الرجال ماتفعل يمينه
ذا تراهو مزح ما دونت كله=والهزيله ماهي إلك إلك السمينه
وكان قلبك خادر الاجفان تله=او سباه وراح به عنده رهينه
لاتجزع ما هقيته في ممله=كان تضحك لك ليا مريت عينه
والحقه وحده من عيونك ارضاًله=وشلفه من الكبد له ماهي بشينه

[ناصر الهواوي]

ياسعود انا وش بي ووش فيك ياسعود=لاداري اب مابي ولا ادري بمافيك
بس الوكاد اني ليا هبت النود=ادوخ كني وسط سلة تلفريك

[شاعرة نجد]

مساء الخير
وصحت السنتكم وداام ابدااعكم الفااخر

لاهنتوا,’’

[شاعرة نجد]

تسليه

يطربني الليل الطويل,وان جاا معه لفح النسيـم=يسـر نفسـي لوعناهـا مستبيـح فْـوادهـا
أنسى متاعب دنيتي لو كان جـوي فيـه غيـم=واسهر معه حتى ولو غايـر جْرووحـي زادهـا
دنيا غريبه مـا اعتقـد فيهـا ولاواحـد سليـم=لابــد ماذوّقـتـه الدنـيـا وعااش انكـادهـا
لوهو على كيف البشر كـلٍ يبـي فيهـا زعيـم=ينسَى هموم الماضيه ويعيـش حلـو اجدادهـا
مَـنْ قبلنـا دامـت لهـم,بالله يالليـل العتيـم=جاوب ترى عين العنـاا كثـر السهـر مافادهـا
يضيق صدري,اي نعم,وارجع على الشعر الحشيم=تمطـر هماليلـه علي,واطرب على رعادها !

[ملكة الرواسي]

يسعد مساءكم
وصحت السنتكم يالمبدعين

.

يااااااااازين السجن قهوه ونوم وجلسه حلوه > ههههههههههههه


.
http://www.almrsal.com/wp-content/themes/Broadcast/thumb.php?src=http://www.almrsal.com/wp-content/uploads/2014/10/large-615x198.jpg&w=650&h=200&zc=1&q=100

.
https://img-global.cpcdn.com/009_recipes/cd29e123601a4090/260x366cq50/photo.jpg

.

[شموخ الوايليه]

خوختي بالسجن
ياويل حالي
http://f.top4top.net/p_438cyhu71.jpg

.

.

كل ما عانق نظر عينك قمر
او لثم خدّك شعاع من غروب

او نسيم هفهف بشعرك سحر
او تغنّى بالهوى صوت طروب

او تبلّل كفّك بقطر المطر
او تبسّم بالسما نجم جنوب

او ضحك ورد على عود خضر
او نقل لك نفحه خزامى هبوب

او تهادى موج في شطّ البحر
ينشد الراحه بعد يوم تعوب

او خيال من قديم امسك حضر
يستفز القلب بالصوت العتوب

او تجاسر فكر في ليلة حذر
يسترد الحلم من درب الهروب

اذكريني واستعيديني شعر
صادق المعنى ولو وقته كذوب

[مهرة يام]

مساءالورد
صحت الالسن والاذواق
مبدعين وجزلين
لاهنتوا

[مهرة يام]

العيون اللي ورى البرقع الغاوي عذاب
البلا في برقع الصقر وإلا في العيون
والله إني قبل أشوفش وقلبي ما يهاب
بس نظراتش كذا توردني الجنون
في جديلش ظلمت الليل والوجه السحاب
والشفاه الفاكهه والعرب ما يدركون
عينش الموت المصفى واذا طار الحجاب
ان لله وان إليــــه راجعوووووون
من يقول ان سن عشرين هو عز الشباب
علموه ان الثلاثين هو عز الزيون
احذف بروحي على الدرب لو دونش ضباب
واتبعش برضاي ما ابغى اللي حولي يشعرون
في عيونش معركة موت ورموشش احراب
ونجلتين عيونش بها الخلايق يبتلون
ان مسكتي الشارع العام كسرتي الرقاب
وان دخلتي في المحلات جاوش يقبلون
ويش اسوي فيش وانتي مجننة الشباب
وغيرتي في بعض الأحيان مدري ويش تكون
أيني في وجهش العف من شوف العذاب
لا تحديني على الشين دام الحال دون
صرت أدراي كل جاهل وانا عالي جناب
وصرت احامي دون وجهش وانا أحبش وأمون
داري انش بنت منهو لا جاب الصيد جاب
شايب رباش وعطاش جعله ما يهون
لكن ان قلبي من الشوق عدابي وغاب
كل ما تقبل بي ظنون تقفيبي ظنون
وانتي احلى من حلى السيل لكنش سراب
وصلش أبعد من سماء الغيم لا غطى الركون
ولا رفعت الفير من فوق ثبان الخضاب
نقشة الحناء حكايه وضرب من الجنون
وعقدش اللي زاهي منحرش لا ذاب ذاب
ذاب ذاب من النعومه على الصدر الحنون
قولي اصلا كيف ما تستحي منش الثياب
انتي احلى ما إلبس كل شكل وكل لون
ودي أسافر بعينش ذهاب بلا إياب
لا عقب برقعش برقع ولا عقبش عيون




الشاعرحمد البريدي المري

[الناقد/عبدالله الروقي]

انا اشوف ابو بندر سلك مسلك الفراج=وحزب الرعد بالسجن يندر تواجدهم
ابو فيصل من شهور في جونا ماداج=وغيره وغيره من كذا شهر فاقدهم
سجين الرواسي دونه انقطعت الابراج=وريوف ورحيل وشيخه وغاب ناقدهم


أنا موجود يابو عبيد لكن بلشان في موضوع عندي وتو جيت من الدوام تعبان!
واللي أنت ناوي أجرها لي والله مدري وش هي لكن مادام فيها أجر الله يكتبه!
وصح لساانك

[مهرة يام]

https://www.youtube.com/watch?v=vUSJKQjjEUU

[الناقد/عبدالله الروقي]

ههههههههههههههههههههههههههههه حيلهم بينهم

صحت الالسن جميع
ومرحبا بك يالعضاني ولو انا ماشفنا منك لا ابيض ولا اسود للحين هههههههههههههه
الظاهر ان الناقد معديك بالسكوت هههههههههههههه
الناقد عيونه تزالم ولا يهرج
مرحبا بالجميع وحياكم بسجن الابداع

هذا أنا هرجت ههه لكن القريحة عيت تهرج
والعضياني ماأعديته هو اللي معديني الله يصلحه
ولاهنت,,,

[الناقد/عبدالله الروقي]

عالية القام يبا يكفلونك أعضاء الرعد ,وإن ماكفلوك كفلتك وسجنت ....
لكل حادثة حديث,,

[مهرة يام]

قــالت تشــوف طرفي

قلت أنا وشـ بلااه

قالت أشـ رأيك بزينه تحسـه مثير

قلت بعيونك الثنتين موت وحيـاه

تقتل العـاشقين وتحيي المستجير

قالت أصلن أنا أجمل وأعظم فتـاة

قلت هذا الغرور الي مخليك غيـر

هيبة الكبرياء وعنفوان الدهاه

روعة كل من هو حول زولك يسير

والجمال الطفولي والدلع ياشقـاه

مجتمع في ملامح وجهك المستنير

[محمد الغنامي]

هذا أنا هرجت ههه لكن القريحة عيت تهرج
والعضياني ماأعديته هو اللي معديني الله يصلحه
ولاهنت,,,



ههههههههههههههههههههههههههههههههه والله يابو عابد القريحه ندفها قدام وترجع ريوس

بس بتزين ان شاء الله ونقوم نذاري الهبايب انا وياك والعضياني والظاهر ان ابو مناحي معنا بعد ههههههههه

[ناصر الهواوي]

يا اهل القرايح كذبكم والله ءهواي=يعني كثير ومن جهل فيه قل له
والله ماتدرون من وين انا جاي=ومن من جيت وليه انا رايحٍ له
على ولي العرش عنزت شكواي=انا له ولابدني راجعٍ له
ابا اتريح وانتظر واشرب الشاي=واروق لو حصلت فنجال دله

[شموخ الوايليه]

عالية القام يبا يكفلونك أعضاء الرعد ,وإن ماكفلوك كفلتك وسجنت ....
لكل حادثة حديث,,

ههههههههههههه
ناقدناعبدالله
انت مع منو
ابك انت معنا من الرعد
وش الرعد ان ماكفلوك اكفلك
عاد مالنا شغل كفالة خوخه عليك
الفرااااااااج ويييييييينه
وربي بنجن منكم نمتو ماصارت
يالرعد اصحووووو
يويلي خوخه بالسجن
طلعووووها

[مهرة يام]

هههههههههههههههه
وش فيكم توها عاليه المقام مسجونه امس
وش فيكم مستعجلين على طلعتها ههههههههههه

[وافي الحرف]

ياسعود انا وش بي ووش فيك ياسعود=لاداري اب مابي ولا ادري بمافيك
بس الوكاد اني ليا هبت النود=ادوخ كني وسط سلة تلفريك

صح لسانك يالهواوي وصح السنتكم جميعاً

عشق الغلا يالهواوي ما له حدود
غرقان وانا والله ماني بناسيك
على بالي وارتاح وانت موجود
اشوف جيوشك تقهر معاديك

الوافي
...................
تسليه مسائيه وعرض مغري لكم
ملوووكه والنوري

يالخفير بالله بشويش على السجينه
ارخ الكلبشات عنها وخلها براحتها
ما تهون علي وانا اشوفها رهينه
بين قضبان الحديد تشكي غربتها
خل باب السجن دوم مشرعينه
تخاف الوحده وانا بجيب كفالتها
كلها ايام واسوق روحي لعينه
وازفها لحزبي واطلق رسنتها
حزبك ميت احساس الله يعينه
خلك مع الطناخه تمتاز بطنختها
خلك معي ولا اشوف عينك حزينه
انعم في ربيع الشوق اللي حظنتها
والنوري احسها تعاني هم حنينه
لايمرك الضيق ولا تشكي وحدتها
انا فزعتك ودمك بصدري حصينه
اقدم عليها لو الجروح تنال حصتها

الوافي

[ملكة الرواسي]

لا هنتم جميع وصحت السنتكم
هههههههههههههههههههه

الله يسعدكم

[بوح شاعر]

صح لسانك الهواوي وصلح مافيه لين نذبحك بالضغط ههههههههههه

[صـدووودٓ]

فتحت آالمنتدى قصدي \ آشۈف آلنكــ متۈآجد . .
ۈنزلِت لِـ’آخر آلِصفحہ ۈشفت آلِآۈن ۈآلِآۈف لِآين ..

ۈطلِع آنه آلِين آلِحين ضمن آلِغير متۈآجد . .
ۈضآق آلِڪۈن في ۈسعہ بٌۈسط عيۈني آلِثنتين . .

علِآمہ صآر مآ يحدر!! ۈش آلِلِي صآر ۈش آلِمڪرۈه!!
إهۈ مشغۈلِ؟ آۈ تعبٌآن!!! آۈ إن آلِلِي بٌہ آلِآثنين !!!

ۈتآلِي ضيقتي فڪرت! ۈعلِآمي ضعت فـ آلِتفڪير !
أرسلِ؟ لِيہ بٌس آرسلِ!! ۈطآلِ آلِفڪر لِہ يۈمين ,.

ۈسألِت آلِلِي يعرفۈنہ \ علِآمہ؟؟ ۈين مآ يحدر!!!
قآلِۈآ : يمڪن ظرۈفہ \ ۈقآلِۈآ : شغلِ لِۈ تدرين . .

ۈحآرت دمعتي فعيني . . ۈعسى آلِآسبٌآبٌ هي ظرفہ . .

ۈعسى بٌس آلِظرۈف آلِلِي إحڪمت غيبٌته هآلِيۈمين . .

بٌعد هآلِيۈم من سآعـۃ طلِۈع آلِشمس آلِين آلِلِيلِ . .

آحدث صفحـۃ آلِمۈقع مآ بٌين آلِثآنيہ مرتين . .

ۈصآدف شۈفـۃ آلِصندۈق [يعني هي رسآلِہ لِي ] . .

ۈشفت آلِآسم مصدۈمہ \ ۈبٌآنت فرحتي بٌآلِعين . .

آخيرآ سجلِ دخۈلِہ . . بٌعد مآ طۈلِ آلِغيبٌہ . .


ۈعآد ۈصآر متۈآجد \ بٌعد غيبٌہ لِهآ يۈمين . .

[محمد الغنامي]

ههههههههههههه
ناقدناعبدالله
انت مع منو
ابك انت معنا من الرعد
وش الرعد ان ماكفلوك اكفلك
عاد مالنا شغل كفالة خوخه عليك
الفرااااااااج ويييييييينه
وربي بنجن منكم نمتو ماصارت
يالرعد اصحووووو
يويلي خوخه بالسجن
طلعووووها


يالله دخيلك من صياح النــــوري
ماكنها ألا ياعرب مقــــروصــــه

مرت على الناقد ودقت بـــــوري
تنشد عن محمد ومعها خـــــوصه

تنعى حياة حزيبها الجمـــهوري
اللي تعشيهم جناح الصــــــوصه

لاهوب لابعثي ولاهوثـــــــــوري
الهم ديانه غيرنا مخصــــــوصه

اسف ماقصدي ياجماعه سوري
ان كان جتكم كلمتي منقــــوصه

[ناصر الهواوي]

صح لسانك ياسعود
اهلا بالجميع وصح لسانك يابو بندر لا تقسى على ربعنا بالحيل
اهلا ياغشام وابشرك مابي ضغط ولله الحمد لا حركتو صرصور اذني هههههههههههههههههههههههههههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــا


اهدو لعالية المقام الجوري=في مزهريه نسقت مرصوصه
لو الاسامي بين حوري دوري=وفرق المسافه مايجي له بوصه
وحزب الرعد ودك يشال بلوري=استيك بدي وتوها مفحوصه
وغربي سينا في جبال الطوري=سواقها يحوص فيهم حوصه

[النجلاء]

صبحكم الله بالخير والنور والسرور يالرواسي

ابو عبيد القلب النابض لسجن
صح الله لسانك ملايين ودام ابداعك
غشام صح الله لسانك يامبدع
ابو بندر صح لسانك ملايين
الوافي صح الله لسانك ملايين
شاعرة نجد مبدعه وصح الله لسانك ملايين
شاعرتنا هماليل صح الله لسانك ودام ابداعك
بنات رواسي لاحرمنا الله وجودكم وتساليكم الرائعه

[ناصر الهواوي]

انحاس لاجابو لك الناس طاري=وارتاح لامن قيل لي جاب طاريك
ماكني اسمعهم وبالهرج اواري=ما ابي الذكي منهم يعرف اني اغليك
لن للغلا بالوجه تظهر مواري=ابين لراع الحب من شمسنا ذيك
ما ادري تبيني لامتى اجحد واداري=(على غبى غشام عرف اني ابيك)
بمابين هالقوسين صرت انتحاري=لو بارض جو اصابني ودي افديك

[بوح شاعر]

انحاس لاجابو لك الناس طاري=وارتاح لامن قيل لي جاب طاريك
ماكني اسمعهم وبالهرج اواري=ما ابي الذكي منهم يعرف اني اغليك
لن للغلا بالوجه تظهر مواري=ابين لراع الحب من شمسنا ذيك
ما ادري تبيني لامتى اجحد واداري=(على غبى غشام عرف اني ابيك)
بمابين هالقوسين صرت انتحاري=لو بارض جو اصابني ودي افديك

هههههههههههههههههههههههه طيب طيب ي الهواوي


ان كان شبت مالها عّم غاري=بحد للخوصه ياناصر واذكيك
حتى تعاف اليوم شري وخاري=يللي من النعمه كبار ً علابيك
أشغلت خلق الله بكثر الهذاري=مسويّن عاشق ولله بحاليك
لاشفت بنت ً لبسها شبه عاري=تقول انا مغرم وانا ميت ً فيك
ولحدن عنك يالعود والله بداري=منته بـ مطلب راعي الجنز والميك
اسحب جوالينك بوسط الحواري=وصل الفروض الخمس ياراعي الديك

[ملكة الرواسي]

هههههههههههههههههههههههههههههههههه
صحت السنتكم جميع
محمد ضحكتني قصيدتك لا هنت

نووووووري وش رايك بالعرض
ههههههههههههههههههههه

[الناقد/عبدالله الروقي]

صح لسانك يابو بندر لاتحرش في الرعد خلك أديب
صح لسانك يابو عبيد

[النجلاء]

ههههههه
ناصر الهواوي :22::22: وغشام
:thmbup:


ياسلام عليكم مبدعين مبدعين الله لايضركم اهنيكم على سعة صدوركم وجماليات حروفكم
لاهنتوو ابداً
تحياتي

[ناصر الهواوي]

مساكم الله بالخير
اهلا ياغشام وصح لسانك
اهلا يالنجلا لا تشجعينا بالحيل
ترا رفيقي مجنون وطق بعصا وانا حوله
هههههههههههه اكيد يالمجرم على الذبح ضاري=لكن ليا ذكيتني من يلاحيك
ما ايصير لك بالسجن اي اعتباري=ذياب شمر والغنانيم توذيك
عابي لمثلك يابو خنجر سواري=ارصد حركاتك من ابعيد وارميك
لكن ياويلك لو تشوف القماري=لاابدت بعض ما اخفت تصفق باياديك
الخد برقٍ لاح لك بالغداري=ودك تغمض بس ماعاد يمديك
والعين عين اللي يحوس الحباري=وثغرٍ يشاص بلينات المساويك
مانيب والله عن تهكمك داري=انساه حين اتقول شبيك لبيك

[ناصر الهواوي]

يحذركم الناقد عن حزيبه التعبان=وهو قافلٍ بابه ومحكم لواليبه
انشق الزعيم وهيت السجن والسجان=مكانٍ يسمى الصمت به لاذ ياطيبه
ورعدكم من اللي باقيٍ به بعد يافلان=عالية المقام من الرعد شافت الخيبه
وانا اقول ماعادش علو كل خافي بان=تعالي بحزبٍ له مكانه وله هيبه

[شاعرة نجد]

يحذركم الناقد عن حزيبه التعبان=وهو قافلٍ بابه ومحكم لواليبه
انشق الزعيم وهيت السجن والسجان=مكانٍ يسمى الصمت به لاذ ياطيبه
ورعدكم من اللي باقيٍ به بعد يافلان=عالية المقام من الرعد شافت الخيبه
وانا اقول ماعادش علو كل خافي بان=تعالي بحزبٍ له مكانه وله هيبه

=تعالي بحزبٍ له مكانه وله هيبه

الله الله
كفو كفو,أبيات دسمه وكااايفه
صح لسانك شاعرنا
وعاش حزب العاصفه,’’

[شاعرة نجد]

فهمت من ابيات الهواوي ان عالية المقام للحين فـ السجن
وكسرت خاطري وجت هـ الابيات كيبورديه:smile:


حراام لَـ .هالحين عاليْةْ المقام=فـ .السّجن,وين حْزيبها ماكفلها
بزنزانةٍ ظلما لها لْيال وايام=هذا,اذا ماهو بعيدٍ اهلها
واكْتملَتْ الضيقه وتحطيم الاحلام=ومتمسكه فـ .حْزيبها من خجلها
ماودها تْبين رداهم للاخصام=وتقصيرهم معها,طويلٍ املها
تنطر كرمهم كل ماتْقوم وتنام=مامن شقردي جاب عنها بدلها

[وافي الحرف]

السلام عليكم
صح السنتكم جميعاً

هذي كفاله عاليه المقام اتمنى قبولها بصدر رحب

مدخل...
يالخفير خذ معروض قايد الطناخه
فيه التحيه مغلفه باطيب الاعواد




ابشري بالزفه يا عالية الحويه
الليله مع طلوع الشمس الافراج
سلام مني للاهل القلوب الوافيه
اللي لهم قدر طلقين الحجاج
اصفى من الزلال واطهر تحيه
من الخفجي توصل عبر الابراج
وللشاعرات الرواسي اجمل هديه
بنات العفاف وزينات الابتهاج
راعيات الذوق والطله البهيه
بساتين ورود تفوح مع الادواج
اجيك وشلون ما اجيك يالرضيه
للسجن باب والامل الف مزلاج
من جبهة الفرس لانجد العذيه
تمشي جيوش الغلا بلا احراج
قايد الاشوق ما يهاب المنيه
اجيك لو دونك بحور الهماج
ابشري بالزفه ياشمعة الحويه
الليله ان الله ارد يكون الافراج

الوافي

[ناصر الهواوي]

سعود صح لسانك بس ماسجنت احد وعالية الحويه وش قصتها هههههههههههههههههههههههههههههههههههههه


انقذ سعود من الكلبش البنيه= عن ما بغى شيخ المطانيخ ما ماج
يقدح من دماغه وناره وريه=من طيب راسه مارده فوق هداج
اثر حزيب القوم ينطح سريه=لو اسلحتهم مصديه جوف الادراج
والعاليه في كل فزعه حريه=شيخه سنافيه لكن حزبها داَّج

[مهرة يام]

صح السنتكم وصحت اذواقكم
مبدعين وجزلين لاهنتوا
وصح لساانك يالوافي على الكفاله الرائعه
تستاهل ملوكه
ومبروك الافراج ياملكه

[وافي الحرف]

صح بدنك يابو عبيد
لا تنشد كثير والسر له عندي مقر

ذبحني من ساكن وسط الحويه
منوة الروح وغاية كل الاماني
له في داخلي غلا عالي مبانيه
تمكن واستوطن واجلى احزاني


الوافي

[صـدووودٓ]

الله الله مبدعين ي الجزلين
صح لساااانكم
صح لسانك ي الوافي ع الكفاله
ومبروووك ملكتناا الخروج من السجن



يا جديد الشوق ما غيرك جديد !
من غروبك لين شعة مطلعه

اشتحنت لصوتك العذب الرغيد
وصاحبك مشتاق تملى مسمعه

يا حبيب الروح صبري ما يفيد
من سعى لمواصلك لا تمنعه

تدري منهو صاحب الحظ السعيد
من قضى عمره وهو يشوفك معه

[ملكة الرواسي]

هههههههههههههههههههههه
صحت السنتكم ولا هنتم
مشكور سعود ع الكفاله صح لسانك
بس باقي انا في السجن ما احد طلعني > ههههههههههههههه

[محمد العواد]

انحاشي بسرعه
لا نسجنك مره ثانيه
تصير عليك سابقه
هههههههههههه

[هماليل]

مبروك الإفراج ملكة

مين السجين حالياً؟

[ناصر الهواوي]

اهلا بالجماعه بصنفيهما
ابو سيف ابطيت ومريت ولا ضريت ههههههههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ


كل بنت بليلة السبت تشري مطرقين=كل مطرق تنثني دايره من لينها
من تلويها على البال يطري شخص زين=ومن تطيق تحاكي الخيزرانه وينها
للنظر عن من تثنى كما المطرق سنين =ومن قست ماعادها تنثني ياعوينها
كان ماذا مقصدي بس حاصت بي يمين=شطحةٍ مالي بها علم ابد يازينها
مقصدي مهره تسجل لنا هالغايبين=وناشطه من هالبينيات اكيد اتعينها
عن غياب اليوم من غاب يعطا جلدتين=تجلده غزلاننا ما تكل ايمينها

[النجلاء]

ههههههه صح لسانك يابو عبيد
والله انك عرفت دواهم لكن عساني ماني منهم
:headbonk:

[ناصر الهواوي]

مادام ما بالسجن احد وسعود ما سجل بديل=ردعاً لمثله ياخفير السجن هاته واسجنه
خله يقضي بالكلبشه كم يوم وكم ليل=ابا اسمع لواف الرواسي لاسريتوا هيجنه
هالقاف سبب لي هواجيسٍ تهد الحيل حيل=وقعدت اردد سالفة ياميجنه ياميجنه
يوم الزمان امريف بالحضار ولمنظر جميل=ماتنعزل حنطة نبات القمح من حلو ادجنه
واليوم ماتامن تقلابه ولو شكله حليل=على رجاه امحولٍ ياسه بجمعه واعجنه

[ناصر الهواوي]

للشمري صبو من الكيف فنجال=ومدو عليه التمره السكريه
صدره شمالي بالسجن رايق البال=مافيه ضيقة صدر راعي ضريه
احب منه اسمع من الشعر موال=ليا طرت في باله الغشمريه
اللي بحمرة جيدها ذاب سلسال=وعيونها ورموشها عن سريه

[محمد الغنامي]

اسعد الله مساكم بكل خير
صحت الالسن شعراء وشاعرات رواسي
وصحت الالسن للمتذوقين والمتذوقات
ابداع منقطع النظير الله لايظركم

عطونا ارائكم في الوان المجموعات

[وافي الحرف]

صح لسانك يابو عبيد

انت تامر امر انت راعي الاوله
ويومك قبلت الكفاله انا ما عندي اي اعتراض

ضاع معنى القصيد في لحون الربابه
يشكي القاف العذب مجاريح فنونه
قاعها جفت والهبوب اجلا السحابه
لعبها صلف الهواء وزود طعونه
لا وعذاب اللي روحت ايام شبابه
بان الشيب فيه والامال وقفت دونه


الوافي

[ملكة الرواسي]

صحت السنتكم ولا هنتم
يسعد صباحكم جميع
الغنامي حلوه ماشاء الله يعطيكم العافية

[مهرة يام]

مساء الورد يالرواسي
صحت السنتكم واذواقكم
مبدعين وجزلين
لاهنتوا

[مهرة يام]

لا ضاق بي صدري تعيني على الرجـم المنيـف
اللي شموخه متعـب العقبـان وفـروخ الحـرار
ما حدني له .. كود .. فرقا واحد " ماله وصيـف
ومن يوم سافر .. والضلوع مكسره وتشـب نـار
فإلى بكيته ما علي من حد .. حبي له شريـف !!
والبعد عن من تعشقه .. فتـرة تعايـش واختبـار
خايف على دمعي ليا هليته ..يقولـو .. ضعيـف
ولا الضعف ماهو بصوبي .. بس للدمع انحـدار
للي طيوفه .. ذابحتني ..كلبيها طيـف .. طيـف
وتضيع احوالي ولا ادري (ليل) انـا ولا (نهـار)

[مهرة يام]

يقولون المحبـه .. ويـش وآقـول المحبـه طيـش
( هيام ) .. مايعرفه كثـر منهـو منـه يعانـي !!
بدونه .. ما تحس .. انك بوسـط العالميـن تعيـش
وبه تقدر .. تعيش العمـر كلـه وانـت متغانـي !!
تحس ان فيه حد يهتم .. تحس انـك تطيـر بريـش
كلام صدق من واقع .. مهـوب فـلان وفلانـي !!
فتنتيني .. يـا بنـت النـاس وقليبـي تعلـق فيـش
وانـا تـوي صغيـر " خايـف لا يحـب ويعانـي
دخليـش غطـي عيـون " هدايبهـا سرايـا جيـش
تراى ان مت من عينش .. اثامـش وانتـي الجانـي

[رحيل]

يالله إني في ذرى عرشك إلهي
أستعيذك من ذنوبي والخطايا

في نهارٍ مايجمل كل جاهي
غير جاهك ياكريمٍ بالعطايا

[شموخ الوايليه]

السلام عليكم ورحمة الله وبركاته
اشلونكم يالرواسي وشخباركم
عساكم بخير كلكم وعلى راسكم
ملحة الرواسي الامير الهواوي
واعلن انشقاقي
عن حزب الرعد
وتركي لكل التزامات الحزب
مادام لم يكن هناك اي التزام
من ناحية الشعراء
وقلة اهتمامهم بالحزب
لذلك انا اعلنت هذا الاعلان
وتحملي لما يترتب على هذا الانشقاق
..اعطني حريتي اطلق يدي..

.
.
.

هو خلص ( حبك ) وشوقك .. هو خلص باقي حنانك
او نسيت .. انك نسيت الكون كله فـي / كفوفـي !!

لا تراهني علـى الفرقـااا ولا تخسـر رهانـك !!
دامني واقف بوجـه الوقـت .. وأتحـدى ظروفـي

تشهر سيوف الجفا عمدا" .. وظنك فـيّ ( خانـك )
بس انا حاشم غلاك .. ولا حشى ما اشهر سيوفـي

مري / ولا من عصاني الوقت .. قلت ابشر بامانـك
هات حملك يا رفيقي .. حـط حملـك فـي كتوفـي

المشاعر ( بيت حاتم ) .. والمحانـي زعفرانـك !!
وانت /واشواق المحبه / وآخر آمالـي .. ضيوفـي

اقدع .. انفاس المحبه .. واطلق لعذري عنانـك !!
ما يوازي خوفك المكسور .. ربع اكسـور خوفـي

قد حلفت إني ابيك .. وعادنـي واقـف وزانـك !!
وابتعدت ورغم كل اللي جرى .. ضاعت حلوفي !!

الله اكبر .. ماسك ٍ دمعي .. قبل ينـزل عشانـك !!
وعادني بخفيه .. سالـت دمعتـي داخـل حروفـي

روح وابعد / بس والله .. إن مكانـك هـو مكانـك
ارقب ( رجوم الاماني ) .. بالأمل وآامد شوفـي !!

وكل ما غنى ( محمد ) .. والله واحشني زمانـك !!
قلت .. جعله الزين / كنه .. وايق ٍ في وسط جوفي


من روائع شعر..حمد عبدالله البريدي

[ناصر الهواوي]

هلابالجميع
ابو بندر اذا تقصد اسماء الاحزاب جميل الا ان الرعد والعاصفه متقاربه
وعليكم السلام ورحمة الله وبركاته يالوايله ولابك وزين سويتي وعودك وخواتك بالعاصفه يرحبون بك اذا رغبتي هههههههههههههههه
وسعود بالسجن ما احد مره والا اليوم جمعه والله ان الزياره تكون مفتوحه!!!!!!!!!!!!!!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ


انا اللي سجنت سعود وانا اللي بزور سعود=وانا زيارتي لسعود يالربع وديه
من الفاخره ما يشتهي والعشاء مفرود=عسى احلامه بسجن التماثيل ورديه
ابا اوحي مرده يوم طرا نعيم العود=تكون المشاعر لا تخلويت جديه
وش قلت بشبيه اللي تقود (الجميله) قود=رشاً لو خذت روح الفتى ما قبل ديه
تتل الفواد ان سلهمت بالعيون السود=هيفا يالسنافي (...........) ماهيب عاديه

الجميله مجموعة الضبا

[ناصر الهواوي]

جزاك الله خير يارحيل ادعي لنا معتس تكفين
اهلا يالمهرة عندك ذائقه نمبر ون تسلمين يالعاصفيه
شوفي الوايليه شرشحت حزيبها حاولي تسوين لها مقبلات للعاصفه هههههههههههههههههههههههههههه


لو لمت احد ما لمت انا الوايليه=لو طولت تكتم فقع قلبها الضغط
صحيح بعض امجامل الناس سيه=وسلامه اللي ينكتب باوله شرط
حزب الرعد لكن دياره سنيه=وبلا مخايل يرزم وماطره خرط
عقدٍ وقلنا للرواسي هديه=وانبت سلكه من ردى وانفرط فرط

[وافي الحرف]

هلابالجميع
ابو بندر اذا تقصد اسماء الاحزاب جميل الا ان الرعد والعاصفه متقاربه
وعليكم السلام ورحمة الله وبركاته يالوايله ولابك وزين سويتي وعودك وخواتك بالعاصفه يرحبون بك اذا رغبتي هههههههههههههههه
وسعود بالسجن ما احد مره والا اليوم جمعه والله ان الزياره تكون مفتوحه!!!!!!!!!!!!!!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ


انا اللي سجنت سعود وانا اللي بزور سعود=وانا زيارتي لسعود يالربع وديه
من الفاخره ما يشتهي والعشاء مفرود=عسى احلامه بسجن التماثيل ورديه
ابا اوحي مرده يوم طرا نعيم العود=تكون المشاعر لا تخلويت جديه
وش قلت بشبيه اللي تقود (الجميله) قود=رشاً لو خذت روح الفتى ما قبل ديه
تتل الفواد ان سلهمت بالعيون السود=هيفا يالسنافي (...........) ماهيب عاديه

الجميله مجموعة الضبا

صح لسانك ابو عبيد مشكور على الزياره الممتعه

تدري يالهواوي وش اللي ذبح سعود
اتقلاب السحر على الساحراعظم اذيه
يمرني طيفها احياناً مع نسمة النود
وانسى حال االسجن واعيش العفويه
خيالي يرسمها والبرواز فيها محدود
تعجز بها الالون والاراضي محميه
تاخذ من الليل والقمر ونسمة النود
ومن الوحش والحمامه وصف العذيه
ولها من رمل السيف ريانة العود
يترجمها الفطن وينقيها من الخطيه
,,,,,,,,,,,,,,,,,,,,
السيف هو سيف البحر


الوافي

[ملكة الرواسي]

صحت السنتكم ولا هنتم جميع
يعطيكم العافية


،

اخبار المسجوووون اليوم

[محمد الغنامي]

السلام عليكم
صباح الخير يالرواسي
وش لونكم عساكم بخير
صحت الالسن وصحت الاذواق
اليوم الوضع ركود بقوه وش العلم
انا كنت في محافظة عفيف اليوم ودوبي رجعت
قلت ابا امر واشوف السجن وحصلت انشقاقات وعلوم تخوف الله يستر ههههههههههههههههههههههه

[ناصر الهواوي]

وراك ما هيفت شمال يالذيب
ـــــــــــــــــــــــــــــــــــــــــــــــ
صحت السنة الجميع
ما ادري الظاهر الاجواء اثرت على الناس بالغبره الله يغسلها بالمطر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
حزب الرعد من امس فيه انشقاقات=وعنهم مدمركم ترا ماهو ابعيد

[الناقد/عبدالله الروقي]

أسعد الله مساءكم جميعا
وصحت ألسنتكم ودام حضوركم الجميل
يابو بندر لاجيت سير فنجال !
زميلتنا المنشقة على الحزب تتصيرين على أفواه الشعراء!ههه
غياب الزملاء لظروف نقدرها لهم وننتظر مشاركاتهم ولاهنتي!
وأبو فهد عنده عمار في الحجاز وراجع لعفيف الليلة وسيكون قريبا هذا الأسبوع
وأبو فيصل ماعنه الطير خبّر!
ولاهنتوا,,,,,

[وافي الحرف]

صح السنتكم


الروح شماليه والصدر اوسع فجوجه
فيه من الطيبه والشهامه وعزة النفس
القلب يالهواوي تاهت فيه بروجه
برد الشتاء شالته من اول حس
مدري خطا او انا راعي مزوجه
كما الوحيد اللي يجره ناعم الجس
ما وعيت الى وانا في وسط فلوجه
انقش حروفه واتعلم منه الدرس


الوافي

[ناصر الهواوي]

مساكم سعيد والشر عنكم بعيد
نعم كل له ظروف ولكن يقدر الواحد او الوحده يدخل من الجوال يرمي كلمه يعلق على موضوع يشارك مافيه عذر مقنع
لي عوده ان شاء الله

[ناصر الهواوي]

انا ومن فوق الثمانين زاير=وحضور سكان البلد سجل اصفار
لاحر حام ولا نشاهد حراير=يافكرتي وين الحراير والاحرار
من كم يوم وسوق الابداع باير=بمبيعة الاشعار مامر ديار
والله ما اعلم وش هالايام صاير=هو صمت مع سابق ترصد مع اصرار

[وافي الحرف]

https://www.youtube.com/watch?v=5mt8Ya3rlrI

[شاعرة نجد]

مساء الخير

صحت السنتكم ولاهنتوا على روعة الحضور والابدااع
وتسلم يـ الوافي على هـ المسحوب الشجي وصح لسان شاعره ومنشده

تقديري للجميع,’’

[شاعرة نجد]

تسليه لـ السجين والزوار..


صبـاح تغريـد الطيـور,والا شـذى ورد الصـبـاح=يـاحـلـمـي الــلــي كُلّـمـا,نـامـت عـيـونــي جـيـتـنــي
مراات تشرح خاطـري واخـف مـن ريـش الجنـاح=لَـ .ـزرتــــــــنــــــــي شـرفـتـنـي,واسـيـتـنـي,سـلـيــتــنــي
ومراات كابوسٍ مخيف,للصدر من ثقلك صْياح=لَـ .قمت,جسـمـي مضـطـرب مــن كـثـر مابكيتـنـي
مابيـن سَطْـوه واجتيـاح,واحـلام تـذروهـا الـريـاح=ومـابـيـن كــنــت وُ كــــان والا لــيــه والا لـيـتـنـي!

[مهرة يام]

ماشاء الله ابداع وجزاله
صحت الالسن والاذواق
تقديري لكم

[ملكة الرواسي]

يسعد صباحكم ولا هنتم جمييييييع

[وافي الحرف]

صح لسانك يالهواوي
وصح لسانك ياشاعرة نجد
والله لا يهينكم
مهره وعالية المقام

انا وشلون ابي اقوى عليك ياليل
والصمت مخيم والهم موثق القيد
ف داخلي جروحً تهد بي الحيل
اداريها غصب خوافي انها تزيد
من اللي رمى علي حمل الشيل
يجيني ويشب فيني لهايب الوقيد


الوافي

[النجلاء]

صبحكم الله بالخير يالرواسي
صح الله لسانك يابو عبيد ودام وجودك وابداعك
شاعرة نجد صح الله لسانك ملايين ودام ابداعك يالغلا
الوافي صح الله لسانك ملايين
بنات رواسي حضور مميز وتسالي ولا اروع
لاهنتو لاهنتوو ولاعدمناكم يالغوالي
الوايليه انشقاق خطير لكن تبين الصدق مالومك فيهم ههههههههه

[محمد الـفراج]

السلام عليكم ورحمة الله وبركاته

اسمحولي على الغياب لضروف ولي عوده على اللي فات
وبعدين سمعت ان فيه انشقاقات في الحزب هههههههههههههههه
وينه الناقد ليه ما حاسب االلي تخلو عن الحزب
ههههههههههه

[محمد الغنامي]

لا احدٍ يلوم الوايليه ياعرب ف الانشقاق=كثرالنعي معروف ما يحيي عظامٍ فانيه
صاحت وناحت لين جا فيها تشنج واختناق=والضغط قام يزيد بين الثانيه والثانيه
مالومها حتى لواختارت عن الحزب الفراق=هذاه حزبٍ مايبل الكبد للضميانيه
قالت فمان الله لو الحزن محرقها حراق=واقفت وفيها الضيق فـ النظره وفـ الوجدانيه
من حزنها ماكنها تمشي على البيداء بساق=وحزب الرعد قدامها قد قفل البيبانيه

[ملكة الرواسي]

يسعد لي مساااااااءكم جميع
ولا هنتم شعارنا الكريم

نوري يادبيه ليه الانشقاااااااق عن حزبنا مو ناقص مسكين ههههههههههههههههههههههه

.

تسلسة مسائية
.

يارب من ذا الذي يعفو عن الجـــاني
ويغفر الــذنب للمــلهوفِ والعــــاني

يــاربِّ إن هــالنــي ذنبـــي وعذبني
وعــافنـــي الربعُ مِنْ أهلي وخلاني

هرعــتُ أشـــكو إلــى مـولاي أسألهُ
قـــرباً يبـــددُ الآمـــي وأحــــــزانـي

يا فارج الكربِ للمكروب في السحرِ
مُســهدِ الجفنِ مــن بؤسٍ وحرمانِ

فرج هُمـــومي فإنـــي يا ئسٌ كربُ
وخفف الحزّن عنْ قلبى ووجــداني

[مهرة يام]

مساالورد
صحت السنتكم واذواقكم
مبدعين وجزلين
لاهنتوا

[مهرة يام]

بافارقك .. لو كان ما اخترك فرقاك
بافارقك .. وآنا فرجوى وصالك

البعد لو به خير ما كان خلاك ؟؟
تقطع من عيون المحب اتصالك

ما اكثرك فالصده وفالوصل ما اشواك
الكبر لله .. ( لا يغرك جمالك ) !!

خليتني للبعد .. والبعد قساك
خلاك تنسى واحد" قد وفا لك ؟؟

[مهرة يام]

يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!

وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!

ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!

لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها

شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!

اشبهك في غيك وغيك غير واحساسك عسير
بس اختلف وياك .. فالقدره وفي منطوقها

[ناصر الهواوي]

الكهربا مقطوعه من الظهر حتى المغرب واللاب رفض ينزل مشاركتى يطلع سطر باللغة الانجليزيزه فقط

[وافي الحرف]

صح السنتكم جميعاً


مناجات مع الخالق عسى ان يقبلها مني

الامر لله وكل شيا له اسباب
مقلب الاحوال والامر بيده
مؤمن بحكمه وبيوم الحساب
عليه الامر والطاعه بعبيده
يالله ياعظيم يارب الارباب
تغفر بحر الذنوب لمن تريده
عفوك يارب يوم حمل الكتاب
يامسخر الكون يامعطي الفريده
عبدك يستغيث يوم كلن غاب
انت الوحيد الاحد القادر تعيده



الوافي

[ناصر الهواوي]

اليوم مع هالعج كلش معلق=حتى الحضور اظن له صار تعليق
لكن حزبي له ظهور وتألق=امحلقٍ في جو الابداع تحليق
من سطوته حزب المدمَر تشلق=اعضاه ما واحد قدر يبلع الريق
وحزب الرعد لو بالسوالف تملق=رغم ان الاعضاء كلبوهم مطاليق
ابو فهد زبن بغار المعلق=وينط باعلا قمة الضلع وايويق
وفي كُف ناقدهم من امس يتسلق=يقطف من زهور اليهق والزماليق
وعدٍ يرد غشام اظن ماه غلق=ومحمد الفراج خاوا التفافيق
ريوف القوافي نجمها قد تفلق=والغامدي فلاح ما عاده ايطيق

[ناصر الهواوي]

تسليه ع الطاير
يوم انت زرت محافظة حلو النبا=وراك ما قلت لخويك خاوني
وانت تعرفني للبلد عاشق وابا=شوفه وابا اقول إله بالله داوني
غروٍ لقلبي في نواعيسه سبا=ورمشه لعينه بالهجوم معاوني
سقيا يابو بندر سنيات الصبا=مهر الوصل ماهو حرون ولاوني
وسحقاً لقطع الوصل والهجر يهبا=وختامهابخور ند وجاوني

[ملكة الرواسي]

صحت السنتكم ولا هنتم جميع

[الجووهره]

مساء وصبآح الغبآر

يا اللي قلبي عليك يغآر

وش رآيكم في الدخله ههههههه

اخباركم اهل السجن والسجناء

من زمان عنكم

مين السجين ؟؟

[الجووهره]

تسلاااايات من الذآئقه


‏
‏للمكان و للأماني ألف ذكرى
‏وإنت ادرى بالمكان و بالأماني
‏
‏جيت اسأل و اتطمن او بالأحرى
‏جيت ادور ف المكان إحساس ثاني


ـــــــــــــــــــــــــــــــــ


ياصاحبي.. لا تضيق مْن الليالـي والفجـوج وسـاع
ولا من ضقت ؟ .. دوّر لك على قمة جبل وارقـا !

تبي تتأكد اني واقعـي ! طالـع .. ثـلاث اربـاع
قصايدنا .. عن الشوق , وعن الجرح , وعن الفرقا



صباحك عطر راقي وهمسك صباح الخير
صباح الوله والذوق ي باقي اشواقي

اشوفك صباح عانق الجو جوك غير
وشوفك صباح الخير في باقي اذواقي‏

[النجلاء]

لا احدٍ يلوم الوايليه ياعرب ف الانشقاق=كثرالنعي معروف ما يحيي عظامٍ فانيه
صاحت وناحت لين جا فيها تشنج واختناق=والضغط قام يزيد بين الثانيه والثانيه
مالومها حتى لواختارت عن الحزب الفراق=هذاه حزبٍ مايبل الكبد للضميانيه
قالت فمان الله لو الحزن محرقها حراق=واقفت وفيها الضيق فـ النظره وفـ الوجدانيه
من حزنها ماكنها تمشي على البيداء بساق=وحزب الرعد قدامها قد قفل البيبانيه



ايوالله يابو بندر محد بلايمها هههههههه
صح الله لسانك ودام ابداعك

[النجلاء]

تسليه ع الطاير
يوم انت زرت محافظة حلو النبا=وراك ما قلت لخويك خاوني
وانت تعرفني للبلد عاشق وابا=شوفه وابا اقول إله بالله داوني
غروٍ لقلبي في نواعيسه سبا=ورمشه لعينه بالهجوم معاوني
سقيا يابو بندر سنيات الصبا=مهر الوصل ماهو حرون ولاوني
وسحقاً لقطع الوصل والهجر يهبا=وختامهابخور ند وجاوني


صح الله لسانك يابو عبيد وعليه حق ابو بندر المفروض خبرك قبل يروح هههههههههه
مبدع مبدع الله يسعد قلبك يابو عبيد

[النجلاء]

الراسيات الرائعات لاعدمنا وجودكم الفاخر
وتساليكم لاخلا ولاعدم يارب

[ناصر الهواوي]

اهلا بالجميع
الجوهر
النجلاء
صحت ابانكن وحياكن الله
على الطاير
اقول عن من يشبهون السنه اللي بالعراق= اللي تشتت شملهم واطفالهم جوعانيه
لو الشماته جات من حزبٍ لبراقه شعاق=مير التهكم جا من حزيبٍ عظامه فانيه
يخطرف لرجليه لامنه عدا السلك الدقاق=مانيب شامت مار صايبهم كسل وهدانيه
شيخ العشيره كلما صحصح من الغفوه وفاق=عط الصياح العاصفه ياسعود عانه جانيه

[شاعرة نجد]

صحت السنتكم وداام حضوركم والابدااع
تقديري,’’

[شاعرة نجد]

لله الحمد,أُمطرنا ليلة البارحه بـ امطار غزيره
اللهم سقياا رحمه,جت على اثرها هذه الابيات,,,


سرى البارق اللي كل ماشفت برقه ناض=تهيض خفوقي والقريحه تهيّض له
ايوالله ايوالله خاطري مع وميضه هاض=تكاشف وجااب اقصاي مسرااه من قبله
وجريت موالي ودمع المحاجر فاض=تماطر عيوني مع سحابه كبر وبله
وضاقت لو فجوج الوسيعه طْوال عْراض=قد الكبد من طول المسافات مندبله
علينا وجانا خير,لاشك نجد رْياض=يشوق النظر لاسال سيله ونطرب له
عساه ايتوالا من ربيعه الى المقياض=تشابك خضاره من شمطريه لـ .الربله

[محمد الغنامي]

السلام عليكم
ابو عبيد صح لسانك
الوافي سعود صح لسانك
شاعرة نجد صح لسانك وجعله الله امطار خير وبركه
النجلاء صح بدنك
المهره صح بدنك وصح لسانك
الجوهره صح لسانك وصح ذوقك
عالية المقام صح ذوقك وصح كلك
والجميع صحت الالسن

[وافي الحرف]

صح لسانك يالهواوي
صح لسانك شاعرة نجد
صح لسانك ابو بندر
صح نقلكم يا بنات الرواسي
دام حضروك يالاميره

نفسي بفنجال يعدل الرس كيفه
ابي اطرب واعزف عليها القوافي
اسرج لها وانقي حروفً نظيفه
اقطع حبال الجفا واعلن زفافي
ماني من اللي ينطح قوماً نكيفه
ولا اراعي بعيوني الا احلا هدوفي
لي مبادي واخلاق مشاعراً عفيفه
ومن الحنين احيكلك ثياب حروفي
هات فنجالك وشوف كيف كيفه
من يدك اشرب السم ولي عوافي


الوافي

[ناصر الهواوي]

صحت الالسن والذوائق
ـــــــــــــــــــــــــــــــــ

من نومة همم هالبــشر جاني النـوم=ومعـذور انا فـلاح لا امـسا يـنــامي
قبل امس وامس ويوم سابق مع اليوم=حوسه ودوسه مع عجاج وعسامي

[شموخ الوايليه]

صحت السنتكم
شعراءنا وشاعراتنا
ابدعتم ورب العزة
وتسلم اناملكن يالراسيات الراقيات
ع اذواقكن الفريدة
وكم اسعدتني دعوتك لي
الشاعر القدير
ناصر الهواوي
وربي انها تاج على راسي
من فوق ويشهد ربي على انه معزتك
عندي كبيره جدا
لكني اعتذر منك
لانك خصمي وماراح اقدر اتحالف معاك
جيتكم ب حزب جديد
علكم تتقبلونه معاكم
حزبي الجديد
هو حزب هداج
بقيادة الشاعر عوض الرويلي ( عاشق الحماد )
ونوارة الرواسي شموخ الوايليه
والي يبي يجي معانا
حياه وبياه
له العين قبل الدار
وربي يسعدكم
وشدو حيلكم يالغوالي
الهواوي انت شاعر لك صولات وجولات
تشهد لها صفحات القوافي كلها
الله لايخليني من روحك الرائعة ونقاوة قلبك الطاهرة
لكم مني جميعا كل التحايا واصدق الامنيات بسعادة دائمة وصحة تامة

[سجين الرواسي]

السلام عليكم

مساء الخير للجميع وصحت السنتكم واذواقكم وحضوركم
واعذروني عن الانقطاع اللي ما هو الا لانشغالي والا الرواسي وسجنها ما ينصبر عنها

الليله الهاجوس مدري علامه
تقول ما عمره كتب له قصيده
هاتو لي اللي لو يذب اللثامه
تصير كل الارض عقبه سعيده

[وافي الحرف]

من العشق قضيت واوفيت حقوقي
ولا طلبة طيباً من العام اعطيته
ما ابي اقول انه ماضي اشواقي
من دم الروح عطيته حتى ارويته
حاولت اصافيه وانثر له ارواقي
وابين له جروح الصد ولا جفيته
كنت اشوف الناس بعيني تروقي
ما حسبت ان العشق شياً فرضته

الوافي

[وافي الحرف]

الف مبروك يا عوض الرويلي الحزب
والله يعطيك العافيه النوري

تحية وفاء

كل الهلا بعوض وهداج حزبه
جيت المطر جيتك يا فارسها
الميادين تشهد فعول الحرابه
تواريخ المجد فوق نبراسها
والنوري بنت وايل كلها ذاربه
والله من الشجاعه اللي براسها
من حزب الطناخه لعز القرابه
تحية وفا الشمري عالي ساسها

الوافي

[ملكة الرواسي]

يسعد صبااااحكم
ولا هنتم جميع
نوري شاعرنا عوض مبروك عليكم الحزب
بالتوفيق

[ناصر الهواوي]

اهلا يالوايله ومشكور على هالمشاعر
اللي ان دلت على شي دلت على نقاء الصريره وطاهرة القلب ولاهنتي يا اختي الغاليه
ومبروك الحزب واسمه رائع جدا بس يبيلك تحفظين رقم الانتربول لجل يجيب لك الرويلي وع القوه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
سجين الرواسي هلابك قد همرعنا عليك الدموع من مده
ما عنك الطير خبَّر وابو لثامه ما عيناه لعله يكون معك بالاستلام وحضر هههههههههههههه
والله يعين كلٍ على كل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
اهلا ياسعود وصح لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ايه ياطاري يراودني مـن امـس وقبلـه=بــزود والا قـبـل هـالايــام مـــا خـلانــي
للذي فيه اجتمع ملح وحلى مع قبله=اول الـخــلان واظـــن اخـــر الـخـلانــي
الوصـل مابيـن جـزر ومـد دايـم حبلـه=كلما اقول انقطع مـن قـو شـده لانـي
يوجـد لسبلـه كريـم وبـه كريمـة سبلـه=بس هي مع لان والماخوذ سنَّد لاني

[عوض الرويلي]

الله يسعد صباح الجميع المشكلة اني ما عمري دخلت سجن ولكن الله يعين
اكيد نبي نتجاول مع فرسان سجن القوافي اللي كلهم بدون استثناء
ابطال تشهد لهم ميادين القوافي ولكن الوايلية جرتني الميدان وانا خطوة قدام واثنين ورى هههههه
بس الوايلية ما اقوى اقول لا بنت العم معها.
صح لسانك الوافي وسجين الرواسي ويسعدكم جميع.

[عوض الرويلي]

صح لسانك يالهواوي ابداع وجزالة👍

[شموخ الوايليه]

الله يسعد صباح الجميع المشكلة اني ما عمري دخلت سجن ولكن الله يعين
اكيد نبي نتجاول مع فرسان سجن القوافي اللي كلهم بدون استثناء
ابطال تشهد لهم ميادين القوافي ولكن الوايلية جرتني الميدان وانا خطوة قدام واثنين ورى هههههه
بس الوايلية ما اقوى اقول لا بنت العم معها.
صح لسانك الوافي وسجين الرواسي ويسعدكم جميع.


الله يسعد صباحك ياشاعرنا عوض الرويلي

حياك الله

نورت سجن القوافي

اوما عاد الخطوات ههههههههه

نبيك معنا ياابن العم

شد حيلك

لاعدمناك يارب

وماعليك ابد ازهل باقي الامور

الباب مفتوح ونورنا ربي يسعدك

.

.

تسليه ترحيبيه

.

.


يا مرحبا عد ما صب المطر

................ وعداد ما برقه يسابق راعده

بك يا اصيل من بد البشر

................ و إرحِب و حَيَّا بساحة رائده

عساك ترتاح وينسَّر النظر

................ و نشوف منك علومن واجدة

.

.

هذا الميدان ياعاشق الحمّاد

[عوض الرويلي]

الله يسعد صباحك ياشاعرنا عوض الرويلي

حياك الله

نورت سجن القوافي

اوما عاد الخطوات ههههههههه

نبيك معنا ياابن العم

شد حيلك

لاعدمناك يارب

وماعليك ابد ازهل باقي الامور

الباب مفتوح ونورنا ربي يسعدك

.

.

تسليه ترحيبيه

.

.


يا مرحبا عد ما صب المطر

................ وعداد ما برقه يسابق راعده

بك يا اصيل من بد البشر

................ و إرحِب و حَيَّا بساحة رائده

عساك ترتاح وينسَّر النظر

................ و نشوف منك علومن واجدة

.

.

هذا الميدان ياعاشق الحمّاد
صح لسانك بنت العم ميدان المودة والاخوة الله يبارك فيك وبالجميع

[ناصر الهواوي]

اهلا ياعاشق الحماد وصح بدنك ولا عليك زود
بس بصراحه انا مستغرب يغيب الواحد حتى نقول مايرجع من غير شر وبمجرد مانطريه ويلاهو عند باب السجن هههههههههههههههههههههه اكيد من طيب الربع
ــــــــــــــــــــــــــــــــــــــــــــــــــ ـــــــــــ


ابيها تقديم وصارت قصيده ههههههههههههههههههههه

مجرد تسالي جت على بالي الملهود=لعل السجين ان شافه تبرد لهوده
الا ياوجودي يالرويلي وجود العود=على آخر ظنينن له وهو منحني عوده
على واحدٍ لا اقبل وسلهم بنجلٍ سود=اروح العلا وانا لزومي ورا السوده
عليها طويت الياس ياصاحبي ياكود=يجي حقل بين النير وانضاد والكوده



ايه ياطاري يراودني من امس وقبله=بزود والا قبل هالايام ما خلاني
للذي فيه اجتمع ملح وحلى مع قبله=اول الخلان واظن اخر الخلاني
الوصل مابين جزر ومد دايم حبله=كلما اقول انقطع من قو شده لاني
يوجد لسبله كريم وبه كريمة سبله=بس هي مع لان والماخوذ سنَّد لاني

[ملكة الرواسي]

يسعد مساءكم جميع
ولا هنتم

تسليه مسائية
..
شوفة الغآلين تنسينا التعب
وكم لهم مقدار من ود وعطآ..

أسعد الله وقتهم ومن نحب
وغير دعوات من القلب بخفآ..

[عوض الرويلي]

اهلا ياعاشق الحماد وصح بدنك ولا عليك زود
بس بصراحه انا مستغرب يغيب الواحد حتى نقول مايرجع من غير شر وبمجرد مانطريه ويلاهو عند باب السجن هههههههههههههههههههههه اكيد من طيب الربع
ــــــــــــــــــــــــــــــــــــــــــــــــــ ـــــــــــ


ابيها تقديم وصارت قصيده ههههههههههههههههههههه

مجرد تسالي جت على بالي الملهود=لعل السجين ان شافه تبرد لهوده
الا ياوجودي يالرويلي وجود العود=على آخر ظنينن له وهو منحني عوده
على واحدٍ لا اقبل وسلهم بنجلٍ سود=اروح العلا وانا لزومي ورا السوده
عليها طويت الياس ياصاحبي ياكود=يجي حقل بين النير وانضاد والكوده



ايه ياطاري يراودني من امس وقبله=بزود والا قبل هالايام ما خلاني
للذي فيه اجتمع ملح وحلى مع قبله=اول الخلان واظن اخر الخلاني
الوصل مابين جزر ومد دايم حبله=كلما اقول انقطع من قو شده لاني
يوجد لسبله كريم وبه كريمة سبله=بس هي مع لان والماخوذ سنَّد لاني
الله يسعدك يالهواوي على هالجزلة
والله كنت مسافر خارج السعودية الجسد هناك والقلب عندكم دمت رائعا ودي واحترامي

[مهرة يام]

مساء الورد يااهل السجن
هلا بك يالرويلي
بالسجن منور ابشر بالتسالي والاكل الزين ههههه
صحت السنتكم واذواقكم
مبدعين ماشاء الله

[مهرة يام]

تسليه للسجين عوض
جيتك بطيب وخلني ارحـل بطيـب
منت بكفـو لمحبتـي واشتياقـي ؟؟
تسمـع لقـول مجمعيـن الاكاذيـب
ويلي على ادري بس ويش انت لاقي
باغيب واقفي عنك واسمح لي آغيب
اما على المرجاع ؟؟ ماني بهاقي ؟؟
عطني وفاي اللي كلتـه اللواهيـب
واعطيك حب ٍ خاطري منه شاقـي
فعلك .. يكدر صافيـات المشاريـب
حتى ما عدت اشتاق ذاك التلاقي ؟؟
اضحك واجامل بين بسمه وترحيـب
محدٍ درى عن علتي .. واحتراقي ؟؟
جروح غيرك يمكن تزول وتطيـب
ولا انت جرحك بين الاضلاع باقـي
لا تدور لفرقاي جـرح وتصاويـب
وابشر بعزك دام تبغـي فراقـي ؟؟

[مهرة يام]

ا لايمين اللي يحب انا ارتجيكم اتركوه
ومن شافني داله مع الهاجوس لا يشره علي


لا تسألوني ليه انا اغليه لكن اسألوه
اللي معذبني غلاه وضاع عنده منزلي


مر يتعذر بأمه ومر يتعذر لي بأبوه
والانتظار اللي توال الليل يغليني غلي


يا هوه ولا ياه ولا آه ولا قول يوه
امحق شهر الى متى يابو اللباس المخملي

[شموخ الوايليه]

.

.

الحمدلله ع سلامتك شاعرنا عوض الرويلي
الا صج منو السجين
لايكون غشام
.
.
تسليه للغوالي

.
.


اسكن "بـ صدري"وحط ايدي بـ ايديك ..
شف غيآبك " كسر ..{ ضلوع..الامآني..
حطم آحلامٍ بهآ " كنت " ..// ارتجيك ..
لاتغيب " الشوق " في عيني بلاني ..
لاذكرتك ..[ انهمل ] .. دمعي عليك ..
دمعي .. اللي من "غيآبك"مـآ نسآني ..
لاغفى هـ الجفن .." صآح [الله يهديك]
لاتنآم .. العشق" لخبط لي " كياني
كل ضلع" بداخلي يـصرخ ".. يبيك
كل ضلع لاطريت ( اسمك ) بكاني ..
يرثي لـ حالي .. "" ويسألني عليك
حتى جرحك .. هـ الوفي له طعم ثاني
يآعسى هـ "الجرح" .. مايومٍ يجيك ..
يلآ " اِرجع " اجبر .. بـ خاطر زماني ..
ماتعبت من "الـجفــا" .. { وأنا احتريك ..
لاتدوٌر .. في السنين .. [ العمر ] فآني ..
اسكن "بـ صدري" وحط ايدي بـ ايديك ..

[محمد الغنامي]

الله الله
صح لسانك يابو عبيد مبدع وجزل كالعاده
سعود الشمري صح لسانك
الرويلي ياهلا والله وغلا فيك منور السجن ومبروك الحزب الجديد
المهره الاصيله صح لسانك
عالية المقام صح ذوقك ياذوق

اعتذر عن عدم التواجد
هناك ضروف ان شاء الله تتحسن ونرجع لكم
ولا نروح نهائي ونتركم هههههههههههههههههههههههه

[وافي الحرف]

صح السنتكم جميعاً
وصح نقلكم المميز

السجين انا هل فيه اعتراض

ياالهواوي غديت انا عنك اليوم
تاهت دروبي بين روحه وجيه
صاحبك يابو عبيد صار منجوم
شكيتك وانا بين الجروح الخفيه
عمته بلا شراع ومجداف يأوم
طبيت وانا ما اهاب وقت المنيه
بحراً تلاطم امواجه وبي تزوم
عجزت ارسيه واسبب له اذيه
احاول ارسي رصيفها المردوم
الروح فيه لاهي ميته ولا حيه
ياكثر الامواني بعيوني تؤوم
ولا لي الا واحداً نفسه رضيه
رميت الاماني له وطيره يحوم
وابعدت عن سيفي ولا لي جيه
مريت مراسي كلها لي شؤوم
الا هو اشوف مشاعره لضيه
يابو عبيد صاحبك صار منجوم
اقفى به العشق وابعد حراويه


الوافي

[ناصر الهواوي]

ارحب يالهداجي وتسلم ويسلم قلبك وصح بدنك
ابو بندر الا ان شاء الله الاوله ولا يصير الا الزين
سعود صح لسانك
الوايله هلابك
المهره حضور ولا اروع حييتي
البعد ماهو بالخطا والمسافات=هذا حديثات الوسايل طونه
بعد القلوب ايوازره شين نيات=هذا هو اللي تجزع النفس منه
ليا صار من شخصٍ تثق فيه بالذات= وبلا سبايب تنحمس حمس بنه
عزاي من حضرتك في كل مافات=انك تعرف اللي لحضرتك اكنه
ماتشوف شر ودمت في ختم الابيات=ماعاد ابي وصلٍ يجي فيه منه

[شموخ الوايليه]

مدامك السجين ياسعود
عندي لك عشا خفيف
مرقوقه على كيف كيفك
تستاهلها انت والمتواجدين
كنت بسويها بلحم
لكن مافيه سويتها بدياي
الطعم وااااو
عليكم بالف عافيه بس اتخلص
بنزلها لكم

.

.

ياشِوق لِو انِك عِن الحِـال تـِدري
وتشوف حال اللي هواكـم براهـا

ياشِوق دمعي فوق الاوجان يجري
وكثر البكا هدد عيونـي يعماهـا

ياشِوق يكفي كني العـود مبـري
وش لك بحالٍ ياإسن مـن رجاهـا

ياشِوق وش ينفع صدودك وهجري
وانت ابعد عليّ من النجوم بسماها

وجدي عليك ياشِوق واطول صبري
وجد الذي ماتـوا بيـومٍ ضناهـا

وجد الذي من قبل يحجى ويـذري
دارت به الدنيـا وضامـه شقاهـا

وجد الذي من عقب ماهوب مثري
قـام يتعطـى لابتـه وقربـاهـا
ياكثـر عبـراتٍ تكسـر بصـدري
إليا انقضت هذيـك هـذي وراهـا

جرحتني ياشِوق والجرح خطـري
وجـروح قلبـي مالقينـا دواهـا

خاشرتني ياشِوق حتـى بعمـري
قربك سعد روحي وغايـة هواهـا

جبرتني يامشعـل القلـب جبـري
حتى عيوني لـو بكـت ماكفاهـا

اتركني اسعد لو ثوانـي بعمـري
يكفي علي دنيـاي دارت رحاهـا

[وافي الحرف]

صح لسانك يابو عبيد

عشتي النوررري بنت اجواد
وصح نقلك

هذي على الطاير


لو الجدى لعب عيال والله اني لاعبه
اصف لك احلا الكلام واغنيك موال
لكن الله الشهد علي اني اعشق حبه
ولا ابي غيره جواب لو كثر الاقوال
جاك الغلا الصادق واصفى عذبه
تعد مراحل الشوق بزمان الاهوال
وش بقى لي عندك تعال كبه وصبه
ابيك كلك لا تخلي شيً من المنوال
الوافي

[عوض الرويلي]

تسلية للسجين:

البارحة ونيت الفين ونة.........والفين رگّز نشرهن بالفؤادي
والفين زرع القلب مني رعنّه..... والفين خلن عظامي همادي
والفين مع الفين حنيت حنّة.... حنين خلجٍ من نياقٍ تلادي
يذكر ولدهن غادي ن وافختنه....بكثرة جهام اختلط يوم قادي
ابو قرون ن فوق متنه كسنّه....ذيل العريب مشمّرٍ للطرادي
قالوا ضحوك وقلت يضحك بسنّه... فتق قران الثوب خبثٍ عمادي


تسلى يا سعود لين الله يفرجها عليك

[شموخ الوايليه]

جتكم المرقوقه
وعليكم بالعافيه
مو مثل طبخة بعض الناس هههههههه
ابوناصر مطلق المورقي
اتحدانا حياك اقلط

.
.
https://c.top4top.net/p_445ls1qc0.jpg

.
.
الزبده تو ماذابت والفلفل الحار يشلوط وعليكم بالف عافيه
الجميع الرواسي والراسيات

[وافي الحرف]

صح لسانك ياراعي العليا
عساك ع القوه النورررري
الفلفل زين انا من عشاقه
كثر الله خيرك

ياعوض نكبة عمري نكبتً عاطفيه
للحين ما وصلت اقصاها في معاناه
تعبت اخايل طيفه في صبح وعشيه
واجر قوس الشنه وصوتي فيه الاه
انزف العبرات ودموع عيني عصيه
اساهر الليل ويتجدد بداخلي خلاياه
والروح تنتزع من الحظوظ الشقيه
العمر اقفى ولا تهنيت حتى ملاقاه
كواني وقت الغياب واشعلني لضيه
كني كسير الحرابه بين سيفه وشلفاه

الوافي

[ناصر الهواوي]

صح الله لسانك يالرويلي
وصح الله لسانك ياسعود هالايام انت شكلك رايحٍ فيها طيطان عزي لقلبك ههههههههههههههههه
الوايليه روعه هالمرقوق تسلم يديك واكرمك الله واغناك
(روح الليل يامرزوقه== لا عصيده ولا مرقوقه)
وفيه مثل بس ما اعرف قصته
(عهدي بهم يرقون)

ــــــــــــــــــــــــــــــــــــــــــــــــــ ــــــــــــــــــــــ


سجينكم ياعوض قلبه غدا خربق=امخرقٍ في سهوم رموش مزيونه
يومي بدينه على الكرنيش ويطربق=الفكر شارد بدمعه غرقت عيونه
هم الشغل والرطوبه والهوى والبق=واللي يبي حالت الاقدار من دونه
الشعر ذيل اشقرٍ يوم اللزز يسبق=وعين اشقرٍ لاكفخ غشام يدعونه

[الجووهره]

مساء الخير

يا وجوه الخير

ويعطيكم العآفيه جميعا

الشعراء المبدعين والمتذوقين الرآئعين

ومشكووره شمووخه ع المرقوقه اللذيذه

وتسلم دياتك الحلوووه

بس ليه انشقيتي عن الحزب

وين الوفآآء للحزب ههههههه

اهم شي لا تسحبين ملووكه معك

ما يبقى الا أنا والزعيم

ويفرحون العوآذل
لبى قلووبنا بس

[وافي الحرف]

هههههههههههههههههههههههههه

صح لسانك ابو عبيد

لو انها سالفة كرنيش كانت هانت
مير البلا وراك ب 400كيلو
يبرد الشوق وعيني مابعد شافت
مغير انقش حروفي بالوجد شالو

الوافي

[الجووهره]

توّلـم للسفر جفنٍ عـلى درب السهر مجبور
يخفّي عن بعَـض حلمه قبـل يرحل بعَـض ياسه

عسى بيت القصيد إن مابنى له فالصدور جسور
و حرّك في نفوس الناس حاجه ينهدم ساسه

إذا ماكان من صادق معـاناه و عميق شعور
عسى ريح الشمـال يطيـر به لا هب نسناسه

ــــــــــــــــــــــــــــــــــــــــــــــــــ ــــــــــــــــــــ

البارحـه مـرّت علـي ليلـه ولا كـل اللـيـال
جلست احسّب فالسنيـن اللـي مضـت وآعدهـا

ماخذت غير الجرح والطعنـه وشرهـات الرمـال
يومٍ أسوق الرجـل فـي رمضـا الغـلا وآمدهـا

ماوحيت غيـر الحلـم لامنّـه تباعـد واستحـال
شفت الامانـي بعّـدت وازريـت لاكسـب ودهـا

يا قلب لا تشره علـى اللـي فـات والدنيـا زوال
خـل العتـب لاهنـت وابـواب الامانـي سِـدهـا

ــــــــــــــــــــــــــــــــــــــــــــــــــ ـــــــــــــــــــ

يـا [ قـلـب ].. لا تشـره علـــي يـــوم هــوّنـت
كنت احسبه ( ضآمي ) يعانق سرابك ,,


كنت احسـبه يسـألك يـا [قلب ]: وين انت
ماكنت احسبه يسألك ( ويش جابك ) ؟

[ملكة الرواسي]

قلبووووو تسلم يدك نوري
عليك بالعافية سعود
صحت السنتكم ولا هنتم

[الجووهره]

فمان الله يا أغلى من سكن بين الضلوع وهام
فوادي في غلاه بحاضـر الدنيـا وماضيهـا



أبرحل وأنت تدري للظروف القاسيات أحكـام
وصل ركب المفارق والقوافل صـاح حاديهـا


علـى الله يامتاييـه الليـال وقسـوة الأيـام
على الله يالجروح اللي عجز عنهـا مداويهـا


وألا ياقلبي اللي من صواديف الدهـر منظـام
عليك الصبـر وعيونـي طلبتـك لا تبكيهـا


دموع مفارق أحبابـه تشابـه دمعـة الأيتـام
وأنا دمعي عليّ أغلى من الدنيـا ومـن فيهـا


أبا آعلّمْك يالقلـب الحزيـن إن السعـد قـدام
وأنا أدري بأنّك أدرى عن حياتي ويش تاليهـا


كتب حبر القدر حكمه عليك وجفـت الأقـلام
ومواثيق الوصال الغاليـه طاحـت عراويهـا

[ناصر الهواوي]

اهلا بالجميع والله الامور ما هي اللي نبي بدا يدب فيهم التراخي المتعمد
لما رأت اختها بالامس قد خربت= صار الخراب لها اعدى من الجربِ
بدينا بمعادلات الدرجه الثانيه
3=1لكن 3=صفر اوماعندي سالفه بالرياضيات هههههههههههههههههههههههههه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ


اواه وآااه وليه ما تنفع اواه=واظن كل آااهاتك تعادل آااهي
بسم ونعم قايضني ارجوك في هاااه=ولا تقول لي لاقلت وين انت/لاهي
يرضيك من يغليك غشام يشناه=زبدة كلامي عذرك اليوم واهي

من فضلك كملها ياسعود

[رحيل]

أسلا مع السالين و أسئل زماني
هو عاد باقي لـ التلاقي مواعيد ؟

عن مايكن الصدر يعجز لساني
مشاعري قيدتها بالصبر قيّد

.
.
مساء الخير يااهل السجن

[وافي الحرف]

اواه وآااه ولـــيــــه مـــــــا تــنــفـــع اواه
واظــن كــل آااهـاتــك تـعــادل آااهـــي
بسم ونعم قايضني ارجوك في هاااه
ولا تقول لي لاقلت ويـن انت/لاهـي
يرضـيـك مــن يغلـيـك غـشـام يشـنـاه
زبـــدة كـلامــي عـــذرك الـيــوم واهـــي

صح لسانك يالهواوي
بس عساها توفي

يدور الزمن ويجي يجر خطاه
يبي علوم السجن وهو يباهي
كلن يشكي همه وقسى معاناه
نشوف عذره مع بريق شاهي
وانت وانا هنا نشكي المشكاه
تبي تزين لو العمر يضاهي

الوافي

[ناصر الهواوي]

مساء الخير ياسيداتي وسادتي
اهلا يارحيل هالبيتين روعه صح لسان شاعرهن او شاعرتهن
صح لسانك ياسعود ولاهنت يالغالي
الحاقا لما سبق ههههههههههههههههههههههههههههههه


ياسعود ما تاتي كذيا مثناه=ارخ الاعنه للقوافي اتباهي
غروٍ زهى في كفه الترف حناه=تبطي لو يقابلك ياسعود فاهي
يمناي له عامين ما لمس يمناه=لفت شبيهٍ له عصير انتباهي
لكن حلايا ذاك ماهي حلاياه=جيته ولا اظنه فطن فيِّ ساهي
ياسعود لو تصغي واعدد مزاياه=في مجمله ياسعود بالزين راهي

[وافي الحرف]

مجنون القاف عيت تزين معه اليوم
والوزن يخون في مجمل الحروف
مثل وضعي طيراً بالسماء يحوم
كفخه العج وراعيه يجر الحسوف

الوافي

[ناصر الهواوي]

صح لسانك ياسعود لاتستعجل
اكتب البيت وحاول تغنيه بلحن واحد اذا ضبط اجعل ما بعد على نفس اللحن الشعر موصناعة نووي كلام بكلام يحتاج وزن هههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــ
عسى ما حصل بين الربع ياسعود خلاف=اشوف الربع ياسعود عن سجننا هجو
ماودي اكمل الظاهر انا طفشنا البشر الله يستر

[وافي الحرف]

هذا مرض يالهواوي

ولا لقيت علاجه

[ملكة الرواسي]

يسعد مساءكم شعارنا الكرام
لا هنتم

[شيخـــة الغــيــد]

/

الله يصبحكم بالخير والرضا وراحة البال

صحت السنتكم شعراءانا مبدعين و وافين

وسلمتن غالياتي ع الذوق الراقي الرَّفيع في اختيار بيت القصيد

/


ذائقة وتسلية لـ السجين



يا سحاب القيض وقّف .. لا تلـوّح للمطيّــــة
التفت للشوق باقي فـــي حنـــايـــا ســـالفتهــــا

والله انها بك تخيل من الوله ذكــرى نديّـــة
لـــو تباريح الظّهيـــرة فـــي خيـــالك لوّعتهــا

ليلــةٍ والثّلــج يلثــــم مــــن جنــون الجاذبيّـــة
مـــن دفاهــــا ذاب مغــــرم في ثنايا عاطفتها

ليلـــةٍ والبـــرد مـــوعد والدّقايـــق ســـرمديّـــة
ليلــــةٍ عـــزّر شتـــاها كـــلّ عـــرقٍ باوردتهــا

وقّض بـــذيك الكفـــوف الغافية حسّ الحميّـــة
مدّهـــا جمـــرٍ يحن مـــن البطــــا لملامستهــــا

ضاعت أشلاء المعـــانــي واحتواهـــا أبجديّـــة
كنّهــــا صمـتٍ تهـــــادي بانتفاظــــة مفردتهـــا

أقبلــت مـا بين عصف وزمهرير وعنجهيّــة
وانثنت مـا بين نــزفٍ من هجير مسامرتهـا


http://alaml-algaded.com/wp-content/uploads/2015/12/211304_u35.jpg

[شيخـــة الغــيــد]

/


ذائقـــــــــــــــة وتسلية


قبّعـــة شمســه تظلّــل انثنــاءات الجمــــــال
خوف يقراني شعاعه في تفاصيل الهجير

مــا درى بأني قصيـــدة للشّفــق والارتحــال
عنقهــــا للنّرجسيّـــة ... بالتفـــاتـــاتــه غــريـــر

مـــا يـــروّعهـــا سنـــاه ولا تودّرهـــا الظّـــلال
باذخة عندا توقّد فـــي سنـــا الّلـــون المثيــر

علّمتهـــا البيـــد تقــــرا مفـــــردات الانعـــــزال
تنزوي مثل اليمامـة لا غــدا المعنى مطيــر

مـــن تناقضهــا تعانـــي انسكابـــات الجـــدال
هي دفـــا نـــارٍ هجيّـــة .... ولّا بــرد وزمهريــر

هي إجـــابة من ظماها عزّرت ريــق السّــؤال
أو ســؤالٍ مـــا لقى لــه في إجابتهــا غديـــر

هي ربيعٍ لـو يعانـــد يقلـــب الرّوضــة رمـــــال
هي جفافٍ لــــو يغازل ورّق الغصن الكسيــر


http://almraah.net/imgcache2/959554.gif

[شيخـــة الغــيــد]

/

إنّ الحياة إذا ضاقت بما رحبت
نلقى الوسيعة في أبواب بارينا
فاطُرق بكلتا يديكَ الباب مُنتظراً
إنّ الكريم يجيب نداءَ شاكينا⁧

=

http://www.upload.jo1jo.com//uploads/images/jo1jo.com7fb17ea8a8.png

[وافي الحرف]

صح السنتكم جميعاً

مشكوره شيخة الغيد وكثر الله خيرك

هذا الابيات مقصوده وتعرف طريقها

الدنيا الهواوي تغيرت بها امور
راح عهد وجتنا عهود جديده
امس بسروال وفانيله يدور
واليوم البشت يزف الزغاريد
ثنتين والثالثه فيها شبه الحور
زين ودلع من ناس اجاويد
انتبه عليها ولاتعاند وتجور
ترها عزيزه وهذا العلم الاكيد


الوافي

[ناصر الهواوي]

زل الشهر ما لفا العواد=لعل له يمنا عوده
انا اشهد انه غيابه زاد=متى تذعذع لنا نوده
ان كان عايد لحق عياد=فايام هالسجن معدوده

[محمد الغنامي]

ياعود لاتشغل الاجواد=كلٍ مروح وراء ذوده
سجين متحيزمٍ بقياد=سعود شافه وراء جوده
وغشام جاهم على طراد=فيه البريكات مشدوده
وانا من الدمع كمي باد=ونفسي عن الزاد مسدوده
شوف الحبيب من الاعياد=لاكن عسى ربي يعوده

[النجلاء]

مساكم الله بالخير والنور والسرور يالرواسي
صحت السنتكم شعرائنا وشاعراتنا
ابداع وجزاله وحضور مميز
الراسيات الغاليات حضوركم وتساليكم في قمة الروعه والذوق
زوارنا الكرام حياكم الله وبياكم في ربوع منتداكم

[محمد العواد]

صح لسانك يابو عبيد
وجميع الشعراء والزوار
لا يابعد حيي هالخوي ينشد
اليا غاب رفيقه ابشر والله
بالسعد يابو عبيد هههههههه
ــــــــــــــــــــــــــــــــــــــــــــــــــ ــــــ

اللي نشد عنّي وانا غايبٍ عنْه
عسى ينال المهرة اللي عشقها

حنا فدى شرواك دايم على أيمنْه
يما على الميدان يظلم شفقها

والموقف اللي كل ذخرٍ تبي منْه
ما تنقل البندق بليا فشقها

[الجووهره]

صحت الالسن جميعا

شعرآء وشآعرآت

ومتذوقين ويعطيكم العآفيه





لذكريات بيوت .. من غير سكان
مهجوره .. ما كن احد حي نزلها
.
ديره كل مبانيها ترتكز على كان
واصعب سؤال نواجهه وين اهلها


ـــــــــــــــــــــــــــــــــــــــــــــــــ

ين رحلة غياب وبين رحلة : حضور
وبين مبروك طفلك واحسن الله عزاك !

من هنا : تعـرف ان الدنيا محطة عبور
وانها ماتساوي .. وزن عود : الاراك !


‏قل للزمن لآضاق صدري عوافي
‏بكره تزين وينشرح خاطر الوجد
‏.
‏كان الآلم في محجر العين غافي
‏ترآ الآمل ماله وسط خافقي حد.





ــــــــــــــــــــــــــــــــــــــــــــــــــ ـــــــــــــــــــــــــــــــــــــ

[ناصر الهواوي]

مساء الخير للجميع
بصراحه انا على سفر بس مريت اشوف اكثر الجن والا الانس
ابوبندر عسى ماباس يالغالي
ابوسيف صح لسانك والله ما نسأل الا عن غالي
النجلاء والجوهره والراسيات هلابكن ولي عوده ان شاء اللله

[شموخ الوايليه]

مساء السعاده ياابو عبيد
عسى ربي يسهل سفرك وكل امورك
الجن مربطينها حتى اشعار اخر
اما الانس شوفة عينك
بها ضباب وغيوم
ننتظر لحد ماينجلي هالغيم ونشوف
ارضنا من سمانا
الله يسعدك يارب ولايحرمنا طلتك
جمعتك مباركه وسعيده ان شاء الله

[وافي الحرف]

سجينكم اليوم طق جوله
يخايل البرق مع الدريشه
والخفير رايح في جوله
والعرب كلنا نافخ ريشه
انا بين كلبشات الصوله
ذيباً يفر يدور عريشه
ينادي ولا احدً حوله
وده لو يحصل فريشه

الوافي

[محمد الغنامي]

اروح واشـتاق لك وادور علـــــيـــك
فالموقع اللي فيــه لاجيـــت اذكــــرك

والقاه مثلي كـــل مابـــه يحــتـــــريك
من العتب وده يبـــــــوح ويشــكــرك

في كل ركن اشم عطرك واحتويك
ياللي على عرش المـحبــه ماكــرك

مالك بــقلـبـي لاوريــــث ولاشـــريك
حتى عن عيون المخالــيق انــكـرك

[ملكة الرواسي]

يسعد مساءكم جميع
لا هنتم ويعطيكم العافية
.

[ناصر الهواوي]

اهلا يالوايله وتسلمين ولاهنتي وبارك الله فيك لكن ما ودي تربطون الجن خلوهم يحركون الكسالا
اهلا يالجوهره
صح لسانك ياسعود
اهلا يابو بندر وصح لسانك على هالدرر
يابادع القيفان ماتبت يديك=وانا اشهد ان شاعرك يا قاف احكرك
وراك ياهجسي عنه تربط بريك=يمكن بقافيته لعبك واسكرك
لدخول ميدان الجنون اثره وشيك=حسبي على اللي فيه بالهجر اركمك
يمكن بعد اما اوحى القصيده ينتويك=اب/باقات ورد وومن عبيره يزكمك

[محمد الغنامي]

مرحبا يابو عبيد صح لسانك مليون

[بوح شاعر]

من يوم شفت لـ خشتك ماشفت ياناصر لخير=عودن تغث كبود خلق الله هنا وتعلها
غيرت في نظم الاداره من مديره لـ ا مدير=وخليت ابن فراج يمسك للاداره كلها
تقول وشلون المره تقود للجمع للغفير=ودموع ابو بندر على الخدين قام يهلها
وان كان تبغا العلم الاول يالهواوي والاخير=ف العلم نقطه وابوفيصل يمكن انه حلها
انا تراي احيان انافس بالسياسه للجبير=ماني متنّح مثلكم وتمرني ما افطلها
بس الوكاد العزم جا والحزم ب السيف الشطير=روح زمان الشيخه اللي كلبونا نجلها
ليا ذكرت لعهدها هليت للدمع الغزير=اصل الوفاء والطيب كله والحلا من دلها
وهاذي هي الدنيا طبيعتها تلف وتستدير=يومن تبين ودها ويؤمن تبين غلها

[مهرة يام]

صباح الورد يااهل السجن
صحت الالسن والاذواق
مبدعين وجزلين لاهنتوا
تقديري لكم

[مهرة يام]

من يوم شفت لـ خشتك ماشفت ياناصر لخير=عودن تغث كبود خلق الله هنا وتعلها
غيرت في نظم الاداره من مديره لـ ا مدير=وخليت ابن فراج يمسك للاداره كلها
تقول وشلون المره تقود للجمع للغفير=ودموع ابو بندر على الخدين قام يهلها
وان كان تبغا العلم الاول يالهواوي والاخير=ف العلم نقطه وابوفيصل يمكن انه حلها
انا تراي احيان انافس بالسياسه للجبير=ماني متنّح مثلكم وتمرني ما افطلها
بس الوكاد العزم جا والحزم ب السيف الشطير=روح زمان الشيخه اللي كلبونا نجلها
ليا ذكرت لعهدها هليت للدمع الغزير=اصل الوفاء والطيب كله والحلا من دلها
وهاذي هي الدنيا طبيعتها تلف وتستدير=يومن تبين ودها ويؤمن تبين غلها

غشام
صح لسانك ملايين
على الرائعه ههههههههههه
مبدع وجزل
وصادق النجلاء شيخه الكل يحبها ويحترمها الله يسعدها

[مهرة يام]

لحد (ن) يلوم انسان في غيبة انسان
وأنا بدونه ما ابغي اكون .. وآعيش !!

رسمت احلامي على فاه .. ضميان
الين مت من ( الشفاه المعطايش ) !!

يذوب حلم .. ويبتدي حلم ويبان !!
فعيوني المتذابله .. ( جرح تهميش )

هيجت بحر .. ووادع الصمت بركان
وضاع الامل .. بين اللقاء والمطاريش

[مهرة يام]

البارحه ما بين .. اروق خاطر ..عيا يروق
غيوم حزني .. بيتتني !! وابتلت وابليتها

امطر شقاها في حشاي .. ويا بلاي بجيش موق
العبره اللي ودها تنزل .. ولا رديتها !!

تنزل تحت تحت تحت ومن المحال تعود فوق
خليتها من فوق خديني ولا مشيتها !!

وصحت مشاريه السنين اللي مهي تبغي تفوق
واوراق طاويها الزمن .. من وقت ما خليتها !!

الصدر جال الهم .. وهمومي عليه حيام نوق
تارد وانا وش عذري .. تصدر وأنا ما اسقيتها !!

[الناقد/عبدالله الروقي]

من يوم شفت لـ خشتك ماشفت ياناصر لخير=عودن تغث كبود خلق الله هنا وتعلها
غيرت في نظم الاداره من مديره لـ ا مدير=وخليت ابن فراج يمسك للاداره كلها
تقول وشلون المره تقود للجمع للغفير=ودموع ابو بندر على الخدين قام يهلها
وان كان تبغا العلم الاول يالهواوي والاخير=ف العلم نقطه وابوفيصل يمكن انه حلها
انا تراي احيان انافس بالسياسه للجبير=ماني متنّح مثلكم وتمرني ما افطلها
بس الوكاد العزم جا والحزم ب السيف الشطير=روح زمان الشيخه اللي كلبونا نجلها
ليا ذكرت لعهدها هليت للدمع الغزير=اصل الوفاء والطيب كله والحلا من دلها
وهاذي هي الدنيا طبيعتها تلف وتستدير=يومن تبين ودها ويؤمن تبين غلها



صح لسانك ياغشام على الرائعة
العلم نقطه وابوفيصل يمكن انه حلها!!

من عين أبو فيصل عاد!!

[الناقد/عبدالله الروقي]

صحت ألسنتكم جميعا ودام أبداعكم
غبت عنكم لعارض صحي وننتظر عودة مبدعي الرعد
أبو فهد وأبو فيصل والأخوات الفاضلات

[محمد الغنامي]

غشام صح لسانك يالمجرم هههههههههههه

الناقد ياهلا ومسهلا الحمد لله على السلامه واخر الوعكات ان شاء الله
المهره الاصيله صح لسانك وصح ذوقك

[ناصر الهواوي]

صح بدنك يابو بندر
اهلا بالجميع
ومرحبا ياغشام يقولون من طول الغيبات جاب الغمايم ماهي الغنايم ههههههههههههههههههههههههههه

يامرحبا حييت رغم اني ما احبك يالامير=الطق تدّْله وجيه اهل الشقا ويدلها
لكن حنا وسط نجد من الرشا لااقصى الجرير=اثقل نفوس الخلق يبرك لجلها ويشلها
هو انت شفت المستشاره عقب ما طاح المشير=لوجا ابو بندر وابو فيصل فيه وش يعملها
ضاع البهم بالربق ما بين الحناشل والنذير=وان كان خلتك الشرابك ما التوت بك خلها
انا على كل العرب يامسندي وجهي سفير=مثل الزلال ان عطشت كبود الضوامي بلها
والا انت تشبه للسراب اللي تماوج بالهجير=عزرائيل لنفوس الحيام اللي ترده يتلها
سوالفك طرت على البال الترابي والبشير=كلٍ يبا السلطه ولا صارت وراحت كلها

[محمد الغنامي]

هههههههههههههه صح لسانك يابو عبيد
لقيت لك درب انت وياه من يقدر عليكم هههههه

[شموخ الوايليه]

صحت السنتكم الجميع
وتسلم قلوبكن يالراسيات الغاليات
ع هذه التسالي الرائعه
ومازال سعود قيد الاعتقال
الله يعينك على الحر ورطوبة السجن

[محمد الغنامي]

الحب كان انه لعب فيك ياسعود
قـبـلـك لعـب بالشمـري والدجيما

تصبح بخيروتمسي الليل ملهود
ويـجـدد الجـرح الجـديد القديما

الوقت بدل في مغاتيره السود
لين ابعد الخل الخليل الحميما

[ناصر الهواوي]

صح بدنك يابو بندر بصراحه صرت مثل الاطرش بالزفه على قول الربع هههههههههههههههههههههههههههههه
الوايليه حياك عندنا البارح واليوم برد والله ان رجعت البس ثقيل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


تايه طريق يلفلف يسار ويمين=لاجاهل بدربه ولاهو بمنجوم
من ساع حرَّك عارفٍ وجهته وين==لكن عن ما يقصده حدته قوم
ياكثرهم 2و2 و2=لو حك راسه ذل ماهو بمليوم

[محمد الغنامي]

ههههههههههههههههههههههههههه صح لسانك وعلامك مثل الاطرش بالزفه

[رحيل]

يصير مالا كنت تعتقده يصير
ويجيك شيء من أولٍ ما تدله

كل الكـلام : الحمدلله وبخير
وكل الشعور بصمت والعالم الله

[بوح شاعر]

صح بدنكم

وصح لسانك ي الهواوي

وصح لسانك ابو بندر

صح بدنك ي الناقد والنقطه هذي نقطة تحول هههههههه

[بوح شاعر]

صح بدنك يابو بندر بصراحه صرت مثل الاطرش بالزفه على قول الربع هههههههههههههههههههههههههههههه
الوايليه حياك عندنا البارح واليوم برد والله ان رجعت البس ثقيل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


تايه طريق يلفلف يسار ويمين=لاجاهل بدربه ولاهو بمنجوم
من ساع حرَّك عارفٍ وجهته وين==لكن عن ما يقصده حدته قوم
ياكثرهم 2و2 و2=لو حك راسه ذل ماهو بمليوم


بالله قلّي بس ساري على وين
وانته على المركى يداهم لك النوم
عود ً وصل عمرك لـ 75
وشلون تمشي وانت ماتقدر تقوم
ولّى زمانك وش تبا بالمزايين
اشقيت نفسك وانت منته بـ ملزوم
منت بـ هوى اللي تكحل الرمش والعين
لا شافتك زودت لـ همومها هموم
تشكي وجع قلبك من العام للحين
وانته علاجك حبتينن من الثوم

________________________
قلبك يالهواوي وجعه مهب من الحب وجعه ضعف بعضلة القلب مِن كبر السن بس يمدحون الثوم يقولون مفيد لتقوية عضلات القلب

[بوح شاعر]

ابو بندر كفو لكن وقته يالهواوي راح=عليه الوقت الاقشر دار يادنيا من انتيله
مغير يفرّك يدينه ويلعب لعب بـ المسباح=ودمعه جفّت ودمعه تطيح بوسط منديله
لو انه يضحك بوجهك من الداخل مهو مرتاح=وانا اعرف ويش علة صاحبي وأقول عزيّ له

[شموخ الوايليه]

الله الله الله
عليكم رائعين
الهواوي وغشام
اتحفونا بروائعكم صحت السنتكم
مبدعين دوووووم

.
.
.
الهواوي تسليه عن معلقه
.
.
اللي برواق تحبني.. تقدر تفارقني.. برواق
إحساسك أصلا ما يناسبني.. وانا ما انفعه

ما دام لي مبدأ .. ولك رغبه بتغيير الرفاق
الناس قالت:: من يبيعك واشترى غيرك.. بعه

لا تلحق اللي منك ما يستاهل اسباب اللحاق
إخترت اموت ولا يقولون الخلايق,, إمعه

وأخترت افارق.. والصدق يا كره كرهي للفراق
اصبحت مثل اللي يدور للجهات الأربعه

راح الجهات الأربع.. ومازال في نفس النطاق
المشكله .. وده يفضفض مير كل يصفعه

من حيث ما وجه بوجهه .. للاسف يلقى طراق
الحزن يجتاحه وشكل في حياته زوبعه

وإحساس باهمال الجميع.. يضاهي إحساس المعاق
الظاهر إن الناس في قلب المو اجع مبدعه

والظاهر إني صرت ممن.. لا يطيق .. ولا يطاق
الحب.. من ذا اللي يقول:: الحب دنيا ممتعه

في ذمتي ما يقولها لو كان مما ذقت .. ذاق
إن شاف نفس اللي اشوف.. وما سمعته يسمعه

يختار له نار الفراق .. ولا يجي جنة عناق
العاشق اللي ما معه غير إ نتفاضة مدمعه

الله يكون بعون قلبه .. واحتراقه .. إحتراق
إن جيت تلقى حالته حاله وشبه مضيعه

أحيان يتنفس ولكن أغلب الحال .. اختناق
إنهد حيله.. وإنجرح .. وإحتاس في هالمعمعه

محتار ما يدري على ويش الزعل والإنشقاق
إنصب تفكيره على (ماذا وراء الأقنعه)

مسكين كان اخر ضحيه للخيانه .. والنفاق
الحين يا ضده تكون الناس .. ولا يا معه

ما يعترف بالأوسطيه .. و الثقه .. والإتفاق
أرثي لحاله عندما يكتب على الرمل اصبعه

(هذي نهاية ما يسمونه .. محبه وإشتياق)
الصدمه اللي سببت هالحال .. جدا موجعه

أشبه بصدمة أمة الإسلام في أرض العراق
مجنون ليلى يتبع أهواءه .. وحنا نتبعه

يعني انا والاف غيري .. نندرج ضمن السياق
الصدق .. لو هم الرجل في كلمتين تقلعه

ما تمنعه أحيان .. كلمة (يبغض الله الطلاق)
السالفه أكبر من انه يمتنع .. او تمنعه

ما دامت الدعوه.. مصير إنسان مربوط بوثاق
إن حب ..حب.. الله يعينه والحشا متولعه

من وين ما قلبه يسوقه من ورى خشمه يساق
الود ودك.. لا وصل للوضع هذا .. تقنعه

(مهما إستمر الحب.. يبقى اخر الحب .. إفتراق)
أكبر غلط لو شخص متبهذل يحب مدلعه

[ناصر الهواوي]

افا ليش هالمقلعه او المعلقه يالوايليه هذي اعظم من دقشات غشام هههههههههههههههههههههههههه لاهنتي ودمتي وسلمتي
صح لسانك ياغشام فيما قلت ببو بندر انتم ابخص في بعضكم
اما انا فلا ههههههههههههههههههههههههههههههه عاده شباب وان ما صدقت تعال شف وش اسوي بالمزرعه هههههههههههههههههه
والشيوخ ابخص


ياقلب خلك من خثاريق غشام=ولا تلتفت بحكاية الوايليه
لا انحو يمن خل اتجاهك الى الشام=ما يضحكك تراه شر البليه
تفكير بعض الناس مبني على اوهام=وانت الحقايق لك تبدت جليه
عين ورمش وشفاه ووجان وزمام=وكتف وردف هايف خصر/من حليه؟
لاداعبت خصايل الشعر الانسام=وانثر خلفه مثل ذيل الفليه
وغشام شافه لاكسا الصدر قدام= ولا صابه اغماء لاتسلم عليه

[ناصر الهواوي]

اكبر غلط لو شخص متبهذل يحب امدلعه
يعني لو ما متبهذل يكون صح ههههههههههههههههههههههه
الليله غثيتوني ويقولون لا كثرت همومك نم
تصبحون على خير
حستوني والله اني ناوي اكفل سعود لكن الصباح رباح وستكون هجائيه لغشام والوايليه هههههههههههههههههههه

[شموخ الوايليه]

ههههههههه
يالهواوي
فكني من الهجائيه
ماني قدها ههههههههههه
الله يسعدك

[شموخ الوايليه]

ههههههههه
يالهواوي
فكني من الهجائيه
ماني قدها ههههههههههه
الله يسعدك

[محمد الغنامي]

اهداء للزوار
وللسجين

http://www.r111n.com/showthread.php?p=473037#post473037

[وافي الحرف]

كفو ابو عبيد

والله اني دراي ما يكفلني الا انت ونعم الخوه

وصح السنتكم جميمعاً
وصح نقلكم يابنات الرواسي

واهذا اهدء للجميع

حراً تعال فوق روس النوايف
من طيب ماكره وحي طرياه
فيه من الحلا وزين الوصايف
مغتتر ولا شافت عيني حلياه
صافي العين والمناكب عرايف
افجح ندواي ياملا كيف نلقاه
والوصف يخون وصف الترايف
ما عاد ينفع الجبر لو جبرناه
تعلق غلاها بين عوج النحايف
وزعت وردي لحدود اقصاه

الوافي

[ملكة الرواسي]

صحت السنتكم جميع
يعطيكم العافيه
سعود مبروووك الافراج

[ناصر الهواوي]

البارحه ساعة غدا الليل ليلين=صوت العسيب يداعب الريح ونجوم
النوم عن عين الشقاوي غدا وين=حتى لو ان نومه كوابيس وحلوم
من ضيقتي لاجيت افضفض اب/بيتين=طرت عليِّ الويليه وغشوم
نكبة مزاج الله يسامح هالاثنين=فريد الاطرش حالفته ام كلثوم
ياقلب دام انك حليف اريش العين=اطلع سنود اصلك مقدر ومحشوم
قم ياخفير السجن بالامر هالحين= اطلق سعود وحط بالحبس غنوم
خل ابو بندر لااختلى يذكر الزين=اللي يقول انه مع الناس معدوم
رح للشبوك وهات للذيب كبشين=مِن مَن يربيهن ولايذبح الكوم

[مهرة يام]

صباح الخير يااهل السجن
صحت الالسن والاذواق
مبدعين ماشاء الله
لاهنتوا

[مهرة يام]

البارحه ساعة غدا الليل ليلين=صوت العسيب يداعب الريح ونجوم
النوم عن عين الشقاوي غدا وين=حتى لو ان نومه كوابيس وحلوم
من ضيقتي لاجيت افضفض اب/بيتين=طرت عليِّ الويليه وغشوم
نكبة مزاج الله يسامح هالاثنين=فريد الاطرش حالفته ام كلثوم
ياقلب دام انك حليف اريش العين=اطلع سنود اصلك مقدر ومحشوم
قم ياخفير السجن بالامر هالحين= اطلق سعود وحط بالحبس غنوم
خل ابو بندر لااختلى يذكر الزين=اللي يقول انه مع الناس معدوم
رح للشبوك وهات للذيب كبشين=مِن مَن يربيهن ولايذبح الكوم


هههههههههههههههههههههههههههههه
صح لسانك ياابوعبيد
على الكفاله الروعه
ومبروك الافراج يالوافي
وحياك يالغنامي بسجن الابداع
لاهنت ياابو عبيد على الحضور الفخم

[النجلاء]

مساء الخير يالرواسي الغالين
صح الله لسانك يابو عبيد على هالروائع والابداع
غشام ياهلا فيك والحمد لله ع السلامه وصح الله لسانك مدد بلا عدد مبدع الله لايضرك
الوافي صح الله لسانك ملايين
ابو بندر صح لسانك وصح ذوقك الراقي
الراسيات الغاليات مبدعات في حضوركم وتساليكم لاعدمناكم

[ناصر الهواوي]

مساء الرشاريش والجو الرائع ولله الحمد
سكون ومن يجي احس انه يعصفر وجهه ما ادري ليش ؟ يالربع علمونا كان فيه شي يدعي لعصفرة الوجيه نعصفر وجيهنا ولو مشاركه وجدانيه على راي بتوع علم النفس هههههههههههههههههههههههههههههه


ــــــــــــــــــــــــــــــــــــــــــــــــــ ــــــــــــــ


بعد ربع ساعه يابو بندر انا طراش= لدارٍ لها سلك البريسم يوديني
يجيني لهلها لاطرو يالزعيم خراش=لو انه على رمانة الكبد كاويني
هو اللي يبرد لاهبٍ بالحشا لاغاش=وهو اللي عليه الوجد من عام طاويني
وهو اللي نبي لاماه والا فلا بلاش=وفاي إله لو هو صد عني يعزيني
ياغشام من هالاربع اخذ الحقيقه كاش=وابا اعلمه واقول غشام موذيني

[محمد الغنامي]

مساء الرشاريش والجو الرائع ولله الحمد
سكون ومن يجي احس انه يعصفر وجهه ما ادري ليش ؟ يالربع علمونا كان فيه شي يدعي لعصفرة الوجيه نعصفر وجيهنا ولو مشاركه وجدانيه على راي بتوع علم النفس هههههههههههههههههههههههههههههه


ــــــــــــــــــــــــــــــــــــــــــــــــــ ــــــــــــــ


بعد ربع ساعه يابو بندر انا طراش= لدارٍ لها سلك البريسم يوديني
يجيني لهلها لاطرو يالزعيم خراش=لو انه على رمانة الكبد كاويني
هو اللي يبرد لاهبٍ بالحشا لاغاش=وهو اللي عليه الوجد من عام طاويني
وهو اللي نبي لاماه والا فلا بلاش=وفاي إله لو هو صد عني يعزيني
ياغشام من هالاربع اخذ الحقيقه كاش=وابا اعلمه واقول غشام موذيني


السلام عليكم
صحت الالسن جميع يالرواسي
ابو عبيد صح لسانك
الوافي صح لسانك
النجلاء ياهلا وغلا نورتي الحته يالاميره
المهره صح لسانك وصح ذوقك
رحيل صح لسانك وصح ذوقك
عالية المقام مرحبا بك وحياك الله
.................................................. ..........

بما اني السجين ابا اغلق باب السجن وابا امنع الزيارات نهائي هههههههههههههه



مدام ان جوك فيه برق ورعد ورشاش=يحق لك لو غنيت مسحوب وهجيني
ليا شبت الطرفا من الشوق وسط الجاش=تبرد عليها يالعميل الوداديني
ولا احتجت يابو عبيد للروح شبه انعاش=على الجمس تاصل في غضون الثلاثيني
تزوره عشر مرات فاليوم ماتنحاش=هل الحي مايستنكرون السياحيني
وانا الشوق ياخذني من الطاش لين الطاش=ولها غير الارباص ان طرت ماتوديني

[محمد الغنامي]

يامناهل خلي الصدر واللي فيه فيه
مايجيه الهم ولا يضيق بلا سبب

دام حبه يامناهل يخليني سفيه
والله اني لامشبب ولاويا شبب

[ناصر الهواوي]

بعض ماذكرته صح يفدونك الاوباش=لو اني ما اعانيله وهو ما يعانيني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
دام السجين انطوائي ما يحب الفود=ما اظن لوقوفنا في شارعه فايده
ياعلها يا مناهل ضيقةٍ ما تعود=جننتي المعتقل واوخيته عايده
مار الاكيد انه بسبتك باح السدود=حتى انكر دماغه المنداش وسايده
يجاوب الورق لهفه كلماهب نود=وديار من له تتوق عوينته نايده
باوضاعه العاطفيه قبل ذكرك جمود=لكن طبخة غرامه توها جايده

[رحيل]

صحت الالسن لاهنتوا على هالابداع
زيارة للسجين
بس عشانه قال بيمنع الزيارة هههههههههه

[ملكة الرواسي]

لا هنتم جميع ...


مساءكم شعر

.



بعض البشر لامن حشمته [طمع فيك] ..
وبعض البشر.. لامن جفيته {يودك} ..!
وبعض البشر يتعب على شان يرضيك..!
(واغلى) من اخوانه بقلبه يعــدك..