هنا .. سجن القوافي !!

[الجووهره]

عليكم السلام
ان شاءالله مافيه مفقودات فالمنتدى بعد اشتغل ؟؟


هههههههه امر الله من يقدر يسويه غيره سبحانه



هههههههههههه
المنتدى كله مفقودين ومفقودآت
الله يذكرهم بالخير
ويحفظهم ويسعدهم

[خيال مطير]

من الارشيف
مناسبة القصيده : عندما قام العراقي المدعو ( الزيدي ) بقذف ( جورج الابن ) بحذائه
اكرمكم الله ، في مؤتر صحفي . والعجيب ان بعض العرب فرحوا جدا وكأنهم حرروا
العراق او كأنهم انتصروا في معركه :)






في سوق ما أحد(ن) يفتح (السوم) بريال


والأرض (عُــمـــلـــه) والاوادم (عــمـــولـــه)


نــــاديــــت لـ(إثــنــيــنــه وعــشـــريـــن) دلاّل


مـــــن عــالـــم إثـنـيـنــه وعـشــريــن دولـــــه


مـعــي بـضـاعـه لـلـعـرب تُــضــرب امــثــال


لأوّل ســــــــلاح إســتــخــدمــوه بــســهــولــه


عـقــب الـســلاح الــمــزدوج ســيــئ الــفــال


هــــــذا (بــرخــصــة) ثــابــتـــة وامـحــمــولــه


راعــيــه الأول مـــــن مـشـاهـيــر الابــطـــال


فـايــز عــلــى (بــــوش الــولــد) بالـبـطـولـه


يــــوم الامـريــكــي قـــــام يــزهـــى ويـخــتــال


ســـــدّد لــخـــدّه وحـــــدة(ن) مـــــن نـعــولــه


وشـفـت الـعـرب مـــن كـثــر مـاذاقــوا إذلال


سـمّـوا عـلــى اسـمــه وارقـصــوا واهتـفـولـه


(أمحق) عرب و(امحق) طموحات وآمال


ان كـــان هـــذا نـصـرنـا الـلــي سـعــوا لــــه


وش عاد اقـول؟ ومـا بقـى شـيء ينقـال؟


الــهـــرج يــقــصــر والــقــوافــي خــجــولــه..


والـحــال مـايــل ..والــعــرب لـيـلـهـم طــــال


والـوضــع مـــزري ..والامـــور إمـعـفـولـه !


وحــنــا نــقــول انّـــــا طـحـاطـيــح وإرجـــــال


(حـسَــب) ، مـقـايـيـس الــعــرب لـلـرجـولـه


تـثــبــت رجـولـتـنــا (بــطــاقــات الاحــــــوال)


والــدّم راهــي فـيــه : ( جـيــن ) الفـحـولـه


وكــل(ن) عـلــى (لـيــلاه) يـســري بـمــوّال!


وكـل(ن) عـلـى (عمـيـاه) يشـعـب ذلـولـه!


مـتـى تـصـيـر اوضـاعـنـا عـالــي الـعــال ؟


ومـتــى الــكــلام الــلــي نـقـولــه نـطـولــه ؟


نحـتـاج حــلّ ولـــو حـصــل بـألــف حـــلال


مــن راس (عـبــدالله) تـــرى الـحــل حـولــه


والـــــلــــــي يــمـــيـــنـــه دام عـــــــــــزّه ولا زال


(سلطان) سيـف(ن) ماضيـات(ن) فعولـه


ان قـــــام قـمــنــا لـــــه خـفـيـفـيـن وإثـــقـــال


نــاخــذ عــلــى الــعــدوان صــولــه وجــولـــه


مـعـه مـثـل سـيـل(ن) مــن الـجـال لـلـجـال


مـــــن مـــــاه وديـــــان الـكــبــود مـغـســولــه


أمّـا انطلـق منّـا الوجـع (طلـقـة إعـقـال)؟


ومـــــا نــرجـــع الاّ والأمـــــور إمـحـلــولــه !


ولاّ تـــصـــيـــر افــعــالــنـــا دون الأقــــــــــوال


ونـبـقـى عـــن الـعـالــم شــعــوب امـعـزولــه


رجّــالــنــا .. مـــاعـــاد يـــشـــرب بـفـنــجــال


يصـبـح ويمـسـي عــورة(ن) فــي إهـمـولـه


قـلــتــه وعــنـــدي حـــــل واضــــــح وفـــعّـــال


نــتــبـــع كــــتــــاب الله وســــنــــة رســــولــــه


وانـــزيّـــن الــنــيـــاّت وإتـــزيــــن الاعـــمــــال


ويــصــيــر يـــــــوم بـــقــــوّة الله وحـــولــــه !


والمسـألـة لــو هـــي عـلــى حـذفــة إنـعــال


تـلـقـى الـعــرب كـــل(ن) مـضـيّــع نـعـولــه!


ســـــــــــــــــــــــــــــــــــهم روق

[محمد الغنامي]

ارحب يابو بندر وبيض الله وجهك ولا تقاطعنا بالحيل الله يحفظك وصح الله لسانك مليون ولا يسدون
العام صوتك يداعب مسمعي كل حين
تطرب جميع الجوارح كل ماتسمعه
واليوم حتى سلام الله كما المسلمين
مامرنا من ثلاث شهور ما ادري اربعه
المدير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
يامرحبا بالمدير وريس الغايبين
مصخر الصعب والابداع هو منبعه

مصيبه البارحه شوق وهيام وحنين
وله عام مشاعره على الهدوء مجمعه

ضغطه طبيعي ولا تشكي من السهر عين
والورد ما كان له في مبسطه مطمعه

يمكن تهيظ من الفراج والله يعين
نقر خطوه وعن خطوه نبي نقمعه

لا اخذت واحد من الاثنين باقي اثنين
حلال اللاغاز مهما صار ما يرمعه
ــــــــــــــــــــــــــــــــــــــــــــــــــ ــــــــــــــــــــــــــــــــــــ
ههههههههههه






هههههههههه صح لسانك يابو عبيد

والله النيه موجوده بس مدري وش الناتج

مبدع يالعود الله لايظرك


الجوهره مرحبا فيك والله يحفظك
انا قررت اشتري لاب توب على شان اجيكم
الجوال ما اداني ادخل منه

[خيال مطير]

عافت العين يا ناصر

https://www.youtube.com/watch?v=tIccabjtFIY&ab_channel
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

[ناصر الهواوي]

ارحبي يالجوهره وصح بدنتس
اهلا يالخيال وتسلم ويسلم ذوقك الراقي
ارحب ياسعادة المدير ونتمنى ذلك واللابتب علي ان كنت صامل هههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
يوم الخميس اخزى الله ابليس والمجلس ونيس
خيال والجوهره والريس الغالي وكملت انا

يامرحبا كثر ما للنود في فصل الشتا جاء نسيس
واعداد ما شفت في فصل الربيع من الخلايق هنا

من قال واوعد عسى حبل الصدق يصير عنده مسيس
لجل القرايح تشوش ولا يجي في كل واهس ونا (ى)

حسن الخلق من مزايا الطيبين وضد ذلك خسيس
والله هو المعطي لحسن الخلق يارب خله لنا

[ناصر الهواوي]

مممممممممممم او بعد الصلاه

[الجووهره]

ياهلا بالجميع
المدير والخفير
شآعرنا الهوآوي
منوووووورين ويعطيكم العافيه

[خيال مطير]

https://www.youtube.com/watch?v=tyxdwh8ZuOs&ab_channelhttps://www.youtube.com/watch?v=BpmmcLWBz7s&ab_channel
______________________ــــــــــــــــــــــــــــ ـــ__________________

[شاعرة نجد]

طابت اوقاتكم رواسينا
واسعد الله مساؤكم

وصحت الالسن والذوائق

وصح لسانك يـ الهواوي وداام ابداعك
ولاهنت على المجاراة والدرر الممتعه

وسلمتم ودمتم,’’

[شاعرة نجد]

كل مارحت اتسلا فـ الكويت
هيض القلب الافنيو لادخلته

مادريت اني رهيفه مادريت
لين جبت القاف من روحي وشلته

أطرِب السامع واغني بيت بيت
شي ماقلت ورؤس أقلام قلته

كم سرابي هاجس الشّعْر وسريت
لو طريق الود بيديني قفلته

واتحلا الصبر وانا ماقويت
من كثر مافي معاليقي حملته

[خيال مطير]

من الارشيف

https://www.youtube.com/watch?v=3yM4YuqYgIo&ab_channel
÷÷÷÷÷÷÷÷÷÷÷÷÷÷÷÷

[خيال مطير]

الطيّب اللي كل مارحت يمه
تلقى تباشير السعد في حجاجه
•••
من كثر ترحيبه ومن خف دمه
كنه يقول لـ كل ضيق انفراجه
•••
واليا وقف في شي لازم يتمه
ماهو بـ قايل روح لين انتواجه
•••
يقوم معك اليا بدى لك مهمه
سيفً تسله كل ماحتجت حاجه
•••
ودايم تسوقه طنخته لـ بن عمه
عون الرفيق ودرع جنبه وتاجه
•••
ولا الردي لو عاش في راس قمه
وقفته ماتشفي وعظمه زجاجه
•••
لو فالسعه سولف وكبّر معمه
سوالف الحرمه تغيّر مزاجه

•••

الشاعر : جراح العتيبي

[خيال مطير]

كل مارحت اتسلا فـ الكويت
هيض القلب الافنيو لادخلته

مادريت اني رهيفه مادريت
لين جبت القاف من روحي وشلته

أطرِب السامع واغني بيت بيت
شي ماقلت ورؤس أقلام قلته

كم سرابي هاجس الشّعْر وسريت
لو طريق الود بيديني قفلته

واتحلا الصبر وانا ماقويت
من كثر مافي معاليقي حملته



صح لسانك شاعرتنا
لفت نطري الشطر الثاني ....
هيض القلب الافنيو لادخلته
تقصدين الافنيوز

[خيال مطير]

تقول غنج نجـــــــــــــــــــــــــــــــــــــــــــد

قصة غرام اثنين أغرب من خيال
شمس وقمر فوق البشر ما ينزلون

تعودوا ما يعشقون الا المحال
والناس لهم اذواق فيما يعشقون

الغيم يسبح تحتهم مثل الجبال
تعكس عليه انوارهم فيها شجون

مشروبهم من بعضهم شهد وزلال
فوق السحاب ابداعهم ما يسألون

في برجهم تعاطوا السحر الحلال
يتبادلون بجوهم شعر وفنون

ان مرهم واشي او اتعبهم مقال
تمطر قوافي عشق منها يضحكون

زخات ديم الشعر من عطر الجمال
تنبت قوافيهم زهور وزيزفون

ما يعرفون الحقد والغيره محال
تمرهم والحب تمطر له لحون

لا دوزنوا بالقاف هزت له جبال
تراقصت منها السحايب والمزون

ثم امطرت طهر المشاعر في دلال
تغسل هموم الظن من كف الطعون

تروي ظما العطشان بحدود الشمال
وتغرق حدود الشرق من ديم المصون

حتى الغروب اشرق ونوره ما يزال
يعطي جنوبه ضي من نور العيون

المغرمه تمسك عصا سحر الوصال
فارس غلاها لا ابتعد لا ما يخون

عهد ومواثيق ووفا حط الرحال
في قلبها يسكن وغيره يطلعون

تعاهدوا بالصدق في صدق وحلال
حتى آمنوا ان الغلا فن وجنون

قصة غرام اثنين أغرب من خيال
شمس وقمر فوق البشر ما ينزلون

تعودوا ما يعشقون الا المحال
والناس لهم اذواق فيما يعشقون

[ناصر الهواوي]

ما شاء الله
شاعرتنا العذبه
الجوهره
الخيال
هلا بكم وسهلا مشاركاتكم بصراحه نوعيه
صح لسان شاعرتنا
وصح ذوق جوهرتنا
وذوق خيالنا
الله يسعدكم ويديم حضوركم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
اقول رب اسعد مساي ومساهم
واجعل جميع اوقاتهم خير يارب

سجن الرواسي يبتهج في لقاهم
تاكل معه ذكرى الغوالي وتشرب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
ما عاد ابي شوف البلد كان ما عدت
بلا يمين اقول ما عاد امره

جيت وبغيت اموت او عدني كدت
عنك المغربل سمع مالا يسره

اقفيت واقبلت وتعبت وترددت
ادري لكن اقول ما ذا مقره

وطلعت وبرمل المسمى تمدد
وفِل الشريط بكل خيره وشره

عيني تقول ابشر بما تطلبه جدت
وقلبي صبر ما ذاب لله دره

ساعة ذهول وحزن من بعدها هدت
وعودت ذيل الوجد والياس اجره

[الجووهره]

يسعد صبآحكم وكل أوقآتكم
شآعرنا الهوآوي
شآعرتنا نجد
خفيرنا خيال

هلا بكم وصحت الالسن والاذوآق
ودآم الحضور الجميل والابدآع

[الجووهره]

الورد يبقى ورد في كل الأزمان
‏ لـو غيروا بالورد حجمه ولونه

‏ وأنا أحـب الورد بكل الألوان
‏ وأحب ناسٍ بطيبهم يشبهونه


صبآح الورررد

[الجووهره]

تسآلي القآيله
ههههههه


غنيمةٍ ترقى بها الجدي وسهيل
‏وغنيمةٍ منها السلامه غنيمه

‏وخسارةٍ يطلع وراها محاصيل
‏ألذّ من فوزٍ بطعم الهزيمه

‏النفس تقبل مثل ماتقبل الخيل
‏وتصد لو إن النعم مستديمه

‏شيٍ تخافه من عقوبه و تنكيل
‏وشيٍ تعافه من كرامه و شيمه .

،،،

عمر العنب ما شال هم العناقيد
‏ولا درت عن ضيـقة الارض غيمه

‏ولا شكى كثر الوطى واسع البيـد
‏ ولا جـرح وجه الحيا قِل شيمه

‏العقل نعمـه والقناعات تجديد
‏وأفكارنا ما هـي بدائم حكيمه

‏بعض الوضوح احيان يحتاج تعقيد
‏ لأن الحيـاة اصلاً مـا هي مستقيمه

،،،

ماهي غريبه نحسن الظن ويخيب
‏كلٍ يشوف الناس في عين طبعه

‏طبيعة الطيب تسوقه على الطيب
‏مثل النـهـر مـا للـنـهـر غير نبعـه


وبسس
على قولة شآعرنااا
هههههههههه

[ناصر الهواوي]

ارحبي يالجوهره ووردها وحضورها الممبز وذوقها الراقي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وش يساوي ضحك يوم التلاقي يالعيون
لو يقاس ابـ بكية الحزن في ساعة وداع

ولها تتمه ان شاء الله

[ناصر الهواوي]

التسالي الاخيره قمه الله يسعد ايامك يالجوهره

[خيال مطير]

صح الله الســـــــــــــــــــــــــــــــــــــنتكم جمييعَ

تسليـــــــــــــــــــــــــــــــــــــهـ

(( يا جوهرة بين الجواهر تلالا ))



(( يظل حبك ساكن القلب والروح))



((يا ذوق يا راقي وكل الدلال ))



(( لك ميزةً يا زين عن كل مملوح))



(( فيك الحياء و زين وحسن المقالا ))



(( انشهد انه صار أغلا من الروح))



(( ان قال مرحب فيك أو قال لألا))



(( يظل حبه ساكن القلب والروح)))

.................................................. .........

يا جوهرة قلبي ويادرة العين
ويا راس مالي ويا سعادة حياتي
.
ما عاد عقب الزين هذا بعد زين
من شاف زولك عاف كل البناتي
.................................................. ......





1 يا مها وين الذي قلبي يوده / له غلا في القلب يتزايد وداده

2 سعد ابو من حط راسه والمخده / وخد من وده على خده وساده

3 صبريه وقف ووصل اليوم حده / ما غفى جفني ولا لذه رقاده

4 مشكله في البدع لي سيره ورده / ولي تباه ابطيب ما تجي به عناده

5 من مسك حبل الغرام وزود شده / يصبر ولو مغرمه زاد ابتعاده

6 بالوفا والخير له مدي ومده / يعل يجمعنا الولي باحسن سعاده

7 طالبيك لي نريده ما ترده / فضلكم يا زين بين في وكاده

8 ليلة في العمر لي ودي ووده / ألقي وياه وتضفينا السعاده

[ناصر الهواوي]

وش يساوي ضحك يوم التلاقي يالعيون
لو يقاس ابـ بكية الحزن في ساعة وداع
احسب اني فيه كلي ثقه واقدر وامون
واثر ظني ثلج في شمس ماسواه ماع
بس من يقدر على اللي جرى مهما يكون
الجفا بعد الوفا شين والفرقا ضياع

[الجووهره]

السلام عليكم

البقااا شآعرنااا
وتسلم وماعليك زود
والله يحفظك ويسعدك
وصح لسانك ودآم ابدآعك

وهلا بك خيال
وتسلم ويعطيك العافيه
على التسالي الجمييله

[خيال مطير]

ياليل لاتقسـى علـيّ بمساريـك
نفسي جزوعه والطواري تجيهـا
ياليل اماري بك واحبّك واغنّيـك
وابدا مشاويري معـك وانتهيهـا
ياليل قلّ للغاليه كيـف اجاريـك
يمكن تسولف لك وسولف عليهـا
ترى سوالفها عن النـاس تغنيـك
حتى السوالف مـن دلعهـا تبيهـا
لاسولفت كـنّ الخزامـا حواليـك
والشيح والقيصـوم منهـا وإليهـا
واليا اسكتت ضاقت عليك المساليك
بالك تضيّـق خلقهـا وتعصيهـا
يكفيك تسمع صوتها لـو تناديـك
ويكفيك ضحكتها وهـزّة ايديهـا
لك الفخر دام الغلا مـن تواليـك
وانـا بعيـد وخافقـي مهتويهـا
ياليل بلّغهـا سلامـي وتعطيـك
ردّ السلام وقلّ تـراي احتريهـا
هذي غلاي ومهجتي يوم اوصيك
ابيع عمـري لاجلهـا واشتريهـا
ياليل ليه الصمت؟ ياليل وش فيك؟
خلاص روّح منت مكلوف فيهـا
بديت أغار وصابني منك تشكيـك
حسبي على الفرقا وحسبي عليهـا

مشعل عوض العتيبي

[ناصر الهواوي]

اهلا بالجوهره والخيال ودام حضورهما وادام الله عليهما السعاده والعافيه
ــــــــــــــــــــــــــــــــــــــــــــــــــ ــــــــــــــــــــــــــــــ
خفيف ظلك تمايل فيك لدن الغصون
شجي صوتك طروب وديرتك نايده

تغريدك العذب ذكرني بميزة فتون
حلاوة خالطة منطوقها زايده

تشفشف الكبد للضحكه على كم لون
ولهمسه احلى من السكر وهي كايده

تغتال نظرات نعسها حداد العيون
تغضي ليا طالعت غصبا ماهي رايده

يحفها من علو دقاق مقلوب نون
وترقب على موَّردٍ به وجنته جايده

ان سلهمت وردها من رمشها يشتكون
طعن السهم للقلوب الخضر عوايده

(ماشفت لكن كذاك الزين لازم يكون)
يمكن هجوسي كما هالوصف هو رايده
ــــــــــــــــــــــــــــــــــــــــــــــــــ ــــــــــــ
ههههههههههه ص؟

[خيال مطير]

الخوخ والرمان والثلج والتوت
https://upload.3dlat.com/uploads/3dlat.com_04_18_d5fc_b9f0129fb0f17.gif


ياالي تجرين الهمـر وسـط بيـروت


مالمتـك مـن عيـن غيـري عباتـي


لكن تعالـي بتـرك الخلـق للمـوت


وباتي على حضي من النـاس باتـي


ببيحلك شـي ٍ مـن العـام مكبـوت


وبلقي على ساحر عيونـك عصاتـي


الـي بـأذن الله تقلـب الـى حـوت


لو كـان مالـي بالنبـوة صـلا تـي


لكـن شعـري در مرجـان ياقـوت


والطيب دربي والعطى مـن سماتـي


وشعر ٍ بلا معنى مع الناس ممقـوت


وشعـر ٍ فغيـرك مايجيلـه حلاتـي


جسمك على ذوق المحبيـن منحـوت


ووجهـك يلـم مباعـدات الشتـاتـي


الثلـج والرمـان والخـوخ والتـوت


والقوس والخنجر وسيـف الزناتـي


ورمش ٍ ليا سلهـم تقـل بالبراشـوت


ينـزل علـى رتـم الثقـة والثباتـي


واليا ارتفـع يفتـح ثمانيـن تابـوت


اكتب قبل ترفـع رموشـك وصاتـي


والعنق عنق الريم لا سمعت الصـوت


ولبـة نحـر تشبـه عبـال الفلاتـي


وباقي وصوفك كلها سحـر هـاروت


في وصفها ذالوقـت ماهـو مواتـي


لاكن تعالي قبل لا وقتـي ( يفـوت)


واسترسلي في زيـن قولـك وهاتـي


وش جفلك من ديرة عقـاب يانـوت


ماعوضت (عالييه) رجـم السراتـي


ووراك عارضتي هل الصوت بسكوت


وزينـك تعـرض للريـاح العواتـي


انا اعرف ان الناس لا لبست الكـوت


تبغي دفا ماهيـب تبغـي عراتـي!!


وانتي لبستي كوت والكوت بسبـوت


كوتـك فـرو لاكـن فـروه شتاتـي


لبسك بوسط الريح والثلـج مشمـوت


وانتـي مزاجيـة سواتـك سـواتـي


ليش الهمر ماهوب لكزز ولا حـوت


ماصنعـوه الغـرب لجـل البنـاتـي


يعني بدي شمعـات تنـده وكبـوت!!


وشلون تاتي بـس وشلـون تاتـي؟؟


وختامها لو صحت في عالي الصوت


مالمتـك مـن عيـن غيـري عباتـي



منقول

[ناصر الهواوي]

ههههههههههههههههه
هذا المبدع بايعها بلاش بلبنان ولا ينلام وصح لسانه وسلم ذوقك يالخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
ـنسيت الدينمو لي حول ساعه والمياه اتضيع
وسرح فكري مع القيفان والهوجاس وابعدبي
يقولون بمثايلهم لفكرٍ سج ذب الريع
وانا من اربع جهات اعتى طوريها تواردبي
بساحة كان ياما كان قمت اشتري وابيع
وقلبي من وله للي يبي يستاذن الحدبي
كفخ مثل اشقرٍ رف بجناحه شاقه التفريع
ذكر من تشبه عيونه وساعٍ خدَّرٍ هدبي
وبس هههههه

[خيال مطير]

جديد / شاعرنا ابو عبيد يقوووووووووووول
عليه المشاعر بعد ما صار منهبله
....................................



ياتاج القصيد المعذره والسموحه منك
قدرك ما نزل لاشك من فيك نكتب له

ارباب القلم والقاف والنقد هجو عنك
بعد كنت للابداع في ما مضى قِبله

تقول ان باذان الجماعه يصب الزنك
ما اصغوا للندا والكبد بالحيل مندبله

وانا خابرك مطنوخ واصل الرضا ديدنك
وصدرك رحيب اوسع لنا من نهر دجله

سامح خاطرٍ سود الليال فنكته فنك
لبقعا عليه بلا سبب غارةٍ عجله

ياعامٍ مضى كلك رضا وانقضى ما احسنك
سحاب الوصل طول السنه ما وقف وبله

بطل قصته حطه قبل ما جرى بايمنك
عليه المشاعر بعد ما صار منهبله

[الجووهره]

ههههههههههههههههه
هذا المبدع بايعها بلاش بلبنان ولا ينلام وصح لسانه وسلم ذوقك يالخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
ـنسيت الدينمو لي حول ساعه والمياه اتضيع
وسرح فكري مع القيفان والهوجاس وابعدبي
يقولون بمثايلهم لفكرٍ سج ذب الريع
وانا من اربع جهات اعتى طوريها تواردبي
بساحة كان ياما كان قمت اشتري وابيع
وقلبي من وله للي يبي يستاذن الحدبي
كفخ مثل اشقرٍ رف بجناحه شاقه التفريع
ذكر من تشبه عيونه وساعٍ خدَّرٍ هدبي
وبس هههههه



ههههههه
صح لسآنك شآعرنا
ومو انت لحالك كثير ننسى الدينمو هههههههههه

[شاعرة نجد]

السلام عليكم

صح لسانك شاعرنا المبدع
ودام الحضور وعذب السطور,وصحت ابدانكم جميع

وصحت ذائقتك مستشارنا
وصحت ذائقتك جوهرتنا,لاعدمنا فخامة الذوائق

وسلمتم ودمتم,’’

[الجووهره]

الخوخ والرمان والثلج والتوت
https://upload.3dlat.com/uploads/3dlat.com_04_18_d5fc_b9f0129fb0f17.gif


ياالي تجرين الهمـر وسـط بيـروت


مالمتـك مـن عيـن غيـري عباتـي


لكن تعالـي بتـرك الخلـق للمـوت


وباتي على حضي من النـاس باتـي


ببيحلك شـي ٍ مـن العـام مكبـوت


وبلقي على ساحر عيونـك عصاتـي


الـي بـأذن الله تقلـب الـى حـوت


لو كـان مالـي بالنبـوة صـلا تـي


لكـن شعـري در مرجـان ياقـوت


والطيب دربي والعطى مـن سماتـي


وشعر ٍ بلا معنى مع الناس ممقـوت


وشعـر ٍ فغيـرك مايجيلـه حلاتـي


جسمك على ذوق المحبيـن منحـوت


ووجهـك يلـم مباعـدات الشتـاتـي


الثلـج والرمـان والخـوخ والتـوت


والقوس والخنجر وسيـف الزناتـي


ورمش ٍ ليا سلهـم تقـل بالبراشـوت


ينـزل علـى رتـم الثقـة والثباتـي


واليا ارتفـع يفتـح ثمانيـن تابـوت


اكتب قبل ترفـع رموشـك وصاتـي


والعنق عنق الريم لا سمعت الصـوت


ولبـة نحـر تشبـه عبـال الفلاتـي


وباقي وصوفك كلها سحـر هـاروت


في وصفها ذالوقـت ماهـو مواتـي


لاكن تعالي قبل لا وقتـي ( يفـوت)


واسترسلي في زيـن قولـك وهاتـي


وش جفلك من ديرة عقـاب يانـوت


ماعوضت (عالييه) رجـم السراتـي


ووراك عارضتي هل الصوت بسكوت


وزينـك تعـرض للريـاح العواتـي


انا اعرف ان الناس لا لبست الكـوت


تبغي دفا ماهيـب تبغـي عراتـي!!


وانتي لبستي كوت والكوت بسبـوت


كوتـك فـرو لاكـن فـروه شتاتـي


لبسك بوسط الريح والثلـج مشمـوت


وانتـي مزاجيـة سواتـك سـواتـي


ليش الهمر ماهوب لكزز ولا حـوت


ماصنعـوه الغـرب لجـل البنـاتـي


يعني بدي شمعـات تنـده وكبـوت!!


وشلون تاتي بـس وشلـون تاتـي؟؟


وختامها لو صحت في عالي الصوت


مالمتـك مـن عيـن غيـري عباتـي



منقول



يسلم ذوقك خيال

تذكرت قصيدة شاعر الوطن
خلف بن هذال الله يشفيه ويعافيه
ومرضى المسلمين

يقول

تجر بشتك وسط لندن وانا اشوف
كنك تمشى وسط سوق المنامه

ماتدري ان الدم واضح ومعرووف
عليك من دم الخليج العلامه

ومن الحيا تلبس عبايه ونفنوف
لكن ماكملتها باللثامه

يالوف قلبي لوف لوف ً على لوف
لوف العقاب الياانصرم للحمامه

جتني تهز الخصر والبطن ملهوف
صدر ٍ وقد وشايلتها الزعامه

اليا اقبلت يمك دخل قلبك الخوف
صويبها ماينقلنه عظامه

واخذ الرصيف وعد بميات وولوف
ماشي ومن مرك عطاك ابتسامه

ينطحك شقح بكار ومهار وخشوف
راع الغرام وجددتله غرامه

في ديرة في قيضها نلبس الصوف
تنزل رذاريذ المطر من غمامه

فيها المناكر وابشع الفسق مالوف
ماكن قافيها عذاب وقيامه

[شاعرة نجد]

صح لسانك شاعرتنا
لفت نطري الشطر الثاني ....
هيض القلب الافنيو لادخلته
تقصدين الافنيوز

صح بدنك مستشارنا
اينعم,احنا نسميه الافنيو اختصار
والا هو الافنيوز

تقديري,’’

[الجووهره]

هلا بك شاعرتنا نجد
منوووره الله يحفظك ويسعدك

[الجووهره]

ياكحيل الطرف مـايخدم بخيـل
‏لك عيون ٍ شوفهـا حلـم ومــرام

‏التفت لي واترك الطرف الكحيل
‏يستثير اعـذب طواريق الغـرام

‏نظـرةٍ يبـرى بـهـا القلب العليل
‏وان حصل معها ابتسامه ياسلام

‏كل غصنٍ بـه طـرب خله يميـل
‏لى متى يبكي على نوح الحمـام


عآيد بن ضلعآن

[شاعرة نجد]

روائع فكاهيه من الماضي
والله يذكر ريم الفلا بالخير....

أنا

الله الله الله الله يـ.الـهــواوي
حزب دامـس لاظهـر كسـر قْرونـه
بيختفي لاتحْسبه عـ الحرب قاوي
لاتـفـكّــه لــيـــن يـطـلـبــك الـمـعـونــه
لاضـربـت اوجــع ولاتـرحـم وتـــاوي
عطهم دْروسٍ عن اللي يجهلونـه
حــزب عـاجـز لــو تمنـيـه المـنـاوي
لو نفـش ريشـه ولـو طيّـر عْيونـه
لايـهـمــك لـــــو يـكــثّــر فـ.الــعـــزاوي
ويحتـزم بسـلاحـه وينـفـض مْتـونـه
هـجّــده ويـطـيــح يـالـحــر الــنــداوي
حــزب داامس,حزبـنـا مايعـجـزونـه
منتصـرنـا ماتـضـيـع بْـــه الـهـقـاوي
فـــارق وكــــل الـخـلايــق يـعْـرفـونـه

ريم الفلا

شـاعـره لــو جـابــت الـبـشـت الـحـسـاوي
و اهـدتـه نـاصـر نـبــي نـحـشـر جـنـونـه
قـافـهــا مـظــبــوط مـــــن كـــــل الـنــحــاوي
تـعــشــق الـصـعـبــه و لـلـجـزلــه زبـــونـــه
و ان جـرحـهــا حـزبــنــا مــالـــه مـــــداوي
مــــا تــــلام ان جــــرّت الــقــاف بـلـحـونـه
هايطوا يا اهل الفلس ضحك و غناوي
الـــنـــهـــايـــه مـــســـتـــواكـــم تـــخـــبـــرونـــه
انــتـــم الـقـصـديــر لا جـــــات الـــدعـــاوي
والـذهــب مـــا يخـتـلـف شـكـلــه و لــونــه
ان حـضــرنــا مـــــا يـضـيـعــن الـــرجـــاوي
مـــن سـبـبـنـا الــخــوف ثــــوبٍ تلـبـسـونـه
فـعـلـنـا فـيــكــم فــعـــل عـــــزوة مــضـــاوي
فـي طـلال اللِـي مـا احـد ينسـى حتـونـه

ناصر الهواوي

يــازمــن لا تـقــلــب الـحـسـنــه مــســـاوي
انـصـف ولا لـلـريـم لـــو غـنــت مـهـونـه
نـجـمــكــم يـــاريـــم قـــبــــل الـــعــــام داوي
واقــرعـــت بـعـويـدكــم بــالـــدرب شــونـــه
لـــــو عـدلــتــو كـــــان لامـــــر الـــهـــواوي
لـــردتـــه هـــانــــي عـلــيــكــم تـشــكــرونــه
صـيـحــو يــاحـــزب دامـــــس لـلـشـقــاوي
انــهــزم واقــفــا عــجــل تــومــي ردونـــــه
ومـــا سمـعـنـا عـنـدكـم غــيــر الـنـعــاوي
ومــا خفـانـا اكـثـر مــن الـلــي تعلـنـونـه
الــثـــريـــا والــــثــــرا انــــتــــم والــعـــطـــاوي
بــالـــثـــرا انــــتـــــم والـــثـــريـــا تــعــرفــونـــه
منـتـصـرنـا ذيـــــب واعــثـــى بـالــشــواوي
عـــــن بـهـمـكــم كـــــل لــيـــل اتـطــردونــه
كـــلـــكــــم والله ســبــوقـــيـــن وبـــــــــــلاوي
لو عديتوا جهدكم ما تلحقونه

[شاعرة نجد]

الـ هلا والغلا بك جوهرتنا
وتسلمين على هـ النقل الممتع
وصح لسان الشاعر,ابيات عذذذبه للغايه

لاعدمنا الذائقه الرائقه,’’

[الجووهره]

روائع فكاهيه من الماضي
والله يذكر ريم الفلا بالخير....

أنا

الله الله الله الله يـ.الـهــواوي
حزب دامـس لاظهـر كسـر قْرونـه
بيختفي لاتحْسبه عـ الحرب قاوي
لاتـفـكّــه لــيـــن يـطـلـبــك الـمـعـونــه
لاضـربـت اوجــع ولاتـرحـم وتـــاوي
عطهم دْروسٍ عن اللي يجهلونـه
حــزب عـاجـز لــو تمنـيـه المـنـاوي
لو نفـش ريشـه ولـو طيّـر عْيونـه
لايـهـمــك لـــــو يـكــثّــر فـ.الــعـــزاوي
ويحتـزم بسـلاحـه وينـفـض مْتـونـه
هـجّــده ويـطـيــح يـالـحــر الــنــداوي
حــزب داامس,حزبـنـا مايعـجـزونـه
منتصـرنـا ماتـضـيـع بْـــه الـهـقـاوي
فـــارق وكــــل الـخـلايــق يـعْـرفـونـه

ريم الفلا

شـاعـره لــو جـابــت الـبـشـت الـحـسـاوي
و اهـدتـه نـاصـر نـبــي نـحـشـر جـنـونـه
قـافـهــا مـظــبــوط مـــــن كـــــل الـنــحــاوي
تـعــشــق الـصـعـبــه و لـلـجـزلــه زبـــونـــه
و ان جـرحـهــا حـزبــنــا مــالـــه مـــــداوي
مــــا تــــلام ان جــــرّت الــقــاف بـلـحـونـه
هايطوا يا اهل الفلس ضحك و غناوي
الـــنـــهـــايـــه مـــســـتـــواكـــم تـــخـــبـــرونـــه
انــتـــم الـقـصـديــر لا جـــــات الـــدعـــاوي
والـذهــب مـــا يخـتـلـف شـكـلــه و لــونــه
ان حـضــرنــا مـــــا يـضـيـعــن الـــرجـــاوي
مـــن سـبـبـنـا الــخــوف ثــــوبٍ تلـبـسـونـه
فـعـلـنـا فـيــكــم فــعـــل عـــــزوة مــضـــاوي
فـي طـلال اللِـي مـا احـد ينسـى حتـونـه

ناصر الهواوي

يــازمــن لا تـقــلــب الـحـسـنــه مــســـاوي
انـصـف ولا لـلـريـم لـــو غـنــت مـهـونـه
نـجـمــكــم يـــاريـــم قـــبــــل الـــعــــام داوي
واقــرعـــت بـعـويـدكــم بــالـــدرب شــونـــه
لـــــو عـدلــتــو كـــــان لامـــــر الـــهـــواوي
لـــردتـــه هـــانــــي عـلــيــكــم تـشــكــرونــه
صـيـحــو يــاحـــزب دامـــــس لـلـشـقــاوي
انــهــزم واقــفــا عــجــل تــومــي ردونـــــه
ومـــا سمـعـنـا عـنـدكـم غــيــر الـنـعــاوي
ومــا خفـانـا اكـثـر مــن الـلــي تعلـنـونـه
الــثـــريـــا والــــثــــرا انــــتــــم والــعـــطـــاوي
بــالـــثـــرا انــــتـــــم والـــثـــريـــا تــعــرفــونـــه
منـتـصـرنـا ذيـــــب واعــثـــى بـالــشــواوي
عـــــن بـهـمـكــم كـــــل لــيـــل اتـطــردونــه
كـــلـــكــــم والله ســبــوقـــيـــن وبـــــــــــلاوي
لو عديتوا جهدكم ما تلحقونه





الله الله على الابدآع والجزاله
صحت الالسن جميعاااا
كانت آياام حلووه وهوشات حلوه
بين الاحزاب. الله يذكر الجميع بالخير

[الجووهره]

الـ هلا والغلا بك جوهرتنا
وتسلمين على هـ النقل الممتع
وصح لسان الشاعر,ابيات عذذذبه للغايه

لاعدمنا الذائقه الرائقه,’’

هلا بك زووود شآعرتنا الجمييله
والله يسلمك ويسعدك

[ناصر الهواوي]

اهلا بشاعرتنا المبدعه وبما جابت والله يذكر ريم بالخير شاعره يدون منازع
استرجاع الماضي يقلب المواجع كما يقولون لكن مثل ما قالت الجوهره
ذيييك الايام ما تنتعوض حلوه وتفاعلات اروع من الرائعه الله يذكر الجميع بالخير
صح لسانك الى مالا نهايه
ارحبي يالجوهره تراحيب المطر على راي اهل الطايف الله يحفظك
مرحبا بك يالخيال ولاهنت وسلم ذوقك ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
تنهدات اربع على مبتدا القاف
واربع ختامٍ له وونه وحنه

افيه مددها وقل بعدها آااااف
وقتٍ امريف وكل خافق يحنه

كنا بليا عرف اصاحيب واولاف
بوضح النقا بين الخوافق محنه

لين الزمن لركابنا قرر انكاف
سود الليالي من تزهل بشحنه

حبر القلم يرعف وهو يعتبر جاف
سنه على بيض الورق جر لحنه

ياما رسم من فوقها سامي اهداف
و بمثل منتوج النحل فاض صحنه

[الجووهره]

البقاااا شاعرنااا
وصح لسآنك ودآم ابدآعك

[ناصر الهواوي]

طرت لي عيونه بعد مالد في الطير
لو ماللوحش رمشٍ بعينه ولا كحله
وتذكرت مسياري لهم قبل عام عصير
ياحي المعزب والزمن ذاك والرحله

[خيال مطير]

ياصباح الخير ياطلة الصبح السعيد
جل شأن اللي مصورك عمّا يصفون


ياصبابة ذوق الألباب واصغاي النشيد
يا القبال السمح والخاطر الرحب الميون


يا ملذة روعة الانس في العيش الرغيد
يا رحابة شارد الفكر في شجن الشجون


يا بريق ربما أقول بالماس الفريد
بل يا سحر يدفع العقل لا حد الجنون


ياذهب قارون ياملك هارون الرشيـد
من لقاهـ اغناهـ والسابقـون السابقـون


تنحني سادات الأشعار في مجدك عبيد
ليش مدري ؟ ! بس لله في خلقه شؤون


تدري انك ضفت للعولمة شيء جديد ؟
علم هدّيف الأنام وقـراء العيـون


انت تبغي زبدة الهرج والعلم الأكيـد
انت في كون لحالك وخلـق الله بكـون


ودي اقبل محيـاك يالصبـح السعيـد
استحي لا اقول عطني عقالي لاتهـون


كان كل اللي فعلته من أجلـك مايفيـد
والا (آنا لله وإنـا إليـه راجعـون))


الله يرحم شاعرها

[محمد الغنامي]

عقب الموادع وكسر قلوبنا كسراء
اما صحينا متى في ضنتك نصحي
قبل الموادع غدينا في هواك اسراء
مانعرف الشور ولانقـبل النصحي

[ناصر الهواوي]

يا صباح الخير على الجميع
ارحب يالخيال وصح ذوقك وكلك ودام تواجدك
يامرحبا بك يابو بندر وبما جبت وصح لسانك ولا فض قوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
عقب الموادع وكسر قلوبنا كسراء
اما صحينا متى في ضنتك نصحي
قبل الموادع غدينا في هواك اسراء
مانعرف الشور ولانقـبل النصحي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
الوجد والشوق حدنه على العسراء
بعد قرأ امر الجفا في منطق الفصحي

بعيونه اللي وسِر برموشهن وسراء
مطعون بسهومهن قلوب مالا احصي

[ناصر الهواوي]

مل قلبٍ كل ما يذكر يدوي رجفه
انفجارات القنابل كل يوم ابــ بحري

تشتكي لي من رجيفه لا تمادا هجفه
من جزعهن يجزعني كل ليله واسري

كم لقلبي قلت من يجفاك صده واجفه
ولا نفع مع هالمغربل كثر نصح وزجري

[الجووهره]

اسعد الله ظهيرتكم
وهلا بكم

وصح لسآنك مديرناا
وصح لسآنك شآعرناا
ويسلم ذوقك خيالناا
ودآم الحضور والابدآع
ويعطيكم العاااافيه

[ناصر الهواوي]

الله يسعد جميع اوقاتك يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ليا قلت هاليومين كني تعافيت
والضيقه اللي تجزع الصدر راحت

وقاف الغزل لفته خلافي يابلفيت
باحزن لحن ورق البساتين ناحت

بكن سوى والا تلاعن تفاخيت
وما شح فيها الجفن هلت وطاحت

نحيبهن ثور بصدري ديناميت
شميت بعده ريحة الشوق فاحت

يسير وقتٍ منه دخت و تراكيت
وبروق قبل العام للعين لاحت
ــــــــــــــــــــــــــــــــــــــــــــــــــ ــــــــــــــــ
وبس هههههههه

[شاعرة نجد]

مساء الخيرات والمسرات
وصحت الابدان وصحت الالسن

ودام الابدااع والمبدعين,’’

[شاعرة نجد]

صارت المُتعه بتقليب صفحاتٍ قديمه
حرك اللي بين طياتها عذب القصيد

كنها من دقة الوصف مدري القصف غيمه
تبرق وترعد وانا اقول ياهل من مزيد

وان تحمّلت وتجمّلت انا انسانه عظيمه
عندي بْفضل الله الصبر قوه من حديد

وان تدهورت وتكسرت مافيها شتيمه
هكذا حوى زجاجه,لها حسٍّ فريد..!

[ناصر الهواوي]

اي نعم ياشاعرتنا انتي عظيمه بالابداع وبالاخلاق واكيد بذاتك لاهنتي و\دمتي وسلمتي
وصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــ

[ناصر الهواوي]

صارت المُتعه بتقليب صفحاتٍ قديمه
حرك اللي بين طياتها عذب القصيد

كنها من دقة الوصف مدري القصف غيمه
تبرق وترعد وانا اقول ياهل من مزيد

وان تحمّلت وتجمّلت انا انسانه عظيمه
عندي بْفضل الله الصبر قوه من حديد

وان تدهورت وتكسرت مافيها شتيمه
هكذا حوى زجاجه,لها حسٍّ فريد..!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مرحبا ماحرك الشرقي لقلبي في نسيمه
وما صدح ورق النخل باللحن فوق الجريد

بشاعرتنا اللي للابداع بيطار ونديمه
لو معي تفويض قلدتها رتبة عميد

وش يسوى في عيونٍ عن الشرطات نيمه
وخاطر اللي من ضعف حيلته دايم مسيد

ايتعنز بالصبر وايتقوى بـ العزيمه
والعزا (ما احد تجي له حسب ماهو يريد)

[الجووهره]

ياهلا بالجميييع
ويسعد مساكم
شاعرنااا الهوآوي
شاعرتنا المبدعه
وصحت الالسن ودام الحضور والابداع

[ناصر الهواوي]

صباح الورد فل وياسمين وريح ند وعود
وباقة ورد جوري توها من حقل مقطوفه

على الغياب ناوين الرجوع ومن هنا موجود
ومن جانا محال ايمر فيه الورد ويطوفه

لنا حول الشهر وايام ما اطرينا هبوب النود
وهي لاهل القلوب الخضر والشعار مالوفه

اكز الذاكره قدام عن ما فات لي وتعود
وتعرض له مشاهد واضحه وعيوني تشوفه

ربيع وعج به ريح النفل واثمر ويبس العود
لعب فيه الهبوب يكسر العيدان ويلوفه

رحل من فيه من عقب التصحر ما بقى به رود
بدل جوٍ دهر بمريف/ذاك الجو وش نوفه

[ناصر الهواوي]

يالانامل حركن القلم فوق الورق
خاطري فيه استجد امر ودي يكتبه

كل ما به من وناسات بالليل انسرق
بين طاريه وخياله وطيفه وعتبه

كان له كرتٍ مفعل وفاعل وانحرق
عام فيه اعصار فارط غروره واعطبه

ما استحى وجهه كما قيل مغسول بمرق
من مباديه الوفاء ما اعرف ليه شطبه

[خيال مطير]

من الارشيف يقول ابو عبيد


ياخيال انا بي رعب مـا ادانـي التهديـد
خويـك وعـودك وش علامـك اتهددنـي

من الشعر ازيدك بيـت قدامهـن رعديـد
رموش النواعـس سلهمتهـن توعدنـي

علامـك اتابعـنـي ومــن ذاك وش تـريـد
ضدي كنت والا كان قصدك اتساعدني

توقـع بنفـسـك يابـطـل لاتجـيـب العـيـد
انـا مـع مهنـا غــازيٍ كــم سـنـه قـدنـي

_______________________________________________

يقول ابو بندر

الليله السجن مافيه احدٍ طبه
الاابوفيصل وملوكه وعبدالله

وغياب ناصربسبه اوبلاسبه
العودعقله معه والدرب يدله

مثله ليا جاءنهلي ثم نرحبه
يستاهل الطيب والتقديروالدله

اللي وهبه الشكاله والكرم ربه
وجبلةٍ ماندور غيرها جبله

ايو الله اقدره واغليه واحبه
محبٍ مابها شكٍ ولاخله





https://www.r111n.com/image.php?u=887&dateline=1578328311

[ناصر الهواوي]

لله در ذوقك يالخيال سلمت ودمت اذكر انك قلت مره تراني اقص جرتك يمكن هذا هو سبب الابيات
ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
يالخيال شخصٍ دز صوره علي اليوم
عكر لي مزاجي ما اعرف ويش مقصوده

انا محتفظ بالاصل يالذيب بــ اللابوم
ونسخه طبق الاصل بشاشة الفكر موجوده

لكن الاخيره سببت لي قلق وهموم
حديثة عهد به بينه من هدب سوده

حرمه الله الشر كيف حرَّم علي النوم
اسرج للطواري مهرها وجابه يقوده
وبس ههههههههههههه

[خيال مطير]

ههههه ههههه صح لســــــــــــــــــــــــــــانك يابو عبيد
ومازلت قاص جرتك
ولا مابقيت معك الا حتى الأن {لأأ‘

[خيال مطير]

ياعبيد وشفيك تبحث سدي الخافي

وتسري عليّه وخلق الله ممسيني

من بعد أبو نجر صار الشعر ينعافي

لا عاد لي به وهو معاد يبغيني

من أولا لابغيته صار ميلافي

حتى وانا في لذيذ النوم ياتيني

واليوم صابه أجفال وصابه أعيافي

دربه تياسر وأنا دربي على يميني

عيت تطاوع معي كون أبتكلافي

تسعدني من أولا واليوم تشقيني

لكن الاقدار فيها أثقال وأخفافي

وهذي مصيبه ترجح بالموازيني

صوابها لو يعالج ماهوب بشافي

ماضني انه يشافيك ويشافيني

لكنها كيتينن بين الانجافي

كية جديده وكية قد لها سنيني

من صابته والله أن ماهوب متعافي

اللي تصيبه يعاني من ألامريني

عاداتها ماتقبل حل الانصافي

ولا تقبل الظرب والقسمه على أثنيني

من بعد ابونجر نور المنطقه طافي

من عاد بعده من الظلمى يقديني

تبكية ناس تدور ظل والحافي

أخير أسامية ذاك ابو المساكيني

بنات الافكار بعده صارت عجافي

يالله عسى منزله بجنان عليني

وأسلم وجاتك عددها وافي وصافي

ميلادها في سنة سبعه وعشريني

وصلاة ربي عدد من حج وأطافي

على النبي قايد الغر المياميني

[ناصر الهواوي]

اللهم صل وسلم على محمد
صح بدنك وحسك يالخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
خيال ياصدرٍ من الضيق متكوك
يخف به ساعه وساعه يتكه

تك البخيل زرار جيبه على البوك
يبطي يحاول يفتحه ما يفكه

يطري وانا مرتاح واصير مربوك
مجالسي يصير به فيِّ شكه

في ما مضى يقول لــ احتجت له دوك
سمن وعسل ممزوج في جوف عِكَه

واليوم يرمي في مخرق ومدموك
بعبرودهن قلبي بصدري يشكه

بارودته رمشٍ به السحر مشروك
لو تتقي بجدار ما منه فكه

اجحد وشي ابينه لك وانا اخوك
وانا ادري ان مالك على الدار سكه

[خيال مطير]

هاضني مبداي من رجم زمابي
في سناف المطرق مالي رعيه

في يدي مطرق فرنجي هبابي
ورث أبويه من عصور الجاهليه

ياحلي من المها جرد الرقابي
حـــاز بيـــن مثلثه والشبرميه

ليتني عانقتهم في أول شبابي
يــوم عجات الصبا فيهم وفيــه

[خيال مطير]

يامنير عمر لي من التتن معمار - بندر بن سرور

يامنير عمر لي من التتن معمار
يبري الغليل اللي على القلب كالي

ولا رفعت الصوت وابديت ماصار
من شان تدري ويش ولا بحالي

مكفاك مني سجتي بعض الأمرار
انهج جنوب وحاجتي بالشمالي

اركض مع الدنيا كما ركض دوار
ياما كسب زندي وياما غدى لي

الله على اللي عايروها بالامتار
طراز بنج شغلت بالعدالي

زادو هواها واطعموها من النار
حتى امبير المنجضع عد صالي

نشت سما ماجربوها مع القار
طارت مطير الطير ربع الكحالي

تلفي على اللي في طرف هجر سنجار
يشدي جبل سنجار بين الجبالي

باطراف بيته للمواجيب شنكار
معلاق كبش عند راعيه غالي

ثم قل لبو بندر ترى الوقت دوار
يفطن تراني منفعه لو شكا لي

ان زان وقته صار بالسلك يندار
وان شان قص مروبعات الحبالي

كم واحد بين العماهيج هذار
مغترته نفسه بكبر الضلالي

يبلس على ربعه ويدنع بالأسوار
ويعد نفسه من حساب الرجالي

كفه بخيل وقلبه انجس من الفار
اسود طرف وادغم من السرمدالي

هذاك بعده خير ماكنت بختار
اجزاه بالصدات وابعد مجالي

ابعد مجال الرجل عن كل هذار
واصبر على الصكات والعمر بالي


وليا وطني غبر الأيام بأزوار
غيري جماعه ماوطني لحالي

شفت الوزا واشتلت لي منه قنطار
وان جيت اعدله شرق للغرب مالي

عبر على الدنيا من العسر لايسار
ماظنتي فيها حرام وحلالي

حرام للفنجال سوقه ليا فار
الا على اللي يرخصون الريالي

وانا اللذي ماقول في نجد شعار
وان كان به شعار محد حكى لي


______________________________________

جبل سنجار هو جبل يقع على الحدود السورية العراقية بين محافظة نينوى ومحافظة الحسكة، وتقع قربه مدينة سنجار ويبلغ ارتفاعه حوالي 1400 متر.

[الجووهره]

السلام عليكم
يسعد صبآحكم
وسنه هجريه جديده
وسعيده عليكم ان شاء الله


يقول مطلق الثبيتي رحمه الله


نطوي مع الأيام عـام ٍ ورا عـام
‏ وتمر ساعات الفـرح فـي دقايـق

‏أيام راحت بالعمر مثـل الأحـلام
‏ يوم ٍ بهـا زعـلان وأيـام رايـق

‏درست من دنياي وأتعبت الأقـدام
‏ وبدلت عن بعض الطرايق طرايـق

‏وكفخت بأفكاري كما الطير لا حام
‏ وما عاقني عن ماكـر العـز عايـق

‏يا صاحبي خذني معك سيف وحزام
‏ وياك في وقت الرخـا والضوايـق

‏وترى البشر يا خوك منقسمه أقسام
‏ بين الردي والطيب شفت الحقايـق

‏لقيت من صلى وزكى ومن صـام
‏ ولقيت من هو لأقرب النـاس بايـق

‏ولقيت من قلبه حقـود ٍ ونمـام
‏ ولقيت من قلبـه يعـز الرفايـق

‏ولقيت من يبني الأمل فوق الأوهام
‏ واللي يموت ولا يعـرف الاالعوايـق

‏ولقيت من يملك بساتيـن وأنعـام
‏ واللي من الحاجة ينـام متضايـق

‏الله خلق هالخلق سـادة وخـدام
‏ ذي دبـرة الرحمـن رب الخلايـق

‏وآخرك يابن آدم ترى قطعة الخـام
‏ أمـراً أكيـد وما يبيلـه وثايـق

‏يالله عسى ما أكون قطاع الأرحـام
‏ وعساي من عقب القبر في حدايـق

‏جاك الكلام وخذ معه بصمة إبهـام
‏ إن العمـر كلـه مجـرد دقايق

[ناصر الهواوي]

ارحب يالخيال وسلم ذوقك ودام تواجدك
وعليكم السلام ورحمة الله يالجوهره وهلابك وصح نقلك والله يرحم الثبيتي قال الحقيقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
عام انقضى وآخر بدا باربع ايام
ونفرح وهو من عمرنا ونتعايد

من الجهل نرقص على حلو الانفام
تفخر بنا شاشاتهم والجرايد

مسارنا مبني على اوهام باوهام
بوقت الرخا والا بوقت الشدايد

كم مهتني باحلى منامه ولا قام
ومسافرٍ طوَّل ولا هو بعايد

وكم منتسب خطي الى دين الاسلام
ولا يعرف الاسلام وش منه رايد

[الجووهره]

هلا بك زووود شاعرنا
وصح لسآنك ودآم ابدآعك

[ناصر الهواوي]

المهلي ما يولي يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــ
غرِّد وطر وإسلم وسلم على الورق
واسمح لي اقضي ساعتين برواقه

وصلت في غفله الى مفترق طرق
هذا له يودي وعكسه فراقه

وقفت بذهولٍ طرق خاطري طرق
من شاف وضعي قال ذا فيه ءعاقه

يسرق نظر عيني طريق الامل سرق
وحيد ما حولي ونيس ورفاقه

[خيال مطير]

يالله عسى من تركني ساعة الشدّه

تحدّه ظروف وقته لين ياتيني

حتى إنّي أعطيه مطلوبه ولا أردّه

ويشوف فرق المراجل بينه وبيني

أنا رفيقي على العسرات ما احدّه

أدرى رفيقي مثل ما ادرى على عيني

وأنا رفيقي ليا شفت الزمن ضدّه

أقوم في واجبه من قبل يدعيني

وإن كان لا جاء لزومي يقدر يسدّه

وألاّ ترى العذر لا جاء منه يكفيني

ما يوجع الكبد كود البور والصدّه

من واحدٍ يقدر وما قام يسقيني


https://www.al-jazirah.com/2021/20210620/tr_20_1.jpg

مشعل بن سابر القحطاني

[خيال مطير]

لا جزى الله حمامة فوق الابراج ناحت
أشغلتني ولا أدري وش بلاها تنوحي

سامره ليلها في برْجها ما استراحت
لو هي تندب لها حيٍ لزومٍ بيوجي

ذكرتني ليال بأول العمر راحت
قبل تظهر مغاتير بوجهي تلوحي

آه يا فرصة ضيعتها يوم تاحت
أحسب أن الليالي الممتعه ما تروحي

كبدي اللي تشادي دلةٍ يوم فاحت
سجْ عنها المقهوي فوق جمر تفوحي

رفت العين وأذني خمس مرّات صاحت
وقام قلبي يهوجس بالهنوف الطموحي

ان ذكرته ولو بيديني اوراق طاحت
حيث حبه مشاركني بعقلي وروحي

عنز ريمٍ على عِرْق النفود استضاحت
جفّله مع ضباب الصبح حس السروحي

وعين شيهانةٍ راجت بجٍو وماحت
خمّرن الحباري يوم جتهن تموحي

كل الأسرار تلك يا ضخيف الروح باحت
وان حكولي بغيرك ماني باسمع ولا أوحي



https://www.alsh3r.com/files/imgs/200x225/poets/41.png

ـ سليمان الهويدي،

[خيال مطير]

الحريه ماتشترى قط بالمال
منشانها ياطير اطلق سراحك

الله معك ياطير في كل الاحوال
سر في امان الله وابسط جناحك

رغم الغلا ياطير والقلب ميال
وسنين وجدي في ضلوعي مراحك

https://www.alsh3r.com/files/imgs/200x225/poets/5500-1edc4f0c-b879-6cca-86da-0242ac17ff02.png


شوق طير

[خيال مطير]

حكمت الوقت واستقوى ذراعي
بعدّ ماكانت الشرعان غرقا

ويرقا في سما الابداع يراعي
ويرقا ثم يرقا ثم يرقا

حسمت الامر في ساعة صراعي
وجتني خيلها بلقن وسبقا

اجيها كل ما جتني طواعي
وان هي فارقت باعدت فرقا

تبيعوني عصيه لف باعي
كأني ما خلقت الا لابقا


https://www.alsh3r.com/files/imgs/200x225/poets/5500-1edc4f0c-b879-6cca-86da-0242ac17ff02.png

شوق طير،

[ناصر الهواوي]

تسلم يالخيال على المشاركات الرائعه لاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
ولي رجعه ان شاء الله

[شاعرة نجد]

صارت المُتعه بتقليب صفحاتٍ قديمه
حرك اللي بين طياتها عذب القصيد

كنها من دقة الوصف مدري القصف غيمه
تبرق وترعد وانا اقول ياهل من مزيد

وان تحمّلت وتجمّلت انا انسانه عظيمه
عندي بْفضل الله الصبر قوه من حديد

وان تدهورت وتكسرت مافيها شتيمه
هكذا حوى زجاجه,لها حسٍّ فريد..!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مرحبا ماحرك الشرقي لقلبي في نسيمه
وما صدح ورق النخل باللحن فوق الجريد

بشاعرتنا اللي للابداع بيطار ونديمه
لو معي تفويض قلدتها رتبة عميد

وش يسوى في عيونٍ عن الشرطات نيمه
وخاطر اللي من ضعف حيلته دايم مسيد

ايتعنز بالصبر وايتقوى بـ العزيمه
والعزا (ما احد تجي له حسب ماهو يريد)


مساء الخير عـ الجميع

والمرحب باقي شاعرنا
وصح لسانك على هـ المجاراة الفااخره
شهادة المبدعين وساام لاعدمناك

تقديري لك,’’

[شاعرة نجد]

وصحت ذائقتكم الخيال والجوهره
ولاهنتوا على هـ الروائع الممتعه والنقل المميز

وصح لسانك يـ الهواوي
وتسلم على هـ الدرر العذبه والامتااع

تقديري للجميع,’’

[شاعرة نجد]

https://i.ytimg.com/vi/amj0a0oE8EA/mqdefault.jpg


ياهجس خلك على قدك
هااام السحاب احذر تْنوشه

مـ عاش ياهجس من ردك
من تحتك الأرض مرشوشه

بس انصحك وانت ماودك
وان طحت بتْضيع فـ الطوشه

هونك لو ان السفر هدك
لو كف الاحلام منقوشه

مع المتاهات وش حدك
وارضك من الورد مفروشه

[ناصر الهواوي]

هلابك يا شاعرتنا وصح لسانك ولا فض فوك ابداع متوقع بل مؤكد منك
لاهنتي ودمتي وسلمتي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
كسِّر وجبِّر هجوسي وش جنيت من التماثيل
وحاول تماسك اشوفك للصقوط المهلك آيل
يا ليل يا عين ياتي ردها يا عين ياليل
معسل الفاظ فيك تزود الحمى ملايل
ولا اظن به من يلومك يالهجوس الا المهابيل
واللي يعانون ما عانيت بالعالم قلايل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
بصراحه هالابيات استرجاع لقيده كتبتها قبل ساعه وما ادري كيف محيتها
وابت الذاكر تذكرها ههههههههههه الله يستر

[ناصر الهواوي]

للمحق يقال حط النقط فوق الحروف
وذي حقيقه بس من هو تفكر بالنقط

ايه قبل يصير ما صار فيني منه خوف
وزاد رعبي عقب ما انبت عقده وانفرط

قالها واقفى وانا واقف وعيني تشوف
لو رضيع الديد يدرك لما يحصل فحط

ما شعاني يوم قفا بمنبوز الردوف
ولا سبا عقلي بجيدٍ تدلى منه قرط

كل ما بالفكر هل بعد هالجفوه يروف
او على كلمة جفيتك وضع كل النقط

[خيال مطير]

انا بنت البدو ام العباه وشال

https://encrypted-tbn0.gstatic.com/images?q=tbn:ANd9GcQ9PGVH8ch5jDhH1Ut4F-y8j2Nc7jzQSotc8FDOmd7UTI-lKczlC0mYKpyqX1gPZjNH1Bk&usqp=CAU

انا بنت الرجل اللي تهاب مواجهه الانذال
ابو نورس يساوي قوم و نافي كل فتاني

انا مادامني بنيتك حشى ماجيب علم هبال
ابرفع راسك وراسي ولا اوطيه لانساني

انا يا سيدي مهره عجز ترويضها اي خيال
ولا غيرك ابد يمكن يشد بيده رساني

مادام الله رزقني فيك ياستري وطيب الفال
ابحلفلك برب الكون لصونك كل الازماني

تخسى الايام وظروفه واذا جارت بك الاحوال
ابقهر ضيقتن جاتك واخلي القاسي يلاني

لاجلك اكسر الجلمود واقاهرسْيد الانذال
ذبحت الهم وتالي الغم وعشيته لعدواني

بنعطي للزمن درسن وللحساد والعذال
راكان االي تموننه يقع مايطيح منهاني

مراقيه العلا راكان كما ذيبن بطرف اطلال
عسى ربي يديمه لي ولافي يوم يجفاني

حلاله قلبي وملعبه وله مرما فكل جال
يقسم ضيقه وهمه ولافي يوم يخشاني

غليت الفرح واسبابه واسقيته من الفنحال
الين شفت انا ضحكه يسوق حروف قيفاني

مادام اني انا بنت البدو ام العباه وشال
ابستر حبك بقلبي ولاخليه عرياني

[ناصر الهواوي]

صحت اللاسن والاذواق
ــــــــــــــــــــــــــــــــــــــــــــــــــ ــــــــــــــــــــ
إيه ارض بالمقسوم واقنع بواقعك
وما فات مات ابتد بصفحه جديده

بمنديل جزل الصبر جفف مدامعك
وبالذاكر ما راح لا تستعيده

انا ادري ان فراق غاليك موجعك
يامطرفٍ عينه بلا قصد بيده

لحمى الجفا على القليب الخضر وعك
حتى مخفضت الحراره تزيده

[خيال مطير]

غيمه وفي


ماهو مهم يكون في خاطري شي
أخذت من كسر الخواطر كفايه

مرات اقول ابداخلي مابقا حي
ومرات احس النبض يعلن بقايه

مادام اخر طب في جرحي الكي
بكويك ياجرحي واعالج حشايه

من بعد ماني كنت لك غيمه و في
اليوم صاير ماتظلك .. سمايه

لابد شمس البعد تحرقك بالضي
وتندم على ظلي وغيمة دفايه

أهديت لك قلبي وفي راحة أيدي
ومشاعرً تفوح منها ….. شذايه

واهديتني حسره وحملتني ذي
كومة جروح كنها لي .. وصايه

مواجعي تبقى معي مثل ما هي
صندوقها صدرٍ حفظ كل غايه

مالي معك ياللي طويت العمر طي
الا السنين الماضيات وشقايه

ودامن غلاك ابداخلي ماهو اشوي
غصن الغلا يومي لاهبت هوايه

وعلى الذي سويت ابا قول لك شي
باقي بعيني يوم اشوف المرايه


عبير العتيبي،

[ناصر الهواوي]

لله درها من مبدعه وصح الله لسانها وسلم ذوقك يالخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
وش يضرك لو على الواتس بايام العياد
لو جبر خاطر مجامل بعثت معايده

ما كفاك الصمت من دون سبه والبعاد
القطيعه يا بعدهم لمثلي كايده

هل بعد هــ الصد والهجر للفايت معاد
او حرقت كروته ونعتبرها بايده

[خيال مطير]

حصه بنت غلاب والدة الشاعر بندر بن سرور الله يرحمهم




ياونة ٍ ونيتها ثم فاحــــت العـــــــين
ماونها مثلي ياكود الحــــــــــزيني

واطيري اللي عقب ماضف الجناحين
ورحل بجنحان السعد للشــــــــنيني

جاه القدر وامسن خواته محــــازين
وامه تصفق بالشمـــــــــال اليميني

تقنب قنيب مجوعات الســـــراحين
وتجر صوت ٍ يفجع النايميــــــــني

يالله ياقابل صلاة المصلــــــــــين
ياللي لبيتك لبو المحـــــــــــرميني

يارب عاوضني بعد قــــــرة العين
يارب ابرد واهسي باليقــــــــيني

[ناصر الهواوي]

تسلم يالمستشار الخيال الخفير يوما ما ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
على عجل قبل المسايير ياتون
ياهاجسي وضح سبب ونتةٍ لي

ماهي كما الونات هذي لها لون
لمجمع اوردتي بقلبي تتلي

ذكرت رب الناس وابليس ملعون
وليت حين اوما يوادع مولي

اسمع ولكن ما اعرف وش يقولون
وماء الجفن قال ابشرك جيت كلي
ــــــــــــــــــــــــــــــــــــــــــــــــــ ـــــــــــــــــــــــــــــــــ
وبس ههههههههههه

[خيال مطير]

.................................................. .....................................

اتفق العلماء على جواز صوم عاشوراء يوم جمعة منفردًا، لأنه من الأيام المُستحب صيامها، فلا حرج في ذلك. كما يجوز صيام عاشوراء فقط.

[خيال مطير]

ياحي ياقيوم يارب الارباب
ياعالمً بالغيب واللي وراء الغيب

انته من نخافك ونحسب لك حساب
وانت المجيب الدعوتن مالها مجيب

يامنبت الارض الهشيمه بالاعشاب
ومسقي ثراها عقب لفح اللواهيب

عطفك بيومً مالنا عنه مجناب
اليا تبرّت من بعضها الاصاحيب

عبدك وابا توب الك ياخير تواب
قدم المنايا يحكمن المقاضيب

عانيت من دنيا المتاعب والانشاب
ودسيت جرحي فالظلوع المحاديب

وش لون ابصبر واتحكّم بالاعصاب
وانا ضحيه للعنى والعواقيب

في داخلي من صطوة الوقت مشهاب
وفي لحيتي من زود همي نقر شيب

اضحك واجامل ونقل حمول الاتعاب
ولاضاق صدري وقت روس المراقيب

اكضم على اللي في واسكر الباب
حتى مايفرح من يحش العراقيب

اللي يدوّر خلتن بين الاقراب
ولا يعرف الرفقه ولا يعرف العيب

ارفع مقامي عنه من شان الاصحاب
واشيل زلاته وجازيه بالطيب

اما يعدّي فوق في راس مرقاب
ويارد على فرزة قراح المشاريب

ولا على وضعه ومن فعل الاشناب
يصبر على صلو الجمر والمشاهيب

[ناصر الهواوي]

جزاك الله خيرا ياحضرت المستشار وصح نقلك ودام تواجدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
يلتج تفكيري ليا رحت مشوار
واسج ما ادري وين انا رايحٍ له

رسل الطواري بالفكر تاخذ ادوار
ما تعقده بالمخ ما اعرف احله

تفتح طرق وتسد الاخرى بالاسوار
حتى اتوهني وانا كنت ادله

منها هواجيسي عدت كل الاطوار
وما ابيه انا واراه ما يسمحن له

حتى الفضولي لو بغى سبر الاغوار
عقله يبي يبطي يراوح محله

اثر الزمن ياحارس السجن دوار
ياما كتم خواطرٍ مسفهله

[خيال مطير]

انا لله وانا اليه راجعون انتقلت الى رحمة الله تعالى اختى الكبيره لدى اسال ان يتقبلها في واسع جنات الفردوس دعواتكم لها جزاكم لها الله الف خير وستقام الصلاة غدا العصر في مسجد الراجحي الاحد في الرياض

[ناصر الهواوي]

انا لله وانا ايليه راجعون
احسن الله عزاكم فيها والهمكم الصبر والسلوان
واسكنها فسيح جناته ووسع لها في قبرها وفتح لها من الجنه وثبتها عند السؤوال
ادعو لها بالتثبيت عند السؤوال

[خيال مطير]

اللهم امين



جزاك الله خيرأ

[الجووهره]

انا لله وانا اليه راجعون انتقلت الى رحمة الله تعالى اختى الكبيره لدى اسال ان يتقبلها في واسع جنات الفردوس دعواتكم لها جزاكم لها الله الف خير وستقام الصلاة غدا العصر في مسجد الراجحي الاحد في الرياض

انا لله وانا اليه راجعون
الله يرحمها ويغفر لها
وأموات المسلمين
عظم الله أجركم وأحسن عزاءكم
والهمكم الصبر والسلوان
وجمعكم بها في الفردوس الاعلى من الجنان

[الجووهره]

وهلا بالجميييع
وصحت الالسن والاذوآق
ودآم حضوركم الجميل وابداعكم

[خيال مطير]

انا لله وانا اليه راجعون
الله يرحمها ويغفر لها
وأموات المسلمين
عظم الله أجركم وأحسن عزاءكم
والهمكم الصبر والسلوان
وجمعكم بها في الفردوس الاعلى من الجنان

جزاكِ الله خير

[ناصر الهواوي]

هل من المعقول يا عين ما تنسين ابد؟!!
لكل زول يمر يشبه لزوله تدمعين

المشاعر منك والقلب دايم في كَبَد
تتعبين الجسم والفكر وانتي تتعبين

الحنين اخلج بصدر المعنى وش بعد؟
لا رحم قاف التوجد ومفتاح الحنين

لك ما لد بعين رحمه ولا بر بوعد
والمعسل من كلامه طلع كله هجين

دبلجه ومجمعه كل كلمه من بلد
ذا مطب لك واكلتيه والله لك يعين

[ناصر الهواوي]

الصبر مفتاح الفرج والشوق مفتاح الحنين
والوجد ما بين الصبر والشوق يفعل فعلته

سود الليالي بالطريق السالك تسوي كمين
وليا تحادا عنه من له شاف يمه تلته

[ناصر الهواوي]

ما اوحي لكن يالورق فوق النخل صوت
في ظله اسمع نوب سجع اليمامه

في كل حوضٍ تدرج تجمع القوت
ما ترتفع لعلاه تبي السلامه

هي مرجهنه والعصيفير مبهوت
يلحن بتغريده ولا ادري علامه

[ناصر الهواوي]

هنوفٍ تتل القلب مني ضحى وعصير=فداها حلالي يالهواوي وخلاني
واعزي لك....................
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

مسا روعة القيفان تقفـى صبـاح الخيـر=ومسا الخير ياقلبٍ مـن اللهفـه يعانـي
بعد شفت حلو البوح مع روعة التصوير=هجـوس القوافـي قبـل اناديـه نادانـي
وتذكرت من ما للعطاوي جـرى وايصيـر=بـعــد جـابـنـي يـمــه خـيـالــي وودانــــي
انا القلـب مــازال بيمـيـن العـنـود اسـيـر=ليلى هي وهو قيس الملوح وعاداني
ما احد شارني وانا حشا مانويـت اشيـر=لكـن لا تخلـي وصـل مدعـوج الاعيـانـي



من الصفحات المتقدمه جدا
البيت الاول لبو بندر
والرد لي

[ناصر الهواوي]

خيالوه انا في خاطري شي ما ادري ويش=استدعيه بالذكرى القويه وينحاشي
تهاجم معه فكري طواريه مثل الجيش= اقاوم لكن اتخونني صملة الجاشي
اسأل نفسي بنفسي وش اسباب هالتهميش=وارا ان السبب فيما جرى كلمة الواشي
ما ادري وش مراده من مساعيه والا ليش=ينكد على من لا معه عاش لا عاشي

من الماضي

[ناصر الهواوي]

تـدارك مـا بقـى واللـي مضـى باللـي حــوى يـفـداك=لـــــــه انـــــــرد الـــســــلام ورحـــمــــة الله وبــركـــاتـــه
تذكر من سبيت اوهو على افضـل مـا يقـال اهـداك=فـــــواده وامـتـلـكـتـه بـالـسـكــون وفـــــي حـركــاتــه
انـا مـا ادري وش اللـي للعسـر عقـب اليسـر يـحـداك=مــســارك مـخـتـلـف ذوب يـقـيـنــه وســـــط شـكــاتــه
حاول مسك الرشا اللي هف وسط البير كان امداك=يـعــط صـيــاح قـلـبـه لـــو فـمــه يـدهـشـك بسـكـاتـه
الا يـاكـبـرهـا فــرحــت عـــــدوان الـشــقــي واعـــــداك=ويـزعــجــه الـحــســود بــصـــوت مـــزمـــاره ودبــكــاتــه
مــا قـصـر والله انــه للسـنـع لــه كــم شـهـر يـقـداك=ولا افـلــح مـــن تـحــداه الـدهــر فـــي كـثــر صـكـاتــه
ــــــــــــــــــــــــــــــــــــــــــــــــــ ـــــــــ
هم من القديم

[خيال مطير]

ودي ولا ودي وودي وودي
ودي بشوفة من ملكني بوده

حيثه عرف ما كان يخفيه سدي
وفسر مشاعر خاطر مستهده

ياما كتمنا من ظروف تحدي
لو إن حَملها طويق يمكن تهده

صلف الهواء في تالي ألوقت ضدي
ولا عاد بي حيل واقاوم واصده

ياشايف ضحكي ومزحي وجدي
بحري سراء بي .. بين جزه ومده

وبين الحنايا هاجسي مستهدي
يدعي بنات الفكر مثل الموده

وجمر الغضاء حره برد وسط يدي
من جور مابي مابقاء شي اعده

ماكل ماقد راح يمكن يردي
ولا يامن المخلوق من شمس غده

ياما تفدّينا وطال التفدّي
والفايده مافيه شي نعده

سود الليالي واطيه فوق خدي
واللي مضى ماعاد نقدر نرده

احيا واموت ولانقص كيل مدي
افضل من اللي دمعة فوق خده

لا ابوك يادنيا بدت بالتحدي
خلت عزيز النفس يعض يده

ودام علينا قاصي الوقت شدي
فقناعتي في داخلي مستبده

[ناصر الهواوي]

تسلم يالخيال تسلم

[خيال مطير]

تسلم يالخيال تسلم

سلمك ربي

[ناصر الهواوي]

صلوا على خير البرايا وسلموا=واستقبلوا عشراً بكل صلاةِ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
اللهم صل وسلم على عبدك ورسولك نبينا محمد

[خيال مطير]

ليش صارت نظرتك صاحبي نظرة عيوف
وفي حياتي صاحب ما طعنتك في قفاك

كيف تسمع هرج واشي وهذارٍ زهوف
وانت ما شافت عيونك ولا لمست يداك

كنت أحسبك مسندي يوم تشتد الظروف
بس يا ذيب الخلا وش ورا جرة عواك

أعرف أنك لا بغيت العشا تقدر تحوف
وانتبه يا ذيب يوجعك بطنك من عشاك

جيت أدور حق مبغا شفاعه ومعروف
جيت أوضح ما حصل من خطا هذا وذاك

قلت شوف الحق واضع وكنك ما تشوف
مير أنا مدري علامك ولا دري وش بلاك

وين ضحكات الثنايا وصفقات الكفوف
يوم أعبر عن شعوري وحسسك ابغلاك

صرت في موقفك مثل النقاط ابلا حروف
عرفتني مستواي الكبر ومستواك

وشفت في موقفك عله وفي شمسك كسوف
وشفت في حاجبك تعبير واضح عن رضاك

قلت أفارق عنك وأقفي بتعريض الكتوف
بعد خابت هقوة اللي عنا يمك وجاك

وش شعورك يوم لفت الضلوع العوج لوف
وش شعورك تعترف في خطا ما هو خطاك

ولا تضيع إلا حقوق الزلايب والضعوف
ويلزمك تعرف ثواب ابطريقه محتراك

لا تحسبني بتجريحك القاسي عزوف
وقفتي هي وقفتي ما يغيّرها جفاك

ولا يداوا الجرح فيني شعورك بالحسوف
مير يا جرحي ترا البعد والفرقا دواك

وخاطري يا هيه لا تحسبه خاطر هنوف
تكسره أو تجبره مثل ما يبغا هواك

خاطري خاطر بعيد المرامي والشفوف
واملك الرجال بالجود والطيب امتلاك

وجعل يبتر عظم ساقي من ارهاف السيوف
لو اشوف الموت ما خضع لمثلك أو سواك

لو تفرشنا الجريد وسكنا فالكهوف
(عهد) يا قلبي لداويك وابلا من بلاك

زود بعنادك وزود التصدي والوقوف
يا بلغنا قمة العز يا نهلك هلاك

ما نحّول من سنام المعزه للردوف
ولا يخالط ريحة العود الأزرق عود راك

ولا نعيش أبذل والقلب ما يدخله خوف
والفنا والموت واحد هنا ولا هناك

يالكتاب اللي جعلتك على الرف أمحذوف
ويش تعني غير رسم الغلاف اللي زهاك

لا حقيقة واضحة لا معاني لا وصوف
من خطاي أني قريتك وأخطا من قراك

[ناصر الهواوي]

هههههههههههههه
هذي معلقه يالخيال صح لسان قايلها وسلم ذوق ناقلها وهلا بك يالخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
لافتحت اللاب دورت في سجن البديع
من هو اللي حاضرٍ فيه من بعد الغياب

حاضرٍ خيال يشري من الزين ويبيع
كل ما يجلب روايع لها حضرة جناب

باقةٍ ينفى لها الزين من زهر الربيع
لجمعها يا ما اطيبه متعب كل الركاب

[ناصر الهواوي]

لبو بندر ..................من القديم
تعالـو اخــذو قيـدكـم والكلبـشـات=والـبــاب لـــو طـقـيــت لاتفـتـحـونـه
محتاج اريح داخـل السجـن بسكـات=دام المسافـه تبكـي العيـن دونـه
لوهو بكيفي ماحسبت المسافات=لاكــن ضـروفــه والـحـيـا يمنـعـونـه
اللي عليه اسهـر عيونـي ولا بـات=ادعـج غـنـج مافـيـه شكـلـه ولـونـه
راعــي عـيـونٍ ناعـسـات وكـحـيـلات=سـهـم المنـايـا مــن محاجرعـيـونـه

[ناصر الهواوي]

اشعل شموع السجن رجـل المهمـات=وقـامـت اتبـوسـم لـبــو بـنــدر ركـونــه
فـــك ارجـــوان وجـــوف زنـزانتــه بــــات=بـحـريـتـه ضــحـــى ولا لـــــه مـهــونــه
مــن يفـتـدي بـيـض الغنـاديـر بـالـذات=اغــبـــا عـــبـــاد الله مــــــن يـعـذلــونــه
النصـف الآخــر لـهـن قــدر ومقـامـات=كـم ذاب مـن قـلـب وثـنـن خــد دونــه
وكم في ابتسامه من جروحٍ مداوات=وكم شـال مشتـاق ابسببهـن لحونـه
وكم طاح بسهوم العيون الكحيـلات=ورشفة رحيق اشفت فواغـر اطعونـه
يالـذيـب يـاوجـدي عـلـى مـربــعٍ فـــات=امـريــف واهـــل الـبــوش مايـنـزلـونـه
تعـشـق مرابـيـه الـقـلـوب المـشـقـات=واتشوف لخشـوف المهـا بـه نمونـه
نبته رمس همس وشروق ابتسامات=ويــزيـــه مـلــتــاع بـتـهـامــل عــيــونــه
منتوج نبته طعـم بسكـوت كـت كـات=ولون الطماط اتشوف به مثـل لونـه



لي من القديم

[ناصر الهواوي]

سرحت فكري مع تهاتيه ماضيه
وعوَّد من اللي شاف فيه متضايق
وحاولت انفس عنه ضيقه واراضيه
ولقيت دون رضاه جملة عوايق
وش غيره ما ادري؟ وهو كان راضيه
به الزعل عليه ما هو بلايق

[ناصر الهواوي]

مصيب انا في كل ما فيك قلته
وثابت على رايي تجاهك ولا ازال

اراك من بين العماهيج فلته
قمر لو ان البدر ما يرجع هلال

خطاك في جيد الخشيف انتحلته
و الصقر عينه بس لرموشك ضلال

مرحوم صبٍ في سهمهن قتلته
بعد اجهزن عليه مع حبة الخال

احكمت قيده من رموشك فتلته
جارح ورودك كل ما فوقها مال
ــــــــــــــــــــــــــــــــــــــــــــــــــ ـــــــــــــــ
وبس ههههههه

[ناصر الهواوي]

سجن الرواسي للقوافي منكسر زرفاله
حتى مفاتيحه غدت والباب قبل مزرفل

[ناصر الهواوي]

اليوم جمعه وبعده سبت يقفاه احد
دوام واللي بـ اجازه فيه لازم يعود

[ناصر الهواوي]

يوم الفضول بحلتك شارعينا== والخيل بخوانك سواة الزنانبح
يوم اتكسر محي خذيت السنينا= وادعيت عنك الخيل هلبٍ مدابح

[شاعرة نجد]

السلام عليكم ورحمة الله وبركاته

واسعد الله اوقاتكم
وبداية عام دراسي جديد مبارك ان شاء الله
وحافل بالنجاح والتوفيق لنا ولكم بفضل الله وكرمه
وللجميع ان شاء الله

وصح لسانك شاعرنا الهواوي
أحييت صحاري رواسينا الجرد بابداعك وحضورك المستمر
وصحت الذوائق ودام الحضور والعطاء
والله يحفظ الغائبين

وسلمتم ودمتم,’’

[شاعرة نجد]

:smile:

أشوف ابوعبيد له كم يوم يدخل يزور
سجن القوافي ولا سجل ولا كلمه

مدري غياب الرواسي شاف منهم قصور
والا تردّى هجوس الشّعْر,وش علمه؟

غيابنا لـ الاجازه فيه والوقت دور
وعدنا وعاد القصيد وُجاك واستلمه

[ناصر الهواوي]

صباح الخيرات والمسرات للجميع
ارحبي شاعرتنا وعودا حميدا وحياك مولاك وصح لسانك لاهنتي دمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
يرحب السجن بالغياب بعد الحضور
لو المشاعر من الغياب منكلمه

هو كيف لا بعد ما زلت ثلاثه شهور
والفكر مع كل طاري يددرج فيلمه

الهجس يا ربة الابداع سجل سطور
بدع ونقل بس من هو يكمل الثلمه

وانتي على ما سالتي عنه اجابتك نور
حضور من غاب من ربعه غدا حلمه

[خيال مطير]

يرحب السجن بالغياب بعد الحضور
لو المشاعر من الغياب منكلمه


اي منكلمه يابو عبيد المهم صح لسانك , وشاعرة نجد , ماتظهر الا نص الشهر ولا لهل هلاله ,, تضحك علينا ,, لاتصدقها , الله يخليها لورعانها ,,,,
دخلها السجن ونا اوريك فيها , افطرها بيض , واغديها بيض , واعشيها بيض
جاك العلم

[ناصر الهواوي]

هلابك يالخيال حنا يادوب نداري الغياب حتى لو مروا بالاسبوع مره احن من العدم ههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
الله يسلمك يالخيال وش هالعلوم
انزل عن المهر والبس بدلتك وإيتني

خيال قاسي لكنك بالخفاره رحوم
هات الكلبشه وكلبشني ليا جيتني

حرام ما اسجن زعيمه هجسها فيه زوم
ثم اتحسف واردد ليتني ليتني

ابا اسهر الليل في حوشه واعد التجوم
تحييني الذكريات احيان وتميتني

بحاجات ارحب تراحيبي بوبل الغيوم
وحاجات تأسف لوضعي لو تحليتني

بين الحلا والمراره شفني اقعد واقوم
يذكراك ما امتني مره ولا احييتني
ــــــــــــــــــــــــــــــــــــــــــــــــــ ـــــ
وبس هههههههههه

[شاعرة نجد]

مساء الخير

واسعد الله اوقاتكم
وتبقى يـ الهواوي وصح بدنك وصح لسانك
ولاهنت على هـ المجاراة الكايفه النايفه
ولاعدمنا حضورك وفاخر سطورك

حرام عليك مستشارنا
تبي تسجني وش هـ الاستقبال ههه

وسلمتم ودمتم,’’

[شاعرة نجد]

ياخبل عيني يوم صدقت الاحلام
أنشهد اني للاسف كنت خبله

ترسم لي الدنيا على روس الأقلام
تصوير للي بعد باكر وقبله

بـ الوان مختاره على ذوق رسام
تصفق له الأيام ويطق طبله

وانا اتأمّل دون لا اصحَى ولا انام
يرسم واتابع والعمر مـ احَسَب له

ايلين قمت وصار ماصار قدام
عيني وطاح اللي تعلق بْحبله!

[شاعرة نجد]

بحاجات ارحب تراحيبي بوبل الغيوم
وحاجات تأسف لوضعي لو تحليتني

بين الحلا والمراره شفني اقعد واقوم
بذكراك ما امتني مره ولا احييتني

الله الله
أبيات عذذبه ورووعه يالهواوي
صح لساانك,’’

[خيال مطير]

صحت الســــــــــــــــــــــــــنتكم جميع مبدعين

[خيال مطير]

من ارشيف شبكة رواسي نجد ألأدبـــــيه
تقول الشـــــــــــــــــاعره


شاعره ماهو من الحين من وقتٍ قديم=
والهنوف اللي مدى الدهر خاطرها عيوف

طول عمري ما طمعت برياجيل الحريم=
منوتي من لا عرف غير سلومه هنوف

ولا ارتضي غير أحمر العين لي خل ونديم=
من ردي البخت واللاش وابن اللاش أوف

ولا اشتكي من جاير الضيم لو همي مقيم=
ولا أتبع الماضي كثير العزاير والحسوف

أكتم الحسرات في داخلي والله كريم=
يجبر المكسور ويضمّد الجرح النزوف

لا شكيت الهم وجروحي اللي ف الصميم=
تستغل نقاط ضعفي عبادٍ ما تروف


لا أضعفتني سود الأيام والحظ السقيم=
ولا أنا يا سعود مانيب من ناس ضعوف


لابتي يوم الملاقا يضدون الخصيم=
بالرماح وبالقنا والبنادق والسيوف

ماربى فيهم ذليل ولا فيهم غشيم=
مزبن الجالي عن الدار ريف للضيوف

والدهر ماهو على حال واحد مستديم=
نوب يسعدنا ونوبٍ يورّدنا الحتوف

[ناصر الهواوي]

صباح الفل والياسمين للغانمات والغانمين
هلا بك شاعرتنا وصح لسانك وبدنك الاخيره الاخيره ياشاعرتنا سميتها الموميه للطواري هههههه
ارحب يالخيال صح نقلك وصح لسانها ما تنلام اللي تبي من ربعها واتمنى انها تقصدك هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
الله يعين العين ويسامحها=لو قصَّرت او قيدت جامحها
هي السبب في سهرها اللي دايم
.................................................. .............فضولها بسقامها لايحها
جمال مغري شافته وانخدعت
.................................................. ..سحر الحلال بهمسه يفرحها
لحظه عديمة وصف لو هي دامت
.................................................. .........بحلم ليل تزول بمصبحها
عسى العوض عن ما مضى بالقادم
.................................................ب خيل السعد ضيقاته يناطحها

[ناصر الهواوي]

يامن عيِّن الفضليه الله يثيبه خير
اقصد جوهرتنا من زمن ما سمعناها

يا خيالنا للعاصمه رح وجد السير
صوِّت بالشوارع للعرب كود تلقاها

اساس السجن واسه هي الجوهره لا غير
نحس ان نصفه منهدم لا فقدناها


اذكر انها تقول ان اختها تعبانه الله يشفيها وودنا نتطمن منها عليها

[خيال مطير]

صح لسانك ابو عبيد ,,

، اللهّ يشفي اختها فأنت الشافي والمعافي ولا شافي إلا انت ،

[الجووهره]

يا هلا والغلا بالجميييع
وصحت الالسن والاذواق
وعودا حميدا شآعرتنا
وعودا حميدا لي
هههههههههه

[الجووهره]

دخوول سررريع
ولي عوده ان شاء الله

[الجووهره]

يامن عيِّن الفضليه الله يثيبه خير
اقصد جوهرتنا من زمن ما سمعناها

يا خيالنا للعاصمه رح وجد السير
صوِّت بالشوارع للعرب كود تلقاها

اساس السجن واسه هي الجوهره لا غير
نحس ان نصفه منهدم لا فقدناها


اذكر انها تقول ان اختها تعبانه الله يشفيها وودنا نتطمن منها عليها



تسلم تسلم شآعرنااا
صح لسآنك وما تفقد غآلي يآرب
والمعذره ع الغياب نودع الاجآزه
سفر وروحات وجيات. والحمد لله

وأختي ان شاء الله طيبه
باقي لها جلسات قليله كيماوي
وبعدهاا قالو لها عمليه.
دعواتكم لها بالشفاء.
ومشكور على السؤال
وعلى الدعوات. الله يتقبل منك
ويشفيها ويعافيها ومرضى المسلمين

[الجووهره]

صح لسانك ابو عبيد ,,

، اللهّ يشفي اختها فأنت الشافي والمعافي ولا شافي إلا انت ،

آميين الله يجزاك خير
ويحفظك ويسعدك

[الجووهره]

يوم الفضول بحلتك شارعينا== والخيل بخوانك سواة الزنانبح
يوم اتكسر محي خذيت السنينا= وادعيت عنك الخيل هلبٍ مدابح

يالبى قبيلتي ههههه
صح لسان شآعرها بدآح العنقري
وصح نقلك شآعرناا ويسلم ذوقك
وهي ابيات طويله لها قصه جميله
جاري البحث عنها

[الجووهره]

قصة الأبيآت

بداح العنقري كان شيخ ثرمدا في وقته وكان دائماً مايذهب يتبدى في الربيع إلى البادية القريبين من ثرمدا قرية الشاعر والفارس بنفس الوقت
كان ذلك في النصف الأول من القرن الثاني عشر الهجري تقريباً
ذهب بداح إلى تلك القبيلة كعادته في كل فصل ربيع وكان عاشقاً لبنت شيخ القبيلة
وفي أحد المناسبات قرر شيخ القبيلة عمل سباق بين الفرسان ..فأسر بداح لأحدى عجائز القبيلة(دايم العجايز عندهن أفكارٍ قشرا) بأن تمدحه عندما يمر بداح من أما البنات في السباق
أبتدأ السباق وعندما مر بداح بفرسه من أمام بنات القبيلة مدحته العجوز فردت عليها
بنت شيخ القبيلة ( خيال الحضر زين تصفيح)
وصلت العجوز الكلمة لبداح اللي غسل يده منها عقب ذا الكلام..وفي يوم غزت قبيلة الفضول
العريقة قبيلة الفتاة وأستاقوا الأبل ...وفزعوا فرسان القبيلة ليسترجعوا الأبل من الفضول
أما بداح فلم يفعل شيء سوى إن شد على فرسه عنانها وبقي واقفاً أمام خيمته ينتظر الأخبار
وبعد إن رجع أحد أشقاء الفتاة ليخبرهم بمقتل فرسه وفرس أخيه وأبيه وعدم قدرة بقية فرسان القبيلة على أسترجاع الأبل
ركب بداح فرسه ومر كالسهم من عند بيت الفتاة وهو ينتخي بصوت مرتفع
وصل بداح للغزاة وبعد مجاولة للخيل أستطاع أنقاذ الأبل وأرجعها لأهل الفتاة
قام شيخ القبيلة بعمل عشاء لبداح بمناسبة ما قام به من مجهود ...وعندما أديرت القهوة وبعد أن أمسك بداح بفنجال القهوة جاش صدرة بهذه القصيدة

الله لحد يـا مـا غزينـا وجينـا**
*وياما ركبنا حاميـات المشاويـح

وياما علـى أكوارهـم اعتلينـا**
*وياما ركبناهن عصيرن مراويـح

وياما تعاطـت بالهنـادي يدينـا**
*وياما تقاسمنا حـلال المصاليـح

وراك تزهد ياريش العيـن فينـا**
* تتقول خيال الحضر زين تصفيـح

الطيب ما هـو بـس للظاعنينـا،،
مقسمن بيـن الوجيـه المفاليـح

البـدو واللـي بالقـرى نازلينـا**
*كلن عطاه الله مـن هبَّـة الريـح

يوم الفضول بحلتـك شارعينـا**
*بالشلف ينحونك سوات الزنانيـح

يوم انجمر رمحي خذيت السنينـا**
*وادعيت عنك الخيل صمّ مدابيـح

هيا عطينا الحـق هيـا عطينـا***
وإن ما عطيتينـاه والله لا صيـح

أصيح صيحة من غدالـه جنينـا*
**وإلا خلوجن ضيعوها السراريـح

يا عود ريحانن بعرض البطينـا**
*ومنين ما هب الهوا فاح له ريـح

لا خوخ لا رمان ولا هـو بتينـا**
*مشمش البصـرة ولا بالتفافيـح

وخدن كما قرطاستن فـي يمينـا*
**وعيون نجـل للمشقـا ذوابيـح

صخف بلطـف بانهـزاع بلينـايا **
*غصن موزن هزعه ناسم الريح

**************
بعد ماكملها على مسمع اهل القبيلة اهدت نفسها لة كزوجة

ولكنة رفضها مثل مارفضتة قبل واخذ عفشة ورجع لقريتة .

[الجووهره]

من الردود على القصيده


بخصوص البيت التالي

يوم الفضول بحلتـك شارعينـا *** بالشلف ينحونك سوات الزنانيـح

اعتقد انه يحتاج تصحيح ، والصحيح هو

يوم الفضول بحلتك شارعينا *** والخيل بالدوشان مثل الزنانيح ( أو سوات الزنانيح) كلهما نفس المعنى .

والدوشان هنا المقصود فيها ( الدويش ) شيوخ مطير

ويتضح لنا ان القبيله التي قامت بالغزو هي قبيلة الفضول ، والقبيله التي كان فيها العنقري ( المغزي عليها ) ، هي قبيلة مطير .



ياويلي من خيال
ههههههههههههههه

[الجووهره]

وانا عندي سؤال
وش معنى الزنانيح؟

[ناصر الهواوي]

["]هلا بك يالجوهره وعودا حميدا وتسلمين على القصه والقصيده وان كنت اعرفها من قبل
الا انها من اجمل السوالف والقصص
والله يشفي اختك وجميع مرضى المسلمين آمين
الزنانيح/بـ السؤال عنها ذكرتيني
يوم كنا (صغار) يجيبون لنا جنط سيكل طبعا مشيوله اسيامه اللي بالوسط وعصى لها انحنى
ندفه بها ويتدحرج بسرعه جرينا
ويسمونها الزنيحه واستغرب من الاسم
واتوقع ان الناس كانو يصنعون لاطفالهم مثل هذا من ليَّن الغصون او من عروق
ويسمونه كذلك والله اعلم

[الجووهره]

هلا بك زود شآعرنااا
صحيح طال عمرك القصه معرووفه
ومشكوور على التوضيح كلمة زنانيح
ويعطيك العاافيه

[ناصر الهواوي]

واحد من صفر بالتاسعه من ضحى الخميس
لدارٍ اتحرك راكدي ويش وداني

بلا قصد منى دق سلف الونيت ابليس
يلاعب درقسونه بشوقي ووجداني

ما ادري وش يبي من كسرة الخاطر التعيس
الى من تسره كسرة الخاطر اهداني

[خيال مطير]

وانا عندي سؤال
وش معنى الزنانيح؟


بالشلف ينحونـك سـوات الزنانيـح ... الزنانيح :: الرجال الصناديد الكفــو ...

[خيال مطير]

وانت يابو عبيد , تفسر على كيفك . انت وجهير , يبغالكم سنع , اعقلو ,

قال كفرة الســـــــــــــــــــــــيكل ,, شكلك بدوي متحضري هههه

[ناصر الهواوي]

هههههههههههههه
طيب افدنا منك نستفيد

[خيال مطير]

قلت لكم الزنانيح :: الرجال الصناديد الكفــو ...

[الجووهره]

هههههههههههه
الله يسعدك خيآل

[الجووهره]

يقول شآعرها

البعد وظروف الزمن هدت الحيل
‏وغير الصبر مافيه لَلشخص حيله
‏.
‏اللي بقى شعر وقصيد وسهر ليل
‏بعض الأماني يَاعرب مستحيله

[ناصر الهواوي]

اول مره اعرف هالمعنى يالخيال هههههههههه
ابيات في قمة الروعه يالجوهره صح لسان شاعرها وسلم ذوق ناقلها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اشجيت الهجوس الله يسامحك يالحمام
اطربته بسجعك وانتكس من سمع نوحك
هيضته بترجيع الغناوي وحلو انغام
لو انه فهم مقصدك يالورق من بوحك
لو شفنا دموع وحزن قلنا لكن تمام
وفدينا بغال اروحنا لجلها روحك

[الجووهره]

صح بدنك شآعرنااا
وصح لسآنك ودام ابدآعك

[الجووهره]

عنها لاجيت اكتب قصيده تراجعت
‏وآشره على اللي يكتبون القصايد

‏وان كان أحد ملهود قلبه تبرعت
‏بعطيه من جزل الفرايد فرايد

‏صديت عن درب الغرام وتطوعت
‏حتى نهار العيد ماجيت


عبدالله العضياني

[خيال مطير]

حاميه بدر بسربةٍ تقضي الشان =
جمٍّ براسه مايبا حدٍ يقدّيه

خيلٍ تهاقع فوقها جيل فرسان =
حاطٍّ لها الصانع قطيعٍ مسّويه


من عولقيات يجيدنّ الاكوان =
طريحهن ماله طبيبٍ يداويه

يكسر على أشناقه بجرّات عربان=
بشولٍ لزيزوم السرايا تباريه

دار ٍ لها بين الحفيفين مسكان =
قبليّة الظلع الحمر والجنب فيه

محدده مارق وقدمه صنيتان =
وقدّامهم ذبّاح الاتراك حاميه

مزين تراطنها على جول حيران =
بين المحيل وبين ظلعٍ يواليه

يازينها لاشرّعت حم الامتان =
تزهى العمود اللي علاها مواريه


الســــــــــــــــــــــؤال موجه لشاعرنا الكـــــــــــــبير أبو عبيد او بألا صح ابو عبدالعزيز ,, من هو (حمى كليب)

[ناصر الهواوي]

اهلا يالخيال
اولا انا ما اعترف اني شاعر على شان اصير كبير
ثانيا انا ابو عبيد فقط لان مالي الا الله ثم عبيد وعبد العزيز ما ادري منين جبته يالخيال
ثالثا سؤالك ما كنت اعرفه لكن غششني العم قوقل
يقول انه منطقه في الباحه حماها كليب بن ربيعه اخو المهلهل

[ناصر الهواوي]

حتى نهار العيد ما جيت اعايد
الله يغربل ابليسك يالعضياني
صح ذوقك يالجوهره

[خيال مطير]

اهلا يالخيال
اولا انا ما اعترف اني شاعر على شان اصير كبير
ثانيا انا ابو عبيد فقط لان مالي الا الله ثم عبيد وعبد العزيز ما ادري منين جبته يالخيال
ثالثا سؤالك ما كنت اعرفه لكن غششني العم قوقل
يقول انه منطقه في الباحه حماها كليب بن ربيعه اخو المهلهل

يابن الحلال مافيه شي اسمه عبيد ,, اذا كبر سموهـ عبد العزيز , خل عنك الهياط . ياعود ,,,,,,,,,,,,, يتبع . (حمى كليب) هو (حمى ضرية) الذين حموه الخلفاء الراشدين من بعد , وللمعلومية كان هذا الحمى على شالح الاول (راعي مهوج) ومن بعده ابنه صنيتان ثم بعد ابنه مارق ثم بدر ابن مارق

[خيال مطير]

صدق بندر يوم قال الله يرحمه

يا عبيد يوم إنك تبي الدرب عجلان
رد النقي يا عبيد حالٍ وحيله

ما ينرمي قولٍ على غير نيشان
ومن لا يثبت حجته ويش هي له

صوتي وأنا بندر طويلٍ ليابان
وان ما خشيت الرب ويش اختشي له

وان عودت للناس قومٍ وصدقان
ما احد بما نعني لأعدي الطويله

وأن جيت أغني البيت وافي ومليان
ولولا معاني بالغنا ما اشتقيله

ما أحب ترديد الغنامير مشحان
ما أدمح خطا اللي شاهده رأس ذيله

والا خطا الطيب زبادٍ وريحان
لو يدعي لي بالفنا وادعيله

إن ضاق صدري شفي أمزح بالالحان
والا عن الزلات رجلي ثقيله

دنيا نبي تقزيرها ضحك حجان
وألا ترى صيورها مستقيله

والرجل غاية ملحته قلب ولسان
وألا أن باقي جثته حنضليله

يارب تجعل لي من الذنب غفران
يافارج لأيوب عقب تهليله



https://www.alsh3r.com/files/imgs/200x225/poets/32-c1f907d2-c139-46ec-bf59-ff6bacff92a1.png

[خيال مطير]

تراني أقشر , ماتحملني .. مثل الجوهرهــ , فديتها

[الجووهره]

عنها لاجيت اكتب قصيده تراجعت
‏وآشره على اللي يكتبون القصايد

‏وان كان أحد ملهود قلبه تبرعت
‏بعطيه من جزل الفرايد فرايد

‏صديت عن درب الغرام وتطوعت
‏حتى نهار العيد ماجيت


عبدالله العضياني

عذرا سقط سهوا


…………. ما جيت أعايد

[ناصر الهواوي]

صباحكم خير وتغاريد عصافير ودفا ووفا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
كتبت للشاعر كديميس بالواتس

ياصباح الخير يا اشب شيخٍ بالوجود
واشعر الشعار واهمهم بالمنطقه

يا عسى سحب السعد فوقكم تمطر ورود
رغم تاثير الرطوبه وشمسٍ محرقه

التحيه مرسله من فتىً قد صار عود
فوق سندان الاحد تحت سبت المطرقه

وجاء رده
ياصباح النور ياعود يا فهد الفهود
راعي ديارٍ لها كل صفحه مشرقه

لك نصيب بدعوة الخير والبادي يزود
والرطوبه خير من لاهب يحت ورقه

التحايا بسرعة البرق تاصل للحدود
ياعسى سنينك مديده ونعمه مغدقه

[ناصر الهواوي]

الله يغربل عدوك يالخفير اللي على الباب
مسجون عندك ولا عينت زاد ولا قهاوي

اللي عليها المعول طقت الاسبوع بغياب
والجوهره ما تعرف ان السجن فيه الهواوي

ومن قال خيالنا راعي كرم كذاب كذاب
يشوف يسمع عصيفير البطن جا له تصاوي

يطبخ وينفخ لنيرانه ولا ودا ولا جاب
اوحي هياطه واحسب اني على الكرمه رهاوي

[شاعرة نجد]

السلام عليكم ورحمة الله

وصحت الالسن والاذواق
ومرحبا جوهرتنا وعودا حميدا
والله يشافي ويعافي اختك ومرضى المسلمين آمين

وصح لسانك يـ الهواوي
وصح لسان ابومنصور,مجاراة كايفه ونايفه

وسلمتم ودمتم,’’

[شاعرة نجد]

تسليه على عُجاله
كنت مشغوله في تاج القصيد
والخير فـ الجايات حضرة السجين...


يامرحبا بالزعيم,السجن والشّْعر طاب
برق القصايد تكاشف من جديد الغناوي

وجينا وفينا طرب للشعر بعد الغياب
عدنا وعاد القصيد وُجاد حرف الشقاوي

والطير غنّى وحنا ياعجيب العُجاب
مابين حاضر وغايب ضيّعتنا المناوي

جودوا علينا وزودوا بالحروف العِذاب
خيال والجوهره لَـ تْخيّبون الهقاوي

[الجووهره]

يسعد صبآحكم
وهلا بك شآعرناا
وصح لسآنك وصح لسآن الشاعر كديميس
على المجآرآة الرآئعه ويعطيكم العافيه

وهلا بك مليوون شآعرتنا المبدعه
نورتي بعد الغيبه. والله يجزاك خير ويتقبل دعواتك
وصح لسآنك ودآم ابداعك

[ناصر الهواوي]

هلابتس شاعرتنا وصح لسانتس على هالدره رغم وضوح التسرع في نضمها ههههههه
ارحبي يالجوهره وصح بدنتس ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
بين الخرطمه والابتسامه بسيط الفرق
مَن في فيه جن في لحظه/ الفرق يدري به

بالثنتين جفن العين في ماه الازرق غرق
لو الاوله تسلطنة فيه يا شيبه

[شاعرة نجد]

صحت ابدانكم..الهواوي والجوهره
عشان كذا قدمت الاعتذاار ههه

تقديري,’’

[شاعرة نجد]

تسليه.......

جيت ازور السجين وجبت معي التسالي
والعشاا والقصيد اللي يسلي جديده

ودلةٍ هيلها لا فاح فووق الخيالي
زعفرانه نجيبه من دِيارٍ بعيده

ياعساها تعود أيامنا والليالي
ذا نجيبه سجين وُذاك بنفك قيده

بغاية الشوق للشعر وجديد الجزالي
والمواويل لامن جت على مانريده

غن يـ الهجس غن السَّجن ذالليل خالي
وخاطري فيه حاجه ذكرها مايفيده !

[شاعرة نجد]

تعاتبني وانا واللي خلقني مـ استحق عْتاب
دريت او مادريت اللي حصل منّك يكفيني

بحفظ الله لاتسأل وانا سكرت دونك باب
ورميت القفل في غبة بحر خارج عن ايْديني

عشان ان خان مرسول المشاعر والهوى غلاب
يحول الياس واستسلم غَصَب والعن شياطيني

لو اغني على رووس الجبال ومَـ اذكر الاسباب
طلاسم تطرب القاري وتحفَظ في دواويني,

[ناصر الهواوي]

تو انا ارتحت جوا السجن وانساح بالي
وصار مثل الحرير بلينه اقسا حديده

يوم جت بالوليمه بين حامض وحالي
صاحبة صنف ماحافت بيدها تجيده

عاصفية حزب فيما مضى هملالي
الكرم بالرسن جتنا تتله بجيده

قمة الكيف ما فوح بصفر الدلالي
اما الابداع دون مجامله به فريده

[ناصر الهواوي]

منجوم هجسي ما يقدي لقافه
ان قلت كنه جاه علمٍ يحوسه

وهو قبل به رجه وزايد لقافه
وبنات فكري منه فيهن عنوسه

بها الوجود لكل موجودٍ آفه
حتى النخل قالوا لقوا فيه سوسه

من الطيبين الطيب حاشا نعافه
لو صار بالراحات شح ويبوسه

[الشامخه]

السلام عليكم..
مسيتو بالخير ..
صحت السنتكم واذواقكم ودام ابداعكم..
تسليه للسجين والزوار..
ما ينزل قيمتك غير العتاب لا تعاتب في الحياة إلا حبيب

ما بنينا في العقول إلا الصواب وما دفنا في الصدور إلا النحيب

وما طمحنا بشيء من دون السحاب وما رضينا إلا بمقسوم النصيب

تحت رحمة واحد الكون المهاب الإله الواحد الفرد المهيب

انشرح صدري من البارح وطاب طاحت الهقوات من رأس اللبيب

وانثنى غصن (ن) من المعنى وذاب طردة المقفي إذا خلاك عيب

ما رجينا من مواقفنا ثواب المواقف عادة الرجل العريب

ما حداني يوم خليت الهضاب للهبايب غير ساحات الحريب

ولا مشيت بحق حذرا لا تهاب ولا تشك وتستحس وتستريب

لا تلوح بالرحيل وبالغياب وانت واحد لا تودي ولا تجيب

علمتنا هالحياة إنا بغاب بين أفعى وبين ضبع وبين ذيب.

[ناصر الهواوي]

ارحبي ثم ارحبي يالشامخه شرفتي السجن بحضورك ومشاركتك الرائعه الرائعه
لاهنتي ودمتي وسلمتي
وقبل هذا كله عليك السلام ورحمة الله وبركاته

مرحبا بالشامخه والذي جابت
تسليتها قاخره قمه وروعه

اشهد ان قيفاني اليوم ما خابت
من عطشنا اروت بعد سدت الجوعه

سجننا بحضورها ليلته طابت
وضحكته صارت بعد كتم مسموعه

[ناصر الهواوي]

إي والله إي والله
ــــــــــــــــــــــــــــــــــــــــ
سلام يا باقي اطلال البويت اللي على المطرق
رد السلام ان قدرت لخاطرٍ فقد الغلا طارقه

ترقرق بجفن عيني دمعها واكفكفه وانسرق
قطره صغيره لكن من حرها يوم نزلت حارقه

يا قسو قلبه دعى قلبي ولبى دعوته واسترق
استعبد المضغه اللي في ضلوعي والجسد فارقه
وبس ههههههه

[الجووهره]

السلام عليكم..
مسيتو بالخير ..
صحت السنتكم واذواقكم ودام ابداعكم..
تسليه للسجين والزوار..
ما ينزل قيمتك غير العتاب لا تعاتب في الحياة إلا حبيب

ما بنينا في العقول إلا الصواب وما دفنا في الصدور إلا النحيب

وما طمحنا بشيء من دون السحاب وما رضينا إلا بمقسوم النصيب

تحت رحمة واحد الكون المهاب الإله الواحد الفرد المهيب

انشرح صدري من البارح وطاب طاحت الهقوات من رأس اللبيب

وانثنى غصن (ن) من المعنى وذاب طردة المقفي إذا خلاك عيب

ما رجينا من مواقفنا ثواب المواقف عادة الرجل العريب

ما حداني يوم خليت الهضاب للهبايب غير ساحات الحريب

ولا مشيت بحق حذرا لا تهاب ولا تشك وتستحس وتستريب

لا تلوح بالرحيل وبالغياب وانت واحد لا تودي ولا تجيب

علمتنا هالحياة إنا بغاب بين أفعى وبين ضبع وبين ذيب.

وعليكم السلام ورحمة الله وبركاته


يا مرحباً ترحيبة البدو لسهيل
‏واعداد ما هبّت سحايب مطرها

‏يا مرحباً يا ريحة الورد والهيل
‏لا هبّت النسمة وتطاير عطرها


مرحبا الف وهلا مليووون
شمووووووووخه
نورتي بعد الغيبه الطويله عن السجن
ويسلم ذوقك ويعطيك العافيه
ولا تقاطعيييييين ههههههه

[الجووهره]

وهلا بكم
شاعرنااا الهواوي
شآعرتنا المبدعه
وصحت الالسن ودآم الحضور والابداع

[ناصر الهواوي]

ارحبي يالجوهره والمهلي ما يولي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
سمعت قبل شوي ونة حمامه
قبل يوسع خاطري صوت عصفور

في نوحها وجد وحنين وندامه
وفي صوته انه كان بالحيل مسرور

ما يلحق الورقا الحزينه ملامه
البعد له تاثير والفقد له دور

[الجووهره]

البقااا شآعرناا
وصح لسآنك ودآم ابدآعك

[الجووهره]

يقول فهد المسآعد


ضحكاتها لمّة حبايب وغالين
‏
تمسح على القلب وتسر الخواطر
‏
ماكنها إلا تْقول لي باكر تزين

ماعندي أدنى شك بتزين باكر



الله يزينهاااا

[ناصر الهواوي]

هلا بك يالجوهره وصح بدنك ولاهنتي ودمتي وسلمتي
رائعه هـ الابيات بالحيل صح لسان القائل وسلم ذوق الناقل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
جريد النخل داعب نسيم الهبوب الزين
من الشرق ينفض ما علق فيك ويهزك

على الهون دوب تلاحظ الاهتزاز العين
ليا ابطيت احدد بالنظر فيك واقزك

لكن ما سمعت اليوم للورق بك ونين
ان مرتك وحده في طرف عينها تخزك

لكن دام حولك توجد مشوهة عينين
جنينية الهاجوس فانت ابشر بعزك

من وين ابتدي بالقول والا انتهيه بوين
تكز القريحه لادعج العين وتكزك

وتقول المشاعر بعد كلت كفانا البين
اجل ما يحز الصدر من وجد ما حزك؟؟

يقولون بالامثال جداننا الغالين
يا رزان هونها تراهو قضى رزك

[ناصر الهواوي]

يافكر ريحنا وبسك هواجيس
ماعاد باقي شي تقدر تدسه

علومك اليوم اعتبرها وساويس
ابليس يمليها بهمزه ومسه

نعوذ بالله من جميع الاباليس
من كيدهم خافيه واللي نحسه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
بالنوم حلم وفيه باليقظه احلام
يعني من الاحلام ما فيه فكه

في لحظه توريك ما صار باعوام
توسع الخاطر ونوبٍ تتكه

اغفي لجل يحصل مع طيوفه المام
وأمسِّك الجفن النعاس ويفكه

على تحري لمة الطيف ما انلام
والا حلوم اليقظه القشر هكه

[ناصر الهواوي]

يالله صباح خير لا شر فيه على الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
محبوب يا سجن القوافي ووافي
لكن معك ياسجن ما احنا بوافين

سجلت قاف وعدت ما زال قافي
كماه يوم اروح ما جاه لافين

يالورق في هـ النوح بيحت خافي
يا شين هي قلت عليك البساتين؟

غربلت قلبٍ بين حدبٍ نحافي
لو كان هو خِلْقَه مغربل من سنين

ليا لقا في هـ الزمن جو دافي
والا بقسواته حصل شي من (لين)

جاء بينه وبين المغربل تجافي
وصارت تصافق به من يسار ويمين

وين الثمان الناصعات الرهافي
بل من بهن يسبيك في ضحكته وين

بفيلم الخيال اشوف شيٍ خرافي
يعذر بخيله لو لقاه احمر العين

خيالنا اللي نوب اشوفه سنافي
لو كان ما يصفي معاشه ريالين

[الجووهره]

ياهلا بك شاعرنااا
وصح لسانك ودام ابدآعك


يقول
الشاعر محمد عبد الله الخياري


متى تهادى مرزمات الرعودي
ويففي على المرزم هبوب البرادي

ودي على صدري يهبن نودي
ونلقى عقب سهر الليالي رقادي

ضريبة الطيبه ثمنها الجحودي
وضريبة التفكير طول السهآدي

واللي على اللي مايبيه محدودي
يعيش كنه وسط سجن انفرادي

[ناصر الهواوي]

واللي على اللي ما يبيه محدودي
يعيش كنه وسط سجن انفرادي

ول ياشين هههههههههههههه
هلا بك يالجوهره وبما جبتي
ــــــــــــــــــــــــــــــــــــــــــــــــــ ـــــــــــــــــــــــــــــــــ
هروبٍ من الضيقه ومن كثرت الهوجاس
مع الخط مجنب وجهته وابترم ويله
عسى الله بعونه لا احترك يبعد الارماس
ياصل ما يبي لو بعد ويعود من ليله
عن ساهر على الجوال لي سووا الحساس
تسبقه المشاعر للهدف ثم تومي له

[ناصر الهواوي]

لرسم حرف بدعم روس الاباهيم
سر ياقلم وارعف على الطرس حبرك


ارجوك لا تسهب بطرح النعاليم
بس اختصر باع الفكر قد شبرك

بأغوار من همه على صدره امقيم
ويش اتضح بالوضع من بعد سبرك

ليا ذكر له ونةٍ تقعد النيم
تضخمت ماهي على مثل خبرك

لكن ترا الدنيا حظوظ ومقاسيم
ما فات مات وما يجي بعده ابرك

[شاعرة نجد]

مساء الخير وتغريد الطير

كيفكم جميعا رواسينا وراسياتنا
واسعد الله اوقاتكم وصحت ذوائقكم ودام تواجدكم

وصح لسانك شاعرنا الهواوي
ولاهنت على هـ العزف العذب والممتع والابدااع الفاخر
وسلمتم ودمتم,’’

[شاعرة نجد]

https://i.pinimg.com/236x/55/06/7a/55067ac9efd8dfac5ad4e4baf5c5cfea--swans.jpg

كل ماغنّى الحمام وجر صوته
جاوبه حسي ولو من غير صوتي

يستغل الوقت عصره لايفوته
يسجع امسيان وامسيان موتي

حزةٍ طوّل بها الناطر سكوته
واكتفَى في صوغ عذبات البيوتي

عـ البحر ويروح مع موجه وحوته
مع رياح الذكريات وفي ثبوتي

كل ماقامت هواجيسه تشوته
رااح مـ استراح وابطى في سكوتي

عااف من كثر الصبر شربه وقوته
واحترق كرت الغلا واحرق كْروتي.!

[الجووهره]

هلا بكم
شآعرنا الهوآوي
شآعرتنا المبدعه
وصحت الالسن ودآم الابدآع

[الجووهره]

يالله بصبح ٍ جتنــا فيه التباشير
‏بشـــارة ٍ تلفـــي وراهـــا بشارة

‏والله يصبح كل الأجــواد بالخير
‏نهدي صباح الخير بأجمل عبارة

‏معها البشاير والفرح غرد الطير
‏وأحلى عبــير الـــورد بأول نهاره




صبآح الخير

[ناصر الهواوي]

صباح الخيرات والمسرات ع الجميع
ارحبي شاعرة نجد(شاعرتنا)المبدعه وصح الله لسانتس وسلم بنانك واعتلا شانك
هلابتس يالجوهره وصح بدنتس وذوقتس ولاهنتي ودمتي وسلمتي
الاقشر ليته ما تسرع وقنص يوم طروا سهيل وطلوعه ما سمعنا له حس ولا رِس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
يالنسيم اللي علينا هب غدوه بارد
بالمشاعر يا هبوب الشرق زود بروده

الفكر مزحوم حيل وكل شيٍ وارد
ما آمنه لا ينفجر لو ما تنسنس نوده

الهجس ملقوف شيطانه قوي ومارد
والصبر في مخزنه كميته محدوده

والزمن شكله على الاقشر لسيفه جارد
وما جرى له سببته حظوظه المقروده

كان قبل العام له فيلا على عطارد
وهــ السنه خيمه بصمد اقمح لنا مفروده

[ناصر الهواوي]

يالجوهره مساك اسعد والشر عنك ابعد
اعتقد ان (فيه) قبل (التباشير)
تصير (يالله بصبحٍ فيه حتنا التباشير) راي فقط ههههه فاضي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
لو ما ماطرا هين فواد الشقا ما فز
ولا هز وجدان المشاعر ولا فزت

يعرض الخيال لــ مشهدٍ للضلوع يحز
يذكِّر بفارس فيلم الاحداث والحزه

على البال وابعد موقعه من ولاية ويلز
لكن جابه التفكير عندي ولي دزه

على استاوتٍ ماعاد توجد وكنه بنز
اعز المكان وموتر العز واعزه

ايام الموده عن عيون الحسد في حرز
بثلاث الركايز بس كانت لها مزه

[خيال مطير]

ياشقا، قلبٍ تحيّر* في هوى غروٍ يتله

راعي العين الحنونه * اللي أشغلني بغرامه

قسمتي والحظ الأ قشر * ساقت الرجل لمحله

من بعد، لدّة عيونه * وين قلبي والسلامة

بالمشي لا من تهصّر * رأس، ردفه ما يقله

مشغل الناس بفنونه * مشيته صارت علامة

والمبيسم موتٍ أحمر* يشفي العطشان غله

ونظمة اللولو سنونه * لاغنج لي بأبتسامة

ومن نظر للصدركبّر* روض للوسمي يعله

مثل طلع التين لونه *والحجم بيضة حمامة

مطلقٍ مجدولٍ أشقر * من على متنه، يفله

وغرةٍ حفة،، جفونه * تنتثر، لا أرخى، لثامه

نور عيني لو تغيرّ * وسط قلبي مرتعٍ له

بالحشا أرسى ركونه * وبالصدرعالي مقامه

الغلا بالجوف يصهّر* قرص كبدي مستحله

ساطياتٍ بي طعونه * بالحشاء راكزسهامه

من عناه العين تسهر* دمعها، دايم، تهله

مثل وبلٍ في مزونه * لا تحدر من غمامة

عقب ما وصله تعثر* صارت أعذاره ممله

جدد بقلبي، حزونه * بالتشرّه، والملامة

كيف عقب الود قرّر* للهجر من غير زله

عاذلٍ قد حال دونه * ليتني أعرف مرامه

لوشكيت الحال يظهر* ماخفاء للناس كله

وكل علمٍ يجهلونه * صار سلعة للنمامة

الهوى راعيه يخسر* لا تفارق هو، وخله

مكسبه ذل ومهونة * وآخرالعشرة، ندامه

[الجووهره]

يالجوهره مساك اسعد والشر عنك ابعد
اعتقد ان (فيه) قبل (التباشير)
تصير (يالله بصبحٍ فيه حتنا التباشير) راي فقط ههههه فاضي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
لو ما ماطرا هين فواد الشقا ما فز
ولا هز وجدان المشاعر ولا فزت

يعرض الخيال لــ مشهدٍ للضلوع يحز
يذكِّر بفارس فيلم الاحداث والحزه

على البال وابعد موقعه من ولاية ويلز
لكن جابه التفكير عندي ولي دزه

على استاوتٍ ماعاد توجد وكنه بنز
اعز المكان وموتر العز واعزه

ايام الموده عن عيون الحسد في حرز
بثلاث الركايز بس كانت لها مزه




هلا بك شاعرنااا
ممكن انت ابخص هههههه
وصح لسانك ودام ابداعك

[الجووهره]

وهلا بك خيال
ويسلم ذوقك ويعطيك العآفيه

[الجووهره]

رااااااااااااائعه
أعجبتني بالحييييييل
نقلتها لكم

أقبل الليل وهمومه تطق الدفوف
وقلط الضيقه وقلط معاوينها

طآري وذكريآت وعبره وحر جوف
وقصه تحزن القآري عنآوينها

مغريآت المحبه واللقى والشفوف
رآحت ورآحت ب رآحة محبينها

انتهى الوصل من بيني وبين الهنوف
والوله ما انتهى من بيني وبينها

جآدل في محيآها بيآض القنوف
وسآحل الموت يلطم في حور عينها

كنها النخله اللي بين حدب السيوف
رآبيه في ذرا الحشمه وحآمينها

كلمتني بعد طول البطى والصدوف
وقاآلت الروح محتآجه مضانينها

قلت وين الوعد والتفآني والحلوف
وتضحيآت الغرآم اللي تسوينها

اذكر آخر لقى واذكر نهآر الحسوف
واذكر اللحظه اللي صعب تنسينها

ليلة في هقاويها المنآوي تطوف
وكعبة الوصل كنا من ملبينها

يوم كنت اسألك واقسى ثواني واروف
وانتظر فرحة ماتم تدشينها

كان ردك خجل نفسك من أربع حروف
أقدر أعيشها لو ما تقولينها

بين بوح العيون وبين فرك الكفوف
أعرف أشيا كثييييره ما تعرفينهاا

لا تقولين فالموضوع رهبه وخوف
وهذي الحاجه اللي في ياشينها

والله اني عليها ياجميله شغوف
واني ،، أحبها ، لو،، ما تحبينها

عني أشوفها خصله جميله واشوف
فيك ميزات وآجد ما تشوفينها

الحيا زينة الانثى وقتل الشفوف
وقبر رغباتك الحره قبل حينها

لو تزين الظروف ولو تشين الظروف
فطرة تفرض العفه قوانينها

هذي أيآمنا اللي كفنتها الصدوف
حسب قيد السلوم وحسب روتينها


صح لسآن شآعرها
عآبر

[شاعرة نجد]

والصبر في مخزنه كميته محدوده

شطر يكتب بماء الذهب شاعرنا
صح لساانك
وصحت ابدانكم وذوائقكم الممتعه

تقديري,’’

[شاعرة نجد]

وليدة اللحظه على ضو القمر:smile:

أسَاالك ياقمر نصف الشهر هو ماعليّه خوف؟
أروح بْجو خالي واسحب الموال بالحالي

واغني مابدر مني وابيّن مايكن الجوف
واسجل واحتفظ باللي تهيضته بجوالي

يحوف الهاجس المتغطرس القلب المولع حوف
يذكرني وِيحْسبْني نسيت اللي على بالي

قمر طاب السمر والليل كاسب فيني المعروف
سكونه مع نسيمه ينعش اوقاتي ويحلالي

[ناصر الهواوي]

الله يصبح الجميع بالخيرات والمسرات
ارحب يالخيال غبت وجبت ولاهنت ودمت وسلمت
ارحبي يالجوهره بصراحه هــ المعلقه تستحق النقل صح ذوقك وصح لسان شاعرها المبدع
ارحبي ياشاعرتنا روعه هـ الدره تناغي طلة القمر ابداعا وجمالا صح الله لسانك ولا فض فوك

[ناصر الهواوي]

ابى الا انه يجاري هـ القوافي هجسي الملقوف
وانا ياما نصحته بس يقفي ما توحى لي

هجوس اللي على ساحل بحر لمواج ماه يشوف
وهجوسٍ في صحاري نجد عزا له وعزالي

يجيه من الغبار ان هبت الغربي عليه شعوف
لكن من خبرته في هــ الفلاة يعرف يحتالي

يحاول كل فرصه ما يخليها عليه اتطوف
يشيل امع ام سالم صوتها لــ قامت تلالي

صحيح ان القمر لــ ابدر يهيظ هاجس المشغوف
وانا لاشفته اوحي همسه او انه يوحى لي

وازور المشتل اللي خابره والقا الورد مقطوف
به الورقا تون ويزعج التغريده حكالي

[الجووهره]

يسعد مسآكم
صح لسآنك شآعرنا
ودام حضورك وابداعك

[الجووهره]

طآبت جمعتكم بذكر الله
والصلاة والسلام على رسول الله

يا ربّ صـــلّ على النبــيّ وآلهِ
‏حتى القـــيامة بكـــرةً وأصيلا

‏هذا نبيّكَ خير من وطئ الثرى
‏ نشرَ الحــديثَ وطبّقَ التنزيلا

‏في كلّ قومٍ قد بعثتَ رسولَها
‏ وبعثتهُ في العـــالمين رسولا



اللهم صلّ وسلّم على نبينا محمد
وعلى آله وصحبه أجمعين

[الجووهره]

وليدة اللحظه على ضو القمر:smile:

أسَاالك ياقمر نصف الشهر هو ماعليّه خوف؟
أروح بْجو خالي واسحب الموال بالحالي

واغني مابدر مني وابيّن مايكن الجوف
واسجل واحتفظ باللي تهيضته بجوالي

يحوف الهاجس المتغطرس القلب المولع حوف
يذكرني وِيحْسبْني نسيت اللي على بالي

قمر طاب السمر والليل كاسب فيني المعروف
سكونه مع نسيمه ينعش اوقاتي ويحلالي



على ضو القمر الأزرق ههههههه
صح لسآنك شآعرتنا المبدعه
ودآم حضورك وابداعك

[ناصر الهواوي]

اهلا يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
نعمة النسيان عجزت تغطي كل شي
حاولت تستوعبه وغلبتها الذاكره

دمع ابن لعبون ربَّص بقايا اطلال مي
يوم طيره فارق من المفارق ماكره

سي وضع المنلهد ما يكفي قول سي
مع تسارع نبض قلبه وكسرة خاطره

واهني اللي فواده من الهاده خلي
من حياته دمعته في جفونه نادره

كم تمنيت إن مالي ولا يحسب علي
الزمن له زومته والليالي غادره

[شاعرة نجد]

طاب مساكم واسعد الله اوقاتكم

وصحت ابدانكم,الهواوي والجوهره
وصح لسانك شاعرنا على المجاراة الكايفه النايفه
وصح لسانك على هـ الدرر الممتعه

وسلمتم ودمتم

[شاعرة نجد]

أشهد ان الشعر سلوه ومنوه وانتعاش
أشكر اللي بدّني ومدّني ذالموهبه

المولع كان ماهوب شاعر كيف عاش؟
وكيف لامن ولع الصدر ضوه وحْطبه

واستلم من ذكرياته ملفاته بلاش
جابها مندوب فكره بحبره واكْتبه

في جدار الصّدْر والصّبْر غطاها بْشاش
من فصول الماضي اللي مضى ماله شبه

عزتي له مايبيله مراسيل ونقاش
دام ماعبّر بقافٍ يبيّن مطلبه

لو مغلف بالطلاسم وفي جوه رْشاش
من غيومٍ هي عذاب المعنى وسْببه.,

[ناصر الهواوي]

هلا بش شاعرتنا وصح الله لسانش وبدنش ودام حضورش ولاهان راسش هههههههه
إيه البارح سمعت اغنية هلابش وباهلش/ وما ادري وش بعد وتأثرت هههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
من تكة الصدر مايرضى اللسان اليوم في لهجته
قام ايتخبط بمنطوقه مع العالم بلهجاتها

اللوثه اللي بيومٍ فيه وادع من يبيهم جته
ياليت شعره هل اللي سببت له لوثته جاتها

الشوق ملوي ووجده حين عنوا له لوى مهجته
سوت باحاسيسه استنفار مع تغيير موجاتها

يا شيب عينه من افواه الغلا يوم انها مجته
ما عاد يطمع بهمسٍ ينعشه شحت علاجاتها

وسط جبينه بسيف استودع الله حضرتك شجته
وبسجل نوح الحمامه حط رقمه في سجلاتها

[ناصر الهواوي]

الاسماء الموجوده انا والخيال و14زائر وبس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
ياحلو الهبوب اليوم بارد ونسمته
شرقيه شماليه ينعنش برادها

بذعذاعها تبعد عن الصدر كتمته
والا ضيقته لو هب عاصوف عادها

مقيمه ومنها الضغط ياصل لقمته
ما تبعد مادام ان(........)طوَّل بعادها

ابـ تصبر وتفرج/ وش معجلك؟سمته
ما فرجت وسده باح واليوم عادها

وشوقه بوجدانه ينفذ مهمته
ياللهول كم هي بالغت في عنادها

[خيال مطير]

اسعد الله اوقاتكم بكل خير وحفظكم الله من كل مكروه. ,,,

تسالي ,,

https://pbs.twimg.com/media/DVy-8TNXUAApJN9?format=jpg&name=small




يقول الشاعر : عبدالعزيز بن سعود الحمد العريني السبيعي:

يورى في عيوني مجلس الشايب وبيت الطين

مداهيل الرجال الـلي لهـم بالطيـب منزالـي

مجالسهم مجالس للشجاعـة والكـرم والديـن

تنومس راعي الطالـة وتغبـن كـل بطالـي

ماهي مثل المجالس ذا الزمان اللي قبوله شيـن

مغير السالفة وسط السياسة واسهـم المالـي


ويقول الشاعر عبد الله الجبرتي

ياوين احصّل مجلسٍ فيه شايب

متصدر المجلس ومركاه فالنُص

هرجه ثمر ماخالطه بالشوايب

يروي لنا من طيب الهرج ويقُص

وحوله نشامى يحتمون النوايب

قومٍ تعرف العلم وتقص وتحُص

تسري من المجلس وخاطرك طايب

كنك كسبت من العقيق الحمر فُص

\

يقول الشاعر غزاي الحربي:

والمجلس اللي يزعجك لا تمره

خله تراك بشوفته منت مجبور

والرجل سقها في صحاصيح بره

ومد النظر مابين ريضان وزهور

لا صار وجه القاع ما فيه جره

والمشي حافي والثرى تو ممطور

ساعات صمتٍ ما وراها مضره

تسوى الكلام اللي به ذنوب و شرور

أطلق خيالك واترك النفس حرة

وخل الطبيعة في حياتك لها دور

[خيال مطير]

https://www.alriyadh.com/media/thumb/6d/ea/330_cae7ad7e1c.jpg

هبّ البراد وقربت طلعة سهيل

القيض راح والأحارير زاله

أتلى الأناثي طلعته تالي الليل

نجمه توَقد زايدٍ بإشتعاله

وجانا من الغربي مزونٍ مظاليل

وغشى على روس النوايف ظلاله

تضحك مقاديمه وترشق هماليل

حس الرعد والبرق بمظلم خْياله

تمطر جنوب وشرق وغرب وتشاميل

وعلى النفود ومنخفض من سهاله

والعشب نبته ظلل الأرض تظليل

نوار نبته كاد يضحَك جماله

لونه جميل وجمّل الأرض تجميل

وربّع به اللّي مهزلٍ من حلاله

والبرزان وحمّل الشيل تحميل

مع رفقة اللّي يدركون الجمالة

عبدالله بن سعيد السهلي






https://www.alriyadh.com/media/thumb/a6/8f/330_67f59ddd7f.jpg

سكـبة البرقع على عيونك هلاك
والهلاك إنك بلا برقع جميل

إن لبـسـتـه زوّد الـبـرقـع حـلاك
وإن رميته غض بالطرف الكحيل

[ناصر الهواوي]

ارفق على القلب الخضر لا تضره
هو قبل عرضك لــ ادعج العين منضر

شوفه لشروى هــ الطويله مضره
وشرواك ما يرضى على غيره الضر

[خيال مطير]

https://gumlet.assettype.com/ajel%2F2023-08%2Fbf695b96-db1b-4db8-b47a-058dcbe0b628%2F82d69a4a-35f4-4c9d-9f32-c61a72f72f63.PNG?auto=format%2Ccompress&fit=max&format=webp&w=160&dpr=1.0

صحيفة المرصد: كشف خبير الطقس خالد الزعاق عن موعد انخفاض درجات الحرارة، وذلك بعد مشاهدة نجم سهيل.

وقال خلال مقطع فيديو :"خلال هذه الأيام نبدأ نشاهد نجم سهيل قبيل شروق الشمس بالجهة الجنوبية، وبعد عشره أيام تقريبا من رؤية سهيل بالعين المجردة يبرد الهواء في آخر الليل، وبعد 20 يوم تقريبا يبرد آخر النهار وبعد 30 يوم تقريبا يتساوى الليل مع النهار".
وأضاف : "خلال هذه الأيام تبدأ تأتي السحب من الجهة الغربية وهذه السحب تسمى بقلائد الوسم وأهلنا الأولين كانوا يستدلون على هذه السحب بماهية الموسم القادم من حيث الأمطار فإذا كانت مستمرة ولونها داكن فهي مبشرة بالخير وإذا كانت منقطعة ولونها فاتح فهي غير مبشرة" .

[ناصر الهواوي]

ياسلام عليك انت والزعاق
هذا اعرفه وانا عند غنم اهلي ههههههههههههه
لكن مشكور على ايراده

[ناصر الهواوي]

وش هـ الصمت ما دندنت في ما يسر البال
عسى ما للا إس تي سي بعد صمتهم والي

لولا بعض مالي فيه ما اشيِّل الجوال
استغني عن اللي ما اسمعه به ولا ابالي

تعشمت في ما قد فهمته يزين الحال
من كثر الاماني والعشم عزي لحالي

الا يالحمام اللي ضحى جر لي موال
ولا عاد عدت اكيد ما اعجبك موالي

تراني على ذاك العهد باقي ولا ازال
اجي ساريٍ بالليل له واشهب اللالي

تستنزل مثل حر الجمر شوفة الاطلال
تلعب ذكرياتك بي من الجال للجالي

اقضي ثلاث ارباع ليلي بهالمنوال
من همومي اللي فاقده من سنه جاء لي

[خيال مطير]

ارفق على القلب الخضر لا تضره
هو قبل عرضك لــ ادعج العين منضر

شوفه لشروى هــ الطويله مضره
وشرواك ما يرضى على غيره الضر


صح لســــــــــــــــــــــــــــــانكـ شاعرنا

[خيال مطير]

https://www.alriyadh.com/media/thumb/22/76/330_084a506c58.jpg

يا حبيبي تعال أعلمك كلمتين

كلمتين بعيني شفت برهانها

دام حبك يضخه فيّ عرق الوتين

والغلا كفته لك مال ميزانها

والله إنك مخبى بين جفنٍ وعين

وإن روحي لروحك تطلق عنانها

تزهر رياض قلبي الورد والياسمين

شف حياتي بشوفك زانت ألوانها

هات كفك فديتك ودي أحلف يمين

إن روحي تحبك وإنك سلطانها

وثق العهد تكفى يومك أغلا ضنين

ودي النفس تهدأ ثار بركانها

استثرت المشاعر لين هاج الحنين

والبحر والسفينه صرت ربانها

ساح عرق القصيد وسال قول رصين

والقوافي الجميله صاب نيشانها





للشاعرة المبدعة هيلة آل سليم "شواهق نجد".

[ناصر الهواوي]

ارحب يالخيال صح لسانها وسلم ذوقك يا ذوق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
لي رجعه ان شاء الله

[ناصر الهواوي]

آااديني رجعت
ـــــــــــــــــــــــــــــــــــــــ
كل ما رحت ورجعت الذاكره بي عادت
لــ لحظةٍ ما كنت قبل تعود بي ناسيها

انصدمت لما عرض والارض فيني مادت
ولا قدرت اميز اولها ولا تاليها

وكل عين بماها الازرق من سببها جادت
والكبد سلط عليها ميسمٍ يكويها

سامح الله هــ الحمامه يوم ونت نادت
لكل ما كنت اذكر انه ساكن بواديها

ما اعرف وش هو هدفها ولا افتهم ما رادت
حلم ما ادري علم لكن ربك يسويها

[خيال مطير]

صح لســــــــــــانك ابو عبيد^

تســــــــــــــــــــــــــــــــــــــليه

https://www.alriyadh.com/media/thumb/48/3a/330_feb18d079d.jpg

ولي حمامة نازعتني على النوح

إن نحت ناحت وافتقت لي جروحي

يا ويل قلبي لا تذكّرت لي جروح

جروحٍ قديمة صادرت لي افروحي

يا قلت كفّ النوح لو كنت مجروح

ياما كتمت آهات قلبي ونوحي

ياعونة الله باب الأحلام مفتوح

ماعاد به ضوحٍ على قَد ضوحِي

اللّي ذبحني جرح بيّن على البوح

أخشى مع الأيام ينباح بوحي

شعر - حمد الدعيج (نديم كميت

[ناصر الهواوي]

روعه يالخيال
ــــــــــــــــــــــــــــــــــــــــــــــــ
لي شف لكن لامس جفوني النوم
وانا ارنجي طيفك يجيني بنومي

سنين ما شفتك ولي عنه كم يوم
يمكن تجيني معه عنك العلومي

بهن يسكن روع مغرم ومحروم
قلق نهار وليل يرعى النجومي

[ناصر الهواوي]

إيييييييييييييييييييييييييييييييييه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
يصعب على اية حكيم وله بلاغه يقنع الناس
لكن لو الناس حبوا يقنعونه يقنعونه
لاترسل ولا ارسل وخذها كذا من راس للراس
تكشفت منك لي وارجي من الله المعونه
ما فيه شيٍ صفا في هالزمان الا وينحاس
ويظهر لمن يعرفه في لون ما هو مثل لونه

[الشامخه]

السلام عليكم وصباح الخيرات..
صحت السنتكم ولي عوده بأذن الله..
بس حبيت اشارككم هالابيات اللي راقت لي..
- أبيات من قصيدة للشاعر راشد المحمد المشعان قالها في غربته متوجّدًا فيها على حاله و يشكي الحال لصديق عمره فهد الغسلان البقعاوي بعد أن قضى في الغربة سنين دون أن يكسب شيئًا..

لا ضاق ما بالصدر جيت الدياوين
‏ابي الوناسه و الوناسه ضنينه

‏اجلس مع المجلس ولاحدٍ يحاكين
‏ودي سلام و كلمتي كارهينه

‏لا دينهم ديني و لا الدين من دين
‏دوّرت من جنسي ولا شوف عِينه

وين الصديق اللي يودن يشاكين
‏ يكشف على ما بالضلوع الدفينه

‏مثل فهد ينظر بحالي و يبرين
‏يبري هواجيسٍ بقلبي كنينه

‏يابو حمد ويلاه وينك و انا وين
‏بيني وبينك ما يبيد السمينه

‏ويلاه يا رجلٍ ربوعه بعيدين
‏يصبر على الكايد و نفسه مهينه

حـدن عـلـى فـرقـى الاهـل دفـتـر الـديـن
عـزي لـمـن مـثـلي حلاله رهينه

وجـدي عـلـى هـاك البلادين وجـديـن
وجـد الخلوج اللي يهجرس حـنـينه

يالله طلبتك خـيـر دنـيـاك والـديــن
ياعـالـمـن بـالاسرار زيـنـه وشـيـنـه

ادعـوك بأسـمـاك الحـسـيـنـه وياسين
وايات لو تاتي الـرواسـي تـلـيـنـه

اللي رزق دابٍ عـمـى مايخـلـيــن
ادعــوه يلـطــف بـي ويـنـظـر بعـيـنـه

[ناصر الهواوي]

اهلا يالشامخه وبما جبتي صح نقلك ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
الصدر يا دوب النفس يخرج منه يدخل ايليه
كنه على آلاف الكيالو من على سطح البحر

من غير كيف ومن متى اللي صار والا فول ليه
الكلمه اللي تشرح الموضوع تنشبت بالنحر

نبش الجريح المندمل بعد البطا والله ما ابيه
وتركه على وضعه من اللي يقدر علاجه يحر

[خيال مطير]

السلام عليكم وصباح الخيرات..
صحت السنتكم ولي عوده بأذن الله..
بس حبيت اشارككم هالابيات اللي راقت لي..
- أبيات من قصيدة للشاعر راشد المحمد المشعان قالها في غربته متوجّدًا فيها على حاله و يشكي الحال لصديق عمره فهد الغسلان البقعاوي بعد أن قضى في الغربة سنين دون أن يكسب شيئًا..

لا ضاق ما بالصدر جيت الدياوين
‏ابي الوناسه و الوناسه ضنينه

‏اجلس مع المجلس ولاحدٍ يحاكين
‏ودي سلام و كلمتي كارهينه

‏لا دينهم ديني و لا الدين من دين
‏دوّرت من جنسي ولا شوف عِينه

وين الصديق اللي يودن يشاكين
‏ يكشف على ما بالضلوع الدفينه

‏مثل فهد ينظر بحالي و يبرين
‏يبري هواجيسٍ بقلبي كنينه

‏يابو حمد ويلاه وينك و انا وين
‏بيني وبينك ما يبيد السمينه

‏ويلاه يا رجلٍ ربوعه بعيدين
‏يصبر على الكايد و نفسه مهينه

حـدن عـلـى فـرقـى الاهـل دفـتـر الـديـن
عـزي لـمـن مـثـلي حلاله رهينه

وجـدي عـلـى هـاك البلادين وجـديـن
وجـد الخلوج اللي يهجرس حـنـينه

يالله طلبتك خـيـر دنـيـاك والـديــن
ياعـالـمـن بـالاسرار زيـنـه وشـيـنـه

ادعـوك بأسـمـاك الحـسـيـنـه وياسين
وايات لو تاتي الـرواسـي تـلـيـنـه

اللي رزق دابٍ عـمـى مايخـلـيــن
ادعــوه يلـطــف بـي ويـنـظـر بعـيـنـه

صح لسانكـ .. يالشامخه . وصح لسان شاعرها ../ قمة الذوق وألأخـــــــــتيار تحياتي لشخصك

[خيال مطير]

https://www.alriyadh.com/media/thumb/6b/59/330_860eb3bc65.jpg

الباب خَلّه دايم الدوم مفتوح

وْخَلّه ينادي من بغاهُ وْيجِي له

استقبله في خاطر الدوم مشروح

والرِزق عند اللّي كِفل كل جيله

وقَدّم لهم حُلو التعاليل ومزوُح

وحاوَل رضا الزوّار بأيّا وسيله

جميع مايجري على العبد باللّوح

لو صَد عنه اليوم باكِر يجي له

لابِد من نرحل عن الدار ونْروح

ونضرب طريق لْرَجعِته مستحيله

وكل الشروح إلاَ السواليف ماتروح

تبقى لجيلٍ ينتمي لْكل جيله

شعر: سويرح بن عيد الرشيدي

[ناصر الهواوي]

اهلا يالخيال
ــــــــــــــــــــــــــــــــــــــــــــــــــ ـــــــــــــــــ
ياشين وجه فراقهم لا بلينا
يبقى الفكر محتار بعده ومبهوت

بيسراك نصفق من جزعك اليمينا
ضيقة صدر والساعه تعيي تفوت

خيال قل للشامخه شاركينا
وارفع لنجد ان كانها تسمع الصوت

للجوهره يمكن يروح وتجينا
بحلق السجن قد غرغرت شرقة الموت

[ناصر الهواوي]

ياسجن الابداع ديوان القصيد العذب لاهنت
هي هكذا عادة الايام وطبوع الليالي
احس واشفق عليك ولا اعرف وش به تحس انت
لا تقول خلك بحالك وانتبه مالك ومالي
بقيت انا/ وانت مخلي لا ولد معنا ولا بنت
يابينها يا صديقي لا تمادا في سؤالي

[الجووهره]

اهلا يالخيال
ــــــــــــــــــــــــــــــــــــــــــــــــــ ـــــــــــــــــ
ياشين وجه فراقهم لا بلينا
يبقى الفكر محتار بعده ومبهوت

بيسراك نصفق من جزعك اليمينا
ضيقة صدر والساعه تعيي تفوت

خيال قل للشامخه شاركينا
وارفع لنجد ان كانها تسمع الصوت

للجوهره يمكن يروح وتجينا
بحلق السجن قد غرغرت شرقة الموت


هلا بك شاعرنااا
وهذا أنا جيت ونورت البيت

هههههههههه
انشغلت هاليومين بين أفرآح وأتراح
وهذا حال الدنياااا. الله يعين عليهااا

الله يديم علينا وعليكم الافرآح
ويكفينا شر الاتراح

[الجووهره]

وهلا بك شموووخه
نورتي بعد الغيبه
ويسلم ذوقك ويعطيك العافيه

[الجووهره]

وهلا بك خيال
ويعطيك العافيه
ويسلم ذوووقك

[ناصر الهواوي]

السلام عليكم
هلا بك يالجوهره
قريت مشاركتك وحبيت ارد وانقفل المنتدا وبعد مداولات اتضح ان عليه فاتوره ما سددت وسددوها جزاهم الله خير
تقولين افراح واتراح اما الافراح الله يديمها عليك وعلى من تحبين وتعزين
والاتراح الله يكفي شرها وما ادري وش طرا لي الله لا يقدر شر
وصح بدنك ولا هنتي ودمتي وسلمتي

[ناصر الهواوي]

جزا الله مدير المنتدى والمساعد خير
بعد ما انطفى قاموا برده وتشغيله

مع كثر الغشامه بي على ربك التيسير
لي يومين واللابتب على متني اشيله

[الجووهره]

وعليكم السلام ورحمة الله وبركاته
هلا بك زود شآعرناا وما تقصر طال عمرك
والله يديم الافراح على الجمييع
اما الاتراح . حالتين وفاة من الاقارب.
الله يرحمهم واموات المسلمين.

والمنتدى والله خفت كل ما دخلت
اشوف سيتم الوصول الى معلوماتك وبياناتك
قلت يمكن فيه اختراق او تهكير.
والحمدلله صارت عوافي ههههه
والله يجزاهم خير الاداره ماقصرو
الله يوفقهم ويسعدهم

والحمدلله على سلامة رواسينا
وعودا حميدا هههههه

[الجووهره]

جزا الله مدير المنتدى والمساعد خير
بعد ما انطفى قاموا برده وتشغيله

مع كثر الغشامه بي على ربك التيسير
لي يومين واللابتب على متني اشيله



ههههههههههه
صح لسانك شاعرنااا
والحمدلله على السلامه

[ناصر الهواوي]

يامرحبا بك واضحك الله سنك
جعل اغلب اوقاتك مسرات وافراح
يقرب سعدك ويبعد الشر عنِّك
والخير لك يالجوهره يصبح وشاح
الا الذكا بالعود لا يكون ظنك
معول نهار وليل له قشَّر وطاح

[خيال مطير]

مساكم الله بالخير وصح الله السنتكم جميع

تسليه يقول الشاعر

https://www.alriyadh.com/media/thumb/8f/09/330_6ed17423c7.jpg

اشتقت للفنجال مع قدة النور

والكيف ما ينفع قبل ركن الاسلام

صليت من عقبه غدى النور منشور

وادنيت خمس (ن) من عمل راعي الشام

رسلان صانعها من الناس مشهور

صفر الدلال اللي توثق بالاختام

وشبيت من جزل الحطب كم جذمور

شلايخ (ن) تجدع على النار قدام

يوم استتمت جمرها صار معمور

جمرن يلالي من وهج صالي الحام

اركيت محماسي على جال دعثور

وغذيتها بن اليمن غال الاقيام

واخذت اقلبها على الجنب وادور

وقامت تبش وريحها بالفضاء حام

والحمس في حاجة نبيه (ن) وحاذور

عن النيا والحرق يفطن وباحكام

والى غدت شقراء نهضته بلا شور

ونثرتها بمبرد ن كنه رخام..

املس شدوخي له ثمانين منجور

ياماحلا الفنجال في نهج الاكرام

اصحاب كيف اغراضهم كنهن حور

دايم معاميل المناعير قدام

ومن عقب ماتبرد ندقه بمصفور

نجر ن يلجلج بالفضاء خير عزام

يلعي بحس ن كنه الصوت مجرور

هو داعي الضيفان من طول الاعوام

والى انطحن حبه واخذته على الدور

زليت ماها على البن بالزام

أول مباديها تفوح اول الفور

وتقلب على الهادي ولاتبرم إبرام

والثانيه قيس استواها من قمور

لاصغرت قموره ترى زلها تام

ومن عقب ماتصفي ترا الطافح يغور

تنزل بالرسلان مع خمسة أنعام

هيل وشمطري والعويدي بها كسور

والباقيات اللي من الوزن بغرام..

احطها مجنب عن النار لاتدور

ولابد ماتصفي على قول الافهام

والى قلب هيله وإلى التمر منشور

من نجد يخرف مايورد من الشام

ينساق فنجاله على كل منعور

يستاهله منهو مع الناس ضرغام

امنومس (ن) ربعه ومحزم ومذخور

عد (ن) يبل الكبد لاجيته شمام

مايتقي عنها ولاقيل معذور

مارف جنبه بالمواقيف جزام

اشتقت للفنجال مع طلعت النور

وسويتها طرب (ن) على بيوت وانغام

[ناصر الهواوي]

اهلا يالخيال وعليك السلام والرحمه
رائعه هــ المعلقه صح لسان الشاعر وسلم ذوق التاقل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
هات الورق والقلم من مكتبي هاته
بيتٍ تضمته عقب مريت في بيته

ما اخاف حندس ظلامه نور لمباته
مكسره عقب شد وطافيٍ ليته

ما كن به ليلةٍ شبه القمر باته
ولا كن بابه لمس ثوبي ولا جيته

طيش العباره منعني من مداراته
ما كان هذا حدث لو كنت داريته

[ناصر الهواوي]

ياما اطول الوقت مثل شهور ساعاته
وايامه اعوام يالخيال مليته

شات الوناسات عني والسعد شاته
هو ما بغى اللي جرا بعده ولا شيته

ذا قول من هو خرق بالكوع مركاته
يسترجع اللي مضى مع كيته وكيته

ترجع له الذاكره في غير مشهاته
يحن له حن مور بطلعة بهيته

[الجووهره]

يامرحبا بك واضحك الله سنك
جعل اغلب اوقاتك مسرات وافراح
يقرب سعدك ويبعد الشر عنِّك
والخير لك يالجوهره يصبح وشاح
الا الذكا بالعود لا يكون ظنك
معول نهار وليل له قشَّر وطاح

البقاااا شاعرناااا
وتسلم طال عمرك وصح لسآنك
اللهم آمين وايآك والجميييع

[الجووهره]

مساكم الله بالخير وصح الله السنتكم جميع

تسليه يقول الشاعر

https://www.alriyadh.com/media/thumb/8f/09/330_6ed17423c7.jpg

اشتقت للفنجال مع قدة النور

والكيف ما ينفع قبل ركن الاسلام

صليت من عقبه غدى النور منشور

وادنيت خمس (ن) من عمل راعي الشام

رسلان صانعها من الناس مشهور

صفر الدلال اللي توثق بالاختام

وشبيت من جزل الحطب كم جذمور

شلايخ (ن) تجدع على النار قدام

يوم استتمت جمرها صار معمور

جمرن يلالي من وهج صالي الحام

اركيت محماسي على جال دعثور

وغذيتها بن اليمن غال الاقيام

واخذت اقلبها على الجنب وادور

وقامت تبش وريحها بالفضاء حام

والحمس في حاجة نبيه (ن) وحاذور

عن النيا والحرق يفطن وباحكام

والى غدت شقراء نهضته بلا شور

ونثرتها بمبرد ن كنه رخام..

املس شدوخي له ثمانين منجور

ياماحلا الفنجال في نهج الاكرام

اصحاب كيف اغراضهم كنهن حور

دايم معاميل المناعير قدام

ومن عقب ماتبرد ندقه بمصفور

نجر ن يلجلج بالفضاء خير عزام

يلعي بحس ن كنه الصوت مجرور

هو داعي الضيفان من طول الاعوام

والى انطحن حبه واخذته على الدور

زليت ماها على البن بالزام

أول مباديها تفوح اول الفور

وتقلب على الهادي ولاتبرم إبرام

والثانيه قيس استواها من قمور

لاصغرت قموره ترى زلها تام

ومن عقب ماتصفي ترا الطافح يغور

تنزل بالرسلان مع خمسة أنعام

هيل وشمطري والعويدي بها كسور

والباقيات اللي من الوزن بغرام..

احطها مجنب عن النار لاتدور

ولابد ماتصفي على قول الافهام

والى قلب هيله وإلى التمر منشور

من نجد يخرف مايورد من الشام

ينساق فنجاله على كل منعور

يستاهله منهو مع الناس ضرغام

امنومس (ن) ربعه ومحزم ومذخور

عد (ن) يبل الكبد لاجيته شمام

مايتقي عنها ولاقيل معذور

مارف جنبه بالمواقيف جزام

اشتقت للفنجال مع طلعت النور

وسويتها طرب (ن) على بيوت وانغام


وهلا بك خيال
ويسلم ذوقك على هالرآئعه عن القهوه
صح لسان شآعرهااا

[الجووهره]

وعيد وطني سعيييد على الجمييع
الله يحفظ مملكتنا وولاة أمرنااا
من كل شر. ودآم عزك يآوطن

[ناصر الهواوي]

هلا بك يالجوهره
ــــــــــــــــــــــــــــــــــــــــــــــــــ ـــــــــــــــــــــــــ
قلنا الدوام يجون لكن ضاعوا
يالله ترد برحمنك كل من ضاع

طروا علي بنوح ورقٍ تلاعوا
من لوعة الفرقا وانا كنت ملتاع

شريت بالغالي وبالرخص باعوا
ابي العوض والله يبارك لمن باع

[شاعرة نجد]

السلام عليكم ورحمة الله

واسعد الله مساؤكم وطابت اوقاتكم
وكل عام و وطننا بعز وسلام ان شاء الله

وصح لسانك شاعرنا الهواوي على هـ الروائع والابدااع
وعودا حميدا منتدانا ومنتجع تسالينا

وصحت ذوائقكم خيال والجوهره ولاعدمنا حضور الحاضرين
والله يرد الغائبين سالمين

واعتذر عـ الغياب بـ اسباب وبدون اسباب ...
معكم ومع كل حرف يكتب على صفحات رواسينا ولو بصمت

تحيتي وتقديري للجميع,’’

[شاعرة نجد]

تسليه...

لاتنزع البسط لامن شفت جوي صفا
تستوجع وتوجع الخاطر وتوجعني

مـ احب طبع الجفا ماعندي الا الوفا
هد اللعب والصّعَب لاتطلبه طعني

سافر وانا مستحيل اروح معك وكفا
حكم الظروف وقسى الأيام يمنعني

ماهي غريبه حياة المرء برد ودفا
كنها فصول السنه وش عاد وش يعني

أهم حاجه لقيت بقو صبري شفا
في قمة الانس لو مافيّ لايعني

[ناصر الهواوي]

وعليكم السلام ورحمة الله وبركاته
هلا بك شاعرتنا بعد الغياب الطويل وصح بدنك ولسانك ولاهنتي ودمتي وسلمتي
دره نادره صح كلك عليها ولا غرابه فالابداع ديدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
الهجس مافيه واهس والقريحه فاترٍ حيلها
ومع ذا وذاك القوافي صابها وحشه لطول الغياب

ونفسية الشعر والشاعر من الضيقه طفح كيلها
من العطش كل ما وردت لها خبراء لقتها سراب

سرت وسرتني وللواد الخلا المزعج سرى ليلها
اللي كما صدري اللي قيه للماضي تعاوي ذياب

تشيلني ذكرياتي للبعيد وكل ما حطتني اشيلها
واثرني بشيلها من دون ما افهم فاتحٍ كم باب

ياويل قلب العنا من ما جرى والعين ياويلها
حتى الجفن لا بغى يقرب من الآخر بنومه يهاب

[خيال مطير]

صحـــــــــــــــــــتــــــــــــ الســــــــــــــــــــــنتكممممم جميع منورهـ شاعرتنا , نجد .. منورـهــ ياجهير

تســـــــــــــــــــــــــــليهــ من ألخفير خيال

https://www.alriyadh.com/media/thumb/37/2c/330_fd690c1200.jpg

يارجم جيتك حَدّني يمّك الضيق

ولقيت بك ضيقٍ وهَمّ ٍمكَفّيك

جيتك بحزني والكدر بالمعاليق

وأصبحت من همّك وما فيك أواسيك

يارجم مسراحي على فكّة الريق

وْياليتني ماجيت يارجم ناصيك

أبا أشتكي لك جرح بعض المخاليق

وْحَلَفت عقب اليوم يِارجم ما أجيك

خلاص أبَطْلق قاضيات المسابيق

لو إن ماني لو بِتعَدت ناسيك

أنا أتصبّر واسهج العين وآفيق

وليا طرالي قاف بالقاف أبا أطريك

مالاحقٍ حبّك بقلبي ملاحيق

ولافيه غيرك بالحشا من يساويك

وانت طلبتك كان قاف الطواريق

هيّضك عَنّه لجل يسمعك مغليك

شعر: محمد الروقي

[ناصر الهواوي]

اهلا يالخيال وصح ذوقك وصح لسان الروقي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
تبدا لي جبين الشمس وابعد نجعة التفكير
واعاد الفكر للي ما نسيه وقلت ياساتر

لها تتمه ههههه

[ناصر الهواوي]

الاربعاء
19 ربيع اول 1445
لاحضور غيري 151 زائرا 1111
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
نسوق للسجن الحزين التعازي
يعني على موت الطناخه نعزيه

حلق المعزي بحه الخاز بازي
كثر المنادى للمولي مجزيه

تقول شارق في طحين الفزازي
تكشفت ماعاد به ما يوزيه

نقي نقي ما كان يوم انتهازي
عاشق خلا ما شوقته الاليزيه

خط السعد بارا لخطٍ موازي
داله واثر خط التعاسه موازيه

معه لفت فرقا الربوع العزازي
وانكف بعد ما حاسته من مغازيه

وبس

[خيال مطير]

https://www.alriyadh.com/media/thumb/8c/c0/330_9d0184697e.jpg

الشمس غابت وأقبل الليل بسكون

والنفس ضاقت من لهايب شقاها

زادت غرابيل الزمن يالله العون

وضاق الحشا من جورها في مداها

في داخله حزنٍ ثقيلٍ ومكنون

وفي داخله لوعات هَمّ ٍ لواها

كِنّه غريقٍ في بحور بِلا عَون

وش حيلة الغَرقان من كِثر ماها

يضحك وقلبه بين الأضلاع مطعون

ويخِفي طعونه عن عيونٍ لفاها

يضحك وهُو من جور الأيام مغبون

ويكتم عن الأحباب نارٍ لضاها

يمشي على كفَ القِدَر وين مايكون

ويصبر على المكتوب لامِن عناها

ويصبر على ضيمات الأيام بالهون

وعِزّي لحاله من همومٍ لقاها

شعر: عبدالعزيز بن سعد بن عمار

[ناصر الهواوي]

رائعه قصيدة الشاعر صح لسانه وسلم ذوقك يالخيال
رغم انك لاسلمت ولا كلمت كنه ما ودك هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
لو قلت كيفك قلت يا ناشدي ماش
الصدر ضيقه في هــ الايام خشه

وزاد وربى وارهق معاليقه وطاش
وما كان في نفسه من الطيش طشه

كنه بجوٍ يسعد الروح ما عاش
فرخ ونبت ريشه ولا عاد عشه

بشت النكد لبسه عوض جوخة الباش
وقد قيل تقصم غارب الهرش قشه

جاء للغربِّب عقب ما راح لولاش
والفقد معلوق المغربل يحشه

وبس

[الجووهره]

السلام عليكم
وهلا بكم جميعا
وصحت الالسن والاذواق
ودآم الحضور والابداع

واعتذر عن الغياب بسبب مرافقتي ل أختي في المستشفى
وابشركم انها طيبه وامورها تمام الحمد لله والشكر لله

[الجووهره]

وطابت جمعتكم بذكر الله
والصلاة والسلام على رسول الله

اللهم صلّ وسلّم على نبينا محمد
وعلى آله وصحبه أجمعين

[ناصر الهواوي]

عليكم السلام ورحمة الله
اهلا يالجوهره والله يعظم اجرك والحمد لله على سلامة اختك ويجمع لها بين الاجر والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ايه يا شرح الصدر ما يستحيل حصولك
وضيقتك يمكن بتقدير القدير تغادر

لاتحسب ان الفرح غايب ولاهو حولك
ايتحول ضاهره لوهو من اول نادر
ولها تتمه

[خيال مطير]

السلام عليكم
وهلا بكم جميعا
وصحت الالسن والاذواق
ودآم الحضور والابداع

واعتذر عن الغياب بسبب مرافقتي ل أختي في المستشفى
والحمدلله تم اجراء عمليه لها واستئصال الورم
وابشركم انها طيبه وامورها تمام الحمد لله والشكر لله


الله يبشرك بالخير ,, ويحفظها ,, لكم ,, مشكوره يالاميرهـــــــــــ أجرك عظيم عند الله سبحانه ـــــــــــــــــــــــــــــ

[محمد الغنامي]

السلام عليكم ورحمة الله وبركاته
اسعد الله جميع اوقاتكم بكل خير يالرواسي
صحت الالسن جميع والله يديم هالتواجد الفاخر

انا موجود على الاب توب الليله
اخذه عاريه ههههههههههههههههههههه بزبط امور فالمنتدى
اللي عنده ملاحظه ولا يبي اعدل له شي يرسل لي خاص بطلبه

[الجووهره]

هلا بالجميييع
شاعرنا الهواوي
هلا بك زووود والله يسلمك ويجزاك خير
وصح لسآنك ودآم ابدآعك

أخوي الغآلي خيآل
الله يسلمك ويجزاك خير
ويحفظك ويسعدك

[الجووهره]

السلام عليكم ورحمة الله وبركاته
اسعد الله جميع اوقاتكم بكل خير يالرواسي
صحت الالسن جميع والله يديم هالتواجد الفاخر

انا موجود على الاب توب الليله
اخذه عاريه ههههههههههههههههههههه بزبط امور فالمنتدى
اللي عنده ملاحظه ولا يبي اعدل له شي يرسل لي خاص بطلبه



وعليكم السلام ورحمة الله
هلا بك مديرنااا
ويسسعد أيآمك
منووور الروآسي.
شكلك حالم انك في رواسي
هههههههههه
نبي عودة الرواسي مثل اول
بس اتوقع هالشي مستحيييييييل

الله يحفظك ويسعدك والجميع

[محمد الغنامي]

وعليكم السلام ورحمة الله
هلا بك مديرنااا
ويسسعد أيآمك
منووور الروآسي.
شكلك حالم انك في رواسي
هههههههههه
نبي عودة الرواسي مثل اول
بس اتوقع هالشي مستحيييييييل

الله يحفظك ويسعدك والجميع


اهلا اهلا يالجوهره
ههههههههههههههههه شكله حلم صدق
ما على الله شي مستحيل
ان شاء الله نرجع ويرجعون كل اللي غابو

[محمد الغنامي]

اغلقت اقسام في المنتدى
اشوف ان مالها لزوم في الوقت الحالي
اللي عنده ملاحظه ولا له خاطر في قسم من الاقسام المغلقه يعطيني خبر

[خيال مطير]

نبي ســـــــــــــــــــــــــــــــــلامتك يابو بندر لاتقاطع ^

أهداء لمديرنا ..

https://www.youtube.com/watch?v=HkxJYO6-TrQ&ab_channel=MutebNaser
______________________________________

[ناصر الهواوي]

شرفت يا مديرتا بالرواسي
يامرحبا يامسهلا يوم شرفت

طيرت في حلو العباره نعاسي
لكن كم وكم انا اسمع ولا شفت

[الجووهره]

اهلا اهلا يالجوهره
ههههههههههههههههه شكله حلم صدق
ما على الله شي مستحيل
ان شاء الله نرجع ويرجعون كل اللي غابو


والنعم بالله
ان شاء الله
الله يردهم بالسلامه
ويحفظهم ويسعدهم
وين ما كانوووو