مشاهدة النسخة كاملة : هنا .. سجن القوافي !!
ناصر الهواوي
09-02-2023, 12:03 PM
105 زوار وانا ههههههههههه حياهم مولاهم
ارحبي شاعرة نجد اي شاعرتنا صح لسانك ما ادري ليه الماضي ادسم واحلى ههههه
صح الله لسانك وقديمك جديد المشكله اني ما احتفظ بشي ما ادري كيف اسحبها من المنتدى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
تردني في روابي نجد/نجد لماضيٍ زل
وانا بطبعي اصير ليا طرالي في مزله
واخاف تزل بي زلة مقيط وحبله انتل
واصبح مجرد خبر يكتب بصفحات المجله
تقلب الذاكره قلب العنا في حامي المل
والعين بـ اسبابها منامها الحالي تمله
حتى ان مخزونها من ماها الازرق صار به قل
هو كيف لا والجفن لـ حل له طاري يهله
وللحديث تتمه
خيال مطير
09-02-2023, 01:54 PM
صحيفة المرصد: علق الخبير في الطقس عبدالعزيز الحصيني على سقوط نيزك في محافظة الدوادمي غرب الرياض.
وقال "الحصيني" عبر حسابه في تويتر : ظهور نور قوي نيزك او شهاب جهه نجد وقيل انهم شعروا بهزة وسماع دوي صوت سقوطه حسب المغردين هناك بين المثلث الدوادمي وعفيف وظلم على شكل شهاب والشهاب هو شعاع ضوئي مرئي يتكون عندما يخترق النيزك الغلاف الجوي للأرض.أو كرة النارية وهي أكبر من النيزك او الشهاب المتفجر والتي يمكن أن تعني القذيفة أو الوهج ليشير إلى أننا لا نعرف طبيعة الجسم المؤثر بشكل دقيق.
وأضاف : عموما ماتم ذكره يدخل تحت مسمى الشهاب إلا إذا ثبت عكس ذلك ، هذه الظاهرة طبيعية تحدث باستمرار .
https://www.youtube.com/watch?v=tbhLw83KP-I&ab_channel
فجر الخميس
__________________________________________
وفاة معلمتين وقائد مركبتهما ومواطن في حادث تصادم في الطائف - صور
https://cdn4.premiumread.com/?url=https://al-marsd.com/almarsd/uploads/images/2023/02/09/58551.jpg&w=800&q=100&f=jpg
صحيفة المرصد : توفيت معلمتان في حادث تصادم مروري اليوم الخميس؛ حيث كانتا متجهتين إلى مقر عملهن بثانوية المحاني شمالي الطائف.
وتسبب الحادث في وفاة سائق المعلمتين، وسائق المركبة الثانية.
وباشرت الجهات المعنية الحادث وتم نقل المتوفين للمستشفى.
https://cdn4.premiumread.com/?url=https://al-marsd.com/almarsd/uploads/images/2023/02/09/58555.jpg&w=800&q=100&f=jpg
الجووهره
09-02-2023, 07:56 PM
يسعد مساكم
شاعرنا الهواوي
شآعرتنا المبدعه
ابدعتو وأمتعتو
صحت الالسن ودآم الحضور والابدآع
خيالنا
يعطيك العافيه
ويسلم ذوووقك
ودام حضورك وابداعك
الجووهره
09-02-2023, 07:58 PM
ليلة الجمعه
صلواعلى المصطفى في ليلة الجمعه
وفي يومهــــا مثـــل ما فيهـا يوصينـا
باخـــلاص لاهو ريـا فيــها ولا سمعه
لعـــلهـا في نهـار الـحشـــر تنجـيـنـا
اللهم صلّ وسلّم على نبينا محمد
وعلى آله وصحبه أجمعين.
ِ
ناصر الهواوي
10-02-2023, 06:47 PM
السلام عليكم ورحمة الله
والله يمسي الجميع بكل خير
ويلبسهم دشاديش العافيه
هلابك يالخيال وايرادات ك الحلوه ههههههههه
نيازك وحوادث الله يستر
ذكرتني بشايب من خوالي الله يرحمه كان بين الحين والحين يزور امي رحمها الله رحمه واسعه
ونادرا ما يجيب لها خبر (مات فلان وماتت فلانه) من ربعهم حتى صرنا ليا جينا ولقينها تبكي
عرفنا انه زايرها هههههههههههه
ارحبي يالجوهره وماجبتي رائع كروعة حضورك الله يسعدك
بس ماجبتي لنا خبر عن رحيل هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
يقول من لا وده لضيقه ءيقول
ولا شاف مردودٍ لما كان قايل
مولمٍ هجسه لقافه على طول
ياكثرها لا شك ما نال طايل
الوعد مبنين على فعل مجهول
شمس الجفا ادعت حبل وصله سمايل
الفكر دايم من طواريه ماهول
به تخترش ما بين نازل و شايل
ما كان ذا وارد ولاهو بمعقول
الا .الغلا. من يمه الشك زايل
وحاولت احدد من عن العلم مسوؤل
وما شفت احد لكنه الحظ مايل
ناصر الهواوي
11-02-2023, 12:18 PM
أب أب 132 زاير وانا فقط
يامرحبا فيهم نراحيب المطر
وتكرم عيونهم
ــــــــــــــــــــــــــــــــــــــــــــــــــ ــــــــــــــــــــــــــــ
ياهجوس الشعر كمٍ هايل من الزايرين
و اهل الحله غياب ومن يضيف ضيفهم
نبدتي بالقاف وين وننهي القيفان وين
وين شاعرهن ومن يسمع قصيده وينهم
يكرمون الناس ديره كامله من شان عين
لجلها ما قيل يازين البشر ياشينهم
هو كذا وضع المود لحيهم والله يعين
لو منازلهم بعد ما زارهم مخلينهم
وبس هههههههههه
ناصر الهواوي
13-02-2023, 12:21 PM
يا بيتهم من عقبهم وش بقى منك
لاشي/لكن ياكثر ما بقي فيك
ماكان لي رغم البطا انسى محاسنك
رغم البطا مازلت انا اذكرك واجيك
وان قلت لي هـ الفعل من طيب معدنك
مالك لوى هـ الفعل من طيب اهاليك
عل السحاب اللي نشا غرب يغشنك
بامر الذي منشيه ويسيل واديك
من ذكرياتي داخلك تمتلك بنك
انا احتفظ فيها بزوايا معاليك
شاعرة نجد
13-02-2023, 10:59 PM
السلام عليكم ورحمة الله
وطاب مساؤكم واسعد الله اوقاتكم
والله يصح لسانك شاعرنا
شايل الرواسي بـ ابداعك على هام السحاب غبنا او حضرنا
وصحت الذوائق والحضور الفائق
وسلمتم ودمتم,’’
شاعرة نجد
13-02-2023, 11:10 PM
https://encrypted-tbn0.gstatic.com/images?q=tbn:ANd9GcRziFI_J8-6-gyBn2TJZqRjAubjZIB67M-ap2Nim75h23uVGPOo0GPjFd9Z2HKfmv4X45Q&usqp=CAU
لاتحدث عن غلاك الله لاينزع غلاك
من خفوقي,من عروقي,ياهوى قلبي وذوقي
ليتني يانور عيني غيمه بْعالي سماك
تبرق بْفاخر حروفي,تمطر بْحبي وشوقي
الظروف اللي تعدت عن هواي وعن هواك
والعمل حكمه قوي والوقت من طبعه سبوقي
ياعسى تالي العمر احْسّن من أوّلْهْ وعساك
تختصر باقي الصبر وتْهَدّي اللعب وتروقي
راحت الأيام كنها بس لحظه من ضحاك
تسرق العمر السروقي وانت ماتبغَى تفوقي
ناصر الهواوي
14-02-2023, 11:57 AM
صباح الخيرات والمسرات ع الجميع
ارحبي شاعرتنا وصح لسانك وصح بدنك حييتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
تحمطر بنا الدنيا وغربالها الايام
تنخلنا وداخت روسنا من تحمطرها
لوقارنت بين اليوم واللي حدث من عام
ضقت من العلوم وشيبت رمشك صورها
لكن كِلْ جميع اومورك لربك العلام
يفكك من اشيا خافبه ما تصورها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
خذ الحكمه هههههههههههههههه
ناصر الهواوي
14-02-2023, 12:30 PM
الواحد لحاله تصيبه ممله
لوهو بشاليهٍ على شاطي النيل
والا يبهر له على الجمر دله
بروضٍ زهره تهبه الريح ويميل
بس اعتبر تقديم ما راح كله
عسى القريحه حاضره للتماثيل
لـ دق سلف الجيب الاسود وتله
وزانت مع السرعه عليه المواويل
ــــــــــــــــــــــــــــــــــ
ضيعتها ما ادري وين تبي ههههههههههههه
ناصر الهواوي
14-02-2023, 10:22 PM
ما هنا احد ؟؟
بس
ـــــــــــــــــــــــــــــــــــ
الصبر محمود العواقب بلا شك
لكن سوق الصبر يالربع وينه
ينتك صدري كل مالي طرا تك
كنه يحز الكبد حد السنينه
لا واهني اللي من الشوق مفتك
ما حاربت نوم المخاليق عينه
الوجد في باطن حناياه ما حك
الراعبي ما جاوبه في ونينه
وبسسسسسس
ناصر الهواوي
15-02-2023, 12:07 PM
لعيون الزوار هههههههههه
ما ادري وهذا جايزٍ لي بهالوقت
لو هو قبل ماهو لمثلي يجوزي
ذقت المراره بعد ما للحلا ذقت
وتجرعه ما عاد لي فيه عوزي
ليا اسفهليت وتوقعتني رقت
سدد لصدري رائع القاف بوزي
وحرك مشاعر ساكنات وتشوقت
ولا احد برجعة ما مضى له يفوزي
ماني بغيبوبه ولا اشوفني فقت
ولا استطعت لوضعي اليوم روزي
الوجد يمقت صدر من عايشه مقت
ليا ناح من حوله من الورق جوزي
كديميس السيحاني
15-02-2023, 09:58 PM
السلام عليكم
مساكم / صبحكم الله بالخير
صحت السنكم و دام تواجدكم وابداعاتكم
☺️
كديميس السيحاني
15-02-2023, 10:02 PM
تسليه للسجين
والزوار
(( خربشات شايب ))
الذيب يعوي في سفوح جبال صال
تسمع عواه ولا بغيت تسايره
يهرف من الغدوة ليا وقت الأصال
و في ليله يضمد جروحٌ غايره
و في يدك حبل الوصل و دروب الوصال
لا تعتذر له بالظروف الجايره
و ان كنت تبخل بالرسايل و اتصال
البخل ما عز النفوس الحايره
و اما الكرم محمود و من ارقى الخصال
و الصد و الهجران وسط الدايره
ينفك نصب السيف من حد النصال
و ما انفك عقد العهد في سرايره
تبي تقطعني على دروبك وصال ؟
ما عاد بافي ف الحزام الثايره
ناصر الهواوي
16-02-2023, 11:58 AM
ياصباح القشطه والبسطه والخيرات والمسرات ع الجميع
ارحب يابو منصور تراحيب المطر بعد الغيبه الطوييييله
صح لسانك حتى تقول بس
ذكرتني بـ نجم يسمونه مذنب هالي يقول يشاف كل 76سنه مره واحده هههههههه
لكن يقولون ايضا من حضر ما غاب لكنك غبت وجبت الدره الرائعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
ياجارتي فوق النخل علليني
بما يسر البال ويضيِّق ابليس
صوت الطرب هاتيه سجعٍ بليني
بهمسٍ تحرك له جميع الاحاسيس
للقاف اظنه صار تاثير فيني
اللي بعد مده لفا به كديميس
خطوه بخطوه معه ماشي لحيني
وانحست والا الدرب عن عمد قد حيس
ومن بعد هذا يالقريحه عطيني
فرصه/اشوف اللي بقي داخل الكيس
من شوق من وجد وحنين ونيني
وتفاعلاتٍ بي خلاف الكواليس
واهماها جعل الصبر يحتويني
والذاكره تنسى السنين الاماليس
وبس هههههههههههههه
ناصر الهواوي
16-02-2023, 07:13 PM
ما استرجعه دارس وذا البرد قارس
ايقونة النسيان يا ربعنا وين
للذاكره لو هاجمتها الف حارس
صور لقد وخد مع سلهمة عين
وكتف وردف للذود عنها تمارس
وكلام مثل الله محييك واهلين
ذولي ومعهن مثلهن كم فارس
ضيق وشقى ركايب الهجر والبين
خيال مطير
18-02-2023, 01:17 AM
https://www.youtube.com/watch?v=NX0U5YuGPoA&ab_channel
خيال مطير
18-02-2023, 02:40 AM
https://www.youtube.com/watch?v=nv3IjT-9lbc&ab_channel
ناصر الهواوي
18-02-2023, 11:38 AM
ياصباح البرد وجفاف الورد من الصرد هههههههههه
اهلا يالخيال ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــ
لو ان الحمام ايقيم دعوى على الشعار
لو ماله محامي يسنده فاز بالدعوى
ان وقع بلش فيهم ويبلش بهم لو طار
لحقوق الطيور اقول له قدم الشكوى
اجعل شاعرة نجد العذي اول الحضار
وعليها ارم من شتى التهم قد ما تقوى
وانا اشهد معك بالحق لو حاولت لــ انكار
من الضالم المضلوم ينصر من التقوى
ناصر الهواوي
20-02-2023, 12:08 PM
غريبه وانا اعلم ان من يستغرب مايصير في الزمن او يقول هذا الامر من المستحيل
يعتبر ساذج او غبي
من باب خذ الحكمه فقط
ــــــــــــــــــــــــــــــــــــــــــــــــــ ـــــــــــــــــــــــــــ
حتى القريحه غايبه مثل من غاب
اثر الغياب الله يكافيك معدي
ما ادري عيا والا بعد خاطري طاب
هجس الشعر يقول ماهو بودي
دام الرجا في ربعنا والامل خاب
لمقبل الايام كن مستعدي
ناصر الهواوي
20-02-2023, 02:57 PM
ياشيب عيني من اربعة الحروف اللي تزف الفراق
وياشيب راسي لو اني واحد من اللي يقولونها
الحرف الاول هو اول حرف لا دونت كلمة وفاق
الكلمه اللي قليل من الخلايق ما يحبونها
ويبدا بثان الحروف اسمٍ لدعد اللي ربت بالعراق
والثالث اول حروف الابجدي للي يعرفونها
والرابع اسمٍ لخرساً سلهمت باهداب رمشٍ دقاق
ان حلت الاربعه فيها تقول الشوك في نونها
كديميس السيحاني
20-02-2023, 10:04 PM
ياشيب عيني من اربعة الحروف اللي تزف الفراق
وياشيب راسي لو اني واحد من اللي يقولونها
الحرف الاول هو اول حرف لا دونت كلمة وفاق
الكلمه اللي قليل من الخلايق ما يحبونها
ويبدا بثان الحروف اسمٍ لدعد اللي ربت بالعراق
والثالث اول حروف الابجدي للي يعرفونها
والرابع اسمٍ لخرساً سلهمت باهداب رمشٍ دقاق
ان حلت الاربعه فيها تقول الشوك في نونها
مريت زاير و هيضت القريحة و تاق
هاجوس فكري على الابيات و لحونها
ما بين دمعة فراق وبين رجوا العناق
و البعد يطوى بفرة ويل يا هونها
و الحل واضح و بعقد معك نصف اتفاق
يا راعي اللغز ( عادو ) كيف تخفونها
كتبتها عكس ما ودي بنقض الوثاق
و كم موقفٌ صار ترجم كل مضمونها
كديميس السيحاني
20-02-2023, 10:23 PM
يسري بي الهاجس اللي ما صفا جوّه
و انا على طارف الذكرى و الاطلالي
يا نجم سامر سهِيرٌ تتقد ضوّه
بين الحنايا لهبها يشعل اشعالي
و ان قال للهجس هوّد قال له توّه
ما كل ما قلت هوّد صار يحلا لي
و الذاكره من مداره تاخذ القوّه
ما بين روح و تعال وذا لك وذا لي
ناصر الهواوي
21-02-2023, 12:08 PM
ارحب يابو منصور صح لسانك مدد بلا عدد ولا فض فوك
واستلم على الطاير ولا تدقق بالحيل ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
الشاعر المبدع اللي كله مروه=يامرحبا به كثر ما هل همالي
غالي ولاشفت مثله بالبشر لوه=ماكب عوده يصيح بالخلا الخالي
مع جارته بالربيع ونسيو الخوه=ياويح من محزمه حرمه ورجالي
عشاق بر الظهر كلٍ ضرب دوه=وفلاحهم بلش في غربه ومحالي
ان صدرت سانيه ولسانه مفوه=يشيل مع صيحة المحال موالي
تطري على باله سويعات محلوه=ذاك الزمن مالها الضيقه وانا مالي
وبه دار دولابها والله كفا سوه=وبقى كما الدلو من جالٍ الى جالي
بوقت يحالي لوجه الذيب ومشوه=لا الصاحب الصاحب ولا الغالي الغالي
خيال مطير
22-02-2023, 01:34 AM
يابو منصور
لـ يوسف العصيمي،
تأهلت للدور النهائي يابو منصور
وباقي مبراتين وتخلص الدورة
وانا كل مايطلع بها لاعب مشهور
احول على خط الوسط واقطع الكورة
اذا الشعر بحر وكل شاعر وله منظور
انا كل ماغنيت زانت لي بحوره
ولاني بعد بيوت شعري على الجمهور
الياصار ماتطلع مطاليع أخو نورة
ولا اطير لامن طار عند العرب مطيور
على شان تطلع له ثلاثين مطيورة
يكفيني اني من حوالي ثلاث شهور
مغير اركض ورجلي على الركض مجبورة
مع حرة كيعانها ماتنوش الزور
على ظهرها ماغير بندق وباكورة
من الليل تركض الين يطلع عليها النور
تبي ديرة ماهي عليها الوصف مصبورة
وماها الرقيب اللي مركب على الناظور
ووصلت وهي تضلع ولاهي بمكسورة
ياصدري تحمل ضيقتك والصدور اقبور
دفنا السوالف ماكشفنالها عورة
لكن ودك الرجال لاقال كلمة زور
قبل مايطلعها توقف على زوره
مواطن واطالبهم بحقي من الدستور
ومشكور ماقصرت يامجلس الشورة
ولاهو صحيح تحطني بآخر الطابور
على اساس لاعندي طوابع ولا صورة
ياحزن الشوارع لاتبكي عيون الدور
لك سنين وارصفتك من الناس مهجورة
لك اسنين لا مرك حمامة ولاعصفور
وحناعلابينا من الذل ممزورة
شعب يشبه الثيران والثور ينطح ثور
وثيرانهم واجد ولاعندهم ثورة
يقولون تجمعهم مصالح مع الساطور
وانا اقول وارقبتك من السيف مخطورة
ولد لاتقول الحق لاتكشف المستور
عن الحق ثلثين السواليف محظورة
خيال مطير
22-02-2023, 01:41 AM
شيلة __الوقت فرقنا يابو منصور
https://www.youtube.com/watch?v=G4xxt1OGzDI&ab_channe
___________________________________
خيال مطير
22-02-2023, 01:45 AM
قصيدة يابو منصور لاتغلي علي المطية ، سفر الدغيلبي
https://www.youtube.com/watch?v=vk7gOUvoGeI&ab_channel
خيال مطير
22-02-2023, 01:49 AM
أعنف وأشهر محاوره بين سفر الدغيلبي و تركي الميزاني
https://www.youtube.com/watch?v=XDiGEIRoT3c&ab_channe
ناصر الهواوي
23-02-2023, 12:16 PM
صباح ومساء الخير للجميع
ارحب يالخيال ولاهنت ودمت وسلمت مشاركات رائعه وحضورك اروع
ــــــــــــــــــــــــــــــــــــــــــــــــــ ــــــــــــــــــــــــــــــــــ
آخر خبر شفته على صفحة الويب
يقول ابو منصور من هاهنا مر
مر الكرام وراغ مقفي كما الذيب
بعد نثر درٍ على صحن مرمر
يويق من عال المشاريف ويغيب
وسجن البديع من الغياب يتذمر
ما للضيوف اللي يجونه معازيب
الا خفيره عند بابه مشمر
ببريهته يومي ولا يسمع مجيب
من بردة العقرب وجيهه مسمر
برد الشتاء قارس وصيفه لواهيب
والوضع من حينٍ لحين يتدمر
شاعرة نجد
23-02-2023, 01:16 PM
السلام عليكم ورحمة الله
طاب مساؤكم واسعد الله اوقاتكم
وصحت السنتكم شعرانا المبدعين
ولاعدمنا منقولك خيال وسلمت الذائقه
كنت بمكه هـ الايام ولله الحمد
منها اقامة ثلاث ايام بـ احد الفنادق المطله
والله يسامح ابوعبيد,مريت عـ الرواسي قبل النوم والا ابيات الحمام ياسلام ههه
بس الحمد لله قويت القريحه لين طلعت من مكه:smile:
أسأل الله لنا ولكم الرحمه والمغفره
وسلمتم ودمتم,’’
شاعرة نجد
23-02-2023, 01:20 PM
ياصباح البرد وجفاف الورد من الصرد هههههههههه
اهلا يالخيال ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــ
لو ان الحمام ايقيم دعوى على الشعار
لو ماله محامي يسنده فاز بالدعوى
ان وقع بلش فيهم ويبلش بهم لو طار
لحقوق الطيور اقول له قدم الشكوى
اجعل شاعرة نجد العذي اول الحضار
وعليها ارم من شتى التهم قد ما تقوى
وانا اشهد معك بالحق لو حاولت لــ انكار
من الضالم المضلوم ينصر من التقوى
اسلم واستلم وصح لسانك
على الهون ناصر لاتثير الشغب وش صار
تطالع سوايانا ولاشفت وش سوى؟
ليامن سجع من فوق الأشجار ياستار
يثير المشاعر خص فـ المرهفه حوى
مَن الحقّ له؟ يـ الحاكم الظالم العيار
ولكن بلاش,وعندي اخلاق ومروى
مابيني وبينه ود,عهد,وغلا ومقدار
نغني سوا لو عجزت كْبودنا تروى
أحس بْهديله مع وريدي ليامن سار
وسيطر على الاسرار,حيل الله الـ اقوى
ناصر الهواوي
23-02-2023, 11:25 PM
اولا نقول الله يتقبل سعيكم ويعظم لكم الاجر ويجزل لكم المثوبه
واكيد انك دعيتي لنا ما فيعا شك
وصح الله لسانك ولا هان راسك
ــــــــــــــــــــــــــــــــــــــــــــــــــ ـــــــــــــــــــــــــــــــــــ
ياحي البيوت اللي لها السمع غصب اتدار
لولاها من الابداع ما كان له يروى
من المزنه اللي وبلها دايما مدرار
من به سكري يعتاض فيها عن الحلوى
انعس لين طالعت القوافي ونومي طار
ولقيت ان طرق الصلب ساخن من السلوى
وش سوى الطوير اللي لجا في رفوف الدار
من شافه موقع فك له طيرته شلوى
وبس داهمني النوم
الجووهره
24-02-2023, 06:08 AM
صبآح الخيرات والمسرات
وصحت الالسن
شاعرنا الهوآوي
شآعرنا كديميس
شاعرتنا المبدعه
ودآم حضوركم وابدآعكم
ويسلم الذوق خيالنا
ويعطيك العآفيه
وتقبل الله شاعرتنا
والعمره مقبوله
الجووهره
24-02-2023, 07:08 AM
خل الأمل بالله ولا ترجي الناس
ربك كريم وما يـخِيب الرجا بـه
ابذل من الأسباب لاتقطع الياس
باب الدعاء مفتوح مانصك بابه .
،،،
تدور الليالي والعرب بين حال وحال
وتبقى النفوس الطاهره نهجها بيّن ..
،،،،
اعذرينا ياعظيمات الاماني
انشغلنا بالتفاصيل الصغيره
نعتذر لك والخطايا من زماني
يستبيح احلامنا ونقول خيره
،،،
الـورد له إحساس يا عاشق الـورد
لاتطعن الإحساس في قلب وردة
الـورد معنى العشق والحب والـود
بين البشــر أجمــل رســالة مـودة
وصبآحكم وررررد
الجووهره
24-02-2023, 11:35 AM
يااهل القلوب البيض والخاطر الطلق
صلّـــو صـــلاةٍ فضلـــها ما يخـــلّى
من سلّــم وصلّى على ســـيّد الخَلق
علـــيه رب الخَلق سلّـــم وصلّىﷺ
اللهم صلّ وسلّم على نبينا محمد
وعلى آله وصحبه أجمعيين
شاعرة نجد
24-02-2023, 06:48 PM
اللهم آمين,الله يتقبل منا ومنكم والمسلمين اجمعين
وصح بدنك شاعرنا وصح لسانك
بحر طال عمرك مـ احد يقدر ينطح موجه
لاهنت على الابيات مجاراة كايفه,بس البيت الاخير شطحه
لاعدمنا ابداعك
وصح بدنك جوهرتنا
تقديري,’’
شاعرة نجد
24-02-2023, 06:52 PM
مـ اعترف لك لو تلامَس مشاعرنا
ومـ التفت لو شدني برق في عتم الظلام
كم على هاام الهواجيس سافرنا
نستعين الوقت ويضيع ماضاع الكلام
ماتغيّر بس حنا تغيّرنا
صحوةٍ من بعد غفله تجلت بالختام
الله اكبر كيف الاحلام تاامرنا
ياسلام وذيك الأيام مرت ياسلام
كن شي بقوة ابليس يجبرنا
نشعل شموع السواليف من نار الغرام
لين قام الهجر يَحْفر مقابرنا
وابتداا من يِمتك وانتهى قبل الخصام
ليتنا طرنا ولاطار طايرنا
من بعَد حلق وهاجر على الدنيا السلام!
ناصر الهواوي
24-02-2023, 10:37 PM
اللهم صل وسلم على خير خلقك نبينا محمد
ارحبي يالجوهره تراحيب المطر غبتي وجبتي كما يقال مشاركات فاخره كحضورك
هلا بك شاعرتنا وصح الله لسانك ولا فض فوك ودام تواجدك
البارح عندي الناقد يقول ابا اشتري جهاز وابا اعود لكم وقلنا لعل وعسى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
إي والله إي والله
ــــــــــــــــــــــــــــــــــــــــــــــ
هل ننتظر من ماضي الوقت عوده
والا نصدق قول ما فات لك مات
اقفى مع المقفي بنقصه وزوده
وحُكِم عليه بقول هيهات هيهات
من مده وفكري يطوَّل شروده
وغديت شاعر يردف البيت بآاهات
سلام ياقده وخده وسوده
وماله تحفظ الذاكره من علامات
البارحه طيفه تكرر وجوده
حتى لذيذ النوم زاده ملذات
لكن في صدري تزايد لهود
حين انتبه من لذة النوم بالذات
ان ذعذعت من يمة الشرق نوده
فكيت ازاريري لما بالهبوب آت
الجووهره
25-02-2023, 05:29 PM
يامساء الورد وانفاس الخزامى
والعطر والعشق واحساسك وذوق
ويامساء الشـوق لامنه ترامىٰ
في خفوق اللي مكانه في الخفوق
مساء الورد والخزآمى
الجووهره
25-02-2023, 05:30 PM
البقااا شاعرناا وهلا بالجميع
شاعرنا الهواوي
شآعرتنا المبدعه
صحت الالسن ودآم حضوركم وابدآعكم
ناصر الهواوي
25-02-2023, 07:12 PM
الان اسمع رعد قوي ابا اطلع اشوف وينه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
قدِّم ياهجوس الشعر للجوهره ترحيب
مثل وبل غيمٍ يوم دن الرعد هله
ومن بعدها عرِّج بنا دون شك وريب
على اللي ليا منه طرا جيبي اتله
يطربني ليا وجهت لسهيل صوت الجيب
طريقه لو اطلق طارته جيبي ايدله
شاعرة نجد
26-02-2023, 09:08 PM
مساء الخيرات والمسرات
وصحت ابدانكم
وصح لسانك شاعرنا
ودام التواجد,’’
شاعرة نجد
26-02-2023, 09:32 PM
https://encrypted-tbn0.gstatic.com/images?q=tbn:ANd9GcQo50mBROpfebb5nY4zzjbhtaUHIpC_o-6Qew&usqp=CAU
مدري جمال الجو يشرح صْدورنا
والا يثير الذاكره والقريحه
ونروح فوق الغيم نبني قصورنا
مع الهجوس وفـ الفجوج الفسيحه
وكان انتهاء من قلّة الحيل دورنا
عند الله عْلاج القلوب الجريحه
عجز الزمن يقضي ويرضي غرورنا
يـ اهْل النفوس الرابحه المستريحه
جودوا علينا واجبروا من كسورنا
تضميد لجْروح الجريح, النصيحه !
ناصر الهواوي
26-02-2023, 10:32 PM
ارحبي شاعرتنا وصح الله لسانك
ومساء الخير ع الجميع
ــــــــــــــــــــــــــــــــــــــــــــــــــ ـــــــــــــــــ
ـالله وانا اساله يسهل اومورنا
وتبين للقمراء ورا الغيم ضيحه
ويديم في جو الرواسي حضورنا
ولا يغيب ممدوح او تغيب مديحه
ومع الرعد والبرق يزكى عطورنا
بريح الخزامى لا امتزج ريح شيحه
ولها تتمه ان شاء الله
الجووهره
27-02-2023, 04:23 AM
هلا بك شاعرنااا
وتسلم على الترحيب والابيآت الجميله
وصح لسانك ودآم ابدآعك
وهلا بك شاعرتنا المبدعه
وصح لسآنك مليووون
ودام حضورك وابدآعك
ناصر الهواوي
27-02-2023, 11:42 AM
ـالله وانا اساله يسهل اومورنا
وتبين للقمراء ورا الغيم ضيحه
ويديم في جو الرواسي حضورنا
ولا يغيب ممدوح او تغيِّب مديحه
ومع الرعد والبرق يزكى عطورنا
بريح الخزامى لا امتزج ريح شيحه
قد استشرنا من بغى اليوم شورنا
ونعد شور اللي نثق به منيحه
للبين غربانٍ على راس سورنا
وكلٍ يعرف طبوع الاسود قبيحه
من شم ريح البين دلا يدورنا
ينعق ويتبع كل صيحه بصيحه
نبي ندير لكل مزعج ظهورنا
لعل الايام القوادم مليحه
ناصر الهواوي
27-02-2023, 11:58 AM
هلا بك يالجوهره وصح بدنك والله يسعدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
احسب اني نسيت اللي مضى
وقلت ما راح لي راح وقضيت
واحسب القلب بالواقع رضى
بس ما جت على ماني حظيت
لها تتمه هههه
الجووهره
27-02-2023, 06:32 PM
هلا بك زوود شآعرنااا
وصح لسانك ودام ابداعك
من الأبيات الدارجة وأصبحت حكمة للشاعر عبدالله بن زويبن رحمه الله
قوله:
خلّك شمالي عن زلّة قرايبك
وعند الحقوق ليا نصنّك حجازي
وقولة:
الناس بالحق حكم الشيخ مارضاها
ما ترضي الناس لو إنك تحججها
وله أيضًا:
ماراح من دنيا الفنى بألف طقّاق
العمر سلفه والاوادم طراقي
ناصر الهواوي
27-02-2023, 07:59 PM
اهلا يالجوهره والله يرحم ابن زويبن وجميع المسلمين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
ياهجس لو تسعفني بشطر من بيت
الشح ياهجسي ما هو عادةٍ لك
صابك عيا والا من الشعر مليت
والا انا طفشتك وتبي التفلك
خلك معي دامي من الخِل خِلِيت
ترا معي عليك حجة تملك
عن مرة الواد المسمى تحاشيت
محل من يزهى القصيد ومحلك
بما فات من شوفه تعبت وترديت
من الضيق صدري بعد غادرته (انلك)
شاعرة نجد
27-02-2023, 11:27 PM
طاب مساؤكم
وصح بدنك شاعرنا وصح لسانك
ولاهنت على هـ المجاراة الكايفه النايفه
ودام ابداعك المميز
وصح بدنك جوهرتنا وتسلم ذائقتك الفاخره
وسلمتم ودمتم.,
شاعرة نجد
27-02-2023, 11:31 PM
لولا القناعه ماخذينا مناعه
في ماتريد النفس والا تمناه
يضيق بي الكون رغم اتساعه
واردها لو حجر عيني نثر ماه
عسفتها واصغت بسمعٍ وطاعه
خذيت درس مْن الزمان وسواياه
مع الصبر نحتاج عزم وشجاعه
ونْكمّل المشوار لامن بديناه
لو ماوصلنا للرضَى,فـ القناعه
ترضي,ونرضَى غصب لو مارضيناه
يكفي الهجوس الى شرد ربع ساعه
يروي عطش كبدي ولو ماجرى ماه,
ناصر الهواوي
28-02-2023, 09:53 AM
ياسلام
ياسلام ياسلام
لله درك شاعرتنا المبدعه وصح الله لسانك وبدنك
ودام حضورك والله يسعدك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
لي عوده ان شاء الله
ناصر الهواوي
28-02-2023, 12:15 PM
تذكرت الحورنيات اللي من اول اقولها وجبت هالحورنيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الدليله ينجم من تفرع هـ الدروب
لو يشبه بالدلولا من اول بالقطاه
كل مشيه ظن والظن بالغالب كذوب
واكثر الدرب قطعه ما قدر يرجع وراه
خمن والا ما تعرف البشر ما بالقلوب
كل من طالع بحاله نشد ذا وش بلاه
ثلج همه بالصدر جامد وعيا يذوب
ورغم ذلك لاهب الشوق خفاقه شواه
يتجرع كل لحظه من اللوعات كوب
بكل جغمه يدعي الله يعافي من سقاه
كديميس السيحاني
28-02-2023, 09:29 PM
ابو عبيد
شاعرة نجد
الجووهره
صحت السنتكم و سلمت اذواقكم
دام تواجدكم و حضوركم
كديميس السيحاني
28-02-2023, 09:30 PM
شاعرٌ له عشقةٌ كنها الظبي الجفول
و هي غلاها لعضلة القلب في صدره شغى
لو بغى يكتب قصيدة غزل صابه ذهول
من تصرفها و هوّن و كنه ما بغى
و القريحة حايلٌ ، لو هواجيسه فحول
كنها اللي صابها العقم من عقب الطغى
و السراير دونها كهوف و ابواب و قفول
و الخيول تصول و تجول في حومة و غى
و الجمل يشتال ما حط فوقه من حمول
ما يهمه قالوا انه هدر و الا رغى
هزاع محمدالعاصمي
28-02-2023, 11:08 PM
مساء الخير إن شاء الله يكون الجميع بخير
يطري علي في حزة الشوق طاري=وعيش ذكرى حبنا أول العام
وستجدي الأشواق وجيك ساري = أنا بقربك داخلي كله الهام
حرام يالمحبوب اتبيع شاري = ماتدري إنه حرم بشرع الأسلام
بالتوفيق للجميع
ناصر الهواوي
01-03-2023, 10:53 AM
ارحب يالعاصمي تراحيب المطر وبشرنا عنك ومن يعز عليك
نعد تواجد يوم عيد وصح لسانك على هالدره الرائعه
وابشرك انا بخير وعافيه ونرجو ان تكون كذلك
وحيا الله ابو منصور وعشقته ودرته النادره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
يامرحبا ماحرك الرمل ذاري
واعداد ماخطت على الطرس الاقلام
واعداد سكان القرى والحواري
واعداد ما غاب الشليخي من ايام
بفلوبنا لك منزله وانت داري
ولازال فيها الالف والميم واللام
لرجعة الغياب فيها انتظاري
ولا اظنها في حب الاحباب تنلام
ناصر الهواوي
01-03-2023, 11:24 AM
مرحبا ما جا لوبل المخايل من هطول
بشيخنا اللي شوفة اسمه هنيا مبتغى
ودنا به دايم ولكن غيابه يطول
وايتعسر ما درى ان كل شعبٍ له لغى
الهجوس اللي يحط القريحه له رحول
من عرفته يصهل اصهال ما اخبره نغى
يوم ابو منصور جاب القصيده عقد لول
انتبك في مجلسه للقوافي ما اصطغى
مورده هداج ما قط وردته دحول
ذيبٍ امعط فـ المغاريب ما عمره لغا
ناصر الهواوي
01-03-2023, 10:34 PM
لعل السحاب اللي تزبر خياله فوق
وسمعنا رعوده بعد ما لاحت بروقه
تساقي ثعوله دار من عنقها منتوق
طلح الوادي تبين من سيوله عروقه
لو مالي غنم في هـ الاماكن ولا لي نوق
ومن لجلها استسقيت ماهي من الروقه
لكن خاطري من عقب ذاك الزمن مطروق
ولي مهجةٍ من فقدها الولف محروقه
لولا نبض قلبي قلت من كم سنه مسروق
واثبت لي وجوده قوة النبض بعروقه
تبي الصدق يالخيال بعده عجزت اروق
وشلون اتحمل؟قربة الصبر مخروقه
هزاع محمدالعاصمي
02-03-2023, 09:34 AM
المرحب باقي ابوعبيد الأمور تسرك والله الحمد ومشكور
على الترحيب والأبيات الجميلة والمعبرة لاعدمتك والله يحي الجميع
يامرحبا وهلين ذيب الغداري = عداد من لبا مع صايمٍ صام
جيتك وانا المشتاق بالليل ساري=يسوقني حبٍ قديمٍ له أعوام
فيني من الاشواق حب انتحاري=حب المكان اللي غدى عشق وهيام
ارتاح له والكل بالحب داري = حبٍ مقيم ولا تعرض السوام
وسلامة الجميع
ناصر الهواوي
04-03-2023, 11:08 AM
صباح الخيرات والمسرات للجميع
هلابك يابو محمد وصح لسانك ولا فض فوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
روعتني بالنواعس يوم لدت يمي
راعة السايق لشوف فلاش لمبة ساهر
جيت ابا اسمي وقلت لرمشها يا سمي
طعنته للقلب في شلفاه طعنة ماهر
قلت وش ذنب المغربل تطعنه يا عمي
قال لا تزمل سهم رمشي معقم طاهر
ودك اضيفك معي والا انفضك من كمي
لا توافق/رمشي لمسموم سيفه شاهر
قلت دون اشعر لعين الحر مهفي دمي
ما قدرت اقول لا هونت لامرٍ قاهر
شاعرة نجد
04-03-2023, 10:57 PM
السلام عليكم ورحمة الله وبركاته
واسعد الله مساؤكم
وصحت السنتكم شعراؤنا المبدعين
الهواوي,ابومنصور,العاصمي
ولاهنتوا على هـ الرواائع الممتعه
وسلمتم ودمتم جميع,’’
شاعرة نجد
04-03-2023, 11:06 PM
https://encrypted-tbn0.gstatic.com/images?q=tbn:ANd9GcQ1qoIL1Wnfq-F2AsaTXuslzXUHHIZr3JfyIQ&usqp=CAU
عليك الله اكبر ياحمامٍ تجر النوح
على غصن توتٍ لاتحرك تمايل بك
أمانه حمام الدوح من مغرمك مجروح؟
والا بس رايق يوم هب الهوى هبك
ترى مو على كيفك تثير الوَهَج وتروح
استاثمت فيني خاف يالورق من ربك
لو تدري وش بْصدري وماتفعله فـ الروح
حرّمت الغنَى لو نسمة عْصير تلعبّك
أنا للغلا والشوق في جوف صدري فوح
لاهيضتني من مافي الخاطر اسبك
على كل هذا وماتسوي بلا مصلوح
أعَشْقك واعَشق غْناك واهواك واحبك
ناصر الهواوي
05-03-2023, 12:28 PM
كان دورتي حمامه غير هذي شكلها كئيبه ضيقت صدري هههههههههههه
على كل هذا وماتسوي بلا مصلوح
أعَشْقك واعَشق غْناك واهواك واحبك
روعه ياشاعرتنا هالقصيده وهـ البيت جميل جدا لله درك صح الله لسانك الى مالا نهايه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
عن عينك حمام الورق يابنت وين يروح
انا آوي لهن رحمه لو الورق ما سبك
ان وقع قريب منك والا بطلح الصوح
خفيفات ضل الورق لقي لهن لبك
ليا غثني ما بالنخل قلت له مسموح
طبي بالقوافي وانت في ونتك طبك
زود الضيق احاول شوحته بالقصايد شوح
واثر الشوق لو تكتب دواوين ما كبك
له مفتاح سحري ما اعرف وين هو مطروح
واقول الــ نصيبي ارسله كان في عبك
قال الشاوي اللي قال تح لقطيعه واووح
مع من مستواهم هااي وش حده يشبّْك
حتى لو تشوف انك على المنظره مملوح
مفعول الاحد والسبت يا الذيب بين بك
ناصر الهواوي
05-03-2023, 02:14 PM
اليوم مهبها لوصلف به راضي ومرتاح
إي والله يصير لا قابلت له بالبال راحه
لوهي تهيج المشاعر نسمته وتنقض جراح
ويلوح مهبها قلبٍ فراق الولف لاحه
وان سلم منها حمام المزرعه فوق النخل ناح
وان سلم من ذي ومن ذي هاظه البارق بضاحه
يعن له طاري اللي يستحق وسام ووشاح
وله جايزة نوبل تسلم على كثر الملاحه
وبس ههههههههههههه
خيال مطير
05-03-2023, 11:10 PM
ارحب يابو محمد .. من الارشيف مساء الخير للجميع
يقول هزاع
اكثر مايضيق خاطري نشدت الملقوف ...الا شاف فيني من ظروف الزمن خله
عساني الا زليت مازل عند ضعوف .... عسى زلتي قدام من يدمح الزله
ويقول سمو الحرف
احفظ لها قيمة غلاها وأنتظرها من شمال
وإذا نستني هذي الدنيا وهذا حالها
أما أني أنساها نسى الله من نسى ذاك القبال
ياااااصب روحي صب دلتها على فنجالها
وتقول غزلانن
صارت افعال البشر للشر طلابه ،،
يا تجينا بالأدب حنا مانجي على الكيف ؟؟
ويقول هزاع
لا ضاق صدرك من غرابيل دنياك
ناج العظيم مكون الكون ناجه
واعرف ترى علم الفرج عند مولاك
بامره تهون وتنقضي كل حاجه
وتقول غطرسة قلم
كتبـتُ وقد أيقنـتُ يـوم كتابتـــي
بـأنَّ يدي تفـنى ويبقـى كتابُـهــا
فإن كتبتْ خيرًا ستـُجزى بمثلـه
وإن كـتبتْ شرًا عليها حسابهــا
وتقول البندري
يا مرحبا والكل هـا اليـوم مسـرور
و احلـى الليالـي زاد معكـم حلاهـا
نفرش دروب اللي حضر ورد و زهور
و النفس في قمـة سعدهـا و هناهـا
ويقول وافي الحرف
اكبر قهر لاصرت منت عارف
تبوح ما في داخلك من مشاعر
اذرف الدمع عليه والجرح نازف
اعيش الحزن وهماً ضيق الخاطر
اسهر الليل واعاني والناي عازف
صوت الفراق يجاوب انين الانكسار
وتقول الشامخه
القلوب ألوان .. والنيه : عيون !!
والبشر .. ما بين ( مزمار وطبل )
بين : فكرة عقل وأنواع الجنون
صافي ( النيه ) يشوفونه خبل !!
ويقول خيال
تحققت لو نصف بعض الاماني
ماكنت بظروف الليالي توهقت
ولا طحت من عيني وانا اعرف مكاني
وش فادني شوقي وانا كل مااشتقت
ناصر الهواوي
06-03-2023, 12:01 PM
ارحب يالخيال جميله جدا هالمقتطفات لاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــ
(آسف)حضاريه جميله وراقيه
لو جت قبل ما بي تجيب العيد
لو قبلها حاجه من الوجد واقيه
مثل الفرج ماعاد هو بعيد
لمصفر زرع القلب تكون ساقيه
لـ ان الوعد ماهو كما الوعيد
خيال مطير
06-03-2023, 01:46 PM
لا غاب عنك اللي غيابه مصيبه
وطالت به الغيبه و لا جابه الشوق
ما فيه داعي تنشده عن مغيبه
ما غاب عنك الا وهو منك مسروق
خله يكمل غيبته وش تبي به
لا تلحقه لو كل مطرود ملحوق
ترى المحبه ما تجي بالغصيبه
لو السماء تطبق على الارض من فوق .
ناصر الهواوي
06-03-2023, 08:06 PM
اهلا يالخيال سلم ذوقك ودام حضورك
ــــــــــــــــــــــــــــــــــــــــــــــــــ ــــ
من هالقوافي رمش عينه وا شيبه
وشلون يسلى عنه لا غاب ويروق
يستعطفه بابيات يمكن تجيبه
لو للغلا باقي رواسب بمعلوق
ولها تتمه
شاعرة نجد
06-03-2023, 09:33 PM
مساء الخير
وصح لسانك شاعرنا
مجاراات ولا اروع لاعدمنا تشجيعك
مالقيت الا هـ الحمامه وشكلها حزينه ههه
والراائع ابداعك طال عمرك
وصح لسانك خيال ومنقولك اذا منقول هـ الابيات الفاااخره
اعجبتني وحابه اجاريها ولو مبدددع شاعرها وموجه عالي
وسلمتم ودمتم,’’
شاعرة نجد
06-03-2023, 09:54 PM
لا غاب عنك اللي غيابه مصيبه
وطالت به الغيبه و لا جابه الشوق
ما فيه داعي تنشده عن مغيبه
ما غاب عنك الا وهو منك مسروق
خله يكمل غيبته وش تبي به
لا تلحقه لو كل مطرود ملحوق
ترى المحبه ما تجي بالغصيبه
لو السماء تطبق على الارض من فوق .
البيت الاخير لحاله حكااايه...
ماكل صادق حب ينسى حبيبه
الحب مايشرى وينباع فالسوق
طبع المشاعر فالمحبه عجيبه
لو الصدر من جاير الهجر محروق
تبقى لها بصمه وحشمه وهيبه
لها تجاذب فالمحبين وحقوق
فـ صْدور أهلها لو عوى البعد ذيبه
مستوطنه غصبٍ على كل مخلوق
ناصر الهواوي
06-03-2023, 10:53 PM
اهلا شاعرتنا وصح بدنك ولسانك من اول ابا اكمل وهالحين هونت ههههههههههه
ما احد يفيدنا عن الغياب
رحيل والغامدي ونور وابو منصور والجوهره
عساهم بخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
دنيا ما تستبسطهاش يالقلب الشقي=كم قبلك اقسا منك لان لباسها
من حاول عناد الليالي ما بقي=مهما بلغ يطيح في مداسها
وعين تتوق لعين عنها تتقي=ماودها فيها يطير نعاسها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
ذكرت موقع ياعساني ما امره
والفكر لو مريته يصير سرحان
ماعاد لعيوني بشوفه مبره
ماكن ماقد كان به قبل ما كان
مشاهده لو انها مستمره
ما كان وضحا ضاع منها ابن عجلان
قلبٍ صبر ما انهار لله دره
وهو قد تفجر به من الوجد بركان
وبس
ناصر الهواوي
06-03-2023, 11:18 PM
ياطير لا حسك حواسيس ما احترت
تقدر ترفرف بالجناحين وتطير
ما احد يحدد/ وجهتك كيف ما اخترت
تلعب مع اللي يبترم بالمعاصير
وليا صفا فكرك من الهم وابصرت
روس الجبال او عاليات المقاصير
اعلى مكان يروق لك فيه وكرت
وقت الضحى والا تمسيته ءعصير
ما انت بمثل من شاف ما عاد له كرت
ولا وزن عند اللي زهتها المناكير
خيال مطير
06-03-2023, 11:39 PM
البيت الاخير لحاله حكااايه...
ماكل صادق حب ينسى حبيبه
الحب مايشرى وينباع فالسوق
طبع المشاعر فالمحبه عجيبه
لو الصدر من جاير الهجر محروق
تبقى لها بصمه وحشمه وهيبه
لها تجاذب فالمحبين وحقوق
فـ صْدور أهلها لو عوى البعد ذيبه
مستوطنه غصبٍ على كل مخلوق
صح لسانك شاعرتنا ,,
مايقدر عليك الا ألعود ,
ابو عبيد طولة العمر أن شاء الله
خيال مطير
06-03-2023, 11:54 PM
مقتطفات خيال
من ألارشيف
http://www.alriyadh.com/media/article/2005/01/29/img/291008.jpg
الا يا غصين ناعم ما يجيه الفوح
على الشط ما اخونَّه معاصير الأرياحي
الا يا ثمانٍ قبل تسعين خمسٍ شوح
تقدم على المرواح بالفن مسراحي
جميل الحلايا الكامل اللي لخده ضوح
جبينه إلى عرّض كما بارق لا حي
الا واسْعَد الله من يطالع وزين الروح
يشوفه بعينه قبل غوَّال الارواحي
شعر: سعد بن عبدالعزيز البواردي رحمه الله
https://mediaaws.almasryalyoum.com/news/large/2019/01/28/889767_0.jpeg
إن مت في شارع فؤاذ ادفنوني
ياطا على قبري بنات مزايين
ما عاد أكذب عقب شافت عيوني
بنا من نسل البوش والسلاطين
شفت الزهور بنا عمات الغصون
ما دونها حارس على العسر واللين
لويحان ,, الله يرحمه
http://upload.wikimedia.org/wikipedia/commons/1/12/Dusk_over_Chennai.png
واعذابي كل ما غاب الشفق
ابتدت رحلت همومي بالمسير
موج همّي بالمحاني يصطفق
بين عوج الصدر دايم له هدير
رغم وسع الكون كنّي في نفق
والصبر في داخلي صابه نفير
آه من وقتٍ بحالي ما رفق
شفت غدر وذقت مرّ وشيْ كثير
كل شيّ صار ضدّي واتفق
ناسي وقتي يجرعني مرير
ألتجي بالله عن شين الوفق
حيثه أعلم بي وهو نعم النصير
عوض سلامة العنزي
http://www.alriyadh.com/media/article/2014/05/23/img/283862236886.jpg
هذا مكانه يا بحر أعرفه زين
رغم البطا كنه هنا من ثواني
كنا هنا قبل انتفارق بعامين
قبل المطر يجتاح وجه المباني
وينه غلاتي يابحر وينه الحين
هو مر.. يمك.. أو نشد عن مكاني
الشاعر سعود زايد العالي العتيبي من شعراء محافظة ينبع ومن الشعراء البارزين في الساحة الشعبية
https://abunawaf.com/wp-content/uploads/2015/12/6-%D8%A7%D9%84%D8%AE%D9%8A%D9%85%D8%A9-%D8%A7%D9%84%D8%B5%D8%AD%D8%B1%D8%A7%D9%88%D9%8A%D 8%A9.jpg
وجودي على بيت الشعر عقب بيت الطين
وجــودي عـلـى شــوف المغاتـيـر منـثـره
وجـودي علـى خـوة هـل الموتـر المقفيـن
وجودي على شوف السهل من ورا الحره
ليـا حلـوا البـدوان وصـاروا علـى بيتـيـن
ومــن كــان لـــه خـــل مـــع ذاك مـاغــره
بخوت المريه
خيال مطير
07-03-2023, 12:03 AM
الروض الخضر
متى نشوف الروض كنه زعل جوخ
متخالطن نبت الشمطري وربله
ريح الخزامى بالعثاعيث له بوخ
من رايحن ينثر على الارض وبله
عقب المطر كن الشفا رونق الخوخ
قفرن عن الاوناس في ضف عبله
فيها ام سالم ترفع الصوت وتصوخ
وتنادي المصلاح وتنادي ابله
جفل عليها طلعة الشمس مطنوخ
عساس بدو للمهمه ندبله
شاف الفياض اللي بها العشب مشموخ
ونقع السحاب اللي تشد العرب له
عود على حرن هميمن ومطفوخ
يشوش لاسمع المغني لعب له
بشر هل المقطان رعيان وشيوخ
قال الحيا في ماقعن ينتعب له
ياماحلا في حيده البيت مشلوخ
بحد الدماث اللي عن الهضب قبله
http://www.alriyadh.com/media/article/2012/01/05/img/979142804882.jpg
ناجي بن سعد ابوليل الصندلي رحمه الله
https://upload.wikimedia.org/wikipedia/commons/thumb/6/65/Greater_Hoopoe_Lark.jpg/300px-Greater_Hoopoe_Lark.jpg
طير ام سالم
ناصر الهواوي
07-03-2023, 09:45 AM
اهلا يالخيال وتسلم على رائع المشاركات وروعة الحضور
بس لو ما جبتهن كاش وخليتهن دفعه دفعه هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
يا ما اصعب النسيان لو حاولت تنسا ما مضى
دورت للمشهد شبه ولا اظن له يوجد شبيه
اصل التوافق والتفرق داخل بحكم القضاء
اقنع بما قد لك حصل تبيه والا ما تبيه
لو المجامل دوبلماسيه مقيته/ به رضا
ليا استعصت الاوضاع واسودت ظروفك تقتضيه
يبرد صدورٍ شبت الفرقى بداخلها لظى
قدح شرارتها الجفا بعد التغلي لعنبيه
كديميس السيحاني
07-03-2023, 10:57 PM
مساكم الله بالخير
ابوعبيد
العاصمي
شاعرة نجد
صحت السنكم ودام ابداعكم وتواجدكم
خيال يسلم ذوقك وصح نقلك لهالمقتطفات
كديميس السيحاني
07-03-2023, 11:17 PM
يا ليل لا تنشد عن النوم يا ليل
ابعد عليّ مْن الجدي و الثريا
دام الهجوس تحط يا ليل و تشيل
و طعم العسل في بعض الاحيان شريا
تغفي القريحة لو عزفت المواويل
و الطيف بالذكرى القديمه عبريا
و الجم حصان القاف ف مسابق الخيل
و لا كن نجم الجدي له جاب طريا
ولو قِدم الفنجال بالبن و الهيل
ماله طعم دام المباهير عريا
و اكتب على امواج البحور المراسيل
و انحت بدم المفردة ف الحجريا
ناصر الهواوي
08-03-2023, 11:47 AM
ارحب يابو منصور تراحيب المطر وصح لسانك ولا فض فوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
يا مرحبا فيك انت ما عدو السيل
وبـ بداعك اللي به هجوسك حَرِيا
ترحيبةٍ عطورها عنبر وهيل
من ما يخالف طيبها ذا بِرِيا
ينساق قبل وبعد مناسف الحيل
فنجالها استلمه هنياً مريا
من بعد ما تنشد عن النومه الليل
من السهر ما فيه شخصٍ صريا
اللي يهوجس بالليال المقابيل
وريان نوب يسهره ذكر ريا
ابـ بوك وقلم يرسم لها خط ويميل
وزند التوجد بالضماير وريا
من الشوق لامنه طفح عنده الكيل
بمصارعه تقول توني قريا
اللي من الحلبه يحذف الرجاجيل
من قوته على المصارع جريا
بخطوه بدا مشوار خمسمية الميل
يوم الغصن مورق وغض وطريا
واليوم معواده صعيب المناويل
لو شم له مع هبة النود ريا
ناصر الهواوي
08-03-2023, 11:55 AM
غريبه ان الجوهره ما لها حس=ورحيل من كم من شهر ما تشافي
والغامدي ماله بعد مصنعه جس=ونور اختفت لو نورها كان كافي
ناصر الهواوي
08-03-2023, 12:12 PM
لجة عصافير النخل غطت على صوت الحمام
وتغريدها لو هو يونس ما يقاس بنوحها
ما ادري على شان السماء كله ملبد بالغمام
والا النسيم اللي معاكس ما يوصل بوحها
يقفي ويقفي به معه/ بالحال هذا ما تلام
لو الخواطر والنواظر بينت منضوحها
كديميس السيحاني
08-03-2023, 04:35 PM
ابو عبيد هلابك
لا فض فوك ولا انلجم لسانك
واستلم لاهنت
قولوا لطراد الهوى هايم وغيرك مستهام
و انظار طراد الهوى يا طول مد شبوحها
و ماعاد لي في عالمك يا الشعر سجة و انسجام
حتى لو قلوب الغرام انته ضماد جروحها
و لجة محاحيل السواني والرشاء فوق المقام
غطت على نوح الصدور اللي تزايد فوحها
و الا صدوقك يا المخايل يوم يغسل للعسام
عساه يغسل وجنتين الجافله مع روحها
حتى تهيّض بالقوافي من هو بسجن الغرام
خمسة عشر عام وثلاث اعوام يبني صروحها
و ان قال للعقل ارجهن ايقول منطوقك حرام
كيف ارجهن و قلبك العاشق غدا مذبوحها
ناصر الهواوي
08-03-2023, 10:42 PM
ما فيك حيله يابو منصور
صح الله لسانك ولاهان راسك ابدعت وامتعت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
يرقص على ايقاع دندنة القوافي هجس مشتاق
يحفزه للتمايل والطرب واللعب شوقه
ياعونة الله مضى شهور وليال وعام ما راق
ما انساح باله ولا زان المزاج وخرب ذوقه
طير السعد كل ما رفرف يبي ياتيه ينعاق
وغريب البين لو ردوه جاه وصاح فوقه
باراعبي الحمام ان كان نوحك وجد وفراق
اشجيت قلبٍ يحشر الظغط من شوقه عروقه
تراجع الذاكره ما فات ويفتش بالاوراق
لعل تركد بما يقرأ بها رجفة خفوقه
ناصر الهواوي
09-03-2023, 12:13 PM
توي تأكدت ان شيخ القوم قاتله الهيام
روحه بقيفانه من اللوعه تعزي روحها
وهذا هو اللي ياسر شيوخٍ يردون الجهام
شف قصة ابو زيد مع علياه واقر شروحها
وقد استغاث لمي بن لعبون بالقبر الغمام
لعلها تانس بطفلات الظبا ء وسنوحها
وابن الملوح لجل ليلى دز نفسه للعدام
رضي باسم مجنون ليلى وانجلد في لوحها
وبس هههههههههه
ناصر الهواوي
11-03-2023, 12:17 PM
لا والله الا قعدنا ياهجوسي بالخلا الخال
هذا مقر القصيد الا من الزوار خالي
لا راعبيه ولا ناقد ولا صيحات خيال
حتى ام سالم ماعاد بروضه المزهر تلالي
والحمد لله على ما قدره في كل الاحوال
ابا انسجن وانت ياراع القصايد جب تسالي
مريت قبل امس وادي خابرٍ به طلح وضلال
وخشفٍ من الريم لرموشه على اوجانه ضلالي
اتلى العهد بالشعيب وفي هله عامين وهلال
لا حِس لا رِس لا جالب خبر بالعلم جاء لي
وطويت منه الرجا والياس جاء له برق وخيال
يا غريب البين لا تصيح انقلع مالك ومالي
ناصر الهواوي
11-03-2023, 10:16 PM
انا والخيال والزوار صرنا 132
ــــــــــــــــــــــــــــــــــــــــــــــــــ ـــــــــــــــــــــــــــ
حلل معاني بيوت اللي ورا القضبان وتبين
لك حالتـه مثل مـالك مـا يكن الصدر بـاني
اهل المثل قالوا الايام محصوره بيومين
يومٍ لك بزعمهم ويكون ضدك يوم ثاني
بخاطري شي له قدمت من بوحي ابـ بيتين
املاه فكري على هجسي وترجمهن لساني
وقت ومكان وبشر رحال عن ناسٍ مقيمين
واقول للراحل اشوفك على الباقين جاني
ولها تتمه
الجووهره
12-03-2023, 05:05 AM
السلام عليكم
وهلا بالجميع
وصحت الالسن والاذواق
ودآم الحضور والابدآع
وهلا بشاعرنا هزآع
نورت بعدالغيبه الطويله
وعودا حميدا وصح لسانك
وآخر االغيبات ان شاء الله.
والمعذره على الغياب. ظروف واجازه وسفر
وعدنا والعود أحمد.
هههههههه
الجووهره
12-03-2023, 05:19 AM
دام الأمل موجود لا تتبع اليأس
وأفتح مع الأمل صفحة جديدة
والضيق ماهو للمخاليق مقياس
كم ضايقن تصبح حياته سعيدة
صبآح الأمل والسعآده
ناصر الهواوي
12-03-2023, 11:54 AM
صباح المطر والعِطر والعَطَر
ارحبي يالجوهره بعد هالغيبه ونحمد الله على السلامه
من البارح الى الآن والامطار مستمره ولله الحمد جعلها الله امطار خير وبركه وعم بنفعها الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
المشكله كل شي اشوفه ايعود بي خلاف
حتى العدس والسمك والبيض والفول المدمس
حشاد صدري وهجسي منطفق والقلب ميلاف
ومشاعري كل ما يطري لها طاري تحمَّس
احاول اخفي لكن آثارها بالوجه تنشاف
واحس شي يتدابا بي ما اشوفه واتلمس
ناصر الهواوي
12-03-2023, 07:37 PM
حفيده صغيره قبل ايام كمَّل عمرها سنه
اختطفناها من اهلها سنه كامله تقريبا وخفنا ليا ادركت يؤثر عليها نفسياً
ورديناها لهلها وتأثرنا بالحيل
وقلت
ــــــــــــــــــــــــــــــــــــــــــــــــــ ـــــــــــ
يالبدر جاكم بدر لا تهملونه
خشفِ صغير يشبه لنجمة سهيل
بقده وخده وابتسامة سنونه.....................طبعا 2فوق و2 حدر هههه
وشبحة عيونه بالرموش المضاليل
صافي عسل صوته وشكله ولونه
وتمايله لاشال جده مواويل
ماله بمن في مثل سنه نمونه
ليلة مشى ما طاب نومي هك الليل
ميلاف من قامت تهامل عيونه
يمشها ما وده تشاف// وتسيل
حبيت تشوفون هالابيات فقط
خيال مطير
12-03-2023, 09:34 PM
صح الله الســـــــــــــــــــــــــنتكم جميع , ارحبي ياجهير منوره
____________________________________________
تسليه / مجرور صل فرضك وامسك ارضك
رديه بين الشاعر هدهود بن فهد | الشاعر غلاب بن هديان
https://www.youtube.com/watch?v=_oCQNB0iHuQ&ab_channel
__________________
خيال مطير
12-03-2023, 11:10 PM
من الارشيف
هب نسناس الهوى اللي من مهبه
كر جمر الشوق واحرقني لهيبه
والبلا ان الجمر في قلبي مشبه
وقلبي شب ب كل ضلعن يحتمي به
ياهل العشق الحقيقي والمحبه
لاحدن عندي يطري لي حبيبه
خافو الله فيني وفي اللي احبه
وادعو الله يا عسى ربي يجيبه
وبشروني عنه قولوا لي ياربه
ما نسى اللي ما نساه ومكتفي به
والله أنه جرح قلبي وانه طبه
ولجله اتهون الكليفه والصعيبه
فلاح
...........................................
ياليت نسناس الهوا بآخر الليل
لاهب يرسللي معاهـ امنياتي
..........
شاعرة نـــــــــــــــــــــجـــــــــد
................................
يازين يوم العيد لوهيض العيد
مشاعر المشتاق وازداد شوقه
فرحه لها في وهج الاشواق تجديد
متولمه للعيد,تسبق شروقه
تسرح على سكة سفر دون تحديد
في غيمها الوجدان لاحت بروقه
راحت تعيّد ياعسى عيدها يعيد
على الهوى تلمس مزاجه وذوقه
شاعرة نجد
جاني .. مثل ضحكة طفل في ضحى العيد ., !
...........و روّح .. مثل دمعه على [ خد شايب
ابومشعل الله يرحمه
الجووهره
13-03-2023, 03:55 AM
هلا بالجميييع
هلا بك شآعرنااا
ومبروك الامطار
جعلها الله امطار خير وبركه
ونفع بها البلاد والعباد
ويازينها الحفيده
الله يحفظها ويخليها لكم
وصح لسانك ودآم ابدآعك
وهلا بك خيالوووه
والنور نووورك
ويسلم ذووقك
الجووهره
13-03-2023, 03:57 AM
تسآلي من مدونتي
وكان يا ماكآن
ههههههههه
ــــــــــــــــــــــــــــــــــــ
ليت الهوى كله وصآل وتلآقي
وليت الحبآيب تجي عند طآريها
ـــــــــــــــــــــــــــــــــــــ
أنعست في بعدك وخآويت الاحلام
وما زلت في رجوى المواصيل غآرق
كل العيون السآليه يمكن تنآم
الا عيون المبتلي والمفآرق
ـــــــــــــــــــــــــــــــــ
نكتم شعور قلوبنامن حيا الروح
دآم الأمآني بالمحآني كثيره
أحيآن نطريها على البآل وتروح
وأحيآن تطغى بالخفوق وتثيره
الجووهره
13-03-2023, 06:07 AM
ياصبـاح الخـيـر يانجــد العـذيه
يابعــد بيروت والغيــم بسمــاها
ان بغــوها عشـق والا عنصـريـة
لآيمــي في نجـد مايسـوى ثـراها
انا اشهد
صح لسآن شآعرها
عآيد بن ضلعان
ناصر الهواوي
13-03-2023, 12:45 PM
الله
الله الله
تساليكم البارحه من فلصيلة التصالي
صح نقلكم خيالوه والجوهره ودام تواجدكم والله يسعدكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
إي والله سنين مرتنا مرور الكرام
حقايق احداثها اليوم اصبحت سالفه
اسمع بما صار فيها بالوفا والتمام
وانا بطلها وما فيها حصل عارفه
اسمع واوافق ولا الحق من رواها ملام
انا اعتبرها لي كروت اصبحت تالفه
لاشك يبقى الضحيه خافقٍ مستهام
مع خاطرٍ ثلَّم الهجران حوايفه
شاعرة نجد
13-03-2023, 10:23 PM
مساء الامطار وعبير الازهار
وصحت السنتكم الهواوي وابومنصور
مجاريات وردود كايفه ونايفه ابدعتوا وامتعتوا مبدعينا
وصح لسانك على ابيات الحفيده,الله يحفظها ويخليها لكم
ياقو قلب امها اللي نامت ليله وحده بدونها هههه
وسلمت ذائقتك خيال ولاعدمنا منقولك
وعودا حميدا جوهرتنا,وصحت الذائقه الفائقه
وسلمتم ودمتم,’’
شاعرة نجد
13-03-2023, 10:35 PM
طلبت مني احدى الصديقات
أبيات وكتبتها على لسانها وحسب قصتها
حبيت انقلها لكم...
أرسلت له عبر البريد الرساله
وصلت ولكن مافهم شارد الطير
يقول قصّرت وقَصَرت بْوصاله
لو كان يدري قال ماصار تقصير
وشهو له اشغل بالمراسيل باله
واعلّقه من غير صالح وتبرير
لكل شيٍ في سمانا دلاله
والصح واضح والنتيجه مخاسير
بحنا ورحنا وراح كلٍ بْفاله
لو للفراق وطوي الأوراق تأثير
نزعل مانزعل صار والرب قاله
مافي يدينا الا عسى فـ الامر خير
كديميس السيحاني
13-03-2023, 11:40 PM
مساكم الله بالخيرات والمسرات
ابوعبيد
خيال
شاعرة نجد
الجووهره
صحت الالسن وسلمت الذوائق و دام التواجد
كديميس السيحاني
13-03-2023, 11:48 PM
يزورني طيفه و ازيد التراحيب
و موثقٌ عهدي معه ما انفصليّا
و ارسلت مع نجم الثريا المناديب
وصلوا ولا وصلوا ولا لي وصليّا
و احرق صلو ناره ضلوعٌ محاديب
ما تنطفي يا كود وصله حصليّا
و ان كان ما عنده لوصلي مواجيب
قولوا له انه يلحق النار صليّا
الجووهره
14-03-2023, 03:22 AM
هلا بكم
شاعرنا الهوآوي
شاعرنا كديميس
شاعرتنا المبدعه
وصحت الالسن يامبدعين
ودآم حضوركم وابدآعكم
عبدالله الصقري
14-03-2023, 03:24 AM
صباح الورد و الياسمين احبتي جميعا
و كل سنه و انتم بألف خير و عافيه
ما لي عذر يعذّر عن الغياب
لكن عزاي انكم اهلي و اخواني و جدي
و قلوبكم كبيره و صدوركم رحبه
لي عوده بإذن الله تعالى
لكم جل تقديري و احترامي
مع أرق و اجمل تحيه
ناصر الهواوي
14-03-2023, 12:01 PM
يامرحبا بكم كثر استغرابي من حضوركم كلكم بليله
ارحبي شاعرتنا وصح لسانك وبدنك ولاهنتي
ارحب يابو منصور وصح الله لسانك ولا هان راسك
هلابك يالجوهره وصح بدنك ولاهنتي ودمتي وسلمتي
حيا الله حفيدي ومن حضر ما غاب مثل ما يقولون المهم انكم طمنتوني عليكم جميعا
ناصر الهواوي
14-03-2023, 12:40 PM
جت شاعرة نجد وكديميس والجوهره
من عاصمتنا ومن مدن بضفاف الخليج
والصقري ايضا لفا من جده المزهره
يعني ثلاث المناطق صار منهن مزيج
احيوا بوبل الحضور فياضنا المدهره
اشجارها مزهرات وفاح منها الأريج
والهجس يادوب عن ماهو يبيه اقهره
يقول طعم القصيد بدون ذكره سميج
اللي سبا القلب والجفن بجفاه اسهره
وحرج على من شراه بدون ذنب تحريج
الجووهره
15-03-2023, 09:12 AM
ياصباح الرضا من قاضي الحاجة
للمحبّـــة مــواصــيلٍ نوثـّقـــها
وكل نفس ٍ لكسب الـرزق دوّاجة
سهـّل الله مساعيـــها ووفّـّقـــها
صبآح الخير
الجووهره
15-03-2023, 09:14 AM
هلا بك زوود شاعرنا
وصح لسانك ودام ابداعك
وهلا بك شاعرنا الصقري
نورت بعد الغيبه
عودا حميدا
وكل عام وانت والجميع
بخير وصحه وسعآده
قبل الزحمه
هههههههه
ناصر الهواوي
15-03-2023, 12:02 PM
احط كفي على يسار الصدر ما اعرف ليه
لكن هذا يصير ليا توقعت اسمع اخبار عن
مَنْ قلبي إن حل له طاري ينكد عليه
هذا ليا جت تسر وكان( لا) عضيت الاصبع يسن
البعد ما يحتمل مع الجفا القتال تبت يديه
الله يعين القلوب اللي لماضيها تتوق وتحن
ياليلة فراقهم مري على يوم اللقاء واسأليه
الراي الاقشر عليه املاه مَن ورغبه فيه مَن
ان كان ندمان قل ذي طبخة الرفلا وقرصك كليه
هذا جزا من يطاوع بـ الخصوصيات هنه وهن
خيال مطير
15-03-2023, 03:30 PM
صح الله الســــــــــــــــــــــــــــــــــنتكممم جميع ,, وارحب يالصقري منور بعد غيبه
تسليه
http://www.6aar.com/img/oldman2.jpg
افهم وصاتي يا عزيّز وأنا أبوك
دامك صغير وغاية العلم يقراك
تراه ما ينفعك خالك.. ولا أخوك
لا صار ما تقضي لزومك بيمناك
ورعك إليا بنا الخلل فيك عافوك
أقرب قريب لك من الناس يشناك
إن كثر مالك اصدقوا لك وطاعوك
وإن قل ما بيدك شانت حلاياك
للشاعر راشد الخلاوي
ويقول أيضأ
ما ذكر به حيّ بكى حيّ يا ذيب
واليوم أنا بابكيك لو كنت حيّا
يا ذيب يبكونك هل الفطّر الشيب
إن لا يعتهم مثل خيل المحيّا
وتبكيك قطعانٍ عليها الكواليب
وشيّال حمل اللي يبون الكفيّا
وتبكيك وضحٍ علقوها دباديب
إن رددت من يمّة الخوف عيّا
ويبكيك من صكّت عليه المغاليب
إن صاح باعلى الصوت يا هل الحميّا
ناصر الهواوي
15-03-2023, 10:45 PM
ارحب يا سعادة الخيال وفخامة الخفير وصح نقلك
الا اني ما اقتنعت بنسبة القصايد للخلاوي ويمكن هذا
من جهلي ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
يسعِد مساء من معه يسعَد مسانا
ويصبح بخير وكل خيرٍ يمسيه
لو هو يزيد ليا فقدناه اسانا
نسي او تناسا بس ماني بناسيه
ما بين ياليت وعساه وعسانا
اضحى الرجا به مشلح الياس كاسيه
نبض الخفوق ان سمع همس اللسانا
مافيه احد من ما يصيبه يواسيه
خيال مطير
18-03-2023, 08:22 AM
بين الرجاء واليأس دمعة يتيمه
طاحت على كف الزمان وجرحها
باتت من صروف الليالي أليمه
والرحم ما مد اليدين ومسحها
مسيلها بالخد يبقى وسيمه
الستر شرهاته على اللي فضحها
ما تستر الضحكه لياجت عقيمه
دام الفرح من عالياته طرحها
المعذره يا الذكريات القديمه
محطةٍ عمر الزمن ما شرحها
المعذرة ترى النوايا سليمه
بحور المحيط الهايجه من سبحها
كله من اسباب الظروف اللئيمه
اللي لقت بالحزن قمة فرحها
واسفر لقاها حيرة مستديمه
الظرف عمره بالفرص ماربحها
تبقين حره عند مفرق رحيمه
ذنب الضحيه برقبة من ذبحها
تسابقت ادموعها تقل ديمه
وسم العذاب اللي لها ما دمحها
انبت عذاب بالجروح المقيمه
وسميةٍ يشبع بها اللي سرحها
تبقين يا الشكوى نديم ونديمه
ما تنبدي الشكوى على من سنحها
لهيلم المويس
خيال مطير
18-03-2023, 08:26 AM
لـ ضاق صدري وصب الشعر فنجاله
مدّ وتقهويت عذبه,طيّر عْماسي
والا سحب ناصر السيحانِ(ي) مواله
في شيلةٍ لامست شكواي واحساسي
والشوق فرّغ قفص صدري من اقفاله
واظهر غزيره وسطّرته بكراسي
وجريت قافٍ يصوّر حالي وحاله
من صادق الروح حتى يقطع انفاسي
أبحر بسطح البحر مدري على جاله
مركب غرامي يعوم ويوم غطاسي
ياغيمة الود شوفي نجد رحاله
مع هاجس الشعر حتى لو وسط ناسي
هيَّا امطري من وبل عذبك وهماله
لين ارتوي من ضمايه يابعد راسي,
https://www.r111n.com/image.php?u=243&dateline=1544955836
خيال مطير
18-03-2023, 08:35 AM
بين الرجاء واليأس دمعة يتيمه
طاحت على كف الزمان وجرحها
باتت من صروف الليالي أليمه
والرحم ما مد اليدين ومسحها
مسيلها بالخد يبقى وسيمه
الستر شرهاته على اللي فضحها
ما تستر الضحكه لياجت عقيمه
دام الفرح من عالياته طرحها
المعذره يا الذكريات القديمه
محطةٍ عمر الزمن ما شرحها
المعذرة ترى النوايا سليمه
بحور المحيط الهايجه من سبحها
كله من اسباب الظروف اللئيمه
اللي لقت بالحزن قمة فرحها
واسفر لقاها حيرة مستديمه
الظرف عمره بالفرص ماربحها
تبقين حره عند مفرق رحيمه
ذنب الضحيه برقبة من ذبحها
تسابقت ادموعها تقل ديمه
وسم العذاب اللي لها ما دمحها
انبت عذاب بالجروح المقيمه
وسميةٍ يشبع بها اللي سرحها
تبقين يا الشكوى نديم ونديمه
ما تنبدي الشكوى على من سنحها
لهيلم المويس
خيال مطير
18-03-2023, 08:38 AM
أمشي ولا ادري وين أنا ماشيِ فيه؟
أروح.. وما أدري وينــني رايـــحِ لـه
ألقى المكـان اللي أبيه..مـتـعديه!
وأقـول وش جـاني وأنـا كنت أدله؟
وياليتني ما اتذكـــــر الا..الــلي ابـيه
والـــي مبـــيــه ..يزيله الفكـــر كله
وياليت كل الي يصب الفكر فيــــــه
يــصير لــي واقـــع بــدقـه..وجلـــه
والحزن يصـبح في خــبر كان..الاقيه
والقى الهــناء بــقلبي مكــانه يـحله
ويـا طَــر جــيبي مــن شعورِ أعـانيـه!
شـــعورِ صــعـيب الله.. يعـــجل بحـله
ما ادري انـا النـــسيان والا مخـاويـه
وسيفه عليّ.. فـــي كـــل سـاعه يسله
ومــاشي ولا أدري وينني ماشـيِ فيه
ورايـــح ومـــا أدري ويـن أنا رايح لـه؟
سعد الشليل
خيال مطير
18-03-2023, 08:49 AM
https://encrypted-tbn0.gstatic.com/images?q=tbn:ANd9GcRNO5Y-xleg-2GJodLxyZWcDptzL_4VMe5agvTamMiprQ&s
سقى الله زمانٍ ياحمد كيف أنا بنساه
زمانٍ مضى ياحسرتي والعمر مرّه
رعى الله زمانٍ فات ألا ياهلِي عزّاه
على ذكريات الأمس يازين هالكَرّه
تذكرت وقت فات ياحسرتي ويلاه
على شوفة أطلالٍ غدت حيل منظرّه
أردد مع الورق الذي ناح وانوحاه
تكفكف عباير حسرتي شوفة الجرّه
أببكي وأببكي ما أبكي على ذكراه
تهز المشاعر شوفة الدار بالمرّه
حمد الدعيج (نديم كميت)
ناصر الهواوي
18-03-2023, 11:41 AM
صباح الخير وتغاريد الطير
ارحب يالخيال وصح بدنك وذوقك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
اعجب من كثر ما حاسته والغته كلمه
مثل ما لعب في مهملات الورق معصير
حضور الحماقه شين مع غيبة الحكمه
وبغياب ذي وحضور هذي حدث تدمير
بعد ما ثبت بمخيلة من جفا رسمه
ورفرف بصدره من كثير الغلا له طير
حتى صار يزهم غيره من البشر باسمه
ويشم له مع كل هبة هواء عبير
ما انهاه الزمن في طوله ولا قدر حسمه
من شافه بعدهم قال قد كان هذا امير
شاعرة نجد
18-03-2023, 11:51 PM
السلام عليكم ورحمة الله
وصحت السنتكم شعرانا المبدعين
وصحت ذائقتك خيال وشكرا جزيلا عـ النقل
ولاعدمنا وجودك وفاخر جهودك جوهرتنا
وسلمتم ودمتم,’’
شاعرة نجد
18-03-2023, 11:58 PM
باقي على شهْر رْمضان اربع أيام
حمام بالله لاتجي حول بيتي
نوحك مُثير وكل ماجيت ابنام
أشجيتني وان قلت ليتي وليتي
فتحت باب وطير هجس الوله حام
وشلع معه قلبي لحيي وميتيي
اللي عليه اتعبت حرفي والاقلام
وش عاد ياعيني ليامن بكيتي
حمام شهْر الصوم ركْن مْن الإسلام
خل المدينه كلها اسمع وصيتي
لـ تْهيّض الصيّام يلْحقّك الاثام
رح مع جزيل الشكر وازكَى تَحَيْتي
[/center]
شاعرة نجد
19-03-2023, 12:02 AM
كل عام وانتم بخير مقدما ورمضان مبارك
واستودعكم الله,واعتذر من الجميع ان حصل مني خطأ وانا مدري
يشهد الله عزيزين وغالين اخوان واخوات
أسأل الله لنا ولكم القبول والعون على طاعته بالوجه الذي يرضيه عنا
لنا لقاء بعد رمضان ان حيينا ن شاء الله,’’
الجووهره
19-03-2023, 01:28 AM
هلا بكم
شاعرنا الهواوي
شاعرتنا المبدعه
وخفيرنا خيال
وصحت الالسن والاذواق
وكل عآم وانتم والجميع بخير.
وتقبل الله منا ومنكم صالح الاعمال
الجووهره
19-03-2023, 01:31 AM
كل عام وانتم بخير مقدما ورمضان مبارك
واستودعكم الله,واعتذر من الجميع ان حصل مني خطأ وانا مدري
يشهد الله عزيزين وغالين اخوان واخوات
أسأل الله لنا ولكم القبول والعون على طاعته بالوجه الذي يرضيه عنا
لنا لقاء بعد رمضان ان حيينا ن شاء الله,’’
وانتي بخير وصحه وسلامه شاعرتنا
تقبل الله منا ومنكم صالح الاعمال
وما شفنا منك الا كل خير يالغاليه
الله يحفظك ويسعدك
ونشوفك على خير
بعد رمضان ان شاء الله
الجووهره
19-03-2023, 06:22 AM
باقي ثلاث ايام عن موسم الخير
شهر رمضان اللي عسى الله يعيدة
تسامحوا عن كل زلة وتقصير
ترا حياة الناس ماهي مديدة
والمخطي اللي ما يسوق المعاذير
ماهو مبشر بالحياة السعيدة .
الجووهره
19-03-2023, 06:24 AM
صبآح الخيرآت والمسرآت
ومبآرك عليكم الشهر
جعلنا الله واياكم من صوامه وقوامه
وتقبل الله منا ومنكم صالح الاعمال والدعوات
ناصر الهواوي
19-03-2023, 12:04 PM
اهلا بالجميع شاعرتنا وجوهرتنا وخيالنا واحبابنا الغايبين
الله يبلغ الجميع رمضان ويعينهم على صيامه وقيامه ويتقبله منهم بفضله ورحمته
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
من القديم يقال صوموا تصحوا=وصوم الشهر(لله) ينجي من النار
والصوم لله حسب قوله والحوا=عليه بدعاكم مع اوقات الاسحار
وعن الخطايا ياجماعه تنحوا=ومع الامام ايلين يقنت بالاوتار
وبما تيسر عندكم لا تشحوا=اعينوا المحتاج مع غلي الاسعار
ومروا على زلات اخوكم ومحَّوا=عددتهن لو هن كثيرات وكبار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
خيال مطير
21-03-2023, 01:40 AM
من الارشيف
بقلم المبدعه الجووهره
من قصآئده رحمه الله
يصور فيها الرفقه الطيبه والطلعة البريه اللي تنومس البآل
لي ضاق صدرك واشغلتك الهواجيس
حـــــذراك تنصى واحـــد دون واعــي
أختــر صديق مثل فــــرخ القـــرانيس
يدوس بــــالأقــــدام روس الأفـــــاعي
واركب على جيب يشــق الطعــاميس
واضرب دباديب الـــزراج الــوساعي
واليا زرهج الجيب والبنص له ديس
خــلك للفـــــات الـدركســـون واعــي
الله يجيرك من صـــدوق العــواكيس
لي قام يلعب مع طمــان ورفــــاعي
وابعد عن وجيه اللصوص النواحيس
اللي مثل شكـــل الضبـــــاع المقاعي
حتى تجيلك صيـــهدٍ ما بعـــد حـيــس
نـزل زهــابك فيه وابــن الشـــراعي
ما جاه قبلك من الخــــلايق مناويس
الا مواطي ضــــاريــات السبــــاعي
ودن الدلال ودن جـــــوفـا محـاميس
لي ساح في نومه قصير الـــذراعي
واشعم لها رمث جرومه ميـــابيس
لي ما سنا ناره يجي له شعــــاعي
واحمس بها بنٍ يزيل الحواسيــس
من شم ريحه جاك بالرجل ساعي
وأن كان في رأسك بقايا رساريس
ترى النجر صوته يزيل الصــداعي
سجه بـروض خــــالي ما بعد نيس
محدن وطــاله من المخاليق قاعي
روضٍ زهــوره لاعبتها النسانيس
ريح الخــزامى من دماثيه فـــاعي
يزيل عنك امراض هالك الدواعيس
والمكيفــات اللي هــواهـا صنــاعي
والعلم جاك وخــل عنك الهــــلاويس
أضعاف العقول اللي تلاها الضياعي
الشاعر / عبدالعزيز بن صالح المقبل
خيال مطير
22-03-2023, 01:46 PM
رمضان مبارك كل عام وأنتم بخير. كل عام وأنتم بألف خير بمناسبة حلول شهر رمضان المبارك. كل عام وأنتم ومن تحبون بألف خير بمناسبة شهر رمضان المبارك، أعاده الله عليكم بالخير والرزق. أسأل الله أن يبارك لكم في شهر الطاعات والرحمات وأن يرزقكم فيه الدرجات وأن يختم لكم فيه بالصالحات.
خيال مطير
26-03-2023, 12:41 AM
خلف بن هذال العتيبي
"يهديها
إلى كل واحد أخذ بخاطره في يوم من الأيام على أخوه أو أخته أو قريبه او رفيقه او زميله..❤
قصيدة رائعة
إقرأوها وإفهموها ولا ننتظر حتى يقال
مات فلان✋
نزعل ،، ونتكبّر ،، وحنا ،،من الطين ،،
والكل ،، منا ،،صدّ ،،لا ،، أقبل ،،خويّه ،، !!
نفخر ،، نقول ،، إنا ،،على الصد ،، قاوين ،،
وهيّ ،،علينا ،، في الحقيقة ،، قويه ،، !!
ننسى نهايتنا ،، وعلى ،، وين ،، ماشين ،،
وننسى الزمان ،،اللي ،، جمعنا ،،سويه ،، !!
المشكلة ،، ماهي بحاجة ،، لتخمين ،،
ولاهي ،، بعد ،، ياناس ،،صعبة ،، القضيه ،،
دق الرقم : كيفك ،، هلا فيك ،، وأهلين ،،
أنا ،، الخوي ،، اللي مزعّل ،، خويه ،،!!
قلّه : تغيب ،، وصورتك ،، داخل العين ،،
ويبقى لحبك ،، في خفوقي ،، بقيه ،، !!
أخوان حنا ،، لو ،، يجي بيننا ،، شين ،،
و مانفترق .. دام المحبة ،، نديه ،، !!
خلك قوي ،، لاتحتكرك ،، الشياطين ،،
قبل الفوات ،، وقبل ،، وقت ،، المنيه ،، !!
كلّم اخوك ،، باطيب الهرج ،، واللين ،،
وأعرف ،، جميل الهرج ،، يمسح ،، رديه ،، !!
هذي ،، هي الدنيا ،، من الحين ،،
ل الحين ،،
لابد ،، بين الناس ،، تحصل ،، خطيه ،، !!
ومن لايقدّر ،، غلطة أحبابه ،، الحين ،،
يقرأ ،، حروفي ،، ويعتبرها ،، هديه ،، !!
باكر ،، تمر ،، سنين ،، وسنين ،، وسنين ،،
والكل ،، يرحل في الدروب ،، المنيه ،، !!
صدقني ،، تندم ،، وأذكر ،، حروفنا ،، زين ،،
تندم على خلك ،، إذا ،، غاب ،، ضيّه ،، !!
دنيا ،،غريبة ،، وأكثر ،، الناس ،،ماشين ،،
وكم ،، صاحبٍ ،، والله ،، دفنته ،،بيديه ،،
�� نصيحه لكل من نحب��
خيال مطير
29-03-2023, 02:04 AM
من الارشيف
https://www.r111n.com/t30873-29.html
خيال مطير
31-03-2023, 01:09 AM
شعر ما يعطينا عن الصوم تعبير
ما فيه داعي نكتبه عبر الأجيال
أفرح بشهر الخير يا طالب الخير
شهر تضاعف فيه حسنات الأعمال
طبع الابن آدم فيه غفله وتقصير
وليا صلح قلبه صلح باقي الحال
والوصل والاحسان للذنب تكفير
فرصه ثمينه طيبة مالها أمثال
تغانموها يالوجيه المسافير
فيها رصيد ما خطر لك على البال
خير على خير ومكاسب وتوفير
أخير من كل المكاسب والاموال
سالم بن سحمان السبيعي
خيال مطير
31-03-2023, 01:10 AM
العام .. كم واحدٍ صلى وصام
واليوم صمنا وهو تحت اللحود
الشهر يرحل .. ويرجع كل عام
والعمر يرحل .. ولا يمكن يعود
https://www.alriyadh.com/media/thumb/db/70/1000_5be7fa349f.jpg
عبد الله الطلحي الهذلي
خيال مطير
03-04-2023, 10:43 PM
https://www.alriyadh.com/media/thumb/ac/50/330_939f6af7a1.jpg
شعر ما يعطينا عن الصوم تعبير
ما فيه داعي نكتبه عبر الأجيال
أفرح بشهر الخير يا طالب الخير
شهر تضاعف فيه حسنات الأعمال
طبع الابن آدم فيه غفله وتقصير
وليا صلح قلبه صلح باقي الحال
والوصل والاحسان للذنب تكفير
فرصه ثمينه طيبة مالها أمثال
تغانموها يالوجيه المسافير
فيها رصيد ما خطر لك على البال
خير على خير ومكاسب وتوفير
أخير من كل المكاسب والاموال
سالم بن سحمان السبيعي
خيال مطير
05-04-2023, 02:42 AM
https://www.alriyadh.com/media/thumb/19/9e/330_a4b1d0828b.jpg
سقى الله زمانٍ ياحمد كيف أنا بنساه
زمانٍ مضى ياحسرتي والعمر مرّه
رعى الله زمانٍ فات ألا ياهلِي عزّاه
على ذكريات الأمس يازين هالكَرّه
تذكرت وقت فات ياحسرتي ويلاه
على شوفة أطلالٍ غدت حيل منظرّه
أردد مع الورق الذي ناح وانوحاه
تكفكف عباير حسرتي شوفة الجرّه
أببكي وأببكي ما أبكي على ذكراه
تهز المشاعر شوفة الدار بالمرّه
حمد الدعيج (نديم كميت)
خيال مطير
11-04-2023, 09:53 PM
نبارك لكم دخول العشر الأواخر، ونسأله أن يجعلنا وإيّاكم من عتقائه من النار.
الجووهره
12-04-2023, 04:11 AM
علينا وعليكم خيآل
وعلى الجمييييع
آمين يآرب العآلمين
خيال مطير
20-04-2023, 02:51 AM
تطيب الأيام بقدوم عيد الفطر السعيد ونزف لكم باقة من الأمنيات ونسأل الله أن يعيد علينا وعليكم العيد بالأمن والإيمان
خيال مطير
21-04-2023, 06:26 AM
فرحت لك .. وأنا معاليقي حطام
والصدر .. من ما فيه بيّح كنينه
فرحة يتيم ٍ .. ليلة العيد ما نام !
خالاته , وخواله .. مواعدينه
مواعدينه بشت .. وشماغ بسّام
ويلّعبونه .. في ملاهي المدينه
مانام .. واحلامه تحّراه قدام
كنه يطول أحلامه ب ( راحتينه ) !
صبحه تجّلا نوره ب / عيد الاسلام
وقبل يروح المسجد : ملّبسينه
جده ما بين العين والجيم واللام
خلّيه يافلانه .. ولا تأخرينه !
تراقبه ب / عيونها .. حب وهيام
وعيونها .. ممّا تكنّه / حزينه
"يعرض لها الماضي مثل عرض الافلام "
ل .. ماضي ابوه وغلاه وحنينه
يرجيه ل ( سنين القسا ) درع وحزام
وجنب ٍ على صكات بقعا يعينه
ابو ثلاث أعوام .. والا 4 أعوام
يغار منه البدر .. من كثر زينه
صلّى وجاء وأمر الله اللي قضى تآم
ماهوب داري عنه .. زينه وشينه
بشته عليه .. مهندم ٍ خير هندام
واللي ب / عمره .. كلهم محترينه
يوم اطلعوا للشارع انقسموا أقسام
وأهم مافي القصه ؟ ملّعبينه
تداعب رموشه .. ذعاذيع الانسام
ويابردها .. يوم آيبست شفّتينه
وعلى تراب الأرض بأصبعه رسّام
أما رسم له طير .. والا سفينه
العيد طعمه كان في الشارع العّام
ماهوب عن رغباته .. مقيدينه
رجع ولكن فرحته ضايعه ( دام :
كل ٍ مشى ) وأخذ ولده ب / يمينه
صاروا خواله في نظر عينه اصنام
آحيوا ب .. داخله الجروح الدفينه
ولا عنده الا أمه وناب القهر سّام
جاها يبي منها اليدين الأمينه
شعوره اللي حس به مثل الإلهام
وأول سؤال في باله : أبوي وينه ؟
سؤال : لكن كان مثل النبا الهّام
لازال باقي في المسامع .. رنينه
جته تعدي , ماهو تخّطي بالاقدام
وشالته بيديها .. وحبّت جبينه
أبوك : جاء البارح وقبل الفجر قام
وشرى لك ألعاب , وهدايا ً ثمينه
تراه حبّك وأنت غارق في الاحلام
وراح ل .. دوامه , والشغل مرسلينه
لحظه .. وهو بين الحقايق والأوهام
والدمع الازرق حاير ف .. مقلتينه
يمّه : ترى مانمت والعالم نيام
ماجاء .. ولا لمست يديني / يدينه
مدام رقمه معك من بين الارقام
ب .. أكلمه , يوم إنك تكلمينه !
طاحت ما كن آلها من الصدمه عظام
ولاعاد فيها صبر .. ولا سكينه
قالت بدون شعور وإدراك وإلمام
أبوك ! في تراب القبر دافنينه
العام مات .. ومتّ من موته العام
وكني بعد مامات عني سجينه
أبوك جندي للوطن ضد الإجرام
عطاك عمره دون داره ودينه
تفجّرت من تحت رجلينه ألغام
ولاعاد لي بعده حصون ٍ حصينه
بكّت .. وطاح الدمع من حر الآلآم
وبكى وطاح الكون من موق عينه
كل ٍ عذلها .. بين عاتب ولوّام
تصّبري .. خلي ضلوعك متينه
ماهو صحيح ان الضروره لها احكام
اكبر خطاء يوم إنك تعلمينه
بكره تنسّيه الليالي والايام
هو فيه أحد ينسى حدا والدينه ؟
طير السعد في عالمه مابعد حام
والله يعلم وش تخبي سنينه
أنا كذا ! ساكت وصابر ومنضام
لكن كان الفرق بيني وبينه :
الدمع ل .. عيون الأرامل والايتام
ودمع الرجل ذل وهوان وغبينه !
لشاعرها مشعان البراق
من الارشيف
الجووهره
23-04-2023, 01:55 AM
عيدكم مبآرك آل روآسي
وكل عآم وأنتم بخير
وعسآكم من عوآده
عبدالله الدّنّيش
23-04-2023, 01:21 PM
السلام عليكم ورحمة الله وبركاته
تقبل الله صيامكم وعاد عيدكم
وكل عام وأنتم بخير وفي خير .
وتحياتنا تخص وتعم الجميع ،،
****^^^^****
مضى شهرنا المبروك بالخير والإنعام
وربي يجازي بالعفو كل من صامه
وضوّى هلال العيد ويبشّر الصوّام
ويحسب شهور العام والعمر وأيامه
وعسى عيدنا ينعاد في تالي الأعوام
وحنا بطًولة عُمر ونتورخ أعوامه
وأهني عموم الشعب بالعيد والحكام
وعسى الأمن والإيمان بالخير دوّامه
وهذي تحية راسية تسبق الأعلام
تعمّ الرواسي م السراوات وتهامه
طوتنا المغيبة والمعاذير ما تنلام
وتشفع لنا و النفس للعَود لوامه
بنادي الرواسي رنة الشعر والأنغام
ومعها ربيع العمر تتهيض أنسامه
تعوّد بنا الذكرى ليا سالف الأيام
وليل السهر والهجس تتوجد أحلامه
وتسري هواجسنا على نجد والدمام
وتحمل سحايب شوق بالعشق دمّامه
وفيها تهيض النفس بالشعر والإلهام
وبيت القصيد اللي نهوجس بمنظامه
****
وسلامتكم
ناصر الهواوي
23-04-2023, 10:00 PM
من العايدين بعد الزحمه وكل عام والجميع بخير وصحه وسلام
والله يقبل من الجميع صالح العمل
شاعرة نجد
24-04-2023, 12:47 PM
السلام عليكم ورحمة الله وبركاته
وكل عام وأنتم بخير
وتقبل الله طاعتكم واعاده علينا وعليكم بالامن والايمان
وصح لسانك يـ الدنيش,أبدعت وامتعت
وعودا حميدا للجميع
وسلمتم ودمتم,’’
شاعرة نجد
24-04-2023, 12:51 PM
https://www.littleflora.com/media/catalog/product/cache/c2bc74c8e9149e33f056714bab67e9dc/h/a/hand-bouquet-fresh-flowers-saudi-riyadh-jeddah-florist-birthday-zwarah.jpg
من ديرتي لـ دْياركم ليلة العيد
أرسلت قبل الصبح يطلع شعاعه
أسماا التهاني والفرح والزغاريد
مع بهجة العيد وجمال انطباعه
لـ اهْلْ الرواسي كلهم دون تحديد
معايده عـ الكون رغم اتساعه
باقه عليها عيدٍ سْعيد ويعيد
عـ الكل في أمن وسعاده وطاعه
الجووهره
25-04-2023, 04:06 AM
هلا بالجميع
شآعرنا الدنيش
شآعرنا الهواوي
شآعرتنا نجد
منووووووورين
ومن العآيدين والفآيزين ان شاء الله
وصحت الالسن ودآم الحضور والابدآع
ناصر الهواوي
25-04-2023, 10:10 PM
اهلا بالجميع وحيا الله شاعرتنا ومن العايدين
واهلا بخيالنا وعيدك مبارك
والهلا بجوهرتنا وعدتي العيد والنهار السعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
خامس العيد ليلة سادسه=تمضي بسرع واهلا بالجميع
هاجسي كن شيٍ رادسه=والقريحه بعد عيت تطيع
العيا لــ اعترض قافك دسه=بالقدم واهبد بخف البديع
فزة اللي بنابٍ نادسه=فز قلبي له وجاله قريع
اسمع نداه ما ادري حادسه=وين من يرقي القلب الوجيع
وبسس ههههههههههههههه
توقيع حضور فقط
عبدالله الدّنّيش
25-04-2023, 11:44 PM
https://www.littleflora.com/media/catalog/product/cache/c2bc74c8e9149e33f056714bab67e9dc/h/a/hand-bouquet-fresh-flowers-saudi-riyadh-jeddah-florist-birthday-zwarah.jpg
من ديرتي لـ دْياركم ليلة العيد
أرسلت قبل الصبح يطلع شعاعه
أسماا التهاني والفرح والزغاريد
مع بهجة العيد وجمال انطباعه
لـ اهْلْ الرواسي كلهم دون تحديد
معايده عـ الكون رغم اتساعه
باقه عليها عيدٍ سْعيد ويعيد
عـ الكل في أمن وسعاده وطاعه
@@@
صح لسانك شاعرتنا وكل عام وأنت والجميع بخير وعافية .
ويا مرحبا وأهلين مليار وأزيد = وعيدك مبارك كل عامٍ وساعه
مني ومن روس الرواسي الصناديد= ويعل تعفي من جبره إنقطاعه
وشكرا على الباقة وحلو الأواريد= كنا لمسنا الورد من يد راعه
ويارب عِدنا وأنت راع المواعيد = وصلاتنا تاصل نبي الشفاعه
^_^
ناصر الهواوي
26-04-2023, 12:08 PM
ارحب يا ابا عامر وصح لسانك
ــــــــــــــــــــــــــــــــــــــــــــــــــ ـــــــــــــــــــــــــــــــ
بعد هالبطا يا حارس السجن كانك فيه
تفقد جميع اقسامه وشب كهربته
ان قلت انت في خاطرك طاري طرا؟ قلت إيه
هجوسي سمع سجع الرواعيب واطربته
الاجواء رهيبه مير صدري عوى عاويه
نسناس الهبايب والرطوبه تشرّْبته
مابين الجنوب ومطلع الشمس وش مشقيه
ماعاد افتهم قصده ولا اعرف مقاربته
يادوب بعصا اعقل لابغى يدوي اصغيه
وبسيسية اصبر تتضح مدمي رقبته
ولها تتمه ههههههه
شاعرة نجد
26-04-2023, 11:40 PM
الهواوي,صح لسانك على هـ الدرر وصح بدنك
الدنيش,صح لسانك عـ المجاراة وصح بدنك
لاعدمنا ابدااعكم شعراؤنا المبدعين
جوهرتنا,الهلا والغلا بك وصح بدنك
وعاد عيدك وسلمتي ودمتي
تقديري,’’
شاعرة نجد
26-04-2023, 11:55 PM
مـ احلا نسيم الليل لامن سرى الليل
فـ المزرعه ياسعود والجو هادي
يطيب لي حلو السهر والتماثيل
تطيب لـ استرسلتها من فوادي
واعيش معها جو من غير تمثيل
هو حلم والا علم وش كان, عادي
واعيد واستعيد واحط واشيل
في عالم الذكرَى حدَى الفكر حادي
مدري مع اللي رااح والا المقابيل
والعمر يقضي والليالي جْدادي
وابليس من بعد رْمضان اسرج الخيل
مربوط لين اطْلِق سراحه وعادي
خَذْني وانا ماني بَحَقّ البهاذيل
قبله وانا انعم فوق ريش الوسادي
ناصر الهواوي
27-04-2023, 12:15 PM
ياسلام ياسلام
الابداع وبس صح لسانتس شاعرتنا رائعه جدا جدا هالابيات تعادل معلقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
ياقلب حتى الطيف صار يتغلى
ماعاد لو طولت نومي يجيني
الاصل قبل الضل غاب و تخلى
وانقص سلك الوصل بينه وبيني
ماكان خافي قبل بان وتجلى
واهتز ناقوس الجفا له دنيني
لعل ما وقت الوناسات ولى
وحل القسا من بعد رقه وليني
قد كان لعروش الخفوق يتعلى
ما بين الابهر جلسته والوتيني
يجوز من زود الغلى الترف ملا
وازعجته بمسحوبها والهجيني
ــــــــــــــــــــــــــــــــــــــــــــــــــ ــــــــــــــــــــــــــــــ
وبسسسسسسس ههههههههه
ناصر الهواوي
29-04-2023, 11:57 AM
يامغربل وش طرالك بعد هالترويشه
لا تزود دوشة النفسيه المنداشه
بكفتين العقل وخلافه تميل الريشه
وما نجح من هو يحاول ينعشه بنعاشه
هو قبل ماصار له مربك وعنده طيشه
وغرته يوم ايتمادا معه صملة جاشه
لين تل السلك من تله وطفى فيشه
ولا بقى الا شوشره في شوشره بالشاشه
كان لوهو يفتهم ذا يعني التهميشه
كان امير تسانده من قبل مهرة باشه
وبعد كل اللي جرى ياشينها من عيشه
يمسي ويصبح على ذكرى زمانٍ عاشه
الجووهره
29-04-2023, 08:54 PM
يسعد مسآكم وكل أوقآتكم
وصحت الالسن على المجاريات الرآئعه
والابيآت الجميله ودآم الحضور الجميل والابدآع
ناصر الهواوي
30-04-2023, 12:09 PM
اهلا يالجوهره وصح بدنك ولا هنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
تركت أثر عن قول من مر ما جيت
لعل من هو مر بعدي يشوفه
تواجد افضل من لعله وياليت
وعن قول هذا غاب وش كان نوفه
والتكلفه انتر وشفته وكم بيت
لو ما تجاوز كم دسته حروفه
على ايسري من ما طرالي تراكيت
والفكر طفقات الطواري ضيوفه
والهجس هندس بالمثايل وغنيت
بما فات في بعض المواقف حسوفه
الجووهره
30-04-2023, 05:39 PM
هلا بك زود شآعرنا
وصح لسآنك
ويسعدمسآكم جميعا
وأقول لكم
ﺑﻌﺾ ﺍلبشر ﻳﻔﺮﺽ ﻋﻠﻴك ﺍﻟﻐﻼ ﻓﺮﺽ
ﻣﺜﻞ ﺍﻟـﺬﻫـﺐ ﻓﻲ كل ﺍلأﺣـﻮﺍﻝ ﻏـﺎﻟﻲ
ﻳﻤﺸﻲ ﻏﻼﻩ ﺑﺪاخلك ﻃﻮﻝ ﻓﻲ ﻋﺮﺽ
ﻗــﺪﺭﻩ گﺒﻴﺮ ﻭتاج عـ الراس عالي
الجووهره
30-04-2023, 05:43 PM
لا ضاق صدرك من غرابيل دنياك !
ناج العظيم مكوّن الكون ناجـــــه
وإعرف ترى علم الفرج عند مولاك
بأمره تهون وتنقضي كل حاجــــه !
….
لا تشتكي للناس مهما تألمت
الناس ماتدري عن القلب وش فيه
حفظت درس من الزمان وتعلمت
محد يحس بالجرح غير رآعيه ..
….
ابتسم حتى لو تقسى الظروف
من سحاب الكون ما ضاقت سما
كم كفيف قلبه المبصر يشوف
وكم بصير قلبه الميت عما.
ناصر الهواوي
30-04-2023, 09:36 PM
تسلمين يالجوهره وهلابك وبالتسالي الرائعه والحضور الاروع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
القريحه دايخه والهجس عمس ودايخ
والسجن لولا جواهر مرته به دوخه
كل ما اكتب بيت اشوف الشطر الاول بايخ
ومفردات الشطر الاخر شكلها مشروخه
والخفير من الاحد والسبت شكله شايخ
بدل بداله وطربوشه ويبغى جوخه
خيال مطير
01-05-2023, 01:11 AM
البحر ذا الهائج اللي تهدر أمواجه
مثلي وش أدراه عن جزره وعن مده
سرّاي والعمر ليل مطفي سراجه
لين التعب شل فكري والجسد هدّه
تدري وش اللي هلحين محتاجه
محتاج لي بس أي فراش ومخدة
الغير وينه يا جدّة ما بقى حاجه
الغير حزني وحزني غير يا جدة
الشاعر محمد الدحيمي شاعر المليوون
هذا الشاعر يعاني من الجلطه وتليف ؛ وفشل كلوي الله يشفيه
واشتهر في قصيدة تكفى ترى تكفى تهز الرياجيل
ناصر الهواوي
01-05-2023, 12:20 PM
ارحب يالخيال وبتساليك
ــــــــــــــــــــــــــــــــــــــــــــــــــ ــــــــــــ
افعال الرجا لعله وياعساه وليت
في حقل الاماني كلها ما بها نفعه
ادلجت امتطي صهواتها لين انا مليت
وتلقيت من مردودها صفعه وصفعه
نعم ما اقدر اشرح بالتفاصيل كيت وكيت
تلعثم لساني والجفون انحشت دمعه
صدوق الطواري منطقه ليتني ما جيت
مجيي يكدر خاطرك طيب السمعه
وانا اقول لو ماجبت لك بالشماغ اوميت
لكن المجي يصير من جمعه الــ جمعه
وبس هههههههههههه
ناصر الهواوي
03-05-2023, 11:42 AM
يالله بصبحٍ دالهٍ خاطري فيه
رايق مزاج بلا هموم وطواري
ما احس به مانيب للناس اوريه
ومالا تبين ما احدٍ عنه داري
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
طوَّل وقوفه وطال الانتظار وطق بي جول
طج التوانك ابا آخذ مع صحاري نجد جوله
الفكر ما هو كما سجن الرواسي/دوم ماهول
تحتل راسي مساه وصبحه افواجٍ مهوله
يقال قل ما تود وقلت من يسمع؟ وانا اقول
لغير من لا يحقق رغبتي ما احب اقوله
لو قال لي قل شرحت المسأله بالعرض والطول
وانا ادري انه محال اللي تناوشته ما اطوله
وقررت اسجل جميع اللي جرى لي بسم مجهول
وآخذ على هالمغربل مع فيافي نجد جوله
مادام يطريه لي بالمدن شوف السجن والمول
ما عاد ابي شوفة اصفر ديرة الغالي وموله
ناصر الهواوي
04-05-2023, 12:22 PM
بالصبح تسمع للعصافير لجه
وايام ما اسمع للرواعب هنا صوت
ولا عاد للمحتج مقبول حجه
صدر الرجا من طعنة الياس منحوت
ما اشوف شي الا وينذر بدجه
حتى قبال السجن شاحب ومبهوت
بالفكر سوهاجه وبالهجس رجه
طرقه تمازج مع طواريق بخوت
رمح الجفا صدر المعنى يخجه
وينشات عن جفنه لذيذ الكرى شوت
بلا قصد يمة دار هند يتوجه
مثل الدرون يحركونه بريموت
شاعرة نجد
04-05-2023, 01:16 PM
السلام عليكم وياسلام عليكم ههه
صح لسانك يـ الهواوي وصح بدنك
وتسلم على هـ الرواائع الممتعه والابدااع
وصح بدنك جوهرتنا
ولاعدمنا تواجد الجميع
وسلمتم ودمتم,’’
شاعرة نجد
04-05-2023, 01:24 PM
https://64.media.tumblr.com/b47d9ac9aa08faa17d6c093c1c67db90/tumblr_o332lxQju91v901ero1_400.gif
روحي وطن مساحته مالها حد
لكن يضيق الى تعدّا حْدوده
والمزح له حزه وحزاات للجد
وكلٍ يعيش بْراحته حَسْب موده
وان جارت ظروفي قويه وُلِي سد
وعقلي على قلبي مْوثّق قيوده
حياتنا كـ الموج والجزر والمد
والبَحْر هايج والهبايب تزوده
بس أتمنى وكم تمنيت واعد
طول الليال السود عله وكوده
يجي على كيفي زماني واغرد
في روعة اجوائي بفضله وجوده,
ناصر الهواوي
05-05-2023, 10:43 PM
هلا بك شاعرتنا وصح الله لسانك على الدره الكايفه النايفه وهذا ديدنك
وتواجدك وتواجد ربعنا بالنسبه لي
مثل ناس لقو ميت من العطش ويمرون وينقطون بحلقه ماء حتى لا يموت ولكن ما يذهب عطشه هههههههه
لي عوده ان شاء الله
شاعرة نجد
06-05-2023, 12:46 AM
الـ هلابك شاعرنا
وصح بدنك
وش هـ المثل يـ الهواوي ياقوه قواه هههه
( ولكن ما يذهب عطشه هههه)
يعني ميت ميت هههه
بصرااحه مقصرين كلنا ماعدا أنت دام تواجدك وابدااعك
واعتذر عقب هـ المثل عشان مايشملني
عـ الغياب هـ الاسبوع بـ اروح نجد اشوفها بعد هـ الامطار اللي جتها والسيول
الله يزيدها من فضله
وسلمتم ودمتم,’’
ناصر الهواوي
06-05-2023, 11:57 AM
هههههههههه
هلابتس شاعرتنا وستسعد نجد بشاعرتها بدون شك
وتقول.............
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ان جات نجد لنجد مع ما زهى نجد
من فضل خالقها سيول وربيعي
تبي الحمايم بالعصافير تستجد
ويسمع لهن في كل روضه سجيعي
وديانها تبجد نقا نفدها بجد
يضيق عن ماه الشعيب ويضيعي
بفياضها يهتاظ من يشكي الوجد
يشري بميدان الحنين ويبيعي
هجسه يمده بالقوافي ولا يجد
الشوق شقه في فواده وسيعي
يون ونة من فقد قمة المجد
يغيَّب بفكره شوي ويريعي
اما يصبَح صبح والا انهجد هجد
لخافقه بين الحنايا قريعي
ناصر الهواوي
07-05-2023, 10:55 AM
بالصوره اقفي مع هالامواج وارد
واكيد لي معهن الى الرمل عوده
لمجاريات القاف ما كان لي بد
نحاه غير وجودته غير جوده
لكن وحيد ولامعه بالخلا حد
وفرح بصوتٍ جابه الفجر نوده
لمصدره يصغي عساه يتوكد
ولا كان في ساحه ولا في حدوده
الا معه ما كان دارس تجدد
عاده مع جزال القوافي تذوده
لواهي جدار الصبر مال وتسند
سرح خياله والطواري تروده
ناصر الهواوي
08-05-2023, 11:26 AM
عن الهجس هجت مفرداته ولاله جات
هجيج البراد احس في حموة الكنه
صحيح انه بنمنماته يجيب ابيات
لا يشبه لقافه قبل مده ولا كنه
يلقى من عليه يدقق بمجهره هنات
ما ينلام وظروس الطواري يلوكنه
ياطيبه يكافح رغم ما صار له ما مات
يخفي ما يكابد من غثى الوقت ويكنه
ناصر الهواوي
10-05-2023, 12:07 PM
ماجيت قسم الا وانا آخر من قفل بابه وراح
الا العذب في قسم(سجل بيت)له وسم بعدي
الله يزيد ابداع لـ بداعه وللصدر انشراح
ما ادري لكن المفرده للعذب تاتيه تعدي
تقديم والا يا هجوسي قل ترا ما راح راح
لاتنتظر ما فات عش يومك بيومه تسعدي
ان غنت الورقا طرب وان جرت الورقا النواح
(اضحك بكلتا الحالتين)إحد الحزن عنِّك حدي
وبس ههههههههه
خيال مطير
15-05-2023, 06:05 PM
ومن المحاورات الجديدة والمشوقة التي جرت مؤخراً لشاعرنا حبيب العازمي مع الشاعر سلطان الهاجري هذه المحاورة الرائعة والتي بدأها العازمي بقوله:
هلا يا مرحبا يالهاجري واطلع على المرقاب
ومد الشوف وأتشوف الجمال الحمر في الوادي
ولا تنشد ليا ضاعت جمال حمر عوج ارقاب
ترى مالك جمل غادي وأنا مالي جمل غادي
الهاجري:
يدوم لك البقا والعلم بين الدقن والاشناب
لكن البس ولبسني ثياب بيض وجدادي
نجوم الليل لا حبيب حسبناها بدون حساب
وعدينا السنة بشهورها هجري وميلادي
العازمي:
تبا تلبس ثياب العيد وأتكبرعلى المحراب
وأنا وياك فيما فات نحضر كل الاعيادي
دخلت القبة الخضرا ولا تقفل عليك الباب
وأنا أوحيت المنادي.. والمنادي دونه منادي
الهاجري:
تحياتي على الحضار وأشواقي على الغياب
مثل مستور ابن تركي وصياف ابن عوادي
يا سواق السفينه سرها وأحذر على الركاب
ترى موج البحر لاهاج يغرق عفش الأجوادي
العازمي:
أبو زيد الهلالي يعلم أن الرمح رمح ذياب
ولا يقض الطلب هرجه على دله وبرادي
سفينة نواح مأمونه من التفجير والإرهاب
ولو كان البحر موجه يدف السيف من غادي
الهاجري:
حقوق الطبع محفوظه عن الدجال والنصاب
وهداف البطوله ياخذ الخبرة من النادي
ألا ياللي بنيت البيت بالعمدان والأطناب
ما يربطنا معك يا كود حق الملح والزادي
العازمي:
أبو خدن من المكياج يوضي كنها المشهاب
يماري بالذلول اللي بليا خرج واشدادي
وأنا واللّه ما حب الزخرفه والمظهر الكذاب
أجيب الرأي من رأسي وأشب النار بزنادي
الهاجري:
عليه اللّه وأكبر بالعصا والرمح والمشعاب
ونار الحق مشبوبه ونور الصبح منقادي
يقولون العرب ما تحمي الميسم بدون أسباب
وأنا ماني براعي صدفةٍ من دون ميعادي
ناصر الهواوي
16-05-2023, 11:49 AM
هلابك يالخيال وبماجبت وصح لسان العازمي والهاجري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
هجس الشعر يا دوبه يسحِّب خطاه
ويكع في مشيه وادفه واكزه
مشي العمى ما تحت الاقدام ياطاه
كف بصره من قهر من بعد عزه
من ينتظر شوفه برجعه تباطاه
ولا عاد للدنيا بلياه مزه
اجمل ورود يشوفها مثل الارطاه
ولا يعجبه من مر لو كان رزه
شاعرة نجد
16-05-2023, 01:23 PM
السلام عليكم ورحمة الله
واسعد الله اوقاتكم وطاب مساؤكم بكل خير
وصح لسانك شاعرنا الهواوي
ولاهنت على هـ الابدااع والامتااع
وصحت ذائقتك مستشارنا
وسلمتم ودمتم,’’
شاعرة نجد
16-05-2023, 01:40 PM
من ماقلت في نجد العذيه
سبحان من لَبّسْك نجد العريضه
ثوبٍ خضاره ريحته تقعد الراس
جيت اتمشَّى في فيافي وفيضه
ينعش هواها كل ماهب نسناس
والغيم برقه شاق عيني وميضه
هيض شياطين القريحه والاحساس
وانا قبل لاسالمه لامريضه
بس اتحلاّ واتسلا مع الناس
يلعبّي الهاجوس برده وقيضه
واثّر على حالي ولو قلت لاباس,
شاعرة نجد
16-05-2023, 01:47 PM
هههههههههه
هلابتس شاعرتنا وستسعد نجد بشاعرتها بدون شك
وتقول.............
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ان جات نجد لنجد مع ما زهى نجد
من فضل خالقها سيول وربيعي
تبي الحمايم بالعصافير تستجد
ويسمع لهن في كل روضه سجيعي
وديانها تبجد نقا نفدها بجد
يضيق عن ماه الشعيب ويضيعي
بفياضها يهتاظ من يشكي الوجد
يشري بميدان الحنين ويبيعي
هجسه يمده بالقوافي ولا يجد
الشوق شقه في فواده وسيعي
يون ونة من فقد قمة المجد
يغيَّب بفكره شوي ويريعي
اما يصبَح صبح والا انهجد هجد
لخافقه بين الحنايا قريعي
الله يسعدك شاعرنا ويطول بعمرك
ويديم ابدااعك المميز
ويصح لسانك ملياااار على هـ الدرهـ
شكري وتقديري,’’
ناصر الهواوي
16-05-2023, 10:01 PM
هلابتس شاعرتنا وصح الله لسانتس وبدنتس ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
قيفان نجد الهجس دايم تهيضه
صحح مسار القافيه بعد ما انحاس
وهي هاظها برق الخيال ونفيضه
وبشعورها نبت الربى حرك احساس
مرباع نجد اللي يفوته غميضه
نبته علاج نفوس ومجلي عماس
معه الشعر يسمع ويعجب قريضه
بعد انتضم سلكه بلولو مع الماس
ناصر الهواوي
17-05-2023, 11:56 AM
بـ اقول لكن ما اعرف ويش باقول
يالهجس كان انت تعرف ويش قل لي
امسيت فكري بالهواجيس مرحول
واشناه بس اصبحت مرحول كلي
مفهوم شي وشي مبهم ومجهول
ارمع ورده كل رمعه بــ (هللي!!)
سبب صداعٍ ما امتثل للبنادول
وتقمص ثياب البطول المولي
ناصر الهواوي
18-05-2023, 12:21 PM
اثر قاف القصيد ليا عطا دوٍ خلا ينحاس
يحير قايله ما يفتهم قصده ومضمونه
يجامله المجامِل لجل ما تزرا عليه الناس
عن اللايم يلوم ولا يبا الشانين يشنونه
بعدها ياهجوسي بالكفوف اضرب على المرواس
وشل ياليل دان وخل من حولك يغنونه
لعله يطرد الضيقه عن الخاطر ويجلى الباس
وراس الاصبع المظلوم ما ينعض بسنونه
شاعرة نجد
20-05-2023, 12:26 AM
السلام عليكم
والـ هلابك يـ الهواوي وصح بدنك
وصح لسانك على هـ المجاراة الجزله والابداع
والدرر الممتعه
وسلمت ودمت,’’
شاعرة نجد
20-05-2023, 12:34 AM
اثر قاف القصيد ليا عطا دوٍ خلا ينحاس
يحير قايله ما يفتهم قصده ومضمونه
يجامله المجامِل لجل ما تزرا عليه الناس
عن اللايم يلوم ولا يبا الشانين يشنونه
بعدها ياهجوسي بالكفوف اضرب على المرواس
وشل ياليل دان وخل من حولك يغنونه
لعله يطرد الضيقه عن الخاطر ويجلى الباس
وراس الاصبع المظلوم ما ينعض بسنونه
أعجبتني هـ الابيات رووعه رووعه
صح لسانك شاعرنا
^
^
طرب مدري عجب مدري مشاعر شاعره واحساس
تحرك والهوا لاهب هز الشوق وغصونه
حروف مْن الذهب مدري اللآلىء مدري الألماس
قريت ومادريت الا بقافي تلعب جنونه
يجيبه موج بَحْر وعذب شعرْ ولفحة النسناس
وهجسٍ لاسرابي ماقصر مسراي من دونه
نجوم الليل انا بـ اسهر معك واكتب على القرطاس
واوسع خاطري من خافقٍ ما باح مكنونه
ناصر الهواوي
20-05-2023, 12:21 PM
هلا يامرحبا ماهز هندي مع كلامه راس
ليا جابوه مع دربٍ الى دلهي يودونه
لمروية الذوائق مترعة من هالبديع الكاس
ليا قيل الذهب مٍن مَن قالوا ذيك دندونه
ليا داعب جفون الهجس من بعض الظروف نعاس
وغنت شاعرتنا قاف طير غفوة جفونه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
وتستاهل شاعرتنا اكثرمن ذلك بون مجامله
ناصر الهواوي
20-05-2023, 09:16 PM
الفكر سرت ليله اعتى طواريه
وهو لو يمر اردى طواريه ساري
ولا قلت له لا وين؟ والا بعد ليه؟
عن ما ازعجه واجزاه انا كنت داري
وهجس الشعر شاف وطرا له يخاويه
وسرت معه كل المشاعر تباري
ما القى عصاه الا وهو في حراويه
لدارٍ بها يسكن تبين مواري
فيها غريب ووده ليا اصبح ايجيه
عميت عليه وهو مفتح وقاري
ــــــــــــــــــــــــــــــــــــــــــــــــــ ــــــــــــــــــــــــــــــــــ
وبس اللي وده يكملها يفعل هههههههههه
شاعرة نجد
23-05-2023, 10:41 PM
تستاهل الطيب ياشاعرنا ومسااك الله والجميع بـ الخير
بعض من ماعندك طال عمرك
وصح لسانك
ولاهنت على هـ الابداع والامتاع
وسلمت ودمت,’’
شاعرة نجد
23-05-2023, 10:57 PM
ياليل ماجت لي على الكيف ياليل
ومن طاع نفسه دمّرَتْه بْهواها
لـ عْقولنا بحياتنا سطوةٍ حيل
تضرب على الرغبه وتلعن ثواها
ماعندها للروح لو شي تمثيل
والعاطفه تِضعف وتتلف قواها
بعض العقول, وبَعْضها يسر وحليل
تنعم وتحلم من ورى مستواها
هنيّها ماحسّبت للمقابيل
تشرب من كْفوف الملذّه دواها
ناصر الهواوي
25-05-2023, 11:22 AM
ياللروعه صح لسانتس ابدعتي وامتعتي ولاهنتي شاعرتنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
جيتك وانا ما كنت عنك امتغيِّب
اقصدك يا سجن التسالي والابداع
لو رحت لي يومين عندك قريب
وغيري غيابه شهر وايام وسياع
حبيب انا لك وانت عندي حبيِّب
لكن واحدنا غدا اسداس وارباع
وقاف الغزل لا رِحِم عيا يشيب
وازجر هجوسي عنه لاشك ما طاع
والظن يكذب والاماني تخيب
ما غلي سعر شراه بالرخص لك باع
ما كان قبل اللي تجدد كذيب
لكن سدر مخه على صوت قرقاع
شاعرة نجد
26-05-2023, 12:03 AM
صح بدنك شاعرنا
وصح لسانك على هـ الابيات
ماقريتها الا بعد ماكتبت عن الرواسي ابيات مختلفه معنى ومبنى
وبعدها مـ اتوقع توافقني الرأي:smile:
شاعرة نجد
26-05-2023, 12:11 AM
^
^
أبيات بين الحقيقه والفكاهه:smile:
والعذر والسموحه من معازيبنا,يشهد الله عزيزه علي الرواسي
وانا عضوه قديمه فيه...
يـ ناصر ابن عْبيد حال الرواسي
مـ عاد شجّعني على حضرتي فيه
يرثَى لحاله عقب ذيك الاماسي
اللي من الابدااع طابت لياليه
مابين راسيّه ومابين راسي
هذي تسلينا وهذا نسليه
لْحزة تواجدهم نجيه بْحماسي
وكلٍ يشارك من جديده وماضيه
واليوم باقي فيه راسك وراسي
ومازلت بـ الابدااع تنعش وتحييه
والعالم الله منتهي وش تْواسي
خلاص وش رايك نروح ونَخَليه؟
عبدالله الدّنّيش
26-05-2023, 03:17 AM
السلام عليكم ورحمة الله وبركاته
وأسعد الله صباحكم بكل خير وسرور وعافية .
وماشاء الله عليكم وصحت السنتكم
مرور متأخر وسامحونا !!
صح لسانك ابو عبيد وصح لسانك شاعرتنا .. ولي تعليق .....
آلاحظ غياب غيري .. خيال والجوهرة ورحيل .. والآخرين الأكارم .
عساهم سالمين وغانمين .. ودمتم طيبين ،،
عبدالله الدّنّيش
26-05-2023, 03:22 AM
ياللروعه صح لسانتس ابدعتي وامتعتي ولاهنتي شاعرتنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
جيتك وانا ما كنت عنك امتغيِّب
اقصدك يا سجن التسالي والابداع
لو رحت لي يومين عندك قريب
وغيري غيابه شهر وايام وسياع
حبيب انا لك وانت عندي حبيِّب
لكن واحدنا غدا اسداس وارباع
وقاف الغزل لا رِحِم عيا يشيب
وازجر هجوسي عنه لاشك ما طاع
والظن يكذب والاماني تخيب
ما غلي سعر شراه بالرخص لك باع
ما كان قبل اللي تجدد كذيب
لكن سدر مخه على صوت قرقاع
&&&&
^-^
لا حامت الغيمة عزومي تهيّب = وأنظر مناشيها على كل الأصقاع
شعلة بوارقها تصيب وتذيّب = القلب يرجف والصواعق بالأسماع
والغيمة اللي صبت النوّ صيّب = يا علها تسقي العذية والأرياع
سحابها مردوف بِكري وثيّب = والبرق والراعد يدوّي على القاع
ترزم بطرقٍ كنها إلا ( حبيّب ) = وصوت البرد يعزف على طبل وإيقاع
وعساك يالصاحب بصحة وطيّب = شعرك ونجد الشاعرة عذب وإمتاع
^_^
عبدالله الدّنّيش
26-05-2023, 03:25 AM
^
^
أبيات بين الحقيقه والفكاهه:smile:
والعذر والسموحه من معازيبنا,يشهد الله عزيزه علي الرواسي
وانا عضوه قديمه فيه...
يـ ناصر ابن عْبيد حال الرواسي
مـ عاد شجّعني على حضرتي فيه
يرثَى لحاله عقب ذيك الاماسي
اللي من الابدااع طابت لياليه
مابين راسيّه ومابين راسي
هذي تسلينا وهذا نسليه
لْحزة تواجدهم نجيه بْحماسي
وكلٍ يشارك من جديده وماضيه
واليوم باقي فيه راسك وراسي
ومازلت بـ الابدااع تنعش وتحييه
والعالم الله منتهي وش تْواسي
خلاص وش رايك نروح ونَخَليه؟
^-^
بعد إذنكم بالرد والصوت قاسي = وهذا الصدى يجهر ويظهر خوافيه
صحيح غبنا وأحتوانا النعاسي = لكن حلوم اليقظ والنوم تنفيه
صوت الفراق أقسى من أقسى القواسي = ولمّ الحبايب دوم رأفة وترفيه
أرواح عاشت كنها ع الكراسي = متقاربة .. والنت طابت مساعيه
وان غبت يا رأسي فلا أنته بناسي = ياكم طربت وكم لشعره تجاريه
وابو عبيد الساس له والسياسي = ونادي الرواسي ما يفرّط بطاريه
^-^
وسلامتكم وتصبحون على خير ،،،
ناصر الهواوي
26-05-2023, 02:02 PM
اهلا بشاعرتنا وصح الله لسانك وبدنك
وهلا بك يابو عامروصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
واقع لكن صادم ومحبط وقاسي
لله حنا دايم ونرجع ايليه
قاف ومهول وصدق طير نعاسي
ابيه مبنى بس معناه ما ابيه
اللابتب اهتز واهتز راسي
جاه ارتخاء ما ثبتنه علابيه
اجهل بكم واراكم اعز ناسي
لما ترون اقول حاضر ولبيه
باقي هنا ما شقتوا طويق راسي
ومسامحين ولا الحق احدٍ مشاريه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
ـاذا قررتم شي سامحوني
شاعرة نجد
27-05-2023, 12:35 AM
عليكم السلام شاعرنا الدنيش
وصح بدنك وصح لسانك على هـ المجاريات الممتعه
والابدااع
وعودا حميدا,’’
شاعرة نجد
27-05-2023, 12:41 AM
اللابتب اهتز واهتز راسي
جاه ارتخاء ما ثبتنه علابيه
رووعه يـ الهواوي,خلاص مابعد هـ البيت شي:smile::smile:
صح بدنك وصح لسانك
وتستاهل الرواسي الوفاء من الوافين والمبدعين
والله يرد الغائبين سالمات وسالمين
وسلمت ودمت,’’
شاعرة نجد
27-05-2023, 01:03 AM
https://modo3.com/thumbs/fit192x110/15346/1637531254/%D8%A7%D9%84%D8%AD%D9%85%D8%A7%D9%85_%D9%88%D8%A3% D9%86%D9%88%D8%A7%D8%B9%D9%87.jpg
يـ حمامه ماطلبتك لاتجينِي ياحمامه؟
وابعدي تكفين لاتدنين من حول الدريشه
والله ان سجعك يتل القلب ويهيّج غرامه
والمشاعر تنتفض والشوق يغزيني بجيشه
مرجهنّه,مطمئنه,ناسيَه حتى كلامه
ناسيه مزحه وجده ناسيه وده وطيشه
يوم غنيتي خذيتيني برقّه وانسجامه
فوق ذاك الغيم كن الطير شايلني بريشه
جفن عيني ياحمامه هاجسي كدر منامه
واصطفق موجي وشرقني وغرقني نطيشه
ناصر الهواوي
27-05-2023, 11:44 AM
ما انهمر وبل المطر من رحمة الله من غمامه
وما نبت في هــ السنه من حايل إلـ شعبان بيشه
ما يكفي شكر لو ضفنا معه نبت اليمامه
لشاعرتنا جعلها باسعد بخت وافضل معيشه
فالها التوفيق في حال السفر واثنا الاقامه
لجل ما تشنا الحمامه لو لعت عند الدريشه
هجسها يضفي على قيفانه العذبه وسامه
بماء الذهب في لوحة المرمر تخط براس ريشه
ذا جزاء من عافها النقد وتعدتها الملامه
يوم ما قالت بلشنا فيه ويجوز ءتهميشه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ههههههههههههههههه
ناصر الهواوي
27-05-2023, 11:48 AM
خيالنا ما شيف والجوهره وين
وغابت رحيل ولا بدا صوت ناقد
الجووهره
28-05-2023, 03:40 AM
السلام عليكم
وهلا بالجمييع
شاعرنا الهواوي
شاعرنا الدنيش
شاعرتنا نجد
صحت الالسن ودام الحضور الجميل والابداع
والمعذره على الغياااب
ومهما طال الغياب
يردنا الشوق للأحباب
الجووهره
28-05-2023, 04:44 AM
مافيه مثل العافيه ستر وغناة
ان جات للمسلم ،، تراها كافية
كم واحد يطلب ملذات الحياة
واذا مرض مايطلب الا العافية
الله يمتعكم بالصحه والعافييه
ويحفظكم
ناصر الهواوي
28-05-2023, 06:55 AM
عليكم السلام يالجوهره وعودا حميدا وصح بدنتس
الابيات مقلقه عسى مابتس باس ان شاء الله
الجووهره
28-05-2023, 05:02 PM
هلا بك شآعرناا
الحمدلله انا بخير وعافيه
لكن اختي الثانيه غير
الاولى اللي كانت مريضه
والحمدلله الاولى تحسنت الان
الثانيه اصابها السرطان
الله يشفيها ويعافيها ويلطف بحالها
ومرضى المسلمين
والحمدلله على كل حال
دعواتكم لها بالشفاء
ناصر الهواوي
29-05-2023, 10:32 AM
لاحول ولا قوة الا بالله
الله يشفيها ويلطف بها ويجمع لها بين الاجر والعافيه
خيال مطير
29-05-2023, 01:48 PM
هلا بك شآعرناا
الحمدلله انا بخير وعافيه
لكن اختي الثانيه غير
الاولى اللي كانت مريضه
والحمدلله الاولى تحسنت الان
الثانيه اصابها السرطان
الله يشفيها ويعافيها ويلطف بحالها
ومرضى المسلمين
والحمدلله على كل حال
دعواتكم لها بالشفاء
هذا امر الله عليكم بالقران الشافي بعد الله
الله يشفيها ويعافيها
اللهُمّ اشفِ مرضى السرطان وطهّر أجسادهم وهوّن عليهم علاجهم
الجووهره
30-05-2023, 02:36 AM
لاحول ولا قوة الا بالله
الله يشفيها ويلطف بها ويجمع لها بين الاجر والعافيه
اللهم آميين
جزآك الله خير شاعرناا
الله يسعدك ويحفظ لك أحبآبك
الجووهره
30-05-2023, 02:39 AM
هذا امر الله عليكم بالقران الشافي بعد الله
الله يشفيها ويعافيها
اللهُمّ اشفِ مرضى السرطان وطهّر أجسادهم وهوّن عليهم علاجهم
الحمدلله على كل حال
وهي مداومه على سورة البقره والقرآن
اللهم آمين
الله يجزاك خير خيآل
ويسعدك ويحفظ لك أحبابك
الجووهره
30-05-2023, 02:39 AM
ياليل يامـرفـى الخواطر والاسـرار
يارحلـةٍ بين الـصخـب والسكينـه
يامـا عليك ابديت مكنون الاشعـار
واعـذب تنـاهيـد الخيال وحنينه
اهديت لك من عطر الاشواق تذكار
واهـديـتنـي حـلـمٍ طـونـه سنينـه
ياليـل في صمتك تعلمت الابـحار
علمتني عـزف البـحـور الـحـزينـه
ناصر الهواوي
30-05-2023, 07:20 AM
اهلا يالجوهره وصح نقلك
اطربتني هـ الابيات واعجبتني صح لسان قايله
وكملتها هههههه
ــــــــــــــــــــــــــــــــــــــــــــــــــ ــــــــــــــــــــــــــ
يالليل بتّْ ارقب نجومك والاقمار
وبين الرهاف يجر قلبي حنينه
تعيد له ذكرى الغرابيل ماصار
بلحظه من الطايف توديه لينه
يجاحد اوجاعه ووده بــ الانكار
عند جلساه ويفضحه دمع عينه
وبس
الجووهره
30-05-2023, 02:23 PM
هلا بك زود شآعرنااا
صح بدنك نيابة عن شآعرهاا
الشاعر عآيد بن ضلعآن
أبدعت في إكمال الأبيآت
صح لسااااانك
ويعطيييك العااافيه
ناصر الهواوي
31-05-2023, 11:50 AM
مع روعة الجو يشجي هاجسي صوت العصافير
وش عاد يحصل معه لو هو سمع شدو الحمامه
سجع الرواعيب اغاني والطيور يقال تصفير
من كثر ما اصغي لصوت الطير صرت افهم كلامه
لــ اقفت هموم بفكري قلت لعله مسافير
وليا لفت مقبلات اقول يارب السلامه
شاعرة نجد
01-06-2023, 12:32 AM
السلام عليكم ورحمة الله
وعودا حميدا جوهرتنا وصح بدنك
والله يشفي اختك ويفرحكم بعافيتها
طهور وذنب مغفور ان شاء الله
والله يصح لسانك شاعرنا
ودام ابداعك وحضورك الفاخر
وسلمتم ودمتم,’’
شاعرة نجد
01-06-2023, 12:40 AM
ما انهمر وبل المطر من رحمة الله من غمامه
وما نبت في هــ السنه من حايل إلـ شعبان بيشه
ما يكفي شكر لو ضفنا معه نبت اليمامه
لشاعرتنا جعلها باسعد بخت وافضل معيشه
فالها التوفيق في حال السفر واثنا الاقامه
لجل ما تشنا الحمامه لو لعت عند الدريشه
هجسها يضفي على قيفانه العذبه وسامه
بماء الذهب في لوحة المرمر تخط براس ريشه
ذا جزاء من عافها النقد وتعدتها الملامه
يوم ما قالت بلشنا فيه ويجوز ءتهميشه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ههههههههههههههههه
يوم ما قالت بلشنا فيه ويجوز ءتهميشه
لاوالله مايجوز تهميشه...
والشكر والتقدير لك شاعرنا
وصح لسانك على هـ المجاراة الكايفه النايفه
ولاعدمنا ابداعك ومجارياتك
تقديري,’’
شاعرة نجد
01-06-2023, 01:01 AM
يثير الجروح الشّعْر ويجيب مافي الجيب
وانا غايتي مافات مات وتناسيته
مع اني قسم بالله ماجيت درب العيب
لو القاف من عذب المواويل غنيته
ولو الاحي الورقاا على غصنها وتجيب
خفَى الروح لو مسموح اجيبه وعديته
أقاوم وانا مدري وش العلم وش فـ الغيب
قسى الوقت قاسي بس اقاسي وقاسيته
عبدالله الدّنّيش
01-06-2023, 02:52 AM
السلام عليكم وصبحكم الله بالخير مع هذي الفجرية ..
والحمد لله على عودة عزيزتنا الجوهرة وسلامتها .. ونسأل الله تعالى
أن يشفي مرضاكم وجميع مرضى المسلمين .. ويثبتكم بالصبر وأعانكم الله .
&
ويا هلاا بالمستشار خيال مطير .. وعسى علومكم غانمة .
&
وصح لسانك شاعرنا ابو عبيد وشاعرتنا نجد .. إبداع كالعادة وحضور سعادة ..
^
مقيم هذه الأيام في ديارنا والحمد لله أجواء ربيعية وأمطار وخير من رب العباد .
وسلامتكم ،،،
عبدالله الدّنّيش
01-06-2023, 02:56 AM
مع روعة الجو يشجي هاجسي صوت العصافير
وش عاد يحصل معه لو هو سمع شدو الحمامه
سجع الرواعيب اغاني والطيور يقال تصفير
من كثر ما اصغي لصوت الطير صرت افهم كلامه
لــ اقفت هموم بفكري قلت لعله مسافير
وليا لفت مقبلات اقول يارب السلامه
&&
يا سلام وصح لسانك ابو عبيد
^
جو الربيع المطير أشجى طواريق الشواعير
وكلٍ سرت به هواجيسه على متن الغمامه
وأنا هجوسي سرت وأغرت خيالي بالمشاوير
كنها خذت رحلة القرني وبرناوي إقامه
وأطوف حول الكرة وأنظر لشوقي بالمناظير
وأصحى وحالي لحالى م السراه إلى تهامه
^^
عبدالله الدّنّيش
01-06-2023, 03:00 AM
يثير الجروح الشّعْر ويجيب مافي الجيب
وانا غايتي مافات مات وتناسيته
مع اني قسم بالله ماجيت درب العيب
لو القاف من عذب المواويل غنيته
ولو الاحي الورقاا على غصنها وتجيب
خفَى الروح لو مسموح اجيبه وعديته
أقاوم وانا مدري وش العلم وش فـ الغيب
قسى الوقت قاسي بس اقاسي وقاسيته
^-^
صح لسانك شاعرتنا ودام تواجدك الأخوي الرائع ،،،
عسى كل جرحٍ يندمل بالشعر ويطيب
ولو شفت مثلي ثار بالشعر واسيته
نفضفض بما ف الصدر ونصبها ع الويب
ولا شفت قافٍ طاب للطرق شليته
مسافات بُعد الشرق ما يمتطيها الجيب
ولا اللكزس اللي صنّعتها لنا تويته
بنركب على متن الأماني لوقت الشيب
ومن يرتجي للشعر والودّ وديته
^-^
ناصر الهواوي
01-06-2023, 09:50 AM
تجاروا وانا الورقا ارهقتني على عسيب
تنبش بالنواح الجرح من بعد داويته
ما بين الضلوع ايشب ونينها لهيب
لو الماء يطفي لاهبه كان طفيته
ويحن الخفوق ليا تذكر حنين النيب
ويزود حنينه هاجسي ينهدم بيته
بعيد الشبل من قبل واليوم جاء قريب
برسن مات ماقد فات بالعقل تليته
عسانا نرى باقصى النفق لو بصيص الــ ليت
قبل شحن املنا يسحب وينطفي ليته
الجووهره
03-06-2023, 04:51 AM
يسعد صباحكم
وصحت الالسن ويعطيكم العافيه
على الابداع والمجاريات الرائعه
ودآم حضوركم وابدآعكم
الجووهره
03-06-2023, 05:03 AM
السلام عليكم ورحمة الله
وعودا حميدا جوهرتنا وصح بدنك
والله يشفي اختك ويفرحكم بعافيتها
طهور وذنب مغفور ان شاء الله
والله يصح لسانك شاعرنا
ودام ابداعك وحضورك الفاخر
وسلمتم ودمتم,’’
هلا بك شآعرتنا الجميله
اللهم آمين. الله يجزاك خير
ويسعدك ويحفظ لك أحبابك
الجووهره
03-06-2023, 05:05 AM
السلام عليكم وصبحكم الله بالخير مع هذي الفجرية ..
والحمد لله على عودة عزيزتنا الجوهرة وسلامتها .. ونسأل الله تعالى
أن يشفي مرضاكم وجميع مرضى المسلمين .. ويثبتكم بالصبر وأعانكم الله .
&
ويا هلاا بالمستشار خيال مطير .. وعسى علومكم غانمة .
&
وصح لسانك شاعرنا ابو عبيد وشاعرتنا نجد .. إبداع كالعادة وحضور سعادة ..
^
مقيم هذه الأيام في ديارنا والحمد لله أجواء ربيعية وأمطار وخير من رب العباد .
وسلامتكم ،،،
وعليكم السلام ورحمة الله وبركاته
هلا بك شآعرناا والله يسلمك
اللهم آميين. الله يسعدك
ويحفظ لك أحبابك
الجووهره
03-06-2023, 05:20 AM
على رفوف الـذاكـره بعض الايــام
مثل الروايـات الحزينه على الـرف
تشكي جفى عصر المحابر والاقلام
اقفى وحبر اقـلامهـا مـابـعـد جف
ليت الزمـن ينعـاد يابيض الاحـلام
وندون الذكـرى على حائط الصف
ناصر الهواوي
03-06-2023, 11:43 AM
هلا بك يالجوهره وبما جبتي ودمتي ودام تواجدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
ليت بثلاث حروف كم ضمها قاف
وولى قبل يلقى نتيجه لقافه
الـ لام ليل اسود غرابيل واجحاف
من حر حيفه ما يوقي لحافه
والياء يون ويندب الحظ ما شاف
من هو يلد بعين رحمه ورافه
والتاء توارا بعد ما شاف ما عاف
وجاء بالقلم دوخه لكثرة رعافه
ــــــــــــــــــــــــــــــــــــــــــــــــــ ـــــــــــــــــــــــــــــ
وبس هههههه
ناصر الهواوي
12-06-2023, 10:29 AM
سريت ليل الاربعاء مشملٍ بي
واصبحت في دار يتصافق بها الموج
تنعش هبوبه من بحرها تهبي
وتشوي ليا هبت من جبالها نوج
وضحى الاحد يالجيب للدار سر بي
عل الفكر تسكن به رياحه الهوج
رحله خذت تسعين ساعه وتربي
عاده سنويه بها الف وادوج
الجووهره
13-06-2023, 11:12 PM
هلا بك زووووود شاعرنا
وصح لسآنك ودآم ابدآعك
الجووهره
13-06-2023, 11:15 PM
وينكم
توقعت يفوتني صفحات كثييره
وين الغيبه عسى ما نعكم خير
ان شاء الله
انا ما فتح معي المنتدى من كم يوم
ونسيت كلمة المرور. والحمدلله اسعفتني
دفاتري القديمه. مسجل فيها والحمدلله
عدت لكم وعودا حميدا لي هههههههه
ناصر الهواوي
14-06-2023, 09:34 AM
ارحبي يالجوهره ومن حضر ما غاب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
لورق النخل والذاكره بالشقا دور=ذوليك شجنه وذيك لعبت به
ومن طوب ابا انسا قال ابا اشيد السور=وهدت بناه الذاكره ورجعت به
لجوٍ خليط /هموم واحزان وسرور=وبمدرج ايام الصبا وقعت به
جزأً لقلبٍ ما رضي يقبل الشور=وعينٍ بمحرقة ارجهم ولعت به
بمحيط دايرة اصبر يلف ويدور=هو يرتجي والمرتجا مانعت به
الجووهره
19-06-2023, 12:46 AM
البقاا شاعرناا
وصح لسآنك ودآم ابدآعك
الجووهره
19-06-2023, 12:46 AM
مبآرك عليكم العشر
تقبل الله منا ومنكم صآلح الأعمآل
ناصر الهواوي
19-06-2023, 12:02 PM
آمين
اهلا يالجوهره والعشر عليكم مباركه
ــــــــــــــــــــــــــــــــــــــــــــــــــ ــــــــــــــــــــــــــــــ
ليالي عشر يبدأ بها شهر ذي الحجه
وهو يعتبر اتلى شهر في نهاية عام
اخذنا بعامٍ فات مع جهلنا سجه
ما احد حس في جري الليالي ولا الايام
فــ يارب عبدك لك لهج بالدعاء نجه
من النار فضلٍ منك واغفر له الآثام
الجووهره
20-06-2023, 05:43 AM
لابـان نور الصبح جـلاي الاوهـام
واقبل صباح الخير واقفى مسايه
شرّعت بيبان التفـاؤل والاحـلام
واغلقت بيبان الحـسـايف ورايـه
صبآح الخير والتفآؤل
ناصر الهواوي
20-06-2023, 11:52 AM
الله يصبحك والجميع بالخير
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
ما احث هاجوسي على القاف مره
لكن طفق وفيه رجه وملقوف
الورق واطلالٍ لبيتٍ يمره
عليه ما بين المحاديب ملهوف
من ذي وذاك الذاكره مستمره
تعرض على شاشة طواريه ويشوف
يبي يتجرع جغمة الصبر مره
مرتاع بالماضي ومستقبلٍ خوف
الجووهره
20-06-2023, 06:02 PM
يا مساء الخير من بعد السلام
ويا مساءالذوق ، ي اهلًا هلا
يا مساء الورد بالناس الكرام
يا مساء الطيب وحروف الغلا
ناصر الهواوي
20-06-2023, 09:05 PM
مرحبا مرحبا باحلى كلام
مرر بطعمه اطباق الحلا
ذوق راقي ومنقوله تمام
هي كذا تنتقى والا فلا
خيال مطير
22-06-2023, 12:14 AM
السلام عليكم ورحمة الله وبركاته.
كل عام وأنتم بخير وصحة وعافية
اجازه ســـــــــــــــــــــــــــــــعيده حفظكم الله في حلكمم
وترحالكمم ..
ووقاكم من شر الحوادث والفواجع
اللهم اجعلها اجازه ..لايضيق لنا فيها صدر
ولايخيب لنا فيها امرا
خيال مطير
22-06-2023, 12:32 AM
تســــــــــــــليه من المستشــــــــار الحاضر الغايب
https://thumbcdn.haraj.com.sa/900x675_F5CC0A8F-0C28-4573-81AE-037FE207803F.jpg/170x170/webp
الهاف روّح وحط طريف من دونه
عقب حدود السعوديه لعماني
شغل الخواجه يعد اللي بطبلونه
ناوٍ عليه الخطر كان الله احياني
يوم إن ولد الردي رزقه على الشونه
رزقي على واحدٍ ما هوب مناني
فهد بن فهم الطامي المقاطي
/............................
من صدّ مختار خلّيته على فاله
يروح وان ما نطحته ما تقفّيته
ان كان ما جت بي الذكرى على باله
ما جيت له فالطريق ولا ترجّيته
.........................................
من منطـق الرجال تعـرف مقامه
لان هـرج الرجـل بنــدق بنيشـان
'
والافضـل اللي يحتفـظ في كلامه
لايعتريه النقـد من منطِـق لسان
'
وينزل مقامه فـوق تسعين قامـه
من كلمةٍ ينطُـق بهـا دون ميـزان
'
والصمت خيرٍ من كلامه الملامه
وليا نطقت أُنطُق بلؤلؤ ومُرجان
.................................................. .......
عز الله ان السبت مايومه سعيد
قفى بشيخن كل صعبه حلها
يضرب على الكايد بعزمن من حديد
والمرهفات من السيوف يسلها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
https://pbs.twimg.com/media/Ei6uhCIXcAMfd4o?format=jpg&name=small
.................................................. .....
أحد ٍ يُعزى فيه ناسٍ حواليه،،
وأحد ٍ يعزى في رحيله (قبيلة)
وهذا ولد شيخ ٍ بعاد مغازيه
كلن ليا ضاق الفضاء يلتجيله
وحفيد شيخ ٍسطر المجد بيديه
وعدا براس النايفة والطويلة
ياذا الجموع اللي تسوق العزاء فيه
عزو عتيبة كلها في رحيله
.................................................. ...
https://pbs.twimg.com/media/EnIZ9xBW4AQlnHb?format=jpg&name=small
..................................
https://pbs.twimg.com/media/Enik3BjW4AMP50j?format=jpg&name=small
...........................................
بالصدر كتمه لو ينسنس نسيم الهبوب
من يمة سهيل بالحال اذهبت كتمته
ارتاح انا ياعرب لو ذعذت من جنوب
وادري بسر ارتياحي وافتهم حكمته
لاهب جاني بريا الغشمري اللعوب
اللي على غلوها قلب العنى سمته
نوب بزيادة تغليها علينا ونوب
بمنثور مثل الذهب لامنها فلته
.................................................. .
رواسي نجد
الجووهره
22-06-2023, 11:27 AM
مرحبا مرحبا باحلى كلام
مرر بطعمه اطباق الحلا
ذوق راقي ومنقوله تمام
هي كذا تنتقى والا فلا
ياسلام ياسلام
ههههه
أبدعت شآعرناا
صح لسآنك ودآم ابدآعك
الجووهره
22-06-2023, 11:28 AM
السلام عليكم ورحمة الله وبركاته.
كل عام وأنتم بخير وصحة وعافية
اجازه ســـــــــــــــــــــــــــــــعيده حفظكم الله في حلكمم
وترحالكمم ..
ووقاكم من شر الحوادث والفواجع
اللهم اجعلها اجازه ..لايضيق لنا فيها صدر
ولايخيب لنا فيها امرا
وعليكم السلام
هلا بك خيآل
وانت بخير وصحه وسلآمه
اللهم آميين واياااك والجمييع
ويعطيك العآفيه
على الاختيآرآت الجميله
ويسلم ذوقك
ناصر الهواوي
22-06-2023, 12:14 PM
ارحب يالخيال وسلم ذوقك والله يقبل دعاءك وكل عام وانت طيب
اذكر بيت قديم يقال للي يتباطا اذا طلب منه شي
(خالد القرم حام الجهام******وخذت البل وهو يحتزم)
ارحبي يالجوهره وصح بدنك والله يسعدك
تتتتتتتتتتتتتتتتتتتتتتتتتتتتتتتتتتتتتتتتتتتتت
تنهيتةٍ تقبل بصدري واكنها
ما اسمح تبين لسامعيني لأنها
عن ما بصدري من همومه معبره
من طعنةٍ في كف من كنت احنها
في وقتها اوحتها وقالت سلامتك
وضحكت انا منها اضحك الله سنها
بغير قصد او قصد في قلبي اجرمت
وكلمه تكفر جرمها به تمنها
وورقا النخل تزيدني في ونينها
اجزع لونتها الحزينه وونها
اخاف سمسار النمايم ولايمي
لا انشر حكاياتي مع انسه وجنها
ــــــــــــــــــــــــــــــــــــــــــــــــــ ـــــــــــــــــــ
وبس هههههههههههه
الجووهره
25-06-2023, 04:03 AM
السلام عليكم
ويسعد صبآحكم
عسى مِقبلات الأيام يسر ورخا وافراج
وعسى ما مضى يمحاه عفوه وغفرانه
،،،
أﻧﺎ ﻟﻴﺎ ﻣﻦ ﺿﺎﻕ ﺻﺪﺭﻱ ﺗﺬﻛﺮّﺕ
إن ﺍﻟﻠﻪ أﻗﺮﺏ ﻣﻦ ﺟﻤﻴﻊ ﺍﻟﺨﻼﻳـﻖ
أﺭﺗــﺎﺡ ﻻ ﻣﻨﻲ ﺫﻛﺮﺗـﻪ ﻭ ﻛﺒـﺮّﺕ
ﻭأﻓﺮﺡ ﺑﺬﻛﺮﻩ ﻛـﻞ ﻣﺎ كنت ضايق
،،،،
على الامل نكتب محـاصيل بكره
وعلى الالم نقرا دموعٍ جرت امس
حنا بشر والقلب يهوى ويكره
واليا طلع نور القمر نرقب الشمس
ناصر الهواوي
26-06-2023, 11:31 AM
مقتطفات في غاية الروعه الله يسعدك يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
طرا وانبرا فكري ومن ما طرا فزيت
كني من مكانٍ مرتفع طحت متسلقي
ابا اسبر لغور الفايت المرمس وهويت
كابوسِ صياحي بسببه ملتهب حلقي
وتنبهت الملم نفسي المرهق وهقيت
ان الناس شافوا حالة البايس الطرقي
كلٍ نافضٍ كمه منه بالخلا خليت
لاتغريد عصفوره ولا ونونة ورقي
ميت من عطش ما دل نفسه موارد هيت
يقلقل على شمس الجفا وانسلق سلقي
الجووهره
28-06-2023, 11:38 AM
عيدكم مبارك. أعاده الله علينا وعليكم
ومن تحبون بالخير والبركات، وكل عام وانتم بخير
الجووهره
30-06-2023, 02:29 AM
نرسل تهاني العيد حُبٍ وتقدير
من باب وصل اللي عزيزٍ وغالي
حقٍ علينا للبعض .. دون تقصير
باصحابنا اللي قدرهم فوق عالي
والكل يالله جعلهم دوم في خير
اللي بعيدٍ ... والرفيق الموالي
الجووهره
01-07-2023, 02:10 AM
من روآئع الشاعر المبدع
محمد بن فطيس
دام ما للعمر من يضمن مزيد
يا نجوم الليل عني عايديه
قولي إن صويحبك عقبك وحيد
قولي إن النوم عيا لا يجيه
قولي انه حرّم اللبس الجديد
وقولي انه مانسى العهد وعليه
ابعده عني ضحى العيد الجديد
وان فهم ماهي غريبه من نبيه
" عيده مبارك إلى يوم الوعيد
أخاف ياتي عيد ما اعايده فيه "
ناصر الهواوي
01-07-2023, 09:51 AM
اهلا يالجوهره وجعل عيدك وجميع اوقانك سعيده دائما
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
العيد هو يوم من الايام لكن= رمزيته تفرق على كل الايام
يومٍ يحرك داخلك كل ساكن=ويفرد شريط الذاكره عام اثر عام
يسطع على وجه الضحى كل داكن=ويُشنا الزمان اللي مضى له وينلام
الجووهره
01-07-2023, 05:30 PM
هلا بك زود شآعرنااا
واللهم آمين واياااك يآرب
وصح لسآنك ودآم ابداعك
ناصر الهواوي
02-07-2023, 11:27 AM
لدن الجريد اليوم يادوب يهتز
كسلانة النسمات عجزت تهزه
ورقاه لي في ونة الحزن تبتز
بحد سيف الوجد قلبي تحزه
هان الجفا على الغلا والوصل عز
اواااه يوم اذكر منه وقت عزه
له برج يرسل ذبذبه منه وافز
فزيز من في نابه الداب غزه
كنت اعتبر مية كيالوا لهم وز
واليوم كني ساكن بغرب غزه
تقول اكز الجيب لــ رحت له كز
رحل وفي وجهي عنى الوقت كزه
ــــــــــــــــــــــــــــــــــــــــــــــــــ ــــــــــــــــــــــــــ
وبسسسسسسس
ناصر الهواوي
04-07-2023, 09:25 AM
السلام عليكم
حصل خلل بالمنتدى واتصلت بالمدير الله يحفظه وماقصر اصلح الخلل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
الخلل بالمنتدى في ساعنه سووه
والخلل باهله له شهور ما سوي
محمد الغنامي
04-07-2023, 11:31 AM
عليكم السلام
ان شاءالله مافيه مفقودات فالمنتدى بعد اشتغل ؟؟
هههههههه امر الله من يقدر يسويه غيره سبحانه
محمد الغنامي
04-07-2023, 11:33 AM
العام صوتك يداعب مسمعي كل حين
تطرب جميع الجوارح كل ماتسمعه
واليوم حتى سلام الله كما المسلمين
مامرنا من ثلاث شهور ما ادري اربعه
شاعرة نجد
04-07-2023, 01:45 PM
السلام عليكم ورحمة الله
واسعد الله مساؤكم وطابت اوقاتكم
^
^
عاد عيد الرواسي عاد واهْل الرواسي
كل عام الجميع بْخير وصحه وسلام
من بعيد وقرِيب وكَنْهم اعز ناسي
منتجعنا جمعنا وطاب سجع الحمام
شاعرة نجد
04-07-2023, 01:50 PM
https://cookaunty.files.wordpress.com/2012/03/images2.jpeg
ليت الحمام اللي على السور مسرور
يلعب من امسيان لامغرب الشمس
يسمع ابياتٍ يوم غنّى على الفور
غنيتها لو خاطري ضايق وعمس
ويروح يسجعها قبل يطلع النور
مع الصباح وغايتي يفهم الرمس
ويصب كل الحب في كاس مكسور
مثل الخواطر يُم كسرها هوى الامس
ناصر الهواوي
05-07-2023, 11:18 AM
ارحب يابو بندر وبيض الله وجهك ولا تقاطعنا بالحيل الله يحفظك وصح الله لسانك مليون ولا يسدون
العام صوتك يداعب مسمعي كل حين
تطرب جميع الجوارح كل ماتسمعه
واليوم حتى سلام الله كما المسلمين
مامرنا من ثلاث شهور ما ادري اربعه
المدير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
يامرحبا بالمدير وريس الغايبين
مصخر الصعب والابداع هو منبعه
مصيبه البارحه شوق وهيام وحنين
وله عام مشاعره على الهدوء مجمعه
ضغطه طبيعي ولا تشكي من السهر عين
والورد ما كان له في مبسطه مطمعه
يمكن تهيظ من الفراج والله يعين
نقر خطوه وعن خطوه نبي نقمعه
لا اخذت واحد من الاثنين باقي اثنين
حلال اللاغاز مهما صار ما يرمعه
ــــــــــــــــــــــــــــــــــــــــــــــــــ ــــــــــــــــــــــــــــــــــــ
ههههههههههه
ناصر الهواوي
05-07-2023, 11:47 AM
ارحبي شاعرتنا وعودنا حميدا ومن العايدين الفايز انشا الله وصح الله لسانك ولا فض فوك
ليت الحمام اللي على السور مسرور
يلعب من امسيان لامغرب الشمس
يسمع ابياتٍ يوم غنّى على الفور
غنيتها لو خاطري ضايق وعمس
ويروح يسجعها قبل يطلع النور
مع الصباح وغايتي يفهم الرمس
ويصب كل الحب في كاس مكسور
مثل الخواطر يُم كسرها هوى الامس
|ـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
سلت الحمام اللي تلاعا على السور
عن ما شجاه ولي جوابه حصل همس
يقول لي شهرين والف وادور
البيت خالي ساكنه مبعد الرمس
ان حج قلنا ياعسى السعي مبرور
واتلى الحجيج يقال لي عاد بالامس
واليوم يالفلاح ابا اطاوع الشور
وعساي لو ما رحت له ما امطخ الخمس
بدريشته انزل ولو كنت محشور
معرضٍ روحي على الطير والنمس
واشيل منكوس المثايل ومجرور
وان غاب غبت وتضرب الخمس بالخمس
ناصر الهواوي
05-07-2023, 11:59 AM
خيال قل كلمه ولو جبر خاطر
الكبر يالخيال بالشرع مذموم
طالبك جب بيتين واقول شاطر
انوه زكاةٍ لك من العام لــ اليوم
ونس بهن من للمحبين ناطر
ليا ذكر عصرٍ مضى قال مرحوم
يوم الوطا مخضَّر والغيم ماطر
ما ردد آهااااته ولا سامر نجوم
الجووهره
05-07-2023, 12:08 PM
ياهلا بالجميييع
وعلى رأسهم المدير
أول المفقودين هههههه
منور مديرنا وهلا بك
وصح لسآنك ومشكور على اصلاح الخلل
وهلا بك شآعرتنا الجميله
وكل عام وانتي بصحه وسلامه
بعد الزحمه واللحمه ههههههه
وصح لسانك ودآم حضورك وابداعك
وهلا بك شاعرناا الهوآوي
وصح لسآنك ودآم ابدآعك
vBulletin® v3.8.7, Copyright ©2000-2024, TranZ by Almuhajir