هنا .. سجن القوافي !!

[خيال مطير]

من الارشيف

https://www.r111n.com/t29193-4154.html

[ناصر الهواوي]

ارحب يالخيال وما قصرت دام حضورك وسلم ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
سلام ياداره وداري من اول
لو كان ما انتي له بقيتي ولا لي
بشمالك البارح بغيت اتجول
ولا راح هم الا بشوفتك جالي
امر بالبيبان تقل اتسول
اسأل ولا بابٍ يجاوب شؤالي
ياحي نورك وين عقبي تحول
مظلم ووضعك شين شينت بالي
قال انت فـ بيوتي على من تعول
اشوف تركيزك على هالموالي
قلت إيه/بالتحقيق ما انتا مخول
ولا اعطيك في كشف السراير مجالي
العلم واضح ما يبي له تأول
خلاني وخلاك ياهملالي

[شاعرة نجد]

مساء الخير والامطار
والاجواء اللي تسر الانظار

وصحت السنتكم شعراؤنا المبدعين
وصحت ذوائق المتذوقين

وسلمتم ودمتم,,’

[شاعرة نجد]

تسليه للسجين

أبيات طلبتها مني احدى الصديقات
وكتبتها على لسانها كما روت لي قصتها
ونقلتها لكم للاستمتاع والتسليه

^
^
يشكّل فراقك يالغلا عندي الازعاج
بهَجْسٍ يرجعني وهجسٍ يوديني

قسم يالمُنى لولا الملا وانت والاحراج
لـ اواصل ولا اقطع ماحصل بينك وبيني

بوضح النقا من فوق راسي شموخ وتاج
اخوّه شريفه وانتهت لو لها سنيني

نضيع ويضيع الوقت والصبر فيه علاج
على هام ذاك الغيم هاجرت ياعيني

تحديت نفسي لـ اقطع الوصل والابراج
واداوي جروحي لين الايام ترضيني

وامانه امانه قفل وسكر الادراج
وحافظ على ماحطت وخطت ايديني,

[كديميس السيحاني]

ياعلي عطني موجز النشرة ترى قلبي جزوع
حنا على اطلال السنين الراحلات و عجّلي

صوت الرعد ما كنه الا في محاديب الضلوع
ءليا تصفحت السجلات القديمة يا علي

ازريت لا اردع هاجسي يا علي لي مدة سبوع
و انا على عدٌ قراح ولا يغيض من الدلي

و عد الروى في روضة التنهات من يوم الربوع
ما شفت منه اللي يصمّلني ليا سقت جملي

و العام والا قبله بعامين شرياني يفوع
و اقول يا قلب ارجهن و كل ليلٌ ينجلي

بالرغم من كثر العواصف ما اتذرى في دروع
و تبقى الجروح الغايرة ، دام الليالي حمّلي

و ساقتني الاقدار للمضماه لو اني بتوع
ومن ذكريات العمر كم صدري يغيض و يمتلي

[كديميس السيحاني]

هاجس كديميس نجّب لك نجايب
قبل نص الليل يعلن للنهايه

لا تناديني مع بروق السحايب
الندا من روحك لروحي كفايه

و الله انك حاضرٌ لو كنت غايب
في سمو الطيف ما قلته دعايه

ريح عطرك مع نسانيس الهبايب
تنتشيه الروح و اكتب لي روايه

انشد الاوراق و تشوف العجايب
كل بيت من القوافي فيه غايه

استدنت الصبر و ادفع له ضرايب
و الضريبه عج هجرك في سمايه

لا تخون العهد و تسوق الركايب
خبري انك وافيٌ دايم معايه

[ناصر الهواوي]

ابشركم اننا مطرنا بفضل الله ورحمته
ويا صباح الخير للجميع
ارحبي شاعرتنا ورائعه هالقصيده بالحيل صح الله لسانك وبدنك
ارحب يابو منصور صح الله لسانك ولاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
كلامٍ مثل وبل السحايب يرد الروح=وكلامٍ لو الروح ارجهنت يروح ءبها

وكلامٍ كما البلسم بمسحه يداوي جروح=وكلامٍ إمشاويها ليا مر يعطبها

وكلامٍ كما العنبر لو أحكم غطاه ايفوح=وحلتيت الكلام الجن بالشم يتعبها

اول شطر من ما مر يالربع يشبه بوح=اهل المنطقه غرايبه مع غرايبها

هي وهو والبرق وتلاعي بنات الدوح=السلوه ما بين الاربعه جد ما اصعبها

اوموا للطواري وارهقت خافقٍ مجروح=ودكوا همومه واقبلت في مواكبها

لوهو ما نسيهم عنّْ له مترفٍ مملوح=غبار الزمن صافي لياليه غيبها

ابا انشد حمام الورق بالله ليش اينوح=وهو ما اقربه منها وهي منه ما اقربها

خل النوح لدلالٍ بجمر الفراق اتفوح=ونفسٍ سوى ما تشتهي غير معجبها

[عبدالله الصقري]

صحت السنتكم و نقلكم جميعا

[عبدالله الصقري]

مجرَّد رؤيا
إهداء لك جدي

لولا الغلا ياجد ،، لـ اجفى مواطنهم
لولا قصايد نجـد ،، لـ آعاف معناهم

لولا كـديميـس في قضَّـة مضاجعهـم
و عـلــوم خيَّالنــا الحــرَّه تحـــدَّاهـم

لولا رحيـل و جواهـر و الذي معهـم
في كفَّـة الصدق خطَّوا صدق يمناهم

ما كان للسجـن داعـي في تواصلهـم
ما كان للمنتــــدى قيمــــه بليـَّــاهــم

[عبدالله الصقري]

و اهدآء خاص

من جديدي


عرفتـك بلسم اجـراحي . سكنتيني فـؤآد مْحبّ
لقـيـتــك يا فــؤآد الحـبّ سـبَّــة كـل أجــراحـي

عرفتـك صـورةٍ حيَّـه تجسِّــد قلـب صار يِـحِـب
عرف معنى المحبَّـه منْك وبك مغـرم ومرتاحي

عرفتك شمس كل الكون من غيري محال تشِبّ
تـدفّيني , تحــرّقـنـي , تــذوّبنـي بـ الافـــراحـي

تنـوِّر ظلمة الأيّآم و هي لـ أعتى جروحي الطِّبّ
و هي لو جـارت الأوجـاع منهـا الـهـمّ ينــزاحي

عرفتـك بـدر كل الشَّهْــر قمـرا سـرمــديّــة حـبّ
دجـآي اللي محيتي صبغـتــه يشكيك لـ اِصبـاحي

حبيبـة روحي و كلّي . ضيـا عيني . هدآيـا الربّ
مدآد الجود و التحنـان . ثوب الصدق و وشـاحي

سمـآي اللي بها طايـر . و درَّه في البحـر لـ مْغِبّ
و ورده نرجسيَّــة وصـف عنهـا يعجـز افصـاحي


...


مع أرق و اجمل تحيه

[الجووهره]

هلا بالجميييع
منوورين يا مبدعييين
صحت الالسن ودآم الحضور والابدآع

[الجووهره]

مجرَّد رؤيا
إهداء لك جدي

لولا الغلا ياجد ،، لـ اجفى مواطنهم
لولا قصايد نجـد ،، لـ آعاف معناهم

لولا كـديميـس في قضَّـة مضاجعهـم
و عـلــوم خيَّالنــا الحــرَّه تحـــدَّاهـم

لولا رحيـل و جواهـر و الذي معهـم
في كفَّـة الصدق خطَّوا صدق يمناهم

ما كان للسجـن داعـي في تواصلهـم
ما كان للمنتــــدى قيمــــه بليـَّــاهــم




هلا بك شاعرنا الصقري
منور بعد الغيبه
وتسلم وصح لسآنك
على الأبيآت الجميله
ويعطيك العافيه ودآم حضورك وابداعك

[الجووهره]

ابيآت جميله وفكاهيه
صح لسان شآعرها


‏ما دام دارك كلــها غيـم و امطـار
‏خلك ولو مره عن الشغل مشغول

‏خبر مـديرك ! ما معي ايـــة اعذار
‏لكن معي هالبيت واسمحلي آقول

‏(الجــو هــذا جو به خمســة انفار
‏مع تيس توه ما كمل سنّه الحول )

[ناصر الهواوي]

ارحب يا سعادة الحفيد تراحيب المطر وهلابك يابو محمد
مبدع بالحيل الله لا يضرك ومتمادي بالغيبات بالحيل الله يردك
صح الله لسانك الى مالا نهايه ومشكور على الاهداء والابيات الفاخره
ارحبي يالجوهره وحييتي ولاهنتي ودمتي وسلمتي
الظاهر ان هالشاعر مهيتٍ الدوام ومعه عذر هالاجواء تهبل على رايكن ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
حيا الله حفيدي بعد غيبه طويله عاد
واهدانا درر ما شفت انا مثلها مره

وبل غيمةٍ ماجاء خبرها من الارصاد
هلل وبلها ما ناش من خاطرٍ سره

وللحديث تتمه ان شاء الله

[شاعرة نجد]

مساء الخيرات والمسرات

وصحت ابدانكم جميعا,وصحت السنتكم
وصح لسانك ابومنصور على هـ الروائع الممتعه
والابدااع الفااخر
وصح لسانك الهواوي,ولاهنت على هـ الرواائع الكايفه النايفه
وصح لسانك الصقري وعودا حميدا
وتسلم على الابيات الشامله ولاهنت شاعرنا
وتسلمون,خيال والجوهره على روعة الذائقه

وسلمتم ودمتم,’’

[شاعرة نجد]

كفاله لـ زعيم العاصفه
^
^
ياخيال مطير فكه,ناصر بن عبيد فكه
هات ابومنصور حطه من ورى القضباني

داام يشكي من جفاا خلّه وصدره فيه تكه
خله يْكوسر لحونه فالسجن ويعاني

خلوة المغرم بروحه طب مابه شكه
يشكي جروحه لروحه فالخلا وحداني

وكل ماضاقت عليه ودكه اللي دكه
ايتغنّى ويتمنى ويطرب العمساني

[كديميس السيحاني]

مساكم الله بالخيرات والمسرات
ابو عبيد
الصقري
خيال
شاعرة نجد
صحت السنكم وسلمت ذوائقكم
ابدعتوا و امتعتوا
دام تواجدكم

[شاعرة نجد]

مساء النور والسرور شاعرنا
وصح بدنك وصح لسانك

وسلمت ودمت,’’

[كديميس السيحاني]

كفاله لـ زعيم العاصفه
^
^
ياخيال مطير فكه,ناصر بن عبيد فكه
هات ابومنصور حطه من ورى القضباني

داام يشكي من جفاا خلّه وصدره فيه تكه
خله يْكوسر لحونه فالسجن ويعاني

خلوة المغرم بروحه طب مابه شكه
يشكي جروحه لروحه فالخلا وحداني

وكل ماضاقت عليه ودكه اللي دكه
ايتغنّى ويتمنى ويطرب العمساني


يا خيال مطير نجد الشاعره ما جات مكه
كنها حجت لقمّ تصعّب القيفاني

يوم هجسي للقوافي دون سره صكه
تستثير الشاعره ما عِجز عنه لساني

ودامني في السجن هات اللي تجيب و زكه
ما مع الجمهور سر لخاتم سليماني

المشاعر وقفت للقافيه مصتكه
و المطر يسبل شهاليله على الودياني

[شاعرة نجد]

هههه روعه يـ ابومنصور
يعجبني الرد بوقته,صح لسانك
اتمنى لك اقامه سعيده
وابشر بالتسالي,’’

[شاعرة نجد]

.....

[كديميس السيحاني]

هاتوا تسالي ترى حالي برته الهجوس
و جدران سجن القوافي ف الشتاء بارده

و ان كان ما به تسالي ياعزاز النفوس
عطوني ءلحاف ، نومي يردع الشارده

[كديميس السيحاني]

هههه روعه يـ ابومنصور
يعجبني الرد بوقته,صح لسانك
اتمنى لك اقامه سعيده
وابشر بالتسالي,’’

الرد في وقته لزومٌ عليّه
دام الضيافه صرت ف السجن موقوف 😁

الله يسعدك دنيا و آخرة
بشرك الله بما يسرك

[كديميس السيحاني]

....

....

[شاعرة نجد]

توك سجينٍ جديد ومبتدي بالدروس
تشرد مع الصادره وتجي مع الوارده

لاعب هجوسك وعايشها بَحَسْب الطقوس
بزنزانتك غن واحذر جنّها المارده

[شاعرة نجد]

صح لسانك شاعرنا
وحياك بالزنزانه.,,

[كديميس السيحاني]

،،،

[كديميس السيحاني]

توك سجينٍ جديد ومبتدي بالدروس
تشرد مع الصادره وتجي مع الوارده

لاعب هجوسك وعايشها بَحَسْب الطقوس
بزنزانتك غن واحذر جنّها المارده



😁
يا معطي الدرس لا تعطي بوجهٍ عبوس
ارفق على الطالب اللي ما صفا ما رده

و الا ترى حست كل السجن يا نجد حوس
و ذبحت كبش الفدا اللي خالقه قارده

[شاعرة نجد]

..

[شاعرة نجد]

أول التسالي للسجين
من الارشيف والخير فـ الجايات ,’’

خيول الذكريات البارحه صالت وجالت لين
أعادت واستعادت كل ماقد كان في ساعه

غزتني وذكرتني وأسهرتني,والعرب ممسين
وسرتبي وسافرتبي بين مبسوطه ومرتاعه

تذكرت الجديد الشين واللي قد حصل من زين
وغطـَى الاول على الثاني وطفّى مصدر اشعاعه

أحسب إني نسيت ومادريت إني ليا هـ الحين
وقلبي ذكريات الأمس ترفع نسبة أوجاعه

[شاعرة نجد]

😁
يا معطي الدرس لا تعطي بوجهٍ عبوس
ارفق على الطالب اللي ما صفا ما رده

و الا ترى حست كل السجن يا نجد حوس
و ذبحت كبش الفدا اللي خالقه قارده

صح لسانك يامبدع صح لسانك
المجاريات بـ احولها على الهواوي:smile:
وتصبح على خير,’’

[شاعرة نجد]

أعتذر على اعادة بعض المشاركات
رغم اني احذفها بس موجوده وتزيد المشاركات غصب عني

[كديميس السيحاني]

سر ليلي بالمجاراة لبيوت القصيد
الشتاء ليله مطوّل لعشاق السهر

و الله اني كل ما قلت للهوجاس هيد
قال لا والفين لا ما اتركك طول العمر

البحور اللي تلاطم بها درٌ فريد
اخرج المكنوز و ازرع ليا مد النظر

و الفياض تفيض بالورد والباذر جديد
يوم فرقا الولف بانت لك من اول سطر

عالمي مجهول عنوان لو عزمي حديد
اثر عشاق الهوى تطمع بسطح القمر

[كديميس السيحاني]

صح لسانك يامبدع صح لسانك
المجاريات بـ احولها على الهواوي:smile:
وتصبح على خير,’’

صح كلك ولا هنتي
كلكم فيكم الخير والبركة 😁
محرمين شعر الله لا يضركم
تلقين خير يا وجه الخير

[كديميس السيحاني]

سر ليلي بالمجاراة لبيوت القصيد
الشتاء ليله مطوّل لعشاق السهر

و الله اني كل ما قلت للهوجاس هيد
قال لا والفين لا ما اتركك طول العمر

البحور اللي تلاطم بها درٌ فريد
اخرج المكنوز و ازرع ليا مد النظر

و الفياض تفيض بالورد والباذر جديد
يوم فرقا الولف بانت لك من اول سطر

عالمي مجهول عنوان لو عزمي حديد
اثر عشاق الهوى تطمع بسطح القمر

ساقت الاقدار رق المشاعر للمزيد
و استمر سنين و الزرع ما جاء له ثمر

و اتجاه البوصله كيف غطاه الجليد
عقب خط الاستواء بالحراره له غمر

ولا يزال العهد باقي على ساسٍ جويد
لو يزلزل ساس عهدي و هدد بالخطر

حالفٌ لأوفي بعهدي و اجدد له و اعيد
قد تمكن بي غلا الولف والدنيا عّبر

[ناصر الهواوي]

مرحبابتس يالعميده ومرحب بالعميد
تو ما طاب لهجوسي مزاجه وإدهر

اطلعتني نجد من بين قضبان الحديد
وخلت اللي وده اقعد بحبسي ينقهر

عاصفيه بنت شيخٍ لمن ينخى يفيد
يرحمه ربه بكل امر طيبٍ مشتهر

وجابت وجبنا تساليك وابشر بالمزيد
انت حرٍ كل ما فرعو قبعه شهر

لو بكم دريت عن ليلكم ما كنت احيد
لجبر عيوني ولو ما يحبن السهر

كل ذا تقديم ياهاجسي هات المفيد
وين من قافك بناره من الوجد انصهر

كل ما ناحت حمامه على خضر الجريد
احذفت في راكد امياه وجدانك فهر

لو بعض ما فات يرجع كما هو من جديد
السنه تنطح سنه والشهر ينطح شهر

والشعيب القا به اللي مثل عنق الفريد
ينفض القذله كما ذيل مهره وانبهر

ثم اقول لمن بسجنه عسى يومك سعيد
احتسب واصبر كذا تكون دورات الدهر

[ناصر الهواوي]

نجد
توك سجينٍ جديد ومبتدي بالدروس
تشرد مع الشارده وتجي مع الوارده

لاعب هجوسك وعايشها بحسب الطقوس
بزنزانتك غن واحذر جنها المارده

ابو منصور
يامعطي الدرس لاتعطي بوجهٍ عبوس
ارفق على الطالب اللي ماصفا ماردِه

والا ترا حست كل السجن يانجد حوس
وذبحت كبش الفدا اللي خالقه قارده

الهواوي
سجين نجد وتقوى البرد جبت اللبوس
ودفايه انا مجرب غرفته بارده

وغداه مندي هريفي ما لقينا تيوس
حتى لو انه علينا برطمه فارده

السجن عليه حارس ينصرف له فلوس
وزنزانتك طولها مع عرضها يارده

احذر تسولك الأمّْاره امرٍ نحوس
وتصبح ذلولك عن اللي تشتهي حارده

ذا مزح مو جد ما ودي تشين النفوس
غالين الاثنين صيادين للشاره

وبس هههههههههههههههههههه

[خيال مطير]

https://www.youtube.com/watch?v=kgJbwnTaDsM&ab_channel
_________________________________

[ناصر الهواوي]

تسليه للمحبوس
ــــــــــــــــــــــــــــــــــــــــــــــــــ ــــــــــــــــــــ
حركته ونجم سهيل عرضته التمثال
مال موشر السرعه يمين او تهيالي

نسيت ان ساهر ينتظر منه كم ريال
تفكيري سبقني غصب وجدي على حالي

لعيني تراوت دعج خدَّر وحبة خال
اوحي همسه بحالي نباه او يوحالي

عهدي به قبل عامين والعام دونه حال
تمنى الفراق وصار فاله ولا فالي

الا الهجر منه وخالقي ما خطر فالبال
تصديقٍ لماله قال ما جاء على بالي

لكن صرت مثل مغطي الشمس بالغربال
ما ابي افرِّح بهجره حسودي وعذالي

ليته ما حصل بيني وبينه خيوط وصال
وياليتني هندي وهو من بشر مالي

هذي تسليه للشيخ من نوع عال العال
طرت لي بعد مالي طرا جالس لحالي

[خيال مطير]

يقول ـ تركي بن ماطر الغنامي،


من يحصل نعم يا صاحبي يستاهله
والعرب ترصد وما قدم الرجل محفوظ

قولٍ اقوله وخابرك مَ انت بجاهله
والكرم والبخل ف السوق للناس معَروض

وكل ورّادٍ يرد تقنعه مناهله
عانها قدّام عينك و اخذها حوض حوض

لا تقول الناس ف الواجبه متساهله
السهم هو مُرضِ الاخوين والدنيا حظوظ

ومن برك للجود والله ليثقل كاهله
ولو قلت و قلت ما فَ الكرم شيٍّ يعوض

بعد دين الله هو راس الامر وعاهله
صايرٍ في سَلم الاجواد فرض من الفروض

تدركه حُصنٍ لها ف الطراد مصاهله
ويخثع دونه كديشٍ عن العليا ربوض
................

ويقول ايضا
اخذ عن عقلي زمام الشعر يا وجداني
لا تصير عن الحدث في منطقه معزوله

عقب شيٍ شفت جا عندي كلام ثاني
اقطع قياد المقيد واطلق المعقوله

ثر على حكم العقل والمنطق اليوناني
اقنعه وان ما اقتنع غيَر نظام الدوله

دكتاتورٍ طاغيه معه رسني وعناني
جسد ستالين لي باشنابه المفتوله

حاصر شعوري ووسع دايرة حرماني
اترك الي يطلبه غيري ويدي تطوله

لاتطيع العقل عقلي هو عقال لساني
ممتل صدري كلام ما قدرت اقوله

جف شعري واللغه وشعوري الانساني
يوم طعت العقل في قوله وفي منقوله

الفرات من الظما لو اشربه ما ارواني
لي سنين اصدر يدي عن رغبتي مغسوله

كن في صدري صدى مستفزع ينخاني
ودي اجيب نخَواه وقدرتي مشلوله

شعري اللي ما يترجم رغبتي واشجاني
علموني بس ابا افهم هالشعر وشهوله

سامح الله واحد في هالكلام اغراني
عاث في صدري برغم ابوابه المقفوله

ابتدع له مدخل في مدخل شيطاني
واكتشف فالنفس اماكن و اوديه مجهوله

لا طلب رايي ولا استاذن ولا استفتاني
بات فاللاوعي لين اصبح واخذ له جوله

فجر اشياً فيَ كانت للأسف تخفاني
تنتظر عشرين عام اسلاكها موصوله

ما كشفها الشيخ عقل وبحثي الميداني
رغم تمحيصه و رغم جهودي المبذوله

نسخه مع اصدق دعاي لمحسن الهزاني
ما يحوس الرجل مثل الكلمه المعسوله

واسأل اللي جا وشغلني ولا طفاني
صرت اذاعات وحواسب واجهزه محموله

سور هرجه زخرفه والفرش زل ايراني
وين ما ادير الشعور اشوف شي ٍهوله

جر سكينه على حلقي ولا ذكَاني
في تراكيب الكلام ولفظه ومدلوله

واحتوتني دوحة ابداع ثمرها داني
رحلة استمتاع في عرض الكلام وطوله

عالم أخر من متع دنيا الحطام الفاني
وان تغير وجه تاريخي هي المسؤوله

عطر روحي يطرب بليا نغم واغاني
ما يقدر لا بالاوقيه ولا بالتوله

ما خرج عن شرط عبدالقاهر الجرجاني
طول عمر الشيخ في كتبه يدندن حوله

زلزل ارضية شعوري لين هد اركاني
وصرت انا والشعر تحت سيوفه المسلوله

اتصال شعور عبر الهاتف المجاني
لي شهر وخطوط قلبي كلها مشغوله

يعربي فتح جروحي ولا داواني
تحت مبدا موضة الحرية المكفوله

لابسٍ ثوب و وقار العالم الرباني
كل جرح يبرره بالحجه المقبوله

اسئله على طريقة شيخنا الالباني
خطوتين توصله للغايه المأموله

https://www.alsh3r.com/files/imgs/200x225/poets/1803.png

[خيال مطير]

ويقول . مفرح المطيري

يا موتري شد عزمك دقت الساعه
خلي كذب بالوعد والزام قافيني

عزي لمن صاحبه عقب الغلا باعه
زاد الجفا واشترى ناس جديديني

الله يلوم الغضي وش غير أطباعه
وانا احسب انه على الدنيا يصافيني

فيما مضالي يوقل السمع والطاعه
واليوم صد وتكبر ما يحاكيني

يارجل ما انتي ورى المقفين تباعه
عيب على اللي تبع ناس مقفيني

من لاعرف وين مدخاله ومطلاعه
يصبر على ماجرا بالعسر والليني


https://www.alsh3r.com/files/imgs/200x225/poets/336-3af3afed-badf-4f10-9697-b8d6ff448606.png

الله يرحمه

[ناصر الهواوي]

مساء الهيل والسيل والحيل للجميع
ارحب يالخيال صح ذوقك
تركي الغنامي ومفرح رحمه الله اعلام بالابداع
علينا سيول ولله الحمد
؟ـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـت
سافر على كاهل النسمه ليا هبت
اقصد سلامي مغلف مع تحياتي

بالورد والند والعنبر وما احبت
ناسي وش اتحب وايضا ناسيٍ ذاتي

لعل ذيك القنوف السود لاصبت
ماها على ديرةٍ فيها الغلا ياتي

اللي عليه الجفون اتهل ما خبت
قل غرسه اللي غرس بالقلب ما ماتي
ـــــــــــــــــــــــــــــــــــــــــــــــــ
وبسسسس ههههه

[الجووهره]

يسعد مسآكم وصبآحكم وكل أوقآتكم
وصحت الالسن والاذوآق
مبدعييين الله لا يضركم


ونورت الزنزانه كديميس
وابشر بالتسالي

[كديميس السيحاني]

مساء الخيرات. ونزول البركات و الرحمات

بويتات على عجل



تساقا مطرها ديم و ين انت يا الوبال
بليل الخميس وكل بارق نراعي له

جنوبٌ لغرب من الخباري و ليلي طال
و راع السهر مرتاح لو هو سرى ليله

و دارت جنوبيه و سما المطر همال
و نار السمر من حولها ادنى معاميله

طرت له طواري ما تخبث معاها البال
شريط الليال الماضيه عاد تسجيله

و اخذ له مع الهوجاس سجه بليا لال
و وصل له ديارٌ مبعداتٌ مداهيله

وهو في محله ما ارتحل رجلي وخيّال
ولا معه موتر تحت رجله درج ويله

[كديميس السيحاني]

يسعد مسآكم وصبآحكم وكل أوقآتكم
وصحت الالسن والاذوآق
مبدعييين الله لا يضركم


ونورت الزنزانه كديميس
وابشر بالتسالي

النور بوجودكم يا الرواسي
بشرك الله بما يسرك

[الجووهره]

واول تسليه لشاعرنا كديميس

يقول حمد السعيد


غيمٍ على دار الكرم والشهامه
‏جعل المطر يسقي ثرا مرتَـع الذود

‏ ويسقي ديار اللي زهَـتْه اللّثامه
‏اللي حفظ سمعـتْه عن كل منقود

‏آخــر كلامه رافقَـتْك السلامه
والدرب من دعواته سهود ومهود

‏سمح المحيّا اللي خواله عمامه
‏عساه مايفقد ولاهوب مفقود

[الجووهره]

تسآلي آخر الليل


على البال يـاوقتن طوته السنين وراح
‏تقافت عليه صدوف الايام واقفت به
‏،
‏زمانٍ يعلق من جماله عليه وشاح
‏من شان ناسٍ هاك الايام ، عاشت به
،،،

بعض الظروف احيـان مثـل : المنبّه
‏لاصرت غـافي عـن رفيقـك تصحيك

‏تكشـف لك الكــاذب وزيـف المحبّه
‏وتكشف لك الصـادق اذا كان يغليك

….

ماجاعت صقور تشبعها مخالبها
‏مادام الأرزاق مقسومه من الوالي

‏مـــعادن الـناس تكشـفها تجاربها
‏تبـــين رخيصــها وتبيــن الغالـي

….

حاول تتميز في اخلاقك وتختار !
‏أجمل صفات اللي لها قدر ' وثمن

‏"ثلاث" تجعل لك معزّه ومقدار
‏اسلوبك وطيبك والخلق الحسن !

…

النفوسَ آلوآفيهْ : رغمْ آلمصآعِب مآتميل
‏والشمس، كِثر آلسحبْ مآيغطي نورهآ . !

وبس والله
سلاااامتكم

[ناصر الهواوي]

صباح السيول والبرد والورد
ارحب يابو منصور صح لسانك على هالتخيليه الرائعه
ارحبي يالجوهره تسالي ما اروع منها الا تواجدك
ــــــــــــــــــــــــــــــــــــــــــــــــــ ـ
ياطيف قل للي عنه نبت وين انت
ان كان قُدر لك لقاً به وجيته

خذ له معك ما اقول وامليه لاهنت
ركز معي لا تجهل اللي عنيته

قل ارفقي بالشايب اللي عشق بنت
يومه صبي هي قالت اني هويته

بسلوكها اللي لي نطتها توهنت
ذا ذنبها ماهوب انا اللي جنيته

سقيا لوقتٍ فيه كانت وانا كنت
مشتاق خِلْه ما يقرقع ونيته

ومن يوم بانت عن دياري وانا بنت
بردت مشاعرنا والاشواق ميته

وش فيك يازين الحلايا تشينت
واتلى العلاج الكي قلت وكويته

[ناصر الهواوي]

ليش ما تنطق بكلمه وانت صمتي حكمه
لو بكلمه فهت قلنا السيد العلامه

الحِكَمْ من صمت عشر شهور صارت ركمه
ما يطول الحكمه العليا قصير القامه

ومن يفتش بينهن يمكن تصيبه زكمه
ومن تجنب هالحكم من عجز ما احدٍ لامه

[شاعرة نجد]

مساء الخير

ومبروك عليكم هـ الامطار
نسأل الله ان ينفع بها البلاد والعباد
استمتعنا بأمطار غزيره ولله الحمد يوم امس وليلة البارح

وصحت السنتكم ابومنصور والهواوي على هـ الروائع الممتعه
وصحت الذوائق والاختيار الفائق

وسلمتم ودمتم,’’

[شاعرة نجد]

مرحبابتس يالعميده ومرحب بالعميد
تو ما طاب لهجوسي مزاجه وإدهر

اطلعتني نجد من بين قضبان الحديد
وخلت اللي وده اقعد بحبسي ينقهر

عاصفيه بنت شيخٍ لمن ينخى يفيد
يرحمه ربه بكل امر طيبٍ مشتهر

وجابت وجبنا تساليك وابشر بالمزيد
انت حرٍ كل ما فرعو قبعه شهر

لو بكم دريت عن ليلكم ما كنت احيد
لجبر عيوني ولو ما يحبن السهر

كل ذا تقديم ياهاجسي هات المفيد
وين من قافك بناره من الوجد انصهر

كل ما ناحت حمامه على خضر الجريد
احذفت في راكد امياه وجدانك فهر

لو بعض ما فات يرجع كما هو من جديد
السنه تنطح سنه والشهر ينطح شهر

والشعيب القا به اللي مثل عنق الفريد
ينفض القذله كما ذيل مهره وانبهر

ثم اقول لمن بسجنه عسى يومك سعيد
احتسب واصبر كذا تكون دورات الدهر

المرحب باقي
وصح لسانك شاعرنا
على هـ الكايفه النايفه
وابومنصور وابوعامر المفروض اول مايشرف الواحد منهم نسجنه
عشان يطربنا ويدفع ثمن الغياب:smile:

تقديري للجميع.,,

[شاعرة نجد]

تسليه,,,

https://encrypted-tbn0.gstatic.com/images?q=tbn:ANd9GcSV5xXalzDbpotzV4dzTEKT9vZ_zrvOh ShiSo9fa2OTKbT2HXpY_HB_6FW4QOJ1VTdNAzw&usqp=CAU


مساا الخير كيف الحال ياحضرة السجين
عسى ما تأخرنا عليك بْتسالينا

جديد الهواوي لاعزف بين حين وحين
يسليك ويسلي معك من حوالينا

وانا جيت واللي جاا معي للسجن سارين
وجبنا العشاا والكيف واصناف حالينا

نْغني معك لو خاطرك من زمانك شين
لياليك تشكيها ونشكي ليالينا

والى ضاق صدرك جود من ماتجود ايلين
تهيّض خواطرنا لشوفة غوالينا,

[ناصر الهواوي]

هلا بشاعرتنا وما جابت صح لسانها وسلم بنانها ولاهان راسها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
زرنا السجين ولا لقينا خفيره
ودخلت لكن ما لقيناه هو فيه

وقلنا عسى بالامر خيرٍ وخيره
جبنا وليمتنا وجينا نسليه


بوليمةٍ للعاصفيه كبيره
وقافٍ حبكته نحسب انا نلاقيه

دورنا ابو عامر نبي نستشيره
باللي يغيب بلا عذر وش نسويه

وصحنا لرحيل ولا لقينا المديره
حول الشهر والسجن ما جت حراويه

السجن في ديره وربعه بديره
ما باقي الا بالجماعه نعزيه

[عبدالله الدّنّيش]

السلام عليكم ورحمة الله وبركاته
واسعد الله أوقاتكم وطابت أحوالكم
ويا مرحبا بالجميع وصحت السنتكم وأبدانكم
و وقتا ممتعا للسجين بو منصور والله يعينه
وكلعادة أعذرونا تروها باحت المعاذير هههه

^^
الهواوي كالعادة يتحرش للقوافي فتثير فينا الحرش هههه

^-^
عسى مساكم خَير من كل خَيره
والله يسعد ليلكم في تواليه

الجو بارد والليالي مطيره
ويا بخت من يحظى بجوٍ يدفيه

خفيرنا صيهد وراكب بعيره
وسمعت ( وذ نكهه) وبسمُه تناديه

وشاعرتنا جابت المستديره
وقالت عشاء المسجون والله يحييه

ويامرحبا باللي لفى م العشيره
سجن القوافي جمّعتنا قوافيه

وأما رحيل فعذرها تستخيره
يمكن تعود وللمقفي خوافيه

وأنا محدثكم وأحث المسيره
وياكم على ليلاه يسهر لياليه
&
&& وسلامتكم وتصبحون على خير &&

[ناصر الهواوي]

اهلا يابو عامر وعليكم السلام والله يسلمك من كل شر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
خفيرنا سجينكم للخلا هج=ماله نظر بالمادبه والتسالي
اشتاق لديارٍ مطرها بلاعج=ما يكترث جيبه بحمر الرمالي
ما السيل من راس النقا حدر مندج=ملبوج يوم الما عليه متوالي
تقديم من فكرٍ من الوقت منرج=وهجسٍ بـ بدع القافيه ما يبالي
تجيه قيفان القريحه تدرج=ليا عنّْ بعض احيان له ذكر غالي
تعال يالخيال شوف وتفرج=بالوجه تاثير السنين الخوالي
درب الوصل وش فيه صار يتعوج=طوي كما طية عمايم ملالي

[ناصر الهواوي]

اليوم رحت لدارهم كاره وجيت
وسيارتي تكع تقل مغصوبه

تاقف تبا المعواد لاشك عييت
ما ارجع بعد ما وجه الجيب صوبه

قلت اصله واثبِّت العلم تثبيت
اما رغبت او قلت مااعود نوبه

اما من الرسلان صب وتقهويت
والا اقتنعت وقلت ياقلب توبه

وش لك بكثر البهذله والتناهيت
ماذا غلا هذا يسمى عقوبه
وبسسسسسسسسسس

[خيال مطير]

صحت السنتكم جميع آـ ارحب يابوعامر ,, منور السجن

تسليه
صباح السبت



يستثير الصمت في بحور الخليل

والهجوس اللي شكى طول السهاد

انفتح له - ( باب ) - لو حمله ثقيل

يا صباح السبت غاشيك السواد

يا صباح الفقد والخطب الجليل

شوف تأثيرك على عيون العباد

بالدموع اللي من الفرقا تسيل

تبكي اللي ف (الثريّا ) له شداد

يوم غاب الجدي واستاحش سهيل

الحكيم - النادر - الشهم الجواد

الأصيل ابن الأصيل ابن الأصيل

الغلا بيرق و( سلطان ) البلاد

والله إنّه ما يمر ( عابر سبيل )

لا قصرت مدات خلق الله زاد

بالوفا والطيب والمد الجزيل

تنفق - يدينه - ولا هاب النفاد

كنّه يبشر - محبينه - بسيل

للجروح النازفه كان ( الضماد )

وللقلوب البائسه كان المعيل

وكان به شخصٍ من الوضع استفاد

من وفاة : النايف الشم الطويل

استفاد - البخل - من فك القياد

والكرم ما عاد له حيله وحيل

القوافي ترتدي - ثوب - الحداد

والدعا له والعزا ( صبرا جميل )

والصحيح اللي بقوله والوكاد

ليت سلطان يتكرر كل جيل

جزاء البقمي

[خيال مطير]

https://www.youtube.com/watch?v=C7IkqZp7hF4&ab_channel

___________________________

[ناصر الهواوي]

اقول من عيِّن المسجون له بكره
ومن حط رحيل بالكلبوش له ناقه

ما ادري ولكن مجرد لي طرت فكره
والفكر يقول هذي تبغي لحاقه

البارحه كن بي من ما طرا سكره
سبب ملفٍ قديم افتش اوراقه

فل الخيال الشريط ودارت المكره
لما ظهر به حصل في خاطري فاقه

به شفت عين اشقرٍ كفخ على وكره
عينٍ لها عين بعض الناس تواقه

[الجووهره]

هلا بالجميع ويسعد مسآكم
وصحت الالسن والاذوآق
ودآم حضوركم وابدآعكم



‏يا زينهـــا عقب المطر شبة النار
‏والجـــو غايــم والهبــايب عذيه

‏بارض عليها ينعشك ريح الامطار
‏وريح الحطب مع فوحة الشاذليه

[شاعرة نجد]

سلام عليكم

وصحت السنتكم مبدعينا الهواوي والدنيش
ولاعدمنا الحضور الممتع
وصحت ابدانكم
وصحت ذائقتك جوهرتنا وصح بدنك

تقديري للجميع,’’

[شاعرة نجد]

https://www.youtube.com/watch?v=c7ikqzp7hf4&ab_channel

___________________________

صحت الذائقه الفائقه
رووعه ياخيال وتسلم ع النقل الممتع

وصح لسان شاعرها شيله عذبه وراائعه
وصح الصوت الفخم مهنا
لاعدمنا ابدااعه

وسلمت ودمت خفيرنا,’’

[شاعرة نجد]

https://phoneky.co.uk/thumbs/screensavers/down/nature/fire_3nja9986.gif

شبت الضو تنعش خاطر اللي تهيّض
يوم هبت وصبت هل غيم القصيد

ودي اني اغني وانتظر واتريّض
عل ناسي تنام وكل عينٍ تهيد

واسمر الليل كله لين صدري يفيّض
حول ضوي لحالي من فريد الجديد

من مناهل وعذبٍ لاكتبته يبيّض
وجه هجسي ليامنّه سرى بي بعيد

[الجووهره]

وعليكم السلام شآعرتنااا
وهلا بك وصح لسآنك ودآم ابدآعك





‏لا تنشدون اليـوم عن وقع الامطار
‏من فضــل ربــي كل وادي مسيّل

‏وبكره نشوف العشب باني له أدوار
‏مع الهــواء من طــول عشبه يميّل

‏مدالنظر ماهي شخيطات مخضار
‏تقــول فـارش لك على الأرض ثيّل

[ناصر الهواوي]

لاول مره منذو متي تواجدن بدري
هلا بكن الشاعره العذبه والمراقبه الغاليه وصح لسان الشاعره ودام تواجدها وسلم ذوق الجوهره
ودام حضورها
انا الآن شابٍ النار واسمع الناس يقولون يازين الكرك وجبت دلة الحليب وصبيت الحليب
وشاهي من الناعم و قرفه وشوي سكر لكن طلع مُش ولابد الظاهر ان المقاييس زايده
بالحيل على كلٍ اخذت منه كاس على راي من يقول وجع البطن ولاالغبيته ههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
قالو كرك وانا الكرك خابره طير
نوعٍ من البط المهاجر يسمى

وشربت منه وياعسى العاقبه خير
اشوف ريقي عقب كاسه يجمى

ومن بعد هذا ياقلم بالورق سير
وارعف بحبرك مالك امليه عن ما

في خاطري من ليلة البارح يدير
وفيه الفكر من حل به مستهما

وين الحكيم المخلص اللي له يشير
ادله لدرب السنع ويتعما

اندشت تقل اسمع وحية مواطير
براسي جزع من مابه يجول واما

فعل الكرك ياليت ماله مساعير
اخاف اعيد سواه واتصير اطما

[كديميس السيحاني]

السلام عليكم
مساكم الله بالخير
صحت السنكم وسلمت ذوائقكم
وكثر الله خيركم على التسالي
ونطمع بالمزيد 😁

سمح لي خيال مطير بمغادرة السجن لبعض الوقت
تقديرا لظروفي مع هالاجواء بيض الله وجهه 🤭

وهذا انا رجعت و فاءا لخيال مطير

وزبدة الهرج من هالفترة ما يلي:-




يا الجمس حرك بدال الجيب
مشواري اليوم تصنيفه

من غير خطه ولا ترتيب
و الدرب ما احسب تكاليفه

و بوج الفيافي ماهوب صعيب
لعيون من زارني طيفه

هجسي يغني و انا ءله اجيب
بطرق الهجيني لتعريفه

غربت لانطاع عقب البيب
و شرّقت و اشملت لمنيفه

ومنها لتناجيب كن الذيب
يبرالي و زاد بوحيفه

و في راس مشعاب ريح الطيب
غطى الفيافي بتوليفه

و ميّلت للابرق بتهذيب
و عساسة البدو حرِّيفه

و دعيت دعوة بظهر الغيب
و سويت دله على كيفه

[كديميس السيحاني]

تسليه,,,

https://encrypted-tbn0.gstatic.com/images?q=tbn:and9gcsv5xxalzdbpotzv4dztekt9vz_zrvoh shiso9fa2otkbt2hxpy_hb_6fw4qoj1vtdnazw&usqp=cau


مساا الخير كيف الحال ياحضرة السجين
عسى ما تأخرنا عليك بْتسالينا

جديد الهواوي لاعزف بين حين وحين
يسليك ويسلي معك من حوالينا

وانا جيت واللي جاا معي للسجن سارين
وجبنا العشاا والكيف واصناف حالينا

نْغني معك لو خاطرك من زمانك شين
لياليك تشكيها ونشكي ليالينا

والى ضاق صدرك جود من ماتجود ايلين
تهيّض خواطرنا لشوفة غوالينا,



ما قصرتي يا نجد كثر الله خيركم
واسلمي واستلمي 😁

مساء النور والبلور يالسيف ابو حدين
بغيت التسالي قلت ما عاد يمدينا

و عقب الصداع من الخوى جيتي ءبيتين
و انا اطمع بنظم معلقه للمساجينا

و لحم العشاء قاسي ولا جبتوا السكين
و انا شايب سنوني تهلهل من البينا

عسى الله يغنيكم و كلٌ يقول آمين
كريمين و استاهل ومردود صاعينا

و انا لو بغني من خفا محاصره ضلعين
تفتح قفول السجن لانس و مجانينا

[ناصر الهواوي]

ياصباح الخيرات والمسرات للجميع
ارحب يابو منصور وصح لسانك الا انك ما قلت لنا نتايج العساسه بشمال المنطقه ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ما جاء لوبل المطر صبيب=وما نبت في فيضه امريفه
وما فاح من كل مجلس طيب=وما هيظ مولع ارشيفه
اقدم اعدادها الترحيب=ترحيب من جوا مواليفه
بمعسسٍ وشاعر و نجيب=صحاه من غفوته طيفه
حرك على اليوكن الرهيب=يقطع سباريت ومخيفه
لاجاز له منعطف شعيب=للنار شب وحكر كيفه
برسلانةٍ توها ربيب=بانت من الثعبه الليفه
واصل مسيره الى المغيب=والقور يبدي مشاريفه
وعاد بسلامه لكن غريب=عساس ماذي سواليفه

[ناصر الهواوي]

كيف انا اقول اتذكر وانا له ما نسيت
كل لحظه عشتها حافظتها الذاكره

ان جلست او قمت والا لوجهتم مشيت
ما حصل في ذلك العهد عقلي فاكره

يالجفا مهما تجبرت بالحيل او قسيت
وسلطك علي هو دون سبه شاكره

مكرهٍ عليك ماهو بطل ذا ما هقيت
النفوس الحاسده بالنوايا الماكره

يكفي اني كلما اجنب لزوم امر بيت
له غلا عندي وبه كل قافٍ حاكره
ــــــــــــــــــــــــــــــــــــــــــــــــــ ــــــــــــــــ
تسالي لبو منصور/غالي والطلب رخيص ههههههه

[ناصر الهواوي]

هارب من السجن يطمع بالدلال مهيلات وهبة الريح
بصفر الدلال وذبايحنا بعيده راس مشعاب

كنا نظنك بميدان المحبه والغلا ضمن المجاريح
واثرك تشكى من سنونك وباقي بالجمى ناب

[الجووهره]

يسعد مساكم
وصحت الالسن والاذوآق
مببدعيين وجزلين الله لا يضركم

[الجووهره]

،،،

[الجووهره]

يقول مسآعد الرشيدي
الله يرحمه

تلحّفي في صيف لندن و باريس
‏واليا امطرت نجد العذية تعالي ..

[ناصر الهواوي]

ياسجننا وين السجين وخفيره=يوم اطلقه طيبه فضح سره الشيخ
زار بشمال المنطقه كل ديره=وخلى الخفير لخصم راتب وتوبيخ
مع المراقب بهذلته المديره=لكن حصل له فزعه من المطانيخ
من بعد عِد هجسي لذكر الاميره=برحابها نوخ مطاياك تنويخ
اطلق عليها هند والا منيره=لها مواقف مثبته بالتواريخ
من قبل ما تنفض للوصل سيره=ويطغى الجفا ويدوخ الفكر تدويخ
غارات من سود الليالي كثيره=خفاق من لاعت لها فيه تفريخ

[شاعرة نجد]

مساء الخير عـ الجميـــــــــــع

وصحت الالسن,الهواوي وابومنصور
ودام الابدااع والحضور
أبدعت يالهواوي على هـ الروائع العذبه
وجوله سعيده حضرة السجين,اللي مايروح بـ هالاجواء الجميله فاته نص عمره

وصحت ذائقتك الجوهره
روووعه بيت مساعد ملعقة عسل
وسلمتم ودمتم.,,

[شاعرة نجد]

ما قصرتي يا نجد كثر الله خيركم
واسلمي واستلمي 😁

مساء النور والبلور يالسيف ابو حدين
بغيت التسالي قلت ما عاد يمدينا

و عقب الصداع من الخوى جيتي ءبيتين
و انا اطمع بنظم معلقه للمساجينا

و لحم العشاء قاسي ولا جبتوا السكين
و انا شايب سنوني تهلهل من البينا

عسى الله يغنيكم و كلٌ يقول آمين
كريمين و استاهل ومردود صاعينا

و انا لو بغني من خفا محاصره ضلعين
تفتح قفول السجن لانس و مجانينا

و انا شايب سنوني تهلهل من البينا

افاا يـ العلم
نجيب مائده كايفه ونايفه وفـ النهايه مالك اسنان:smile:
خلاص ابشر بالعوض
وصح لسانك,’

[كديميس السيحاني]

مساء الخير عـ الجميـــــــــــع

وصحت الالسن,الهواوي وابومنصور
ودام الابدااع والحضور
أبدعت يالهواوي على هـ الروائع العذبه
وجوله سعيده حضرة السجين,اللي مايروح بـ هالاجواء الجميله فاته نص عمره

وصحت ذائقتك الجوهره
روووعه بيت مساعد ملعقة عسل
وسلمتم ودمتم.,,

مساء النور
صح كلك ولا هنتي
الله يسعدكم جميعا و يسلمكم
الأجواء هذي فرصة للي ماعنده ارتباطات والله 😙

[شاعرة نجد]

https://hawacook.com/wp-content/uploads/2018/11/photo-9.jpg

هذا جريش
عشاء اللي ماله اسنان:smile:

سجين ياللي تشتكي مالك سنون
وحنا عشانا جاك من كل الأصناف

مثلك لنا ذاكر وشاكر وممنون
وانته تشرّط تشتهي شي وتعاف

تقول شايب مايبي ذوق وفنون
يكفيك صنف مْن السّمن ناشف وجاف

وابشر عرفنا رغبتك شيخ وتمون
ومع صنفنا جبنا لك الكيف والقاف

واقر وتسل وخل من جاك يقرون
قافٍ فهمت وقاف من دونه غْلاف

مْطلسمه هجسي ومحكم ومصْيون
ماجاب مقصوده مْحنّك وعرّاف,’’

[كديميس السيحاني]

غن يا ليل البروق اللي شعت خفاقي
يوم شبيت السمر و النار عندي حيّه

و الخيال اللي ردوم يغطي الآفاقي
يستثير اهل القرايح تنظم الألفيه

خاطري ضايق و في قلبي تزيد اشواقي
و الغلا ينبش جروح من الغلا مخفيه

يحسب اني سالي ، و بعده يزود احراقي
ما درى ان الحال من طول الجفا مبريه

[كديميس السيحاني]

https://hawacook.com/wp-content/uploads/2018/11/photo-9.jpg

هذا جريش
عشاء اللي ماله اسنان:smile:

سجين ياللي تشتكي مالك سنون
وحنا عشانا جاك من كل الأصناف

مثلك لنا ذاكر وشاكر وممنون
وانته تشرّط تشتهي شي وتعاف

تقول شايب مايبي ذوق وفنون
يكفيك صنف مْن السّمن ناشف وجاف

وابشر عرفنا رغبتك شيخ وتمون
ومع صنفنا جبنا لك الكيف والقاف

واقر وتسل وخل من جاك يقرون
قافٍ فهمت وقاف من دونه غْلاف

مْطلسمه هجسي ومحكم ومصْيون
ماجاب مقصوده مْحنّك وعرّاف,’’







هذا العشا ما هو عشا من يضاهون
و يصورون اصناف و اللي لهم ضاف

من حاتمية شعر والقاف موزون
منه استثار العود و يحوف الاطراف

و من الطرب غناه يا اللي تشوفون
فنجال بنه ياء و فاءٌ بعد كاف

و جاريت قيفانٌ تسلسل على هون
و سحب القريحه وبلها صار وتساف ( وكاف)

يا نجد ضيف و عود ف السجن مسجون
لو جاع ما نادا على كل غراف

انادي اللي للجزيلات يصخون
ما يسرجون الكدش مع كل محراف

[ناصر الهواوي]

ارحبي شاعرتنا المبدعه وصح لسانك وبدنك
وهلا بشاعرنا المبدع وصح الله لسانه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
رحب تراحيب المطر في هل الشرق
اقصد هنا بالشرق غرب الخليجي

ماهب من نسمه وما لاح من برق
واعداد ما بالبيت طاف الحجيجي

واعداد ما فوق النخل ناح من ورق
واعداد ما جاء بالموادع نشيجي

مامن غلا لكن لي ناسب الطرق////هههه
رشاش غيم وبرد/جوٍ بهيجي

قافٍ به اطفي ما حرق مهجتي حرق
من قول صبر وفرصة العمر تيجي

القلب معه اقفى اموافق بلا سرق
وراحت معه كل المشاعر هجيجي

والصبر حتت ما بقي شي بالخِرِج
وحنين صدري مع ونينه مزيجي
ــــــــــــــــــــــــــــــــــــــــــــــــــ ــــــــــــــــــ
وبسسسسسسسسسس

[خيال مطير]

https://www.youtube.com/watch?v=7Z9oEgROrd4&ab_channel

[ناصر الهواوي]

ارحب يالخيال
ومساء الخير ع الجميع
ــــــــــــــــــــــــــــــــــــــــــــــــــ ــــــــــــــــــــــ
ورقا ووقعتي على غصن سدره
غنيه سجع الصوت لا لا تنوحين

ماعاد لي بالنوح يالورق قدره
توك وانا اللي مخلجٍ به زمانين

جاء في بياض الوقت يالورق كدره
لون الوفا واحد وشفته بلونين
خُف الجفا واحد مخليه حدره
وبه لون باهت ما تطمن به العين
وبس هههههههههه

[كديميس السيحاني]

ارحبي شاعرتنا المبدعه وصح لسانك وبدنك
وهلا بشاعرنا المبدع وصح الله لسانه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
رحب تراحيب المطر في هل الشرق
اقصد هنا بالشرق شرق الخليجي

ماهب من نسمه وما لاح من برق
واعداد ما بالبيت طاف الحجيجي

واعداد ما فوق النخل ناح من ورق
واعداد ما جاء بالموادع نشيجي

مامن غلا لكن لي ناسب الطرق////هههه
رشاش غيم وبرد/جوٍ بهيجي

قافٍ به اطفي ما حرق مهجتي حرق
من قول صبر وفرصة العمر تيجي

القلب معه اقفى اموافق بلا سرق
وراحت معه كل المشاعر هجيجي

والصبر حتت ما بقي شي بالخِرِج
وحنين صدري مع ونينه مزيجي
ــــــــــــــــــــــــــــــــــــــــــــــــــ ــــــــــــــــــ
وبسسسسسسسسسس





!!!!!!
يقول / وبسسسسسسسس
واجل انت خليت شي؟ 🤭

ولكن دووووووووووووك



ياللي درقت القاف و المفردة درق
و للبرق في غر السحايب لعيجي

لقمة جبال طويق ياللي بغيت ارق
و ويلات جيبك معه لجّت لجيجي

الطيب لاهل الطيب و مزارقه زرق
و الحق شامخ للنواظر بليجي

و قال المثل روما لها تودي الطرق
و لشعاب مكه و اهلها به وليجي

و عقب المطر و الوليّ شف باذر العرق
و العشب مع دفو المذاري يهيجي

و ما قرر الدكتور و اللي حصل فرق
ف الحاضنة ما عاش طفلٍ خديجي

في كل رحله كم قنصنا من البُرق
واللي نجا ما قالوا انه نويجي

[كديميس السيحاني]

ارحب يالخيال
ومساء الخير ع الجميع
ــــــــــــــــــــــــــــــــــــــــــــــــــ ــــــــــــــــــــــ
ورقا ووقعتي على غصن سدره
غنيه سجع الصوت لا لا تنوحين

ماعاد لي بالنوح يالورق قدره
توك وانا اللي مخلجٍ به زمانين

جاء في بياض الوقت يالورق كدره
لون الوفا واحد وشفته بلونين
خُف الجفا واحد مخليه حدره
وبه لون باهت ما تطمن به العين
وبس هههههههههه


مساء النور و السرور

لا فض فوك ولا انلجم لسانك
مافيك حيله ، الله لا يضرك

[شاعرة نجد]

مساء الامطار وشذى الازهار عـ الجميع

وصحت السنتكم شعراؤنا على هـ الروائع والمجاريات الممتعه
وصحت ابداانكم
وتسلم خيال على روعة الشيله الراائعه
وسلمتم ودمتم,’’

[شاعرة نجد]

تسليه للسجين والزوار

يازين غايم جونا اليوم زيناهـ
ياليت جوي داخلي مثل ذالجو

أنشهد انّه جاا على مـ اتمناهـ
صدر السماا (يُم)شعلل البرق محلو

عانقت غيمه لين حجري نثر ماهـ
دمعٍ على خدي مثل وابل النو

ياليت للهاجوس ريموت ليتاهـ
واسكره وارتاح لآنا ولا هو

واسلا واعيش ومامضى كله انساهـ
واقول ياقلبي كفَى,ماتبي سو

قررت يوم العزم والعزم مـ اقواهـ
شد وسندني دون لكن ولا لو’,

[كديميس السيحاني]

ليل الخميس اللي مضى كم تمنيت
انك معي و السمر ناره توقّد

والجو ديم لصوت طيفك توحيت
بإذني همس ويقول حافظ على العهد

و بعده صمت ما اخذت مِنّه لو اعطيت
و احترت فيه و صدر طيفك تنهد

تنهيدته منها الفكر جاه تشتيت
و عن من يناديني مغير اتصدد

و سريت مع ليل المشاعر و سرّيت
بيتٌ عقيم و جاك مزحي مع الجد

و انا احتري طيفك يجي حسب توقيت
خمسة عشر عامّ بليا مواعد

[كديميس السيحاني]

مساء الامطار وشذى الازهار عـ الجميع

وصحت السنتكم شعراؤنا على هـ الروائع والمجاريات الممتعه
وصحت ابداانكم
وتسلم خيال على روعة الشيله الراائعه
وسلمتم ودمتم,’’

مساء النور و السرور
و صوت الرعد وتغريدة العصفور 😁

صح كلك ولا هنتي

[شاعرة نجد]

بصراحه السجين طول مـ احد كفله
وين ابوعامر الدور عليه:smile:

من الارشيف,,

فيني وله,فيني حنين,وفيني
شوقٍ سكن في مهجتي مشقيني

أضمّد جْروحي,وأحاكي روحي
وأخشى المخده ريشها يوحيني

مستوحشه من ديرتي,من ناسي
ماكن شيء بدنيتي يعنيني

أعمى عيوني شوقي المستفحل
موج البحر والورد مايغريني

وحتى النسيم العذب لامن ذعذع
كنّه على جمر الغضى صاليني

أحترت في نفسي,وأنا عن نفسي
أدري ولا أدري وش حصل,وش فيني؟

مسترهفه وأنا رهيفه خلقه
وأدنات كلمه يافهد تبكيني,

[كديميس السيحاني]

هيضتني شاعرة نجد بالمعنى الحزين
لو مشد القاف يطرب له الشاعر طرب

من قنوف وبرق و رعود واصوات الغشين
و التمني والتواصيف لفيوزي ضرب

[كديميس السيحاني]

يا شاعرة نجد الكلبشات بيديك
من بعد ما قررت احط الكفالة

سجن القوافي من طرب صاح يدعيك
يقول هاتوها سريعا بداله

البرق في دارك و مزنه حراويك
و العود وقع حكم كله عداله

مما عطاك الله صوغي قوافيك
و مضمون عندي كل صوغك جزاله

[خيال مطير]

لا جيت ابرقد هيضتني شجوني
تاخذني الذكرى على ذيك الاهداب

ولا جتني الذكرى تجيني جنوني
اسهر وطيفه ساكن العين ماغاب

[الجووهره]

هلا بالجمييع
وصحت الالسن والاذوآق
ودآم الحضور والابدآع


ومنوره السجن شآعرتنا الجميله
وابشري بالتسالي

[ناصر الهواوي]

ياحلو جو اليوم يالربع حلواه
زرقة سماها عقب الامطار به قو

لو ان صدري بالصفا اليوم حاكاه
ماضيقه رايح ولا ارضوه من جو

ولا قال يا وجدي على ذاك وجداه
اللي عليه ذياب صدري تعاوو

ولا عكر الخاطر ولاهجسي اشجاه
ولا اقزاه صوت الورق صبح ان تلاعو

قافٍ لنجد اعجب هجوسي وجاراه
ظنه كماه بروعته/ماطلع هو

[ناصر الهواوي]

اقول صح لسان من صنتع البيت
في ختم ممتاز اختمه ما اتردد

على ضوا ناره كتب ما بغى ليت
هجسه من الشرِّد صخر ما تمرد

وجت له مثل من فتت الكبد تفتيت
بهدب الرموش مجرحات المورِد

اللي لها صغت القوافي وغنيت
لحوض الدرك للقلب الاخضر تورد

تقول صبر ولك تيسر يابالفيت
من الصدق هالقول المقول مجرد

[ناصر الهواوي]

اهلين بالشاعره والشاعر وبالجوهره والخفير
اهلين ما هيب تكفي ياهجوسي زد عليها ميه

[كديميس السيحاني]

مساكم الله بالخير
صحت السنكم و ذوائقكم
و دام تواجدكم

[كديميس السيحاني]

تسلية للسجينه
من الارشيف
وابشري بالتسالي من القديم و الجديد


هز غصن الراك ذعذاع الهـوى=والهوى ينساق له مـن لا نـوى
في الحنايا للصدى جاوب عـوى=واهنـي اهـل القلـوب الرايقـه

هم نبع القول قالـوا وش يقـول=في كلام النـاس ماتلقـا الحلـول
والهوى ياصاحبي حسب الأصول=في وصال الوصل وصله عايقـه

هز وجدان الغـرام اللـي حكـى=لو مجرد مـزح ماضنـي شكـى
يحتـرق قلبـي وجفنـي مابكـى=ياصـدورً مـن غلاهـا ضايقـه

هانـت الدنيـا ولا كانـت مقـر=وللهوى شلنا على جناح الصقـر
ليـن حطينـا لهوانـا مستـقـر=آآآهـ واقلـبً هـواهـا سايـقـه

هاجسي لو مر بإعصار الهبـوب=يسبق الإعصار ولصدري يجوب
ياخليل القلـب يعشـق للغـروب=لو ضحكت الهـم مانـي طايقـه

استعرت الصبر لين إنـه قضـى=ما حسبت سنين في عمرٍ مضـى
ما شعرت الا بعد ضـاق الفضـا=واثر قلبي نـون عينـي بايقـه

لو بغيت اقـول رده مـا قويـت=صعب أمِن الشي عقب أني عطيت
شبه غصب اعطيت وأنا ما خذيت=غير غفوة عين وابطـت فايقـه

فـرق مابيـن السعـادة والشقـا=مثـل مايفـرق نواهـم واللـقـا
إن هقـا بالوصـل والا ماهـقـا=لـه مـوده رغـم بعـده فايقـه

كان وصله طيف لكن طيف شـي=رغم شمس البعد كان الطيف فـيّ
وقت حم الصيف للعطشـان مـيّ=لو زلال الميّ ما احـد(ن) ذايقـه

العهد لو ضاع كم ضاعت عهـود=لو مواثيق العهد جبهـة صمـود
يا محل العهد صعب اطلق قيـود=و الصفه في غير وصفي لايقـه

[ناصر الهواوي]

رايعه هالرباعيه صح لسانك وقديمك جديد يابو منصور
وهاي تسليه للعاصفيه ولكم وللزوار
ــــــــــــــــــــــــــــــــــــــــــــــــــ ــــ
ياطير يوم انك كفخت وتعليت
عن الوطا وادرجت باللجه الحوم

وجنوب عن عيني تغيبت وابطيت
ان كان لك رجعه علينا آخر اليوم

ابا انشدك واقول ياعقاب ياليت
عندك جواب يحبب لعيني النوم

اكيد في طرقتك ياطير مريت
بيتٍ على دربك من الوقت مهدوم

بشر عساه مرممينه هل البيت
وبعد الجفا للناس من حوله رسوم

وللحديث تتمه ان شاء الله ههههههههه

[شاعرة نجد]

يا شاعرة نجد الكلبشات بيديك
من بعد ما قررت احط الكفالة

سجن القوافي من طرب صاح يدعيك
يقول هاتوها سريعا بداله

البرق في دارك و مزنه حراويك
و العود وقع حكم كله عداله

مما عطاك الله صوغي قوافيك
و مضمون عندي كل صوغك جزاله

لا لا يـ ابومنصور:smile:
وش هـ الظلم,ارجع واقر قوانين السجن
السجين مايسجن سجانه مو على كيفك ههه

وصح لسانك,’’

[شاعرة نجد]

ياحلو جو اليوم يالربع حلواه
زرقة سماها عقب الامطار به قو

لو ان صدري بالصفا اليوم حاكاه
ماضيقه رايح ولا ارضوه من جو

ولا قال يا وجدي على ذاك وجداه
اللي عليه ذياب صدري تعاوو

ولا عكر الخاطر ولاهجسي اشجاه
ولا اقزاه صوت الورق صبح ان تلاعو

قافٍ لنجد اعجب هجوسي وجاراه
ظنه كماه بروعته/ماطلع هو







صح لسانك,كايفه ونايفه
ولاعدمنا مجارياتك شاعرنا الجزل
نستمد الابدااع من ابداعك المميز طال عمرك

تقديري للشعر والشاعر,’’

[شاعرة نجد]

هيضتني شاعرة نجد بالمعنى الحزين
لو مشد القاف يطرب له الشاعر طرب

من قنوف وبرق و رعود واصوات الغشين
و التمني والتواصيف لفيوزي ضرب

سموا:smile:

كان ماهيضت بالقاف لاجاا له رنين
مبدعين الشعر والفن وكبار العرب

اعتزلته لو بدونه حياتي ماتزين
لاتهيض خاطري مارد جنونه قرب

[شاعرة نجد]

اهلين بالشاعره والشاعر وبالجوهره والخفير
اهلين ما هيب تكفي ياهجوسي زد عليها ميه


هلّت بك الحور يالشاعر,مساك النور والخير
كريم حتى من الترحيب نارك في ديارك حيه

[شاعرة نجد]

لا يـ ابومنصور مالك حق ابد تسجني
كيف تسجني وانا يالشاعر السجانه

وللأسف ماحولي احْدٍ جاا يدافع عني
كلهم يقرون ويقولون صح لسانه

ان قبلت وجيت في زنزانتي خذ مني
القصيد اللي يوسّع خاطر العمسانه

لاسرى ليلي سريت العب معه واغني
هاجسي وانا على عذب الشعر ضميانه

وان رفضت ورحت في ذاك المخيم كني
هايدي وسط الخضار اللي تشوق الوانه

والاجازه مقبله وانا وربي ظني
الهروب ابرك لي مْن مْقابل الزنزانه


وبس على قولة الهواوي:smile: :smile:

[شاعرة نجد]

ياكثر ماتقبل الضيقه وتقفي بي
وياطول صبري وياحلمي على الضيقه

أصبح وتصبح معي وأمسي وتمسي بي
حطت بْصدري لها بصمه وتوثيقه

بلاش شعري على كثرة مكاتيبي
لاصار مازاحت الضيقه طواريقه

[شاعرة نجد]

لومي وحقي على قلبي ومشروهي
وشلون يقسى علي والناس مرتاحه

أحرص على رغبته وأندلّ واتوهي
وأشعل من رْموش عيني ضو مصباحه

وليا نهيته رمَز من غير مسفوهي
قبلك وكثر العتب ماضمّد جْراحه

[كديميس السيحاني]

سموا:smile:

كان ماهيضت بالقاف لاجاا له رنين
مبدعين الشعر والفن وكبار العرب

اعتزلته لو بدونه حياتي ماتزين
لاتهيض خاطري مارد جنونه قرب




هههههههههههه
انا اشهد انك تهيضين اللي ما ينتهيض
لا تهيض خاطري مارد جنونه قرب
لا تهيض خاطري مارد جنونه قرب
لا تهيض خاطري مارد جنونه قرب

مجرمة شعر مع سبق الاصرار والترصد 😁

[كديميس السيحاني]

لا يـ ابومنصور مالك حق ابد تسجني
كيف تسجني وانا يالشاعر السجانه

وللأسف ماحولي احْدٍ جاا يدافع عني
كلهم يقرون ويقولون صح لسانه

ان قبلت وجيت في زنزانتي خذ مني
القصيد اللي يوسّع خاطر العمسانه

لاسرى ليلي سريت العب معه واغني
هاجسي وانا على عذب الشعر ضميانه

وان رفضت ورحت في ذاك المخيم كني
هايدي وسط الخضار اللي تشوق الوانه

والاجازه مقبله وانا وربي ظني
الهروب ابرك لي مْن مْقابل الزنزانه


وبس على قولة الهواوي:smile: :smile:


اسلمي واستلمي 😁

كيف مالي حق و انا الشايب المتأني
اعرف ان الحكم عدل و واثق بميزانه

ما يدافع عنك ف السجن انس والا جني
ف انتظارٍ للفرايد دانةٌ من دانه

و جبت و رقا عند سور السجن ذا يعنني
عارف ان الورق يشجي الشاعر و قيفانه

نحتري لابداع نجد وكل شعرك فني
مبدعه جزلة و هجس الشعر زاد جنانه

غني بزنزانتك دام الهجوس ءتعني
و بالتسالي دوك حاضر و الجعب مليانه

للبحر نغرف و لله الفضل و المنّي
و ما يغرق المركب اللي قايده ربّانه

[الجووهره]

يسعد مسآكم
وهلا بكم جميعا
وصحت الالسن والاذوآق
ودآم الحضور والابدآع

تسالي للسجينه الجميله
وللجمييع

سامرت وجه الحياه اللي عطتني عمر
‏حتى بدت تسرق القمرا .. وتسري بها

‏احرك الجمر ب الملقاط و اسحب جمر
‏والجمره اللي ب جوفي ويش اسوي بها ؟

،،،،

مايخفف ضغط الأيام وظروف الحياه
‏غير قرب اللي تحبه .. وتستانس معه .

…

لولا آلخطا .. محدن تعلم من الناس
‏ولولا آلجفا محدن عرف قدر غاليه

،،،،

لو شلت هم مايشيله جبل طي
‏حذراك لا تبدي على الناس سرّك

‏من قال لك وش فيك قل له ولاشي
‏ومن قال كيف الحال قل له تسرّك


وسلاااااامتكم

[كديميس السيحاني]

ياكثر ماتقبل الضيقه وتقفي بي
وياطول صبري وياحلمي على الضيقه

أصبح وتصبح معي وأمسي وتمسي بي
حطت بْصدري لها بصمه وتوثيقه

بلاش شعري على كثرة مكاتيبي
لاصار مازاحت الضيقه طواريقه


ياكم هجوسٌ مع المضماه ينحي بي
و يتل قلب المعنا من معاليقه

لو ما يردّنه العوج المحاديبي
كفخ كما جناح طيرٌ من مسابيقه

احيان فيه استثارة للهناديبي
و احيان يخبص مزاج الشعر و يعيقه

[كديميس السيحاني]

يسعد مسآكم
وهلا بكم جميعا
وصحت الالسن والاذوآق
ودآم الحضور والابدآع

تسالي للسجينه الجميله
وللجمييع

سامرت وجه الحياه اللي عطتني عمر
‏حتى بدت تسرق القمرا .. وتسري بها

‏احرك الجمر ب الملقاط و اسحب جمر
‏والجمره اللي ب جوفي ويش اسوي بها ؟

،،،،

مايخفف ضغط الأيام وظروف الحياه
‏غير قرب اللي تحبه .. وتستانس معه .

…

لولا آلخطا .. محدن تعلم من الناس
‏ولولا آلجفا محدن عرف قدر غاليه

،،،،

لو شلت هم مايشيله جبل طي
‏حذراك لا تبدي على الناس سرّك

‏من قال لك وش فيك قل له ولاشي
‏ومن قال كيف الحال قل له تسرّك


وسلاااااامتكم

مساء النور والسرور
يسلم ذوقك يا الجووهره

[ناصر الهواوي]

[color="teal"
مرحبا بالعاصفيه يامراحب بالقصيده
يا هماليل السحاب اللي بردها واجد

ذا مخالف للنظام وساكتين نريده
ما تزعل سجنتك وانتي سليلة ماجد

والسجين يروح رحله والكلبشه بيده
لو يجي للسجن تال الليل مثل الهاجد

يترك الحارس يمينه ثم يدخل سيده
ما يحس بما يمره/يتهجد ساجد
ـــــــــــــــــــــــــــــــــــــــــ
هههههههههههه[/color]

[ناصر الهواوي]

يا قو برد البارحه وانت طربان
جميد والشاعر تداحم بيوته

بيتٍ ذهب وآخر بالابداع مليان
ينحت حجر مالا يعجبه يشوته

وللجوهره لاقررت/ذوق بطران
يحفي على جمع الوالي سبوته

[ناصر الهواوي]

يا قكر خفف من طواريك وتهون=ماعاد يمك شي شف لك طريقه
لا ترقل يسمونك الناس مجنون=وبالذات من لايعرفون الحقيقه
لو طعتني لك صرت شاكر وممنون=لو من سهرك اغفايتك جت سريقه
قل للمقفي عنك بالحفظ والصون=وخله ليا شافك مظاهرك انيقه
وقل كل مالي صار منكم يكفون=وش غير وبجوفي مولع حريقه

[كديميس السيحاني]

يا قو برد البارحه وانت طربان
جميد والشاعر تداحم بيوته

بيتٍ ذهب وآخر بالابداع مليان
ينحت حجر مالا يعجبه يشوته

وللجوهره لاقررت/ذوق بطران
يحفي على جمع الوالي سبوته

ليل الشتاء لو نمت به يا كحيلان
من نام نصفه ثلث ليله يفوته

و للبرد نار السمر من غير دخان
و للشايب البردان تكفي بشوته

وليا قرأ له شعر جاوب بالالحان
وليا قرأ القرآن طوّل قنوته

[كديميس السيحاني]

الهواوي كنه بليل الشتاء مسجوني
ولا يبين الا مع المشراق و الظهريه

و ان عرفنا للسبب زال العجب تدروني
و ان كتم عنا الخبر له حق ف السريّه

و الا انا شابت رموشي والسهر لعيوني
ما يفارقها وناري ف الضماير حيّه

و لو غفيت شوي حف الطيف رمش جفوني
لمسة يدينه لرمشي كلها حنيّه

[ناصر الهواوي]

مرحبا يالشيخ ابو منصور يالدندوني
شب نارك بالشليخ وسو لك بريه

خمس جمر لحمسة البريه يسدوني
لايبيِّن للحرق في حبها ماريه

من بعدها ياهجوسي لو عليك اموني
الورق لك جايبه والمرسمه مبريه

والرصيد موفره ما ينفد المخزوني
جار قاف الشيخ عبر بيوته المقريه

للعيون السهر في وقتٍ مضى مديوني
قبل ما تنفش شعرها الشله الشريه

بدوي لوني رقدت وبالسهر لاموني
كبلوني بالقيود ولا حصل حريه

النداما اللي قبل من كم شهر ما جوني
ومن يحب يلم بي ما احب انا طاريه

[كديميس السيحاني]

مرحبا يالشيخ ابو منصور يالدندوني
شب نارك بالشليخ وسو لك بريه

خمس جمر لحمسة البريه يسدوني
لايبيِّن للحرق في حبها ماريه

من بعدها ياهجوسي لو عليك اموني
الورق لك جايبه والمرسمه مبريه

والرصيد موفره ما ينفد المخزوني
جار قاف الشيخ عبر بيوته المقريه

للعيون السهر في وقتٍ مضى مديوني
قبل ما تنفش شعرها الشله الشريه

بدوي لوني رقدت وبالسهر لاموني
كبلوني بالقيود ولا حصل حريه

النداما اللي قبل من كم شهر ما جوني
ومن يحب يلم بي ما احب انا طاريه





لا فض فوك ولا انلجم لسانك
من مبطي مافيك حيله الله لا يضرك

[كديميس السيحاني]

تسليه للسجينه والزوار 👇🏻



الشاعرة كم هيضت هجس كدموس
ما كنها الا لاعج البرق لا لاح

وسط القنوف اللي رعدها له طقوس
يسبح الخالق بليله و الاصباح

ءليا قريت اشعارها بلحن منكوس
جاريتها كني مدوّر للارباح

و ان صاغته لحنٌ هجيني كما القوس
نبله يخج ضلوع من قبله ءصحاح

معه اذكر الماضي وبي دك هاجوس
و اسرجت خيلي كنني سامع صياح

و صوت العزاوي يوم شاشت لها الروس
ما دونهم معذار ،، ما قام من طاح

ومع كل هذا بسجنها تعطي دروس
و للجزل و الابداع لبستها وشاح

ماقلته مجامل ولانيب دنفوس
شهادتي للحق وجْبت للافصاح

[شاعرة نجد]

مساء الخير

والله يصح لسانك يـ أبومنصور
ولاهنت على هـ المجاريات العذبه والحضور الفااخر

وصح لسانك يـ الهواوي والمرحب باقي
جزل وماتجيب الا العذب والجزل

لاعدمنا ابدااع المبدعين ,’’

[شاعرة نجد]

تسليه للسجينه والزوار 👇🏻



الشاعرة كم هيضت هجس كدموس
ما كنها الا لاعج البرق لا لاح

وسط القنوف اللي رعدها له طقوس
يسبح الخالق بليله و الاصباح

ءليا قريت اشعارها بلحن منكوس
جاريتها كني مدوّر للارباح

و ان صاغته لحنٌ هجيني كما القوس
نبله يخج ضلوع من قبله ءصحاح

معه اذكر الماضي وبي دك هاجوس
و اسرجت خيلي كنني سامع صياح

و صوت العزاوي يوم شاشت لها الروس
ما دونهم معذار ،، ما قام من طاح

ومع كل هذا بسجنها تعطي دروس
و للجزل و الابداع لبستها وشاح

ماقلته مجامل ولانيب دنفوس
شهادتي للحق وجْبت للافصاح

شهاده اعتز فيها يـ ابومنصور
وصح لسانك ثم صح لسانك
ولاهنت على هـ الابدااع

شكري وتقديري,’

[كديميس السيحاني]

تسلية
من الاوراق القديمة



مرسى هجوسي كل ما اجيك مشتـاق
ازيـد زرعـك ورد مـع زعفـرانـه

و ترسي بك أمواج ٌ من الفكر تنسـاق
وصرت الوليف وصـرت راعِ الميانـة

و ابدي عليك اسرار و اطوي بك اوراق
و انشدك وش سويت لي في الأمانـة

و صلتهـا والا لـك الوقـت مـا راق
و اودعتها الكتمان فـي البحـر دانـه

معك اتساع الصدر من ضيقتك ضـاق
يشكي عليك ومنـك يطلـب ضمانـه

معـك المسيـرة قـد تجلّـت للآفـاق
ما قد تمادت في السهـل مـع طمانـه

ومزونهـا تصحـب لرعـدٌ وبــراق
وهتانهـا ثمـره نـفـل واقحـوانـه

يحيي عـروقٌ جوهـا قيـض حـرّاق
ويغسل نفوس(ن) ماتعيـش الخيانـة

مرسى هجوسي يـوم للعهـد ميثـاق
ليه الوفـاء راعيـه يشكـي زمانـه

من لا عرف عهد الوفـاء دوم ينعـاق
و راعِ الوفاء لا بـد يكسـب رهانـه

في عالـمٍ مفتـوح واحداثـه اطبـاق
من جاء مكانـه مـا يحصـل مكانـه

يغتاض بـه عاقـل ويرتـاح بـواق
و يُكسر حديدة من قسـى الخيزرانـه

وليّ المزون ليا انهمر يغـرق اغـراق
و يا موج هد لكـل مرسـى حصَانـه

الشوق صوت وبالصدى رد الأشـواق
لو آن أوانـه قلـت ماهـوب آوانـه

و إن كان يالمرسى حصل بُعد وفـراق
خذهـا معـك ذكـرى بعقـل الرزانـه

[شاعرة نجد]

أبو منصور سجني
ويقول جاب لي حمامه وحطها عـ السور:smile:


مـ داام حطيت الحمامه على السور
هديلها نصحَى عليه ونقومي

مشكور ابومنصور مشكور مشكور
لو ازعجت ياطيّب الذكر نومي

صديقتي لـ اقعد علشانها شْهور
فالسجن مامليت لو فيه دومي

حَمامَه دام الجو غايم وممطور
وانا من الضيقه بـ اشقق هدومي

هيا تعالي قبل لايطلع النور
عطيني علومك وانا اخذي علومي

غني معي كلي معك شعر وشعور
يامصدر الهامي ومنفس همومي

وان كان نحتي ضايق الصدر مجبور
يسبح على بحر الغرام ويْعومي

ويكشف غطى ماكان مغلق ومستور
حتيش لو بعض الخلايق تلومي

[ناصر الهواوي]

ياصباح الخيرات والمسرات
اهلا يابو منصور وقديمك رائع وحضورك اروع صح الله لسانك ولا فض فوك
مرحبا بلعاصفيه المعتقله المبدعه صح الله لسانتس مدد بلا عدد ودام تواجدتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
يالهجس ما تقدر تجيب من القديم=فسقان والا ما مضى تجنبه
ماهو خطا نهجك اكيد انه سليم=لو ما تفضفض خاطرك ينجن به
خفيرنا في سرع رح قسم الحريم=من فيه ياشاويشنا فك وجبه
اطلق صراح الشاعره والله كريم=ورحوله اما جبتها به جيت به
مادامني بالمنطقه حوله مقيم=ما يلام شخص بحب شيٍ معجبه
خيال بالخيال ارا صورة عديم=بحلم ما ادري علم جات مرحبه
قمت اتخرفع بالمشي كني سقيم=يهب ياحلم المصحصح ما اكذبه

[الجووهره]

يا قو برد البارحه وانت طربان
جميد والشاعر تداحم بيوته

بيتٍ ذهب وآخر بالابداع مليان
ينحت حجر مالا يعجبه يشوته

وللجوهره لاقررت/ذوق بطران
يحفي على جمع الوالي سبوته


تسلم شآعرناا وصح لسآنك
وتسلم شآعرنا كديميس
وماعليكم زود الله يسعدكم ويحفظكم

[الجووهره]

وصحت الالسن يا مبدعين
على المجاريات الرآئعه

وصح لسانك شاعرتنا المبدعه
ما فيك حييبيييله

واهم شي ان الهواوياطلق سراحك
في الويكند
. الله يحفظك ويسعدك ويهنيك
والجمييييييع

[الجووهره]

اهدآء لكم جميعااا



‏يا حبني لأهل القلوب النظيفه
‏ ... اللي بياض قلوبهم مثــل الاوراق

‏أهل النوايا الصادقات العفيفه
‏.. بيض الوجيه اللي لهم دوم مشتاق


،،،،،


والله انكم أهل. اخوان وأخوات
الله يحفظكم ويسعدكم

[ناصر الهواوي]

يامساء البرد اللي يجمد الورد ههههههههه
ارحبي يالجوهره وصح بدنك وذوقك وانتي كذالك اخت وغاليه الله يسعدك ويحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
لقيت رحيل والا فروتي زاهبه
ودفاية القاز جايبها وبشت الوبر

ابا انسدح وانت دور بنتنا الغايبه
حرك قرنبعك من بدري وجب لي خبر

ما ودنا بالدعاوي هكذا سايبه
من لا يجي بالرضا هاته لنا بالجبر

ومن بعدها ياكثر ما كنت انا هايبه
ليا متى هالتخوف ما بقي بي صبر

ليا تصرفت مع طاري قمز نايبه
حتى غدت ظاهره/في هالطواري عبر

وبسسسسسسس ههههههههههه

[كديميس السيحاني]

مساكم الله بالخير

لا فضّت الافواه ولا انلجمت الألسن

ابداع و امتاع في القول و المنقول

دام تواجدكم

[كديميس السيحاني]

نحتج ونشجب ونستنكر


الحمامه جبتها لاجل السجينه
خابرٌ سجع الحمامه للإثارة

يستثير السجع و النوح و رطينه
للمشاعر و القرايح عن جداره

و مستوى الابداع دايم ضامنينه
تِظهر الدر الثمين من المحاره

مير شيخ السجن في حكمه ندينه
يطلق المسجون و يوقّع قراره !!!

عنصري للعاصفيه خابرينه
عطلة الاسبوع ترميز الإشارة

و يحسب الغيّاب في قبضة يمينه
وابلش اللي دايماً ماسك خفاره

[شاعرة نجد]

مساء الخيرات والمسرات

وصحت ابدانكم والسنتكم الهواوي وابومنصور
لاعدمنا ابدااع المبدعين
وصحت ذائقتك جوهرتنا وصح بدنك

وسلمتم ودمتم,’’

[شاعرة نجد]

[color="teal"
مرحبا بالعاصفيه يامراحب بالقصيده
يا هماليل السحاب اللي بردها واجد

ذا مخالف للنظام وساكتين نريده
ما تزعل سجنتك وانتي سليلة ماجد

والسجين يروح رحله والكلبشه بيده
لو يجي للسجن تال الليل مثل الهاجد

يترك الحارس يمينه ثم يدخل سيده
ما يحس بما يمره/يتهجد ساجد
ـــــــــــــــــــــــــــــــــــــــــ
هههههههههههه[/color]

من قريت هـ الابيات وانا ناويه بالهروب
رسمت لي الخطه يالزعيم طال عمرك,’’

[شاعرة نجد]

ياصباح الخيرات والمسرات
اهلا يابو منصور وقديمك رائع وحضورك اروع صح الله لسانك ولا فض فوك
مرحبا بلعاصفيه المعتقله المبدعه صح الله لسانتس مدد بلا عدد ودام تواجدتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
يالهجس ما تقدر تجيب من القديم=فسقان والا ما مضى تجنبه
ماهو خطا نهجك اكيد انه سليم=لو ما تفضفض خاطرك ينجن به
خفيرنا في سرع رح قسم الحريم=من فيه ياشاويشنا فك وجبه
اطلق صراح الشاعره والله كريم=ورحوله اما جبتها به جيت به
مادامني بالمنطقه حوله مقيم=ما يلام شخص بحب شيٍ معجبه
خيال بالخيال ارا صورة عديم=بحلم ما ادري علم جات مرحبه
قمت اتخرفع بالمشي كني سقيم=يهب ياحلم المصحصح ما اكذبه


الله يصح لسانك حضرة الزعيم الكريم
كنت ناويه بالهروب ويدي على قلبي والحين جت فـ السليم
وعوايدك شاعرنا,
وصح لساانك صح لسانك
يشرفني ويمتعني مجارات هـ الابيات وابيات ابومنصور(الاحتجاج)
لكن عندنا ضيوف من نجد الله يحييهم
وتو فتحت النت على عجل

بـ اوصيك ان مركم الدنيش حطه فـ الزنزانه
وهـ الايام اعذروني عـ الغياب
واستودعكم ربي
تحيتي,’’

[شاعرة نجد]

نحتج ونشجب ونستنكر


الحمامه جبتها لاجل السجينه
خابرٌ سجع الحمامه للإثارة

يستثير السجع و النوح و رطينه
للمشاعر و القرايح عن جداره

و مستوى الابداع دايم ضامنينه
تِظهر الدر الثمين من المحاره

مير شيخ السجن في حكمه ندينه
يطلق المسجون و يوقّع قراره !!!

عنصري للعاصفيه خابرينه
عطلة الاسبوع ترميز الإشارة

و يحسب الغيّاب في قبضة يمينه
وابلش اللي دايماً ماسك خفاره

صح لسانك لو تحتج وتشجب ههه
لو ماكفلني الهواوي
كفلت روحي ورجعتك فالزنزانه عشان تعرف تسجن سجانك
وتعدى عـ القوانين
احمد ربك واشكر ابوعبيد ههه

وسلمتم ودمتم,’’

[ناصر الهواوي]

اهلا بشاعرنا وشاعرتنا وصحت السنتكما وابدانكما يمكن اني حليت مشله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
تشجب وتستنكر وتحتج يا بيه=اللي تبي سوه ترانا عواصف
اللي نبي ياشيخ لازم نسويه=من يعترض يجيه بالحال قاصف
يسجن وفي جزل الفرايد نسليه=الهجس ما هو عي والفكر حاصف
وبس هههههههه توقيع حضور فقط

[ناصر الهواوي]

الجضور 69 زائر اغلقهم انا نصير سبعين ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــ
دخلت في سجن القوافي وتكيت
من ليلة البارح وانا فيه تاكي

والظاهر اني فيه بالحيل عكيت
طفشان لا فرشه ولا به مراكي

حتى الحمام اللي حواليه سكيت
لا سجع فرحانه ولا نوح باكي

صمتٍ رهيب اضفى سدوله وشكيت
يا ذيبة الصدر اسعفي في عواكي

بين الضلوع اسمع تصاوي كتاكيت
وصبرت لكن منهن اصبحت شاكي

شحت عيوني بالدموع وتباكيت
يا تكةٍ بالصدر روحي وراكي

لا يفلها الشامت على كيت من كيت
وان صار ما عندي جليس ابـ هواكي

[الجووهره]

هلا بك شآعرنا
وصح لسآنك
ودآم ابدآعك

[الجووهره]

تسليه بس مين السجين


لا تـصادق بخيل ولا تخـاوي زعـول
‏ولا تـجـادل سفيه ولا تعــاند خـبـل

‏إلـتـزم بالنـزاهة و إحـترام العـقـول
‏وكان هبـت عليك الريح خلك جبل

‏وكان شفت الخواطر قدلحقها ذبول
‏ارتحل قبل في وجهك تضيق السُبل

‏حط نجـم الثـريا لك محطة وصول
‏وبينـــك وبيــن ربــك لا تفك الحبل

[ناصر الهواوي]

يا حيا الله الجوهره وصح بدنتس وابشرتس من المزرعه وجنوب البارح المغرب جاء سيلية طيبه والحمد لله
ــــــــــــــــــــــــــــــــــــــــــــــــــ ـــــــــــــــــــــــــــــ
ـلو مريت يالخيال لوهو على عجل
مثل الجوهره مرت على السجن عجلانه

ان قلت انت لك رغبه نمرك؟ اقول اجل
اطرافي ترف بسجن الابداع وجلانه

وين القهوجي ياقف بها لي على رِجِل
يجي لونها يشبه لوجنات خجلانه

[ناصر الهواوي]

انا نزلت المشاركه قبل اشوف هالابيات الفاخره
السجين يبدو انه انا لاني قلت ان ما جت رحيل فانا السجين ما جت ههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــ
انا كيف ابا اقنع بالجفا من بعد وفا
ولا بالقطيعه تصدم الولف من وافي

الا ان فيه نامس يقرص القلب بالخفا
مثل جلد الافعى ناعم وسمها خافي

ليا شاف جوٍ زاد مع روعته صفا
يثور غباره حقد لو في قدم حافي

استرجعت لي عهدٍ عليه الزمن عفا
عصرٍ كان من شبه البراغيث متعافي

[ناصر الهواوي]

ان فتحت النافذه برد وان سكرت ضيق
والخفير مزرفل الباب والدنيا مطر

اطرد الضيقه بقول المسلي بالطريق
معه دله ريحة ابهارها فوحة عطر

وكني اسمع صوت ورقا على غصنٍ وريق
شطر يضحكني وينتك صدري من شطر

وللأمل اشوف بنهاية السكه بريق
ويتسع صدري من اصفر عفيف الى قطر/هههههههههه

[ناصر الهواوي]

من جهد ذاتي سلني ياهجوسي
جرد الصحاري ما بها من يسليك

وجه السجن عانه حزين وعبوسي
واللي فقد ربعه تجي طلته هيك

خذ من تجاربك القديمه دروسي
والراي خله دايماَ منك وايليك
ــــــــــــــــــــــــــــــــــــــــــــــــــ ــــــــــــــــــــــــــاثبات تواجد فقط

[الجووهره]

هلا بك زود شآعرناا
ومبرروك السيل
الله ينفع به البلاد والعباد
واعذرنا اجازه مطوله وطلعات وأمطار
وأجواء رآئعه والحمدلله
ونورت الزنزانه وابشر بالتسالي

[الجووهره]

تسليه ع السريع هههههه

سموّ الأخلاق يجعل منك صاحب سمو
‏الناس تمـلك قلوب الناس .. بـ أخلاقها

[الجووهره]

تسليه على لسان السجين


ماغير الاعب سبحتي في محلي
‏والملهمه تضرب بـ الافكار الافكار

‏الليل والبرد و سجن الرواسي
‏خلتني اخذ لي مع الهم مششوار

‏وبرد الشتاء عادي مصيره يوولي
‏فتره ونشكي من نكد صيفنا الحار

‏المشكله برد المششاعر هو اللي
‏والله ماينفع معه فرروه ولا ناار

[الجووهره]

الابيات قبل التعديل هههههه

ماغير الاعب سبحتي في محلي
‏والملهمه تضرب بـ الافكار الافكار
‏الليل والبرد و مدااهيل خلي
‏خلتني اخذ لي مع الهم مششوار
‏وبرد الشتاء عادي مصيره يوولي
‏فتره ونشكي من نكد صيفنا الحار
‏المشكله برد المششاعر هو اللي
‏والله ماينفع معه فرروه ولا ناار

[الجووهره]

ويقول شآعرها الشيخ مطحس
حسب الاسم المستعار في تويتر



يابرد الشتاء خل الحنين القديم يموت
‏امانه معك لاتبعث الشوق من قبره

‏انا من كثر ماني بمتضايق ومكبوت
‏لو يقول احد وش فيك غصتني العبره

‏اذا الناس تحتاج اكسجين وشراب وقوت
‏و انا احتاج جبرة خاطرٍ ما لقى جبره

‏ياضحكة حياتي لا تمر الفرص وتفوت
‏طريق الوصل مدري متى نقدر نعبره

[ناصر الهواوي]

اهلا يالجوهره والله يصبحك بكل خير
تسالي رائعه وفاخره لاهنتي والله بسعدك ويحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
شملى مهب الريح بارد نسمها
مشمس ومع ذا بردها صايرٍ شين
وزنزانتي بالشمع الاحمر ختمها
وش هو سبب تقفيلها يا احمر العين
لافرق في تسكيرها من عدمها
لا زايرٍ شرَّف ولا جاء مسلين
الا جواهر لا عدمنا كرمها
كريمة رجال الفضول المسمين
وللحديث تتمه

[ناصر الهواوي]

لاتوصلين القلب يالعين لـ اقصاه
ليا اعترض لك من يحاليه صدي

الاصل ضمن المستحيلات نلقاه
مري بدل فاقد لخلي وعدي

لاتمثلين اللي نقل داه برداه
نبشة جروحه منك يحسب تعدي

وجدك مثل وجده لشوفه ولاماه
وذا وده وودك ووده وودي

لاتبيحين اللي عن الشامت اخفاه
لعل ضغط الدم عنده يهدي

[ناصر الهواوي]

قالوا لي اعقل قلت ماني بمجنون
اقرأ على المجنون ويروح جنه

ما فيه صدر الا وبه سر مكنون
وانتم حشا تدرون باللي يكنه

لكن يوجد من على ما به يمون
قد كان قبل يشب ناره يحنه

وللحديث تتمه ان شاء الله

[الجووهره]

اهلا يالجوهره والله يصبحك بكل خير
تسالي رائعه وفاخره لاهنتي والله بسعدك ويحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
شملى مهب الريح بارد نسمها
مشمس ومع ذا بردها صايرٍ شين
وزنزانتي بالشمع الاحمر ختمها
وش هو سبب تقفيلها يا احمر العين
لافرق في تسكيرها من عدمها
لا زايرٍ شرَّف ولا جاء مسلين
الا جواهر لا عدمنا كرمها
كريمة رجال الفضول المسمين
وللحديث تتمه

هلا بك زوود شآعرنااا
وصح لسآنك مليوون
وتسلم ماعليكم زود طآل عمرك
لزوم الاتصال بصديق
للرد على الابيات. هههههههه

[الجووهره]

تسالي منتصف الليل

ريح الحطب والبرد ومقابل النار
‏تجلي عن الخاطر ( همومٍ كثيره )

‏والدله اللي وسطها ( بـن وبهـار )
‏تشفي جروح اللي جروحه خطيره .

،،،

ولفت السهر ميلاف الأجواد للأجواد
‏عسى الله لا يخليني من علومه الدسمه

‏تجمّل علي وطاب لي عنده المقعاد
‏وسكن فيه قلبي مثل ماتسكن النسمه

‏أنا من كثر ماني مقيّد معه بـ قياد
‏تبعت الظلام وبيّن بـ هالتي وسمه

‏أراقب نجوم الليل كني خبير أرصاد
‏ماخليت نجمٍ فالسما ماعرفت أسمه

،،،

تمضي الأيام .. وتبيّن خفاها
‏ و من كسب حب الأوادم فاز فيها .."

‏النفوس الصافيه كـمّـل معاها
‏ و القلوب الطاهرة حافظ عليها .."

[ناصر الهواوي]

صباح الخير والبرد القوي عندنا اليوم
ارحبي يالجوهره ولا يحتاج رد تواجدك كافي والتسالي رائعه
لاهنتي
الخيال هلابـ اسمك وهمزك للاعجاب ههههههههه
فاقدين ربعنا وربايعنا لعل ما بالجميع باس
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
التمشي فيك يادار كانت سلوتي
عادتي من يوم انا كنت في سن الشباب

لين خابت فيك يادار خلي هقوتي
لا رحمتي كيف تجفين جلاي العذاب

ورغم ذا زادت لذيك الشوارع رغبتي
كن مايمشي بشر بالمدينه عقب غاب

امتلت من كثر ما اقول وينك؟؟ سلتي
وافتش المستقبلَه منه ما فيها جواب

الذي عكر مزاجي سكوته واللتي
حطمت نفسيتي والأمل بالياس ذاب

قول من لا يفتهم/ضعف في شخصيتي
الشوامت والعواذل عساهم للذهاب

[خيال مطير]

البارحه ربي كتب لي ومريت
دربٍ عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

يا ليتني في لفة الدرب زليت
كان العيون من الدموع استراحت

اللتم غيم الدمع من يوم لفيت
وورقا القصيد لشوفة الغيم ناحت

وضحكت ما ابغي الناس تدري يبا لفيت
لكنها غصبٍ على العين ساحت

حارت دموعي في عيوني وصديت
وارمشت ابيها ماتبيّن وطاحت

وعقبه برق فالعين براق واسقيت
خدي ووناتي بصدري تلاحت

وانا احسب اني في فراقه تعافيت
وان عبرتي من مدخل الزاد زاحت

اللي يحسب اني على البعد سجيت
والا ان عيوني للرقاد استباحت

ياليتني من قبل لا احبه اقفيت
والا ان دروبي عن دروبه تناحت

اهون عليّ من البكا والتناهيت
واشلا من سدودٍ على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوا له اني عقب بعده تدانيت
ورجلي عن دروب المعافين شاحت

البعد نار وطاعة العذل كبريت
يقصر عليّ بعده ترى الكبد فاحت

[الجووهره]

يسعد مساكم
وهلا بك شاعرنا
وصح لسانك ودآم حضورك وابداعك

هلا بك خيالنا
ويعطيك العافيه ويسلم ذوقك

[الجووهره]

يقوول..

دام الـغصن مـاهوب يختـار طيـره
‏خفف عـلى نفسـك عتـابك ولومك

‏الـــوقـت يبي ياصلك شـره وخيـره
‏خذ حقك من اكلك وشربك ونومك

‏الـــرزق محـدٍ مـاخـــذٍ رزق غيـره
‏والمـوت منـت بميـتٍ قبـل يومك

[الجووهره]

لا ضاق صدرك وأتعبتك المسافات
‏لا تلحق النفس الحزينه جهدها

‏نوخ ركابك عن جميع المسارات
‏واصبر ع ضيق الحياه ونكدها

‏الضحك له ساعه وللحزن ساعات
‏واللي يعرف ادروبها مانشدها

‏لو السعاده،، تنشرى بالريالات
‏تلقاء الاوادم غارقه في سعدها

[ناصر الهواوي]

مسار الخيرات والمسرات
انا جاز لي الجمر وعجنت واحاول اسوي جمري مادامني لحالي ان زان شي طيب وان الاخرى ما عندي ناقد هههههههههههه
الخيال والجوهره ما قصرتوا دام حضوركم وصحت ابدانكم واردانكم
تسالي ولا اروع
ــــــــــــــــــــــــــــــــــــــــــــ
داعب باصابعك ازارير الجهاز اتش بي
يظهر على شاشته موضوعك اللي تبيه

قاف الغزل بعد شاب العام/عود صبي
وان قلت ما مات شي فات انا ردي إيه

طراه لي نوض برقٍ يبعد ويقربي
ذكرت شيٍ ابـ براق المخايل شبيه

يتهمه الصقر وايضا يشتكيه الضبي
والاول اكذب من الثاني وانا اقول ليه

عيون الاول بلا رموشٍ بها يضربي
وجيد الضبي ما تذوب عقود الالماس فيه
وبس ههههههههههههههههههه

[الجووهره]

‏حي الصباح وحي شمسه ونوره
‏صبح ٍ تباشــر به جميع الخلايق

‏يوم الخميس اللي بدانا حضوره
‏صبح ٍجمـــيل وأصبح الكل رايق


خميسكم فله
وفرح وسعآده
وكل أيآمكم يآرب

[ناصر الهواوي]

طرت وانفطرت/من الهواجيس
ــــــــــــــــــــــــــــــــــــــــــــــــــ ـــــــــــــــــــــــــــــــ
يقولون(شباط ميبس اللقمه على المسواط)
ويسمونه موهق الرعيان لان الصباح الباكر يكون ادفي نسبيا واذا سرحو زادة البروده
نرجع للمسواط
عصا غليظه يقرب طولها من المتر
تنضف وتحكك وتكون دايما في مكان نظيف
للعصيده وللرز الذي كان في القديم يطبخ حتى يصير مثل دماغ الجربوع مثل ما يقولون
ليه لانه يبي يصب عليه مرقه رايبه او لبن رايب
ما كان هناك نثري او بخاري او برياني اوغيره من ما اجهله هههههههه
الاكل باليدين الا الآن لكنه اليدين اليوم غير يدين امس
طبعا المطخ واللطخ يبي يسيل المرق الى الذراع وما ادراك ما الذراع هههههههه
ذلك الحين وخصوصا الارياف والباديه ما فيه شي لحفظ اللحم
فكانو يفرحون بالضيف اللي يصملهم على الذبيحه والمرقه هي الهدف
الى الان وانا من اللي يحبون الرز المعبوط والمرق

[ناصر الهواوي]

ارحبي يالجوهره والله يسعد جميع اوقاتك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
نبات ونما واصفَّر لاشك باقي له جذور
ويقولون غشنات المطر لاتوالت تنبته

يظهر له غصون وتورق وتنفتح فيها الزهور
افطن للقياس وسوها ذي حقيقه مثبته

وانا عارف ايام الدهر كم تلف وكم تدور
ما طاب اوخبث من ما تجيب الليال موقته

كل الانشطه لاابطت وطال الزمن جاها فتور
والهاقي يسوي ما يريده تهون هقوته
وبس ههههههههه

[ناصر الهواوي]

بيتين جابتهن وللهجس دوره
مادمني رايق وبالحبس فايق

بيوم الخميس اللي تغرد طيوره
مايكون دون الخير والربع عايق

[الجووهره]

هلا بك شاعرنا
ويسعد مساك والجميع
وصح لسآنك ودام حضورك وابدآعك



يقول الشآعر فيني
امزح امزح ههههههه


جدايلك ظلمة ليلن اسود وخدك نور
‏كما البدر لامنّه غشى ليلة ٍ ظلماء

‏كحيله جميله تنبت الورد بارضٍ بور
‏يصير الجلاد أخضر ولوماسقاه الماء

‏عوافي ياحرف الشعر وقصور ماش قصور
‏مادام القرايح معك تشرب ولاتضمى ..

[ناصر الهواوي]

روعه هالابيات يالجوهره والله يمسيك والجميع بالخيرات والمسرات
رحيل والشاعره والصقري والغامدي والناقد وابو منصور وغيرهم الله يحفظهم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
تذكرت والذكرى لها بالصدر تاثير
تحرك شعور وبالمشاعر تبين اثار

نوبٍ باقه من الورد وغلافها حرير
ومره تقدح بزند الشقا بالمغربل نار

الا يالهبوب اللي سمعنا لها صفير
تنحي طلبتك عن مهبك شوي يسار

مري من نصب نفسه برغمي علي امير
مرؤوس ورئيس اثنين بالانضمه ما صار

قولي هالجفا بعد الوفا شي مايصير
طعنه قاتله بالقصد مع سابق الاصرار

[ناصر الهواوي]

الجوهره وانا هنيا بقينا
اضف لنا تسعه وسبعين زوار
ــــــــــــــــــــــــــــــــــــــــــــــــــ ــــــــــــــــــــــــــــــــ
كان قبل لحظات عندي الناقد وابوه سمعتهم قصيد وسمعوني الله يجزاهم خير على تواصلهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
فديت الجبل والطلح والدار والشعيب
توريني الذكرى صور لي وانا العب به

نعم لي بهن عهدٍ تقادم ما هو قريب
وصعيبٍ على الانسان نسيان ما حبه

جلوسي لو الـ لحظات في قربهن يطيب
لكن يستعيد الفكر ما فات وانشب به

يرد الحجر صدى الشجر جالهن نحيب
وصار الصدى والصوت لهمالهن سبه

[ناصر الهواوي]

حضرة خفير السجن لو غبت معذور
خلاص انا فيه متكيف لحالي

يعني على هـ الباب ما انتا بمجبور
ما عاد به مصلوح لا لك ولا لي

ابا اتمشرق واتراكا على السور
واجر موالي واغني والالي

سيان عندي بالهجيني ومجرور
من الطفش ابارفع الصوت عالي

لا الشاعره مرت ولا جاء ابو منصور
وابطا فتى جده وراع الجبالي

حتى رحيل اللي هنيا لها دور
من ننشده يقول ياهملالي

ولا سجع قمريه ولا صوت عصفور
في موطنٍ موحش من الناس خالي

كافي كذا ياهجس وافي ومشكور
ونستني واسعفتني بالتسالي

[الجووهره]

*قلوب البشر ياصاحبي لها مفاتيح*
‏ *وكل قلب مفتاحه بوصف وعلامه*
‏
‏*واذا تبي مفــتاح من غير تصريح*
‏ *افــتح قلـوب النـاس بالابتســامه



ومسآكم ابتساااامه دآيمه يآرب

[ناصر الهواوي]

ههههههههههههههههههه
اهلا يالجوهرهوالله تشققت افامنا من الكركره ماهيب الابتسامه ولاشفنا شيٍ نفتح
الا ولوا مدبرين ههههههههههههه
صح ذوقك ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
اسعد الله مساء خفير سجن الرواسي
وكل زاير ومن هو فيه جعله سعيد

الجفاء والله انه جد بالحيل قاسي
ما يقره لغيره كود راسٍ عنيد

السجن فيه من يومين طحت امتواسي
لا فريده علي مرت ولا جاء فريد

اتسمع عساي اوحي مطير نعاسي
مثل ورقا تلاعا فوق خضر الجريد

او لي يمد منها ما يزيل العماسي
رافةً بالسجين اللي مخلى وحيد

وين من فيه فزعه وين ربعي وناسي
النتيجه تساوي صفر هذا الاكيد

[ناصر الهواوي]

لو ما زاروا الدمام اهل نجد كان اشوى
قبل هـ الزياره من هله كان يسمع صوت

كان حضورهم من قبل سيء وصار اسوا
قبل غرغرة حلقوم واليوم ماتت موت

اقصد شاعرتنا اللي بقيفانها نروى
مع الشاعر اللي يذهب عماسنا بـ بيوت

اللي في يدينا قول حيل الله الاقوى
اللي حابسٍ هاروت في بابل وماروت

ان لديت ياهجسي لما فات قل سقوى
تدير الحدث كف القدر دايم بريموت

كل آفه لها بالمجتمع تنتشر عدوى
هذا ماحصل في مجتمعنا وانا مبخوت

[الجووهره]

ههههههههههه
صح لسانك شاعرنا
ودووم الكركره يارب
هههههه


يقوول


تمضي بنا الأيام ضحكات وهمـوم
‏ والعمر يمضي بين تذكـر وخابـر

‏لولا الأمل مابيـن الايـام مرسـوم
‏كان البكاء يضني حبـال الحناجـر

‏ياضحكة الماضي ويادمعـة اليـوم
‏الله عليم(ن) كيف الاحـوال باكـر ؟!

[ناصر الهواوي]

إي والله كيف الاحوال باكر
اهلا يالجوهره وصح بدنتس ولاهنتي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
ياكثر ما فوق الجرايد من الورق
بس الغريب ان مالهن بالنخل صوت

والجو غايم بس ما لاح به برق
ومن هالوضع والفكر حاير ومبهوت

بساعاتها الايام ما بينها فرق
ذا يبتدي والامس قدامه يفوت

يالعين وش في جفنك بدمعته غرق
قالت يبدد ضيق في صدر مكبوت

دهويته بما اعجبت به واندرق درق
ظن الأمر حلو ابتسامات ويفوت

شلهب على جمر الجوى وانحرق حرق
اللي عليها شلهبوا قلب بخوت

[شاعرة نجد]

السلام عليكم ورحمة الله

وصح لسانك يـ العاصفي,أبدعت وامتعت وماقصرت
ولاهنت على هـ الدرر العذبه
وصحت الذوائق من قول ومنقول
تقديري,’’

[شاعرة نجد]

لو ما زاروا الدمام اهل نجد كان اشوى
قبل هـ الزياره من هله كان يسمع صوت

كان حضورهم من قبل سيء وصار اسوا
قبل غرغرة حلقوم واليوم ماتت موت

اقصد شاعرتنا اللي بقيفانها نروى
مع الشاعر اللي يذهب عماسنا بـ بيوت

اللي في يدينا قول حيل الله الاقوى
اللي حابسٍ هاروت في بابل وماروت

ان لديت ياهجسي لما فات قل سقوى
تدير الحدث كف القدر دايم بريموت

كل آفه لها بالمجتمع تنتشر عدوى
هذا ماحصل في مجتمعنا وانا مبخوت



رووعه يـ الهواوي هـ الدره والقافيه المميزه
أعجبني البيت الاول ههه وكلها من ذهب
موب حزة سجن الله يهديك,هـ الاجواء اغتنم الفرصه ههه

صح لساانك,’’

[شاعرة نجد]

لاتلوم الناس لاباس هونك يالهواوي
والمطر والغيم والديم سبّه فـ الغياب

حزة المكشات جات وتهيّت عـ المناوي
جونا من شرقها لـْ غربها يالقرم طاب

الخضار وريحة العشب من فوق الهقاوي
والصحاري الجرد زانت عقب وبل السحاب

ذبذبة لـ ارسال ماجابها الجو الخلاوي
واسترااح القلب وارتاح ياسمح الجناب

القصايد تشغل البال وتْزيد الشقاوي
والمُخيم والهوى العذب متعه وانجذاب

[ناصر الهواوي]

اهلا بشاعرتنا وصح لسانتس والله يسعدتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
مرحبا ما وده موده وما صاح شاوي
وما غطا روس الجبال الصباح من الضباب

يوم حقق للبشر ربهم كل المناوي
واكتست بالعشب جرد الصحاري والهضاب

وزان بدع القاف في كل ممطورٍ خلاوي
وفوق جمر السمر ياحلو تقليب الكباب

الشوى ريحه يجي مع هبوب النود ضاوي
برد لو خلوه مكشوف ما جاه الذباب

ولسجايا الربع يالشاعره مانيب غاوي
بالربيع وبالدهر ما يكبون الغياب

بالمدن والا الخلا النت موجود ورهاوي
بكل مية متر لبروجه تشوف انتصاب

مقدمه للهجس لو كان للرجعه يراوي
لقافه اللي ما يخليه لو شاب الغراب

لمن تشابه عينه بلونها عين النداوي
وجيد خشف روعه بالفضاء زيلة عقاب
وبس هههههههههههه

[ناصر الهواوي]

حيٍ من اول يعجب اللي يزوره
جيته وروعني تقل موطن اشباح
اخذت بعد العصر لي فيه دوره
عكر مزاج ونقض بشوفه جراح
اثر الاماني خايبه ومعثوره
شق البنا قايم وباق البنا طاح
بالذاكره كنت احتفظ له بصوره
حلوه ملامحها هاكالوقت وملاح
ولقيت غرشة عطر بركام سوره
ريحه بعد رجيتها حيل ما فاح
وبس هههههههه

[ناصر الهواوي]

اوووووووووووووووووف اوووووووووووووووووووووف
مريته امس العصر مربك وعجلان
حيٍ طرا لي بعد مده وجيته

ذا بيته وذا منزل فلان و فلان
وينه ووين اللي هكالبيت بيته

بالشارع القى قبل زيله وورعان
ماجد وعبد الله وحصه وصيته

واليوم ما كن الذي كان قد كان
ما كنت اصدق فيه لو ما رأيته

يا ضلع قل لي وين مدعوج الاعيان
وانشدك يا واديه عن من حويته

ما تقول داج برملك العصر حفيان
وفي هالقدم ماتقول رملك وطيته

ما كان زينٍ به بعد ما رحل شان
وعندي كيانك غالي ولا شنيته

[الجووهره]

هلا بالصباح المشرق الراقي المرموق
‏هلا بالصـــباح اللي تغـــرد عصــافيره

‏صباحٍ يسوق النور فوق البسيطه سوق
‏ويضفي على بيض النوايـــا تبـــاشيره

[الجووهره]

وهلا بكم
وصبآحكم نور وسرور
وتبآشير وسعآده

وصحت الالسن
شآعرنا الهوآوي
وشآعرتنا نجد
ودآم حضوركم الجميل وابدآعكم

[ناصر الهواوي]

هلا بالصباح وبالمصبِح وحلو الذوق=وهلابالسحاب ورش بارد شخاتيره
يوسع صدورٍ ضايقه وبلها وتروق=من المزرعه من رحمة الله الى الديره
ــــــــــــــــــــــــــــــــــــــــــــــــــ ـــــــــــــــــــــــــــــ
حياك الله يالجوهره وصح بدنك وصباحك سعيد ومساك اسعد
اشوف تواجد للخيال الله يصبحه بالخير
ويصبح الجميع بكل خير وعافيه
ــــــــــــــــــــــــــــــــــــــــــــــــــ ـــــــــــــــــــــــــــــ
مع المطر جاء للعصافير لجه
والورق مع رش المطر مالهن صوت
وانا بعد مشاعري مستلجه
ويطق باب الفكر طاريه ويفوت
له يستبيح ويشغله دون حجه
يطلع كروت مغيبه داخل كروت
وهواجسي مع بوصلتها توجه
لشيٍ معاويل الزمن شاتته شوت
مثل الرشاش اللي تقفته عجه
من جاه قبل وبعد هالعج مبهوت

[خيال مطير]

الجو غيم وينتظر طلة الشوق ..
الا يابعد كل البشر في عيوني ..

قوم وخل نظرتك للسماء فوق ..
شوف جنون الغيم يشبه جنوني ..

[الجووهره]

مسآء الخير
وأمطآر الخير

كريم يا بـرق سـرى يشعـل اشعال
‏بـرقٍ السحـاب اللـي ترازم رعـوده

‏ناض وتلالا وأمطـر الـمــزن همال
‏والجو منعش فيـه غيم وبــــروده

‏وسالت نفود العرق وسهول وجبال
‏كـل الـديار بفضل ربي وجــــــوده
‏ِ

[الجووهره]

أبيآت وندآء للغآيبين منذو مبطي


إذا سرى البرق في أكناف أرضهم
‏أقول من فرط شوقي ليتنِي المطر

‏فأيـن الأحـبـة لاحــس ولا خــبـر
‏ألم يحنوا؟ أما اشتاقوا؟ أماذكروا

‏عـودوا إلي كما كنتم فعـودتـكـم
‏تحيي الفؤاد كما يحيي الربا المطر
‏

[ناصر الهواوي]

ارحب يالخيال هالبيتين عن معلقه صح لسانك او سلم ذوقك
حيا الله الجوهره رائعه الاوله والثاني الله يحفظك
دخلت ابي اشوف من موجود واسعدني تواجدكما
وقلت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
مع حضور مراقبه مع مستشار
وما لفوا به من تسالي رايعه

النعاس اللي غزا العينين طار
بالتسالي قطعوا ذرايعه

دله وبراد شاهي حول نار
والذوايق للقوافي جايعه

الـ قمر فكري حواليهم مدار
كل همٍ غير همه بايعه

وتعترض سود الليالي بالمسار
لو توجه معه جاته فايعه

سببن للمد بالوصل انحسار
لايعه تقفي وتقبل لايعه

وبس هههههههههههه

[ناصر الهواوي]

يقول سم وبالدسم ذوب السم
ومذاق سم مغاير لطعم سمه

ماهيب تدخل غير راسٍ منسم
حروفها والفاظها مستسمه

وكلمة غلا بقت مجرد مجسم
منظر حلوا من مر به لد يمه

لشاربه هو ما هقيته يدسم
ولمقابله ما يدهنه لو تلمه

كان الجفا خفيف قبل يترسم
عن بعد ما ذقناه لكن نشمه

واليوم له في كل وجه اتوسم
واثر الهجر عضيد له وابن عمه

[خيال مطير]

حضرة خفير السجن لو غبت معذور
خلاص انا فيه متكيف لحالي

يعني على هـ الباب ما انتا بمجبور
ما عاد به مصلوح لا لك ولا لي

ابا اتمشرق واتراكا على السور
واجر موالي واغني والالي

سيان عندي بالهجيني ومجرور
من الطفش ابارفع الصوت عالي

لا الشاعره مرت ولا جاء ابو منصور
وابطا فتى جده وراع الجبالي

حتى رحيل اللي هنيا لها دور
من ننشده يقول ياهملالي

ولا سجع قمريه ولا صوت عصفور
في موطنٍ موحش من الناس خالي

كافي كذا ياهجس وافي ومشكور
ونستني واسعفتني بالتسالي

صح لساك يالامير

///////////////////////////////
ظرووف طال عمرك

[ناصر الهواوي]

اهلا يالخيال وصح بدنك
ــــــــــــــــــــــــــــــــــــــــــــــــــ ـــــــــــــ
خيال انا ودي اطلع فكي لي بابه
فك الدرايش ع شان القسم يتهوا

وهات ابو منصور لو حظ السجن جابه
واستدرجه بالهوين وكلبشه جوى

قسم النساء فيه حط الشاعره يا به
اكيد ما فيه مانع تنسجن حوى

دعها تلاح الحمام اتجيب ما جابه
لا شالت الصوت عالي يسمعه هوا

يمكن يرد القصيد ويبدي عجابه
على عجل او برد العلم يتروى
وبس ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــ

[شاعرة نجد]

السلام عليكم ورحمة الله

طابت اوقاتكم واسعد الله مسااكم
وصحت السنتكم وذوائقكم ودام تواجدكم

وصح لسانك يـ الهواوي على هـ الروائع والابدااع
واول شي لو دريت انك ساجني مادخلت ههه
ثاني شي مايصير شاعرنا تسجن 2 متى صارت
وتوك كافلني وش هـ الظلم ههه
يعني ماراح انسجن هههه
دور ابومنصور والله يعينه

وسلمت ودمت,’’

[شاعرة نجد]

اهلا بشاعرتنا وصح لسانتس والله يسعدتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
مرحبا ما وده موده وما صاح شاوي
وما غطا روس الجبال الصباح من الضباب

يوم حقق للبشر ربهم كل المناوي
واكتست بالعشب جرد الصحاري والهضاب

وزان بدع القاف في كل ممطورٍ خلاوي
وفوق جمر السمر ياحلو تقليب الكباب

الشوى ريحه يجي مع هبوب النود ضاوي
برد لو خلوه مكشوف ما جاه الذباب

ولسجايا الربع يالشاعره مانيب غاوي
بالربيع وبالدهر ما يكبون الغياب

بالمدن والا الخلا النت موجود ورهاوي
بكل مية متر لبروجه تشوف انتصاب

مقدمه للهجس لو كان للرجعه يراوي
لقافه اللي ما يخليه لو شاب الغراب

لمن تشابه عينه بلونها عين النداوي
وجيد خشف روعه بالفضاء زيلة عقاب
وبس هههههههههههه









الله يصح بدنك ويصح لسانك شاعرنا المبدع

بالمدن والا الخلا النت موجود ورهاوي
بكل مية متر لبروجه تشوف انتصاب

قسم بالله يـ الهواوي مافي مخيمنا نت هههه
وان وجد ضعييييف جدا هههه
وبعدين الكتابه عـ النت تبي تفرغ يـ شاعرنا

لاهنت على هـ المجاراة الكايفه النايفه
تقديري لك,’’

[شاعرة نجد]

يقول الهواوي ياخفير السّجَن جب نجد
وحط الكلبشه في يديها وكلبشها

وانا اقول ياوجدي على العَدْل واهْله وجد
وابي حاكمٍ فـ امْر القضيه يناقشها

[شاعرة نجد]

تسليه.....

مالي ومالك واتخذ ما بدالك
والحمد لله غصب مالك ومالي

سبحان من غيّر مع الوقت حالك
وابشّرك غير مع الوقت حالي

بـ الامس كانت متعتي في وصالك
واليوم فحت ورحت وارتاح بالي

ياطير ياللي لابغيت وطرالك
طاري,تْحلق في فضاا الجو عالي

عطني جناحينك وابردّها لك
واعطيك عنها بس كم يوم شالي

بـ أعيش فالجو وبـ احلق بدالك
في خاطري حاجه بـ اهاجر لحالي!

[ناصر الهواوي]

اهلا بشاعرتنا وصح لسانك ختى ترضين
الهدف الرئيس من العمليه تحقق/المشاركه والدرر هههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
انا اقول ما به فرق بين الورق والورق
كامل بالتطابق بين رسمه وتاثيره

ابـ بيض الورق يجر القلم لا حكمة الطرق
وذولي نوحهن يستهدف القلب ويثيره

يدعن جفن من قلبه خضر في دموعه غرق
لا اوحاه يتمنى ما حصل بينهم جيره

يمسي يسرق الغفوه بعد ما سمعهن سرق
من حوله جلوس بديره و سارح بديره

[خيال مطير]

https://www.r111n.com/t41397.html

من الارشيف

[ناصر الهواوي]

معلومات وطرح رائع يالخيال تشكر عليه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
ياحارس السجن تكفى شرِّع ابوابه
ودرايشه خلها للريح مفتوحه

تلقى ليا اصبحت فيه يغني ذبابه
مادم مابه لهم جيه ولا روحه

لو ذيب صدري عوى به عارف اسبابه
الراعبي في ونينه نقض جروحه

ابا آصل اصفر بلدهم واتمشى به
وحمام طلح الشعيب ابا انصت لنوحه

الحي مظلم عبوس الوجه لغيابه
ونظارته بعد من به شد مشيوحه

اولا لي اطلع منه واحزانه اولا به
لو كان مالي عنه لاضقت مندوحه

[شاعرة نجد]

مساء الخيرات والمسرات
وصح لسانك شاعرنا وصح بدنك
ولاهنت على هـ الروائع,
الويكند لاتحسب عليه ماحولك احد
الخفير مهمل ورحنا ورجعنا ههه

لاهنت خيال

وسلمتم ودمتم,’’

[شاعرة نجد]

^
^
سجنتنا لاهنت واليوم هونت
وين الضيافه لا تأخر علينا

ماصد منها الا الردي,لا,مهوب انت
هات التسالي وابعث الانس فينا

بزنزانتي يومين فيها ولابنت
ضيقه,سهر,يوم البشر نايمينا

إيه ابغني لاجرى وقتي وشنت
واسمع تسالينا ولو ماسلينا

وش كنت قبل أيام واليوم وش كنت
هي هكذا الدنيا عسى الله يعينا

خيال سكر كل الأبواب لاهنت
طاب السجن وانا وهجسي بدينا !

[ناصر الهواوي]

خفي علينا شوي تكفين يا بنت
امس العشي زعله زمرتي علينا
قلتي ما سوى هالسوايا سواك انت
مالك بهذا حق واطلق حدينا
وقلت لخفير السجن قم واسحب برنت
وفك الشروق تروح واربط يدينا
وحقك علي ما اغادر السجن لو سنت
جمال لثقال الحمول ارتكينا
واخذت غفوه جالسٍ حيث ما كنت
واوحيت قرقعتك هناك ووعينا

[شاعرة نجد]

^
^
رووعه يالهواوي وصح لسانك ههه
أبيات عـ الطاير..


طلبت قاضي للقضيه ولاصار
حكم القوي ماضي بحال الضعيفه

ودخلت زنزانه ومن غير مـ اختار
أحيان يمشي المرء من غير كيفه

نزعل ونرضى بس نرضخ للاقدار
نعيش صافي الوقت ونْعيش حيفه

ماصار صار وهات من عذب الاشعار
نعم سجينه عندكم بس ضيفه

ضيفه تبي شعْرٍ تناقَلْه الاخبار
من روعته تروى القلوب الرهيفه

[شاعرة نجد]

طفح كيل المشاعر واستفزت صادق الوجدان
ونوى طير الغلى من ضيقته يكفخ بجنحانه

وتشاكت ساير أعضاء البدن من لوعة الحرمان
وتباكت للمشاعر من شمال الشوق بردانه

ورعد غيم العيون وهلّ ماه وسيّل الوديان
وفرض صمت الظروف القاسيه حكمه وسلطانه

[شاعرة نجد]

جو الـسـجـن راايـــق وجــــوي مـعـكــر
يالـيـت جــوي يـ اهـــل الـسـجـن رايـــق

وأكـتـب شـعـر عـــن خـاطــري واتـفـكـر
كيف الهجوس يرووح بي في دقايق

واســري مـعـه لــو بــاب بيـتـي مسـكـر
يالـيـتـهـا بــعــض الـمـســاري حـقــايــق

يطـلـع شـعــاع الـشـمـس وانـــا اتـذكــر
ماذقـت حـلـو الـنـوم والـصـدر ضـايـق

[شاعرة نجد]

من مذكرتي
أبيات ومجاراة من الاخ والشاعر عبدالله بن طلال
الله يرحمه صاحب الخلق الكريم

أنا

وش عـاد وش عــاد يـابـر النعيـريـه
وش عاد لو ذا المخيم فاخر وُراقي

وش عــاد لــو كــل شــي مْـوفّـرٍ لـيـه
ماغـيـر نـجـد العـذيـه شــف خـفـاقـي

نجديّـه وُخالقي..لـو عـشـت شرقـيـه
عجزت لـ أسلا وعيّى الجو ماراقـي

هـبـوب هـبــي عـلــى روح الشـقـاويـه
عسـى بـراادك يْطفّـي لاهـب أشواقـي


عبدالله بن طلال

الله يـــســـامـــحـــك يــــالــــريــــح الــشــمــالـــيـــه
وش فـــيـــك هـبّـيــتــي وبـعـثــرتــي اوراقـــــــي

مـــــداي بـــيـــن الـــريـــاض لـــيـــا الـبـجــاديــه
و أثــــر الــعــرب روّحــــو وانــــا هــنــا بــاقــي

فـــزّيـــت كـــنّـــي حـــرامـــي شـــــــاف دوريّـــــــه
وبـغــت تـحـطّـم ظـلـوعـي وإنـكـسـر ســاقــي

ياهاجسي .. وش علامك علّه و عيّه؟
ازريـــت لاتـشــرح الـلــي داخـــل اعـمـاقـي!

[ناصر الهواوي]

اهلا بشاعرتنا وصح الله لسانك الى مالا نهايه والله يرحم ابو مشعل رحمة واسعه وجميع المسلمين البارح نوك صدوق وبارقه حقوق الله يديم عليك العافيه ويبعد عنا وعنك الضيق
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

الليله ياهجوس الشعر جار الخيل بالميدان
شف الشقراء تقود الخيل بالمضمار بطرانه

لها هجسٍ يصوغ القاف قادر من حجر صوان
وهذا ما جعلها تنسجن بالظلم من شانه

وانا ما ابيك ياهجسي تكرر لي ما كان وكان
تحرك في محيطك واترك اللي راح وازمانه

حلاويه ومراراته وما يعطيه والحرمان
وما اضحك به وما ابكى به وما زانه وما شانه

اركنها جنب الابهر واضف فوقه شرشف النسيان
لكن ما فيك صملة جاش تدفع صوب نسيانه

ياكود الحظ يقحص ويتهيا من جديد اعوان
يشد اللي تضعضع بالكيان ويسند اركانه

الا ياوجد حال اللي ما خفى بين حدبه بان
بقى الاسم الرباعي والسجل رقمه وعنوانه

[خيال مطير]

أسفي علىٰ بنت الكرام أراها
بلباس فاسقة تتيه خطاها

مالي أراها تقتدي بخليعة
وتذوب في أفكارها ورؤاها!

باتت تظن العري يرفع قدرها
يحكي ثقافتها لمن يلقاها

في نصف متر أقبلت وكأنها
بنت الكهوف بفقرها وعناها

أ ترىٰ المصانع أقفلت أبوابها
أم أن سعر المتر قد أعياها؟

أم هكذا شاءت شياطين الهوىٰ
فتفننت في نزع ثوب حياها

ويكاد يقتلني الشعور بأننا
مُسحت هويتنا وضاع سناها

ما إن بيوت الغرب تطلق صيحة
إلا وبنت المسلمين وراها!

يا بنت خير الناس أنتِ عليّةٌ
هل يتبع الأعلى خطا أدناها؟

أنسيتِ والقرآن يتلىٰ أن من
يتتبع الأهواء يعصي الله!

في قلب أمك من لباسك غصةٌ
ذبلت لكثرة ما بكت عيناها

وأبوك لو يدري لمات فُجاءة
ينهىٰ النساء وبنته ينساها!

زيدي جمالك يا أخية بالتقىٰ
قد أفلحت من [ثوبها] تقواها

وتشبّهي بالصالحات لتنعمي
بالأمن في الدنيا وفي أُخراها

[ناصر الهواوي]

يامساء النور والبللور والسرور
ارحب يالخيال وسلم نقلك
تسليه للجميع والسجينه العاصفيه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
لك على الذاكره في كل شي الا
اربع حروف عيا المخ ينساها

يجي رده بلم و لا مع كلا
يكسر الخاطر بـ ونات بتلاها

كل ما قلت له عهد الجهل ولا
والزمن كل غاياتك تمالاها

من امانيك ما بقا وما خلا
قال مهما حصل هالحاجه ابغاها

وبس

[شاعرة نجد]

اهلا بشاعرتنا وصح الله لسانك الى مالا نهايه والله يرحم ابو مشعل رحمة واسعه وجميع المسلمين البارح نوك صدوق وبارقه حقوق الله يديم عليك العافيه ويبعد عنا وعنك الضيق
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

الليله ياهجوس الشعر جار الخيل بالميدان
شف الشقراء تقود الخيل بالمضمار بطرانه

لها هجسٍ يصوغ القاف قادر من حجر صوان
وهذا ما جعلها تنسجن بالظلم من شانه

وانا ما ابيك ياهجسي تكرر لي ما كان وكان
تحرك في محيطك واترك اللي راح وازمانه

حلاويه ومراراته وما يعطيه والحرمان
وما اضحك به وما ابكى به وما زانه وما شانه

اركنها جنب الابهر واضف فوقه شرشف النسيان
لكن ما فيك صملة جاش تدفع صوب نسيانه

ياكود الحظ يقحص ويتهيا من جديد اعوان
يشد اللي تضعضع بالكيان ويسند اركانه

الا ياوجد حال اللي ما خفى بين حدبه بان
بقى الاسم الرباعي والسجل رقمه وعنوانه

















وانا ما ابيك ياهجسي تكرر لي ما كان وكان
تحرك في محيطك واترك اللي راح وازمانه

حلاويه ومراراته وما يعطيه والحرمان
وما اضحك به وما ابكى به وما زانه وما شانه

اركنها جنب الابهر واضف فوقه شرشف النسيان
لكن ما فيك صملة جاش تدفع صوب نسيانه


اركنها جنب الابهر واضف فوقه شرشف النسيان
اركنها جنب الابهر واضف فوقه شرشف النسيان

رووعه يالهواوي رووعه
الله يصح لسانك ويزيد ابدااعك

تقديري للشعر الكايف,’’

[شاعرة نجد]

أسفي علىٰ بنت الكرام أراها
بلباس فاسقة تتيه خطاها

مالي أراها تقتدي بخليعة
وتذوب في أفكارها ورؤاها!

باتت تظن العري يرفع قدرها
يحكي ثقافتها لمن يلقاها

في نصف متر أقبلت وكأنها
بنت الكهوف بفقرها وعناها

أ ترىٰ المصانع أقفلت أبوابها
أم أن سعر المتر قد أعياها؟

أم هكذا شاءت شياطين الهوىٰ
فتفننت في نزع ثوب حياها

ويكاد يقتلني الشعور بأننا
مُسحت هويتنا وضاع سناها

ما إن بيوت الغرب تطلق صيحة
إلا وبنت المسلمين وراها!

يا بنت خير الناس أنتِ عليّةٌ
هل يتبع الأعلى خطا أدناها؟

أنسيتِ والقرآن يتلىٰ أن من
يتتبع الأهواء يعصي الله!

في قلب أمك من لباسك غصةٌ
ذبلت لكثرة ما بكت عيناها

وأبوك لو يدري لمات فُجاءة
ينهىٰ النساء وبنته ينساها!

زيدي جمالك يا أخية بالتقىٰ
قد أفلحت من [ثوبها] تقواها

وتشبّهي بالصالحات لتنعمي
بالأمن في الدنيا وفي أُخراها

في قلب أمك من لباسك غصةٌ
ذبلت لكثرة ما بكت عيناها

وأبوك لو يدري لمات فُجاءة
ينهىٰ النساء وبنته ينساها!

نص هاادف من ذهب,ينقصه اسم شاعره
تسلم خيال عـ النقل الجزل

لاهنت,’’

[شاعرة نجد]

تسليه من روحي لـ روحي,,,

هجوس السجينه لاسرى الليل صال وجال
تدندن ورى القضبان ويجيب مافيها

تمنّى مهنّا لاسحب كايف الموال
وغنّى بصوتينه عليها قوافيها

**********

ياليل ماجتني على الكيف ياليل
حتى ولو حاولت ماجت بكيفي

ياما بصدري كثر مـ احط واشيل
مـ عاد تفرق من شتايه وصيفي

كنيت لين ابليت وادميت بالحيل
قلبي وجبت الكارثه ياوليفي

زرعت بستان الامل بـ التعاليل
وربّع,وحطيته بلحظه خريفي

هونك علي ماني بقد البهاذيل
حتى ولو سليت بالهجر سيفي,’

[ناصر الهواوي]

ياصباح الخير ع الجميع
ارحبي يانجد وصح الله لسانك درر وابداع قد تجاوزتيه(مبطي)ههههه
وصح بدنك ولاهان راسك
ماعاد انا كافلك بعد هالعذبات
ولا عاد انا ناشدٍ لا عن رحيل ولا الغامدي ولا الجوهره ولا غيرهم الله يسعدهم ويسعدنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
سرى للسعف مع ذا الهواء البارحه تصفيق
وسرى هاجسي يلعب على حلو تصفيقه

وسرى الفكر من عندي وانا اغفي ونوب افيق
ونوى القلب يسري يطرق الحدب واتعيقه

تلافت همومي مع خلول الضلوع اتويق
لها فوق صدري ثقل ما ظني اطيقه

تسبب قلق وارهاق نفسي ونشفة ريق
لها فعل وحشي لو تبدت لنا انيقه

[خيال مطير]

في قلب أمك من لباسك غصةٌ
ذبلت لكثرة ما بكت عيناها

وأبوك لو يدري لمات فُجاءة
ينهىٰ النساء وبنته ينساها!

نص هاادف من ذهب,ينقصه اسم شاعره
تسلم خيال عـ النقل الجزل

لاهنت,’’

منــــــــــــــوره شا عرتنا

القصيده للشاعره السعوديه الاحسائيه ليلى العصفور

[ناصر الهواوي]

ميه الا واحد الحاضرين الآن ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
لا والله الا سرح الفكر لبعيد
وانا انتظر وش معه قرر يعيده
يريد له علمٍ/لهالعلم ما اريد
كم قلت له ما راح ما عاد اريده
ما شفت من ما فات غير التناكيد
انا اعتبر فرقاه فرصه سعيده
ترتيب الاوليات تحتاج تجديد
حتى المسار يصير بالحيل سيده

[خيال مطير]

صح لســـــــــــــــــــــــــــــــــــَانك يالهواوي

من الارشيف

https://www.youtube.com/watch?v=PGOT9OVZmac&ab_channel
_______________________________

[شاعرة نجد]

ياصباح الخير ع الجميع
ارحبي يانجد وصح الله لسانك درر وابداع قد تجاوزتيه(مبطي)ههههه
وصح بدنك ولاهان راسك
ماعاد انا كافلك بعد هالعذبات
ولا عاد انا ناشدٍ لا عن رحيل ولا الغامدي ولا الجوهره ولا غيرهم الله يسعدهم ويسعدنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
سرى للسعف مع ذا الهواء البارحه تصفيق
وسرى هاجسي يلعب على حلو تصفيقه

وسرى الفكر من عندي وانا اغفي ونوب افيق
ونوى القلب يسري يطرق الحدب واتعيقه

تلافت همومي مع خلول الضلوع اتويق
لها فوق صدري ثقل ما ظني اطيقه

تسبب قلق وارهاق نفسي ونشفة ريق
لها فعل وحشي لو تبدت لنا انيقه




تبقى شاعرنا وصح بدنك
وصح لسانك على هـ الدرر ,سليت وتسليت ماقصرت, لاهنت
والسؤال عن الغايبين من طيب السائل
والظروف لها احكام

تقديري,’’

[شاعرة نجد]

منــــــــــــــوره شا عرتنا

القصيده للشاعره السعوديه الاحسائيه ليلى العصفور

النور نورك خيال
روعة القصيده تستحق كتابة اسم شاعرها
صح لسان الشاعره وسلمت ذائقتك

لاهنت,’’

[شاعرة نجد]

بيتين والا بيت والا اربع ابيات
لـ صغتها من واقعي عن قصيده

فيها من أسراري رموز وعلامات
وفيها من اخباري مواقف جديده

وفيها على صدر البدايه عبارات
مانيب من توضيحها مستفيده

يابرق ياللي دون نوك مسافات
على سناك ارسم حياةٍ سعيده

واعيشها لو بالامل بضع ساعات
وارقص على ضغط الظروف العنيده

[شاعرة نجد]

غرد الطير حول النافذه واستباح
الخفوق وطلبته ردها فـ الكفاله

لاتبعثر خفاي بسطوةٍ واجتياح
خل جرحي يطيب وكل واحد بحاله

لو يطوّل هجوسي في تماديه باح
للسجَن دور في عذب القصيد وجزاله

كان طولت في سجني نبشت الجراح
واستثارت حروفي واسهبت في خياله

وجابت العيد لين ابريق الاشواق فاح
فوق جمرٍ عليه القلب تطبخ دْلاله

ياخفير السجن لابان نور الصباح
افتح الباب من باب الحكم بالعداله

انتهت مدة المسجون سلم وراح
قل لـ ابوعبيد عجل هات واحد بداله

[الجووهره]

سلام عليكم
وهلا بكم
ماشاء الله على الابدآع والجزاله
شاعرنا الهوآوي ، شآعرتنا المبدعه
صحت الالسن ودآم الابدآع

وخيالنا يعطيك العافيه
ويسلم الذوووووق.

[ناصر الهواوي]

صباح الخير للجميع
الله يغربل عدوك يالخيال رائعه الشيله انا ما والا بلاش هههههههههه
شاعرتنا صح لسانك مدد بلا عددع الاول والتاليه
الجوهر عليكم السلام ورحمة الله وبركاته وصح بدنك وكلك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
اكتب على الكيبورد ما امليه يا بهام
وياهجس ساعد من تمالاه همه

عايش على هالالف والميم واللام
وجاء من محاهن وارتفع ضغط دمه

لو ما يجي للطيف في نومه المام
ومعه عبق طيبٍ من اول يشمه

كان الرواسي قد بكوا له من العام
ومن هو يوده قد نفض منه كمه

من الغضب عليه صب الجفا جام
والصبر غار من التوجد مجمه

نومه كوابيس وخثاريق واحلام
وبصحوته طاريِّه اكبر مطمه

وبس ههههههههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
خفير السجن حط الجوهره لو ما عليها ذنب
نبطشيه على باب السجن ما هيب مسجونه

وانا ابا ادخل وابا اطلع واتسمع للقصيد العذب
واجاري ما اسمعه ويجوز لي بالطرق ولحونه

بوسط السرب ابا اغني ونوب اصير برا السرب
وابا احذف السهم يم الهدف لو طاح من دونه

[خيال مطير]

صحت الالســــــــــــــــن جميع

يالله ياجهير .. جيبي قهوتك. وغداكِ وفطورك وقشك كله

[ناصر الهواوي]

الذكي ينحاس فكره ليا سمي غبي
والغبي لو قيل يالعبقري يحدث خراب

يلعب بعفشه على عيون من عنده يبي
يقتنع في وصفهم له ولا يحسب حساب

ان ولد الضبع لو زان ما يصبح ضبي
والعجاج اكيد ما يشبه بحال الضباب

[الجووهره]

صحت الالســــــــــــــــن جميع

يالله ياجهير .. جيبي قهوتك. وغداكِ وفطورك وقشك كله

ابك لااه
على قولة العتبان
ههههههههه

الهواوي قال نبطشيه
يعني سيكورتيه ههههههههه
مو مسجووونه
وأنا تحت أمركم
شاعرناا وخفيرناا. اللي تبون

[ناصر الهواوي]

ابدا ما انتي مسجونه انتي قائم مقام خفير
(ابك) نعم هذي ماركه مسجل
اما (لااااه)لي عليها تحفظ هههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
انا رهين المحبسين المسمى
تنفيذ حبس وحبس مع وقف تنفيذ
بسجن الرموش مقيم يالربع لما
يطلق صراحي دون ما اقرأ التعاويذ
وبسجنكم هذا عليه اتطمى
ولها تتمه

[ناصر الهواوي]

مريت باب السجن ما شفت جره
من البارحه ما مره انسٍ ولا جن

وذي عادتي لـ اصبحت وامسيت امره
وان غبت يوم اليوم الآخر له احن

من جيتي له ما لحقني مضره
ولا احسِّب لمنقود هنَّه ولاهن

يالورق جر الصوت هالحين جره
نوح وونين ومعك ابا انوح واون

ما احد لفا لي بالخبر عنه مره
خطر علي يالوق من فقده انجن

فقد الغلا يالورق لو ذقت حره
عضيت اصيبعك الصغير بلا سن

[ناصر الهواوي]

الصمت عن بدع التماثبل نعمه
ياهجسي الليله ما ابي منك قيفان
مزاجي ونفسيتي مستسمه
الناي ماله كار في حفل صقهان

[شاعرة نجد]

طابت اوقاتكم
وصح لسانك شاعرنا المبدع
ودام تواجد المتواجدين

تقديري,’’

[شاعرة نجد]

تسليه لـ السجين والزوار,,,,

https://i.pinimg.com/originals/fc/55/1f/fc551f87583eace095defe8dc26d9c2b.gif

تهز الذكريات القلب لين تْزيد دقاته
وتومي بالمشاعر مثل غصنٍ فـ الهوى يومي

تغيّرنا وغيرنا الزمن ماحدد اوقاته
مرات أقول خير ومرّ اكاد اشقق هْدومي

هدير الموج ياللموج روعه صوت صفقاته
يهيض خاطري لاجيت له والصدر مكتومي

وشكيت وجبت ماكنيت فـ البُعد ومشقاته
وفضفضت ونقضت جْروح من وجدي ومفهومي

ياحلو الموج لو يصعب على المعجب ملاقاته
الا السباح لامن رااح يطفح فيه ويْعومي!

[ناصر الهواوي]

صح بدنتس شاعرتنا وصح لسانتس على هالعذبه وهذي عاداتس
لاهنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
خلاني خفير السجن منذو متى وانحاش
امتِّر ليا مليت من مجلسي حوشه

صحو بس احس احيان فوق الوجان رشاش
والمس كشتي ما القى رطوبه على الشوشه

واخاف ان حولي سامعه لو نويت اجهاش
وانهى خاطري عن عبرةٍ فيه واهوشه

هل الساحل ان ضاقوا تنصوا رمال الطاش
وهل البر سيرتهم على الضلع منقوشه

الا وا هني من له على الصبر صملة جاش
بين القلب عنده والعقل ما يجي هوشه

الاوضاع لو قارنتها مع سواها ماش
ذا معناه لو حللتها ضعت بالطوشه


وبسهههههههههههههه

[ناصر الهواوي]

من الماضي
ياخيال انا بي رعب مـا ادانـي التهديـد=خويـك وعـودك وش علامـك اتهددنـي
من الشعر ازيدك بيـت قدامهـن رعديـد=رموش النواعـس سلهمتهـن توعدنـي
علامـك اتابعـنـي ومــن ذاك وش تـريـد=ضدي كنت والا كان قصدك اتساعدني
توقـع بنفـسـك يابـطـل لاتجـيـب العـيـد=انـا مـع مهنـا غــازيٍ كــم سـنـه قـدنـي

[خيال مطير]

صح الله الســــــــــــــــــــــــــنتكم جميع

يقول الهواوي

يالقايمه كم بك حذفت من الارقام
وكم قلت يامرحوم من ذا برقمه

دنيا برايرها تغطيها الاسقام
كم خيِّر لصكاتها صار لقمه

امقيم ومسافر لحالي من اعوام
وليا طفشت افر بلجيب دقمه

اشغله واضرم على الطرقه اضرام
ليا زاد في قلبي من الوجد سقمه

للقافيه والقاف بي صاير عرام
الباركر يظرس على البوك زقمه

للقاف يلهم فكري لهجسي الهام
واعدها رحمه ولاهيب نقمه

[خيال مطير]

تقول شاعرة نجد



لا لاتسافر ترى ماللسفر داعي=لاعااد يوم السفر,لاعااد طاريّه

أضيق وتْضيق بي والقلب يلتاعي=لاشفت لك ياشريكي عـ .السفر نيّه

ودي اسافر معك والوقت ماطاعي=حكمه علي صاار,لاروحه ولاجيّه

تَحْكُم ظْروفي علي وتَلوي ذراعي=شف دمع عيني على خدي مواريّه

لازم حبيبي تشوف الحال وتْراعي=مشاعري في غيابك نارها حيّه

يموت شمعي وشمع الود ولاّعي=يحرق خفوقي وانا ماشيّ فـ .ايْدَيّه

بينك وبين الزمن ياعارف اوضاعي=لَـ .اروح ويروح باقي عمري ضْحيّه

ضحية فْرااق,حَرّ اشواق,واوجاعي=خلاص كاافي,قسم بالله مافيّه,

[خيال مطير]

وتقول شاعرتنا



ياطير قلّه مانبيها التكاليف=يكفي التواصل لاحصل منه كافي
بغيت امرّ بْديرته حسْبة الضيف=مرور لو ماهوب للقلب شافي
مرور غيمة وصل بين المواليف=في برقها تصوير ودّ احترافي
لحظة لقاا عجله ولكن على الكيف=في جو ممطر بالغراام وخرافي
على النقاا ماحاشها الكذب والزيف=قصة غلا بين الضلوع النحافي
والحظ قصّر,ماحصل فيه تشريف=سبّة غبارٍ ثار والجو صافي
وياذيب لاترقاا بروس المشاريف=على قنيبك كم صحَى جفن غافي
عوااك لو بعده من السيف للسيف=يِظهر صداه مْن المعاليق قافي
قلبك قوي وانا ترى قلبي رْهيف=اللي خلقنا حط فيه اختلافي
خلاص بانت مانبي زود تصريف=يمشي القدم في رغبة القلب حافي,

[ناصر الهواوي]

ارحب يالخيال وصح بدنك ونقلك ولاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
من سج وقت النهار يضيق صدره لــ ضوى الليل
ومن قبل قالوا ما جاء بالليل يمحاه النهارا

ذا موجز ومختصر واسمع وانا اعطيك التفاصيل
عن ما يصير الليالي ذي وما قد كان صارا

مريت قبل امس باطلال سقتهن الهماليل
اثارهن باقيه؟حاولت منهن اتثارا

انشد واجاوب على نفسي بنفسي بالتماثيل
ايلين ما اشوفه من اثار بالظلمه توارا

وسمعت صوتٍ يقول ارهقت نفسيتك بالحيل
قلت اشكرك ما اخبر في هالبلد لي مستشارا

ولحديث ذو شجون لكن بعدين ان شاء الله
انا معزوم على زواج في نفي
وانت يالخيال خير خلف لخير سلف ههههههههههههه

[خيال مطير]

ماعاد يرجع ماضي العمر لافات
إلحق على باقيه وإجمع شتاتك

طول الأمل يطوي من العمر صفحات
وعوارض الاقدار تملأ حياتك

لازم تحط لـ طيشة النفس وقفات
عشان ماتنساق خلف أمنياتك

إحرص على ماينفع النفس بالذات
وأكثر من الطاعات وأحفظ صلاتك

وأكثر من التسبيح في كل الأوقات
حتى مع الأيام يقوى ثباتك

( مرضي المراني�)

[ناصر الهواوي]

الله صباح خير لا شر فيه ع الجميع
ارحب يالخيال وتسلم على المواعظ الطيبه صح لسان شاعرها وسلم ذوق ناقلها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
بين الثلاث القلم يرسم بليا قصد توقيع
ونيم المشاعر ليا شاف الخطوط يقوم واعي

لهالرسمه سنين يالخيال ما تحصى واسابيع
الذاكره للسنين الفايته تلوي ذراعي

ربيع عمر وربيع ارض الجبل والحزم والريع
على الجفا يوم ذكاه الوفا تبكي نواعي

سماحةٍ بالكلام وبالشرا والسوم والبيع
ما للصلف والتلف واللوم بين الناس داعي

[ناصر الهواوي]

102 زوار الا انا هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
مادام الميه زوار وانا المستضيف اليوم
يالخيال شب النار واحمس ودق الحب

ان ما ضِيفوا ها الكم منا ياعيب الشوم
لو ان البخل يا حارس السجن ما به طب

لو فنجالها عذب القوافي وذا معلوم
من رسلان هاجوس الشعر للحبيب يصب

درها للضيوف بكف مبدع عداك اللوم
بها طف شوقٍ بين حدب الضلوع اشتب

طرا ما طرا له عقب ما اغفى وطار النوم
وقربت المغربل للمغربل وقلت اركب

وتحرك وشلت الصوت لو ساعد البلعوم
بموال ما ظنيت موحيه له يطرب

مريت الشعيب ولي طرا عهدنا المرحوم
لو ان منظره من عقب من كان به مرعب

[ناصر الهواوي]

ممممممممممممممم
دارٍ خلا ما كنهم دوجوا به
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
كل ما ادخل قسم وليا آخر اسم اسمي ولا مر زول
ترجمة هالحكي من قال شطر البيت في جوه لحاله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
صحو بدر اربع وعشر اكتمل في حلته=ليت هـ الليله سمانا ملبد بالغيوم
لجل تحجب عن عيوني صفاه وطلته=كود ما تذكر شبيهه ولا تهنا بنوم
عنه تفرق في سبيب اشقرٍ لافلته=ورمش خرسٍ للقلوب الخضر يرسل سهوم
ليتها يوم خذته بالرضا ما خلته=لكل شامت يشمت وكل لوامه تلوم
اغرته مده وسيف الجفا له سلته=خالفت في فعلها للقواعد والسلوم

[الجووهره]

مساء وصبآح الخيير
وصحت الالسن والاذوآق
ودآم الحضور والابدآع

و
ترآنا على خبركم ولو دآرت الأيآم
تغير توآريخ السنه ما تغيرنااا

،،،،

الخيـره احيان ، تاتي لك بما تـكره
‏والنفس لولا الأمل يا ويش يحييها
‏،
‏احسن ظنونك بـ ربك وانتظر بكره
‏بتشوف ما يسعد عيونك ويرضيها

،،،،

يازارع احلامك على برق ماضيك
‏الماضي اقفى واصبح اليوم ذكرى

‏ماودي اكسر خاطرك في هقاويك
‏لاشك ابعطيك الخبر وانته ادرى

‏ان كان زرعـك ماتعلـه سوانيك
‏وقتك دهر وفياض الاحلام قفرى

‏قبل العنى حاول تحدد مساريك
‏ماكل ليلــه من ليــاليك قمـرى

،،،،

نمشي على النيات وقلوبنا بيض
‏وربي على حـسن النوايا رزقنا
‏.
‏ما نخلف النيه ولا نحمل الغيض
‏ولا نخضع الا لله اللي خلقنا


وبس والله

[الجووهره]

والله بالي مشغول جدا
على رحوووله طال غيابها
مو عوايدها. عسى مانعها خير
ان شاء الله

[الجووهره]

يارب صبحـــنا بخيـــر وسعادة
‏وافتح لنا بالرزق كل باب مقفول

‏


صبآح الخير والسعآده

[الجووهره]

يقوول

‏شح لـكـن خــل شحك بالكلام
‏جود لـكـن خـل جودك بالعطا

‏رد لــكــن خــل ردك باحــترام
‏يعني لا تخطي ولا ترضى الخطأ

[شاعرة نجد]

السلام عليكم ورحمة الله

صح بدنك يـ الهواوي وصح لسانك
ولاهنت على هـ الابدااع والامتااع والحضور الفاخر

وصحت ذائقتك خيال ولاعدمنا منقولك
وشكرا عـ نقل مقتطفاتي ماشاء الله عليك مدري من وين تجيبها
والله اني ناسيتها ههه

وصح ذوقك جوهرتنا ولاعدمنا تواجدك العذب
وسلمتم ودمتم,’’

[شاعرة نجد]

كل ماجاب الهواوي من جديده فـ الرواسي
هيض الخاطر ورجعني على بدع القصيد

كم نويت وكم طويت مْن الشعر وغْناهـ ياسي
بـ اعتزل واحفظ كتاب الله واتابع من بعيد

جابني صوت الهواوي,ردني وصبيت كاسي
من زلال القاف لين يْذوب حسي والجليد

من جروحي وعذب بوحي من حماسي من حْساسي
العبي يـ حْروف شعري من مـ اريد وما اريد

أطربيني وسعي صدري وتاجي فوق راسي
أفتخر لامن لعبت وجبت من درٍّ فريد

فضفضي واشفي مواجع خاطري واجلي عماسي
المشاعر ساخنه لو جوّنا بردٍ شديد ,

[خيال مطير]

شاعرة نجد[/COLOR];617573]كل ماجاب الهواوي من جديده فـ الرواسي
هيض الخاطر ورجعني على بدع القصيد

كم نويت وكم طويت مْن الشعر وغْناهـ ياسي
بـ اعتزل واحفظ كتاب الله واتابع من بعيد

جابني صوت الهواوي,ردني وصبيت كاسي
من زلال القاف لين يْذوب حسي والجليد

من جروحي وعذب بوحي من حماسي من حْساسي
العبي يـ حْروف شعري من مـ اريد وما اريد

أطربيني وسعي صدري وتاجي فوق راسي
أفتخر لامن لعبت وجبت من درٍّ فريد

فضفضي واشفي مواجع خاطري واجلي عماسي
المشاعر ساخنه لو جوّنا بردٍ شديد ,



صح لســــــــــــــــــــــــــــــــــــــــــــَانك شاعرتنا

[خيال مطير]

تســــــــــــــــــــــــــــــــــــــــــليه

https://www.alriyadh.com/media/thumb/02/0c/330_d0576e5412.jpg


يطربني المسيار بأرض خلِيّه

دار الحيا شوق الرجال الطحاطيح

ياجعلها للسيل صبحُ وْعشيّه

من وبل همّال المزون المراويح

من وبل وسميّ ٍتظافت رفيّه

ولا صافقنّه عاتياتٍ من الريح

وإليا إستقل وصار للمزن فيّه

يهل عبرات السحايب مشاويح

وينهل من غز المزون بْرِديّه

بسيلٍ يجرّح صامل الارض تجريح

ويمطر على هاك الفياض العذيّه

ويطلع زهرها مثل نور المصابيح

ويسوق له راع الغنم والمطيّه

بعد علوم أهل الوجيه المفاليح

شعر: صنداح الزلامي

[خيال مطير]

تٍٍٍٍٍٍــــــــــــــــــــــــــــــــــــــسليةة
أحسـد مرايتــها

https://www.alriyadh.com/media/thumb/91/ee/330_28ae25a2b4.jpg



أنا الذي تايه برمظا مـحبـتها

ليلة سطى في ضلوعي خنجر الغيره

أغار من مشطها إن عانق جديلتها

وجمّ الغرام الذي ياما وردت بيره

وأغار من عطرها وزاهي قلادتـها

وسواد نقشٍ عجزت أقرى تفاسيره

وأغار من كحلها وأحسد مرايتها

وأغار من قلبي، وآماله واساطيره

أخشى على رمشها من غدر طرحتها

وخوفي على خدّها من رموشٍ امغيره

وعلى جسدها أنا أخشى من عبايتها

وماطا قدمها تـهذري به مشاويره

أكره سجون الغرام وطول غيبتها

أبيها ظلي وناسي وربعي والـجيـره.

ماجد سليمان

[ناصر الهواوي]

يا مساء البرااااد والاسعاد
ــــــــــــــــــــــــــــــــــــــــــــــــــ ـــــــــــــــــــــ
اهلا بشاعرتنا وبشعرها العذب الرائع
الاسبوع 7ايام وليالي
ليله بيومها او بدونه خليها صدقه علينا والباقي كرسيه لحفظ القرآن الكريم والله يوفقك
ارحب يالخيال ولاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
الجو عليه لا عجه ولا هو ضباب
مير انتبه لا تصيبك رميةٍ طايشه


تقديم هـ البيت او اعتبره لنا فك باب
مداخل الشعر مقفوله ودرايشه

اكيد في معهده حنا بطور انتساب
طلاب لبداعهم نقراه ونعايشه

لتوسيع صدرٍ بساحاته تعاوى الذياب
وقلبٍ نسليه مخلاب الجفا حايشه

حتى اصبح يغبط في فل الجناح العقاب
ويفز للذكر مثل اللي وطا هايشه

ان قلت في يوم من مابه تشاوا وطاب
ناشه من الشرق لــ هب الهواء نايشَه

[ناصر الهواوي]

حلو الرجا و الأمل مطلوب والفال زين
مع هـ الثلاثه تضل نوفوسنا هانيه
بس انتبه للتشاؤم شر والياس شين
من امتطاهن تحطم نفسه بثانيه

[شاعرة نجد]

سلام عليكم

صح بدنك خيال وصح بدنك ناصر
ولاهنت على هـ الفاخرهـ وصح لسانك
وتسلم عـ البيتين الاخيره من ذهب

وسلمتم ودمتم,’’

[شاعرة نجد]

من مذكرتي

قلت....

علـى بسـاط الريـح يأخذنـي الطيـف
خـاويـت ظـلّــه يـــوم حـظــي دعـانــي
يوم ارتفعنا صار جوي على الكيف
الطقس رووعه والهـواء شكـل ثانـي
من جد أسولف مو مجـرد تخاريـف
مــدري عـلـى ويــن الخُـرافـي خـذانـي
مدري بسماء نجـد العذيـه أوجنيـف
نـســيــت روحـــــي يالله المـسـتـعـانـي
فـوقـي مـزابـيـر الـسـحـاب الـمـراديـف
والاعــــب الـهـتــان لامــــن غـشــانــي
وأكتب بعيده عن عْيـون الملاقيـف
وأجــــــرّ مـــوالـــي عـــلـــى مــاطــرانـــي
جـولـه رهـيـبـه مـاتـجـي بالتـواصـيـف
أحـلــى لـيــال الـعـمـر والـعـمـر فـانــي
والحيف كل الحيف ياحيف ياحيـف
صحـيـت ليـنـه حـلـم وآنـــا مـكـانـي!!

******
قال الهواوي....

ياهـجـس عطـنـي كـــان مـافـيـه تكـلـيـف
قـاف الـمـغـنــي يـاهـجـوســي شـجــانــي
غـنـت بــه الـلـي مـاتـبـي مـنــك تـعـريـف
مـــن جـــود طـــاروق الـقـوافــي شـعـانــي
الــحــلــم يــابــنــت الـــرجــــال الــعــواريـــف
فيـضٍ يجـي مـن غيـض بيـن المحانـي
لو ما انجلى كما انجلى ناشي الصيف
يـمــديــه بـــــك عــــــدا جـــبـــل تـركـمــانــي
تـلـفــي عــلــى الـنـايــم ركــابــه مــراديــف
ونــوبٍ يـجـي فـــوق العـسـيـبٍ العـمـانـي
زيــــارتــــه مــــــــره مــعـــاتـــب وتــعــنــيـــف
يضيـق فــي مــن يلـفـي علـيـه المكـانـي
ومـــره حـنــون يـلـطــف الــجــو تـلـطـيـف
صـمـتـه دفـــيِّ ومـــا نـطــق بـــه تـهـانــي
ودك يــجـــي بـمـنـبــه الــوقـــت تـطــويــف
يـنـفـعـك لــــو تـبـقــى مــعــه لــــو ثــوانـــي
سبحـان مـن هـو عالـم بكنـه هالطـيـف
نــيــم ومــعــه يـنـقـلـك فــــي جــــو ثــانـــي

[شاعرة نجد]

http://78.media.tumblr.com/359c22d486674115fdb0c01bb6894a4c/tumblr_mv2jar006q1r2quduo1_400.jpg

ولّي حمامه فوق غصنك تنوحين
وشوقك معك وانا بعيدٍ وصاله

ثرتي المشاعر ليش وش تستفيدين
بالله روحي واكسبي بي جماله

يـ هاجسي كن لي من الشعر عامين
متهيّضه والجو نشّاا خياله

البارحه مالجلج النوم فـ العين
فيني ولَه يصعب علي احتماله

يزين وقتي بعض الاحيان ويشين
والصبر طال وحالة القلب حاله